صفوت حجازي يتهم شباب الثورة بفضيحة أخلاقية

[se_ Elsyed]

طبعا الشيخ صفوت يؤخذ منه و يُرَد عليه مع الاخذ فى الاعتبار سنه و علمه

لا يا عزيزي ... مقولتك دي مكانها هنا خطأ تماماً .. فكل يؤخذ منه ويرد في الامور الإجتهادية ...

أما الامور الإجرامية كالاتهامات وخلافه .. فمكانها اللي أعرفه هو الجهات القضائية .... مش الفضائية

------

اثارك ذكر هؤلاء السته و لم يثيرك سلوكهم الماجن ..حسب كلام الشيخ

إن لله وإنا إليه راجعون ...

سلوك إيه وستة مين ؟؟؟؟؟؟؟؟؟؟؟؟؟

وهما مين عشان يثيرني سلوكهم ؟

أنا ما بقتش فاهم حاجه

--------------

طب تعالوا نلعب لعبه حلوه وهاتعجبكم

أنا هاعدل عنوان الموضوع وأخليه

- جورج إسحاق يتهم 5 من مشايخ السلفية بإنه رأهم رأي العين يحتسون الخمر ويصاحبون بعض النساء في خمارة يني اللي في وسط البلد وذلك يوم الخميس 27-1

يالله .. عاوز أسمع رأيكم وتعليقكم .. بنفس الترتيب وبنفس الأشخاص

وبعدين هاغير العنوان مرة أخرى واخليه

- عمرو حمزاوي يُصرح بانه شاهد فلان وفلان وفلان اللي من قيادات الأخوان وهم يوزعون قطع الحشيش على المتظاهرين في ميدان التحرير ( بالمناسبة الكلام ده سمعته على الفضائيات من بعض السفهاء )

شدوا حيلكم يا رجالة وعاوزين ردود منطقية ...

لإني كما تعلمت في حياتي بإن المباديء لا تتجزأ وإن الخطأ يُسمى خطاً سواء صدر من سين أو من صاد من الناس

[abaomar]

طبعا الشيخ صفوت يؤخذ منه و يُرَد عليه مع الاخذ فى الاعتبار سنه و علمه

لا يا عزيزي ... مقولتك دي مكانها هنا خطأ تماماً .. فكل يؤخذ منه ويرد في الامور الإجتهادية ...

أما الامور الإجرامية كالاتهامات وخلافه .. فمكانها اللي أعرفه هو الجهات القضائية .... مش الفضائية

------

اثارك ذكر هؤلاء السته و لم يثيرك سلوكهم الماجن ..حسب كلام الشيخ

إن لله وإنا إليه راجعون ...

سلوك إيه وستة مين ؟؟؟؟؟؟؟؟؟؟؟؟؟

وهما مين عشان يثيرني سلوكهم ؟

أنا ما بقتش فاهم حاجه

--------------

طب تعالوا نلعب لعبه حلوه وهاتعجبكم

أنا هاعدل عنوان الموضوع وأخليه

- جورج إسحاق يتهم 5 من مشايخ السلفية بإنه رأهم رأي العين يحتسون الخمر ويصاحبون بعض النساء في خمارة يني اللي في وسط البلد وذلك يوم الخميس 27-1

يالله .. عاوز أسمع رأيكم وتعليقكم .. بنفس الترتيب وبنفس الأشخاص

وبعدين هاغير العنوان مرة أخرى واخليه

- عمرو حمزاوي يُصرح بانه شاهد فلان وفلان وفلان اللي من قيادات الأخوان وهم يوزعون قطع الحشيش على المتظاهرين في ميدان التحرير ( بالمناسبة الكلام ده سمعته على الفضائيات من بعض السفهاء )

شدوا حيلكم يا رجالة وعاوزين ردود منطقية ...

لإني كما تعلمت في حياتي بإن المباديء لا تتجزأ وإن الخطأ يُسمى خطاً سواء صدر من سين أو من صاد من الناس

السلام عليكم

يؤخذ منه و يرد عليه لأنه بشر مثلى مثله يا احمد و إنما بضوابط اهمها الاحترام و اعتبار قدر الرجل و علمه و قبلها سنه

و ألامر واضح انه لا علاقه له بالعلم او الاجتهاد او ما إلى ذلك .

