اقباط يعودون للاعتصام امام ماسبيرو

[se_ Elsyed]

مش بأقول لكم ...

عاوزين قنبلة تزن 1 طن لنسف التليفزيون المصري

الان يتم توجيه اللوم أي حد بيعمل إضرابات او إعتصامات لإن " عجلة الإنتاج " مين اللي هايزقها ؟

وإشادة وفرحة ببيان عصام شرف العقلاني الذي اتى في وقته

[لماضة مصرية جدا]

مصر تدفع الان ثمن محافظة المجلس العسكري على نظام مبارك ..

لا توجد ثورة تنتصر وتترك النظام القديم في الحكم

لانه بالطبع سيتامر ضدها بكل الطرق ...

علاء الاسواني

[akramgroup]

للأسف الشديد اخواتنا المسيحين مستفذين لأبعد الحدود بعد اللى حصل ده وكتير منهم واللى منزلش التظاهرات دى راح المستشفيات لما اعلنوا انهم عاوزين تبرع بالدم يعنى كتير شافوا الجثث المدهوسه واللى حصل معاهم

انا كلمت كل المسيحين اللى اعرفهم فى مصر بالتليفون وتقريبا كلهم راحوا يتبرعوا بالدم وشافوا المناظر

وبرضو مش عاوز انكر ان فى ناس مهمتها ان الدنيا تولع مش عارف ليه ومش عاوز اعرف بس المهم دلوقتى اننا فعلا نتكاتف ومنحاولش نزيد الفتن حتى ولو بالكلام العادى والمناقشات المستفزه واللى له علاقه بأى حد مسيحي يكلمه ويطمن عليه واهو نوع من انواع التكاتف ونحسسهم اننا معاهم وان كلنا فى مركب واحده

ربنا يرحمنا برحمته ويعدى الايام دى على خير

[لماضة مصرية جدا]

كما كنت

الوقت يمر سريعا، ونراه بطيئا. نحسب أن عصر مبارك البطىء لدرجة الغباء ما زال يحكم، والحقيقة أن هناك تغيرات عظمى قد حدثت، وبطء الوقت الذى نراه ما هو إلا تحرك محسوب بالورقة والقلم وبدقة متناهية الانضباط. هناك رائحة ما تسبح فى الأجواء السياسية كأنها رائحة لطعام انتُهى من طهيه منذ قليل، أى الوجبة الدسمة قد انتُهى من طبخها.

من يقول إن التاريخ لا يعيد نفسه فهو غير قارئ لسيكولوجية الشعوب. ولكل أمة عظيمة صفاتها التى تتحكم فى سير أحداثها الكبرى: مصر، إنجلترا، أمريكا، روسيا، الصين، فرنسا، ألمانيا. لكل أمة من تلك الأمم العظمى سيكولوجية خاصة فى تحديد مسارها بعد كوارثها. فالتاريخ لا يعيد نفسه بل نظم الشعوب وأسلوبها فى المواجهة هو الثابت.

وتعالوا نراقب أنفسنا هذه الأيام بالتحديد لأنها الأخطر فى تاريخ مصر.

1- كل الأحزاب لا تتفق على شىء تقريبا،

2- الإخوان المسلمون يدورون حول أنفسهم من الانشقاقات وجرأة وتمرد شبابهم على الكبار فى سابقة تاريخية لم تحدث من قبل.

3- الأحزاب الجديدة تجرى للجلوس مع المجلس العسكرى، وتتفق فى الجلسة وبعد خروجها تتبدل الأمور، لذلك فى الاجتماع الأخير وقعوا على ما اتفقوا عليه وعندما عادوا إلى مواقعهم الحزبية تلقوا الإهانات والتوبيخ فعادوا عما وقعوا عليه.

4- مرشحو الرئاسة لم يتفقوا على شىء، البرادعى لا يحضر معظم الاجتماعات، وموسى انسحب من الاجتماع الأخير بحجة واهية، والبسطويسى اختفى، وصلاح أبو إسماعيل يظهر للناس على أنه فزاعة إسلامية وهو كذلك.

5-شباب الثورة، المدعون منهم والانتهازيون والثائرون الحقيقيون، كلهم على اختلاف دائم وتبادل اتهامات وتخوين كل يوم تقريبا،

