حيرة في اختيار تخصص هندسة

[abobakr]

انا ليا ابن خالي زي اخويا هوا المفروض يتخصص السنة دي في هندسة جامعة الازهر

وهوا متاح له التخصصات دي

نظم حاسبات ومعلومات

عمارة

تخطيط عمراني

كهربا اتصالات

كهربا باور

ميكانيكا انتاج

ميكانيكا باور

هوا بيقول افضل قسم تعليمي في جامعة الازهر اقسام الميكانيكا بس هوا مش ميال ليها

كنت عاوز اعرف ايه الاحسن له من ناحية المستقبل المهني

[م تيمور المراغي]

عماره

وعيش برنس طول عمرك

[Alshiekh]

انا ليا ابن خالي زي اخويا هوا المفروض يتخصص السنة دي في هندسة جامعة الازهر

وهوا متاح له التخصصات دي

نظم حاسبات ومعلومات

عمارة

تخطيط عمراني

كهربا اتصالات

كهربا باور

ميكانيكا انتاج

ميكانيكا باور

هوا بيقول افضل قسم تعليمي في جامعة الازهر اقسام الميكانيكا بس هوا مش ميال ليها

كنت عاوز اعرف ايه الاحسن له من ناحية المستقبل المهني

قسم الميكانيكا هو أبو الهندسة

لكن المهم هو يميل لأيه؟

وأعتقد أنه طالما عقليته هندسية ، فكل الأقسام جيدة بشرط وجود الطموح لأن هناك مهندسين بيحبوا يبقوا موظفين.

[م تيمور المراغي]

اللي يقول لك ميكانيكا قول له ربنا يسامحك :happy:

ادخل عماره و حتدعيلي

[عبد الله غريب]

كل أقسام الهندسة ممتازة ..

موضوع إنه عاوز مجال يلاقي فيه شغل بعد التخرج فنصيحتي قول له ما يفكرشي خااااااالص بالطريقة دي لأن الأهم هو إنه يكون ناجح في المجال اللي اتخصص فيه و داه مش هيحصل إلا إذا كان بيحب القسم داه من جواه مش علشان بيسمع إن مجال الشغل فيه أوسع بعد التخرج لأن دي نظرية ثبت فشلها فزمان كان هناك بعض الأقسام هي المشهورة عند الناس و بقية الاقسام لا يعترف الناس او لا يعطون أصحابها قيمة كبيرة .. لكن الزمن مر و نظرة الناس اتغيرت في القسم اللي كان الأشهر و مجال العمل دلوقتي مبقاش زي ما كان و تغيرت نظرة الناس مرة تانية و كذلك اتسعت فرصة العمل لأقسام كان الناس مبتعترفش إن اللي يدخلها أصبح مهندس .. و هكذا ستستمر العجلة في الدوران .. فأحسن حاجة ممكن يعملها و دي بجد نصيحة مهمة مني له و هي :

إنســـــــــــــى الشغــــــــــــل خالص و متشغلش نفسك بيه دلوقتي و انت بتختار القسم اللي عاوز تتخصص فيه .. تاثرك بعنصر هل هتلاقي عمل بعد التخرج أم لا حيعطل عقلك عن التفكير الصحيح في اكتشاف موهبتك فين ... إشغل عقلك دلوقتي ف حاجة و احدة فقط لا غير و بكرر لك دي فرصة مش بتتكرر .. يعني اللي حتختاره دلوقتي حيأثر على بقية حياتك .. دور على الشئ اللي بتحبه أكتر من جميع الأقسام و إذا لقيته أوعى تسمح لفكرة هل حلاقي شغل فيه تاثر عليك و لو بمقدار عُشر الواحد في المية.

بس خلاص .. عقلك ف راسك و الله يوفقك للقسم اللي فيه خيرك في الدنيا و الآخرة .. آمين.

كلمة أخيرة: نبوغك في أي مجال هو اللي حيديلك أولوية في العمل بعد التخرج و حيخليك تلاقي الشغل اللي تتمناه و يحققلك أحلامك و فوق كداه حيكون الشغل اللي انت بتحبه فحتقدر تدي فيه و تتفوق على الجميع .. سبب تفوق أي مهندس في عمله هو إنه يكون بيحب اللي بيعمله .. المهندسين كتير بس 95% روتينيين .. ال 5% الباقيين هما دول اللي بيحبوا عملهم كانه هواية مش كأنه عمل روتيني مجبرين عليه .. فكن واحد من هؤلاء ال نوابغ .. و هما دول الأمل لأنفسهم بتحصيل مكانة مرموقة و لبلدهم لأنهم بيكونوا خير سفراء ليها ف أي مكان .