ثم انك تحيد عن شئ مهم ان هؤلاء موجودين فعلا كما قال و لهم دور خطير اشار اليه الشيخ بتشويههم المستمر على الفضائيات للاسلاميين

و انا فهمت شئ مهم ان كلام الشيخ ما هو إلا رساله تحذير لهم بانهم إن لم يرتدعوا فسوف يفضحهم

فالامر جد خطير و الثوره بل و البلد كلها الان على المحك و فى اخطر فتراتها بسبب افعال من مثل هؤلاء .

اما بالنسبه للامثله المذكوره

- جورج إسحاق يتهم 5 من مشايخ السلفية بإنه رأهم رأي العين يحتسون الخمر ويصاحبون بعض النساء في خمارة يني اللي في وسط البلد وذلك يوم الخميس 27-1

طبعا خبر كاذب لإن ما فيش خماره اسمها ينى فى وسط البلد ...إسمها نايت كلب ينى ;)

..

لإني كما تعلمت في حياتي بإن المباديء لا تتجزأ وإن الخطأ يُسمى خطاً سواء صدر من سين أو من صاد من الناس

و هو حد قالك ان اللى حصل ده حاجه حلوه و الشيخ لم يخطئ

راجع الكلام تانى يا احمد و انظر للصوره كامله و ضع فى اعتبارك ان البلد الان فى خطر

و من ضمن عوامل الخطر هؤلاء السته الذين اشار اليهم الشيخ .

[ابوهنا]

[quoteص

وبعدين هاغير العنوان مرة أخرى واخليه

- عمرو حمزاوي يُصرح بانه شاهد فلان وفلان وفلان اللي من قيادات الأخوان وهم يوزعون قطع الحشيش على المتظاهرين في ميدان التحرير ( بالمناسبة الكلام ده سمعته على الفضائيات من بعض السفهاء )

شدوا حيلكم يا رجالة وعاوزين ردود منطقية ...

لإني كما تعلمت في حياتي بإن المباديء لا تتجزأ وإن الخطأ يُسمى خطاً سواء صدر من سين أو من صاد من الناس

طبعا السؤال الى حضرتك بالله عليك ماذا سيكون رد فعلك

هل فعلا كنت ستهاجم جورج اسحق او عمرو حمزاوى

من متابعتى لكتاباتك اعتقد لا

انا اكره الاخوان ولا اعلم من السلفيين غير مشايخهم العظام امثال الشيخ ابواسحق الحوينى والشيح محمد حسان ولكن

الغباء السياسى لدى مايسمى الليبراليين والعلمانيين سوف يسلموا البلد على طبق من ذهب للاخوان المسلمون

لكن اغبياء الليبراليه الان اصبح همهم الشو الاعلامى وجمع اكبر قدر من المال

وكل يوم يطلعوا يقولوا مش عايزين دوله دينيه وكانهم يتحدثوا فى ندوه فى دار الاوبرا

ياعالم انتوا بتكلموا فلاح ومياكانيكى وخباز

قارن بين واحد بيقول انا مش عايز دوله دينيه وواحد بيقول الاسلام هو الحل

الله يخرب بيوتكم الاخوان هيكسبوا اللعبه وعليه العوض فى البلد

[eslam elmasre]

اتقي الله انت يا شيخ انت ماختلفتش عن طلعت زكريا لما رمى المتظاهرين بالباطل

واذا كنت تعلم الحكم الشرعي في من يفعل فعلتك وهي رمي المحصنات فعمر بن الخطاب حد ثلاثة من الصحابة ادعوا على المغيرة بن شعبة بانه زنى في امرأة ولم يكن معهم الرابع فجلدهم لثبوت تهمة القذف في حقهم

اما اذا كنت تتكلم كلام الساسة والعامة فلا تدعي امامنا انك واعظ ودعوي وتكتفي بهذا القدر من الوعظ والارشاد

الا ترى نفسك وصورك تملئ صفحات الانترنت وانت في خيمة القذافي تمجد فيه انت ومن معك

وبعد ذلك تلبس ثوب الوطنية والثورة وتنسى ذكرياتك الفاضحة مع ديكتاتور العصر والزمان

هل اعلنت عن خطاك وعن توبتك عن ما فعلته واقترفته من قبل

ام ستبرر وتبرر وتبرر لنا افعالك ثم تنقلب على الثوار وتقذفهم في عرضهم وشرفهم وتهدد