6- والشرفاء من أبناء الوطن العاملون بالسياسة تنحوا جانبا عائدين إلى أعمالهم محبطين مما رأوه من انتهازية رخيصة وقفز على الثورة، فارتكنوا إلى الصمت والفرجة على الناس فى الشارع، كرهوا اسم المليونية. حاول واسأل أى سائق تاكسى عن رأيه فى المليونيات واصبر على ما ستسمعه من شتائم. فقد الميدان بريقه وسيفقده يوما بعد يوم وسيصبح بلا قيمة قريبا جدا. والخلاصة أن الناس لا بد أن تكره الثورة وتكره الوقوف فى الميدان من جديد. قصة الميدان لا بد أن تنتهى لعقدين كاملين أو أكثر، لا يمكن أن يحكم أى شخص قادم والميدان ما زال يجمع الناس، الميدان لا بد أن يفرق الناس فى الفترة المقبلة. الأمن غائب بنسبة 25% فقط ويتم تضخيمه بنسبة 75% لتخاف الكتلة الصامتة، ويبدو أن الأمن منهار وغير موجود وهو السبب فى الإبقاء على منصور عيسوى حتى اللحظة الراهنة، واقرأ جرائد قبل الثورة وقارن بين الجرائم وقتها وجرائم الآن، لا فرق تقريبا، التضخيم والتهويل هو السائد. التخويف الدائم من الإفلاس والفقر نغمة كل يوم، رغم أنه لا يوجد منتج واحد ناقص من السوق، حتى فى أشد أيام الثورة والغلاء فى السلع يسير كما هو على معدله قبل الثورة، الدولار نفسه لم يرتفع سعره سوى 1%، العيب فقط فى الإعلام شحيح الموهبة والإبداع الذى لا يقرأ أو يعبر عما يدور. أتحدث عن الإعلام الحكومى بالطبع المتحدث الرسمى لما يدور. لا يوجد قرار حاسم ولم تُحسم أى قضية أو تُحل مشكلة بشكل قاطع ونهائى. فى الحلول ميوعة، لذلك عصام شرف موجود إلى الآن. الدول الخارجية ترسل المساعدات وعلى رأسها السعودية، وهى الدولة التى لا يمكن أن تدفع أموالا لمصر إلا إذا اطمأنت إلى السيناريو القادم لحكم مصر، وعلمت من سيأتى إلى الحكم، وكذلك الولايات المتحدة الأمريكية التى لم تعد تحتج على شىء حتى لو كان يمس الأقباط، وهو ما يدل على موافقتها على ما يحدث. كل يوم احتجاجات فئوية وخناقة بين مسلمين وأقباط تتحول إعلاميا إلى فتنة طائفية. حرب نفسية تدار بذكاء وفى دقة متناهية، الإعلام الخاص يُلَمْلَم تحت قيادة رجل واحد هو محمد الأمين، لو تتذكرون وقد دخل فى التفاوض الأسبوع الماضى لشراء قناة «دريم» بعد كل ما اشتراه سابقا، بل ووقّع عقود احتكار مع فنانين لشركته «تيرندا للإنتاج الإعلامى»، بدأ بغادة عبد الرازق وخالد الصاوى.

الفوضى المقننة قادمة لا محالة خصوصا فى الانتخابات، وقد تتم الانتخابات فى مرحلتيها الأولى والثانية والنظر فيما تنتج، لو كان على الهوى ستستكمل، ولو لم يكن على الهوى سيعترض القضاة المشرفون تحديدا ليكون التوقف قانونيا. ولو أكملت لن تروا شابا واحدا من شباب الثورة المنتشرين فى الفضائيات فى البرلمان، إلا من يُعدُّ ليلعب دور كمال الشاذلى فى المستقبل، ولو دققتم النظر فى بعضهم ستجد وجوه الشاذلى وشهاب وسرور وصفوت على صغير. الكل يعدّ لشخص ما قادم من الجناح الأقوى، وسيأتى بطلب شعبى يتخذ القرارات الصارمة الحازمة ويُعيد الأمن ويؤمِّن الغذاء ومعه الشرعية. التفويض من الشعب. القادم خلال قليل هو المحلل، سيأتى بالتوافق لمدة سنتين تحت أى مسمى، وقد يكون البرادعى حتى يأتى الرجل الحقيقى الذى ينتشل هذه الأمة من ضعفها. التاريخ وسمات الأمة المصرية يقولان ذلك فانتظروا وراقبوا.

طارق رضوان- جريدة التحرير

الرابط

http://tahrirnews.com/%d9%85%d9%82%d8%a7%d9%84%d8%a7%d8%aa/%d9%83%d9%85%d8%a7-%d9%83%d9%86%d8%aa/

[se_ Elsyed]

الاخت ام مجدي .. قصدي عصام شرف راح زار منطقة ماسبيرو قرب الفجر

يا أختي إن شالله تكبر وتتجوز

طب يا راجل خد بعضك وروح المستشفيات وشوف الضحايا وقابل المصابين واسمع من الناس ... أو إتعشى ونام وأقعد في بيتكم وأكفينا هزلك وضعفك

[abaomar]

الاخت ام مجدي .. قصدي عصام شرف راح زار منطقة ماسبيرو قرب الفجر

يا أختي إن شالله تكبر وتتجوز

طب يا راجل خد بعضك وروح المستشفيات وشوف الضحايا وقابل المصابين واسمع من الناس ... أو إتعشى ونام وأقعد في بيتكم وأكفينا هزلك وضعفك

السلام عليكم

الفاضل س س

.

