# استقالة وزير المالية المصري #

[se_ Elsyed]

مصادر بالمالية: المشير رفض استقالة الببلاوى.. والوزير يعود لمكتبه

[se_ Elsyed]

أنا حتى الان بأضرب كف على كف على أداء الحكومة الهزيل اللي لا مؤخذه لا يصدر من شوية عيال حتى .. وبصراحة ... مكسوف لهم

رئيس وزراء .....بنكتشف كل يوم إنه عبارة عن شوال بطاطس .... وشوال مدود كمان مش بطاطس سليمة ممكن نعملها مقلية ولا بوريه أو صينية

وزير داخلية ..... شيء ولا في الاحلام ... انا بيتهيألي إنه ما يعرفش لحد دلوقت إنه فعلاً وزير داخلية من ضعفه وعدم سيطرته على جهاز دب فيه الفساد من فترة طويلة ....

لكن على قد هبله وطيبته دي ... فهو وجميع القيادات الأمنية في غاية الأنشكاح الان لإنه صدروا الجيش لقمع المظاهرات بدلاً منهم .. وجعلوا الجيش لاول مره تلطخ يده بأيدي المصريين المدنيين .... وطبعاً قاعدين بيضحكوا ويقولوا " بالهنا والشفا يا معلم "

وزير إعلام ... كنت بافتكر إن أنس الفقي هو أخر سلالة نافخي الابواق وماسحي الجوخ ولاحسي الأحذية ... وكنت غلطان بصراحة ... فطلع الراجل الوفدي المعارض أسامه هيكل .. أوسخ منه .. أسف في اللفظ ... ههههههههههههههههههههههههههههههه لأول مره أسمع دعاره علنية وتحريض علني من التليفزيون ... وإن المسلمين لازم ينزلوا الشوارع يساندوا الجيش اللي بيتعرض لمذابح من المسيحيين .. وكل شويه إحصائية بعدد الشهداء من الجيش اللي ماتوا على الحدود يا عيني .. ويطلع تاني يوم السافل يقول إن ده كان كلام صادر عن إنفعال المذيعين ههههههههههههههههههه يا حلاوة مامتك .... وطلع إن مافيش ولا عسكري مات ... وإن كل اللي إتهرسوا هم من المتظاهرين الأقباط

ولاول مره في تاريخ الاعلام من عهد الهكسوس .. نشاهد إقتحام أمني لقنوات تليفزيونية تنقل الحقيقة ولا تطبل للحكومة كباقي القنوات اللي أشبه بالمواخير .. وشوفنا على الهوا غلق قناتي 25 .. وقناة الحره

وزير عدل .... بصراحة ... مُحضر المحكمة أفضل مهنية وأقوى منه .... أه بالمناسبة البيه له تصريح من أسبوعين تلاتة بيؤكد إن هناك معلومات مؤكده ومستندات عن قيام دولة عربية صغيرة إسمها قطر طبعاً .. دعمت جمعية أنصار السنة المصرية بـ 81 مليون جنيه لقلب نظام الحكم وعمل ثورة في مصر .... قشطه ....

كلام لا يصدر من عبد الرحمن إبني اللي لسه بيرضع

عارفين الدولة دي ؟

حولت لمصر تاني من يومين تلاتة 500 مليون دولار لدعم الاقتصاد والموازنة المصرية المنهارة من أفعال أمثال هؤلاء الأوباش

وزير مالية .... اعتقد إن عنده شوية كرامة .. وحاول يحافظ على بعض من ماء وجهة اليوم ويقدم إستقالتة ..

تخيلوا .. وزير مالية يعترض على رد فعل الحكومة وطريقة معالجتها السياسية للمأساة الأخيرة

يا الله .. يعني ما جتش من باقي القراطيس الوزراء المعنيين ...

أما عن المجلس العسكري اللي عمل زي بلديتنا اللي إشترى فرخه وبدل ما يعمل عليها شوربه عمل عليها راجل ..

فهو فعلاً بيعمل راجل على أسماء محفوظ ومايكل نبيل وشويه الأطفال دول ..

اما في المواقف الحقيقية - أنظر الكتاب صفحة شهداء الحدود ... وانظر الكتاب صفحة أحداث السفارة .. انظر الكتاب صفحة الأحداث الأخيرة ) كل ده سكتم بكتم وتحس إن الأرض إنشقت وبلعتهم ..

