الجيش المصرى مظلوم ! حقيقة ماحدث فى ماسبيرو

[الدكتور ياسر]

كلمة حق

أرى أن قصة سرقة المدرعة من قبل المتظاهرين تعد عذرا أقبح من ذنب فنحن نتحدث عن مدرعة و لانتحدث عن محفظة في جيب جندى .. وإن كان

الجيش المصري بهذه السذاجة فلا يلوم أحدا إذا على اتهامه بدهس المتظاهرين .. فمن وضع نفسه موضع الإتهام فلا يلومن إلا نفسه ...

و إذا كان المتظاهرون أو حتى البلطجية كانوا بهذا الدهاء و القوة التى مكنتهم من هذه السرقة فكيف إذا لو تعرضنا لهجوم من العدو المتربص

على الحدود ؟ هل سيسرقون البلد كلها بهذا المنطق ؟؟...

إن قصة سرقة المدرعة ( وإن كنت أتمنى صحتها) لهي مما يؤسف له ...

تم تعديل 14 أكتوبر 2011 بواسطة الدكتور ياسر

[se_ Elsyed]

ده اللوا قالها في المؤتمر الصحفي بكل بجاحة يا ياسر بيه

طب خلينا معاه

بالله عليك المسيحي اللي في وسط المظاهرات اللي يسرق فيها مدرعة ... يقوم داهس بها 13 من أصحابة ويقطعهم ؟

الشيء الاخر ... التقرير المبدئي بيقول إن ناس من اللي ماتوا ... ماتو بأسلحة حادة كالسيف أو السنجه ...

فهانفترض برضوا إن المسيحيين أنفسهم هما اللي كانوا شايلين الأسلحة دي ... يبقى إيه قتلوا بعضهم ؟

اما المسيحي الذي كان يحمل كلاشنكوف ... فإيه كان بيضرب في الهوا ولا بيقتل به عساكر الجيش .... وإذا كان كده يبقى كام عسكري إتقتل ؟

[se_ Elsyed]

أعلم تماماً بإن الجيش قد تم الزج به في هذه المشكلة الشائكة

تماماً كما كان يفعل السياسيون في عهد المخلوع مبارك

وبالتالي كنا نتوقع اي شيئ يحدث بين المتظاهرين وبين الجيش في حالة وجود عنف

بالمناسبة ... حلقة برنامج في منتهى الصراحة بالأمس كانت في غاية الأهمية ... لإن مصطفى بكري سافر أسوان وسجل من هناك .... والله مصيبة يا جماعة .. مصيبة بمعنى الكلمة ... لإن المشكلة قديمة وفضلت تتراكم لحد ما أنفجرت ...

وأذاع فيديو خطير لأنبا أدفو .. اللي كان حاضر جلسة عرفية لمنع مشكلة من الحدوث ... بتاريخ كام بقى ؟

بتاريخ 16-12-2010 .... ديسمبر الماضي .. والراجل قال بكل صراحة ... أهل البلد اللي زعلانين وبيفكرونا هانبني كنيسة في المكان ده .. ليهم حق يهدوهوا لو ثبت إن دي كنيسة ..

بنفس اللفظ ونفس العبارة

ومع ذلك الجميع سكت .. والجميع طنش لحد الكنيسة ما اتبنت ووصلت هذا الارتفاع الشاهق ..

وماحدش من المسئولين تدخل ويقول لماذا يحدث هذا ؟

ثم يأتي محافظ أسوان ويقول بمنتهى الصفاقة إن شبابنا عملوا الواجب وصححوا الخطا ...

فنحن هنا في المووضع كله وبأختصار نُريد إعلاء دولة القانون ... يعني القانون يمشي على الكل

لا يبقى في حد ياخد حقه بيده

ولا رجل دين يتخفى في رداءه ويخالف القانون

وفي نفس الوقت نريد معالجات سياسية محترمة للمشكلات ... مش نصدر الأمن في كل مصيبة ونرجع نعيط

[لماضة مصرية جدا]

السلام عليكم و رحمة الله و بركاته

علي الرغم من موقفي الشخصي منأداء المجلس العسكري في ادارة المرحلة الانتقالية و اللي نوهت عنه اكتر من مرة لكني لما تابعت المؤتمر الصحفي اللي عملوه...(انا تابعته من ع قناة او تي في)

حسيت فعلا ان الجيش تم استدراجه للي حصل يوم الاحد

في بالي سبعين الف سؤال

1- اذا كانت مظاهرات الاخوة المسيحين يتم الحشد ليها من يوم الثلاثاء ليه لم يتم الالتفات اليها و جدية التعامل معها و خصوصا بعد ما اعلنته مستشارة نهي الزيني عن وجود تقرير فيما يتعلق بتراخيص بناء الكنايس من قبل يوم الاحد؟

