صفوت حجازي يتهم شباب الثورة بفضيحة أخلاقية

[Simba]

http://www.youtube.com/watch?v=y4ZcliwHXHI

[Alshiekh]

وده يبقى عقوبته إيه في الشرع؟

أنا باسأل وعايز حد يجاوب من الشريعة

[pink rose]

الشيخ قال 5 شباب و عارفين نفسهم

ليه يا حسام تجمع و تقول شباب الثورة؟؟؟؟؟؟؟؟

هو ما قالش كده و بالتالي العنوان غير ما سمعت في الفيديو

[Simba]

الشيخ قال 5 شباب و عارفين نفسهم

ليه يا حسام تجمع و تقول شباب الثورة؟؟؟؟؟؟؟؟

هو ما قالش كده و بالتالي العنوان غير ما سمعت في الفيديو

هو قال الناس اللي بتقول الاسلاميين ركبوا الثورة

ومش كل اللي بينتقد التيار الديني كان في شقة العجوزة :)

[pink rose]

الشيخ قال 5 شباب و عارفين نفسهم

ليه يا حسام تجمع و تقول شباب الثورة؟؟؟؟؟؟؟؟

هو ما قالش كده و بالتالي العنوان غير ما سمعت في الفيديو

هو قال الناس اللي بتقول الاسلاميين ركبوا الثورة

ومش كل اللي بينتقد التيار الديني كان في شقة العجوزة :)

لا هو قال بالحرف كتير من الشباب اللي بيطلعوا بيهاجموا الاسلاميين انهم ركبوا الثورة في 5 او 6 شباب منهم بافكرهم بشقة العجوزة

ركز يا عم الحاج

[ابو محمود]

المشكلة ان احنا من كام شهر كنا بننتقد الشباب وبنقول مافيش فايدة ولما قامت الثورة اصبح كل الشباب هم اسياد هذا الوطن ولا يمكن انتقادهم هناك من الشباب الثورى محترمين وهناك من هم دون ذلك حتى السادة الشباب بتوع الدعوى لا يمكن تصنيف الجميع بأنة صالح اذآ يمكن ان يصبح بعضآ من الشباب فى كلا الجهتين غير صالح المشكلة التى تورقنى وابحث فيها عن حل لماذا تهور وقرر الشيخ صفوت وما نعلمة منة من وقار ان يخرج بتلك الاتهامات وماهى الضغوط او الهجوم الذى احدثة بعضآ من الشباب على التيار الاسلامى كى يخرج رجل وقور عن طبيعتة هنا السؤال ؟؟

اتمنى ان نعرف جميعآ السبب ولا نلقى بدلونا فى الموضوع نكاية فى الشيخ لانة تيار اسلامى ولا فى الشباب لانهم لا يعترفون او يهاجمون الاسلاميين شيء من العدل او ارحمو عقولنا

[مغتربة]

هو ختم كلامه بنصيحه للصحفين الذين سيكتبون عن كلامه و فكرهم بان الكلمه اما نور و اما من القبور

جميل و لكن ليه مفكرش نفسه حضرته بالموضوع دا

سبحان الله الا يقول لنا رب العزه

{ أتأمرون الناس بالبر وتنسون أنفسكم وأنتم تتلون الكتاب أفلا تعقلون}

علشان كدا انا عايزه اساله شويه اساله كدا على الخفيف علشان متقلش عليه

هو الخوض فى اعراض الناس يا شيخ من كلمات النور ام القبور

هو الغمز و اللمز على مسلمين من كلمات النور ام القبور

هو قذف المحصنات بدون اربعه شهداء من كلمات النور ام القبور

هو اطلاق الاتهامات على عواهنها كده بدون تحديد اسماء بما يضر بالكل لان الناس مكن تتهم اى حد و بالتالى اذا كانوا اربعه او خمس شباب زى ما سماهم فبطريقته دى خلا كل واحد من شباب الثوره فى نظر الناس متهم و ينظر له بشك و ريبه انه ممن تحدث عنهم من كلمات النور ام القبور

