تشارلزداروين .... عالم فذ........ أم سبب البلاء ؟

[وليد صفوت]

اسمحولى انى اراجع معاكم بعض دروسى اللى اخدها فى الكلية ..... و اهو منها استفيد من آرائكم .... و اضيف أفكارى على اللى درسته ...

العالم العبقرى تشالز داروين .....

ولد فى مدينة شريزبيرى ( إنجلترى ) عام 1805 ...... وهو خامس اطفال العائلة ..... و هى عائلة ثرية ارستقراطية....

درس الطب .... ثم تحول الى دراسة الدين ..... و تخرج عام 1831

لكن كان من الواضح انه غير منجذب الى اى من الاتنين..... المهم ...

أهم نقطة فى حياته ..... هى دعوته للقيام برحلة استكشافية علمية على متن السفينة العلمية ( HMS Beagle ) ..... و هى كانت دعوة مجانية ( سفلقة يعنى ) :blink:

و من ضمن زياراتهم للجزر حول المحيط الاطلسى .......

كانت زيارة لجزر ( galapagos ) .... بجوار الاكوادور ...

و هناك لاحظ شيئ لفت نظره جدا .... و كان عامل اساسى فى تغيير مجرى حياته بعد ذلك .......

لاحظ ان الجزر دى معزولة تماما عن العالم ..... و لاحظ برضو ان المخلوقات كلها اللى عايشة عليها من نفس السلالات لكن .... بإختلافات كثيرة فى اللون و الشكل و الخصائص ( مثلا السلحفاه برجلين , بينما هناك سلحفاه بزعانف ) .....

و حنشوف ازاى ملحوظة صغيرة زى دى أثرت فيه .....

و نضيف اليها كمان قرائته لكتاب عالم أسمه توماس مالتس ( مقال فى مبادئ نمو السكان ) ..... و اللى قال فيها الكاتب ان عدد السكان فى تزايد جيومترى geometrically ....( يعنى : 2.4.8.16 ) ...... بينما مصادر الغذاء فى تزايد arithmetically ( يعنى : 2.4.6.8.10 ) .... مما يعنى انه لو استمر الحال على ما هو عليه ..... ستحدث مجاعة كبيرة ....

للحديث بقية غداً بإذن الله تعالى .....

تحياتى......

تم تعديل 25 أكتوبر 2004 بواسطة Violinking

[masr_watany]

ويا تري اية سبب البلاء ؟؟

[وليد صفوت]

معلش حكمل جزء صغير النهارده .... و الباقى غداً بإذن الله ...

انا قولت ان زيارة داروين لجزر galapagos .... و قرائته لكتاب توماس مالتس ( مقال فى مبادئ نمو السكان ) ....

و الاتنين استخلص منهم داروين أفكار كتييييير .... لكنه جمعهم فى نظريتين :

الاولى ....

نظرية التطور

و هى خلاصتها ...... ان كل سلالات المخلوقات عند تكاثرها تنتج تباين و اختلاف بين بعضها البعض , فمثلا .... عندما يتزاوج رجل و أمرأة ... فينتج عنهما طفل , ربما يشبه والديه , و لكنه يحمل صفات جديدة ليست من صفات الوالدين ...هذا يسمى الاختلاف ...

و بعض هذة الاختلافات تحمل صفات و جودة تؤهلها للبقاء ...... و البعض الاخر يحمل صفات و جودة سيئة لا تؤهلها للبقاء .... و بالتالى للفناء و الانقراض ...

فهمتوا حاجة ؟ :blink:

و عليه .... فداروين استنتج من النظرية دى ان الحياة على كوكب الارض بتحكمها قانونان فقط .... :

1- الصراع من أجل البقاء ( صراع بين الانسان و الطبيعة - بين الانسان و الانسان - بين الانسان و الحيوان )

2- البقاء للافضل ( من يحمل صفات و جودة تؤهله للبقاء و الاستمرارية )

هذة كانت نظريته الاولى .....

أما نظريته الثانية ...........