2- مين الجهة اللي بتتولي التحقيق حاليا فيما حدث؟؟

3- هل يا تري ينفع نسكت دلوقتي....يعني نلتزم الصمت لغاية ما نشوف الجهة اللي بتحقق دي هتطلع تقول ايه و اتمني يكون الموضوع ده سريع...و يتاخد فيه اجراء اسرع...الحقيقة كل اما اشوف تصريحات المجلس العسكري او الجيش او اي حد منهم هما الاتنين يصعبوا عليا جدا...دخلنا في نفق اسمه سذاجة غير عادي؟؟؟

4- هل يا تري لو ثبت ان الاخوة المسيحين برضه ليهم يد في الموضوع دوت هل الدولة هتقدر تعاقب...هل القانون هيتطبق علي الكل....و لا ساعتها برضه هيبقي فيه نبرة الاضطهاد اللي بيتم التلويح بيها كل شوية...مش عارفة ليه بقت عاملة زي الفزاعة...زي فزاعات تانية كتير بيتلعب بيها في الدماغ؟

5- السؤال بقي اللي عمال يزن في نافوخي....هنخلص امتي و نقفل بالضبة و المفتاح علي حكاية المسيحين مضهدين...و امسك مسلم متطرف...هنخلص امتي من الزج بالدين و تحميله خيباتنا السياسية و اخفاقتنا في ادارة الازمات....هنخلص امتي من سياسة فرق تسد دي اللي غرسها فينا الاستعمار و احنا بكل براعة بعد ما اتحررنا لسه مصرين نتبت فيها بايدينا و سنانا ...امتي بقي...حد يقولي سيناريو منطقي...علشان مش كل شوية تطلع لينا قصة...مكررة منعادة...بس للاسف بيروح فيها دم مصري؟؟؟

شاكرة جدا لقراءتكم

و اتمني حد يجاوبني

[ابراهيم عبد العزيز]

كلمة حق

أرى أن قصة سرقة المدرعة من قبل المتظاهرين تعد عذرا أقبح من ذنب فنحن نتحدث عن مدرعة و لانتحدث عن محفظة في جيب جندى .. وإن كان

الجيش المصري بهذه السذاجة فلا يلوم أحدا إذا على اتهامه بدهس المتظاهرين .. فمن وضع نفسه موضع الإتهام فلا يلومن إلا نفسه ...

و إذا كان المتظاهرون أو حتى البلطجية كانوا بهذا الدهاء و القوة التى مكنتهم من هذه السرقة فكيف إذا لو تعرضنا لهجوم من العدو المتربص

على الحدود ؟ هل سيسرقون البلد كلها بهذا المنطق ؟؟...

إن قصة سرقة المدرعة ( وإن كنت أتمنى صحتها) لهي مما يؤسف له ...

وأنا أشاركك الرأي يا أخ ياسر

فنحن نتكلم عن مدرعة عسكرية وليس ( عربة كارو أو توتوك ) حتى نجد من يروج لرواية سرقة المدرعات العسكرية يوم ماسبيرو

وفى الحقيقية هي شماعة فضفاضة جدا تتسع لأي حدث

فالفترة القادمة أي فيديو لرجل أمن سنتهك كرامة مواطن سيخرج من يقول أنه ليس رجل أمن وهو مجرد بلطجي سرق ملابس أحد رجال الأمن

وأي فيديو لرجل أمن يطلق النار على المواطنين فسيخرج من يقول أن هناك بلطجية اقتحموا (السلاحليك) وسرقوا الأسلحة منه

وهكذا

[ابراهيم عبد العزيز]

- السؤال بقي اللي عمال يزن في نافوخي....هنخلص امتي و نقفل بالضبة و المفتاح علي حكاية المسيحين مضهدين...و امسك مسلم متطرف...هنخلص امتي من الزج بالدين و تحميله خيباتنا السياسية و اخفاقتنا في ادارة الازمات....هنخلص امتي من سياسة فرق تسد دي اللي غرسها فينا الاستعمار و احنا بكل براعة بعد ما اتحررنا لسه مصرين نتبت فيها بايدينا و سنانا ...امتي بقي...حد يقولي سيناريو منطقي...علشان مش كل شوية تطلع لينا قصة...مكررة منعادة...بس للاسف بيروح فيها دم مصري؟؟؟

شاكرة جدا لقراءتكم

و اتمني حد يجاوبني

هذا السؤال يا أخت لماضة إجابته معروفة تماما للجميع ولكن هناك من يتجاهل الإجابة

وهذا السؤال من الأسئلة القليلة التي يتفق جميع المصرين بلا استثناء على اجابته

الاجابة فى أن تكون مصر دولة قانون , وأن تترك سلطات الدولة أسلوب المجالس والشعارات للعامة من الناس وللمجتمع المدني , اما هي كدولة فدورها الأول تطبيق القانون سواسية بين المواطنين

