أنا آسفة يا مصر

[نوران]

أنا آسفة يا مصر يا بلدي يا أمي

يا للي ولادك قلبهم مش عليكي ومش عايزينك تقفي وتشدي حيلك

يا للي ولادك بيبهدلوا فيكي وكل واحد بيبص لمصلحته حتي لو قطعوكي ونزفتي قدامهم مش هاممهم

أنا آسفة يا بلدي ومفيش في إيدي حاجة غير إني أدعيلك ربي ،اللي أرحم بيكي من ولادك ومني

كان نفسي تبقي أحسن بلاد الدنيا كلها

وولادك يبقوا إيد واحده عشان تسندي عليهم وتقومي من تاني

بعد الثورة قلت خلاص محدش هيدبحك تاني

لكني كنت بحلم

وطلع الحلم كابوس

مش راضي يخلص مش عارفين نصحي منه ونفوق

العيب فينا كلنا

العيب فينا كلنا

أنا آسفة يا بلادي

[التونسى]

اللى بيحب مصر بجد يرفع ايده .. يرفع ايده عنها

[ViralMind]

السلام عليكم..

ما تصلوا عالنبى يا جدعان.

مش معقول يعنى نخاف من اى حاجة تحصل.. مش عايزين قلبنا يبقى رهيف كده.

كل اللى بيحصل ده عادى و متوقع و وارد جدا.

اهم حاجة.. ان الغلطان يتحاسب.. و باشد العقاب.

كفاية طبطبة و تحسيس بقى..

هو احنا دولة احاسيس و مشاعير ولا دولة قوانين؟

مفيش حاجة اسمها حد ياخد حاجة مش من حقه..

و مفيش حاجة اسمها ان مواطن يتجاوز فى حق مواطن تانى.

اعتقد ان مصر هتبقى كويسة.. لما الكل يحترم القانون..

[Om Zayd]

كيف نقيم دولة العدل؟

[الدكتور ياسر]

فعلا اصبح الوضع في مصر شديد السوء .. ومن يعود إلى يوم التنحى لا يتخيل أبدا ما وصلت إليه البلاد الآن ..

تعانقنا كلنا و سجدنا لله شكرا بعد إعلان عمر سليمان الشهير بتنحى مبارك و تسليم السلطة إلى المجلس العسكري ..

وبدلا من أن نواصل التكاتف حتى نمر من المرحلة الدقيقة ونتسلم مقاليد الأمور من المجلس العسكري .. تمزقنا وتفرقنا .. وذهب كل فريق ينسب إلى

نفسه الفضل الأول في الثورة ويتهم الآخر بركوبها .. فانقسمنا إلى إسلاميين و ليبراليين .. كل حزب بما لديهم فرحون .. كل يعيب

في الآخر و كل يريد الكعكة وحده ..وظهرت الإعتصامات الفئوية الأنانية المعطلة التى زادت في معاناة البلد وأنينها .. وظهر مرشحو الرئاسة

وزاد الإنقسام بظهورهم واحتد الخلاف بيننا إلى حد التراشق و التنابز و نسينا الأيام الخوالى .. أيام التحرير ..

ثم ظهر الوجه البغيض .. وجه الطائفية البغيضة .. ليكمل النهش في جسد بلدنا الآمن سابقا ويحولها إلى ساحة مرتقبة لحرب أهلية مدمرة ..

كل هذا و المجلس العسكرى ينظر إلينا مبتسما ساخرا ويتربع على صدورنا أكثر و أكثر ولسان حاله يقول .. هل من مزيد ؟؟؟

[ابو محمود]

مصر تتحدث عن نفسها

تفتكرو لما مصر تتحدث الان بعد كل هذة الطعنات

هنعرف نترجم كلامها من كتر الألم ؟؟؟؟؟؟؟؟

مش عارف ازاى حد يقبل على نفسة ان يطعن صدر امة بكل هذا الغدر