يا اخى انا مستغرب جدا من هذا الهجوم الشديد على عصام شرف رغم

معرفتك الشديده و كل الناس عن وضع و امكانيات الرجل المتواضعه

و المصيبه الكبيره انه فى ظل كل تلك الاحداث يتم تناسى و الطرمخه على اسباب ما حدث و تلك الاسباب

التى ستظل موجوده و ستتكرر و خصوصا عندما نقترب من الانتخابات

.

من يومين يا س س يا مؤمن طلع واحد قليل الادب مشلوح مسحوب من لسان اهله فى الاعلام الفضائى

و اصدر تهديد ووعيد شديد بما حدث بالفعل امس

التهديد معلوم و منشور يا عم احمد و لا انت ما شفتهوش و ما سمعتهوش و لا النت كانت فاصله عندك

ما حدث امس مرتب و سابق التجهيز

هناك ناس رايحه المظاهره و معاها سلاح

واخد بالك يا احمد يا حقانى ...سلاح .. بنفس الطريقه

حدث هذا من قبل فى موضوع العمرانيه التى تم التزوير الفاضح فيها و تحول مبنى الخدمات بغمضه عين و قفز فوق

كل شئ بدء من القانون وصولا للاعراف و الادب الى كنيسه و طزين فى القانون و كل حاجه اخرى

و تم قطع الطريق الدائرى و حرق الاطارات و السيارات بالضبط مثل الامس

مع اختلاف اخر جوهرى ان الامس كان هناك هدف جديد و خطير الا و هو الاشتباك مع الجيش

و قد حدث و فى ثوانى ارتفعت المناحه و اقباط المهجر الان بيلطموا على الاضطهاد و هم كذابون

هم و من يدعمهم فى الخارج و الداخل

امس و للتأكيد على كلامى كان هناك اتصال مع واحد اسمه فلوباتير على الجزيره

واخد بالك يا احمد ..الجزيره ..مش التليفزيون المعتوه.. و سأله المذيع لماذا لا تتركوا الفرصه

حتى وصول حكومه منتخبه حره باختيار الشعب لتسيير الامور و اعاده الانضباط و تحقيق الحق و العدل للجميع

كان رد الرجل واضحا برفض الانتخابات اساسا و هذا هو المحك فى كل ما يحدث الان

لا مشكله المريناب و لا غيرها

ثم سأله عن تهديدات الرجل للمحافظ و المشير رد عليه رد غريب ان القس مشلوح ..اى انه مفصول من الكنيسه تعجبت من هذا الاستعماء للجميع فالقس المشلوح كان سائرا فى المظاهره بلبس الكهنوت و يسير بجوار قساوسه اخرون لم يعترضوا على كلامه بل سكوتهم على هذه التهديدات الخطيره و البذيئه تأييد له .

مصر تساق الان الى اخر محطه تدمير لمنع الانتخابات بأى شكل و لو حدثت حرب اهليه و يتم الدفع الان

بالضغط على الجيش ليعلن الاحكام العرفيه و يعلن ايضا استمراره فى الحكم الى اجل غير مسمى

فقط كل هذا لمنع وصول الاسلاميين الى الحكم ..هذه هى الخلاصه

و لكن .....بعيد عن اشنابهم جميييييييييييييييييييييييييييعا .

تم تعديل 10 أكتوبر 2011 بواسطة abaomar

[Abu Reem]

واخد بالك يا احمد ..الجزيره ..مش التليفزيون المعتوه.. و سأله المذيع لماذا لا تتركوا الفرصه

حتى وصول حكومه منتخبه حره باختيار الشعب لتسيير الامور و اعاده الانضباط و تحقيق الحق و العدل للجميع

كان رد الرجل واضحا برفض الانتخابات اساسا و هذا هو المحك فى كل ما يحدث الان

لا مشكله المريناب و لا غيرها

مصر تساق الان الى اخر محطه تدمير لمنع الانتخابات بأى شكل و لو حدثت حرب اهليه و يتم الدفع الان

بالضغط على الجيش ليعلن الاحكام العرفيه و يعلن ايضا استمراره فى الحكم الى اجل غير مسمى

فقط كل هذا لمنع وصول الاسلاميين الى الحكم ..هذه هى الخلاصه

نعم سمعت هذا الحوار امس ، وأتوقع ان الجميع مفروض يعرف الان ، ان الهدف من كل هذه الاحداث ليس غرضها العلاقة بين المسيحي والمسلم ، ولكن غرضها القضاء تماما على اهداف الثورة وخاصة بعد ان اثبتت الجمعة الاخيرة ان الميدان فقد بريقه..وهذا ما توقعته وتوقعه العديدين منذ فترة..وقلنا انا الاصرار على التظاهر لكي يقدم المجلس العسكري اي مطالب هو امر غير منطقي

فكيف تطلب من جزء من النظام السابق تحقيق مطالبك..

وايضا ياما تكلمنا عن اهمية تحديد مطلب واحد وعمل الضغط على شيء واحد وهو سرعة البدء في تسليم البلد لسلطة مدنية والبدء في اجراء انتخابات..

