إشرب يا مجلس ...تعليق الدراسة في 5 كليات بجامعة عين شمس ...

[se_ Elsyed]

للأسف مش المجلس اللي هايشرب .. لكن مصر كلها اللي هاتشرب .....

والكلام ده كان معروف وواضح للجميع من شهور ....

لإن من البديهيات إن الثورة قامت للقضاء على الفساد ...

فلما نلاقي مؤسسة زي الجامعات كلها بدون إستثناء .. مازالت على قديمة .. وكل القيادات الفاسدة التي أختارها جهاز أمن الدولة لإحكام سيطرتهم على شباب الجامعات وقتل الطموح لديهم مازالت على كراسيها ... وتحجج المجلس منذ شهور ماضية بغنه لا يستطيع أن يغير القايدات دي في نهاية العام الدراسي ... وإن شاء الله في العام الجديد كل شيء هايتصلح ..... وكالمعتاد ... قام مجلس الفلول بعمل عكس ما تمناه الناس وقال لمصر كلها " طظ فيكم " الناس دي قاعدة على قلبكم ... واللي مش عاجبه يشرب من البحر ... يبقى ماذا نتوقع مع بداية العام الدراسي اللي بدأ أمس ؟؟؟؟؟؟؟؟؟

وهل تعلمون إن في عناصر من أمن الدولة - انا شايف انها لسه ما أتغيرتش حتى لو غيروا الإسم للأمن الوطني أو الامن الغذائي - نزلت امبارح على سبيل المثال في مقر جامعة عين شمس .. ومن فوق المباني زي القناصة كده صوروا بالزووم ان كل القيادات الجامعية سواء طلاب أو أطقم تدريس التي تقود المظاهرات ضد الفساد ..... طبعاً كلنا عارفين ليه

ولما تقوم تظاهرات من قبل الدارسة من أطقم التدريس تعترض على الظلم الفاحش والفًجر اللي موجود في الجامعات وتقول مش هانقبل بما كان مفروض علينا في عهد الظالم المجحوم مبارك ...

تصوروا الفرق الرهيب بين مرتب أستاذ مساعد في هندسة عين شمس ... طلع عين اللي جابوه في الأبحاث والدراسات والدرجات العلمية و وو و و و لأكثر من 10 سنوات ... كل ده وبياخد الفين ملطوش أخر كل شهر .... في حين إن عميد الكلية بياخد ما لا يقل عن 70 الف ج ... بدل ولاء يا فندم .. عشان يكتب تقارير أمنية كويس في زملاءه وفي الطلبة أصحاب النشاط السياسي أو الديني أو اللي بيصلوا في جامع الكلية حتى ..

والبيج بوص رئيس الجامعة ده بيعدي الربع مليون جنيه شهرياً ... ده بدل ولاء وسناء وهناء والعز كله

مين متذكر طرد الطالبات المنقبات من سكن الجامعة العام الماضي ورميهم في الشارع لمجرد إنها منتقبة ده كان بيحدث حتى العام السابق؟

مين فاكر زوارالفجر اللي بييجيوا في سكن الجامعة يقبضوا على طلاب الأخوان .. لا لشيء سوا إنهم يقولون ربنا الله ... واللي ما بيقبضوش عليه بيرموه في الشارع ويروح يسكن في أي داهيه ؟

