خبطتين في الراس توجّع ! مشكلة صغنونة

[عماد حمدي]

واقع في مشكلة بنت لذينة :closedeyes:

شكلي حسدت نفسي و لا إية ؟؟ مش عارف :h!!!h: ..

ملخصاً حالي كان زي الدهب يعلي يعلي يعلي فووووووووق و فجأه هبوط صاروخي ورا بعض ..

المشكلة كالتالي :-

المدير المالي للمجموعة الحمد لله و الفضل لله بيثق فيا و متوكل ع الله ثم ع العبد لله ..

و من يوم ما اشتغلت مفيش غلطة جوهرية عملتها ..

يالعكس كنت بجتهد و بعمل حاجات مش مطلوبة مني ، لحد ما نولت ثقة الإدارة ..

و الحمد لله رب العالمين ع كل شيء راضي جداً ..

إتحطيت في موقف لا أحسد عليه مطلقاً ..

تقريباً في لحظة عقلي غاب فيها ولا كنت نايم ولا مش عارف اية بالظبط ..

عملت تقرير و طلع غلط و طبعاً المدير المالي من ثقته في مسيو عماد قال بس طالما عماد اللي عاملة يبقي ولا كلمة

عماد دا برنس البرانيس .. عماد يا سلام دا عماد دا اللي وضع المعايير الدولية للمحاسبة ..

أومال عماد دا نسمة ..

و هوبا خاب ظنه المرة دي و لبس في الحيطة mfb: و أنا السبب ..

و سمع كلمتين من الأونر محترمين محترمين mf-: ياعني ..

اللي زود الطين بله بقا ان النهاردة مشكلة جديدة ..

أصدرت شيك و الرصيد مكنش مكفي ..

طبعاً دا لو محاسب لسة متخرج عمرها ما تعدي من تحت إيديه ..

و أنا بجد معرفش اية اللي حصل دا إزاي أطلع شيك و الرصيد غير مكفي !!!!

أنا نفسي مستغرب و حاسس ان فيه حاجة غريبة بتحصل .. الموقفين ورا بعض يوم السبت و الاحد ..

و طبعاً الأونر مسك المدير المالي ظبطه :huh: ،،

أعمل اية أنا هتجن و ربنا ..

ياعني أتصل بالمدير المالي بكرة و اقوله اية ؟؟ ولا أبرر موقفي بإيه ؟؟

اللي عرفته أنه شاااااااااااااايط ..

و مشكلته انه مؤدب أوي و بيحترمني أوي ..

تم تعديل 4 أكتوبر 2011 بواسطة omda2006

[طارق مصرى]

إنت شكلك اتحسدت يا برنس :o stnd::

أنا أحب أطمنك

هو طبعا زمانه زعلان موووووت منك :astonished: و نفسه يقابلك علشان يقولك حاجة صغنونة gjy::

عموما مفيش قدامك غير المواجهه شوف وقت مناسب و ادخل عليه بكل ثقة و اعترف بخطأك و تحملك له ثم ذكره بفتوحاتك الدفترية و تظبيط الميزانية و ابدعاتك فى الاقرارات الشهرية , مع و عد باذن الله بعدم العودة لذلك و خلاص و بما ان الراجل بيحبك و عارف قدرك و تاريخك فان شاء الله هيسامحك kis)- و الليلة تعدى

تبقى طمنا عليك و ربنا يعديها على خير باذن الله تعالى ....

ملحوظة : و انت رايح تقابله اعمل احتياطك برضه الامر ما يسلمش bag): :sofa: خد معاك حلة ولا حاجة انت عارف الدباسة لو جات فى الوش ممكن تطير سنتين تلاتة ...

[عماد حمدي]

إنت شكلك اتحسدت يا برنس :o stnd::

أنا أحب أطمنك

هو طبعا زمانه زعلان موووووت منك :astonished: و نفسه يقابلك علشان يقولك حاجة صغنونة gjy::

عموما مفيش قدامك غير المواجهه شوف وقت مناسب و ادخل عليه بكل ثقة و اعترف بخطأك و تحملك له ثم ذكره بفتوحاتك الدفترية و تظبيط الميزانية و ابدعاتك فى الاقرارات الشهرية , مع و عد باذن الله بعدم العودة لذلك و خلاص و بما ان الراجل بيحبك و عارف قدرك و تاريخك فان شاء الله هيسامحك kis)- و الليلة تعدى

تبقى طمنا عليك و ربنا يعديها على خير باذن الله تعالى ....