لماذا تهدد اذا كنت تمتلك الدليل اذا ؟

وما هو الذي يمنعك يا من لاتخشى في الحق لومة لائم ؟

هل ما تقوله حق ظ

اذا كان حق فمالذي يمنعك عن اعلان هذا الحق الا اذا كنت ليس صاحب حق

من اعطاك الحق لكي تتكلم باسم الثورة والثوار وان تعلن لنا باسم الثوار على لسانك انهم يقبلون صفقة مشبوهة بينكم وبين المجلس العسكري وهي ان يسلموا السلطة مقابل عدم الملاحقة

لو كان كلامك وصفقتك على حق فمن الاولى انكم كنتم تفاوضم مع مبارك نفسه الملقي في غياهم السجون الان

اغسل عارك قبل ان ترمى الاخر بالباطل يا واعظنا

[se_ Elsyed]

طبعا السؤال الى حضرتك بالله عليك ماذا سيكون رد فعلك

هل فعلا كنت ستهاجم جورج اسحق او عمرو حمزاوى

رد فعلي واضح من كتاباتي والحمد لله التي لا تتلون ... فلو التخين في مصر كان قال حاجه زي كده كنت هاكتب نفس الكلام ..

أنا لا اهاجم أشخاص يا ابو هنا ... ولكن أهاجم أفكار ... وأي إسم بقى لو هو مين ما بيهمنيش والحمد لله

و ضع فى اعتبارك ان البلد الان فى خطر

و من ضمن عوامل الخطر هؤلاء السته الذين اشار اليهم الشيخ .

والله ضحكتني يا أبو عمر

بالعكس بقى .. ده اللي له في الكيف والخمره والحركات .. ما فيش خطر منه .. ده راجل صاحب مزاج وخلاص طريقه معروف

لكن الخطر يأتي من أصحاب الأراء المتلونة ... والخطر يأتي ممن يحمل ملف لكل شخص يهدده به وقتما يشاء ... والخطر يأتي ممن يظن نفسه فوق القانون ويخوض في عرض ده ويتهم هذا في شرفه .. مع إن كل دي جرائم يعاقب عليها القانون ...

[جويرية]

احسن اللي فضحهم ، الناس دي مش بتتكسف ، كل شوية الاخوان سرقوا الثورة الاخوان خطفوا الثورة

و هما الاخوان اللي حموا الثورة و لولاهم كان زمان صفوت الشريف و عصابته كانوا اخلوا ميدان التحرير

و بعدين هوه برضو مش عاملهم بأسلوبهم لأنه برضو مذكرش اسمائهم

[raouf]

مش عارف ليه الموضوع اخذ اكبر من حجمه ؟

التحرير كان به ملايين الشباب والعجزة واللكبار والاخوان والسلفيين والمسيجيين

هل نتوقع جميعا ان كل الشباب اللى شاركو بالثورة اطهار لا يوجد منهم مدمن الخمر ومدمن المخدراتواللى شغال فى الدعارة واسف على اللفظ

اكيد فيه وكثير كمان وكلنا كنا عارفين حال شباب مصر

وهل لم يكن به بعض ممن ينافقون ومربيين دقنهم نفاق ورياء للعباد ؟

اكيد كان فيه

لا احد يستطيع انكار دور الدكتور صفوت فى الثورة ؟

هو فقط يدافع عما راه بعينه وحضره فى ميدان التحرير الا وهو مشاركة الاسلاميين بها نت بدايتها

لا اعتفد بوجود اى خطا فى كلامه عن بعض ممن تجاوزوا وزوروا شهادتهم بنكران دور الاخوان كمثال

وانا اه باقول للناس اللى فى المحاورات اللى بتوع شقة الدقى لو شفت ليهم مشاركات فى هذا الموضوع هافضحهم

وعايز حد يطلع يقول انى قصفت شباب محصن وسبيتهم

دعونا نختلف ولكن نتناقش ونتحاور

مش دايما ادافع عن رايى بصرف النظر

انا هاعلنها انا ضد ان الشيخ صفوت يعلن اسماء الشباب لان ده فضح لما ستر الله

تم تعديل 9 أكتوبر 2011 بواسطة raouf

[MZohairy]

لو عارف اللي بيحصل و ساكت يبقى اخص عليه و عيب يتستر على كده و ده وصفه لغويا مش ولابد

و لو بيكذب و بيدعي بدون حق يبقى لعنة الله على الكاذبين

بصراحه كنت ابتديت احبه

خساره

[نوران]