بعد الفاصل ... :P

[وليد صفوت]

أما نظريته الثانية :

اختيار الطبيعة

و هى تعنى ان الطبيعة هى التى تؤهل بعض المخلوقات للبقاء ( بناءً على صفاتها و جودتها التى اعطتها لها و التى تؤهلها للبقاء و الاستمرارية ) ...

يعنى .........

- المخلوقات من نفس السلالة تختلف عن بعضها البعض . (مثلا: القطط مش شبه بعضها )

- هذة الاختلافات ممكن تكون فى صالح المخلوق ..... اذا كانت تحمل صفات جيدة تؤهلها للبقاء فى عالم لا يحتمل اعداد كبيرة من المخلوقات ( تطابقاً مع نظرية توماس مالتس اللى قولتها بتاعت نمو السكان ( 2.4.8.16 ) ..و ازدهار مصادر الغذاء ( 2.4.6.8. ) ..... و انه اذا استمر الامر .... لابد ان تحدث مجاعة )

يعنى انا حقربهالكم ........

الارنب البرى مثلا ...... لو اخذنا من تلك السلالة عينة ..... ممكن نلاقى بعض الارانب سريعة جدا , رشيقة .... و قوية ... و البعض الاخر ...بطيئ و غير قادر على مناورة أعدائه ............ فطبيعى جدا اننا نلاقى الارنب ذو الصفات و الجودة الجيدة ( اللى بيجرى بسرعة و رشاقة ) هو اللى حيقدر يعيش ...و ان الارنب ذو القدرة الضعيفة على مناورة اعدائه ...أكيد حينقرض و حيفنى ......

أما عملية الاختيار ما بينهم فدى بتسمى ( إختيار الطبيعة ) natural selection ....

يعنى الطبيعة هى اللى بتختار بين اللى يستحق الحياة ....و من لا يستحقها ....

لحديثى بقية ....

[وليد صفوت]

انا كده ابقى شرحت بإيجاز شديد نظريات داروين .....

نيجى بقى لسبب البلاوى اللى احنا فيها دلوقتى ...

طبعاً الكل حيسألنى ....نظرية جميلة و كل حاجة ....طيب ايه علاقته بالبلاوى بتاعت الايام دى ....

أنا اقولكم ......

بس صلوا عالنبى الاول :P ......( عليه الصلاة و السلام )

نظرية التطور اللى داروين عملها أقرت بحاجة اسمها ( ميكنة الحياة ) بمعنى ان الحياة اصبحت كالمكينة ...... تنتج سلالات و تفرزها بين ما يستحق البقاء و من يستحق الفناء .......... و التعبير بتاع المكينة ده اساساً مأخوذ من أثر الثورة الصناعية أيامها ....

عارفين ايه نتيجة الاعتقاد ده ؟

كانت النتيجة انه شكك فى وجود الله ( سبحانه و تعالى ) !

و بدء التفكير الاوروبى عامة يتجه نحة التشكيك فى وجود الذات الالهية ( سبحانه عما يصفون ) .....لان الحياة كالمكينة ...... آلة تنتج سلالات و تفرزها و تفنى مخلوقات و تمنح العمر لمخلوقات .... .......... اذن اين الله فى هذة المنظومة ؟؟؟

ففى المسيحية قبل أفكار داروين , كانت تؤمن بأن الطبيعة هى فى حد ذاتها دليل على وجود الله .... بينما بعد تعريف داروين لها .... أصبحت فى نظر داروين و من يعتقد بأفكاره ( ساحة حرب ) بمعنى الكلمة .... اى ساحة تحارب فيها كل السلالات و المخلوقات من اجل البقاء ..................... لان النظرية تقول ان البقاء للافضل !

و ده بالتالى حيقودنا للنقطة التانية :

بداية الرأسمالية بكل مميزاتها و مساؤها ........طيب ايه علاقة الرأسمالية بالنظريات الداروينية ؟

احنا قولنا انه صاحب قوانين بتقول : البقاء للافضل .....و الصراع من أجل البقاء ....... و ان القانونين دول هما اللى بيحكموا الحياة .....و بالتالى على كل مخلوق انه يتحمل عبء بقائه بنفسه !

مما خلق عدة مصطلحات جديدة على تفكير اوروبا القرن ال18 ....

individualism.............capitalism........