ملحوظة : و انت رايح تقابله اعمل احتياطك برضه الامر ما يسلمش bag): :sofa: خد معاك حلة ولا حاجة انت عارف الدباسة لو جات فى الوش ممكن تطير سنتين تلاتة ...

دباسة في وشي .. انا ناقص خوف يا عم طارق ،

أنا محرج جداً منه ع فكرة و هوه محرج مني ياعني هوه عايز يفش غليلة فيا و أنا عايزه يعمل كدة بدل أدبه اللي مجنني و بيقتلني دا ..

هوه مش موجود بالفرع هنا موجود بالسعودية بعيد عني ..

المشكلة الأونر شديد أوي أوي وبهدلة اوي لانه جاتني الأخبار من العصافير بتوعي هناك ..

و أنته عارف أصحاب الحلال بقا حاجة زي كدة تحصل هوبا تمحي كل اللي فات ..

شكلي إتنشيت عين محترمة أعمل اية أية أية أية

و لا شكل السكن الجديد وشة وحش عليا ..

دا أول يوم أستلمالسكن الجديد تحصل فيه مشكلة ..

لا حول ولا قوه إلا بالله

[طارق مصرى]

اوعى تزعل منى

أنا حبيت الطف الجو علشان فى الامور دى بتكون مشدود جدا , ربنا معاك

و ردد قدر الله و ماشاء فعل , اللهم لا سهل إلا ما جعلته سهلا فإنك تجعل الحزن إن شئت سهلا...

....

[se_ Elsyed]

أنا نفسي مستغرب و حاسس ان فيه حاجة غريبة بتحصل .. الموقفين ورا بعض يوم السبت و الاحد ..

الثقة الزائدة عن الحد تؤدي إلى الغرور .. والغرور يُصور لصاحبه بإنه برنس الليالي ورمانة الميزان .. والغلط ما يطلعس من تحت إيده ..

عارف عامل زي إيه يا عماد ؟

زي فريق كرة القدم الجامد اللي ينزل مستهتر ومغرور بالفريق اللي قدامه ... فبيقوم يتلب ويلبس في الحيطه

عادي يا عماد .. إعترف بخطأك لمديرك اللي وثق فيك ... واوعده إنك هاتراجع شغلك قبل عرضه عليه مره وإتنين وتلاتة .... ومش عيب إنك تناقشة في حاجات واقفة قدامك أو محتاجه توضيح ...

ولعل ده يكون درس لك عشان تاخد بالك لإن إنت عارف الأخطاء المالية ممكن تعمل إيه

[Diab]

هو في خطوة لو خدتها هتبقي سلاح ذو حدين

إنك تعترف للمالك أن الغلطة تخصك وأن مديرك لا ذنب له

عارف انك هتقول طالما هو مدير لازم تكون مسئوليته عنك

قول للمالك اكيد ولكن هو إنسان يخطيء ويصيب والقرار لك

رد الفعل بقي من المالك هل هيثمن شجاعتك ولا ....

إبق طمنا :clappingrose:

[الباشمهندس ياسر]

انت محتاج اجازة با عمدة

[عماد حمدي]

اوعى تزعل منى

أنا حبيت الطف الجو علشان فى الامور دى بتكون مشدود جدا , ربنا معاك

و ردد قدر الله و ماشاء فعل , اللهم لا سهل إلا ما جعلته سهلا فإنك تجعل الحزن إن شئت سهلا...

....

عارف والله يا أستاذ طارق .. و أنته ميتزعلش منك ..

جزاك الله خيراً و دعواتك ،،

و خد دول علشان تتأكد إني مش زعلان :clappingrose:

[عماد حمدي]

أنا نفسي مستغرب و حاسس ان فيه حاجة غريبة بتحصل .. الموقفين ورا بعض يوم السبت و الاحد ..

الثقة الزائدة عن الحد تؤدي إلى الغرور .. والغرور يُصور لصاحبه بإنه برنس الليالي ورمانة الميزان .. والغلط ما يطلعس من تحت إيده ..