الشيخ أخطأ

حتي لو عنده أسبابه

لكن كفايه سلخ فيه

اعتبروها كبوة لعالم وكان من أوائل المشاركين في الثورة

مش هنضيع مجهود الرجل كله عشان خطأ واحد

[الغريب]

وشهد شاهد من أهلها

نوارة نجم تكتب : الدكتور صفوت حجازي .. كلمني

صحيت الصبح لقيت تليفون من الدكتور صفوت حجازي والمكالمة كانت بخصوص التصريحات بتاعته

انا حانقل لكم المكالمة زي ما هي، هو قالي:

بصي يانوارة انا باتشتم ليل نهار ومش بيهمني وفيه ناس قليلة تهمني انت منهم عشان كده

كلمتك، الموضوع اللي انا قلته ده معروف لكل الناس هو انت مش

عارفاه؟

انا: لا يا دكتور مش عارفاه ومش عايزة اعرفه.. وانا شايفة ان الكلام ده ما يلقيش بقيمتك ومش موفق

هو: انا عارف اني غلطت اني قلت كده، وعارف انه كلام مش موفق، بس انا تعبت، انا مش باقعد في

البيت، ومش عايز حاجة من حد، ومش حاترشح، ولا حاقبل مناصب، وعايز لما الثورة دي

تخلص اروح اقعد في المدينة المنورة واريح دماغي، انا بقيت متهيالي اني ارمي

التليفون ده، فيه مجموعة معينة ما وراهش غيري، ووصل الامر انهم يقدموا فيها محاضر

وبلاغات كاذبة ان صفوت حجازي تعدى علينا بالضرب، وانا العيال دي عارفها بالاسم،

وعارف هم ايه؟ وعارف الاحزاب اللي بتاخد فلوس من الجيش، وقلت ان فيه احزاب بتاخد

فلوس من الجيش في نفس الندوة دي وماحدش بروز الكلام ده، ولا حد قال اني قلت اننا مش

حنقبل حاكم عسكري لمصر، كل اللي بروزوه الكلام التاني اللي قلته، انت ما تتخيليش

الضغط على اعصابي عامل ازاي، واتهامات على طول، وتخوين على طول، وانا عندي بيت

واسرة وبناتي بيعيطوا لما بيشوفوا الكلام ده عن ابوهم، ويجنني بقى لما الاقي الكلام

ده من ناس انا عارفهم، وعمري ما حاقول اسماءهم بس انا عارفهم وعارف هم ايه.. ويوم 8

ابريل وقعوني وكان هدفهم الاغتيال، ويوم صلاة العيد تعدوا عليا، وعلى طول يطلعوا في

الاعلام ما وراهمش غير صفوت حجازي، هو صفوت حجازي ده مش بني ادم؟ ما بيحسش؟ ما

بيغلطش؟ انا باحاول اعمل اللي اقدر عليه لله وللبلد ومش عايز حاجة ومش عايز حاجة

ومش ناوي اقبل اي مكافئات دنيوية، بس انا بشر، وليه التصيد اللي على طول ده؟ وليه

لما اقول حاجة كويسة تتخفي والاعلام ما يركزش عليها، ولما اغلط تنزل مانشيت؟ وكوني

غلطت اتشنق يعني؟ طب هم ياما خاضوا في عرضي وقالوا عني كلام سافل كتير.. هه.. ماحدش

اتكلم ليه ولا قال حاجة ولا دافع عني؟

------------------------------

بصوا

بقى... انا فاهمة تماما اللي هو بيقوله.. تماما

وفاهمة

الضغط النفسي اللي واقع عليه، وفاهمة احساسه بصراحة، وفاهمة يعني ايه الواحد يبقى

طالع تلاتينه في الحياة ويلاقي عيال رمم وزبالة عمالة تزايد عليه، وانا بصراحة عمري

ما كلمت صفوت حجازي على غفلة ولقيته في بيتهم ابدا، وعمري ما رحت في حتة ولا كلمت

مصاب ولا محبوس ولا منكوب ولا ابو شهيد الا ولقيته وهو بيشتكي لي يقول لي: والله

لولا صفوت حجازي كان زمانا مش لاقيين ناكل..والله صفوت حجازي اللي جاب لنا المحامي،

والله صفوت حجازي هو اللي دخلني المستشفى

دي

شهادة لوجه الله واللي مش مصدقني ينزل بنفسه يروح للمصابين ويجيب قدامهم سيرة صفوت