هو الحديث بشكل يطعن فى دين شباب الثوره بتقسيم الاحداث لشباب ثوره و اخرين سجد ركع كما وصفهم هم فقط من حموا الثوره يوم الاربعاء و كان غيرهم بالضروره ليسوا سجدا و لا ركعا و الا لما فرق بينهم بهذا الشكل من كلمات النور ام القبور

هو تهديد الناس بفضح ما ستره الله عليهم ( اذا كان حدث فعلا ) من كلمات النور ام القبور

هو تتبع زلات المسلمين و مسكها عليهم للضغط بها عليهم وقت الحاجه من كلمات النور ام القبور

كل هذا و انا لم اساله عن الحكم الشرعى لكل ما سبق لانى اعلم انه الحديث عنه سيكون كارثه عليه بكل الاشكال

لا إله الا الله

يا شيخ اتقى الله اتقى الله و استغفره عساه يغفر لك كل ما اسرفت فيه هذا و انت تتحدثه مبتسما متضاحكا مع الناس

لا تضع فى حسبانك حديث الرسول صلى الله عليه و سلم ان الرجل ليتكلم الكلمه من سخط الله لا يلقى لها بالا تهوى به فى النار سبعين خريفا

و انت لم تتكلم و حسب بل تكلمت و اتهمت و خدت راحتك على الاخر

[مغتربة]

المشكلة ان احنا من كام شهر كنا بننتقد الشباب وبنقول مافيش فايدة ولما قامت الثورة اصبح كل الشباب هم اسياد هذا الوطن ولا يمكن انتقادهم هناك من الشباب الثورى محترمين وهناك من هم دون ذلك حتى السادة الشباب بتوع الدعوى لا يمكن تصنيف الجميع بأنة صالح اذآ يمكن ان يصبح بعضآ من الشباب فى كلا الجهتين غير صالح المشكلة التى تورقنى وابحث فيها عن حل لماذا تهور وقرر الشيخ صفوت وما نعلمة منة من وقار ان يخرج بتلك الاتهامات وماهى الضغوط او الهجوم الذى احدثة بعضآ من الشباب على التيار الاسلامى كى يخرج رجل وقور عن طبيعتة هنا السؤال ؟؟

اتمنى ان نعرف جميعآ السبب ولا نلقى بدلونا فى الموضوع نكاية فى الشيخ لانة تيار اسلامى ولا فى الشباب لانهم لا يعترفون او يهاجمون الاسلاميين شيء من العدل او ارحمو عقولنا

يا استاذى الفاضل

الكلام و الانتقاد شيىء

و الخوض فى الاعراض و الاخلاقيات شيىء اخر

اترى انهما يستويان ؟!

[ابو محمود]

وده يبقى عقوبته إيه في الشرع؟

أنا باسأل وعايز حد يجاوب من الشريعة

ولية ندور على العقوبة يا محترم المفروض ان نبحث عن الحقيقة ولا نستعجلش ونطلق لالسنتنا العنان

احنا اتعلمنا منكم كدا يا اساتذة ولا علشان مش على المعدة ههههههههههههههه علشان معدتى وجعانى قولت تبقى مناسبة الاستعجال فى الحكم يطمث الحقيقة فلنتصتبر

[أسد]

مش باقولكم إن أنا زهقت

[ozoozo]

الشيخ رشأت حجازي

امبارح كان بيقول ان ربنا سخر بعض الشباب الملحد عشان يموتوا في موقعه الجمل دفاعا عن الثوره

دي حاجه كده زي ان ربنا سخرلنا الغرب الكافر عشان يخترعلنا الاجهزه الحديثه عشان احنا نتفرغ للعباده

لاتعليق

[الدكتور ياسر]

في الحقيقة أختلف مع د.صفوت في بعض النقاط و أتفق في أخرى :

1- في الحقيقة لست معه أبدا في التحدث عن شقة العجوزة وما يحدث فيها فهو تحدث عن 4 او 5 شباب .. فكم يمثل هؤلاء في شباب الثورة العظيم

وللآسف قد يستغل هذا الكلام من كان يروج لحدوث الرذيلة بين الشباب و الفتيات في ميدان التحرير في جنح الليل .