عارف عامل زي إيه يا عماد ؟

زي فريق كرة القدم الجامد اللي ينزل مستهتر ومغرور بالفريق اللي قدامه ... فبيقوم يتلب ويلبس في الحيطه

عادي يا عماد .. إعترف بخطأك لمديرك اللي وثق فيك ... واوعده إنك هاتراجع شغلك قبل عرضه عليه مره وإتنين وتلاتة .... ومش عيب إنك تناقشة في حاجات واقفة قدامك أو محتاجه توضيح ...

ولعل ده يكون درس لك عشان تاخد بالك لإن إنت عارف الأخطاء المالية ممكن تعمل إيه

الموضوع مش ثقة أو غرور يا أستاذ أحمد بقد أنه فيه حاجات بديهية جداً مش محتاجة أصلاً محاسب ..

دايماً الأمور الكبيرة تعدي و لما نقع نقع في الحاجات الصغيرة ..

و للأسف الصغيرة دي ممكن يتبني عليه حاجات كبيرة فيما بعد و بيكون بالتبعية غلط ..

الإعتراف بالخطأ أنا جاهزله و الله لكن الدخلّه البوش الأولاني دا مهم أوي ..

أنا من النوع أصلاً سواء في الشغل أو برة لما بغلط بعترف بقلب جامد ..

و يبقي عندي شعور ان الإعتراف بالخطأ دا هيغفر ليا ..

و عند حضرتك حق لازم أراجع شغلي مرة و اتنين و تلاتة قبل عرضة ع الإدارة علشان متحطش في الموقف دا تاني ..

و أهو درس و لازم أتعلم منه ،،

تسلم يا أستاذ أحمد علي النصيحة و جزاك الله خيراً ..

[عماد حمدي]

هو في خطوة لو خدتها هتبقي سلاح ذو حدين

إنك تعترف للمالك أن الغلطة تخصك وأن مديرك لا ذنب له

عارف انك هتقول طالما هو مدير لازم تكون مسئوليته عنك

قول للمالك اكيد ولكن هو إنسان يخطيء ويصيب والقرار لك

رد الفعل بقي من المالك هل هيثمن شجاعتك ولا ....

إبق طمنا :clappingrose:

دياب و الله ممكن أخد الخطوه دي ، المشكلة المدير المالي هصغره بالحركة دي ..

بالنسبة للمالك هوه من النوع المتصيّد للأخطاء .. و الموضوع دا جاله علي هواه أوي ..

اللي مضايقني مش وضعي قد ما خنقني و موتني ان الراجل اللي بيثق فيا أخذله قدام المالك ..

ربنا يستر و الأمور ترجع أحسن من الأول ..

تسلم ع النصيحة و جزاك الله خيراً ..

[عماد حمدي]

انت محتاج اجازة با عمدة

باشمهندس ..

إنته كنت معانا إمبارح بالليل و لا إية ..

مدير هنا من ضمن الناس المقربين ليا صرّح ليا بكدة و قالي أنته محتاجلك يومين ..

و غالباً هتكون الخميس و الجمعه ..

الموضوع مش توتر بس فيه بجد حاجة غريبة بتحصل الأمر مش طبيعي ..

جزاك الله خيراً ،،

[طارق مصرى]

عارف والله يا أستاذ طارق .. و أنته ميتزعلش منك ..

جزاك الله خيراً و دعواتك ،،

و خد دول علشان تتأكد إني مش زعلان :clappingrose:

الله يكرمك يا أستاذ عماد ده من ذوقك و أصلك الراقى

الحكاية يا عمدة انى مريت بظروف مشابهه فى مصر الى حد كبير لحكايتك و مريت بحالة نفسية الله أعلم بها و جالى تعب فى المعدة و الحنجرة و دوخت على اكتر من دكتور لحد ما ربنا قدر ان يشفينى ,و بقيت ما شاء الله زى الفلّ و الموضوع عدى و رجعت العلاقة تانى بينى و المدير و العملية مشت لحد ما ربنا قدر لى بالسفر و الى الان علاقتى ممتازة مع المدير و زملائى القدامى و بكلمهم على النت و لما بانزل اجازة بيقابلونى بكل حب .

