لماضة مصرية جدا بتاريخ: 16 أكتوبر 2011 تقديم بلاغ مشاركة بتاريخ: 16 أكتوبر 2011 السلام عليكم و رحمة الله و بركاته ليه بنزعل بعض؟؟؟ و لا ليه بنزعل من بعض؟؟؟ لا اصلها تفرق الحقيقة....(وش اي حد موظف بيشتغل في الارشيف) لو الاولانية يبقي كده دي حالة تلبس يا دكتور يعني حد قاصد يزعل التاني مع سبق الاصرار و الترصد...(هنا بقي وش اي محامي مبتديء) و دي معتقدشي ان اي حد قاصدها....لان ببساطة كل واحد في حياته اللي هي بعيد عن الشاشة اكيد عنده لسته طويلة اوي من الحاجات اللي يقدر يزعل منها و عليها التانية...ليه بنزعل من بعض و ده اغلب الافتراض اللي حضرتك تقصده وجهة نظري المتواضعة جدا بنزعل من بعض لما بنخش في حوار انا بسميه بنلبس في الحيطة يعني تفضل مداخلة ورا التانية تجرنا.....لغاية ما احنا الاتنين نلبس في الحيطة...و ساعتها لازم نزعل من بعض...(الله مش هي الحيطة بتوجع برضه و لا لا) في الكلية اتعلمنا انك لما تيجي تقرا مش بس تقرا الكلمات جنب بعضيها انت بتقرا ازاي الكاتب بيبني الفكرة بتاعته و بتتطور طبعا ده سهل جدا لما تكون بتقرا مقالة واحدة لكاتب واحد بيحاول يستعرض فكرة واحدة لكن تعالي بقي في حالة المنتدي يعني كل شخص داخل بفكرة....و بيعبر عن ده في مداخلة...و بعدين يتقاطع معاه اتفاقا او اختلافا شخص اخر ساعتها حاجة من الاتنين....يا هتفضل المداخلات تبقي عاملة زي لعبة البينج بونج...رايح جاي...جاي رايح لغاية ما حد يجيب التاني تثبيت اكتاف...(و في الحالة دي انا بعتبرها قمة العنف في الحوار) يا اما الاتنين يلبسوا في الحيط مين بقي الرايق اللي قاعد ع جنب و بيتابع كل ده.....(انا سعادتك..شريرة انا صح) لاني بحب اشوف الحوار اصلا...اصلا بيتبني ازاي يعني الموضوع بيبتدي ازاي...تطوره بيوصل لغاية فين....قمة الصراع...(في الافكار) بتوصل انهي نقطة...و ازاي يتم اللبس في الحيط او الخروج منها و ده اللي اقدر اقوله لحضرتك علشان لا تزعل من حد و لا تزعل حد ارسم لنفسك خط....او فكرة انت عايزة توصل ليها من خلال الحوار و ركز علي الفكرة دي لو حسيت ان الحوار بيتبني بشكل انت نفسك بتتعلم منه و بيضيف لافكارك جديد...يبقي ميت فل و اربعتاشر لما تحس ان الحوار هيلا بيلا رايح بيك لحيطة سد....يبقي اعمل ستوب و جيب مارشيدير و ارجع بالعربية و غادر الموضوع فورا صدقني عمر ما الحوار هيخلص لكن المحك الحقيقي....كام فكرة قدرنا نثري بيها الحوار و كام سؤال انت قدرت تساله لنفسك و ينكش دماغك لكن هنفضل نخرج من حيطة و نلبس في التانية صدقني...هنفضل نقول.....آي....و دماغك انت اللي هتوجعك مش حد تاني طولت علي حضرتك بس عجبني التوبيك و اه مساحة فضفضة ووجهات نظر صباح حضرتك......حوار....يبني لقدام...و يا رب ميلبسشي بينا في حيطة...قول آمين...(هاااقولت....سمعاك ع فكرة) اقتباس رابط هذا التعليق شارك المزيد من خيارات المشاركة
الدكتور ياسر بتاريخ: 16 أكتوبر 2011 كاتب الموضوع تقديم بلاغ مشاركة بتاريخ: 16 أكتوبر 2011 (معدل) السلام عليكم و رحمة الله و بركاته ليه بنزعل بعض؟؟؟ و لا ليه بنزعل من بعض؟؟؟ لا اصلها تفرق الحقيقة....(وش اي حد موظف بيشتغل في الارشيف) لو الاولانية يبقي كده دي حالة تلبس يا دكتور يعني حد قاصد يزعل التاني مع سبق الاصرار و الترصد...(هنا بقي وش اي محامي مبتديء) و دي معتقدشي ان اي حد قاصدها....لان ببساطة كل واحد في حياته اللي هي بعيد عن الشاشة اكيد عنده لسته طويلة اوي من الحاجات اللي يقدر يزعل منها و عليها التانية...ليه بنزعل من بعض و ده اغلب الافتراض اللي حضرتك تقصده وجهة نظري المتواضعة جدا بنزعل من بعض لما بنخش في حوار انا بسميه بنلبس في الحيطة يعني تفضل مداخلة ورا التانية تجرنا.....لغاية ما احنا الاتنين نلبس في الحيطة...و ساعتها لازم نزعل من بعض...(الله مش هي الحيطة بتوجع برضه و لا لا) في الكلية اتعلمنا انك لما تيجي تقرا مش بس تقرا الكلمات جنب بعضيها انت بتقرا ازاي الكاتب بيبني الفكرة بتاعته و بتتطور طبعا ده سهل جدا لما تكون بتقرا مقالة واحدة لكاتب واحد بيحاول يستعرض فكرة واحدة لكن تعالي بقي في حالة المنتدي يعني كل شخص داخل بفكرة....و بيعبر عن ده في مداخلة...و بعدين يتقاطع معاه اتفاقا او اختلافا شخص اخر ساعتها حاجة من الاتنين....