2- الاسلام أمر بالستر .. فحتى إن علمنا من أحد ارتكابه للفاحشة فالنصح له والستر عليه أوجب من التهديد بفضحه .

3- هناك بالفعل من الشباب بل الكثيرون منهم يتغنون بعبارة الإسلاميين ركبوا الثورة .. ولا أدرى في الحقيقة المقصود (بركبوا الثورة ).. نعم لولا

فضل الله أولا ثم الركع السجود المتضرعين إلى الله الذين اهتز بدعائهم الميدان في جمعة التنحى .. لما حدث هذا التنحى .. نعم لم يشاركوا فى أول

يوم ولكنهم شاركوا في الأيام التالية بعد تأكدهم من سمو هدفها وشرعيتها وتسببوا في زخمها ووصول الأعداد إلى الملايين في شتى الميادين..

أما اتهامهم بفعل هذا رغبة في السلطة .. فهذا اتهام لهم بالنفاق لا يقل سوءا عن اتهام آخرين بالرذيلة في الميدان ..

4- أيها الناس .. ما عند الله لا ينال إلا بطاعته .. ولولا فضل الله و رعايته لما نجحت تلك الثورة السلمية أمام جبروت السلطة بشرطتها و جيشها .

5- إجمالا .. أرى أن د.صفوت قد جانبه التوفيق في الكلام عن شقة العجوزة .. ولن يكون هذا الكلام في صالحه حتى و إن تيقن من صحته..

[se_ Elsyed]

وده يبقى عقوبته إيه في الشرع؟

أنا باسأل وعايز حد يجاوب من الشريعة

ولية ندور على العقوبة يا محترم المفروض ان نبحث عن الحقيقة ولا نستعجلش ونطلق لالسنتنا العنان

احنا اتعلمنا منكم كدا يا اساتذة ولا علشان مش على المعدة ههههههههههههههه علشان معدتى وجعانى قولت تبقى مناسبة الاستعجال فى الحكم يطمث الحقيقة فلنتصتبر

إجنا اللي نبحث يا أ محمود ؟

زي ما احنا اللي كنا مفروض نبحث عن إتهامات اللوا الرويني لشباب 6 إبريل ؟

هي الدنيا بقت ماشيه بضهرها ولا إيه ؟

هو في إيه بالظبط ؟؟؟؟؟؟؟؟؟؟؟؟؟

[se_ Elsyed]

أعتقد إن الشيخ اللي كنا بنحبه ونحترمه قبل سقطته المدوية ... نسي في خضم حديثه أن يتذكر هذا الحديث الشريف

(اربع من كن فيه كان منافقا خالصا و من كانت فيه خصلة منهن كانت فيه خصلة من النفاق ختى يدعها : اذا اؤتمن خان و اذا حدث كذب و اذا عاهد غدر و اذا خاصم فجر)

لحد أمبارح .. كانوا شباب ثورة وشباب عظيم وأبطال وغيروا وجه مصر وحبايبي وكفاءة ....

واليوم بعد الخصومة الهايفه ... بقوا شباب بتاع شقة العجوزة وخمرة ومش عارف إيه

إخص على اخلاق طلعت زكريا ... ويا شماتته فينا دلوقت ... مش بعيد نلاقي صفحة على الفيس بوك بتقول " إحنا أسفين يا عم طلعت " ففعلاً لو اللي قاموا بالثورة كانوا سهرانين بيسكروا مع ستات في شقة العجوز .. وتاني يوم عملوا ثورة ... فمش بعيد يجيبوا الستات دول في الميدان للمؤازرة يعني مش أكتر .