الشاهد من كلامى يا عمدة ان كل حاجة فى الدنيا دى بتعدى حلوها و مرها و انتظار البلاء اشد من وقوعه طول ما انت قلقان من هذه المواجهه و عواقبها نفسيتك ستزداد سوءا , ارمى كله ورا ضهرك و توكل على الله و الموضوع هيعدى هيعدى زى اى حاجة بتعدى فى الحياة و إن شاء الله هيكون على خير

و انت طبعا عارف المؤمن مبتلى و مفيش حد بيكون ماشى تمام فى كله لازم يبتلى فى حاجة و ربنا يعافيك , المهم اتعلم من الدرس ده ممكن يكون بسبب اجهاد او انشغال المخ فى شاغل غير الشغل (دى اساس مشكلتى السابقة) او ثقة زائدة...............

, و منتظر تبشرنا مش مهم حتى الاسبوع ده ممكن بعد اسبوع او اتنين .

أبشر بالخير

[hOuSsAm]

هو في خطوة لو خدتها هتبقي سلاح ذو حدين

إنك تعترف للمالك أن الغلطة تخصك وأن مديرك لا ذنب له

عارف انك هتقول طالما هو مدير لازم تكون مسئوليته عنك

قول للمالك اكيد ولكن هو إنسان يخطيء ويصيب والقرار لك

رد الفعل بقي من المالك هل هيثمن شجاعتك ولا ....

إبق طمنا :clappingrose:

دياب و الله ممكن أخد الخطوه دي ، المشكلة المدير المالي هصغره بالحركة دي ..

بالنسبة للمالك هوه من النوع المتصيّد للأخطاء .. و الموضوع دا جاله علي هواه أوي ..

اللي مضايقني مش وضعي قد ما خنقني و موتني ان الراجل اللي بيثق فيا أخذله قدام المالك ..

ربنا يستر و الأمور ترجع أحسن من الأول ..

تسلم ع النصيحة و جزاك الله خيراً ..

لاء طبعا متعملش الحركة دى كدة هتبهدل الراجل اكتر

المالك ثقته فى المدير هتقل لو عرف انه بياخد التقارير من غير ميراجعها تانى

---------

طبعا مفيش حل هيحللك المشكلة دى فى وقتها يعنى هى محتاجة وقت وهتداوى مع الزمن

-----------

رايي انك تهدى على نفسك خالص وتشيل احساسك بالذنب من الموضوع وانا شايف انها مش غلطتك وحدك هى غلطتك وغلطة مديرك وعشان كدة طبيعى اللى يحصله ومديرك ميقدرش يشيلك الذنب لواحدك لانه عليه نسبة من الخطا

ابدا بقى بعمل رفرش لحياتك واحاول تعمل اى ابتكار او اختراع فى الشغل

تغير فى البروسيس بتاعة الشغل تسرعه شوية او تزود ادوات الكنترول

او تشوف بند مصاريف تعرفوا توفروا فيه

او تعمل سياسة جديدة لحاجة ملهاش سياسة

وتحاول تشركه فى الحجات دى وتتكلم معاك هيحس انك فاهم وان الطبيعى تكون فاهم واللى غير كدة دى احداث اعتراضية بتحصل لاى حد

---------------

بص يا عمدة اعصر دماغك وطلع فكرة لمشروع جامد او توفير لمصاريف او طريقة اكثر فاعلية لتحصيل مديونية العملا

اى حاجة تبهره وياخدها ويطلع بيها عالاونر

يعنى انت عملت سيئة اعمل حسنة بقى عشان دى تمحو دى

[عماد حمدي]

مش قادر افكر يا حسام و الله العظيم ..

طبعاً أنته كلامك مظبوط لازم مجموعة حسنات ورا بعض علشان تمحو السيئة دي ..

المشكلة دماغي هنجت و 3/4 تركيزي دلوقتي في المشكلة نفسها و الربع التاني لشغلي ..

ودا هيأثر سلبي ، و إحنا في مرحلة حرجة جداً محتاجة أكون مركز جداً في الشغل ..

ربنا يستر ، الراجل دا بالذات بعزّه أوي أوي و يعتبر أكتر من أخ ..