يا هتفضل المداخلات تبقي عاملة زي لعبة البينج بونج...رايح جاي...جاي رايح لغاية ما حد يجيب التاني تثبيت اكتاف...(و في الحالة دي انا بعتبرها قمة العنف في الحوار) يا اما الاتنين يلبسوا في الحيط مين بقي الرايق اللي قاعد ع جنب و بيتابع كل ده.....(انا سعادتك..شريرة انا صح) لاني بحب اشوف الحوار اصلا...اصلا بيتبني ازاي يعني الموضوع بيبتدي ازاي...تطوره بيوصل لغاية فين....قمة الصراع...(في الافكار) بتوصل انهي نقطة...و ازاي يتم اللبس في الحيط او الخروج منها و ده اللي اقدر اقوله لحضرتك علشان لا تزعل من حد و لا تزعل حد ارسم لنفسك خط....او فكرة انت عايزة توصل ليها من خلال الحوار و ركز علي الفكرة دي لو حسيت ان الحوار بيتبني بشكل انت نفسك بتتعلم منه و بيضيف لافكارك جديد...يبقي ميت فل و اربعتاشر لما تحس ان الحوار هيلا بيلا رايح بيك لحيطة سد....يبقي اعمل ستوب و جيب مارشيدير و ارجع بالعربية و غادر الموضوع فورا صدقني عمر ما الحوار هيخلص لكن المحك الحقيقي....كام فكرة قدرنا نثري بيها الحوار و كام سؤال انت قدرت تساله لنفسك و ينكش دماغك لكن هنفضل نخرج من حيطة و نلبس في التانية صدقني...هنفضل نقول.....آي....و دمتغك انت اللي هتوجعك مش حد تاني طولت علي حضرتك بس عجبني التوبيك و اه مساحة فضفضة ووجهات نظر صباح حضرتك......حوار....يبني لقدام...و يا رب ميلبسشي بينا في حيطة...قول آمين...(هاااقولت....سمعاك ع فكرة) آميين :happy: في الحقيقة يا أخت ريهام ..لاأخفيك سرا أنك من الأمثلة الحية في الحوار الراقي الغير منفعل في هذا المنتدى .. و أنا في الحقيقة في هذا التوبيك كنت أنوي ضرب بعض الأمثلة الإيجابية لبعض الأخوة الأفاضل مثلك .. ولكنى تراجعت خشية أن أثير حفيظة البعض الآخر. اتضح هذا جليا في نقاشي معك بالأمس في موضوع الشيخ محمد حسان .. فبالرغم من اختلاف وجهة نظرى معك إلا اني لم أشعر بأى ضيق أو غضب من هذا الحوار و احترمت رأيك .. لأنك تعرضيه بشكل راق وهادئ ومحترم وهذا هو مقصدي الأساسي من فتح هذا التوبيك .. في الحقيقة لاأريد إحباطك :) .. فأنا أقصد المعنى الأول ليه بنزعل بعض ؟؟ فأنا لو زعلتك سواءا بقصد أو بدون قصد فلا يحق لى بعد ذلك أن أسألك ليه زعلتى ؟؟ بل أبحث في كلامى و لهجتى عما أثار حفيظتك و غضبك .. أنا أظن بالأخوة هنا خيرا .. فلا أعتقد فعلا ان هناك من يتعمد إيذاء الآخر بالقول .. و لكن هذا أيضا لا يعد عذرا كافيا .. خصوصا أنه قد يتكرر أكثر من مرة .. صدقينى وانتى ست العارفين ..هى العملية فقط محتاجة لترويض للنفس ليس إلا و الكريم لا يستوفي حقه كاملا .. ومش لازم أكون أنا صاحب آخر مداخلة لأفوز بالضربة القاضية أو بتثبيت الأكتاف كما ذكرت .. و أنا عن نفسي أفضل الإنسحاب من الحوار الغير مجدى الذي يتحول من حوار إلى جدال حاد و تراشق بين طرفيه.. شكرا لك .. تم تعديل 16 أكتوبر 2011 بواسطة الدكتور ياسر اقتباس وَاتَّقُوا يَوْمًا تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لَا يُظْلَمُونَ رابط هذا التعليق شارك المزيد من خيارات المشاركة
الدكتور ياسر بتاريخ: 17 ديسمبر 2011 كاتب الموضوع تقديم بلاغ مشاركة بتاريخ: 17 ديسمبر 2011 إيه يا جماعة اللى بيحصل بينا النهاردة دة ؟! إيه كمية الغلط اللى بنغلطوا في بعض دة ؟! ليه سهل نخسر بعض بالشكل الغريب ده ؟؟! حين فتحت هذا الموضوع لم يكن كم التجاوزات وقتها بيننا يساوى 10 % مما يحدث الآن , أعلم تماما أن الوضع في مصر الآن على حافة الإنفجار , وأعلم أن آراءنا في ما يحدث مختلفة و متباينة . نختلف في تحديد المسئول عما يحدث , ولكن هل الإختلاف في الرأى يؤدى إلى كل هذا الكم من التشاحن و السباب ؟ ماذا أنتم فاعلون حين تهدأ الأوضاع في مصر وتعود إلى نصابها؟ كيف ستصلحون هذا الشقاق الذى حدث هنا ؟ أفيقوا بالله عليكم . لن ينصلح الحال في مصر بتشاجركم هنا. فمصر تحتاج إلى ما هو أكثر من ذلك بكثير . اقتباس وَاتَّقُوا يَوْمًا تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لَا يُظْلَمُونَ رابط هذا التعليق شارك المزيد من خيارات المشاركة
Recommended Posts
انضم إلى المناقشة
You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.