انا دائماً أعتبر إن الانسان المحترم القوي .. هو من يواجه في كل وقت .. ويقول الحق ولو على رقبته ... لكن الضعيف هو المُدلس المرايء اللي لما يتمكن او يتوهم إنه تمكن يقوم يطلع للناس ملفاتها القديمة ... منتهى الخسة والندالة ... بالمناسبة .. حتى لو أثبت ذلك وكان مصور اللي حصل في شقة العجوزة ... فدي خسة وندالة ايضاً

فإذا كان الشيخ الجليل يعلم يقينناً أن هذا حدث من البعض ... فلماذا سكت تسعة أشهر على هذا الحدث الجلل ؟ إيه كان صابر عليهم زي ما الام بتصبر في فترة حملها - تسعة شهور برضوا - لحد ما الجنين يستوي ويأتي الى الدنيا ؟

وهل كان صابر عليهم طول الفترة دي عشان يسترهم ... كتر خيره بصراحة ... إذن فلماذا قرر ان يفضحهم الان كالتي نقضت غزلها من بعد قوة انكاثاً ؟

وماذا فرق الشيخ اللي حافظ كتاب الله أو هكذا كنا نظن .. فماذا فرق عن اللوا الروينني اللي رمى الناس بالباطل واتهمهم في شرفهم وقال أنا معايا مستندات وهاقدمها للجهات المسئولة ... وأنتظرنا شهور ولم يتقدم حتى لقسم حدائق القبة ببلاغ ضد أحد ؟

ولما الشيخ اللي بيُمثل تيار إسلامي معين بيعمل كده وهو لسه على البر .. أومال هايعمل إيه لما يبقى في السلطة ؟

إيه هايقول إنه بيحتفظ بسي دي لكل مواطن مصري عشان يذله .. زي ما بيعمل المعتوه مرتضى منصور ؟

[Simba]

انا مش موافق علي كلامه حتي لو صحت روايته

شرعا وعلي حسب علمي المحدود ما ينفعش تتهم حد بالفسق الا لما تشوف بعينك ويكون معاك 4 شهود

وادبيا تشويه لشباب الثورة هو قال من اللي بيطلعوا في التلفزيون ما اللي بيطلع كتير هو خلي الناس تقعد تستنتج مين دول

والحقيقة ان اسند الدفاع عن الميدان في يوم معركة الجمل للاسلاميين الركع السجود وده مش حقيقي

الميدان كان فيه كل التيارات اسلاميين وغيرهم كان فيه منقبات وبنات بشعرها

وعلي حسب كلام نوارة نجم في اليوم ده انها كانت جنب صفوت حجازي في اليوم ده ومعروف ان نوارة نجم تحسب علي التيار الليبرالي او العلماني

وكلنا شفنا الفيديوهات وشفنا مين اللي كانوا في الميدان

[abaomar]

أعتقد إن الشيخ اللي كنا بنحبه ونحترمه قبل سقطته المدوية ... نسي في خضم حديثه أن يتذكر هذا الحديث الشريف

(اربع من كن فيه كان منافقا خالصا و من كانت فيه خصلة منهن كانت فيه خصلة من النفاق ختى يدعها : اذا اؤتمن خان و اذا حدث كذب و اذا عاهد غدر و اذا خاصم فجر)

لحد أمبارح .. كانوا شباب ثورة وشباب عظيم وأبطال وغيروا وجه مصر وحبايبي وكفاءة ....

واليوم بعد الخصومة الهايفه ... بقوا شباب بتاع شقة العجوزة وخمرة ومش عارف إيه

إخص على اخلاق طلعت زكريا ... ويا شماتته فينا دلوقت ... مش بعيد نلاقي صفحة على الفيس بوك بتقول " إحنا أسفين يا عم طلعت " ففعلاً لو اللي قاموا بالثورة كانوا سهرانين بيسكروا مع ستات في شقة العجوز .. وتاني يوم عملوا ثورة ... فمش بعيد يجيبوا الستات دول في الميدان للمؤازرة يعني مش أكتر .

