بين ترسيخ ثقافه الاعتصامات و محاربتها

[مغتربة]

الكل دلوقتى بيطلب من الناس انها تبطل اعتصامات و تتفرغ بقى للانتاج و التنميه

و الكل برضه بقى بيحمل الناس الى بتعمل اعتصامات مسئوليه تدهور الحاله الاقتصاديه و نقص الاحتياطى النقدى

بدايه من اعلى مستوى رسمى وصولا للناس العاديه فى الشارع

طيب ما نقرا الخبر دا و بعدين نتناقش

الحكومة تقرر رسمياً زيادة حافز المعلمين واستبعاد المكافأة

الأحد، 2 أكتوبر 2011 - 17:45

رئيس مجلس الوزراء الدكتور عصام شرف

كتب حاتم سالم

أصدر مجلس الوزراء قراراً مساء اليوم، الأحد، بزيادة إجمالى حوافز الأداء المقررة للمعلمين من 75% للمعلم المساعد إلى 125%، ومن 50% للمعلم إلى 75% ومن 25% للمعلم الأول إلى 50% بعد موافقة د.عصام شرف، رئيس الوزراء، بشكلٍ رسمى على استبعاد مكافأة الامتحانات من إجمالى الحوافز.

صدر القرار برقم 1229/2011 بتوقيع أمين عام مجلس الوزراء د.سامى زغلول وبموافقة من الدكتور عصام شرف، استجابةً لمطالب المعلمين الذين أضربوا عن العمل خلال الأسبوع الأول من العام الدراسى الجارى احتجاجا على احتساب الحكومة مكافأة امتحانات النقل من إجمالى حوافز شاغلى الوظائف التعليمية، وأمر رئيس الوزراء بنشر القرار فى الجريدة الرسمية ليبدأ العمل به.

يعنى بحق الله ازاى احنا نلوم على الناس الى بتعمل اعتصامات و هى بتشوف كدا

بتشوف ان حكومتنا حكومه رد فعل

و حكومه عشوائيه القرارات

و مبتخرجش بالقرار الا بعد الضغط عليها بالاعتصامات

يعنى الناس تطالب بحقوقها بشكل عادى

يتنفضلها و لا الهوا

تعمل اعتصام علشان حقوقها المشروعه

الحكومه تستجيب و تنفذ لهم طلباتهم

و بعد كدا ترجع تلوم عليهم انهم بيعملوا اعتصامات

طيب ما انتوا يا حكومه الى عودوهم على كدا

و عرفتوهم ان دى الطريقه الوحيده ادامهم علشان ياخدوا حقهم

طيب نقول للناس اصبروا

طيب نحط نفسنا مكانهم

نصبر ازاى واحنا شايفين ان غيرنا بياخد حقه

اسكت انا على حقى ليه

ما اعمل زيه و اخد انا كمان حقى

فكره الصبر دى ممكن لما الظلم يكون على الكل

لكن لما نشوف ان الناس الى بتتحرك بتاخد حقها تالت و متلت

و الناس الى متتحركش بيتفضلها

يبقى مينفعش اسيب حقى

لو مش علشانى يبقى علشان اولادى

يبقى دلوقتى مين الى بيرسخ ثقافه الاعتصام بدل ما يعدلها

المشكله ان كل المطالب الى قامت علشنها الاعتصامات

مطالب مشروعه و عادله جدا

يعنى لا الناس بتتلكك و لا مافوره فى طلباتها و لا بتطلب حاجه مش حقها

يبقى ليه نخليهم يضطروا يعملوا كدا علشان ياخدوا حقهم

الناس لو حست ان فيه وضوح فى الرؤيه

و ان القرارات بتتاخد بشكل منظم مش عشوائى

و بيسال اهل الاختصاص فيما يخص اختصاصهم

لو حسوا ان فى اليات محدده لتنفيذ كل مطالبهم غير الاعتصامات

اكيد مكنوش اعتصموا و لا عطلوا الانتاج و لا يوم واحد

مينفعش نلومهم لوحدهم على شيىء الحكومه مشتركه معاهم فيه

و مشتركه بالجزء الاكبر كمان

مش لازم نترك الحكومه تخلينا نقلب على بعض بسبب اخطاءها هى

زى ما كان بيحصل زمان

زى ما فيه ضغط شعبى دلوقتى على كل من يقوم باعتصام

لازم كمان يكون في ضغط مساوى فى الحجم على الحكومه لتقوم بمسئولياتها

لكن كدا بصراحه

يبقى حرام نلوم على الناس الى بتعتصم و نفضل نتخانق معاهم

مش كدا و لا ايه

[ابراهيم عبد العزيز]

لو حسوا ان فى اليات محدده لتنفيذ كل مطالبهم غير الاعتصامات

اكيد مكنوش اعتصموا و لا عطلوا الانتاج و لا يوم واحد

هذه الجملة هي زبدة الكلام يا أخت مغتربة

قنوات إيصال المظالم غائبة فى الدولة المصرية والموجود منها مسدود مما يؤدي الى الانفجار