من شهرين كنت بأقول إن مع تتابع الاحداث دي شكلهم كلهم راحوا يقضوا رمضان في مكه .

بس شكلهم دلوقت راحوا يحجوا وهايغيبوا شويه

[Abu Reem]

ههههههههههههههه ..

كالمعتاد

المشير يرفض إستقالة الببلاوي ويصرخ في وجهه قائلاً : إتفضل على مكتبك يا عسكري

كلها أفلام

ما فرقش معايا الخبر بصراحة لإننا كلنا عارفين مين اللي بيحكم وأي حد يظن غير كده بيبقى بيضحك على نفسه

أنا عاوز اعرف قانونا هل يجوز اجبار واحد على العمل بعد ان يقدم استقالته

يعني لو واحد قدم استقالته وتم رفضها من المسئول الاعلى وهو مصمم على عدم العمل ولايريد ان يعمل فماذا يفعل....هل يعمل يالعافية.... وهل هذا قانوني...

متهيأ لي لو الواحد عاوز يستقيل بجد هيستقيل...وكقاية انه ميروحش مكتبه..ويعلن انه متمسك باستقالته

عاوزين حد يفتي لنا في الموضوع ده

[أبو محمد]

سمعت فى ال بى بى سى العربية إن استقالة الببلاوى كانت بضغط من حزبه (الحزب المصرى الديموقراطى) الذى لم يكن موافقا من الأصل على تسلم الببلاوى مسؤولية وزارة المالية .. وأشار خبر البى بى سى إلى خلفية رفض المجلس العسكرى مبدأ التمويل إعتمادا على القروض والمساعدات "الأجنبية" وخاصة المشروطة ويبدو أن الخلاف قائم قبل أحداث ماسبيرو بوقت طويل .

كان هذا ملخص ما سمعته من ال بى بى سى .. تذكرون رفض المجلس العسكرى للموازنة التى تقدمت بها الحكومة وكان سمير رضوان هو وزير المالية وقتها .. ووقتها الناس قالت برافو المجلس العسكرى

يبدو أن الببلاوى وجد أنه "مفيش فايدة" .. لازم نمد إيدينا ونستلف وعليه طلب الاقتراض .. وهو مبدأ يرفضه المجلس تماما .. فتقدم باستقالته .. نقول له برافو زى ما قلنا للمجلس برافو ... والله يكون فى عون المجلس وفى عون عصام شرف .. لأنه صعب إنهم يلاقوا واحد محترم يقبل يتقدم لحمل المسؤولية اليومين دول .. صعب .. فى وجود 85 مليون مفتش ومراقب حسابات ، و85 مليون رئيس وزارة ، و85 مليون رئيس جمهورية ، و85 مليون عضو مجلس شعب

ده كان الخبر وقتها :

كشفت مصادر مطلعة بمجلس الوزراء أن المجلس الأعلى للقوات المسلحة رفض التصديق، على الموازنة العامة للدولة للعام المالى 2011 _ 2012 ، والتى أعلنتها الحكومة، ورفعتها للمجلس العسكرى يوم الأربعاء الماضى.

وكشفت المصادر أن سبب عدم تصديق المجلس العسكرى على الموازنة، تضمنها لبند الأقتراض الخارجى لسد العجز، بما قيمته 3 مليارات دولار من صندوق النقد الدولى، بفائدة 1.5% يبدأ سدادها بعد ثلاث سنوات وثلاثة أشهر وتسدد على 5 سنوات.

وبررت الحكومة قرارها بالاقتراض من صندوق النقد الدولى بأن هذا القرض هدفه تحفيز الموازنة الجديدة، وسد العجز الكلى بها إلى 170 مليار جنيه، بما يعادل 11% من الناتج المحلى الإجمالى، وهو ما لم يقتنع به أعضاء المجلس الأعلى للقوات المسلحة.

وأوضحت المصادر أن الحكومة أكدت أيضا، أن الاقتراض لسد العجز بالموزانة الجديدة لن يكون من الخارج فقط، ولكن من خلال مصادر أخرى منها الاقتراض المحلى بقيمة 112 مليار جنيه، بالإضافة إلى 58.2 مليار جنيه قروضا خارجية ومنح من الولايات المتحدة والسعودية والاتحاد الأوروبى.