انا دائماً أعتبر إن الانسان المحترم القوي .. هو من يواجه في كل وقت .. ويقول الحق ولو على رقبته ... لكن الضعيف هو المُدلس المرايء اللي لما يتمكن او يتوهم إنه تمكن يقوم يطلع للناس ملفاتها القديمة ... منتهى الخسة والندالة ... بالمناسبة .. حتى لو أثبت ذلك وكان مصور اللي حصل في شقة العجوزة ... فدي خسة وندالة ايضاً

فإذا كان الشيخ الجليل يعلم يقينناً أن هذا حدث من البعض ... فلماذا سكت تسعة أشهر على هذا الحدث الجلل ؟ إيه كان صابر عليهم زي ما الام بتصبر في فترة حملها - تسعة شهور برضوا - لحد ما الجنين يستوي ويأتي الى الدنيا ؟

وهل كان صابر عليهم طول الفترة دي عشان يسترهم ... كتر خيره بصراحة ... إذن فلماذا قرر ان يفضحهم الان كالتي نقضت غزلها من بعد قوة انكاثاً ؟

وماذا فرق الشيخ اللي حافظ كتاب الله أو هكذا كنا نظن .. فماذا فرق عن اللوا الروينني اللي رمى الناس بالباطل واتهمهم في شرفهم وقال أنا معايا مستندات وهاقدمها للجهات المسئولة ... وأنتظرنا شهور ولم يتقدم حتى لقسم حدائق القبة ببلاغ ضد أحد ؟

ولما الشيخ اللي بيُمثل تيار إسلامي معين بيعمل كده وهو لسه على البر .. أومال هايعمل إيه لما يبقى في السلطة ؟

إيه هايقول إنه بيحتفظ بسي دي لكل مواطن مصري عشان يذله .. زي ما بيعمل المعتوه مرتضى منصور ؟

السلام عليكم

مداخله متجاوزه فى حق مسلم احسبه على خير و لا ازكيه على الله

فقط اعلق على شيئين

ليس فقط اللواء الروينى هو من سكت يا س س

لكن اصحاب الشأن انفسهم اين هم و هل تم تسويه الامر بينهم ؟سؤال يحتاج اجابه

الشئ الثانى هو تعجبى الشديد من حده الردود رغم انى سمعت كلام الرجل فى الفيديو

و هو كلام واضح و محدد يخالف إبتداء عنوان الموضوع الذى كنت اتمنى منك كمشرف على الاقل

التدخل لتصحيحه لمخالفته فحوى كلام الشيخ الذى تكلم بشكل واضح و محدد عن عدد محدود من

الشباب الذين يكيلون الاتهامات للاسلامين فى الفضائيات و انهم ركبوا الثوره على حد تعبيره

هؤلاء الذين يتحدثون فى الفضائيات منهم (تخصيص يعد تخصيص ) خمسه الى سته شباب كما قال الشيخ

اى ان الرجل لم يتهم شباب الثوره كما فى العنوان المضلل بل و لم يتهم من يظهرون فى الفضائيات

و يكيلون الاتهامات للاسلاميين كما قال و انما هناك تحديد الكلام عن مجموعه لا تتعدى 6 افراد

يعرفهم كما قال و لديه دليل على كلامه

فهل القضيه انه قال ام انه سكت طوال تلك الفتره سترا عليهم لعلهم يرجعون عن ما يفعلون

و هل لو اعلن اسمائهم و ثبت ادانتهم بالفعل سيتغير موقفك

احكم على الكلام من خطوره الموقف يا احمد و اجعل نبراسك فى مثل هذه مواقف

النساءلاَّ يُحِبُّ اللَّهُ الْجَهْرَ بِالسُّوءِ مِنَ الْقَوْلِ إِلاَّ مَن ظُلِمَ وَكَانَ اللَّهُ سَمِيعًا عَلِيمًا ..148

اما التجاوز و التعدى على رجل فى مثل سن والدك بهذه الطريقه ارجو الله ان يعينك على تحمل تبعات كلامك.

طبعا الشيخ صفوت يؤخذ منه و يُرَد عليه مع الاخذ فى الاعتبار سنه و علمه .

