حازم أبو إسماعيل: من يقتل دفاعا عن حقوق المسيحيين شهيد

[عبير يونس]

كل المرشحين ماشيين بمثل الصيت ولا الغنا

كلة كلام فى الهوا ومضيعين فلوسهم على الكلام وبس لكن فعل مفيش

اية الخير اللى حاولو يعملوة غير الكلام اية الفعل اللى قدموة علشان يثبتو كلامهم

الكلام سهل جدا انا ممكن اطلع فى برنامج تلفزيونى واقول كلام زى الفل لكن اللى فى القلب فى القلب

طيب ازاى كان كل التصرفات اللى فاتت من السلفيين الشنيعة واللى كلها قتل وذبح وهدم وغل هو زعيمهم

اللى بيروجولو هذة الاعلانات المنومة يعنى مينفعش قبيلة تتصرف بدون علم زعيمها

عايزين تفهمونى انة فى وادى واتباعة فى وادى

بتفكرونى بفيلم الارهابى بتاع عادل امام

لما قالة انت هتفخخ نفسك وهتروح الجنة واحنا هنستناك تحت فقال لهم طيب لية انا مستنكوش وانتو اللى اللى تروحو الجنة po::

طيب كان فين الباشا دة لما العاطلين عملو مظاهرات ومش لقيين شغل وكان فين لما الناس كانو بينامو امام مسبيرو علشان مش لقيين مكان ينامو فية

لية بفلوس الدعايا دى اللى بالملايين ميفتحش مصنع او يعمل شقق سكنية يشغل الشباب

كلام وبس الشعب المصرى دائما مش بيهتم غير بالكلام وبس والبروباجندة

هل تعلمو ان كنائسنا تعمل فى الخفاء للمسلمين والمسيحيين بدون اعلام ولا وكلام. داخل الكنيسة عالم أخر

يوجد مطابخ لعمل وجبات لاطفال الشوارع وبيوصلوهالهم لحد ايديهم ويوجد مشغل لعمل الملابس للعرائس والعرسان الغير قادرين على الزواج

وعمل ملابس الاطفال للسيدات الحوامل مسلمين ومسيحيين ويوجد ثلا جات لتجميع اللحوم والفراخ لتوزيعها على الغلابة والغير قادرين على شرائها فى الاعياد

وانا من ظمن الخدام فى مثل هذة الكنائس وبنخدم كل من يدق بابنا وببدأ شغل الخدمة فى الكنيسة بعد فترة عملى انا وزوجتى واولادى

نزور مرضى فى البيوت او المستشفيات نلم فلوس من اقاربنا واصحابنا لعمل عملية لشخص غير قادر

ممكن السيدات تزور المسنات وتحميهم وتنضفلهم شققهم ويعملولهم أكل

ونفس الحال بالنسبة للشباب يزورو المسنين ويسعدوهم

وايضا بنزور المساجين وبنأمنلهم شغل لما يخرجو وبنراعى اسرهم

بنحاول نلم اطفالنا وشبابنا داخل الكنيسة بعمل حوش صغير للعب وعلشان نغرز فيهم روح الخدمة

وهكذا حياتنا نحن المسيحيين

وفى النهاية نلاقى شوية ملهمش اصل ولا فصل جايين يهدمو بيتنا اللى هى كنيستنا بحجة الدين

وفى الاخر يطلع واحد منهم يقول اى كلام فى اى كلام والمفروض اننا فى الاخر نصدق ونقول حاضر ونقول أمين وليس لنا حق الاعتراض

لتمنى انى اكون اوضحت الصورة ومعنديش كلام تانى

وخلاص مبأناش نصدق حد مهما قال خلاص خلصت

وشكرا

أستاذ جو

كل اللي قلته أعرفه جيدا عن الدين المسيحي

و أعرف كم الخير الذي تقومون به

و من سنوات طويلة و انا اتعامل معكم في مصر بكل ود و تلقيت ايضا كل ود

و كم ذهبت لمستشفيات و مستوصفات بحجابي و الذي هو عنوان انني مسلمة و لم أجد غير المعاملة الحسنة

