# استقالة وزير المالية المصري #

[Abu Reem]

خبر قرأته عن استقالة وزير المالية بسبب احداث ماسبيرو

من كام يوم كنت كاتب موضوع عن موضوع القروض اللي عاوز يبتلينا بها من امريكا ومن بعض الدول العربية

شكله لقى مفيش فايدة ولقى ان الدكتوراه مش نافعه معاه علي ارض الواقع

ويمكن جاله عقد عمل في احد دول الخليج زي ما حصل مع رشيد محمد رشيد

[ابراهيم عبد العزيز]

عموما يا أخي أبو ريم مهما كان الاختلاف مع الوزير في سياساته فى الوزارة إلا أننا لا نملك إلا احترامه على هذه الخطوة إن صح هذا الخبر

تم تعديل 11 أكتوبر 2011 بواسطة ابراهيم عبد العزيز

[أبو محمد]

عموما يا أخي أبو ريم مهما كان الاختلاف مع الوزير على سياساته فى الوزراة إلا أننا لا نملك إلا احترامه على هذه الخطوة إن صح هذا الخبر

ولا يستحق السخرية بسبب استقالته مهما كان السبب .. سواء كان بسبب الأحداث أم بسبب اختلافه مع المجلس الذى كان قد رفض مساعدات مشروطة

[لماضة مصرية جدا]

السلام عليكم و رحمة الله و بركاته

سؤال مش عارفة ده مكانه الصح و لا ايه

بس لما قريت خبر استقالة وزير انا قولت في توقيت احداث ماسبيرو يبقي اكيد اللي استقال وزير الداخلية

او وزير الدفاع....(مش اللي مسئول برضه عن المدرعة اللي دهست ال 6 مصريين يبقي وزير الدفاع)

طب بلاش وزير التكافل الاجتماعي....ده بمناسبة انه عاش الهلا مع الصليب و كدهوت و الطبطبة اللي مش هتخلي البلد دي تحدف لقدام

طب وزير الصحة بمناسبة ان الناس في المستشفيات بتستغيث و عمالين نعمل حملات تبرع بالدم...يمكن يكون فيه عنده دم و يقولنا

هي الناس اللي انا قولت اساميهم فوق ديت...لسه لغاية دلوقتي بتعمل ايه

هو السيد اللواء العقيد اركان حرب الدكتور شرف....بيعمل ايه؟؟

هي البلد دي قامت فيها ثورة بجد و لا ايه؟؟؟

اذا كان اي حدث بيموت فيه حد مصري ....مافيش اي سابقة ان وزير مسئول مباشر يستقيل و يحسسنا ان لسه فيه فايدة.....هو يبقي فيه ايه

وزير المالية بقي....استقال ليه؟؟؟

مجرد سؤال؟؟؟

[عادل أبوزيد]

الإستقالة كانت مسببة بتعامل الحكومة مع أحداث ماسبيرو كما جاء الخبر على المصرى اليوم طبقا للعديد من تغريدات تويتر نقلا عن بوابة المصرى اليوم

[pink rose]

مش وزير المالية بس اللي استقال

اتفضلوا

قناة الجزيرة مباشر - Aljazeera Mubasher Channel

عاجل/ رئيس الوزراء عصام شرف يضع استقالة حكومته تحت تصرف المجلس العسكري

Like · · Translate · Share · 4 minutes ago

الخبر لسا طازة

مش هاعلق عشان انا مخنوقة جدا دلوقتي

[hanzalah]

عصام شرف مفروض يستقيل من زمان لاسباب واحداث كثيرة

لكن الغريب والمريب ان المجلس يطلب منه البقاء

هل ليظل واجهة على تصرفات المجلس المريبة

مش عارف

لكن ان يستقيل الببلاوي فاعتقد ان ده تصرف احترمه عليه

على الاقل لم ينتظر ان يخرج مصحوبا بلعنات المصريين كما هو المصير المنتظر لعصام شرف والعيسوي و باقي الطرابيش

ثم كيف لايستقيل الوفدي اسامه هيكل من منصبه بعد كل فضائح التلفزيون والاعلام المصري

ثم كيف لا تستقيل المذيعه الكارهه للثورة ولمصر ولنفسها ولكل شيء رشا مجدي

ثم كيف لايستقيل رئيس تحرير الاهرام وهو ينشر صورة المشير وهو ابن العشرين وليس ابن الثمانين

هل التلميع وصل لحد الصور كما كانت حركة صورة مبارك مع اوباما قبل الثورة

كيف لايستقيل كل أفاق أثيم يتآمر على ثورة شريفة لشعب عظيم

[لماضة مصرية جدا]