ولكن بعض القوى الثورية المعروفة اصرت على تضييع الوقت في مليونيات لم تأتي بنتيجة حتى الان

واتوقع الان أن هذه القوى الثورية بالاضافة الى بعض الاحزاب وبعض مرشحي الرئاسة سعداء بهذه الازمة الان التي ليس لها إلا هدف يتكون من احتمالين....

- إما ان يظل المجلس العسكري في الحكم حتى يتم يتقديم وجه عسكري بلباس مدني للحكم

- أو تسليم السلطة إلى مرشح او إلى حزب يرضى عنه المجلس العسكري ويكون تحت طاعته وامره

تم تعديل 10 أكتوبر 2011 بواسطة Abu Reem

[abaomar]

نعم سمعت هذا الحوار امس ، وأتوقع ان الجميع مفروض يعرف الان ، ان الهدف من كل هذه الاحداث ليس غرضها العلاقة بين المسيحي والمسلم

السلام عليكم

صدقت اخى الفاضل ابو ريم جزاك الله خيرا

لا علاقه لغالبيه المسيحيين فضلا عن المسلمين باحداث الامس التى يقودها لوبى خبيث مكون من

متطرفى الكنيسه المصريه امثال القس بذئ اللسان الذى هدد المحافظ بأن يضربه باللى فى رجله و يضع اصبعه فى عينيه

و كان يسير فى مظاهره فى الشارع ترفع شعار

بيقولوا علينا أقليه و إحنا اصحاب الارض ديه

(اتعجب منك يا س س كيف لم يثيرك مثل هذا الشعار )

رغم ان هدف المظاهره لا علاقه له إطلاقا بهذا الشعار المرفوع منذ اربعين عاما و ردده الكثيرين أخرهم بيشوى

ثله العلمانيين و الليبراليين المنتشرين فى الاعلام المصرى يدعمهم جميعا

المعسكر الغربى تقوده امريكا التى فضحتهم امام الجميع بموضوع التمويل المخزى و الذى لا يتكلم عنه احد

غالب المسيحيين المصريين بما فيهم بعض رجال الدين (مثل البابا مكسيموس مثلا و القس لمعى )و مثقفين امثال (رفيق حبيب و جمال اسعد و الكثيرين ) محترمين و يعيشون جنبا الى جنب منذ قرون فى تعايش و جوار محترم مع المسلمين بشكل

غير مسبوق فى اى تاريخ او حضاره أخرى و الى اليوم و انظروا ايها المنصفين الى ايرلندا الاوروبيه المتحضره

ماذا يفعل الكاثوليك مع البروتوستانت هناك لتعرفوا ما هو الاسلام و من هم المسلمين المصريين .

تعالى يا ابو ريم الى شارع سليم الاول فى الزيتون و تمشى فى الشارع حتى نهايته عند قصر الطاهره

و ستجد تجاور غريب و تعايش اغرب و ستجد المنتقبه واقفه تشترى من محل واحد مسيحى

و ستجد المسيحيه و تعرفها تفعل نفس الشئ عند محل واحد مسلم و لا ينظر الاثنان قبل الدخول الى

ديانه المحل ..هذه هى مصر و هذا هو دينها كيف علم الجميع و احتوى الجميع

اما القس المشلوح فليس له إلا ..إللى فى رجله . .

تم تعديل 10 أكتوبر 2011 بواسطة abaomar

[احمد رضوان]

@nawaranegm

Nawara Negm

الناس اللي نزلوا مع الجيش امبارح شايفيني محجبة وبيقولوا لي: انت مسلمة ولا مسيحية

المذبحة ... والقتل على الهوية ... مصر إلى الهاوية يقودها العميان

[abaomar]

السلام عليكم

الله عليك يا ابو اسماعيل

وصف حازم صلاح أبو إسماعيل، المرشح المحتمل لرئاسة الجمهورية، الاشتباكات العنيفة بين قوات من الجيش وآلاف المتظاهرين أمام مبنى اتحاد الإذاعة والتليفزيون (ماسبيرو)، بأنها «أحداث موجهة لتشديد قبضة الأمن».

وأكد المرشح المحتمل، أن «الحشد المضاد لمواجهة الأحداث عملية مصنوعة أيضا»، داعيا الجميع للعودة إلى بيوتهم، ولفت إلى أن ما يحدث نتيجة «غفلة بعض التيارات السياسية المهمة والكبيرة»، دون أن يسميها.

وعلق أبو إسماعيل على الأحداث بقوله: «قلنا من قبل ونقول ثانية: الحل هو تطبيق العدل على الجميع، وسواء كان المخطئ مسلماً أو مسيحياً فيجب أن يطبق عليه العدل».

