كل ما يخص إنتخابات برلمان ما بعد الثورة ...

[سكر]

هولا القضاء يجب تجرسهم فى الاعلام وعمل قائمة بكل اسماء القضاة اصحاب التاخير

حتى يتم محاسبتهم ما لم يوجد عذر لذلك لانه لم يستطيع تحمل الامانه

[se_ Elsyed]

صحيح يا ولاد .. كن جميلاً ترى الوجود جميلاً

مش عارف ليه شايف كل المدارس اللي فيها مقار إنتخابية حلوه ونضيفة والجمال بينط منها

[se_ Elsyed]

إحباط محاولة إقتحام لجنة بمنشية ناصر من البلطجية والشرطة تسحلهم وتُلقي القبض عليهم

-------------

ضحكت على التليفزيون المصري من ساعتين .. جايبين مشهد حي من أمام لجنة بشبرا ... وواحد خارج من اللجنة وعلامات النصر على وشه .. علامات قديمة يعني مطاوي مقطعه وشه وبصراحة في ملكوت تاني وضايععععععععععع... فالمذيع بيسألة إيه رأيك في الإنتخابات المرة دي ؟

فقال له : مش مظبوطة عشان مافيش حكومة أمام اللجنة

الراجل طبعاً مش لاقي نفسه في الجو النضيف ده هههههههههه

[pink rose]

مراسلة الجزيرة أمام أحدى مقار اللجان في عين شمس وبعد مرور حوالي 5 ساعات القضاة لم يأتوا والمراقبون لم يأتوا .. والاعداد بالالاف والناس في حالة تذمر واضح ويهتفون ضد المجلس العسكري والمشير ... وأثناء تلك الهتافات فين وفين يصل البهوات

انا عاوز أعرف إزاي يعني ؟

ممكن سؤال

البهوات بتوع اللجنة اتأخروا ايه دخل المجلس و المشير في الموضوع

ما اغلب اللجان مفتوحة من بدري و الناس كلها طالعة تشكر في الهدوء و التنظيم و طريقة المعاملة

و دايما في اي انتخابات في اي بلد لازم يكون في سلبيات

من الأحباط يا ام مريم .. يعني 5 ساعات كتير جداً .. لا مؤخذه ده مش كفر ولا نجع محدوف ... ده في قلب البلد ... تبقى إيه الحجة إنهم يتأخروا بالمنظر ده ؟

------

اللجان هايتم غلقها الساعة 7 مساءً .. لكن أي حد واقف في طابور داخل اللجنة ... مش خارجها .. هاينتخب حتى لو كانت الساعة 10

المطرة شديدة في بعض المناطق و ممكن دا يكون عطل الناس

في اسكندرية مثلا المطرة ايه شغالة الله ينور

عموما يا رب اللي اللجان بتاعته اتأخرت يمدولهم الوقت اكتر من 7 و كمان في لسا بكرة

عن نفسي بصراحة لو الموقف دا حصل معايا هاخد بعضي و اطلع علي اقرب لجنة و ابلغ المسؤوليين هناك عشان يتصرفوا و يكلموا بتوع لجنة الانتخابات مش هاقعد العن في حد

[Om Zayd]

السلام عليكم و رحمة الله و بركاته

عموما يا رب اللي اللجان بتاعته اتأخرت يمدولهم الوقت اكتر من 7 و كمان في لسا بكرة

لسة يا ريم في المؤتمر الصحفي قايلين ان اللجان اللي اتاخرت هتعوض التأخير ده بعد الساعة 7 بإذن الله تعالى

[pink rose]

السلام عليكم و رحمة الله و بركاته

عموما يا رب اللي اللجان بتاعته اتأخرت يمدولهم الوقت اكتر من 7 و كمان في لسا بكرة

لسة يا ريم في المؤتمر الصحفي قايلين ان اللجان اللي اتاخرت هتعوض التأخير ده بعد الساعة 7 بإذن الله تعالى

طيب تمام الله ينور

يعني الموضوع بسيط ان شاء الله

و ادي خبر كمان اعتقد انه كويس

الصفحة الرسمية لرئاسة مجلس الوزراء المصرى

أصدر وزير الداخلية قرارا بإيقاف مأمور قسم شرطة عين شمس لتأخره فى توصيل اوراق الاقتراع إلى إحدى اللجان الانتخابية بدائرة القسم. وقام بتعيين لواء شرطة اخر للقيام بمهام مأمور القسم الموقوف في تأمين العملية الانتخابية فى دائرة القسم.