معقولة أنا أكون السبب في اللي بيحصله دا .. أستغفر الله العلي العظيم

يارب يارب عديها علي خير ،،

جزاك الله خيراً يا حسام

[ابراهيم عبد العزيز]

والله يا أخ عماد الاخطاء فى العمل واردة جدا

وطالما نعمل فأكيد سنخطىء , فالكمال لله وحده

وطبعا متفهم شعورك , لأن ثقة مديرك فيك والتي نبعت اكيد من سابق حسناتك واجتهادك فى العمل جعلته لا يدقق وراءك بالشكل المطلوب , وهو ما أورثك شعورا بتأنيب نفسك

أحب اعلق على نقطة وردت فى تعليق للاخ الفاضل دياب :

هو في خطوة لو خدتها هتبقي سلاح ذو حدين

إنك تعترف للمالك أن الغلطة تخصك وأن مديرك لا ذنب له

عارف انك هتقول طالما هو مدير لازم تكون مسئوليته عنك

قول للمالك اكيد ولكن هو إنسان يخطيء ويصيب والقرار لك

رد الفعل بقي من المالك هل هيثمن شجاعتك ولا ....

أنا لا أنصحك بالتوجه مباشرة للمالك , أعتقد أن ذلك سيغضب مديرك المباشر أكثر من الخطأ الذي وقعت فيه فى العمل لأن فى ذلك تعدي على التدرج الوظيفي بالاضافة الى أنها ستجعل المالك ياخذ فكرة عامة عن مديرك انه لا يقوم بدوره فى مراجعة عمل الموظفين وان الامر لا يقتصر على خطأ وقع سهوا

كما قال لك الاخ حسام أن عليك بالاحسان كعادتك فى عملك الفترة القادمة , والحسنة تمحو السيئة , وخذ ما حدث كدرسا للمستقبل فى وجوب وضع أليات للمراجعة اكثر دقة , ووجوب التدقيق على التقارير التي تعرض على الادارة العليا مرة واثنين وثلاثة, لأن التقارير هي شاشة العرض لعمل الموظف , إن صحت أعطت انطباعا عاما عن دقة عمل هذا الموظف

وكما قلت لك طالما نعمل فاكيد سنخطىء فلا تحمل الامور اكبر مما تطيق

والله يوفقك ويوفقنا جميعا للأصلح

تم تعديل 5 أكتوبر 2011 بواسطة ابراهيم عبد العزيز

[hOuSsAm]

مش قادر افكر يا حسام و الله العظيم ..

طبعاً أنته كلامك مظبوط لازم مجموعة حسنات ورا بعض علشان تمحو السيئة دي ..

المشكلة دماغي هنجت و 3/4 تركيزي دلوقتي في المشكلة نفسها و الربع التاني لشغلي ..

ودا هيأثر سلبي ، و إحنا في مرحلة حرجة جداً محتاجة أكون مركز جداً في الشغل ..

ربنا يستر ، الراجل دا بالذات بعزّه أوي أوي و يعتبر أكتر من أخ ..

معقولة أنا أكون السبب في اللي بيحصله دا .. أستغفر الله العلي العظيم

يارب يارب عديها علي خير ،،

جزاك الله خيراً يا حسام

يبقى خلاص يا عماد

اهدى دلوقتى خالص ومتحملش لوود على نفسك

ومتجلدش نفسك -

انت صح غلطت بس خلاص اللى حصل حصل والليلة انتهت معتش هينفع الجلد فى حاجة والراجل زعل وكتم فى نفسه (ربنا يكون معاه بقى)

استمر فى شغلك عادى بهدوء بس هطلب منك شوية حجات تعملها

اول حاجة تنسى الموضوع

تانى حاجة تعمل رفرش لحياتك وتغير فى سيستمك وفى اكلك والمود وتغير وشوش

تالت حاجة تواظب عالعبادات وتدعى ربنا انه يوفقك فى شغلك ويصلح حالك

تقول اذكار الصباح والمساء

تلعب رياضة يا عمدة (مهمة جدا جدا)

تبطل اكل فراخ وتونة :P

-----------------------

بص يا عمدة مش لازم كل ايام حياتك تكون جد وشغل

اخرج بره واعمل مغامرات ورحلات وعيش وانطلق وصدقنى ده كله هينعكس بالايجاب على شغلك

بالتوفيق يا جميل باذن الله

[طارق مصرى]

إيه الأخبار يا عمدة ؟!!

عدى 4 ايام ...فى انتظار اخبار جيدة :)