حجازي، ولا يروح يزور اللي مقبوض عليهم في المحاكمات العسكرية ويجيب سيرته، حتى

الناس اللي هو مش موافق على مواقفهم زي ظباط 8 ابريل، بيروح لهم

برضه

ايه بقى

اللي بيخلي الناس تبقى عدوانية عليه؟ ان ناس تانية برضه بتعمل شغل ومجهود ويفضلوا

يقولوا لي: يعني هو ماحدش انضرب في الميدان غيره؟ هو ماحدش وقف مع المحابيس غيره؟

هو ماحدش وقف مع المصابين غيره؟ ماحدش ماسك ملف الشهدا غيره؟

لا فيه

ناس كتير عملت حاجات غيره.. بس هو اللي بيتشتم مش هم، منى سيف ومالك عدلي واحمد سيف

واحمد حلمي وغيرهم بيعملوا حاجات كتير للمقبوض عليهم والمصابين واهالي الشهداء، بس

ما سمعتش حد بيشتمهم، ولما بتيجي سيرتهم بيشكروهم، ناس كتير كانت حتموت في الميدان،

ومالك مصطفى مثلا انا برضه كنت باشوفه على طول وهو اول ما يشوف ضرب يجري عليه، يشوف

رصاص يجري عليه، بس ماحدش بيشتم مالك مصطفى

بطلوا

تشتموه وانا ابطل ادافع عنه

بطلوا

تشتموه وهو يبطل يقول تصريحات مرة تصيب ومرة تخيب

وانا

فاهمة والله يعني ايه الواحد يتعب ويزهق ويحس انه بيحفر في بحر وانه بيتعامل مع

اشكال قليلة الاصل لحد ما يغلط غصب عنه، فاهماها تماما.. اذا كنت انا الفسلة اللي

ما باعملش نص اللي هو بيعمله بابقى عايزة اولع في الناس ومرة اتخانقت مع واحد كاتب

على التويتر: انا في المسيرة ومش شايف نوارة

قلت له:

ونوارة مش نازلة تاني خالص بقى.. لك عندها حاجة؟ انت مش ابويا عشان تفتش عليا.. هو

انا الدادا بتاعتكم؟ اشمعنى انا اللي باتعامل كده؟ اقعد في الاعتصام في الصينية

يقولوا طالعة تتصور، اخش الخيمة يقولوا هي جاية تعتصم ولا تنام في الخيمة، اكنس

الميدان يقولوا بتستعرض، اسيب ام المقشة واقعد يقولوا فاكرة نفسها اميرة ومشهورة

وهي تقعد والناس تخدم عليها، وتنزلوا المسيرات تدوروا عليا؟ انتوا نازلين المسيرة

عشان حاجة مقتنعين بيها ولا عشان تفتشوا عليا وتشوفني نزلت ولا لا؟ اشمعنى ماحدش

بيدور على بلال، ولا على ابراهيم عيسى، ولا على الحملاوي، ولا على رشا عزب، ويوم

ماحد يشوفهم يبقى كتر خيرهم انهم نزلوا، وانا كنت الخدامة يعني ولا ايه مش فاهمة؟

والناس قعدت تقولي: معلش يا نوارة ما يقصدش.. ده من العشم.. وانا برضه غلطت نفسي

اني اتكلمت كده، هو ما قالش حاجة لده كله.. الجدع بيدور عليا محبة يعني.. بس الضغط

العصبي بيخلي الواحد اعصابه تفلت

وبمناسبة بقى بلال وابراهيم عيسى، اول ما يختلفوا

معاكم يبقى بلال وابراهيم عيسى باعوا نفسهم.... انا زهقت على فكرة

زهقت

قوي.. زهقت من قلة الاصل والمزايدة واللي يوضيكم زي اللي ينجسكم.. بلال وابراهيم

ايه اللي حيبيعوا نفسهم؟ ايش حال ما شفتهم سنة 98 وهم بيتقاسموا سندوتشات الطعمية

وبيرموا على بعض حساب القهوة زي فيلم المنسي لما عادل امام قال لاحمد ادم: انا جبت

لامك ازازة زيت الاسبوع اللي فات حاسب انت حساب القهوة بقى... وكان جرنالهم مقفول

وطالع عينهم ومش لاقيين يدفعوا الايجار ولو كانوا قالوا يا بيع ساعتها كانوا لقوا

الف شاري.. ما عملوهاش وهم مش لاقيين ياكلوا حيعملوها دلوقت؟ وهو كل عيل اهطل نزل

له يومين افتكر نفسه صلاح الدين الايوبي وحيفضل يزايد على ام الناس وينصب لهم

محكمة؟

خلاص..