تم تعديل 9 أكتوبر 2011 بواسطة abaomar

[ام سلمي]

الشيخ قال 5 شباب و عارفين نفسهم

ليه يا حسام تجمع و تقول شباب الثورة؟؟؟؟؟؟؟؟

هو ما قالش كده و بالتالي العنوان غير ما سمعت في الفيديو

هو قال الناس اللي بتقول الاسلاميين ركبوا الثورة

ومش كل اللي بينتقد التيار الديني كان في شقة العجوزة :)

لا هو قال بالحرف كتير من الشباب اللي بيطلعوا بيهاجموا الاسلاميين انهم ركبوا الثورة في 5 او 6 شباب منهم بافكرهم بشقة العجوزة

ركز يا عم الحاج

للاسف نقطي الخضرا خلصت ، بس حاديهالك لما اشحن ان شاء الله ،

المفروض عنوان الموضوع يبقي " صفوت حجازي يتهم 5 6 من الشباب اللي بيتهموا الاسلاميين انهم ركبوا الثورة بفضيحة اخلاقية "

تم تعديل 9 أكتوبر 2011 بواسطة ام سلمي

[se_ Elsyed]

مداخله متجاوزه فى حق مسلم احسبه على خير و لا ازكيه على الله

يا راجل إتقي الله

وهو الشباب اللي بيتهمهم في عرضهم من غير بينه .. كفرة ولاد كلب ؟ إنما الشيخ هو المسلم الوحيد اللي مش من حقنا نقول له إنت غلطان ووقعت نفسك في جريمة ؟

هو إنتوا بتفكروا إزاي ؟

على فكرة يا أبو عمر

عشان كده ناس كتيرة وأنا منهم تتخوف من وصول أصحاب هذا الفكر إلى الحكم .. عارف ليه ؟

عشان لو قالوا يمين ... هاتطلع حضرتك وتقول الله أكبر ظهر الحق

ولو تاني يوم قالوا شمال ... برضووا هاتقول .. الله أكبر الحق زهزه وبقى حلو

وأمبارح الأحزاب تبقى حرام والديمقراطية كفر بين وبواح

لكن النهاردة الاحزاب ميت فل .. والديمقراطية هي الهوا اللي بنتنفسه

و انما هناك تحديد الكلام عن مجموعه لا تتعدى 6 افراد

فهل القضيه انه قال ام انه سكت طوال تلك الفتره سترا عليهم لعلهم يرجعون عن ما يفعلون

و هل لو اعلن اسمائهم و ثبت ادانتهم بالفعل سيتغير موقفك

يتغير موقفي ؟

طبعاً يا عزيزي سيتغير عندما يكون الموضوع رسمي ومن خلال قنوات رسمية وشرعية- أرجع لكلامي في إتهامات 6 إبريل - ... يا عزيزي دي أعراض ناس ... عارف يعني إيه أعراض ؟

إيه ده .. أنا أسف يا ابو عمر .. ما كنتش واخد بالي إنه بيتكلم عن اعراض 5 او 6 أفراد بس

أصل الكوته بتاعت الأعراض أرتفعت وبقت 100 او 200 ... إنما تحت كده .. يبقى طريقك أخضر وحلال الله واكبر ؟؟؟؟ وأصلنا نسينا إن «من قتل نفساً بغير نفس أو فساد في الأرض فكأنّما قتل النّاس جميعاً ... ده كلام ربنا مش كلامي .. يعني القتل المادي والمعنوي مش محتاج كوته او رقم معين ....

اما التجاوز و التعدى على رجل فى مثل سن والدك بهذه الطريقه ارجو الله ان يعينك على تحمل تبعات كلامك

واللي في سن والدي بيبقى معفي من العقوبة لو قذف أحد وأتهمه في عِرضة وشرفه ؟

إتقوا الله يا أبو عُمر ولا تدافعوا عن الباطل أنت والاخوة اللي رافعين راية الأسلام أم عين واحده .. فراية الإسلام أساسها العدل أبو عينين ... العدل الذي يرى الحق والباطل في نفس الوقت

أفكرك بكلام الأخوة الأفاضل أصحاب الراية جميعاً عن قذف البرادعي في عرضه وعرض إبنته من خلال منبر مسجد .. واخد بالك .. منبر مسجد من قبل الدكتور حازم شومان؟..