مش وزير المالية بس اللي استقال

اتفضلوا

قناة الجزيرة مباشر - Aljazeera Mubasher Channel

عاجل/ رئيس الوزراء عصام شرف يضع استقالة حكومته تحت تصرف المجلس العسكري

Like · · Translate · Share · 4 minutes ago

الخبر لسا طازة

مش هاعلق عشان انا مخنوقة جدا دلوقتي

معلشي سؤال

هو هتفرق في ايه استقالة السيد اللواء دكتور شرف

حد شاف الحلقة بتاعت العاشرة اللي استضافت فيها المستشارة نهي الزين و اعلنت ان كان فيه تقرير في رئاسة الوزراء عن تراخيص الكنائس و كان يجب ان يتم اعلان الشعب به اعلاميا لتهدئة الرأي العام قبل احداث ماسبيرو

حد اتحرق دمه....كده

لا و السيد الدكتور اللواء قايم علينا الصبح بدري يقولنا بيان هام للامة

هو انتو خليتوا فيها امة

دي بقت ام قويق خالص

عصام شرف بالنسبة ليا انفيزيبل ايقون من زمان

و استقالته مش هتقدم و لا هتأخر

هو انتو مش واخدين بالكم ان النهاردة التلات و اللي حصل يوم الاحد

اللي كان عاوز ياخد موقف محترم لمؤاخذة يعني كان اخده بعد المهزلة دي مباشرة مش لسه هنقعد نتشاور و نتباحث

هو ايه ده

تم تعديل 11 أكتوبر 2011 بواسطة لماضة مصرية جدا

[لماضة مصرية جدا]

عصام شرف مفروض يستقيل من زمان لاسباب واحداث كثيرة

لكن الغريب والمريب ان المجلس يطلب منه البقاء

هل ليظل واجهة على تصرفات المجلس المريبة

مش عارف

لكن ان يستقيل الببلاوي فاعتقد ان ده تصرف احترمه عليه

على الاقل لم ينتظر ان يخرج مصحوبا بلعنات المصريين كما هو المصير المنتظر لعصام شرف والعيسوي و باقي الطرابيشثم كيف لايستقيل الوفدي اسامه هيكل من منصبه بعد كل فضائح التلفزيون والاعلام المصري

ثم كيف لا تستقيل المذيعه الكارهه للثورة ولمصر ولنفسها ولكل شيء رشا مجدي

ثم كيف لايستقيل رئيس تحرير الاهرام وهو ينشر صورة المشير وهو ابن العشرين وليس ابن الثمانين

هل التلميع وصل لحد الصور كما كانت حركة صورة مبارك مع اوباما قبل الثورة

كيف لايستقيل كل أفاق أثيم يتآمر على ثورة شريفة لشعب عظيم

السلام عليكم و رحمة الله و بركاته

كلام حضرتك مظبوط جدا بس بالنسبة للكلمة اللي متعلمة بالاحمر

تفتكر فعلا يا تري اللفظ المناسب هو طرابيش

اللي اعرفه ان الطربوش دوت هيبة كده لما يتلبس علي راس سي الافندي و يعوج الزر ع الجنب

اصل فيه برضه شيء بيتلبس علي الراس و بيبتدي بحرف الطاء برضه....(شوف الصدف)...بس بيلبسه الاراجوز علشان يضحك و يسلي الناس و كدهوت

بس للاسف الناس مبقتش تضحك خلاص و لا هي عايزة الاعيب علشان تتلهي

الناس بقت فاهمة وواعية...و حركات ملاعيب شيحا مبقتشي تخيل علينا

قولتلي بقي...نخليها طرابيش

و لا نمشيها....طرا........؟؟؟؟

[se_ Elsyed]

للأسف يا ريهام كلامك صح

في المرحلة الحالية وفي ظل وجود المجلس العسكري ... بقى احمد زي سيدي أحمد

ولو راح عصام شرف .. فالمجلس هايجيب ألف عصام زيه

أشخاص .. ليست لديهم سُلطة .. ولا قوة .. ولا مسئولية

[وطني حر]

مش وزير المالية بس اللي استقال

اتفضلوا

قناة الجزيرة مباشر - Aljazeera Mubasher Channel

عاجل/ رئيس الوزراء عصام شرف يضع استقالة حكومته تحت تصرف المجلس العسكري

Like · · Translate · Share · 4 minutes ago

الخبر لسا طازة

مش هاعلق عشان انا مخنوقة جدا دلوقتي

تخونني العباره في وصف مثل هذه الاستقاله ,, فهي استقاله ممزوجه بحب السلطه والتشبث بها

ما هي استقاله الحكومه اصلا من صلاحيات المجلس العسكري ؟؟؟؟

هو الدكتور عصام شرف مش عارف !!!!!!