صفوت حجازي قال تصريحات مش موفقة من كتر الضغط وهو حاسس انه غلط... ندبحه على

العيد؟ ندبحه على العيد وننسى ان راسه كانت مفتوحة في الميدان وما رضيش يخيطها ولبس

عليها حلة وراح وقف تحت تمثال عبد المنعم رياض يشاور للقناصة عشان يضربوا

عليه

هو لوحده اللي عمل كده؟

لا مش هو لوحده اللي عمل كده... بس هو لوحده اللي مشهور ومعروف وشجاعته في الاقدام على

الموت شجعت شباب كتير من اللي بيثقوا فيه.. وهو لوحده من ضمن المشاهير اللي ما كانش

بيرضى ان "مريديه" يحاوطوه ويعملوا له بودي جاردز زي ما بنشوف مع بقية المشاهير،

وكان بيزقهم ويجري على الضرب وده كان بيشجع شباب تاني، يعني اخد ثواب نفسه وثواب

غيره من الشباب اللي بيحبه واتشجع لما لقاه بيعمل كده، وهو لوحده من المشاهير اللي

كان بيتخانق مع الناس اللي بتقوله: خليك انت يا دكتور صفوت ورا، ويمكن اول مرة يشتم

قال: ينعل ابو الشهرة انسوني سيبوني ماحدش له دعوة بيا

التصريحات اللي قالها دي غلط، وما يليقش انه يقولها،

وبتحط ناس كتير ابرياء في دائرة الاتهام، وهو قالها بسبب الضغط العصبي اللي عليه

وانا بصراحة فاهمة قوي موضوع الضغط العصبي، الشهادة لله انتوا تكرهوا الواحد في

عيشته وتندموه على انه عمل خير في حياته ولو تعرفوا في القعدات الخاصة فيه ناس وصل

بيها الامر انها تقول: والله مبارك كان معذور.. ده ايه القرف ده؟

ولا فيه

ام تمييز وبالظبط بالظبط اللي يوضيكم زي اللي ينجسكم، واللي ما بيعملش حاجة غير

الرغي الفارغ وتفريق الصفوف واحنا عارفين عنهم حاجات مش عايزين نقولها تعملوهم عجل

ابيس وتقدسوهم واياك حد يتني لهم كلمة، واياك حد ينتقد اي حاجة بيقولوها، وعمالين

تألهوهم واحنا عارفين دواخلهم وعارفين اتصالاتهم بالجيش وعارفين الاعيبهم

واتصالاتهم بالسفارات كمان ومش عايزين نتكلم، وعشان ما بنتكلمش انتوا عاملينهم آلهة

وماحدش يقدر يقول عنهم حاجة مع ان مواقفهم باينة، وتمشوا وراهم وورا طراشهم ولما

يعكوا الدنيا تختلقوا لهم اعذار.. مع ان ابسط حاجة الناس دي قاعدين في بيوتهم يعني

عمرنا ما شفنا لهم نزلة ولا بهدلة ولا نيلة، وهرابين من المواجهة كمان... واللي

يتفانى بجد ووارد انه يقع في الغلط زي اي انسان تطلعوا ميتين اهله لما حاجة بقت

تقلب البطن.. ماهو طبيعي اللي ما بيعملش حاجة ما بيغلطش واللي بيعمل عشرين حاجة

وارد انه خمس حاجات تفلت منه... ايه؟ وطبيعي انه لو بيعمل عشرين حاجة تتفق معاه في

تلاتاشر حاجة وسبع حاجات تختلف معاه فيهم، تسيب التلاتاشر حاجة وتمسك في السبع

حاجات وتخونه كمان عشان مش متفق معاك؟

بس ده

حال الدنيا.. حنعمل ايه؟ الصبر.. الصبر

هم يعني

الناس اللي بتشتم دي احسن من سيدنا علي اللي قالوا له: انت على الحق، تقبل حلول وسط

ليه؟ انت كافر.. يالا توب بقى وادخل الاسلام

ماهو

التاريخ فيه الفئة الباغية اللي كسبت الدنيا.. واللي اعتزلو وقعدوا مالهمش اي

تلاتين لازمة في الحياة غير يرغوا وطبعا كفوا نفسهم شر الناس وماحدش اتعرض لهم

لانهم حزب كنبة.. والفئة اللي على الحق ودي الفئة الوحيدة اللي اتشتموا وكل واحد

