محتاجة مشورتكم

[ام محمد]

السلام عليكم ..اخواني واخواتي اعضاء المحاورات محتاجة مشورتكم ..وكما تعودنا اتمنى ان اجد ردودا وتجاوب ..عايزة النصح ..الموضوع باختصار انوالدي الله يرحمه كان لديه بطاقة مدنية مصرية وشهادة ميلاد مصرية بس بدون جواز سفر ..لانه عاش فترة في مصر بعدين عاش في فلسطين وبعدها سافر للخليج وحمل جواز اردني مؤقت

واحنا اولاده كلنا اخدنا جوازات اردنية مؤقتة ..يعني لا تعطينا حق التعليم ولا الوظيفة الحكومية ولا العلاج ..المهم تزوجت وزوجي معاه وثيقة مصرية للاجئين الفلسطينيين ودي معظم الدول لاتعطيها اي تاشيرة للدخول وطبعا كل اولادي حملوا الوثيقة ..وحاليا بفكر اطلع جواز مصري او بطاقة مدنية لي اولا... تبعا لبطاقة الوالد ..وبعدين اطلع لاولادي من بعدي ..مش عارفة ما هي الاوراق المطلوبة ..وهل ينفع مع ان الوالد متوفي ...وهل لازم اسلم جوازي الحالي ؟؟؟؟طب كيف ممكن ارجع بدونه وعليه اقامتي في الامارات ..يمكن حد يسال ما الفائدة ..؟؟؟ممكن اولادي لو حصلوا الجواز المصري يسافروا اي مكان براحتهم ...ممكن اشتري واتملك في مصر شقة مثلا لو احتجت في يوم من الايام ..انا حالا بشتغل بس مش عارفين بكرة ما الذي يحدث؟؟ياريت حد يفكر معايا لاني تعبن من التفكير وعلى قكرة انا حملت الجواز الاردني بس عمري ما عشت فيها انا طول عمري تقريبا في الخليج

تم تعديل 10 أكتوبر 2011 بواسطة ام محمد

[ViralMind]

السلام عليكم..

انا مش هفتى.. بس ممكن نمسك الخيط من اوله.

شهادة ميلاد والدك.. مكتوب فيها انه مصرى الجنسية صح؟

خديها و اطلعى على العباسية.. مصلحة الاحوال المدنية.. و قولى لهم انك عايزة تطلعى بطاقة و ان والدك مصرى.. و بالتبعية انتى كمان مصرية... و اسأليهم ايه الاوراق المطلوبة بالظبط..

مجرد ما يكون معاكى بطاقة.. هتقدرى تطلعى باسبور من غير مشكلة.

تم تعديل 10 أكتوبر 2011 بواسطة ViralMind

[ام محمد]

السلام عليكم..

انا مش هفتى.. بس ممكن نمسك الخيط من اوله.

شهادة ميلاد والدك.. مكتوب فيها انه مصرى الجنسية صح؟

خديها و اطلعى على العباسية.. مصلحة الاحوال المدنية.. و قولى لهم انك عايزة تطلعى بطاقة و ان والدك مصرى.. و بالتبعية انتى كمان مصرية... و اسأليهم ايه الاوراق المطلوبة بالظبط..

مجرد ما يكون معاكى بطاقة.. هتقدرى تطلعى باسبور من غير مشكلة.

انا شاكرة جدا لردك عليا يا ترى مصلحة الاحوال المدتية لهم موقع نستطيع التواصل معاهم حتى اعرف الاوراق المطلوبة اخدها معايا لاني موجودة في الامارات وعشان اخد اجازة وانزل مصر مش سهلة طبعا يبقى الواحد جاهز ...والف شكر مرة تانية ياريت لو حد يعرف رقم تليفونهم حتى اكلمهم واكون شاكرة

[ViralMind]

هنا هتلاقى ارقام المصلحة:

http://www.cso.gov.eg/index.aspx?lid=26

و لو موصلتيش لحاجة معاهم فى التليفون, ممكن اروح لهم الاسبوع الجى ان شاء الله اسأل.

[ام محمد]

هنا هتلاقى ارقام المصلحة:

http://www.cso.gov.eg/index.aspx?lid=26

و لو موصلتيش لحاجة معاهم فى التليفون, ممكن اروح لهم الاسبوع الجى ان شاء الله اسأل.

والله انا عاجزة عن الشكر فجزاك الله كل خير انا فتحت الرابط وقرات المعلومات اللي على الموقع وباذن الله حكلمهم في موعد الدوام الرسمي قريباجدا والف الف شكر لمساعدتك

تم تعديل 11 أكتوبر 2011 بواسطة ام محمد

[كرم احمد]

القانون اللى صدر من فترة قريبة اللى بينص على ان ابناء المصرية لهم حق الجنسية المصرية دة قانون كارثة لانة يعتبر بمثابة ضياع للعرق المصرى يعنى ممكن تدى اولاد المصرية حق الاقامة او اى حاجة مش الجنسية

الوقتى تقابل واحد سودانى فى الشكل واللون واللبس ويقولك انا مصرى كيف هذا يا زول يقولك الماما بتاعى مصرى

ربنا يخرب بيت اللى عمل القانون دة

لان كل دول مش هيفيدونالافى حرب ولا سلم

[ام محمد]

يا اخي جزاك الله خير الا اعتقد ان الموضوع فيه ضرر لمصر ما هي الدول الاجنبية قاعدة بتعطي جنسية لاي شخص مختلف في الديانة او العرق بشرط يقيم فيها او يستثمر فيها .والكثير من العرب يحاولو الحصول على جنسيات اخرى فمن باب اولى ابناء السيدة ياخدو جنسية امهم لان ولائهم اقوى من ابناء الرجل اللي زوجته اجنبية ...وبعدين موضوعي مختلف انا والدي ولد في مصر وتعلم وتربى فيها واشتغل كمان وجدي ازهري وحاصل على العالمية وعاش فيها سنين ولنا اقارب في مصر واصولنا مصرية ونص العيلة هاجرت ايام حفر القناة الى فلسطين والنصف الاخر بقي فالموضوع مختلف

[ViralMind]

القانون اللى صدر من فترة قريبة اللى بينص على ان ابناء المصرية لهم حق الجنسية المصرية دة قانون كارثة لانة يعتبر بمثابة ضياع للعرق المصرى يعنى ممكن تدى اولاد المصرية حق الاقامة او اى حاجة مش الجنسية

الوقتى تقابل واحد سودانى فى الشكل واللون واللبس ويقولك انا مصرى كيف هذا يا زول يقولك الماما بتاعى مصرى

ربنا يخرب بيت اللى عمل القانون دة

لان كل دول مش هيفيدونالافى حرب ولا سلم

لو افترضنا كلامك صح جدلا, هو اصلا مين فى مصر بيفيدها سواء فى حرب ولا سلام؟

هل انا بفيدها؟ هل انتا بتفيدها؟

احنا كلنا على بعضنا كده مجرد عدد.. كم مهمل ليس له اى قيمة وسط دول العالم داهون.. صلى عالحبيب قلبك يطيب.