الرأسمالية .......... و الفردية ......

و من بقية المصايب ..........

- تحدى كل العلوم و نظرياتها على اساس انه لا وجود لحقيقة ثابتة غير حقيقة الحياة ( ميكنة الحياة )

- تدمير معظم المثل العليا و المبادئ على اعتبار انه : nothing is good for all times )

ملحوظة : مش داروين لوحده اللى عمل كده ..... بل ان العلماء اللى سلموا بنظريته كانوا اصحاب فضل كبير فى كل البلاوى دى !

خدوا كمان البلوة الصغننة دى :

عدم الايمان بالقدر ( اذا كانوا ألحدوا ...حيؤمنوا بالقدر !! ) :

عدم الايمان بالقدر جاء ايضاً من فكرة ( ميكنة الحياة ) فالحاضر هو بالتأكيد نتاج الماضى ...... و المستقبل هو نتاج الحاضر .... و لا مجال فى نظريته لأى قضاء أو قدر .....

أما اكبر المصايب .......فهى :

ان نظرية داروين اثبتت ان هناك دائما الافضل بين كل السلالة ( الواحدة ) ...... فمن الممكن جدا اختيار أفضل قط من وسط القطط ...و بالتالى هو أكثر استحقاقاً للحياة ( نظرية اختيار الطبيعة ) .............

فايه رأيكم لو نطبق الكلام ده على سلالة البشر !!!! :blink:

نظرية داروين بتقول ...ان الانسان أساساً من المملكة الحيوانية ....و انه على رأس المملكة .......اى انه أفضل المخلوقات الحيوانية ( الكتاب المقدس يقول ان الانسان خلق من روح الله ) و بالتالى فهو يحمل المتفوق عليهم .....

طيب لو اخدنا الافضلية داخل سلالة الانسان نفسه ..........

يعنى زى ما نقينا افضل قطة ........ عايزين ننقى افضل انسان !!!

بالطبع داروين حيختار الانسان الاكثر تطوراً ( و ليس تحضراً ) على اعتبار ان البقاء للافضل ......

فنتج عنه ................... ان الرجل الابيض هو الافضل .... و بالتالى هو المستحق للحياة ....... بناءً على نظريته ( اختيار الطبيعة ) ..... و بالتالى فيجب فرض الرجل الابيض على بقية الالوان لانه هو وحده صاحب الحق فى الحياة .................... و من هنا نشأت فكرة الاستعمار بمفهوم علمى ( اى ان الاستعمار بقى ليه حجة قوية يتحجج بيها )

white man's superiorty

للحديث بقية .........

تم تعديل 21 أكتوبر 2004 بواسطة Violinking

[Cleo]

بالطبع داروين حيختار الانسان الاكثر تطوراً ( و ليس تحضراً ) على اعتبار ان البقاء للافضل ......

فنتج عنه ................... ان الرجل الابيض هو الافضل

لأ... أنا مش فاهمة دى...

على فكرة الموضوع حلو قوىىىىىى.... :blink:

تم تعديل 21 أكتوبر 2004 بواسطة Cleo

[MuslimaEgyptian]

موضوع فعلا هايل وطريقه عرضه سلسه، وخصوصا إن أغلبيه المواضيع حوله تكتفى بعرض فكره التطور..بدون التطرق لتبعيات هذا الفكر ومدى توغله فى أسس بناء المجتمع الغربى، ومن ثم وضع ذلك كله فى سياق

معتقادتنا كمسلمين وعرب ...خصوصا فى ظل محاولات التقليد الأعمى لنظم

وسياسات غربيه لا تمت لنا بصله...

ربنا يعلمك ما ينفعك وينفعك بما علمك ;) ;)

وأهى فرصه أيضا لأسألك على الرجل أبو شعر طويل :huh: اللى فى الصوره :blink:

تم تعديل 21 أكتوبر 2004 بواسطة MuslimaEgyptian

[وليد صفوت]

لأ... أنا مش فاهمة دى...

شكراً يا كليو ... يارب يكون الموضوع فعلا عجبك ... :huh:

بالنسبة للنقطة اللى مش فاهماها .... أنا اقولك ....