فيهم مات مقتول

هو ربنا

عايز كده

بس برضه

نتعلم من سيدنا علي.. صحيح ماحدش فينا زيه مهما حاولنا، وبرضه البني ادمين ضعفا، بس

هو اتشتم على المنابر واتكفر واتقال عليه كلام اوحش من ده كله وما وقعش نفسه في

الغلط وقبل ما يتكلم كان بيحسب كل حرف طالع منه.. نحاول على قد ما نقدر، وده اللي

انا قلته للدكتور صفوت، يحاول على قد ما يقدر انه يمسك نفسه، ولو لقى نفسه مرهق قوي

يرتاح 48 ساعة بس.. ده ما بيهمدش خالص.. خالص.. ده زمان مراته وعياله بيدعوا على

الثورة دي، والضغط ده والارهاق ده هو اللي وقعه في الغلط.. هو مش عيل صغير على

البهدلة دي وكمان قلة ادب

وانا مش حاشهد شهادة زور عشان اعوم على عوم الناس واراضيهم على حساب الحق، ومش حامسح

مساهمات بني ادم وبطولاته عشان قال تصريحات غلط، الغلط يتقال عليه غلط بمعزل عن

تشويه الشخص، وهو معترف انه كان غلط يقول كده، الكلام ينفع يعتذر عنه والموضوع ده

يتقفل ويتحرم استخدام الاسلوب ده في الكلام خالص بينا وبين بعض، لكن الافعال ما

تتنسيش

وقبل ما اي عيل خايب في الحساب يقول لي ما مبارك عمل الطلعة الجوية

نسامحه؟

والله لو مبارك اخطاؤه على قد الكلام بس كنا سامحناه، لكن خطيئته تعدت القول الى الفعل

وقتل ناس وبقى فيه دم ابرياء، ثم ان مبارك كان في موقع مسئولية ورئيس، صفوت حجازي

لا رئيس ولا وزير ولا حتى مدير البوفيه

والناس اللي قاعدة ما ورهاش غير تدور ورا خلق الله.. والله لو فكروا يعملوا اي حاجة مفيدة

في حياتهم مش حيبقى عندهم وقت يشتموا الناس

ومدام جبنا سيرة سيدنا علي بقى، احب افكركم ان الخوارج كانوا ثوار، وثوار انقياء كمان،

وكانوا بيدوروا على الحق، وكانوا راديكاليين، وانتهى بيهم الامر انهم كفروا سيدنا

علي وولاده.. واللي شتموا سيدنا ابو بكر وسيدنا عمر برضه كانوا ثوار، وانقياء،

وبسبب اختلاف في المواقف السياسية مسحوا 23 سنة من الكفاح والبهدلة والتضحيات

وقرروا انهم ناس وحشة عشان موقف واحد

البني ادم ما يسارعش لفتح جاعورته كده.. كل واحد وارد انه يغلط، ومدام مش بيكابر في الغلط

يبقى الموقف انتهى

[MZohairy]

كلامه مع نواره ان صدق صحة المنقول فيه يؤكد انه أخطأ بسبب الضغوط

و هو عذر قد يقبله البعض او يرفضه

المشكله حاليا بعد اعترافه بالخطأ في الناس اللي كانت بتدافع عنه عمياني

مش شايفين انكم اتسرعتوا شويه ؟

[eslam elmasre]

وبردوا يعلن عن خطاه ايضا في هذه الزيارة المشبوهة

كما اعلن عن خطأه وفق رواية نوارة

تم تعديل 9 أكتوبر 2011 بواسطة Mohammad
تكبير الصورة

[Alshiekh]

النساءلاَّ يُحِبُّ اللَّهُ الْجَهْرَ بِالسُّوءِ مِنَ الْقَوْلِ إِلاَّ مَن ظُلِمَ وَكَانَ اللَّهُ سَمِيعًا عَلِيمًا ..148

برجاء مراعاة الدقة عند نقل الآيات القرآنية واستعراضها قبل نشرها حتى لاتبدو مشوهة لمن لايحفظون القرآن

التصحيح:

﴿ لاَّ يُحِبُّ اللَّهُ الْجَهْرَ بِالسُّوءِ مِنَ الْقَوْلِ إِلاَّ مَن ظُلِمَ وَكَانَ اللَّهُ سَمِيعًا عَلِيمًا ﴾

النساء 148

[Om Zayd]