تم تعديل 14 أكتوبر 2011 بواسطة ابراهيم عبد العزيز

[se_ Elsyed]

السؤال بقي اللي عمال يزن في نافوخي....هنخلص امتي و نقفل بالضبة و المفتاح علي حكاية المسيحين مضهدين...و امسك مسلم متطرف...هنخلص امتي من الزج بالدين و تحميله خيباتنا السياسية و اخفاقتنا في ادارة الازمات....هنخلص امتي من سياسة فرق تسد دي اللي غرسها فينا الاستعمار و احنا بكل براعة بعد ما اتحررنا لسه مصرين نتبت فيها بايدينا و سنانا ...امتي بقي...حد يقولي سيناريو منطقي...علشان مش كل شوية تطلع لينا قصة...مكررة منعادة...بس للاسف بيروح فيها دم مصري؟؟؟

هنوصل للمرحلة دي بإذن الله لما يكون هناك عدل يشعر به الجميع

ويكون فيه ديمقراطية وحرية رأي

ويكون كل واحد في حاله يؤدي دوره ...

يعني المواطن ... يبقى مواطن له شغله وبس ... ومالوش دعوه اللي جنبه ده مسيحي ولا ده مُسلم .. في كنيسة بتتبني أو جامع بيتبني ..... أنا مالي !!! أخلص مشاكلي الأول وبعدين وأنا فاضي أبقى افكر في أي حاجه ماليش دخل فيها

المسئولين ... يراعوا ربنا ويحلوا كل مشكلة حل عادل وناجز بدون تحيز

الشرطة ..... تحس إنها بتخدم الشعب بحق وحقيق وتحترمه

مستحيل نتقدم وإحنا فينا النعرات الكدابة دي .. ده مسلم وده مسيحي وده مش عارف إيه .....

وأديكي إنتي يا ريهام شايفة الغربة الناس عامله فيها إزاي .... المكتب او الشركة الواحدة فيها كوكتيل أديان مسلم على مسيحي على هندوسي على بوذي على مش عارف مين ...

وأنا مالي .. انا أتعامل معهم كبني ادمين مثلي تماماً ... اما دينهم فبينهم وبين ربهم ... وما بالي لو إني أُفضل شخص مسلم زميلي وهو يكون في الأساس منافق وملحد من داخله ؟

على فكرة .. حكاية الماريناب تيبيكل مثل ما حدث في كنيسة عين شمس مرتين .. مره في عهد المخلوع .... ومره اهي من كام شهر بعد الثورة ...ونقلت لكم الحقائق من قلب الحدث وعلى لسان للأسف ناس إشتركوا في حرق الكنيسة ...

مبنى مش مرخص له يبقى كنيسة ... القساوسة إتبعوا سياسة الامر الواقع ولوي الدراع وحولوه لكنيسة وبقوا يقيموا فيه الصلوات .... فجأة اللي له واللي مالوش في الموضوع طلع له صوت .. وبعيداً عن سلطة الدولة .. الناس قالوا ناخد حقنا بإيدينا وراحوا حرقوها .... الغريب بقى ... طالما الحمقه والنحررة والرجولة دي عند ناس كتير ما شاء الله .. ليه ما بنشوفها في المخالفات المتلتلة اللي حوالينا ؟ ليه ما بنشوفهاش في الزبالة اللي بتترمي في وشنا كل ساعة ؟ ليه ما بنشوفهاش في منظر دلوقت راجل اعمال أول أمبارح يتخطف عيني عينك في محافظ الشرقية من وسط أهله ويطلبوا فيه فدية ولما اهله يبلغوا الشرطة يلاقوه مدبوح النهاردة ومعاه رسالة " خلي الشرطة تنفعكم " .. وليه بنشوف كل البلاوي حوالينا وبنقول " يا عم خلينا في حالنا عشان نربي العيال "

-----------

الكل اخطأ في مثل هذه المشاكل .. لكن هناك خطأ بيفرق وزي ما بنقول " بفوره "

فلما أُخطا أنا في بناء مخالف .... غير لما أُخطا وأحرق مكان او أقتل حد عشان مخالف وأنا اعمل نفسي الواد الشجيع الغيور وأطبقق القانون وأخد حقي بإيدي ....

[se_ Elsyed]

مين الجهة اللي بتتولي التحقيق حاليا فيما حدث؟؟

عارفه يا ريهام

والله العظيم بقيت اليومين دول أقول " كلما سمعت كلمة ( لجنة تقصي حقائق ) أصبحت أتحسس مسدسي " ههههههههههههههههههه

ده أحنا أتنفخنا لجان تقصي حقائق على مر التاريخ

أه بالمناسبة . أخبار لجنة أمبابة إيه ؟

واطفيح ؟

وعين شمس ؟

ولجنة العباسية ؟

الغريبة إن في أرواح أُزهقت في تلك الحوادث .. ومع ذلك خخخخخخخخخخخخخخخخخخخخخخخخخخخخخخخخ .. إردم يا معلم

طب خدوا المفاجاة .... القضاء العسكري قرر بالأمس إن جميع التحقيقات في أحداث ماسبيرو هاتبقى سرية .. وممنوع النشر فيها

إفتح القوس يا بني وحطها جنب اخواتها ...