مع اندلاع الثورة الصناعية فى أوروبا حدثت تغيرات كبيييرة جدا جدا فى المجتمع الاوروبى كله .....

نأخذ انجلترى كمثال ....

مجتمع الغالبية العظمى منه مزارعين .... لندن كانت مدينة خشبية ( يعنى كل البيوت فيها مبنية بالخشب ماعدا قصر الملك و الكنائس الكبرى فقط )

نظام طبقى , اقطاعى الى حد كبير ......... و لكى انك تتخيلى الصورة اللى كانوا عايشين عليها قبل الثورة الصناعية ...

منذ اندلاع الثورة الصناعية ... حدثت تغيرات ...... فمثلا بدأت الزراعة تتركز فى الجنوب ...و اصبح الجنوب مجتمع ارستقراطى زراعى فيه روابط عائلية كبيرة ...... ( و تقريبا كل المدينة عارفة بعضها ) ....

أما الشمال .... فأصبح صناعى الى حد بعيد .... لا يعترف بالروابط الاسرية أو اى روابط .... غير الفلوس فقط ..... و الماديات عامةً ....

أصبح الشمال مليئ بالعمال الذين اتوا لكسب لقمة العيش ...فقراء الى حد بعيد .... من غير اى ضمانات او تأمينات .... تحت رحمة أصحاب المصانع تماماَ !

طيب.......

حتقولى ايه علاقة الكلام ده بموضوعنا ;) ؟

أنا اقولك .....

فى نفس الوقت اللى كانت الثورة الصناعية على اشدها فى أوروبا .... كنا احنا غارقين فى عصور التخلف الحضارى الفظيع .......راجعى معايا كده سنة 1800 كانت مصر شكلها ايه ؟

مصر كانت لسة متخلصة من الحملة الفرنسية ( اللى استمرت فى مصر منذ عام 1798 حتى 1800 ) محمد على باشا كان لسة فى بداية بناء حاجة اسمها ( مصر العصر الحديث ) ......و مشغول بالتخلص من المماليك و حرب الوهابيين و التخلص من السادة الازهريين اللى وافقوا على تسلمه الحكم ...

انظرى للفرق .....!! طبعاً واضح :blink:

داروين لما اختار افضل السلالة البشرية .... اختار على اساس التحضر ..... و التحضر هو الطريق الوحيد للاستمرارية ... و التخلف هو طريق الفناء .... و الانقراض ... مش كده ؟

يبقى لما نظر داروين للسلالة البشرية .... لم يحتاج لوقت كبير ليفاضل بين السلالات البشرية ....... فكانت الثورة الصناعية تحسم اى تردد فى الاختيار .....

و حاز الرجل الابيض على احقية البقاء .... و بالتالى فله كل الحق فى السيطرة على بقية الاجناس للمحافظة على بقائه ( تطبيقاً لنظريته البقاء للافضل ) ...

و بالتالى تخيلى معايا ايه اللى حصل بعد لما اعطى داروين حجة قوية لكل المستعمرين لينطلقوا فى الارض احتلالاً و استعماراً .... ( كما حدث فى مصر و الهند مثلا )

و عشان نثبت الكلام ده أكتر ...... حقولك على حاجة مهمة ....

عندك فكرة لما سعد باشا زغلول طالب بإستقلال مصر تماما عن التاج البريطانى ........ لما راح هو و بعض رجال الوفد للمندوب السامى البريطانى ..... عارفة المندوب قالهم ايه ؟

قالهم ان نسبة الامية فى مصر حوالى 95% و علية فأنتم شعب أمى ( جاهل لا يقرأ ) و بالتالى فليس لكم الحق فى حكم انفسكم , لانكم لو حكمتم انفسكم ...لن تستطيعوا الدفاع عن بلدكم .... و لن تستطيعوا حكم البلد .... و بالتالى هذا يهدد مصالحنا فى امبراطورية الهند !!!......نفس نظرية داروين البقاء للافضل !!

أرجو ان الفكرة تكون وصلت ....