[Alattar]

فين أيامك يا مو - با - رك

ولا كنا بننزل من البيت أيام الانتخابات دي..وكان الواحد يبقي قاعد في بيته بإحترامه..ويلاقي الحزب الوطني اللي كلنا بنحبه فاز في الانتخابات..من غير ما الواحد يتعب نفسه

شوف دلوقتي بأه..زحمة و طوابير و عطلة..ولسه ان شاء الله هروح السفارة في المرحلة بتاعتي .. و حاجة تزهق يا أخي..

تم تعديل 28 نوفمبر 2011 بواسطة Alattar

[se_ Elsyed]

الامور تنذر بكارثة في منطقة عين شمس

حتى الأن والساعة الثالثة والنصف ... مازالت أكثر من 5 لجان إنتخابية لم يصلها أوارق إنتخابية والناس راحت قسم عين شمس وبتحاصره وحاجه أخر قلة أدب من القائمين على الإنتخابات

لا مؤخذه ده لو كفتجية بينظموا موضوع زي ده فبيعموا غرفة عمليات تتحرك في ثواني مش ساعات طويلة واليوم قرب يخلص

[se_ Elsyed]

طول ما مافيش ثواب أو عقاب في البلد .. فلن تنصلح الأحوال

البية رئيس اللجنة العُليا للأنتخابات بيقول إن بعض القضاة إتأخروا لان ما كانوش يعرفوا اللجنة بتاعتهم فين

نعم يا خويا ؟؟؟؟؟؟؟؟؟؟؟؟؟؟؟؟؟

[se_ Elsyed]

أومال لجنة عُليا إيه وتنظيم إيه وزفت إيه ؟

لما ما تعلموش من موضوع الإستفتاء والبهدلة اللي حصلت فيه نتيجة إنهم ما كانوش عاملين حسابهم والاعداد كانت كبيرة لدرجة إنها وصلت إن أوراق الأقتراع إنتهت من بعض اللجان ...

يبقى إنتو شوية كفتجية ... ولازم تتغيروا حالاً بدون نقاش او اعذار

[se_ Elsyed]

منظر ومشهد لازم يتسجل ويبقى من ضمن أوراق قضية مبارك لأفساد البلاد والعباد ... اللهي ينتقم منك إنت وولادك وكل مناضريك اللي بيقولوا عليها ثورة الخراب

- واحده ست كبيرة في السن من بورسعيد على كرسي متحرك بتعيط لأنها بعد ما وقفت في الطابور ودخلت القاضي رفض إنها تصوت لأن مش معاها غير صورة البطاقة لانها أتصابت في حادثة وعملت عملية وبطاقتها ضاعت في الحادثة ولسه مش قادرة تروح تستخرج بطاقية أخرى.

لا تعليق

[نورالعين]

أحمد عدوية: ده انا خويا مات شهيد عشان اللحظة دي

http://www.youtube.com/watch?v=eI2wsRHCfjE

[se_ Elsyed]

حافظ الميرازي أقترح إقتراح هايل وهو إن أوراق الإقتراع اللي بتعطل الناخبين داخل اللجنة لإنه بيشوفها لاول مرة ويقعد يقرأ ويذاكر 6 او 7 صفحات وياخد وقت طويل ومعطل الدنيا وراه ... لماذا لا تتكفل جهة ما ولتكن مصلحة البريد بتوصيل تلك النماذج الرسمية المختومة لكل الناخبين كما يحدث في الدول المتحضرة .

وهانروح بعيد ليه .. زي ما المغتربين عملوا .. طبعناها من على النت وجهزناها وروحنا وضعناها في الصناديق الشفافة وخلصت العملية

حرام يعني أروح اقف في طابور لعدة ساعات وفي مرضى وكبار سن وناس عندها ظروف خاصة

[se_ Elsyed]

يا عم أرحمنا بقى هو البروفور بقى جزء من شخصيتك ؟

[se_ Elsyed]

قمة التهريج

الصناديق لسه واصله حالاً لبعض اللجان في المطرية وعين شمس والناس عمالة تزغرط من الفرحة

[se_ Elsyed]

الصورة دي لازم تتنشر في العالم كله

ألف مليون تحية لجيش مصر العظيم اللي حامينا سلماً وحرباً .. لكن لازم يبعد عن السياسة

[ابراهيم عبد العزيز]

أتمنى أن لا يكون هذا الخبر صحيحا

"الوسط" يتهم "الحرية والعدالة" بسرقة استمارات التصويت

اتهم حزب الوسط، حزب الحرية والعدالة، بسرقة استمارات التصويت من داخل اللجان الانتخابية بمحافظة دمياط، والاستعانة بها خارج اللجان، لحث المواطنين على التصويت لصالح مرشحى "الحرية والعدالة".