هشام طلعت وجريمتة

مبارك وعصابتة وقتل المتظاهرين

تصدير الغاز

خالد سعيد

[MohamedAli]

ده اللوا قالها في المؤتمر الصحفي بكل بجاحة يا ياسر بيه

طب خلينا معاه

بالله عليك المسيحي اللي في وسط المظاهرات اللي يسرق فيها مدرعة ... يقوم داهس بها 13 من أصحابة ويقطعهم ؟

الشيء الاخر ... التقرير المبدئي بيقول إن ناس من اللي ماتوا ... ماتو بأسلحة حادة كالسيف أو السنجه ...

فهانفترض برضوا إن المسيحيين أنفسهم هما اللي كانوا شايلين الأسلحة دي ... يبقى إيه قتلوا بعضهم ؟

اما المسيحي الذي كان يحمل كلاشنكوف ... فإيه كان بيضرب في الهوا ولا بيقتل به عساكر الجيش .... وإذا كان كده يبقى كام عسكري إتقتل ؟

استاذ سي السيد هل من الطبيعي ان يحمل متظاهر سلاح كلاشينكوف ؟! سواء كان يضرب في الهواء ام يضرب في الجيش

لماذا تبرر حمل السلاح في المظاهره ؟

بالنسبة للمدرعة فما نقصده ليس المدرعات التى تقاد بطريقة خاصة (مثل قبادة المعدات) بل المدرعات وعربات الجيش التى هي سيارات عادية لكن مصفحة هذه يمكن سرقتها بسهولة وهذه هي الوادره في تحقيق قناة الحره

وهذا فديو لسرقة احداها قبل الاحداث ومجرم واحد استطاع سرقتها من عساكر الجيش وكاد يدهسهم بها

http://www.youtube.com/watch?v=8T_Yr9FHYk4

تم تعديل 14 أكتوبر 2011 بواسطة MohamedAli

[se_ Elsyed]

يا محمد بيه ما احنا بنتكلم بالعقل

متظاهر .. مسيحي .. شايل كلاشنكوف في قلب المظاهرة .. عشان يعمل به إيه ؟

عشان يقتل في قوات الجيش اللي شايف إنها بتظلمه وبتقتل إخواته

طيب كام واحد إتقتل بالكلاشنكوف ده ؟ مش من حقنا نعرف عشان نشنقة لو عرفنا نجيبه من خلال صورتة في الكليب

وعاوز حضرتك تشوف الفيديو اللي أنا حطيته .. هاتلاقي ناس لابسه مدني وماشية جنباً إلى جنب مع الجيش وشايله أسلحة وبتستخدمها ... مين دول ؟ إيه متظاهرين أقباط برضوا بس بيساعدوا الجيش

كنت ممكن أصدق إن سيارة مدرعة او عادية تتسرق من الجيش فسارقها يدهس بها الجنود ... لكن يدهس بها 13 واحد مسيحي ويفرهم .... طب تيجي إزاي .. فسرها لي إنت دي ؟

ولا مؤخذه مجرد إننا نقول إن الجيش إتسرق منه مدرعة في المظاهرة دي كارثة .. وحاجه ما بتحصلش إلا في جيش الست تحيه كاريوكا .. إنما الجيش المصري .. مستحيل تحصل يا بيه

يا محمد بيه المؤتمر الصحفي اللي عقده المجلس العسكري كان زي مسرحية شاهد ما شافش حاجه .. وحاجه كده مُغيبة وناس عامله مؤتمر عالمي وهما ما عندهمش أي فكرة عن أي حاجه وكل حاجه يقول لك جايز ومحتمل إن واحد إو إتنين إتصدموا بسيارات الجيش وهي بتهرب من الأعتداء عليها

لكن دول يا بيه 14 نفس بشرية

وجايز إن في ناس كانت شايله أسلحة .... طب مين اللي مات بالأسلحة دي ؟

وزي ناس في مظاهرة زي دي وهاتفق معك ههما مجرمين وكانوا شايلين سنج وسيوف ... إزاي يموت منهم ناس بنفس السلاح .؟ إيه الجيش كان شايل سنج .. ولا زي ما قولت أنا المتظتهرين هما اللي دوروا الدبح في بعض ؟

وكان فين الأمن لما المظاهرة تحركت من شبرا إلى ماسبيرو والناس شايله في إيدها انابيب غاز وكلاشنكوف وسيوف ؟

