فتنة طائفية أم مذبحة عسكرية؟؟؟!!

[abobakr]

انا مش عارف اغلب الناس واخدة الموضوع انه فتنة طائفية ليه؟؟؟

والاستاذ عصام شرف طالع يقول اللي بيحصل ده مش طبيعة الشعب المصري

محسسني ان الشعب نزل ضرب في بعضه

واتقسموا مسلمين ومسحيين وبيضربوا في بعض

يا جماعة اللي حصل ده مش من الشعب المصري

اللي حصل كان ده عشان يزرعوا فتنة طائفية في مصر

عشان يفضلوا موجودين اكتر وقت في السلطة

عشان يطلعوا قرارات جديدة وفرمانات وقوانين

عشان تحط شعبك في جيبك لازم تخوفه الكل طبعا قرأ موضوع كيف تخدع شعبك في اربع خطوات اللي مش قرأه ياريت يبحث عليه النت

فين شهداء الجيش اللي سمعنا عليهم؟؟؟

ولا شوفنا اسم ولا اي حاجة رغم ان دي حاجة المفروض مش تستخبى عشان يكون دليل دفاع عن الجيش

ياترى الشهداء طول هايظهروا امتى؟؟؟

ولا لسه بيظبطوا كام ملف وكام صورة ويجيبوا كام كومبارس عشان يبقوا اهالي شهداء الجيش؟؟؟

الاحداث بقالها يومين ولا حد يعرف حتى هوية جندب مات متهيالي حتى لو جابوا اسم 100 جندي بعد الفترة دي مش هانقدر نصدق

http://www.egyptian-news.com/2011/10/blog-post_7072.html

اصل اسامي الشهداء وهوياتهم تضر بأمن البلد زي ميزانية الجيش بالظبط الاتنين ملف قومي واحد

انا مش متحامل على الجيش يا جماعة

بس لما يحصل غلط لازم كلنا تقف ونقول فعلا حصل غلط عشان نقدر نصلحه

لكن لو قلنا محصلش غلط يبقى عمرنا ما هانعرف نصلح حاجة

بالنسبة لاي حد اتجاهاته تنتمي للجيش اقوله مش تلوم اي واحد قال انا اسف يا ريس لان اتجاهاته كانت كده وشايف ان الريس معملش اي حاجة واننا شعب قليل الادب اتمرد على النعمة اللي كان فيها

[abobakr]

ممكن الفيديو ده يعبر على اللي انا عاوز اقوله شوية وكله يفهمه بخياله

http://www.youtube.com/watch?v=p1SFHyXNa_s

http://www.youtube.com/watch?v=GmCFsgpEukY

[abobakr]

أتعجب على بعض الاعضاء قي مداخلات لهم

ينفوا ان الجيش اطلق النار وانه غير مسلح برصاص حي

وفي مداخلات اخرى يتم التبرير بأن الجيش مش زي الشرطة

وان الشرطة تستخدم العصا وقنابل الدموع ولكن الجيش لا يعرف الا الرصاص الحي

وعجبي

[ابراهيم عبد العزيز]

ألسلام عليكم أخ أبو بكر

وأنا أشاركك التعجب ممن يبررون ما حدث يوم احتجاجات الاخوة الاقباط

وأعجبتني جدا جملة جاءات فى موضوعك :

بالنسبة لاي حد اتجاهاته تنتمي للجيش اقوله مش تلوم اي واحد قال انا اسف يا ريس لان اتجاهاته كانت كده وشايف ان الريس معملش اي حاجة واننا شعب قليل الادب اتمرد على النعمة اللي كان فيها

كم هو مؤلم أن من ذاق طعم الظلم يمارسه الأن

الكثير شعر بالألم عندما كانت وسائل الاعلام المصرية الرسمية تخرج أيام الثورة لتصور الثوار العزل انهم وحوش كاسرة والشرطة المسلحة بأنهم حمامات بيضاء

وكان الرد وقتها من كل مصري وطني : ( معقولة إن الشعب الأعزل هو اللى يكون الجاني والشرطة المسلحة هي اللي تكون الضحية !!)

الأن والأن فقط بعد ما شاهدته من ردود أفعال البعض تجاه ما حدث مع الاخوة الأقباط ومحاولتهم تبرير ذلك استطعت تفسير سبب ما يفعله جماعة ( إحنا أسفين يا ريس )

فمصالحهم التي كانت مرتبطة باستمرار النظام القديم جعلتهم يحاولون بشتى الطرق تشويه الثوار والدفاع المستميت عن الرئيس السابق وتبرير قتلى الثورة المصرية ال 880 قتيل تحت تبريرات من نوعية انهم بلطجية ومعتدون ومخربون

الان ولأن البعض له مصلحة في الدفاع عما حدث مع الاخوة الأقباط

فنرى شيطنة المتظاهرين من الاخوة الأقباط الذين خرجوا أول امس وتصويرهم أنهم وحوش الكاسرة , وأن قتلاهم ال 24 ما كانوا إلا مجرد مخربين وتم التصدي لهم لمصلحة الوطن

هذا فيديو لأحد القتلى من الاخوة الأقباط فى احداث اول امس

وهو مينا دانيال احد الثائرين فى ميدان التحرير أيام الثورة

وهو واحدا ممن تم تصويرهم أنهم خرجوا فى مظاهرات اول أمس لمجرد إحداث فتنة طائفية

فى هذا الفيديو وفي احد أيام الثورة كان واقفا وهو محتضن ثائر مسلم اسمه محمد ويغني معه انشودة ( محمد ..... مينا , ليه الثورة جميلة و حلوة وانت معايا ؟؟ )

http://www.youtube.com/watch?v=CoYUfwZB5bk

مينا دانيال كان وصيته أن يزور جسمانه ميدان التحرير قبل دفنه

هناك خروقات كثيرة حدثت من بعض الاخوة المتظاهرين الأقباط ولا شك فى ذلك ولا يقبلها أي مصري ويستحقوا أشد العقاب عليها

لكن أن يتم التعميم على الجميع منهم وفوق ذلك تبرير ما حدث معهم فهو الشىء المستغرب

القتلى سواء من جنودنا البواسل أو من الاخوة الأقباط كانوا ضحية

تم تعديل 11 أكتوبر 2011 بواسطة ابراهيم عبد العزيز

[abobakr]

هناك خروقات كثيرة حدثت من بعض الاخوة المتظاهرين الأقباط ولا شك فى ذلك ولا يقبلها أي مصري ويستحقوا أشد العقاب عليها

المشكلة ان فيه ناس شايفة ان اشد عقاب يبقى القتل

مش عارف ازاي نصبوا نفسهم قضاة

ازاي واحد طالع يعرض مظلمة ويطالب بقانون الدولة المفروض بتدرسه بقالها خمس شهور ولا اكتر يموت كده؟؟

وفي الاخر هوا الغلطان

لو هوا غلطان يا جماعة ويستاهل يبقى محدش يطالب بمحاكمة مبارك والعادلي بتهمة قتل شهداء 25 يناير

عشان هما الغلطانين ونزلوا الميدان

عشان هما الغلطانين واعتدوا على الشرطة

عشان هما الغلطانين وكانوا بيتمولوا من بره وبياكلوا كنتاكي

عشان هما الغلطانين عشان حاولوا يطالبوا بحقوقهم