عمري ما حسيت ان في فرق أصلا بيننا

و لازلت أذكر كل جيراني و أصدقائي المسيحيين و كل معاملاتهم الطيبة و مواقفهم المشرفة جدا معي

و أحب أقول لحضرتك ان الاسلام - و ليس بعض المسلمين للأسف- دين يهتم جدا بما تفعلونه و يحث عليه و يأمر به

سوء تصرفات بعض المنتسبين للإسلام للأسف ترسخ فكرة الطائفية و بكل أسف

لست من مؤيدي الأستاذ حازم

لذا فلن أكون حيادية في الكلام عنه

و لكن أكيد يا أستاذ جو كتيرجدا من المسلمين بيعملوا الخير برضه حتى لو كان مخفي و بلا دعاية

نتفق بعقيدتنا و عقيدتكم على المحبة والخير

و هما موجودان بكثرة و لكن كثرة الخبث الموجود على السطح يخفي الخير الكثير بالداخل

حاسة بحضرتك جدا و بكم الاحباط اللي انت حاسس بيه

لكن الأمل دايما موجود في الأفضل دايما

و تأكد في النهاية لن يتركنا الله دون دعم منه سبحانه

و كلي يقين إن ربنا لا يمكن يوصل حد للحكم ما لم يكن جديرا به

ربنا وحده هو اللي حمى الثورة و حمى المصريين من المذابح اللي قامت على يمينا و شمالنا

ربنا كبير و لا يمكن بعد ما حقق لنا كل الخير ده انه يتركنا

خللي يقينك في ربنا وحده

محدش حينفعنا غيره

تعالى ندعي ربنا معا

إن ربنا يحفظ مصر و المصريين من كل سوء

و ييسر لنا الخير لينا كلنا و لبلدنا الحبيبة

[Om Zayd]

زعيم و أتباع؟؟؟؟

:blink:

بجد مصدق الكلام ده؟؟؟؟

و ملايين ايه اللي بتتصرف؟؟

على الصفحة الناس هيا اللي بتعرض تنظم له المؤتمر و تتكفل به

الدعاية اللي بتتطبع ... كل مجموعة بتلم من بعضها و تتفق مع مطبعة و فيه مطابع بتعمل لهم تخفيض

حتى المنصات اللي اتعملت له في التحرير لم يكن له علم مسبق بها بل و أعلن عدم موافقته عليها و ذهب و خطب على منصات اخرى

[Om Zayd]

هل تعلمو ان كنائسنا تعمل فى الخفاء للمسلمين والمسيحيين بدون اعلام ولا وكلام. داخل الكنيسة عالم أخر

******************

وخلاص مبأناش نصدق حد مهما قال خلاص خلصت

وشكرا

أيوة عارفة

و بجد اكيد جواك خير عشان تتطوع و تساعد في ده و تعلمه لاولادك

و مصريين كثيييييييييييييير بيعملوا زيك

بس لما بيبقوا إخوان او سلفيين بيتقال .. شوف النفاق .. بيشتروا اصوات الناس

حتى لو مفيش انتخابات او ده شغلهم من زماااااان

بالنسبة لانك متصدقش

ده متوقع بعد سنوات من التضليل و شغل امن الدولة و تصرفات خاطئة من الجانبين

بس على الاقل متكذّبش حد او تصادر على نيته

تم تعديل 9 أكتوبر 2011 بواسطة Om Zayd

[ابراهيم عبد العزيز]

الأخ جو /

كل المرشحين ماشيين بمثل الصيت ولا الغنا

كلة كلام فى الهوا ومضيعين فلوسهم على الكلام وبس لكن فعل مفيش

اية الخير اللى حاولو يعملوة غير الكلام اية الفعل اللى قدموة علشان يثبتو كلامهم

الكلام سهل جدا انا ممكن اطلع فى برنامج تلفزيونى واقول كلام زى الفل لكن اللى فى القلب فى القلب