موضوع فعلا هايل وطريقه عرضه سلسه، وخصوصا إن أغلبيه المواضيع حوله تكتفى بعرض فكره التطور..بدون التطرق لتبعيات هذا الفكر ومدى توغله فى أسس بناء المجتمع الغربى، ومن ثم وضع ذلك كله فى سياق

معتقادتنا كمسلمين وعرب ...خصوصا فى ظل محاولات التقليد الأعمى لنظم

وسياسات غربيه لا تمت لنا بصله...

ربنا يعلمك ما ينفعك وينفعك بما علمك 

عزيزتى مسلمة مصرية ......

جزاكى الله كل خير و ثواب ... و ارجو ان الفكرة تكون وصلت لكى ايضاً ....فتفكير الغرب نحو بقية الشعوب ليس أتياً من فراغ .... فله اسس ...... و اتضطهاد المسلمين و العرب فى الغرب لم يأتى فى لحظة .... بل سبقه اتضطهاد الصفر ( الصينيين و اليابانيين و الجنس الاصفر عامةً ) ..... و سبقه اتضطهاد الجنس الاسود قبله ( و مازال حتى الان ) .....

وأهى فرصه أيضا لأسألك على الرجل أبو شعر طويل  اللى فى الصوره 

الراجل ده يبقى عبقرى من عباقرة الزمن الحديث فى الموسيقى و صاحب اكبر رصيد من الاعمال التى تجمع الفن الشرقى بالفن الغربى ... و صاحب أكبر رصيد من حب العرب و المسلمين له لمساندته قضاياهم دائما ......إنه ( yanni ) يونانى الجنسية كما هو واضح من اسمه ;)

تحياتى.....

[masr_watany]

معتقادتنا كمسلمين وعرب ...خصوصا فى ظل محاولات التقليد الأعمى لنظم

نقلد اية مش فاهم دة مش نظرية سياسية دية نظرية علمية :blink:

[وليد صفوت]

ممكن اعمل فلاش باك لنقطة كنت نسيت أقولها ....... ممكن ؟ :huh: :blink:

نسيت أقول المجتمع الاوروبى كان بيفكر ازاى قبل داروين .....

متقلقوش مش حطول فى الكلام .... هما كلمتين بس ...... ;)

المجتمع الاوروبى .... كانت عنده عدة اعتقادات كان بيؤمن بحاجة اسمها ....:

نظرية الكارثة

و هى ان السلالات دائما فى تكاثر و تناسل و ازدحام ............ الى ان تأتى كارثة !!!

فتفنى من تفنى ...... و يبدأ من بقى من تلك السلالات فى التكاثر مرة أخرى ...... الى ان تأتى كارثة تانى فتمحى من تمحى ...... و هكذا ......

طيب .......... ليه النظرية دى ؟؟؟؟

عشان يبرر حاجة مهمة جدا ........ فاكرين نظرية توماس مالتس بتاعت تكاثر السلالات فى مقابل مصادر الغذاء .......

السلالات تتكاثر بنسبة 2.4.8.16.32 و هكذا ......

مصادر الغذاء تتوفر بنسبة 2.4.6.8.10.12.و هكذا ......

لاحظوا الفرق ........ فتخيلوا لو كانت النسبة دى ماشية من دون توقف الى يومنا هذا ؟؟؟؟؟؟؟ طبعاً كنا انقرضنا من زمان .......

فكان لازم يدخل عامل يوقف المنظومة دى ...... طبعاً العامل ده هو فناء اعداد كبيرة من السلالات للحفاظ على الكفتين فى توازن ( كفة الغذاء و كفة السلالات ) ............ فهمتوا حاجة ! ;)

و بالمناسبة ...... كانوا بيؤمنوا برضو ان آخر تلك الكوارث حدوثاً .......... تعرفوا ايه ....؟؟؟

فيضان سيدنا نوح !!!

اذ انه آخر الكوارث التى افنت اعداد هائلة من السلالات ..... الا من كان فى فلك نوح ........

لحديثى بقية .......

تحياتى......

[وليد صفوت]

معتقادتنا كمسلمين وعرب ...خصوصا فى ظل محاولات التقليد الأعمى لنظم

نقلد اية مش فاهم دة مش نظرية سياسية دية نظرية علمية :blink:

عزيزى مصر وطنى ....

النظريات السياسية لا علاقة لها بالعلمية ............