وأكد الوسط أن تجاوزات شباب الإخوان بدأت صباح اليوم، الاثنين، بمدرسة المنتزه والمعهد الأزهرى بدمياط داخل خيمة حزب الحرية والعدالة، وقال عصام سلطان، نائب رئيس حزب الوسط ومرشحه بدمياط، إن أعضاء جماعة الإخوان قاموا بتسويد البطاقات خارج اللجان، ثم إعطائها للناخبين.

وأضاف أن غرفة عمليات الحزب المركزية رصدت تحرشات الإخوان أمام المدرسة الإعدادية بنين – دمياط، حيث تم مضايقة مندوب حزب الوسط من قبل 4 من أعضاء الحرية والعدالة، لاعتراضه على توزيع الدعاية من قبل حزب الحرية والعدالة أمام اللجان، إلى جانب قيام مرشحى الحرية والعدالة بالدائرة الثانية بدمياط، بتوجيه الناخبات داخل اللجنة لصالح حزب الحرية والعدالة.

بالفيديو.. "الوسط" يتهم "الحرية والعدالة" بسرقة استمارات التصويت

تم تعديل 28 نوفمبر 2011 بواسطة ابراهيم عبد العزيز

[الغريب]

يا جماعة الأخطاء متوقعة

أحنا في اليوم الأول سنة أولى حرية

بالعكس الغير متوقع أن الأخطاء تكون قليلة كدة

أعتقد أن معظم الأخطاء تقع عند القضاه وده شئ مبشر

لأنهم بسهولة هيقدرو يتغلبوا على مشكلاتهم بسبب محدودية العدد والهيئة ونزاهتها المعروفة

ربنا يتم الأمر بخير

وإن شاء الله بكرة هنتلافى كل الأخطاء دي، والمرحلة الثانية والثالثة مش هنلاقي أي أخطاء

أهم حاجة عجباني اليوم أن المصري حاسس أنه ليه قيمة ودي بداية حصولنا على كرامتنا كاملة

تحياتي...

[اثار]

صورة تُظهر تجاوزات الكتلة المصرية في الانتخابات

كتب - أحمد الشمسي:

أظهرت صورة تداولتها مواقع التواصل الاجتماعي بعض المخالفات التي قام بها مندوبو مرشحي الكتلة المصرية.

الرباط الخاص بي

[رضوي]

السلام عليكم ورحمة الله وبركاته

أول مرة أشارك في اي انتخابات ( بعد استفتاء التعديلات الدستورية طبعاً )

بصراحة شديدة على الرغم من الزحام الا ان الدنيا كانت منظمة جدا جدا جدا وهادية جداً

رحت اللجنة بتاعتي على الساعة 10 ص ولقيت طابور صغنن خالص لايتعدى 30سيدة وفتاه ........... قولت قشطة مافيش ناس وكلها ربع ساعة واخلص ...... لقيت امين شرطة بيقولي بعد اذنك ياآنسة اقفي في الطابور اللي هناك لأن دة طابور كبار السن وذوي الاحتياجات الخاصة ........ قولت اووووووووبس غلطت في العنوان ........ ورحت الطابور التاني طابور الشباب

ولقيت اكتر من 1000 سيدة وفتاه ووقفت في النهاية ...... والحمد لله الدنيا منظمة جداً ........ بس اتصدمت من العدد ....... كنت متوقعة العدد اقل من كدة بكتير اوي لأني في التجمع وعدد السكان قليل

ولما دخلت اللجنة اخترت اللي انا عايزاه وحطيت صوباعي في الحبر الفسفوري اللي طلع اسود المرة دي وروحت البيت

ادام اللجنة كان فيه متطوعين بيعرفوا كل شخص رقم لجنته الفرعية ورقمه في الكشف الانتخابي ........ وفيه متطوعين للتنظيم غير الشرطة والجيش

ولقيت وعى سياسي عند الناس عالي اوي

حمداً لله على سلامتي