هذه الجزئية أتفق معك فيها تماما , والشعب المصري كله فقد الثقة فى المسئولين لأنه لا يرى منهم إلا الكلام

والكلام سهل بالفعل والفيصل هو التطبيق على الأرض , لذلك لكي نحكم عليهم بحيادية فلننتظر بعد توليهم الحكم ولا نحكم على النوايا

وهذا الكلام يخص كل المرشحين وليس الدكتور حازم حصريا

طيب كان فين الباشا دة لما العاطلين عملو مظاهرات ومش لقيين شغل وكان فين لما الناس كانو بينامو امام مسبيرو علشان مش لقيين مكان ينامو فية

الدكتور حازم يا أخ جو لم يكن مسئولا فى الدولة حتى نقول له ( كنت فين لما العاطلين مكنوش لاقين شغل ) , اما فعل الخير والصدقات فهذه الله وحد اعلم بها

وفى النهاية نلاقى شوية ملهمش اصل ولا فصل جايين يهدمو بيتنا اللى هى كنيستنا بحجة الدين

وفى الاخر يطلع واحد منهم يقول اى كلام فى اى كلام والمفروض اننا فى الاخر نصدق ونقول حاضر ونقول أمين وليس لنا حق الاعتراض

لا أدري ما المقصود بكلمة ( واحد منهم ) ؟ هل رأيت الدكتور حازم مثلا كان يمسك قنينة غاز وكبريت وكان من ضمن من احرقوا الكنيسة ؟؟

وانا والله لا أقول كلامي هذا دفاعا عنه ولكن أقول ما أراه انصافا له

وانا لست من المنتمين للتيارات الدينية التي على الساحة حاليا وكنت ومازالت ضد ان يتولى احدهم الحكم فى مصر ومداخلاتي فى المنتدى هنا تثبت ذلك , ولكن هذا الرجل الدكتور حازم بالتحديد اجده مختلفا وأتوسم فيه الخير ولا أذكي على الله أحدا

وعموما أنا أعذرك فى كلامك بسبب الفترة الماضية واحداثها ولكن هذه الاحداث هناك من عندكم من هو ساهم فيها وبدون تفاصيل لانها معروفة.

تم تعديل 9 أكتوبر 2011 بواسطة ابراهيم عبد العزيز

[pink rose]

سؤال صغنن هو انتوا بتدافعوا كده ليه؟؟؟

من ساعة ما الاستاذ جو حط مدخلاته القيمة في التوبيك دا و انتوا منهمكين في التوضيح شوية و الدفاع شويتين

و اللطيف انه هو مستمر في طريقته بل بالعكس بيزيد

رأيي ان المداخلات من النوع دا تجاهلها افضل كتيررررررررر

[ابراهيم عبد العزيز]

سؤال صغنن هو انتوا بتدافعوا كده ليه؟؟؟

من ساعة ما الاستاذ جو حط مدخلاته القيمة في التوبيك دا و انتوا منهمكين في التوضيح شوية و الدفاع شويتين

و اللطيف انه هو مستمر في طريقته بل بالعكس بيزيد

رأيي ان المداخلات من النوع دا تجاهلها افضل كتيررررررررر

لا بأس من التوضيح يا اخت بينك روز

فنحن نفترش فى الاخ جو حسن النية وان كلامه نابع عن غياب بعض النقاط فقط عنه

وفى الاخير الامر له يقتنع ام لا طبعا له كامل الحرية

[الدكتور ياسر]

تعجبت كثيرا يا أستاذ جو حين قرأت مداخلاتك ..

فالكلام وإن كان مجرد كلام .. إلا أنه صادر عن أحد المرشحين المحتملين للرئاسة .. ومقتبس من حديث طويل تحدث فيه عن برنامجه الانتخابى

لذا فإنه فرضا جدلا وصل إلى منصب الرئيس و لم يفي بما قال ووعد فسيسهل مواجهته بما قال و محاسبته عليه ..