ولأ أصل هو يقصد أ أ .. وكدهوت ..

لأ هو بيقول بنته متجوزه مسيحي .. أصل يمكن تخمين .. ويمكن ... و ... معليش يعني

لأ أصل إتهام البرادعي إنه بيشرب خمره فيه قولان

والراجل نفسه كان عنده الشجاعة وطلع أعتذر بعد ذلك .. بعد ما كثير من الناس نصبوا أنفسهم ملكيون أكثر من الملك وهات لا دفاع عن الباطل

يا عزيزي أرجع لعقلك ولمنطقك وإنت هاتعرف إن هناك عقوبة لقذف المحصنين بغير دليل مادي يتوافر لولي الأمر .. واخد بالك .. لولي الامر ... فهناك عقوبات شرعية وقانونية .. والقانون والشرع ما فيهوش فلان قد والدي ولا قد عمي

المفروض عنوان الموضوع يبقي " صفوت حجازي يتهم 5 6 من الشباب اللي بيتهموا الاسلاميين انهم ركبوا الثورة بفضيحة اخلاقية "

يا أم سلمى .. هل وصل بنا الأمر الا نعرف الحق من الباطل ؟؟؟؟؟؟؟؟

الحق بإذن الله هو .... عدم إتهام الناس بغير دليل ... وإذا كان هناك إتهام .. يبقى ساعتها يتقدم دليل مادي للجهات المختصة وتحقق مع الناس دي ....

الباطل هو ... لما يكون في خلاف سياسي .. وهو مش خلاف لكنها الحقيقة .. وأنا مسلم وموجد بالله وعارف وبإعتراف الإخوان والسلفيين وغيرهم بأنفسهم إنهم لم يشتركوا في بداية الثورة ... وإن تواجدهم بدأ من خلال جُمعة الغضب .. فلما يطلع حد يقول الإسلاميين ركبوا الثورة يبقى ده خلاف سياسي ... فالباطل بقى هو إن الموضوع يتقلب شرشحة من البعض وتلقيح كلام من عينة " يالا يا بتاع شقة العجوزة ياللي كنت بتشرب خمرة ومعاك مش عارف إيه " .. هو ده الباطل اللي أعرفه

والباطل هو أن أجد أصوات مدافعه بتقول : لأ أصله بيقول 5 أو 6 بس ...

بالمناسبة أرجعوا لكلامي عن الشيخ صفوت حجازي .. وارجعوا للموضوع اللي ثبتته بإيدي عن شهادته في الثورة . عشان تعرفوا إن الشيخ عندما كان يتحدث بالعقل والحكمة كنا نشيد به

إنما لا مؤخذه لما ما يفرقش حاجه عن الحزب الوطني اللي ما كانش عنده اي مانع إنه يتهم أي حد في أخلاقة وعرضه وشرفه من أجل أن ينتصر هو وجماعته ... يبقى لأ أسف أقف عندك وأرجع لعقلك ودينك إنت وهو

[abaomar]

السلام عليكم

اخى س س

اولا اللهم اجعلنى من المتقين

لم يقل احد بعصمه الشيخ و لا قدسيته و ارجع لمداخلتى و الى اخرها تحديدا

طبعا الشيخ صفوت يؤخذ منه و يُرَد عليه مع الاخذ فى الاعتبار سنه و علمه

و عمرى انا شخصيا ما تحيزت لشخص بقدر ما هو تحيز للمنهج و مداخلاتى كلها امامك

و لو ركزت تجد تحيزى للايه التى اعتقد ان الشيخ ..حسب فهمى لكلامه .. ينطلق منها

و كنت اتمنى ان تنظر انت بالعدل و الانصاف لكلامه الذى ما اثارك فيه الا ذكره لشباب الثوره

رغم ان كلامه واضح إذ يتحدث عن نماذج سيئه محدده يعرفها هو كما قال و العبره عندها ان نقول له