الاغرب .. بيقول لك أثناء المظاهرة كانت في سيارات محلمة أسلحة وأقباط بتدخل المظاهرة وتنزل الناس دي عشان تسخن العملية ؟

حلو قوي ... قصدهم يعني سيارات نازله ببرشوتات ؟

ولا جايه من كوبري اكتوبر او قصر النيل او الكورنيش ؟

طب فين جحافل الأمن من ده كله ؟. وازاي وصلت لقلب المظاهرة ؟ إيه موقعة جمل تانية وهانسمع لوا من اللواءات بيقول زي ما اتقال : إحنا سمحنا لراكبي الجمال والأحصنة إنهم يددخلوا في قلب ميدان التحرير عشان كنا بنحسبهم متظاهرين عاديين !!!!!!!!!!!!!!!

على أساس إن كان في الميدان من يوم 25 يناير كارتات وجمال وحصنة ودول داخلين لزمايلهم كنوع من الأمداد والتموين

[MohamedAli]

متظاهر "سلمي" اخر وهو يحمل كلاشينكوف

[MohamedAli]

أخبار متعددة المصادر من شخصيات ذات ثقل أن ضحايا الجيش في أحداث ماسبيرو بلغت 64 شهيد ! !

منى الشاذلي

http://twitter.com/#!/MonaElShazli

[الدكتور ياسر]

أخبار متعددة المصادر من شخصيات ذات ثقل أن ضحايا الجيش في أحداث ماسبيرو بلغت 64 شهيد ! !

منى الشاذلي

http://twitter.com/#!/MonaElShazli

إنا لله وإنا إليه راجعون..

هذا الرقم يمثل كارثة حقيقة .. أرجو من الله ألا يكون هذا الخبر صحيحا ..

تم تعديل 15 أكتوبر 2011 بواسطة الدكتور ياسر

[ام سلمي]

فعلاً .. المدرعة كانت مسروقة .. زي ما قال عضو المجلس العسكري في المؤتمر أول أمس ..

وبالتالي اتوقع بكره سرقة طائرات حربية أف 16 مثلاً

حقيقي مش فاهمة ليه الاستغراب من سرقة مدرعة ، احنا كلنا شفنا فيديو الجندي اللي كان واحد بيضربه بحجر جوة المدرعة ، وفيديو الجندي اللي طلع من المدرعة جري ومجموعة ناس وراه نزلوا فيه ضرب ، طب الجنود دول مش سابوا مدرعاتهم وجريوا ، ايه الصعوبة ان حد يسرق المدرعة

بالله عليك المسيحي اللي في وسط المظاهرات اللي يسرق فيها مدرعة ... يقوم داهس بها 13 من أصحابة ويقطعهم

لأ ده شيئ مش معقول ، لكن مين قال ان اللي سرق المدرعات ده مسيحي ، الاقرب للمعقول انه واحد بلطجي يا اما عايز يهرب علشان ما يتقبضش عليه سواء من الجيش او المتظاهرين ، يا اما عايز الناس تفتكر ان الجيش هو اللي بيدهسهم علشان يولع البلد زيادة ، طبعا البلطجي ده ولا يهمه ارواح الناس

طب بالعقل كدة مش الاحتمال ده اقرب للمعقول من ان المجلس العسكري يكون امر العساكر بدهس الناس بالمدرعات ، يعني هو مش عارف من كل المظاهرات اللي قبل كدة ان كل حاجة بتتصور ، واللا هو عايز يجيب لنفسه فضيحة ويقلب الناس عليه اكتر ما هي مقلوبة خلقة، ما كان كفاية ضرب النار او اي طريقة تانية علشان ما يتمسكش عليه حاجة، طب هو الجيش لو كان ناوي يدهس الناس ما كان دهسهم من بداية الثورة ،و لو كان في اوامر بضرب المتظاهرين ما كان اولي يدوهم ذخيرة حقيقية علي الاقل ما كانش حد قدر يضربهم ولا يقرب لهم.

ده اللوا قالها في المؤتمر الصحفي بكل بجاحة يا ياسر بيه

علي فكرة عضو المجلس العسكري مش بس قال ان شوهد مدرعة بيركبها واحد مدني ، لكن قال برضه ان في احتمال ان احد الجنود يكون هو اللي ركب المدرعة ودهس ناس نتيجة حالة الهستيريا اللي حصلت له لما شاف زميله بيتضرب بالنار او مدرعته بتتحرق ، وطبعا ده احتمال برضه ، لكن تبقي حالة فردية ، مش ان ده امر جاي لهم .

وبصراحة بقي كلنا متضايقين من المجلس العسكري ، لكن الحق ان دهس متظاهرين بمدرعات ده لا اتوقع ابدا انه يصدر منه ، يبقي الاحتمالين المقبولين ان بلطجية سرقوا المدرعات وده في اكتر من شاهد عليه زي عضو قناة الحرة وائتلاف 25 يناير ، او ان جندي في حالة هستريا عايز يهرب من القتل اوالضرب فدهس الناس وهو سايقها بالخطأ.