وبردوا يعلن عن خطاه ايضا في هذه الزيارة المشبوهة

كما اعلن عن خطأه وفق رواية نوارة

مكنتش شفت الصورة دي قبل كده

المهم دورت شوية و لقيت التالي

واعترف الداعية بأنه في عام 2004 كان النظام الليبي يشرف على مسابقة لحفظ القرآن الكريم خاصة بالنساء والبنات، وكان ضمن ضيوف طرابلس فطلب معمر القذافي رؤيته فاغتنم الفرصة لكي يسأله عن تهجّمه على السنّة النبوية الشريفة وإنكاره لها وقال صفوت حجازي لقناة المحور المصرية إنه قال للقذافي أنت رئيس دولة ولم تتعلم القرآن ولست رجل دين حتى تخوض في أمور الدين الإسلامي، وقال أيضا إنه أقنع القذافي بأنه على خطأ بعد ساعات من الجدل

[ابراهيم عبد العزيز]

بعد حوار الشيخ صفوت حجازي مع نوارة نجم

وبعد اقرار الرجل بانه أخطأ

انتهى الامر

والرجل بصراحة وما قاله فى مكالمته من عذر يتمثل فى الضغوط التي يتعرض لها والتي اجبرته على الخطأ نقول أن عذره مقبول جدا جدا , خاصة وان الشيخ صفوت حجازي له من الحسنات والايادي البيضاء الكثير جدا والتي تمحو بعض اللمم منه

ومن منا بلا خطيئة ؟

ولكن نرجو فقط من الشيخ صفوت أن يعلن عن أسماء هؤلاء الشباب حتى لا يستغل أبواق النظام السابق كلامه ويوظفوه للتشكيك فى كل شباب الثورة

[Alshiekh]

بعد حوار الشيخ صفوت حجازي مع نوارة نجم

وبعد اقرار الرجل بانه أخطأ

انتهى الامر

والرجل بصراحة وما قاله فى مكالمته من عذر يتمثل فى الضغوط التي يتعرض لها والتي اجبرته على الخطأ نقول أن عذره مقبول جدا جدا , خاصة وان الشيخ صفوت حجازي له من الحسنات والايادي البيضاء الكثير جدا والتي تمحو بعض اللمم منه

ومن منا بلا خطيئة ؟

ولكن نرجو فقط من الشيخ صفوت أن يعلن عن أسماء هؤلاء الشباب حتى لا يستغل أبواق النظام السابق كلامه ويوظفوه للتشكيك فى كل شباب الثورة

ماينفعش يا أستاذ إبراهيم يقول أسماء

لآنه إما أن يأتي بأدلة ، أو يعتبر قذف في حق أشخاص بعينهم مما يعرضه للمسائلة القانونية ، بالإضافة لأن ماقاله يعتبر قذف بدون شهود حسب فهمي للشريعة

إعترافه بالخطأ لنوارة نجم في حديث تليفوني خاص لهو أمر محمود ، ولكن ختى يكون منصفا ، فعليه أن يعلن ذلك من خلال الفضائيات التي لاتخلو من استضافته كل يوم

[ابوهنا]

مش ملاحظين ان اليوم تم السلخ فى الرجل وسواء كان مخطأ ام لا لمجرد انه سلفى

وامس تم غلق موضوع يتحدث عن القس والذى كانت عباراته اشنع وافظع واكثر صفاقه وقلة ادب من كلام صفوت حجازى

ايها الساده المشرفون هو فيه ايه

وكمان السيد س س شمر عن ساعده اليوم وهاتك ياسلخ فى الراجل وامس لم يكتب كلمه واحده فى حق القس

استاذ س س

النت كان فاصل عندك امس ام ان المبادئ تتغير

[MZohairy]

هو النت كده

يوم يفصل عند ناس

و يوم يفصل عند الناس التانيين

مفيش داعي للمعايره

النت بيفصل عند الكل

[ابوهنا]

هو النت كده

يوم يفصل عند ناس

و يوم يفصل عند الناس التانيين

مفيش داعي للمعايره

النت بيفصل عند الكل

والله جميله ياباشا

اوجزت فاعجزت

فنان فعلا

تم تعديل 9 أكتوبر 2011 بواسطة ابوهنا

[EsoWay]

إيه الفضايح دي !

شقة العجوزة ياشيخ !

والله عيب بجد

دلوقتي هنتعاير بالكلام دا !

للأسف إنه من الشيخ صفوت حجازي