ولفت إلى أن «المسيرة كان معداً لها ومعلنا عنها قبل 3 أيام، وخط سيرها معروف، ولم يصدر تصريح من الأنبا شنودة أو الكنيسة بخصوصها، لذلك نحن أمام شيء ليس طائفيا، لكنه شيء موجه بهدف التشديد الأمني

http://www.almasryalyoum.com/node/503486

[se_ Elsyed]

يا اخى انا مستغرب جدا من هذا الهجوم الشديد على عصام شرف رغم

معرفتك الشديده و كل الناس عن وضع و امكانيات الرجل المتواضعه

أعتقد إننا نقول كلمة إمكانياته متواضعة لما يكون معذور ومش قادر يسدد دين عليه أو شخص عنده مشاكل صحية ... لكن لما يكون رئيس وزراء يبقى يا يحل ويربط .. يا يروح يقعد وسط عياله

ده اللي أعرفه بس

التهديد معلوم و منشور يا عم احمد و لا انت ما شفتهوش و ما سمعتهوش و لا النت كانت فاصله عندك

حاضر .. بعد كده هابقى أطمن عليك وأتأكد إنك بتقرأ كل ما يُكتب

الرباط الخاص بي

أما بخصوص التهديد ... ولأن العدالة والحق لابد أن يكون له عينان ... فلقد سبقه تهديد من شخص معتوه إسمه أبو يحي بحرق كل كنائس الأقباط في أمبابة .. إنت كنت فين ساعتها وماحدش سمعك ليه ؟

كل هذا كلام هنا وهناك .. لكن الحقيقة على الارض بتقول إن تم حرق 4 كنائس في فترة أقل من 5 شهور ...

يا عزيزي يا مسلم .. وانا مسلم مثلك ... إحنا لو إتحرق لنا طوبة في مسجد من مسيحي ... كانت الحرب العالمية الثالثة قامت في مصر ... كده ولا هاندفن راسنا في الرمل ونقول لأ مش ممكن ؟

هناك ناس رايحه المظاهره و معاها سلاح

واخد بالك يا احمد يا حقانى ...سلاح .. بنفس الطريقه

تاني ؟؟؟؟

التليفزيون المصري يبقى هو المصدر الوحيد لمعلوماتنا ..

أه .. هاوافقك ... المسيحيين حملوا مدافع وبازوكا ورشاشات وراحوا ماسبيرو عشان يضربوا الجيش ... شوف يا أخي يقوم عشرات منهم ينهدسوا تحت المدرعات وتتناثر أشلاءهم ويملوا المستشفيات ... شوفت إزاي ؟

مش ملاحظ إن دي نفس نغمة أيام 25 يناير .. إن الشرطة هي اللي بتنطحن ... وإن الشباب هما اللي بيولعوا في الشرطة ؟

كان هناك اتصال مع واحد اسمه فلوباتير على الجزيره

واخد بالك يا احمد ..الجزيره ..مش التليفزيون المعتوه.. و سأله المذيع لماذا لا تتركوا الفرصه

حتى وصول حكومه منتخبه حره باختيار الشعب لتسيير الامور و اعاده الانضباط و تحقيق الحق و العدل للجميع

كان رد الرجل واضحا برفض الانتخابات اساسا و هذا هو المحك فى كل ما يحدث الان

لا مشكله المريناب و لا غيرها

أه صح .. لازم فلوبايتر وكل المسيحيين يحطوا جزمة في بؤهم وكل يوم بيتحرق لهم كنيسة .... أصبر يا عم كلها كام شهر والحكومة تيجي تاخد حقك وساعتها يكون كل شيء تمام وكله إتحرق وأستوى

يا راجل إتقي الله .. إتقي الله وقل كلمة حق تحاسب عليها ...

لماذا تغفل ما حدث من إمام المسجد اللي سخن الناس وخدهم وراحوا حرقوا كنيسة الماريناب ... كنيسة .. مضيفة .. مطعم فول وطعمية .. .. المهم إن في عندنا حادثة حصلت المحرض عليها شخص مجرم يرتدي عباءة الدين وأستخدم العنف لأي سبب ...

وهناك طرف مُعتدى عليه

سيبنا ده كله .. ومسكنا في زمارة رقبة المعتدى عليه وعمالين نقول له : اصبر .. أوعى تصرخ .. إوعى تتكلم

الحمد لله إن إنت مش قاضي يا أبو عمر وإلا كانت هاتبقى مصيبة

[باهى الطائر الحزين]

( أدخلوا مصر إن شاء الله آمنين )

مصر بخير /

وهذه الفُقاعه من الشراذم لن تسطر تاريخها

فقط وما نحتاجه جميعا مزيداً من الديمقراطيه

( مسلمين واقباط )

ومن ارادها بسوء دحره الله ورد كيده الى نحره

[abaomar]

يا اخى انا مستغرب جدا من هذا الهجوم الشديد على عصام شرف رغم

معرفتك الشديده و كل الناس عن وضع و امكانيات الرجل المتواضعه

.