لكن فى حقيقة الامر لا يوجد اى فوارق بين النظريات العلمية و السياسية .....

لانك كما ترى ...... نظرية لداروين تحولت بقدرة قادر ..... الى إلحاد و رأسمالية و استعمار و تفرقة عنصرية .......

ان لم تفهم نقطة معينة ...... أرجوك اسألنى ...... عشان اتطمن انى ممكن الاقى شغلانة لو متقابلتش فى السياحة ( أشتغل مدرس خصوصى ) :huh:

تحياتى......

[دكتور عادل الليثي]

يا أستاذ Violinking

العلماء يكتشفون العالم ....

يعني داروين أو مالتوس ...

إكتشفوا حقائق موجودة فعلا في الطبيعة و المجتمع ...

فمثلا ظاهرة الصراع بين الكائنات الحية وبين الإنسان والإنسان موجودة طول الوقت

وكذلك ظاهرة الغزو .. الذي يقوم به الأقوياء للضعفاء .. موجودة هي الأخرى طول التاريخ الإنساني

وطبيعة الغزو ... دائما كانت إقتصادي سياسي ثقافي ... حسب الحالة والزمن ...

ثم ظاهرة أن الأكثر تحضرا له الغلبة في النهاية ليست جديدة

وليست سياسة بل ظاهرة ..

وفكرة أن كل شعب يعتقد أنه أفضل الشعوب .. هي الأخرى موجودة ...

ولكن الفكرة الصحيحة أن ما قام به العلماء في أوروبا ومنهم داروين ..

أضاء عقول الناس وعرفهم أكثر بحقائق العالم الذي يعيشون فيه

وعرفهم أكثر بحقائقهم هم أنفسهم كبشر ومجتمعات ...

مما أعطاهم القدرة على التفوق على غيرهم .....

فمن يعرف أكثرهو الأقوى دائما ...

[وليد صفوت]

يا أستاذ Violinking

العلماء يكتشفون العالم ....

يعني داروين أو مالتوس ...

إكتشفوا حقائق موجودة فعلا في الطبيعة و المجتمع ...

فمثلا ظاهرة الصراع بين الكائنات الحية وبين الإنسان والإنسان موجودة طول الوقت

وكذلك ظاهرة الغزو .. الذي يقوم به الأقوياء للضعفاء .. موجودة هي الأخرى طول التاريخ الإنساني

وطبيعة الغزو ... دائما كانت إقتصادي سياسي ثقافي ... حسب الحالة والزمن ...

ثم ظاهرة أن الأكثر تحضرا له الغلبة في النهاية ليست جديدة

وليست سياسة بل ظاهرة ..

وفكرة أن كل شعب يعتقد أنه أفضل الشعوب .. هي الأخرى موجودة ...

ولكن الفكرة الصحيحة أن ما قام به العلماء في أوروبا ومنهم داروين ..

أضاء عقول الناس وعرفهم أكثر بحقائق العالم الذي يعيشون فيه

وعرفهم أكثر بحقائقهم هم أنفسهم كبشر ومجتمعات ...

مما أعطاهم القدرة على التفوق على غيرهم .....

فمن يعرف أكثرهو الأقوى دائما ...

استاذ طه .....

شكراً لمتابعتك موضوعى .....

طبعاً لا شك ان علماء الطبيعة مكتشفون و ليسوا مخترعون ...... و ايضاً لا شك ان الاستعمار كان منذ الاف السنين ..... من ايام الهكسوس ...... و بالطبع البلاد لا تحتاج لأى نظرية لاحتلال الدول الضعيفة .....

بس اللى انا بقوله ده اعطى حجة قوية للاستعمار الاوروبى لفرض شرعية على وجوده فى بلاد ليست ملكه ......

و لكن الاسباب الحقيقية اللى كنت عايز أقولها كمان ...... ان الثورة الصناعية كانت تحتاج لعنصرين مهمين لانجاحها ...

1- مصادر للطاقة . و الثروات الطبيعية ....

2- سوق استهلاكى كبيييييييييييير !