هات دليل على كلامك يا شيخ و هذا اصبحنا نتمناه الان اسكاتا للمغرضين قاذفى الشيخ

رغم ان هذا سيفضحهم ..حسب كلام الرجل .. و لكن كلام ناس زى حضرتك هو الذى يدفع لهذا

اثارك ذكر هؤلاء السته و لم يثيرك سلوكهم الماجن ..حسب كلام الشيخ .. و الاسواء اسائتهم

للتيار الاسلامى كما جاء فى كلام الرجل ...فهل هذا هو العدل عندك

هل اصبح مسمى ..شباب الثوره .. تابوها مقدسا عصى على النقد

و بعدين يا احمد لسنا من اتباع القداسات نسير خلف القائل حيثما سار و قال

عبرتنا دائما مرجعيه القائل ..واخد بالك .. المرجعيه و هى القرأن و السنه و إلا لما هوجم

اى من الشيوخ او تم نقده على الاقل و النماذج كثيره يضيق الوقت عن ذكرها

بل انظر بانصاف لمراجعات الشيوخ لبعضهم و ذلك من باب ان الحق احب و اعلى .

.

اكرر انه حتى لو اخطأ الشيخ و هنا كنت اتمنى منك و انت المثقف المنصف ان تضع الكلام فى إطاره

ووقته و مكانه خصوصا فى الوقت الذى يكيد الجميع للثوره و البلد تساق الى المذبح الان

و يجب معرفه حقيقه الجميع و فى النهايه نقول ان البينه على من ادعى

هكذا يجب ان نسمع منك اما اتهاماتك و تطاولك على الرجل من اول اتهامه بالنفاق

وصولا الى اتهامه بالجهل و الطعن فى دينه و بينها سخريه مرفوضه فى حق من مثل الرجل

فهذا ليس نقدا و لا طائل من وراءه ..اللهم الإساءه للرجل و منهجه .

اربأ بك و انت ممن احترمهم ان تضعنا جميعا فى هذا الموقف

إتقوا الله يا أبو عُمر ولا تدافعوا عن الباطل أنت والاخوة اللي رافعين راية الأسلام أم عين واحده ..

اتهام قاسى يا احمد سامحك الله عليه

[ابراهيم عبد العزيز]

كلام صادم بالنسبة لي ان يصدر من شيخا احترمه مثل صفوت حجازي

لانه للأسف الشديد بكلامه هذا أضر الثورة

فبعض الاخوة يقولون انه حدد 5 او 6 شباب من شباب الثورة ولم يتكلم بشكل عام

صحيح ولكنه لم يحددهم بالاسم وبالتالي ترك الباب مفتوحا للشعب المصري لكي يشك فى ذمة ونزاهة واخلاق كل شباب الثورة بلا استثناء فكلهم الان وارد ان يكونوا من ضمن ال 5 او 6 ( بتوع شقة العجوزة )

وكنت أفضل أن يمسك عن هذه الراوية حتى ولو حدثت فعلا من باب الفطنة , لانه الشيخ صفوت أكثر من يعلم ان هناك من الحزب الوطني ومن كتابه وفنانيه من اتهموا شباب الثورة بممارسة الجنس فى ميدان التحرير بهدف تشويه صورتهم امام الشعب المصري وصرفه عنهم , وهو بذلك الكلام اعطاهم المادة الخام ( الخميرة ) لكي يفتحوا الكلام عن هذه النقطة على مصرعيها بهدف ضرب الثورة فى مقتل عن طريق ضرب من أشعلوها

أثق فى حسن نية الشيخ عندما قال هذا الكلام

لكن للأسف حسن نية مع سوء تصرف لشيخا مثله لا يجعلنا نلتمس العذر له

الأن مطلوب من الشيخ صفوت أن يقول لنا هؤلاء الشباب بالاسماء حتى لا يثير اللغط في الشعب المصري ضد شباب الثورة ولكي نطوق أبعاد كلامه الغير فطن , ولو لم يتقدم بالاسماء او قال لا أملكها فلا نقول إلا امرك الى الله يا شيخ يحكم فيما قلت يوم القيامة .

تم تعديل 9 أكتوبر 2011 بواسطة ابراهيم عبد العزيز