عتاب على اعضاء منتدى محاوات المصريين

[hazem tawfik]

السلام عليكم ورحمة الله وبركاته

احب ان احيى كل من اعطى معلومة لوجه الله الكريم

بس انا لى عتــــــــاب كبير على الاعضاء القدام الى مأسسين المنتدى بمواضيعهم الحلوة

ان انا مش شايف اى مرجع لاى مسافر جديد يعنى معلش فى اللفظ ( مفيش موضوع مثبت مفيد وعليه العين)

بصراحة اغلبيتها مواضيع مرصوصة بمشاكل واحد ( مشكلة خاصة ومش عند كل الناس )

يعنى انا مثلا

مسافر جديد وعاوز اعرف اعمل ورق ايه ادخل وادور من اول ما المنتدى عمل موضوعات عشان ربنا يكرمنى انى اصادف حد كاتب كلمتين تلاته؟؟؟؟ طيب والله مش حرام البهدلة دى انا شايف ان فى ناس خبرة وبقالها سنين ممكن تغذينا بمعلومات جامدة؟؟؟

مثلا ايه المهم الى الى واحد محتاجه يعرفة قبل ما يسافر ؟؟؟؟

ايه الحياة فى السعودية فى البلاد ( البلاد هنا --- اسعار - طقس - معاملات وغيرها ) متجددة ؟؟؟

الطيران اكيد فى ناس رايحه جاية طول السنة طيران ولحد دلوقتى مش لقى ولا موضوع عن الطيران ؟؟؟( ايه الافضل - الاسعار - ملحوظات هامة ) ؟؟

وغيرها وغيرها كتير محتاجين نعرف عن البلاد اكتر يا جماعة فين بس ( سى السيد - ا / خالد شحاته وغيرهم وغيرهم ( اسف لنسيانى ذكر احد )

بجد محتاجين موضوع مثبت يكون قوى وفيه معلومات قيمة معلش انا اسف طولت عليكم

مش شوية مشاكل واتجمعت فى موضوع وخلاص اى كلام

وكمان الموقع تقيل مش بيفتح على طول فى بعض الاحيان ومحتاج المصمم يغير الاستايل القديم ده عشان بقى مش بيليك بيكم يا جماعة؟؟؟

انا اسف انى طولت فى الموضوع بس بجد محتاج يكون الموقع ده مرجع الاول زى ( المسافرين العرب - وسفار ىوالمواقع الى تمام فى السياحة دى

وكمان عاوزين منتدانا يبقى اقوى منتدى خاص للمسافرين المصريين للعمل بالخارج

بالله عليكم اتمنا تأيدونى ونلاقى مواضيع قوية

[moshtaak]

معلشى سامحنى فى كلامى الجاى

واضح ان حضرتك مكسل تبص بقة

حاول شوية صغيرة جدا تركز فى مواضيع المثبته والتى تحتوى على كل المواضيع المهمة ودليل المغترب

وللعلم هذا منتدى اى حوارات اى تكتب ويرد عليك وهكذا وليست دليل وزارة الصحه وشكرا

تم تعديل 2 أكتوبر 2011 بواسطة moshtaak

[hazem tawfik]

السلام عليكم ورحمة الله وبركاته

اشكرك اخى moshtaak على الرد ولكن حضرتك لم تفهم مقصدى وبدات بقولك كسول :huh: دون ان تفكر ماذا اريد يعنى مثلا ( تهرجل غرفتك وترمى كل حاجة فى حته وبعدين تقول عشان اتعب فى البحث عن حاجاتى ) يعنى نزول مواضيع مبسطة ومكتوبة بوضوح عن موضوع السفر للخارج ذلك كسل

طيب ليه مش نعمل زى الناس المتقدمة الى تخلى منتدياتهم منظمة وفيها الاول

( موضوع مثبت ) ( السكن فى الرياض او جده اواو...

والكل بيدخل يزودوا باماكن السكن وارقام السماسرة مثلا وغيرها والموضوع يقعد يزيد عن نفس الموضوع

مش واحد فاتح موضوع السكن والتانى الحقونى عندى مشكلة فى حاجة تانى خالص وفى نفس الموضوع؟؟؟؟؟

وانا مش بقول ده دليل وزارة الصحة ( ولكن اقصد ان يكون دليل المصرى المغترب ) كلامك اخى العزيز احبطنى كثير وان دل دل على حب الهرجلة فى المنتدى وعدم حب التطور والنظام والترتيب اذ كنت تعلم يا اخى غيرك الكثير جدد ولايعملوا

وبخصوص انى فى منتدى فاعلم اخى انى بمنتدى الكل يكتب حوارات والاخرين يردوا علية ولكن المستجد يجب علية من دليل ثم الخوض فى المشاكل

واسف جدا لفتح الموضوع جدا جدا md2:

ولكن الموقع بالرغم من اهميتة القصوى با لنسبه لى ولكن بعض اعضائة يمتازوا جدا بالتكابر وعدم الرد باسلوب راقى وذلك كثيرا ما اره فى الرد على بعض الاعضاء بعضهم لبعض ( الا من رحم ربى ) اسف جــــــــــــــــدا