ولا عشان كسب اصوات الشباب في الميدان . فاكر ما حدش يقدر عليه ..؟؟

يا دكتور عصام .. تاخرت كثيرا في هذه الاستقاله , كما تاخر من سبقك في التنحي ..

تحيه تقدير واعجاب للدكتور حازم الببلاوي لتقديم استقالته كونه عضوا في حكومه فشلت في التعامل مع ازمه مسبيرووو..

لا يمكننا الحكم علي الدكتور البلاوي بالفشل في وزارته بالاقتراض او ............. فقد يكون لديه رؤويه مختلفه للتعامل مع الازمات الماليه او الحلول المفترحه لها

عامته تحيه لكل مسؤول يقدم استقالته حين يجد انه عاجز عن تقديم الافضل

[Alattar]

هو لو فيه واحد فعلا ايده نظيفة..وماسك منصب معين..ولقي انه مش عارف يعمل حاجة..وده مش نتيجة تقصير منه..لأ..بس لأن الصلاحيات اللي معاه محدودة جدا..و قدم استقالته..مش ده معناه ان ممكن .. لأ..مش ممكن..ده أكيد..هييجي بداله واحد سيء ويستغل الفرصة للحصول علي المنصب..ويعك الدنيا؟

الواحد مش عارف يفكر بجد..هل المسئول المحترم يستقيل عشان يحفظ كرامته..وفي الحالة دي هيسيب المنصب لواحد تاني أكيد مش محترم.. - لأن اللي يقبل علي نفسه انه يبقي دلدول..ومالوش شخصية..ولا صلاحيات لمجرد انه يبقي في منصبه..يبقي أكيد مش محترم - هل ده يبقي صح؟

ولو فضل في منصبه..يبقي الناس هتقول انه مشارك في الانهيار اللي حاصل..

يبقي الحل الوحيد اننا نطهر من فوق..وده للأسف معناه ثورة جديدة

تم تعديل 11 أكتوبر 2011 بواسطة Alattar

[Abu Reem]

مش وزير المالية بس اللي استقال

اتفضلوا

قناة الجزيرة مباشر - Aljazeera Mubasher Channel

عاجل/ رئيس الوزراء عصام شرف يضع استقالة حكومته تحت تصرف المجلس العسكري

Like · · Translate · Share · 4 minutes ago

الخبر لسا طازة

مش هاعلق عشان انا مخنوقة جدا دلوقتي

ايه اللي خانقك بس يامدام بنك

هل خيبة املك في المجلس العسكري ام خبر الاستقالة

- علي فكرة بالنسبة للتساؤل حول استقالة عصام شرف

عاوز اقول اذا كان الراجل المحترم اللي. اترشح مباشرة من قلب الثورة واتفق عليه كل قوى الشعب. باختلاف ا توجهاتهم

ولم يستطيع فعل اي شيء اذن فما بالنا باي شخص اخر ؟؟؟

وياترى هل الجنزوزي اسم غير مطروح؟؟

[لماضة مصرية جدا]

هو لو فيه واحد فعلا ايده نظيفة..وماسك منصب معين..ولقي انه مش عارف يعمل حاجة..وده مش نتيجة تقصير منه..لأ..بس لأن الصلاحيات اللي معاه محدودة جدا..و قدم استقالته..مش ده معناه ان ممكن .. لأ..مش ممكن..ده أكيد..هييجي بداله واحد سيء ويستغل الفرصة للحصول علي المنصب..ويعك الدنيا؟الواحد مش عارف يفكر بجد..هل المسئول المحترم يستقيل عشان يحفظ كرامته..وفي الحالة دي هيسيب المنصب لواحد تاني أكيد مش محترم.. - لأن اللي يقبل علي نفسه انه يبقي دلدول..ومالوش شخصية..ولا صلاحيات لمجرد انه يبقي في منصبه..يبقي أكيد مش محترم - هل ده يبقي صح؟

ولو فضل في منصبه..يبقي الناس هتقول انه مشارك في الانهيار اللي حاصل..