و الاتنين طبعاً موجودين .......... فييييييين ؟

فى البلاد الضعيفة ..... فى دول العالم الثالث المتخلف ..... فعندما يستعمرونه .... يحققوا العنصرين ....... عنصر الثروات الطبيعية .... و عنصر السوق الاستهلاكى ....

و لعل أكثر انواع المقاومة ايذاءً للاستعمار هى المقاومة السلبية ( فى الهند )

لانها امتنعت عن شراء المنتجات البريطانية .... و بهذا اختل توازن المنظومة المخطط لها .... و انهار عنصر مهم لها و هو عنصر السوق الاستهلاكى .... و كانت بداية لنهاية الاحتلال الانجليزى للهند

و نظريات داروين لا شك انها فرضت افكار غريبة و شاذة على المجتمع الاوروبى للقرن ال18 ....... فكرة الالحاد ( علمياً ) و فكرة الرأسمالية ..... و غيرها من الافكار اللى طرحتها كانت نقطة تحول كبييييييييييرة فى تاريخ اوروبا ....مش كده ؟

ولكن الفكرة الصحيحة أن ما قام به العلماء في أوروبا ومنهم داروين ..

أضاء عقول الناس وعرفهم أكثر بحقائق العالم الذي يعيشون فيه

وعرفهم أكثر بحقائقهم هم أنفسهم كبشر ومجتمعات ...

مما أعطاهم القدرة على التفوق على غيرهم .....

داروين عالم اكتشف اشياء و حدد نظريات كانت اكثر من مفيدة للبشرية .......

منها على سبيل المثال بدء انشاء علم اسمه :

الهندسة الوراثية

ذلك ان داروين بدء فى تطبيق نظرية survivial for the fittest أو البقاء للافضل ....... و بدء فى عمل شيئ اشبه بنظرية اختيار الطبيعة........ و لكن بدل من ان تختار الطبيعة ........ سيجعل الانسان هو اللى يختار...

ازاى ؟

فكرته ان يتم اختيار أفضل و اجود السلالات و فصلها عن بقية جنسها و تكاثرها بين بعضها ....... مما ينتج عنها بالتأكيد سلالات أفضل من سابقيها .....و هكذا...

مثال : لو احنا عايزين دجاج بتجيب كمية بيض كثيرة ......

تطبيقاً للنظرية ..... بنختار أفضل انواع الدجاج الاكثر انتاجا للبيض ...... و بنعزلها عن مثيلاتها ..... و يبدأ التكاثر ...... فينمو الجين المسؤل عن وفرة البيض بين السلالة .......... و ينتج دجاج أكثر انتاجاً للبيض من أبويه ...و هكذا ....... حد فهم حاجة ؟؟؟ :angry:

دى ميزة صغيرة من ضمن مجموعة مميزات ( عشان مانظلمش الراجل و نقول جابلنا مصايب بس ) :angry:

تحياتى.......

تحياتى.......

تم تعديل 21 أكتوبر 2004 بواسطة Violinking

[دكتور عادل الليثي]

يا أستاذ Violinking

فعلا العلوم منفده على بعضها .. وزمان كان العالم بيشتغل في أكثر من فرع

ولكن إذا كنا بنتكلم على العلاقة المباشرة فإذا داروين مش هو العالم المناسب بانسبة للرأسمالية مثلا

فالرأسمالية كانت في أطوارها الأولى كظاهرة ...

ولكن المجتمعات تحتاج دائما للعلماء لينيروا الطريق

فبالنسبة للرأسمالية لابد أن يخطر على بالك آدم سميث أول منظر للنظام الجديد في كتابه المشهور ثروة الأمم

[دكتور عادل الليثي]

وأنا مش شايف علاقة بين نظرية التطور والإلحاد

فنظرية التطور هي قراءة كتاب الطبيعة التي هي من صنع الله

فعلى ما أعتقد أن هناك مفهوم طبيعي لله وهذا يفسر حقيقة الكون

وهناك المفهوم الديني لله وهو دافع على القيم العليا كعامل يحد من ضراوة قوانين الطبيعة ..

وقسوتها على العلاقات بين البشر ...

[وليد صفوت]

لى فكرة يا استاذ طه .....

الجزء بتاع الالحاد ده بالذات انا جايبه من كتاب داروين !