ودعك من كونه مرشحا .. لماذا هذا التخوين و التشكيك في النوايا ؟؟.. يا أستاذى نحن في مرحلة دقيقة من تاريخ مصر و إن لم نتحد كلنا كمسلمين

و أقباط فلن ننهض أبدا من عثرتنا .. ولامفر من عيشنا جنبا إلى جنب في هذا البلد فهذا قدرنا و قدركم .. إذا فلنتعايش ...و لننظر إلى الأمور

من الجانب الإيجابى .. فمثل هذا الكلام الذى قاله أبو إسماعيل هو ما يجب نشره و تشجيعه و البحث عنه و الإشادة به لا أن نتهمه بالنفاق السياسي

والحرص على اللعب بعواطف الأقباط و كسب أصواتهم..

تم تعديل 9 أكتوبر 2011 بواسطة الدكتور ياسر

[الســـاري]

بتفكرونى بفيلم الارهابى بتاع عادل امام

لما قالة انت هتفخخ نفسك وهتروح الجنة واحنا هنستناك تحت فقال لهم طيب لية انا مستنكوش وانتو اللى اللى تروحو الجنة po::

دي كانت بفيلم السفارة في العمارة ... مش بفيلم الارهابي

:closedeyes:

وخد دي

[الدكتور ياسر]

لمثل ما تكلم به ابو إسماعيل نحتاج الآن و بشدة ..

نحتاج للعدالة .. للشفافية .. للثقة المتبادلة..

أحضرت ما قاله أبو إسماعيل إلى الأخوة الأقباط هنا لعلنا نستعيد أرضا مفقودة من الثقة .. و لكن للأسف لم يشارك معظمهم هنا رغم أن الموضوع

يمسهم و بشكر صريح و مباشر .. و من شارك منهم و جدت صدره محملا بأطنان من الشعور بالظلم و الإضطهاد و الشك في كل ما يقال .. إذا فالموضوع

أكبر بكثير من مجرد كلام ووعود و يبدو أننا جميعا تشبعنا منها .. وما حدث اليوم في ماسبيرو لهو خير دليل .. أصبح الأمر أشبه بقنابل

موقوتة متعددة جاهزة للآنفجار في أي وقت و في أي مكان .. إذا فلابد من العمل الجدي لحل المشكلة من جذورها .. لابد من الجلوس مع قيادات

المسيحية في مصر ومعرفة مشاكلهم وحل الممكن منها بمنتهى العدل دون الجور على أى طرف .. لابد من قطع الأيدى الخفية التى تبث نار الفتنة من حين

لآخر و تسعى لتحويل مصر إلى مسرحا لحرب أهلية تبيد الأخضر و اليابس .. لابد أن نتعاون جميعا و أن نتذكر أننا كلنا شركاء في هذه الأرض الطيبة ..

أرض مصر ...

[ابو محمود]

اية يا عم جوووو انت سخن ولا حاجة هههههههههههههههههههههه

انت شايف ان المسيحيين كلهم ملايكة وخدام للة ههههههههههههههههههه اما انا سرقنى مين لو عايز عنوانة يمكن ينكسف منك ويرجعلى حقى يبقى فيك الخير هههههههههههههههههههههههههه

يا عزيزى انت واضح انك مليان اهدى كدة ومجد سيدك وخد نفس عميق من الهواء النقى لا كل المسيحيين ملائكة ولا المسلمين كذلك بس انت حاول تبص بعدل وهتلاقى الحياة حلوة بس نفهمها ههههههههههههههههه

انا مش عايز اعكر مزاجك واجيبلك حادث قتل زميل مسيحى لزميلة علشام واحدة ست ودى كانت حادثة بشعة بجريدة المساء من عشرة ايام علشان ما اذودش الصورة القاتمة للحياة فى عينك