[abobakr]

شكرا يا جماعة على النصايح دي

وفعلا انا معاكم انه المفروض يختار اللي هوا يميل له

لكن مشكلته انه عاوز يعرف مستقبل الشغل للاقسام

[Hesham Zaki]

كهرباء اتصالات او نظم معلومات

[عنبو]

بص هو فيه حاجه مهمه قوى لازم يعرفها ان الدراسه شىء والنجاح فى الشغل شىء تانى خالص مش شرط انه دخل قسم مطلوب فى سوق العمل انه يلاقى شغل ومش شرط انه يلاقى شغل انه ينجح فيه ويبدع فيه لان النجاح فى اى شغل يتطلب مواصفات خاصه ليس ليها علاقه بالدراسه فى الكليه اذا توفرت فيه هينجح سواء كان مهندس او طبيب او ......الخ والحاجات دى ممكن يتعلمها

رأى يدخل ميكانيكا بور شغلها كتير وسهل انه يلاقى شغل بدون واسطه او معارف كبار

تحياتى

عنبو

[abdulmuttaleb]

اتصالات ونظم معلومات وكهرباء مش بطالين ده قطاع بينمو في العالم كله وبيحتاج ناس، ومش بقول ده عشان ده تخصصي

مدني كمان له فرص كويسة وفيه فرصة أنه يستقل بمكتب خاص به بعد اكتساب الخبرة مثلا، وإن كان ده متاح كمان في التخصصات الأخرى للعمل كاستشاري

بس اوعى تخليه يمشي ورا كلام المهندس أركتكت عشان ده راجل ثورجي والمشي وراه مش مضمون:)

إلا لو قريب حضرتك له ميول ابتكارية وبيحب يرسم ويتخيل وكان شاطر في الرسم في ابتدائي

المهم على فكرة يا جماعة من الكلية أو التخصص، المهم إنه يتدرب في كل إجازة، وإنه يحضر المحاضرات والسكاشن ويقرأ في المكتبة الجامعية في المراجع، ويحرص على التدريب والعمل في الصيف ويحضر المؤتمرات أو المناسبات ذات الصلة اللي بتنظمها الجامعات والكليات في هذا الصدد زي يوم المهندس المصري أغسطس كل عام مثلا

على المدونة هنا موضوع عن التخطيط والتطوير الوظيفي

Career Plan & Development

http://jobs-hr-cv-career.newegyptconsulting.com/2010/01/blog-post.html

أنقل من الرابط أعلاه المقطع التالي

"

لذلك ضروري الأسرة تتعرف على رغبات الابنة أو الابن، وميوله، واحتياجاته وطموحاته، وهو حابب يكون زي مين، وليه، وازاي يوصل لمكانته ومستواه العالي، والأهم ح يحتاج لايه عشان ينجح ويتفوق، لأن مش معقول شاب حابب علوم حاسب والآي تي ويدخل الكلية وفاكر إن العملية مذاكرة كتب ومراجع وخلاص، لأ لازم عملي وتدريب صيفي وقراءة خارجية ويجرب يعمل موقع، ويجرب يصمم قاعدة بيانات، ويتعامل مع الناس ويكون لديه لغة إنجليزي وأكثر من لغة برمجة، إنما يدخل الكلية وينام طول الخط والصيف لعب وشورت وكاب ح يواجه صعوبات لا حصر لها، فلازم من الأول يعرف إن كل كلية وعليها التزامات لازم تنفذ لكي يتفوق فيها الشخص.

فيعني فكرة Dual Career دي موجودة ومتاحة وتشكل حلا رائعا لجميع الأسر، وأنا شخصيا لي زميلات خريجات زراعة وآداب فرنساوي كانوا معنا في الماجستير وكانوا يعملون في مجال HR في شركات بالإسكندرية، وبعضهن انتقلن لشركات موارد بشرية متخصصة بعد الماجستير.

ما أقصده ألا يحصر الإنسان نفسه في أنه آداب قسم اجتماع طيب ح أشتغل ايه أو ح أروح فين،لأ فيه مسارات وظيفية عديدة تجعل المستقبل أمام الشخص في عدة تخصصات وأماكن أرحب بكثير من تخصصه الجامعي الأصليّ.