حسبنا الله ونعم الوكيل

ومقابل ده كله .. بعيني دي .. كنت بأشوف الجامعة بتتردم لافتات تأييد للسيد الرئيس الأخ القائد المفدى مبارك كل شويه مدعومه من السيد العميد والسيد رئيس الجامعة .. اللي بعد التطور الطبيعي للحاجة الساقعة بقوا كلهم أعضاء في لجنة السياسات ... ومع هيبتهم ووقارهم .. كنت باشوف الواحد فيهم بيبقى هاين عليه يوطي يبوس على إيد جمال بيه ... وهو يمكن قد عياله .... وللاسف الاقي منهم أساتذتي اللي الواحد كان بيخاف يسلم عليهم ولهم في قلبة مهابه علمية وأحترام أثناء فترة الدراسة .. الاقيهم بقوا أعضاء في لجان تقييم بيع شركات القطاع العام .. وأشوفه بمنتهى الفجور يطلع يتكلم كلام على التليفزيون عكس اللي علموه لنا ويقول مثلاً : أيوه عُمر أفندي ما يسواش أكتر من 400 مليون بـال 80 فرع بتوعه بأصوله الثابته .. بمخازنه .. بأسطول سياراته .. إلخ ... أصل إحنا يا جماعة بنقيم شركة خسرانة ( عُمرها ما كانت خسرانه منذ أنشاءها ) .... ولما يتسأل .. بس يا دكتور الأرض الموجود عليها المشروع ده لوحدها تساوي أضعاف أضعاف المبلغ ده ؟ يرد ويقول دكتور المحترم ؟ لأ إحنا لم نُقيم الأرض لأننا مش بنبيع حتة ارض مباني

إخص عليك ... إخص عليك ياللي بتبيع علمك وشرفك عشان عمولة أو عشان تترقى تاني يوم وتبقى عميد الكلية أو نائب رئيس الجامعة وتقف تلحس حذاء سيدك جمال مبارك وتقول له : أنا خدام الجزم يا سيدي .. أهم حاجه رضاك عني ...

أما رفع شعار إن مافيش سياسة في الجامعة والجامعة عشان الدراسة والكانتين وبس .... فكانت طبعاً لا تنطبق على جميعة المستقبل - الأسود - فاكرينها ؟ اللي مبارك قدم بها إبنه للشعب من خلالها .. على أساس إنه شاب روش وقريب من شباب الجامعات .. وأهو مرمي في السجن إلى غير رجعه ... وكان لها مقرات داخل الجامعات المختلفة

وإذا كان المجحوم أصبح ماضي كريه لنا جميعاً وكنا نعرف تصرفاته وسلوكه المُشين ..

فما حجة المجلس العسكري اللي بيضحك علينا وبيقول إنه بيحمي الثورة ... ما حجته في الأبقاء على مثل تلك الوجوه الكريهة وفرضها علينا ؟

ولماذا يُصرون على دفع البلاد إلى حافة الهاوية في كل الأمور ؟

وإذا كان الأطباء في إضراب .. والمدرسين في إضراب .... وسائقي النقل في إضراب ... والجامعات في إضراب ..؟ إذن لمن يستمع المجلس العسكري وتابعه مجلس الوزراء ؟

ومتى يتحركون لوضع حلول لتلك المشكلات ؟...

للمرة الالف ... تذكروا كلامي هذا وأرجو أن يُخيب الله ظني .... هناك فئة وحيدة مغلوب على أمرها لم تضر بمصر حتى الان .. ومستحملة غُلب من عشرات السنين ... وعاملة زي الشعب المصري صابره وساكته ... وعددهم بالملايين ... الفئة دي لو تحركت ونزلت الشارع في إضرابات أو إمتناع عن العمل أو أو او ... يبقى قول على البلد يالله السلامة وأستغفر الله العظيم سوف نذهب حيث اللاعودة ... واعني هنا فئة " الفلاحين " اللي شايلين الطين وساكتين .... ومع ذلك لا يجد إنسان محترم يتجاوب معهم ويحل لهم مشاكلهم قبل أن يسبق السيف العذل .....

أعلنت جامعة عين شمس تعليق الدراسة فى 5 كليات بسبب إضراب أعضاء هيئة التدريس والطلاب عن الدراسة احتجاجاً على عدم إقالة القيادات الجامعية التى لم تنته مدتها وإجراء انتخابات على منصب رئيس الجامعة وعمداء الكليات.

وشهد اليوم الدراسى الثانى بالجامعة إضراب أساتذة كليات الهندسة والحاسبات والمعلومات والطب والصيدلة والألسن وتعليق للدراسة بها، بينما انتظمت العملية التعليمية بباقى كليات الجامعة بشكل كامل.

وتجمع أعضاء هيئة التدريس والطلاب أمام قصر الزعفران بالحرم الجامعى، وطالبوا بالإضراب العام حتى تتم إقالة جميع القيادات الجامعية الحالية وإجراء انتخابات على جميع المناصب الجامعية وتحسين الأوضاع المالية لأعضاء هيئة التدريس، بالإضافة إلى تحقيق المطالب العادلة للمعيدين والمدرسين المساعدين وزيادة ميزانية البحث العلمى .