لانه ايّد ميّكنة الحياة...... اى انه لا يوجد اى شيئ غير متوقع....... مادمنا نملك المدخلات ( givens ) يبقى اكيد حنقدر نتوقع النتائج .....

و عشان نقطة الالحاد بالذات ..... قوبل كتاب داروين the origin of sepcies ..... بالكثير من النقض و الاتهامات ... و لم يُسلم به الى فى القرن العشرين !

تحياتى..

[homer]

دارون والرأسمالية

أولا :فى الفكر الرأسمالى هناك العمل وهناك رأس المال كعماد النظام الاقتصادى وبالتالى فنحن بصدد نظام طبقى لا محالة فيه الغنى وفيه الفقير.

ثانيا: استمد النظام الراسمالى الكثير من أطره من عصر التنوير "enlightenment" وفى مقدمتها فصل الدين عن الدولة أو بمعنى أدق عزل الدين عن أدارة الشؤون الحياتية ثم اعتبار الانسان ككائن عاقل رشيد "rationality" يدرى ما ينفغه وما يضره ويعكف على تحقيق مصلحته التى هو أدرى الناس بها. ويترتب على ذلك أن المجتمع لا يمكنه الحكم على السلوك الشخصى لاى فرد طالما سلمنا بأن كل فرد عاقل ورشيد وأدرى بمصالحه فيما يعرف بال "positivism" كما أنه وبعد تنحية الدين جانبا لم يعد هناك معيار جماعى يمكن المجتمع ككل من الحكم على سلوك فرد معين فى صورة "collective value judgement" أما عن التعارض بين المصلحة الفردية والمصلحة العامة فقد فض ادم سميث هذا الاشتباك بنظريته عن اليد الخفية "Invisible hand" ,وعلى ذلك فان النظام الراسمالى من منطلق الفروض النظرية يحقق أفضل تخصيص ممكن للموارد. فاذا ما ثار تساؤل عن ضحايا النظام والفقراء تبرز نظرية دارون فى الاختيار الطبيعى وبقاء الانسب لتعفى الأغنياء من وخز الضمير وتجعلهم فى حل من أى شعور جماعى بالذنب تجاه الفقراء وهو ما يضمن دوران الدولاب دون اضطراب ذاتى. هذه النظرة أطلق عليها الدارونية الاجتماعية "social Darwinism

[وليد صفوت]

هناك موقع تابع للbbc يتحدث فى هذا الكتاب .......

الوصلة دى فيها بعض المعلومات المهمة عن الراجل ده :

[وليد صفوت]

أستاذ هومر .......

إضافة جميلة جدا .... أشكرك بشدة :angry:

و لو ممكن تضيف لى شوية معلومات عن آدم سميث و ايه علاقته بالرأسمالية .... محسوبك لسة طالب بيتعلم :angry:

تحياتى......

[ابو يوسف]

أخى Violinking

أولاً شكراً على الموضوع الجميل ..

و لكن هناك سؤال يطرح نفسه ..

هل العيب فى النظرية أم العيب فيمن فهموا النظرية بالطريقة التى تحلوا لهم ؟

ان اكتشاف أن الطبيعة تنتقى الأفضل و أن الأفضل يملك - دوما - أسبابا للوجود و الاستمرار أكثر من غيره ..

هى حقيقة بديهية نراها يوميا فى شتى جوانب الحياة ..

خذ مثلاً عندك الوضع فى أى عمل ..

الموظف الأفضل علماً و عملاً يستمر و يتقدم و فرصه أكثر على عكس الموظف الأقل علماً و عملاً .. (لو استبعدنا عامل المحسوبية و الكوسة )

الاسرة التى كل أفرادها أميون و بينهم متعلم ... سيسعى الى الزواج من متعلمة مثله و بالتالى تربية أطفال ( أفضل ) من أطفال أخيه و بالأخذ بالاسباب سيتوافر للأطفال المتعلمين فرص أفضل للعمل و التكسب و الانتاج ...

وهكذا ....

لا أدرى .... هل فهمت الامر جيداً ... أم أن أمثلتى بعيدة عن الصواب ...

الحكم لك ...