التهديد معلوم و منشور يا عم احمد و لا انت ما شفتهوش و ما سمعتهوش و لا النت كانت فاصله عندك

حاضر .. بعد كده هابقى أطمن عليك وأتأكد إنك بتقرأ كل ما يُكتب

الرباط الخاص بي

أما بخصوص التهديد ... ولأن العدالة والحق لابد أن يكون له عينان ... فلقد سبقه تهديد من شخص معتوه إسمه أبو يحي بحرق كل كنائس الأقباط في أمبابة .. إنت كنت فين ساعتها وماحدش سمعك ليه ؟

ابو يحيي فى السجن يا احمد بيتحاكم ..و لا انت مش دارى

حصل ايه مع بيشوى و لا مرقس عزيز و لا حتى ابو لسان طويل اللى هايدى المحافظ بالجزمه

و لا حاجه يا مسلم يا حقانى و لا حد هايقرب منهم مش كده و بس

بتوع العمرانيه ..فاكرهم اللى حرقوا و كسروا و القضيه اساسا تزوير شهد به الجميع طلعوا من السجن

طيب بلاش كده و لا كده

من شهرين تظاهر الاقباط امام ماسبيرو ..عارف ليه يا حقانى ياللى مش بتجامل حد

علشان الافراج عن رجل دين محبوس بتهمه تزوير و قضى منها فتره ..و تم الافراج عنه (شفت المصيبه )

كل هذا كلام هنا وهناك .. لكن الحقيقة على الارض بتقول إن تم حرق 4 كنائس في فترة أقل من 5 شهور ...

يا عزيزي يا مسلم .. وانا مسلم مثلك ... إحنا لو إتحرق لنا طوبة في مسجد من مسيحي ... كانت الحرب العالمية الثالثة قامت في مصر ... كده ولا هاندفن راسنا في الرمل ونقول لأ مش ممكن ؟

طبعا موضوع حرق الكنائس كذبه كبيره تسوق اعلاميا و يصدقها الكثيرين او يستغلونها للاسف

و ارجع يا منصف الى تفاصيل اى حادثه لن تجد مسلم يبادر بالعتداء على كنيسه و الا فلماذا لم يتم الاعتداء على كنيسه واحده ..واحده فقط ..ايام الثوره و الظروف كانت مهيئه تماما لذلك بل ان المسلمين(لو تعلم ) عملوا

لجان شعبيه لحمايه الكنائس ثم ان المضيفه ليست كنيسه و المريناب ليست كنيسه و بيت خدمات العمرانيه

لم يكن كنيسه حتى موضوع امبابه تم غلق الاعين و الاذان عن حقيقته و ان هناك يا استاذ

مسيحيين مقبوض عليهم بتهمه المبادره بإطلاق النار من داخل الكنيسه و خارجها

طبعا لن تقرأ هذا و لن تذكره و لن تذكر ما قاله د.العوا منذ سنتين عن الاسلحه

هناك ناس رايحه المظاهره و معاها سلاح

واخد بالك يا احمد يا حقانى ...سلاح .. بنفس الطريقه

تاني ؟؟؟؟

التليفزيون المصري يبقى هو المصدر الوحيد لمعلوماتنا ..

أه .. هاوافقك ... المسيحيين حملوا مدافع وبازوكا ورشاشات وراحوا ماسبيرو عشان يضربوا الجيش ... شوف يا أخي يقوم عشرات منهم ينهدسوا تحت المدرعات وتتناثر أشلاءهم ويملوا المستشفيات ... شوفت إزاي ؟

ما هى دى المشكله انك ما بتتفرجش إلا على التليفزيون المصرى

امبارح يا استاذ كان هناك شهود عيان مع الجزيره مباشر و أكدوا ان هناك كان اطلاق نار من جانب المتظاهرين

مش ملاحظ إن دي نفس نغمة أيام 25 يناير .. إن الشرطة هي اللي بتنطحن ... وإن الشباب هما اللي بيولعوا في الشرطة ؟

كان هناك اتصال مع واحد اسمه فلوباتير على الجزيره

واخد بالك يا احمد ..الجزيره ..مش التليفزيون المعتوه.. و سأله المذيع لماذا لا تتركوا الفرصه

حتى وصول حكومه منتخبه حره باختيار الشعب لتسيير الامور و اعاده الانضباط و تحقيق الحق و العدل للجميع

كان رد الرجل واضحا برفض الانتخابات اساسا و هذا هو المحك فى كل ما يحدث الان

لا مشكله المريناب و لا غيرها

أه صح .. لازم فلوبايتر وكل المسيحيين يحطوا جزمة في بؤهم وكل يوم بيتحرق لهم كنيسة .... أصبر يا عم كلها كام شهر والحكومة تيجي تاخد حقك وساعتها يكون كل شيء تمام وكله إتحرق وأستوى

يا راجل إتقي الله .. إتقي الله وقل كلمة حق تحاسب عليها ...

لماذا تغفل ما حدث من إمام المسجد اللي سخن الناس وخدهم وراحوا حرقوا كنيسة الماريناب ... كنيسة .. مضيفة .. مطعم فول وطعمية .. .. المهم إن في عندنا حادثة حصلت المحرض عليها شخص مجرم يرتدي عباءة الدين وأستخدم العنف لأي سبب ...