تم تعديل 15 أكتوبر 2011 بواسطة ام سلمي

[se_ Elsyed]

أخبار متعددة المصادر من شخصيات ذات ثقل أن ضحايا الجيش في أحداث ماسبيرو بلغت 64 شهيد ! !

منى الشاذلي

http://twitter.com/#!/MonaElShazli

في ظل حالة الضبابية والتكتم الشديد الذي يتبعه الجيش ... فإنني لا اصدق هذا الرقم ... فالبينة على من ادعى واليمين على من أنكر

أما حجة إننا مش عاوزين نعلن الأرقام عشان معنويات الجيش ... فده كذب وتدليس وكلام فارغ .. إحنا مش على الجبهة هنا ... ده حتى لو إحنا في حرب فالأرقام لازم تُعلن ... لا مؤخذه دي مش كلاب وماتت .. دول بني أدمين وشهداء ولهم علينا حق

والذي يدل على كذب قيادات المجلس العسكري ويورطهم اكثر وأكثر هو الجنازة العسكرية اللي إتعملت للجندي الشهيد من يومين ... وحضرها اللواء حمد بدين قائد الشرطة العسكرية وكاننت جنازة مهيبة .... فهل كان هذا الجندي البسيط من قيادات الجيش الهامة وعشان كده إتعمل له جناز عسكرية وحده هو فقط ؟

طب والباقي فين ؟

هي توريطة إتورطها الجيش وكان ممكن يتفادى كده من الاول بإنه لا يكابر ويقولوا بمنتهى الصراحة إن مالهمش في السياسة ولا الحكم .. وإن الموضوع أكبر منهم .. او على الاقل لو كانوا متمسكين ومتشبثين قوي في اللقب اللي اعطوه لنفسهم كحماة للثورة والكلام الفارغ ده .. كانوا فضلوا زي ما هما بس يجيبوا ناس زي مخاليق الله لديها سلطة وحكمة وهما اللي يديروا البلد .... مش شوية لا مؤخذه قراطيس ولا لهم لزمه ... وادينا كلنا شوفنا رئيس وزرا بيتفرج زيه زينا .. بالعكس جه كلنا مسلم ومسيحي كنا على أعصابنا في هذا اليوم .. والبيه كان نايم ... والأخ التاني منصور العيسوي اللي الموضوع كان يمس الأمن وهو ولا هنا وغيرهم وغيرهم من السادة الوزراء اللي منهم من كان له تارخي علمي وأكدايمي محترم .. وضيعه بإنه رضي على نفسه إنه يككون خيال مآته يحركه المجلس يميناً ويساراً

[عبد الله غريب]

فعلاً .. المدرعة كانت مسروقة .. زي ما قال عضو المجلس العسكري في المؤتمر أول أمس ..

وبالتالي اتوقع بكره سرقة طائرات حربية أف 16 مثلاً

حقيقي مش فاهمة ليه الاستغراب من سرقة مدرعة ، احنا كلنا شفنا فيديو الجندي اللي كان واحد بيضربه بحجر جوة المدرعة ، وفيديو الجندي اللي طلع من المدرعة جري ومجموعة ناس وراه نزلوا فيه ضرب ، طب الجنود دول مش سابوا مدرعاتهم وجريوا ، ايه الصعوبة ان حد يسرق المدرعة

بالله عليك المسيحي اللي في وسط المظاهرات اللي يسرق فيها مدرعة ... يقوم داهس بها 13 من أصحابة ويقطعهم

لأ ده شيئ مش معقول ، لكن مين قال ان اللي سرق المدرعات ده مسيحي ، الاقرب للمعقول انه واحد بلطجي يا اما عايز يهرب علشان ما يتقبضش عليه سواء من الجيش او المتظاهرين ، يا اما عايز الناس تفتكر ان الجيش هو اللي بيدهسهم علشان يولع البلد زيادة ، طبعا البلطجي ده ولا يهمه ارواح الناس

طب بالعقل كدة مش الاحتمال ده اقرب للمعقول من ان المجلس العسكري يكون امر العساكر بدهس الناس بالمدرعات ، يعني هو مش عارف من كل المظاهرات اللي قبل كدة ان كل حاجة بتتصور ، واللا هو عايز يجيب لنفسه فضيحة ويقلب الناس عليه اكتر ما هي مقلوبة خلقة، ما كان كفاية ضرب النار او اي طريقة تانية علشان ما يتمسكش عليه حاجة، طب هو الجيش لو كان ناوي يدهس الناس ما كان دهسهم من بداية الثورة ،و لو كان في اوامر بضرب المتظاهرين ما كان اولي يدوهم ذخيرة حقيقية علي الاقل ما كانش حد قدر يضربهم ولا يقرب لهم.

