احزاب الفلول تهدد العسكري باحتلال المحافظات

[Simba]

ودي النتيجة الطبيعية جدا ان ما قامتش محكمة الثورة في ميدان التحرير

واتعلقت المشانق

دلوقتي بعد ما جمعوا نفسهم ده كلامهم

هدد رؤساء 11 حزبا، الأحد، بحشد 15 مليون مواطن، واحتلال المحافظات وقطع خطوط القطارات وكابلات الكهرباء، كخطوة تصعيدية، ردًا على إعلان المجلس الأعلى للقوات المسلحة عزمه بحث إصدار قانون العزل السياسي، لمنع فلول الحزب الوطني المنحل من المشاركة السياسية لمدة عامين.

وأصدر رؤساء الأحزاب بيانًا، بعد اجتماع عقدوه في مقر حزب الحرية، أرسلوا منه نسخة إلى المجلس الأعلى للقوات المسلحة، يؤكدون فيه رفضهم فكرة العزل السياسي لأي مواطن.

وأبرز الأحزاب التي وقعت على البيان هي الحرية، ومصر الحديثة، والجيل، والمواطن المصري، والشعب

وكان الفريق سامي عنان قد اتفق مع ممثلي عدد من الأحزاب، مساء السبت، على دراسة إصدار قانون للعزل السياسي، يمنع بموجبه رموز الحزب الوطني ونوابه السابقين في البرلمان من ممارسة حقوقهم السياسية لمدة عامين.

وقال أحد المشاركين في الاجتماع، من شمال سيناء: «إحنا هانوريهم قوتنا عاملة إيه.. مش 3 أو 4 أحزاب هايمشوا مصر على مزاجهم، ويضغطوا على المجلس العسكري، لتنفيذ كلامهم بحجة إنهم يمثلون المصريين، أنا ما ادتهمش توكيل للكلام بأسمائنا».

وهدد آخر من جنوب الصعيد: «مش عاوزين نقطع كابلات الكهرباء وخطوط القطارات واحتلال المحافظات، ويبقوا يورونا الـ 15 حزب اللي راحوا الاجتماع مع المجلس هيعملوا إيه لما تخرب من فوق ومن تحت».

وقال معتز محمود، رئيس حزب الحرية لـ«المصري اليوم»: «إن العزل السياسي يعتبر إعداما للمواطنين دون ذنب»، وأكد أن «جميع العائلات والقبائل في جنوب وشمال سيناء ومطروح ومن أول أسوان وأسيوط، كانوا أعضاء في الحزب الوطني المنحل، لكنهم مظلومون ومش واخدين حقوقهم الدستورية، إلى جانب حرمانهم من الخدمات والاستثمارات، وهؤلاء يرفضون العزل السياسي، وتكفيهم العزلة طوال السنوات الماضية»، وأعرب عن مخاوفه من ردود أفعال هذه العائلات تجاه القرار.

وكشف معتز أنه سيتم تنظيم مليونية واعتصام، احتجاجًا على دعوة المجلس العسكري أحزابا بعينها للاجتماع بها دون أخرى، وقال: «رغم أنهم اعترفوا بنا وأشهروا أحزابنا فإنهم قد تجاهلونا خلال هذا الاجتماع، ولم نشارك في اتخاذ القرار، وهذا يتعارض مع مبادئ الثورة، ولذلك سنعقد مؤتمرا هذا الأسبوع لـ 500 مرشح على مستوى الجمهورية، وكل مرشح وراءه دائرة بالكامل أي أكثر من 30 ألف مواطن». وبحسب هذه الأرقام يبلغ إجمالي ما يمكن أن تحشده هذه الأحزاب 15 مليون مواطن، حسبما قال معتز.

ووصف معتز هذا المؤتمر بأنه «سيكون تحذيرا أوليا ليعرف الجميع مدى قوتنا، وأن صمتنا لم يكن عن ضعف».