وهناك طرف مُعتدى عليه

يا نهار اسود اومال بيشوى و من قبله البابا اللى قال خلى الدم للركب من اسوان لاسكندريه منذ اكثر من ثلاثين عاما ..واخد بالك يا س س .. حتى قبل كذبه حرق الكنائس و حتى ابو جزمه فى رجله ..كووووول دول كانوا بيعملوا ايه و ليه ما شفناش السخونيه دى ساعتها و لا انت ناسي وفاء قسطنطين و كاميليا و حادثه مسرحيه الاسكندريه اللى بيسخروا فيها يا مسلم منك و من دينك و نبيك فى مسرحيه تمت داخل الكنيسه و برعايه البابا و اللا النت كانت فاصله عندك ساعتها

سيبنا ده كله .. ومسكنا في زمارة رقبة المعتدى عليه وعمالين نقول له : اصبر .. أوعى تصرخ .. إوعى تتكلم

الحمد لله إن إنت مش قاضي يا أبو عمر وإلا كانت هاتبقى مصيبة

يا استاذ يا منصف كان منذ عده ايام لقاء على قناه الناس مع محامى و أستاذ اديان مسلم من اهالى المريناب

واخد بالك ..من اهلها ..و ذكر الحقيقه فى حلقه على الهواء اذيعت و فيها تكذيب لما تسمعه و تكرره هنا

بخصوص موضوع الامام اللى سخن الناس

اليك لو عندك وقت و استعداد للانصاف تلك الحلقه التى اذيعت على الهواء و ليحكم الجميع

رجاء خاص الاستماع لمداخله مواطن مصرى صعيدى عند الدقيقه 19

http://www.youtube.com/watch?v=_DOdE0rEiNw&feature=share

تم تعديل 10 أكتوبر 2011 بواسطة abaomar

[عبير يونس]

( أدخلوا مصر إن شاء الله آمنين )

مصر بخير /

وهذه الفُقاعه من الشراذم لن تسطر تاريخها

فقط وما نحتاجه جميعا مزيداً من الديمقراطيه

( مسلمين واقباط )

ومن ارادها بسوء دحره الله ورد كيده الى نحره

مؤكد أستاذي

كنت منهارة لما حدث

خصوصا و انني بعيدة و لا أعرف ما يجري غير من الفضائيات

فلا ثقة عندي نهائيا في التلفزيزن المصري بكل أسف

و عندما فكرت قليلا

و جدت أننا على مدى قرون متعايشون مع بعضنا و لم يستطع كائن من كان تفريق عنصري أمتنا

فهدأت

و تركت الأمر لله وحده

و الذي بكل تأكيد لن يتركنا

و كلي يقين أنه سبحانه لن يخذلنا

آمين

[أبو يمنى]

أما بخصوص التهديد ... ولأن العدالة والحق لابد أن يكون له عينان ... فلقد سبقه تهديد من شخص معتوه إسمه أبو يحي بحرق كل كنائس الأقباط في أمبابة ..

تصحيح : الشخص الذي تقصده هو "أبو أنس" وليس "أبو يحيى" .

عموماً "أبو أنس" أخطأ بشدّة ، وإن كان بعد تصريحاته تلك قدأصدر تسجيلاً يبرر فيه ما قاله بأنه كان تحت تأثير الصدمة والأهوال التي عاينها في إحداث إطلاق النار تلك ويتراجع عن تصريحاته ، كما أن الشيخ محمد عبد المقصود أيضاً قد انتقده بشدّة في تسجيل له .

أما الشيخ "أبو يحيى" فهو الشخص الذي قابل الأخت "كاميليا شحاته" وعايش قضيتها بنفسه ، وهو معتقل حالياً بتهمة إثارة الفتنة !!!

تم تعديل 10 أكتوبر 2011 بواسطة تامر حسن محمد

[se_ Elsyed]

الأخ أبو عمر

إذا كان موضوع حرق الكنائس كذبة كبيرة بالنسبة لك ..

يبقى فوتك بعافية .. مافيش فايدة من الكلام معاك

[abaomar]

الأخ أبو عمر

إذا كان موضوع حرق الكنائس كذبة كبيرة بالنسبة لك ..

يبقى فوتك بعافية .. مافيش فايدة من الكلام معاك

السلام عليكم

على راحتك و لك كل التقدير و الاحترام

و لكن الحقائق موجوده و موثقه صوت و صوره و للاسف لم تنصف نفسك بالاطلاع عليها ربما تغيرت ارائك

و سنندم جميعا يوم ان نسمع الانذار الامريكى بالتدخل لحمايه الاقليات الدينيه

كما يخطط لذلك من تعرفهم و اعرفهم جيدا بدايه لمخطط التقسيم ..و الا دى كمان كذبه .

