كله على قديمه يابا .... منير فخري عبد النور يرشح نفسه في البرلمان

[se_ Elsyed]

ما هو يانا اللي مجنون .... يا إما المجلس ده بيخرج مبارك بالليل من المستشفى ومعاه عياله عشان يخططوا ويتكتكوا من ورا ضهرنا

عارفين إن كل الشعب المصري عانى الأمرين من موضوع 50 % عمال وفلاحين والهبل ده

وعارفين إننا عانينا من ظاهرة ترشح الوزراء للبرلمان ....

فكيف يكون يكون لدى الوزير سُلطة وهيلمان ويستطيع مرشح عادي في الوقوف امامه .. واين العدل هنا ؟

وكيف يتم تقديم طلب إحاطة وسؤال الوزير المعني عن مشاكل معينة أو لأي غرض أو مراقبة اداء وزارتة ... وهو زميل لهؤلاء المنتقدين في البرلمان ؟

وكيف لوزير يخدم كل المصريين في كل المحافظات .. كيف يكون له مكتب لخدمة اهالي حي شبر زي يوسف بطرس غالي ... او زكريا عزمي في الزيتون .... وماذا عن باقي مصر من تلك الخدمات ؟

وكلنا شوفنا أكثر من 10 وزراء الإنتخابات إتقلوظت لهم في 2010 وقد كانت نهاية عهد مبارك بإذن الله

إذن لماذا يستمر المجلس في تلك ..... مش عارف أسميها والله

وإيه الحكمة او التبرير لكده ؟

يعني لو في حكمة معينة .. ما تقولها لنا يمكن نفهم أو تتضح لنا الامور أكثر

من موقع حزب الوفد ...

الوفد إختار مبدئياً 50 مرشح للبرلمان ... أولهم وزير السياحة منير فخري عبد النور

ولا عزاء للشعب المصري