يبقي الحل الوحيد اننا نطهر من فوق..وده للأسف معناه ثورة جديدة

السلام عليكم و رحمة الله و بركاته

مختلفة مع حضرتك في الجزئية اللي باللون الاحمر

لو انا شخص المفروض تم اختياري بناء علي معايير من اهمها اني كفاءة و اني اقدر اخدم و اضيف في المنصب دوت...يبقي لما اشوف حاجة غلط و احس اني برغم المنصب مش قادر اني اكون بني آدم "محترم"...يبقي ابسط احترام ليا اني اقدم استقالتي

مش علشان الشعب يشيلني علي الاعناق و لا هنطلع نهتف بالروح بالدم نفديك يا ببلاوي

علشان انا بني آدم محترم...يعني انا لا اقبل المساومة في مباديء اراها صائبة...و متحترم دي قدام نفسي.....مش قدام اي بني ىدم تاني....اصل نفسي دي هي اللي انا راح انام معاها اخر الليل و اساسلها و احسابها هو انا قادر ابص لوشي في المراية....هو انا راضي عن نفسي...طب هو ربنا راضي عليا

و اذا كان المنصب هيخليني اكثر عجزا و خضوعا و استسلاما و تزييفا للحقائق

يبقي باقي ايه ابكي عليه

اذا الناس البسيطة الغلبانة بتروح تتمحك في المسئول الكبير عل و عسي ان قوة.."السلطة" ترجع...ما اخذ منهم تحت تهديدهم بالضعف....يبقي ما يفترض انه يمنحك القوة يورثك الضعف...ده غير مقبول

و كون ان من سياتي بعدي قد يكون اسوأ ليس مبرر علي الاطلاق

لانه ببساطة احترامي لنفسي اهم

و مين قال مش يمكن يجي اللي بعده و تكون استقالتك دي نقطة فارقة في تغيير نظام باكمله...و بالتالي اللي جاي بعدك حتي لو كان ناويها فساد....يبقي هيتعظ

حضرتك بتقول محتاجين ثورة جديدة

اعترض برضه

اصل القديمة لسه مخلصتشي

عندي يقين انها بكل الاعيبهم الخايبة دي هتقوي عن الاول....بس هتاخد شكل تاني

اللي بيتشكل دلوقتي هو وعي الناس و افكارهم...يعني معجنة....و لازم يحصل كل ده...علشان لسه متفائلين اللي قدام افضل باذن الله

[لماضة مصرية جدا]

عاوز اقول اذا كان الراجل المحترم اللي. اترشح مباشرة من قلب الثورة واتفق عليه كل قوى الشعب. باختلاف ا توجهاتهم

ولم يستطيع فعل اي شيء اذن فما بالنا باي شخص اخر ؟؟؟

وياترى هل الجنزوزي اسم غير مطروح؟؟

السلام عليكم و رحمة الله و بركاته

مش عارفة ليه يا استاذي ابو ريم تساؤل حضرتك دوت فكرني بتوبيك كنت فتحته زمااااااان و محدش رد عليه فيه الا من رحم ربي

و علي ما اذكر كان التوبيك عن تقييم اداء المجلس العسكري كإدارة

و ساعتها كان عندي قناعة انه لابد من تحديد و تحجيم صلاحيات المجلس...مع اني شخصيا رافضة وجوده بس برضه "العقلاء" قالولي ان بلاش يا بنتي نخبط في الجيش و ان الجيش ده درع مصر الواقي و مخدة حبنا و حاجات كتيرة كده مش داخلة دماغي

مش عارفة ليه الايام بتلف و بترجع و تحسسنا ان احنا بنرجع لنفس المطالب اللي اصرينا عليها من كامش هر فاتوا

و لو مكنتشي لو من عمل الشيطان...كنت قولت...طب مش لو كنتوا ايدتوا بهذا المطلب من شهور فاتت كانت الامور اتحسمت اكتر من كده

و بلاش نقول لو....؟؟؟ ده مجرد تمني في الوقت الضايع

[Melhakim]

او وزير الدفاع....(مش اللي مسئول برضه عن المدرعة اللي دهست ال 6 مصريين يبقي وزير الدفاع)

لا مش مسئول

لما يكون عمل فردى من عسكرى فقد اعصابه او حصله خلل فى عقله اوحصل ليه اى حاجه تخليه يطلع بالمدرعة بالسرعة العالية اللى شوفناه بيها يبقى وزير الدفاع مالوش علاقة بالموضوع لأن فى الاول والاخر اللى حصل ده عبارة عن عمل فردى

و إلا كان من باب اولى الباب شنودة يتخلى عن منصبه هو كمان لما الشباب المسيحى ولع فى عربيات ومدرعات الجيش واعتدى على العساكر والظباط