ده اللوا قالها في المؤتمر الصحفي بكل بجاحة يا ياسر بيه

علي فكرة عضو المجلس العسكري مش بس قال ان شوهد مدرعة بيركبها واحد مدني ، لكن قال برضه ان في احتمال ان احد الجنود يكون هو اللي ركب المدرعة ودهس ناس نتيجة حالة الهستيريا اللي حصلت له لما شاف زميله بيتضرب بالنار او مدرعته بتتحرق ، وطبعا ده احتمال برضه ، لكن تبقي حالة فردية ، مش ان ده امر جاي لهم .

وبصراحة بقي كلنا متضايقين من المجلس العسكري ، لكن الحق ان دهس متظاهرين بمدرعات ده لا اتوقع ابدا انه يصدر منه ، يبقي الاحتمالين المقبولين ان بلطجية سرقوا المدرعات وده في اكتر من شاهد عليه زي عضو قناة الحرة وائتلاف 25 يناير ، او ان جندي في حالة هستريا عايز يهرب من القتل اوالضرب فدهس الناس وهو سايقها بالخطأ.

تفسير حضرتك وارد جداً .. و هو أقرب للتصديق

[طبيبة بالخارج]

ملحوظة :

لاحظت من المناقشات حول الموضوع ان كل شخص داخل بقناعة خاصة لا تقبل التغيير لدرجة ان نفس الفيديو يحتمل المتضادين

و أصبحت اتهامات التكذيب و التخوين تلقى في كل الاتجاهات و لم يسلم منها أحد و هذه هي نقطة ضعف مصر في الوضع الحالي

[التونسى]

أخبار متعددة المصادر من شخصيات ذات ثقل أن ضحايا الجيش في أحداث ماسبيرو بلغت 64 شهيد ! !

منى الشاذلي

http://twitter.com/#!/MonaElShazli

إنا لله وإنا إليه راجعون..

هذا الرقم يمثل كارثة حقيقة .. أرجو من الله ألا يكون هذا الخبر صحيحا ..

لو الخبر ده صحيح .. انا مع المجلس العسكرى فى عدم التصريح به .. وتكذيبه كمان .. لخطورة عواقبه على مسيحيي مصر .. لو كان صحيحا

[se_ Elsyed]

أخبار متعددة المصادر من شخصيات ذات ثقل أن ضحايا الجيش في أحداث ماسبيرو بلغت 64 شهيد ! !

منى الشاذلي

http://twitter.com/#!/MonaElShazli

إنا لله وإنا إليه راجعون..

هذا الرقم يمثل كارثة حقيقة .. أرجو من الله ألا يكون هذا الخبر صحيحا ..

لو الخبر ده صحيح .. انا مع المجلس العسكرى فى عدم التصريح به .. وتكذيبه كمان .. لخطورة عواقبه على مسيحيي مصر .. لو كان صحيحا

أسف يا محمود بيه .. الكلام ده ولا يدخل ذمتي بتعريفة

إذا كنا هناك شهداء مصريين ضحايا من الجيش .. فيجب ان نُعلن عن العدد .. وإلا منذ متى بنراعي شعور المجرم والجاني ؟

وسيبكوا بقى من الكلام إن الكلام ده هايسخن الجيش على المسيحيين .. لا مؤخذه دي مش عركه في حارة يا رجالة

السؤال مرة أخرى لكل ذي عقل : هو إسمعنى الاخ الجندي الشهيد ده هو اللي إتعملت له جنازة عسكرية بحضورة قادة من الجيش ؟؟؟؟؟؟

أصل شكل الناس ما شافتش السؤال في أخر مداخلة لي

[doctor ayman]

اهم اسباب ما يحدث هو النفاق

انها فعلا ارض النفاق

شوفوا معايا المقال ده

نبيل عمر

ثورة فى أرض النفاق!

السبت، 15 أكتوبر 2011 - 17:52

يتعجب المرء من كم الأخطاء التى ارتكبناها منذ صباح 12 فبراير وإلى الآن، أخطاء بالجملة، بعضها متعمد مع سبق الإصرار والترصد، وبعضها نقص خبرة وقلة معرفة، ويبدو أننا سقطنا فى فخ الأوهام الساذجة، وتصورنا أن رحيل حسنى مبارك عن السلطة هو المراد من رب العباد، وكافٍ تمامًا لأن تحل كل مشاكلنا من تلقاء نفسها، ودخلنا فى صراع شرس على تقسيم الغنائم والأسلاب، ولم نفكر فى كيفية إنقاذ مصر من مستنقع التخلف الذى تسبح فيه منذ قرون، أقصد تفكيرًا مجتمعيّا استراتيجيّا، أول خطوة هى بناء نظام جديد عصرى يستند إلى منظومة قيم حديثة فى العمل والإنتاج والتعليم والتفكير.

