انت مين فى دول ( الثوره داخل اتوبيس )

[capitshino]

بالنسبه لسؤال كابتشو الرجل الملتحي كان مدروس بمنتهى الاحتراف

كل اللي في دماغه انه يقرأ في المصحف و ان البنت الحلوه تنزل وبس

حتى لما اتسأل كان رده ان ااتوبيس يرجع الى الوراء في اشاره رمزية موفقه

معلش يا باشمهندس انا مش موافقه علي تحليل حضرتك ده

وبالتالي مش موافقه علي الإشاره الرمزيه دي

لو الاسلاميين بينادوا بتطبيق شرع الله ، يبقي ده مش معناه الرجوه للوراء

إيماني ان الشريعه لو اتطبقت صح لا يمكن تكون سبب في التقهقر للخلف ، بل العكس هو الصحيح

والأخطاء الفرديه لبعض الاسلاميين ، لا دخل للشريعه بها

تحياتي

بس مش كل الاسلاميين عاوزين البنت الحلوة تنزل من الاتوبيس

فى ناس عاوز تساعد الناس دى على طاعة الله ... واعتقد انك فى الفترة

الاخيرة تاكدت من النقطة دى .

[نوران]

بالنسبه لسؤال كابتشو الرجل الملتحي كان مدروس بمنتهى الاحتراف

كل اللي في دماغه انه يقرأ في المصحف و ان البنت الحلوه تنزل وبس

حتى لما اتسأل كان رده ان ااتوبيس يرجع الى الوراء في اشاره رمزية موفقه

معلش يا باشمهندس انا مش موافقه علي تحليل حضرتك ده

وبالتالي مش موافقه علي الإشاره الرمزيه دي

لو الاسلاميين بينادوا بتطبيق شرع الله ، يبقي ده مش معناه الرجوه للوراء

إيماني ان الشريعه لو اتطبقت صح لا يمكن تكون سبب في التقهقر للخلف ، بل العكس هو الصحيح

والأخطاء الفرديه لبعض الاسلاميين ، لا دخل للشريعه بها

تحياتي

بصي يا نوران

اولا في النقد الفني كلمة ( موفق ) تعني نجاح المخرج او الممثل في توصيل فكرته وليس تقييم الفكره من اي منظور ديني او اخلاقي بمعنى

لو الممثل ادى دور مدمن مخدرات زي احمد زكي مثثلا وانا جيت قلت انه كان موفق مش ينفع تقولي لا يا بشمهندس هو غير موفق عشان المخدرات حرام

تاني حاجه

بعد مواقف عصام سلطان والشيخ حازم و العوا وابو الفتوح القويه والحازمه لايمكن حد يقبل انه يضعهم في سلة واحده مع بتوع قندهار وهتافاتهم يا مشير انت الامير

دول اللي يتقال عليهم انهم خارج اطار الزمن وخارج اطار الوعي الوطني والحس السياسي السليم ودول اللي انا اقصدهم والفيلم كان يقصدهم بامارة لما ساله الراكب رد بجواب تاني خالص وعينيه سارحه في اللا مكان

اخيرا خليني اسالك

انتي مع الشيخ حازم ولا مع بتوع يا مشير انت الامير !

منتظر ردك

من زمان وانا خايفه ، من بداية الثوره

لما جنود الجيش كانوا سايبين البلطجيه يسحلوا المتظاهرين

لما سابوهم يدخلوا بالجمال والخيول من جنب دباباتهم

وكل يوم بيعدي بيزود احساسي ان فيه حاجه غلط

طبعا انا ضد سياسات المجلس العسكري تقريبا كلها

وطبعا مش موافقه ان المشير يحلم حتي انه يبقي الأمير

نفسي كل القوي السياسية تتحد ، عشان تبقي قويه بجد

ونفسي المجلس يحدد مواعيد الإنتخابات ونخلص من المرحله الكابوس دي

وكل واحد ينتخب بحريه سواء انتخابات مجالس أو انتخابات رئاسية

وعن نفسي ، مرشحي الرئاسي هو حازم ابو اسماعيل ان شاء الله

مش عشان ملتحي وكان بيقدم برامج دينيه علي الفضائيات ، لأ عشان مقتنعه بيه وببرنامجه وبسيرته وشايفاه قدها ان شاء الله

تحياتي لحضرتك

[عمر الاسمعلاوي]

والله العظيم شباب مصر قادر يشيل الامانه ويخلي مصر ديه في السما اقتصاديا وسياسيا واجتماعيا احنا مش شويه والله يا جماعه بالعكس احنا كبار اوي بس فيه اللي مش شايف كده لانه في الاساس مش همه مصر اللي همه مين هياخد مكاني ويهمشني ومن الاخر احنا محتاجين وعي ومشاركه اجتماعيه من الكل وده مش هيحصل الا لما الشاب ياخد فرصته سعتها بس كل اب يتمني يشوف ابنه في احسن مكانه وهيفهم يعني ايه تغير مصر بقت كلها احزاب واائتلافات سياسيه بقت شبه مولود سيدي النحنوحولما قامت الثوره كان فيه مجموعه واحده بس متوحده علي شيء واحد بس وحققته رغم انه كان مستحيل وفي الخيال الان فيه ناس كتير بتندم علي الثوره بسبب الفوضي وكلمه انا ومن بعدي الطوفان احنا شعب مميز جدا وكلمه اوباما مجش من فراغ احنا فعلا بنحب بلدنا جدامين في الغربه مكنش بيبكي ايام الثوره وكميه مشاعر بين فرحه وخوف والم وامل انهي بلد في العالم الامن ينسحب فيه وفي ظرف ساعه الكل ينزل يحمي حيه متحصلش الافي مصر بس المشكله اننا عندنا ازمه ثقه كان الدنيا هتخرب لو حطينا ادينا في ايد بعض مع ان لو جربنا هنغير كيتر ليه المجلس العسكري ميلمش الشباب كله حت رايه واحده ويقتنع بتفكيرهم ويشعدهم بدل ما هو ماشي بسياسيه بكره تروق وتحلي او السياسه الحكيمه اللي هيه اصلا مفيهاش ريحه الحكمه هيعب في ايه المجلس العسكري لما يخلي شباب البلد هو اللي يقود التغير والتوعيه للناس هو اللي بيحكم الان البلد وهو اللي بايده يطلع للناس ويقول عاوزين ننظمكم في جبهه واحدهواللي تفقو عليه انا معاكو اللي خايف اقوله ان النبره ضد المجلس العسكري في تصاعد لانه خيب امال الشباب واستمع للاعتصامات الفئويه اللي بتبين اصحاب المصالح فيه ناس اصلا مشفش الوظيفه وقعده في بطاله دول بقا يعملو ايه وفي النهايه ربنا يعديها علي خير - بالنسبه للفيلم محترم جدا وفخر للشباب المصري ---- انا شايف نفسي في شخصيه الثورجي

[مغتربة]

http://www.youtube.com/watch?v=U3JxILVmOlc&feature=player_embedded

يا ريت تكتبوا انطباعتكم بعد المشاهده