"

أما في هذه التدوينة فتحدثت عن اختيار الكلية أو المعهد وخواطري حول هذا الموضوع:

http://jobs-hr-cv-career.newegyptconsulting.com/2010/01/blog-post_4562.html

[عبد الله غريب]

دور على الشئ اللي بتحبه أكتر من جميع الأقسام و إذا لقيته أوعى تسمح لفكرة هل حتلاقي شغل فيه تاثر عليك و لو بمقدار عُشر الواحد في المية،

بدون التفكير في سوق العمل بالمرة،

نصيجة من الآخر لا تستجيب لأي عوامل أو أسباب ممكن تخليك تدخل قسم دراسته غير نوع الحاجة اللي انت بتحبها بجد و بتستريح أكتر و انت بتعملها أياً كانت الأسباب،

و الرزق مكتوب،،،

إشغل بالك باللي عليك .. و اترك اللي مكتوب ما تشغلشي بيه بالك .. صدقني .. لازم تنجح في إنك تجبر نفسك في المرحلة دي على إنك ما تفكرشي في الشغل بعد التخرج .. و تفكر بس إزاي تكتشف إيه هي الحاجة اللي حتكون مستمتع أكتر و انت بتعملها .. خصوصاً إنك و لله الحمد هتتخرج بإذن الله من كلية الهندسة .. و داه في حد ذاته يعطيك جزء من الإطمئنان ليس بقليل،

فدلوقتي إنت عندك فرصة تقعد و تركز و تشوف إنت أكتر حاجة بتحبها و بتهواها .. و ركز على بتهواهاااااا دي قوييييييي،

مثلاً هل انت من الناس اللي ممكن تقعد على الكمبوتر 12- 16ساعة؟

هل بتحب تفتح الكمبيوتر و تشوف إزاي الهارد ديسك مرتبط مع اللوحة الأم؟

هل لما بتقابلك أي مشاكل في الكمبيوتر بتدور على أي حد علشان يحلها لك و لا لازم تحلها بنفسك، أو على الأقل تحللها و تعرف سببها و بعدين ممكن أي حد يصلحها لك لو مكنشي عندك الوقت أو الأدوات؟

هل جربت تغير الهارد أو شرائح الذاكرة بنفسك؟

هل لك تجارب أو ميول في مجال تحليل المشكلة و توقع الاسباب و تجربتها و الوصول لسببها الحقيقي، و معرفة طريقة حلها؟ (مش لازم تحلها المهم عرفت سببها و طريقة حلها).

هل استخدمت لغة برمجة أو برنامج اتصال يحتاج لقراءة و تركيز في كتب علشان تقدر تستخدمه و صبرت و قرات كتير لغاية ما كتبت البرنامج و اشتغل و حليت مشاكله و استقر عمله؟

لو إجابتك بصفة عامة في الاسئلة اللي فوق دي .. أو أي أسئلة إضافية لها علاقة بالحاسب الآلي و علومه مثل لغات البرمجة و أنظمة التشغيل يبقى انت بتحب المجال داه، و ساعتها حكون مستغرب انت ازاي بتسأل !!

و معنديش شك إنك انت اللي حنقرر بنفسك تدخله لأنك بتحبه و مكنتش حنسأل حد لأنه مجال معروف و مشهود بأهميته و كمان انت بتحبه، أما لو بس عاوز تدخله علشان سمعت من معظم الناس إن داه هو أحسن مجال تلاقي فيه شغل بعد التخرج في حين إنك مغرم مثلاً بـ:

فتح غطاء السيارة و معرفة كافة أجزائها و إصلاح بعض عيوبها الدقيقة بنفسك (مش مثلاً تملأ الراديتير ميه) لأ العيوب التي تحتاج (لفك و تركيب) و تذكر طريقة الغك و النجاح في إعادة التركيب و إعادة كل شئ كما كان، أو مثلا كنت و مازلت بتحب لعبة الميكانو اللي فيها فك و تركيب و ابتكار و بتحب تصلح معظم الآلات بنفسك و مش بتكره البنزين و ريحته و الزيوت و الشحم و بتشوف إن داه مناس و بتحب تشتغل بإيدك يبقى الميكانيكا باقسامها. و يا سلام لو قدرتك على التخيل و الرسم في الثلاث أبعاد كانت كويسة .. يبقى شئ عظيم جداً علشان رسم مناظير للأجزاء الميكانيكية داه عالم ... آخر.

إنت حدد بتحب إيه و ان كان على الشغل فحتلاقي كتير بيقولك أي حاجة لها علاقة بالحاسب لأنه لغة العصر بس بإخلاص أنصحك تدخل القسم اللي بتحبه بجد .. و بجد معناها إن يكون في فارق كبييييير بين حبك لقسم عن قسم آخر اما لو كنت ما عندكش ميول زائدة لأحد الاقسام عن غيره هنا بس ممكن تاخد بالنصائح العامة حول أكثر الاقسام مجالاً في سوق العمل.

تم تعديل 30 سبتمبر 2011 بواسطة عبد الله غريب