وهذه الأخطاء الفادحة التى تكاد فى بعض منها تصل إلى حد «الجرائم» هى التى فرشت أمامنا الطريق إلى جهنم الفوضى والارتباك والتى وصلت إلى ذروتها فى أحداث ماسبيرو!

لكن أكبر هذه الأخطاء هو حالة النفاق التى ضربت البلد من أوله إلى آخره، نفاق لميدان التحرير، نفاق للثوار الشبان، نفاق للمجلس العسكرى، نفاق للقوى السياسية، «وبين بعضها البعض»، نفاق لأهالى «قتلى» سقطوا فى أيام الثورة، ولم يكونوا من المتظاهرين بأى حال من الأحوال، نفاق لأصحاب المطالب الفئوية، نفاق لأصحاب المطالب الطائفية، نفاق للتيارات الدينية.. إلخ، وكان الإعلام الفضائى هو قائد مسيرة النفاق العظيم، ثم تبعته الصحف والإذاعات بجدارة، حتى وصلنا إلى حافة الفتنة الوطنية، وهى الأخطر فى تاريخ مصر الحديث!

وحتى ونحن نتعامل مع أحداث ماسبيرو الكارثية، لم نحاول أن نتحدث عن الوقائع كما حدثت على الأرض، ولجأنا للتحليلات السياسية العامة التى يسهل فيها إدانة طرف وتبرئة طرف، دون أن نتعرف الحقيقة ونضع أيدينا على بيت الداء فنستأصله.

طبعًا كان هناك «مندسون» قدموا من الأحياء المجاورة لمبنى ماسبيرو، وسبق لهم أن هددوا من تظاهروا واستوطنوا الميدان من قبل وسدوا الطريق وأعاقوا الحركة، وهؤلاء المندسون يخدمون عند أصحاب مصالح قريبة، تتعطل أشغالهم، وقد توعدوا الذين يعودون ويهددون بالاعتصام أمام ماسبيرو بالضرب.. وهؤلاء مسلحون وخطرون ومدربون على الخناقات والكر والفر.

لكن أيضًا كان هناك متحمسون ومشحونون ومندفعون وغاضبون إلى حد الجنون، بين المظاهرة السلمية، ورددوا كلامًا عن الشهادة والتضحية، وهذا مسجل وموجود. وبالطبع ليست هذه محاولة لإدانة طرف أو تبرئة طرف، لكن لتفسير الملابسات التى وقعت فيها أحداث ماسبيرو، والتفسير لا يعنى قبولها أو تبريرها.. فقط نريد أن نعرف ما حدث ولماذا حدث.

لكن النفاق العظيم فى الفضائيات، ودون أى معلومات، اندفع من الطرفين إلى قراءة مشاهد لم تحدث، وروى أشياء من خياله، سواء لإرضاء المصريين المسيحيين الذين سقط منهم 26 قتيلاً ومئات المصابين، أو إرضاء المصريين المسلمين المتعصبين الذين تعاطفوا مع الجيش ضد الاعتداءات عليه. وفى ظل القراءات المغلفة بالنفاق تشتعل الأرض بالتحريض والطائفية والكراهية التى تبلغ عنان السماء.

والمدهش أن الذى بدأ اللعبة هو المجلس العسكرى، فلم يطبق بجدية حظر التجوال الذى فرضه أيام الثورة، من باب نفاق الشعب، وفى اختيار لجنة تعديل الدستور التى ضمت «قوى سياسية» يراها هى الأكثر تأثيرًا فى الشارع، ثم قلدته الحكومة فى التعامل مع ثوار ميدان التحرير، فكانت تستشيرهم فى أمور الدولة، وهم لا يعلمون عنها شيئًا، بل أعد لهم رئيس الوزراء عصام شرف مكتبًا لمراقبة أعمال الوزارة.. ثم راح الإعلام الرسمى والخاص ينافق التيارات الدينية، ورأينا على شاشات التليفزيون قتلة يتحدثون إلى الناس كما لو كانوا أبطالاً وطنيين.

وقبل أن تفيق مصر من ضربة لجنة تعديل الدستور وهجمة التيارات الدينية اندلعت المطالب الفئوية ومليونيات المحاكمات، وقطع الطريق فى قنا اعتراضًا على تعيين محافظ مسيحى.. ولم يتطوع أحد بقول الحقيقة أو شرحها كما هى على أرض الواقع.. أغلب الكلام نفاق فى نفاق، ناس تطبطب على ناس، ولا يهم أن تغرق مصر أو تعمها الفوضى. فهل يمكن أن نكف جميعًا عن النفاق: الفضائيات والحكومة والمجلس العسكرى والصحف العامة والشخصيات السياسية ورجال الدين ومؤسسات المجتمع المدنى؟

النفاق هو أخطر أعداء الثورة