وقالت المصادر إن المجلس العسكرى، رفض التصديق وأعاد الموازنة للحكومة من جديد، بسبب رفضه التام للاقتراض الخارجى، وعدم تحميل الأجيال القادمة أعباء هذه الديون، وطلب المجلس من الحكومة تدبير _ بقدر المتاح _ عجز الموازنة بعيدا عن الاقتراض الخارجى.

وأشارت المصادر إلى أن الرفض جاء بالاجماع، وأن عددا من أعضاء المجلس انزعجوا من هذه القروض الخارجية، وإصرار الحكومة على الاقتراض رغم أن المجلس فى بداية تكليف حكومة الدكتور عصام شرف، طلب منها عدم الاقتراض من الخارج، والتقليل من نفقات الحكومة، لسد العجز الكلى للموازنة، وهو قرار حاسم وغير قابل للمناقشة، خاصة أن التوسع فى عملية الاقتراض الخارجى، إبان النظام السابق أنهك كاهل الاقتصاد الوطنى.

يذكر أن الدكتور سمير رضوان وزير المالية كان قد أعلن فى مؤتمر صحفى، مؤخرا خلال استقباله لوفد من الصندوق الدولى، أن الحكومة وقعت اتفاقية، مع الصندوق للحصول على قرض بقيمة 3 مليارت دولار بفائدة، 1.5%، وأن السيدة راتنا ساهاى، رئيس بعثة الصندوق الدولى، حاولت إضفاء الشرعية على هذه الاتفاقية، من خلال تأكيدها على أن دعم الصندوق لخطة الاقتصاد المصرى، يأتى فى إطار إيمان الصندوق بثورة لثورة التغيير، مشيرة إلى أن الخطوات التى اتخذتها الحكومة بشأن فرض ضرائب جديدة بموازنة العام المالى المقبل تسير فى الاتجاه الصحيح.

نقلا عن اليوم السابع الورقى

[se_ Elsyed]

لأنه صعب إنهم يلاقوا واحد محترم يقبل يتقدم لحمل المسؤولية اليومين دول .. صعب .. فى وجود 85 مليون مفتش ومراقب حسابات ، و85 مليون رئيس وزارة ، و85 مليون رئيس جمهورية ، و85 مليون عضو مجلس شعب

ونسيت تقول 85 مليون مصري مكويين بنار ناس بتخبط ومش عارفه راسها من رجليها

[أبو محمد]

والله يكون فى عون المجلس وفى عون عصام شرف .. لأنه صعب إنهم يلاقوا واحد محترم يقبل يتقدم لحمل المسؤولية اليومين دول .. صعب .. فى وجود 85 مليون مفتش ومراقب حسابات ، و85 مليون رئيس وزارة ، و85 مليون رئيس جمهورية ، و85 مليون عضو مجلس شعب

كلاكيت .. تانى

الحكومة والمجلس يديران فترة انتقالية .. يتم بعدها تسليم الدولة إلى مجلس منتخب ، ورئيس منتخب يديرها زى ما الشعب عاوز .. مش مهمتهم إصلاح ما أفسده مبارك ومن سبقوه فى تلك الفترة

المفروض الشعب ده يكون عاوز الفترة الانتقالية تكون أقصر ما يمكن .. لكن اللى بيحصل .. إننا بنلاقى ناس بتقول احنا مش مستعدين ولازم الفترة تطول شوية لغاية ما نستعد زى الناس اللى كانت لابدة فى الدرة ومستعدة .. وبعدين نلاقى نفس الناس يدعون لمليونيات علشان الإسراع فى الانتخابات (خلاص استعديتم يعنى ؟!!!) .. وفى الواقع بيعملوا كل الحركات اللى بتطول الفترة الانتقالية ويتهموا المجلس إنه هو اللى متواطئ ومتباطئ .. يعملوا كل عملة والتانية ويتهموا البلطجية والفلول والدقون

ياعم يا بتاع الشماعات .. شوفلنا واحدة متينة تشيل بلاوى كتيرة

[Abu Reem]

حازم الببلاوي على قناة دريم مع منى الشاذلي اليوم بعد قليل

[se_ Elsyed]

حازم الببلاوي على قناة دريم مع منى الشاذلي اليوم بعد قليل

حبيبي أبو ريم

ولا هايقول حاجه مفيدة

خلاص الموضوع إتعرف

كل دول شويه ديكور .. لا يستطيعون إتخاذ قرار حتى بتغيير ملابسهم .. من غير ما يرجعوا لمبارك .. قصدي للمشير

[مايكل وكيرمينا]