مره اخيره اسمع و شاهد لعل و عسى و اليك الحلقه من اولها

http://www.youtube.com/watch?v=RtywZ2ZjrI4&feature=related

تم تعديل 10 أكتوبر 2011 بواسطة abaomar

[مغتربة]

من امبارح و انا تحت الصدمه

بقلب فى القنوات يمين و شمال

اسمع من هنا كلام و منا هناك كلام تانى

لكن بعترف ان الى حصل امس اكبر من طاقه حروفى انها حتى تتكلم عنده

دا بالنسبه لى من الاحداث الى بتقف ادامها مذهول

بتحس ان تفكيرك اتشل و مش عارف تجمع

مش عارف تقول ايه

لانك اساسا مش فاهم بيحصل ايه و ليه

لكن اكيد مينفعش نشوف يوم زى الى حصل امبارح دا تانى ابدا

امبارح نقطه شديده السواد فى توب لازم يفضل ابيض

اكيد مش هنقدر نزيلها تماما كانها شيئا لم يكن

و ان كنت اتمنى ذلك بشده

و لكن على الاقل لازم نتاكد بكل الوسائل ان تكرارها مستحيل

ايه هى الوسائل دى و ازاى نتاكد من كدا

انا نفسى اعذرونى لو قلت لكم دلوقتى انى مش عارفه

بس اكيد بعد فتره لما الواحد يعرف يلملم شتات روحه الى اتبعترت حزن على بلده و الى حصل لاهلها

و بعد ما الحقيقه كلها تنكشف بشكل جلى

اكيد هيكون ساعتها باذن الله لينا حديث مره اخرى

لكن دلوقتى كل الى اعرفه ان انا حزينه حد الموت على بلدى و على الى حصل لها امبارح

[مغتربة]

بالمختصر كدة عشان ورايا مذاكرة...

أعلن بالانابة عن نفسي، و مش باسم أي حد تاني

انني مسامح كل مصري ضايقني أو حرق كنايس أو حرض علي أو اتمني لي الأذي

أعلن اعتذاري الشديد لكل مصري تأذي من أفعالي أو أفعال اخوة لي انفجروا من الشعور بالظلم و التهميش، و لكن لا يغفر لهم غضبهم أن يتجاهلوا مشاعر الآخرين

أعلن لكل أخ سلفي كان أو اخواني أو علماني أو ليبرالي أو ملحد، انني احبه و اخاف عليه و أقبل عدله و محبته مهما كانت ظالمة، لأنه أخي و سيظل أخي الي الأبد و لو كره ذلك

أقبل عدل كل هؤلاء و لا أقبل عدل المجلس العسكري و لو ادعي الورع و التقوي و كراهية السلطة... أتهمه بالكذب و دلائلي أكثر من أن احصيها

أسأل يعني، هل ألوم المتظاهرين علي ما فعلوا ، أو الجيش علي ما فعل، و أقضي حياتي اتسائل عن وجود مندسيين أو عملاء و الكلام الكبير ده؟

و لا أسأل المجلس المش عسكري خالص، حضرتك ليه لم تتدخل و تتفاوض و تقيم الدنيا و لا تقعدها حتي يرجع هؤلاء الأقباط عن مظاهرتهم التي أعلنوها للجميع قبلها بعدة أيام؟خاصة وان مطالبهم مشروعة وكذب المحافظ اعلن و التراخيص طلعت علي الفضائيات بالختم الحكومي؟

و لا هي المظاهرة دي كانت منتظرة بفارغ الصبر من القيادة العليا و سيادة المشير اللي مش فاضي غير انه يمشي باللبس المدني في الشارع عشان التلفزيون يصور؟

ارحل يعني امشي... اما أهلي من ذوي الذقون أو من حليقيها، فهم أهلي و ليس لك التدخل بيننا الا لتطبيق القانون...

مواطن قبطي لا و لم و لن يحمل سلاحا و لن يكره أخوته مهما صورهم لنا الاعلام الداخلي و الخارجي علي أنهم وحوش تبغي لحمنا

تحيه تقدير لحضرتك لا ارى التقييم وحده كافى لايصالها

اتمنى ان ينعم الله علينا جميعا بمثل هذا السلام الداخلى الذى تتحدث من منطلقه

فبالتاكيد اشياء كثيره ستتغير

[se_ Elsyed]

الحديث الان يدور عن هرتلة .. تُشبه بالظبط هرتلة ثورة يناير ..

كائنات فضائية نزلت من السماء وقتلت المتظاهرين بالقناصة

هي هي .. الان .. بلاغات وتويتات من صحفيين .. وشهادات من سكان بجوار فندق هيلتون .. يقولوا إنهم شاهدوا قناصة في الدورين الرابع والخامس بالفندق يطلقون النار على المتظاهرين والجيش على حد سواء

معنى كده إن النهارد أتوقع تقرير طب شرعي يثبت إن الـ 24 قتيل كلهم او بعضهم إتقتل برصاص قناصة اتى من اعلى

بس إيه ده .. أول مره في حياتي أعرف إن رصاصة القناصة بفرتك جسم الواحد وتجعله أشلاء زي ما يكون داست عليه سيارة مدرعة .. غريبة مش كده ؟

بيقول لك برضوا إن قوات خاصة هاجمت الفندق وقبت على العديد من الغرباء وقاطني الدورين الرابع والخامس

ده أنا نفسي قبل ما أموت أشوف حد من دول وأعرف مين وراه