[Alattar]

السلام عليكم و رحمة الله و بركاته

مختلفة مع حضرتك في الجزئية اللي باللون الاحمر

لو انا شخص المفروض تم اختياري بناء علي معايير من اهمها اني كفاءة و اني اقدر اخدم و اضيف في المنصب دوت...يبقي لما اشوف حاجة غلط و احس اني برغم المنصب مش قادر اني اكون بني آدم "محترم"...يبقي ابسط احترام ليا اني اقدم استقالتي

مش علشان الشعب يشيلني علي الاعناق و لا هنطلع نهتف بالروح بالدم نفديك يا ببلاوي

علشان انا بني آدم محترم...يعني انا لا اقبل المساومة في مباديء اراها صائبة...و متحترم دي قدام نفسي.....مش قدام اي بني ىدم تاني....اصل نفسي دي هي اللي انا راح انام معاها اخر الليل و اساسلها و احسابها هو انا قادر ابص لوشي في المراية....هو انا راضي عن نفسي...طب هو ربنا راضي عليا

و اذا كان المنصب هيخليني اكثر عجزا و خضوعا و استسلاما و تزييفا للحقائق

يبقي باقي ايه ابكي عليه

اذا الناس البسيطة الغلبانة بتروح تتمحك في المسئول الكبير عل و عسي ان قوة.."السلطة" ترجع...ما اخذ منهم تحت تهديدهم بالضعف....يبقي ما يفترض انه يمنحك القوة يورثك الضعف...ده غير مقبول

و كون ان من سياتي بعدي قد يكون اسوأ ليس مبرر علي الاطلاق

لانه ببساطة احترامي لنفسي اهم

و مين قال مش يمكن يجي اللي بعده و تكون استقالتك دي نقطة فارقة في تغيير نظام باكمله...و بالتالي اللي جاي بعدك حتي لو كان ناويها فساد....يبقي هيتعظ

حضرتك بتقول محتاجين ثورة جديدة

اعترض برضه

اصل القديمة لسه مخلصتشي

عندي يقين انها بكل الاعيبهم الخايبة دي هتقوي عن الاول....بس هتاخد شكل تاني

اللي بيتشكل دلوقتي هو وعي الناس و افكارهم...يعني معجنة....و لازم يحصل كل ده...علشان لسه متفائلين اللي قدام افضل باذن الله

علي فكره..أنا ما أقصدش ان الواحد لو محترم يفضل موجود في منصبه و خلاص عشان ما يسيبوش لواحد سيء..لأ..أنا عارف طبعا انه من البديهي انه لما يحس انه هيبقي دلدول وقراراته مالهاش أي لازمة..انه يحفظ كرامته و يمشي..لكن..أنا بتسائل..ايه الحل؟

يعني يا إما واحد محترم يمسك منصب..ولما يلاقي نفسه مش عارف يعمل حاجة يمشي؟..يا إما ييجي واحد سيء ويفضل ماسك؟..

طب ايه الحل؟

[MohamedAli]

جيد ان تركة منصبة لأنه لم يفعل شئ من اجل المشاكل المالية التى نواجهها

ان شاء الله يأتي شخص افضل

[ابراهيم عبد العزيز]

الدكتور عصام شرف يتراجع عن استقالته

قال الدكتور عصام شرف، رئيس مجلس الوزراء، إن الحكومة تضع استقالتها فى مثل هذه الظروف تحت إمرة المجلس الأعلى للقوات المسلحة "وهو إجراء متبع لا يعنى الاستقالة"، جاء ذلك تعقيبا على موضوع استقالة حازم الببلاوى نائب رئيس الوزراء ووزير المالية.

وأشار شرف فى المؤتمر الصحفى المشترك اليوم الذى عقده مع النائب الأول للرئيس السودانى على عثمان طه إلى أن الدكتور حازم الببلاوى أرسل له استقالته صباح اليوم، وأنها محل بحث، مضيفا: "نحن مستمرون إلى أن يجد جديد"، وأنه لم يلتق مع حازم الببلاوى حتى هذه اللحظة

[se_ Elsyed]

ههههههههههههههه ..

كالمعتاد

المشير يرفض إستقالة الببلاوي ويصرخ في وجهه قائلاً : إتفضل على مكتبك يا عسكري

كلها أفلام

ما فرقش معايا الخبر بصراحة لإننا كلنا عارفين مين اللي بيحكم وأي حد يظن غير كده بيبقى بيضحك على نفسه