او وزير الدفاع....(مش اللي مسئول برضه عن المدرعة اللي دهست ال 6 مصريين يبقي وزير الدفاع)

لا مش مسئول

لما يكون عمل فردى من عسكرى فقد اعصابه او حصله خلل فى عقله اوحصل ليه اى حاجه تخليه يطلع بالمدرعة بالسرعة العالية اللى شوفناه بيها يبقى وزير الدفاع مالوش علاقة بالموضوع لأن فى الاول والاخر اللى حصل ده عبارة عن عمل فردى

و إلا كان من باب اولى الباب شنودة يتخلى عن منصبه هو كمان لما الشباب المسيحى ولع فى عربيات ومدرعات الجيش واعتدى على العساكر والظباط

حضرتك وبحكم ضميرك ردك محايد

انت شايف ان تحرك اكثر من مدرعة ودهس الناس دا شىء عادى ولا مش مشكلة لانهم اقباط

حضرتك لو دخلت جيش حتعرف انك مينفعش تتصرف بدون اوامر والا تتعرض للمحاكمة

كان فيه مرة مصرى مجند اسمه ايمن حسن على الحدود مع اسرائيل اخذ سلاحه وعبر وقتل عدد من الاسرائليين والجيش حاكمه ولما خرج ملقاش حد يشغله وكان شغال سباك

http://www.google.com.eg/url?sa=t&source=web&cd=3&ved=0CDAQFjAC&url=http%3A%2F%2F4flying.com%2Fshowthread.php%3Ft%3D70976&ei=r8CUTuKMEuT54QTynZD-Bw&usg=AFQjCNHVVTJDxNNR2w5-68cBe10Qy9RSMg

ولا الاسرائيلى دمه اغلى من المصرى فى مصر

[Melhakim]

او وزير الدفاع....(مش اللي مسئول برضه عن المدرعة اللي دهست ال 6 مصريين يبقي وزير الدفاع)

لا مش مسئول

لما يكون عمل فردى من عسكرى فقد اعصابه او حصله خلل فى عقله اوحصل ليه اى حاجه تخليه يطلع بالمدرعة بالسرعة العالية اللى شوفناه بيها يبقى وزير الدفاع مالوش علاقة بالموضوع لأن فى الاول والاخر اللى حصل ده عبارة عن عمل فردى

و إلا كان من باب اولى الباب شنودة يتخلى عن منصبه هو كمان لما الشباب المسيحى ولع فى عربيات ومدرعات الجيش واعتدى على العساكر والظباط

حضرتك وبحكم ضميرك ردك محايد

انت شايف ان تحرك اكثر من مدرعة ودهس الناس دا شىء عادى ولا مش مشكلة لانهم اقباط

حضرتك لو دخلت جيش حتعرف انك مينفعش تتصرف بدون اوامر والا تتعرض للمحاكمة

كان فيه مرة مصرى مجند اسمه ايمن حسن على الحدود مع اسرائيل اخذ سلاحه وعبر وقتل عدد من الاسرائليين والجيش حاكمه ولما خرج ملقاش حد يشغله وكان شغال سباك

http://www.google.com.eg/url?sa=t&source=web&cd=3&ved=0CDAQFjAC&url=http%3A%2F%2F4flying.com%2Fshowthread.php%3Ft%3D70976&ei=r8CUTuKMEuT54QTynZD-Bw&usg=AFQjCNHVVTJDxNNR2w5-68cBe10Qy9RSMg

ولا الاسرائيلى دمه اغلى من المصرى فى مصر

لا طبعا عمر ما كان دهس الناس كان عادى نفس الكلام عمر ما كان الاعتداء على افراد الجيش عادى

انامقتنع ان المتظاهرين غلطانين وهما اللى احتكوا بالجيش بس ده طبعامش مبرر لدهسهم وسحلهم بالبشاعة دى

كل طلبى ان يكون فى موضوعية فى الحكم على الاحداث اللى بتحصل ومحملش طرف واحد المسئولية لمجردانى مختلف معاه زى ما فى فيديوهات دهس برضه فى فيديوهات ضرب عساكر بحجارة واشعال نار فى مدرعات وعربيات واتوبيسات

هل عشان 10 20 واحد عملوا كده يبقى اقول لازم البابا شنوده يتخلى عن منصبه واحمله المسئولية اكيد لا

اتمنى تكون فهمت وجهة نظرى