ولو وجد المواطن هذه القنوات موجودة ستقل حالات الاحتجاج والاضراب كثيرا

لي فقط رأي فى موضوع اقرار زيادة فى حافز المعلمين : على الرغم من ان مطالب المعلمين مشروعة تماما ولكن هل مهنة المعلم فقط هى التي تلقى ظلما فى مصر ؟ بالتأكيد لا , ومعظم المهن فى مصر لا تلاقي التقدير المطلوب , لذلك اخشى أن هذه الاستجابة لمطالب المعلمين قد تفتح الباب لباقي المهن الاخرى لطلب تعديل اوضاعها استنادا على حصول المعلم على زيادة عن طريق اللجوء للاضراب والدولة المصرية لا تحتمل ذلك الأن , لذلك كنت أفضل لو طالبت الحكومة المعلمين بالعودة الفورية لأعمالهم مع البدء فى دراسة شامل لكافة الاجور فى الدولة والبدء فى تعديل الأجور جميعها عن طريق الحد الادني والحد الاعلى للأجور , وبالتالي تتم زيادة لكل من يستحق دون استثناء مهنة عن أخرى , اما بهذه الطريقة فأرى أن الحكومة تفتح باب لا قبل لها به

[الدكتور ياسر]

المشكلة أن الحكومات المصرية المتتالية اعتادت على إعطاء الوعود و العهود التى لا تفي بها ..

و للاسف توقعنا من السلطة الحالية ألا تسير على درب من سبقها في التسويف الممل و الكلام الذى لا يسمن و لا يغنى من جوع ..

و لكن بقي الحال كماكان عليه.. كلمات رنانة تطرب الآذان و لا تشبع البطون ..

و المثير فعلا أن السلطة الحالية لا تعطى إلا لمن يعتصم

و يتسبب في حدوث المشاكل و تعطيل المصالح و يتجلى ذلك بوضوح في ردود أفعال المجلس العسكري الموقر

التى لا نراها إلا في ليلة الجمعة أو صباح السبت :happy:

[ابو محمود]

المشكلة أن الحكومات المصرية المتتالية اعتادت على إعطاء الوعود و العهود التى لا تفي بها ..

و للاسف توقعنا من السلطة الحالية ألا تسير على درب من سبقها في التسويف الممل و الكلام الذى لا يسمن و لا يغنى من جوع ..

و لكن بقي الحال كماكان عليه.. كلمات رنانة تطرب الآذان و لا تشبع البطون ..

و المثير فعلا أن السلطة الحالية لا تعطى إلا لمن يعتصم

و يتسبب في حدوث المشاكل و تعطيل المصالح و يتجلى ذلك بوضوح في ردود أفعال المجلس العسكري الموقر

التى لا نراها إلا في ليلة الجمعة أو صباح السبت :happy:

نقطة نظام يا دكتور ياسر الموضوع مش جمعة وسبت الموضوع ان هناك تهديدات علشان كدة بيرضخو وممكن تراجع قرارات تنفيذ المطالب فى اى محور يوافق المجلس العسكرى كلها موافقات سياسية او لتعديل مطلب ما وليس رفع اجور او غيرة ..

كم مليون موظف بمصر وكم عدد من يعملون بالقطاع العام ونضاهيهم بالقطاع الخاص هل هناك نسبة وتناسب ؟

نفترض ان الموافقة اتت بالضغط اليس هل الوقت مناسب حتى نطلب من لا صلاحية لة انها مؤامرات او عيوب فى شخصية من يقومو بتلك الأعتصامات

بيفكرونى بالعامل الطماع يشوف المؤسسة لبتابع لها تغوص فى المشاكل بعد الثورة فيطلب زيادة اجر رغم انة يعمل ب10% من انتاج المؤسسة حاليآ لبطئ حركة دوران رأس المال ورغم ان الجميع يعرف جيدآ ان الموظفين بالدولة على جميع تخصصاتهم كانو لا يقدرون على الأعتصام ايام المخلوع بس نقول اية انتهازية وعدم تقدير للموقف

وهناك سؤال أخر القطاع الخاص هو من يتحمل العبأ حاليآ فلو انهار ستنهار مفاصل الدولة وتأكد ان هناك ايادى تعبث فى الخفاء لتعطيل الحركة وخلق مشكلات ومناغصات من اجل تأخير عملية الانتقال للمرحلة القادمة .. وابلغ دليل ما يحدث فى الحركة السياسية بدأت بالدستور اولأ وسرعان ما فشلت ومن ثم مواد فوق الدستور ومن ثم توارت ثم الطلب من الجيش ان يمكث سنتين او ثلاث ومن ثم انقلبو علية ويطالبونة بالرجوع الى الثكنات واخيرآ الفتن الطائفية كل هذا شاهد على ان من يدير الدفة يتم عرقلتة حتى ينفذ الصبر فيرجع علينا بالحكم الفردى وعندها ستجد من يقف ويسقف لة ويقول احسن ما تبقى اسلامية وظلامية وخلافة اننا نعيش فى صراع مع ثعالب وذئاب يريدون مصلحتهم فقط ولو غرقت مصر

لو كان هناك ممن يضعون مواضيع هنا بالمحاورات لة اعمال ومصالح تعطلت بمصر صدقنى كانت هتختلف ردودة ومواضيعة لكن ؟؟؟ اللة سينتصر للمستضعفين من اصحاب الاعمال التى تقترب من غلق ابوابها

ما يزعجنى حقآ هو التحامل على كل من ينادى بالتعجيل بالخروج من الازمة وكأن هذا نوع من الكفر