وقال صلاح حسب الله، رئيس حزب «المواطن المصري»: «لا يجب أن يتبنى المجلس العسكري مطالب الأصوات العالية، التي أرهقتنا منذ اندلاع الثورة، والمجلس أخطأ، حينما اجتمع بقوى دون أخرى وأخل بمبدأ تكافؤ الفرص وإطلاق قوى لها مصالح معينة، وتقييد قوى أخرى لم يقترف أعضاؤها شيئا سوى أنهم يريدون ممارسة العمل السياسي، وتقسيم المصريين إلى نصفين»، وأضاف «نحمل المجلس العسكري عواقب ما سيحدث، فهذا يشبه التطهير العرقي ضد النواب، الذين كانوا ينتمون للحزب الوطني».

[أسد]

أعتقد أن هذا الكلام ينحصر في نظاق

الكلام الفارغ

أما لو هم عندهم 15 مليون ...

كنا حنجيب منين حبال للمشانق دي كلها ؟؟؟؟

bsh:)

[mfarag]

يا سيدى الفاضل

اذا كان بعض من يطلقون على نفسهم ثوار و مفترض فيهم انهم وطنين مصريين

يقومون بشد اطراف مصر المنهكة فعليا و لا تاخذهم بها شفقة و لا رحمة

مش عايز افراد الحزب الوطنى السابق يقومون هما الاخرون بالشد

و كل واحد يشد فى اتجاة

عشان نصيب كل واحد من التورتة

بس يا رب يبقى فية فى الاخر تورتة

[capitshino]

أعتقد أن هذا الكلام ينحصر في نظاق

الكلام الفارغ

وليه كلام فارغ

مش المجلس السمكرى هو اللى مخليهم يعملو كده

لو الثورة دى مشيت صح الناس دى كانت استخبت

على رأى صديق لى

بيقولى اكوام التراب والزبالة "اعزكم الله" بتترمى عالدائرى فى ايام معينة وعلى مسافات

ثابته . مقاولات يعنى

[wahed_masry]

السلام عليكم

اذيع هذا الخبر فقط على العربية

واطنها رسالة واضحة لمن لايفهم كي يفهم

تحياتي

[ابراهيم عبد العزيز]

اتفق مع ما تفضل به الأخ كابتشينو

وبالفعل لو كان هؤلاء قد شعروا بوجود سلطة فى مصر منتمية لهذه الثورة وتدافع عنها وأن هذه الثورة قد سيطرت على البلد وتملكت منها , لم يكونوا ليجرؤوا على مثل هذا التهديد , ليس خوفا , ولكن لأنهم سيشعرون انهم سيسبحون ضد التيار وهو ما سيهدد مصالحهم .

[Rock]

للاسف الكلام ده هيظهر مع الناس اللي في الاماكن ذات العصبيات و القبليات.

و للاسف برضه هتلاقي قرايبهم و اتباعهم و المتشددين لهم ,دول عندهم شيزوفرنيا... يعني امبارح تلاقيهم بيلعنوا عدم النظام اللي في البلد و الفقر اللي بيجتاح البلد و قلة فرص العمل و الفساد اللي ظهر علي السطح و نفسهم البلد تتغير... بس لما تيجي عند قريبهم المرشح ,يبقي تولع البلد باللي فيها

[Abu Reem]

الفلول القذرة الان دخلت في مرحلة اللعب علي المكشوف ، والتهديد بهذه الطريقة يدل على انهم غير مهتمين بالمجلس العسكري ،

وكما قال الفاضل كابتشينو ، هذا نتاج ميوعة موقف المجلس العسكري واضيف اليها مويعة القوى الثورية المختلفة التي تركت الاولويات ودخلت في صراعات ثانوية

ولكن ايضا اتفق مع الاخ / أسد. في مسألة ان هذا التصريح يعتبر نوع من الحرب النفسية فلا يمكن لهذه الفولول حشد هذا العدد ولادحتى. ربعه

ولكن في جميع الاحوال المعركة الان معركة وقت ولا يجب ابدا التأخر في اي خطوة تتعلق بتحقيق. مطالب الثورة وما تم المطالبة به في جمعة استرداد الثورة