اقرأ المقال الأصلي علي بوابة الوفد الاليكترونية الوفد - تعليق الدراسة فى 5 كليات بجامعة عين شمس

[طارق مصرى]

خلاص مفيش كلام ممكن يتقال ....

المجلس العسكرى لازم يجول الحجيجة لان كل شيجن انكشفن و بان ......

[Alattar]

ياريت الموضوع هيقف عند تعليق الدراسة و بس..واضح ان الأمور هتتطور أكتر من كده

رصد | مصر - عـاجل | مئات الطلبة الآن يحاولون اقتحام البوابة الجانبية لوزارة التعليم العالي و معركة شرسة بخراطيم المياه و الحجارة

[se_ Elsyed]

ياريت الموضوع هيقف عند تعليق الدراسة و بس..واضح ان الأمور هتتطور أكتر من كده

رصد | مصر - عـاجل | مئات الطلبة الآن يحاولون اقتحام البوابة الجانبية لوزارة التعليم العالي و معركة شرسة بخراطيم المياه و الحجارة

لأ يا عطار .. الموقف هنا مختلف

دول متجمهرين أمام وزارة التتعليم العالي

نظم العشرات من طلاب الشهادات الفنية صباح اليوم، الاثنين، وقفة احتجاجية أمام مقر وزارة التعليم العالى، للمطالبة بتخفيض الحد الأدنى لتنسيق القبول بالجامعات وفتح باب التحويلات من كلية لأخرى

لكن مصيبتنا هنا في إن مطالب الجامعات كانت معروفة ومفهومه وهي :

1- تغيير القيادات الجامعية الكريهة المُعينة من قبل امن الدولة والمخلوع

2- دعم ميزانية البحث العلمي اللي لا مؤخذه لا يساوي ميزانية الزبالة

[نورالعين]

الاسف الحقيقي انه حتى كبار اساتذة الجامعة لا يفكرون الا بأنفسهم

[ابراهيم عبد العزيز]

المشكلة تكمن قيادات مصر حتى الأن تتعامل مع الامر انه مجرد احتجاجات واضرابات ستنتهي مع مرور الوقت ويبقى كل شىء كما كان بدون تغير

لذلك يراهنون على عامل الوقت

فقاموا باعطاء وعدا بتغير القيادات الجامعية عند بدء العام الدراسي وذلك أملا أن الطلاب سينسون الامر عند حلول موعد الوفاء بالوعد

وها هي النتيجة للأسف الشديد

ولا تعليق

[ابراهيم عبد العزيز]

رئيس جامعة عين شمس ومجلسه يعتذرون عن إستكمال مدتهم

تقدم مجلس جامعة عين شمس باعتذار عن استكمال مدته، ومن المقرر تقديم الاعتذار إلى المجلس العسكرى وإلى وزير التعليم العالى.

وأكد الدكتور محمد إسماعيل رشدى، القائم بعمل عميد كلية الحاسبات والمعلومات، أن المجلس قرر الاعتذار عن استكمال مدته، وسيتم التقدم بالاعتذار إلى المجلس العسكرى ووزير التعليم العالى، مشيرا إلى أنه بمجرد قبول الاعتذار رسميا سيتم الإعلان عن فتح باب الانتخابات فى الكليات مع استمرار العمداء الحاليين، لتسير الأعمال لحين اختيار مرشحين جدد.

وعلم "اليوم السابع" أن أحد عمداء الكليات رفض التقدم باعتذار أو استقالة، وأكد أنه مستمر فى منصبه رغم المظاهرات التى تعم بالجامعة، وتطالب برحيل القيادات الحالية.

تم تعديل 4 أكتوبر 2011 بواسطة ابراهيم عبد العزيز

[se_ Elsyed]

مبادرة محترمة من رئيس جماعة عين شمس وأغلب العمداء ..

وفعلاً اللي واثق من نفسهم ينزل الإنتخابات وييجي عن طريق إنتخابات نزيهة