واخشى ان يكون تسريب مثل هذا الخبر هو مقدمة لوضعنا تحت خيار اما. تطبيق الطوارئ لكي نواجه مثل هذه البلطجة من الفلول أو نلغي الطوارئ. واستحملوا بقى اللي يجرى. لكم

تم تعديل 2 أكتوبر 2011 بواسطة Abu Reem

[capitshino]

من شوية الحياة اتصلت برئيس حزب من اللى مهددين بالاعتصام واحتلال المحافظات

بيقول يا ريت ان الموضوع هيبقى اعتصام او احتلال محافظات

وبيقولها "انا جالى اتصالات من عائلات فى الصعيد بيتقول انها هتعلن انفصال الجنوب . وهتقام

دولة من اسيوط الى اسوان " !

[capitshino]

اذيع هذا الخبر فقط على العربية

للاسف الخبر منتشر فى كل مكان

والناس دى كلاب وممكن يحشدو عدد كبير ... خصوصا من المناطق القبلية .

والموضوع مش بسيط على ما اعتقد

[Abu Reem]

من شوية الحياة اتصلت برئيس حزب من اللى مهددين بالاعتصام واحتلال المحافظات

بيقول يا ريت ان الموضوع هيبقى اعتصام او احتلال محافظات

وبيقولها "انا جالى اتصالات من عائلات فى الصعيد بيتقول انها هتعلن انفصال الجنوب . وهتقام

دولة من اسيوط الى اسوان " !

نكتة حلوة ياريت الرد علي كلام اهبل زي ده يكون ،

اعلى ما في خيلكم اركبوه

- اعتقد ان كبيرهم يقطعوا طرق ويعملوا شوية قلق ، وساعتها ياريت نشوف فيهم فيديو تعذيب زي اللي كان بيتعمل في مهربي السلاح من كام يوم ولا ساعتها المرجلة مش هتظهر

[نورالعين]

الغريب انهم لسه طمعانين

بعد كل اللى نهبوه لسه مشبعوش

تعبنا والله

[محمد كيبيك]

لما حررنا سيناء سنة 1973 دفعنا الثمن غالى فما بالكم واحنا دلوقتى بنحرر مصر كلها من فلول النظام السابق اللى مش عايزين غير مصلحتهم

[capitshino]

من شوية الحياة اتصلت برئيس حزب من اللى مهددين بالاعتصام واحتلال المحافظات

بيقول يا ريت ان الموضوع هيبقى اعتصام او احتلال محافظات

وبيقولها "انا جالى اتصالات من عائلات فى الصعيد بيتقول انها هتعلن انفصال الجنوب . وهتقام

دولة من اسيوط الى اسوان " !

نكتة حلوة ياريت الرد علي كلام اهبل زي ده يكون ،

اعلى ما في خيلكم اركبوه

مش نكتة ولا حاجة

الناس دى لازم يتحقق معاها ويتعرف مين اللى قال كلام زى ده ويتعمل معاها الواجب

وما انفصال جنوب السودان ببعيد .

[Abu Reem]

النكته ياكاباتشينو انهم بيتخلوا انا ده هيحصل ضد رغبة 70 مليون لو اعتبرنا ان كل الفلول في مصر 15 مليون وده مستحيل

والسودان لم يتغير فيه النظام ولم يسقط ولذلك حدث الانفصال اما في مصر فشعب مصر لن يسمح بهذا الانفصال ، وارى ان المسألة كلها حرب نفسية وتشتيت لجهودنا ولكن لا مانع من الانتباه

- واتفق معك في اهمية اتخاذ المجلس العسكري الاجراء اللازم تجاه هذا التهديد الصريح

وده االي انا قلته، بس برده لا ننسى احتمالية ان تكون هذه المسألة تمهيدا لتبرير استمرار الطوارئ

ما احنا خلاص حفظنا طريقة تفكيرهم

ده احنا تربية 30 سنة في عهدمبارك.

[محمد حامد الغنام]

انا من وجهة نظرى ارى

ان مصر لكل المصريين

واى مصرى مهما كان انتمائة الحزبى ان يرشح نفسة فى اى انتخابات

والشعب صاحب القرار فى صندوق الأنتخابات

[احمد رضوان]

انا من وجهة نظرى ارى

ان مصر لكل المصريين

واى مصرى مهما كان انتمائة الحزبى ان يرشح نفسة فى اى انتخابات

والشعب صاحب القرار فى صندوق الأنتخابات

بس قبل ثورة يناير ماكنتش لكل المصريين ... دلوقتي بقت

[لونا]

وقال معتز محمود، رئيس حزب الحرية لـ«المصري اليوم»: «إن العزل السياسي يعتبر إعداما للمواطنين دون ذنب»، وأكد أن «جميع العائلات والقبائل في جنوب وشمال سيناء ومطروح ومن أول أسوان وأسيوط، كانوا أعضاء في الحزب الوطني المنحل، لكنهم مظلومون ومش واخدين حقوقهم الدستورية، إلى جانب حرمانهم من الخدمات والاستثمارات، وهؤلاء يرفضون العزل السياسي، وتكفيهم العزلة طوال السنوات الماضية»، وأعرب عن مخاوفه من ردود أفعال هذه العائلات تجاه القرار.

بالرغم من تأييدي لقانون العزل

و لكن الكلام أعلاه فيه نظر

فالنظام القبلي في مرسى مطروح و سيناء و بعض الأماكن في الصعيد كان بحاجة في العهد السابق للاتحاد مع السلطة

و ذلك حتى يرسخوا سلطتهم هم في وسط قبائلهم و عشيرتهم

و لذلك يجب التباحث مع هذه العائلات و القبائل و التوصل لاتفاق وسط

مثلًا باختيار أشخاص لم يسبق لهم الالتحاق بالحزب الوطني للترشح في الانتخابات القادمة

و لكن لا يجب تجاهل هذه الفئة المهمة و المظلومة

[hanzalah]

لازال المجلس السمكري يلعب معنا نفس اللعبة القذرة للحرامي المخلوع

فرق تسد

بالامس يجتمع مع 12 نطع يمثلون بعض التيارات السياسية وكأن المطالب الخمسة فيها خيار وفاقوس

وأين باقي التيارات .. لماذا لا يوجه لهم دعوة .. لماذا الانتقائية .. ثم دعوة بدون جدول اعمال ..

لدرجة ان د.احمد سعيد - حزب المصريين الاحرار - يقول لريم ماجد بالامس على الهوا

احنا تم دعوتنا وتوجهنا الى هناك ومش عارفين مين باقي المدعويين ومشا عارفين النقاش هيكون على إيه

ياراجل يانطع

بقى بالذمة ده شكل ناس بتفهم سياسة

وتروح تنبطح أمام المجلس السمكري ويقعدوا زي التلامذة في الفصل ويلطعوا إمضاءهم الكريم على ورقة وخلاص

بالذمة ده مجلس يؤتمن على ثورة ولا على بلد بحجم مصر

بتلاعبنا ياسمكري

دلوقت سايب العربية اللي امبارح كانت خبيثة وبتذيع تسجيلات المخلوع

سايب العربية تسرب صياح كلاب مبارك عشان الشعب المصري يسمعه على الملأ وعلى عينك ياتاجر

وترجع تقول اهو انتوا شايفين

مش قادر اطبق قانون العزل السياسي

بقى دي ناس تخاف ربنا ياعالم

وبعدين فين ياسمكري قانون البلطجة وقانون الطواريء وقانون البتنجان

مش مفروض يتطبق على هؤلاء الكلاب

كيف يهددون ويتوعدون وانت قاعد سامع ومطنش

مش مفروض يتقدموا للمحاكمة العسكرية

والا المحاكمة العسكرية وكشف العذرية والضرب والسحل للثوار واسر الشهداء فقط امام مسرح البالون او ف العباسية او امام محكمة المخلوع

والطبطبة والصدر الحنين يبان بس على بتوع آسفين يامخلوع وتبان الحنيه على احزاب تضم شراذم كلاب الوطني

ياشيخ اتقي ربنا فينا بقى