البرادعي رئيسا للوزراء

[Simba]

علمت "بوابة الوفد" من مصادر خاصة أن اسم الدكتور محمد البرادعي، مطروح بقوة لرئاسة الحكومة المقبلة، مشيرة إلى أن قبول المجلس العسكري لاستقالة حكومة د.عصام شرف "مسألة ساعات".

وكان شرف قد أعلن قبل قليل، وخلال مؤتمر صحفي مع على عثمان طه النائب الأول للرئيس السوداني، أن استقالة الحكومة بكامل هيئتها تحت تصرف المجلس العسكري، يتصرف فيها وقتما يشاء.

وتأتي التسريبات الخاصة بتولي البرادعي رئاسة الحكومة، وهو الأمر الذي أبدى البرادعي استعداده للقبول به في مقابلات تليفزيونية متعددة خلال الشهور الماضية، بعد ساعات من إعلان د.حازم الببلاوي نائب رئيس الوزراء ووزير المالية استقالته احتجاجا على أحداث ماسبيرو، معتبرا أن الحكومة فشلت في حماية المواطنين، وأنها تتحمل المسئولية السياسية لتلك الأحداث.

وأشار شرف إلى أن الببلاوي قدم استقالته بالفعل، وأنه يجري النظر فيها، والبحث عن بديل مناسب

اقرأ المقال الأصلي علي بوابة الوفد الاليكترونية الوفد - أنباء عن حكومة برئاسة البرادعى

_________

لو الكلام ده صح والبرادعي قبل بيه هيكون خطأ تاريخي لا يغتفر له

البرادعي ما ينفعش يبقي رئيس حكومة مالهاش صلاحيات وكل قرارتها لازم المجلس العسكري يوافق عليها

[capitshino]

لو الكلام ده صح والبرادعي قبل بيه هيكون خطأ تاريخي لا يغتفر له

البرادعي ما ينفعش يبقي رئيس حكومة مالهاش صلاحيات وكل قرارتها لازم المجلس العسكري يوافق عليها

مش شرط انه لو اوفق يكون خطأ تاريخى

انا اتمنى ان واحد زى البرادعى يشكل حكومة ويبدء اعماله ومهامه -

ساعتها فقط ممكن يطلع يقول لنا المجلس العسكرى بيفكر ازاى

وعموما الخبر تم تكذيبه .

[abobakr]

اولا البرادعي عمره ما هيوافق

ثانيا لو وافق البرادعي هايستقيل تاني يوم لانه لن يقبل ان يكون مجرد واجهة او ديكور ليس له سلطة

ثالثا وده الاهم شرف تراجع عن الاستقالة

شرف يتراجع عن استقالته.. ويؤكد: استقالة الببلاوى "محل بحث"

http://www.youm7.com/News.asp?NewsID=510402

[ابراهيم عبد العزيز]

مستبعد جدا ان يتم تعين البرادعي كرئيس للوزراء إن لم يكن مستحيلا

والسبب أعتقد غير خافي

وهو ان البرادعي ذو شخصية ويعتز بنفسه وبالتالي لن يسمح بالتدخل فى عمله او استخدامه كواجهة

[MohamedAli]

البرادعي سبق واعلن انه يريد ان يتولى رئاسة الوزراء لكن الجيش لن يوافق ابداً

بالنسبة للخبر فهو لايعدوا ان يكون كلام جرايد

[Alshiekh]

البرادعي صرح من قبل أنه يقبل رئاسة الوزارة بشرط أن تكون في يده كل الصلاحيات

[سكر]

فكر البرادعى وفكر المجلس العسكرى

زى الميه والزيت

لازم واحد منهم يخرج من الاناء

[se_ Elsyed]

مستحيل

مستحيل

مستحيل

لن يقبل بالتأكيد وكلها هرتلة صحفية

[أشرف محمد]

بسم الله الرحمن الرحيم

الإخوة الكرام / أعضاء المنتدى

تحية طيبة وبعد

مصادر بالمالية: المشير رفض استقالة الببلاوى.. والوزير يعود لمكتبه

أكدت مصادر بوزارة المالية أن المشير حسين طنطاوى، رئيس المجلس العسكرى رفض استقالة الدكتور حازم الببلاوى، نائب رئيس مجلس الوزراء، ووزير المالية.

وقالت المصادر إن المشير رفض الاستقالة التى تقدم بها الببلاوى، ظهر اليوم الثلاثاء، وأقنعه بالعدول عن الاستقالة، موضحة أن البلاوى عاد إلى مكتبه مساء اليوم، ليمارس عمله بما يؤكد تراجعه عن قراره.

كان الدكتور عصام شرف رئيس الوزراء أجرى اتصالاً هاتفيا بالمشير محمد حسين طنطاوى أبلغه فيه باستقالة نائبه، وطلب منه الإبقاء على الدكتور الببلاوى، وإقناعه بالعدول عن استقالته وهو ما تم بالفعل.

[المطحون]

طيب انا هقول انا هجيب ملاك من السما ووهنشوف لو عرف يعمل اى حاجه فى الوقت الهباب ده ده الله يكون فى عون حكومتنا اللى لو حطت راسها تحت ورجليها فوق مش هتعجب حد البرادعى مش عبيط يحكم بلد بلا امن ده من رابع المستحيلات

[se_ Elsyed]

طيب انا هقول انا هجيب ملاك من السما ووهنشوف لو عرف يعمل اى حاجه فى الوقت الهباب ده ده الله يكون فى عون حكومتنا اللى لو حطت راسها تحت ورجليها فوق مش هتعجب حد البرادعى مش عبيط يحكم بلد بلا امن ده من رابع المستحيلات

لأ يا مطحون بيه

أوعى تكرر كلام العصر الظالم : ماحدش ينفعها غير مبارك وإبنه

يا سيدي الفاضل

بدون حلفان ... لو جبت عيل صغير بيعمل بيبي على نفسه لسه ... واعطيته ثقة .. وسُلطة ... ورؤيا .. ومهام واضحه .. وبرنامج ومستهدف محترم

سيبه 7 شهور زي ما سيبنا خالتي ام مجدي - عصام شرف - ... وتعالى شوف هايعمل إيه ؟

يا مطحون بيه إحنا مش خارجين من حرب عالمية والبلد متسوية على الارض

يا مطحون بيه في شهر واحد فقط وهو الشهر الماضي إيراد قناة السويس لوحده نصف مليار دولار

أعد لك إيه ولا إيه

لكن للأسف الحكومة متكتفه بفلول المجلس العسكري اللي عاوزها كده عشان يفضل كابس على نفسك

عُمرك شوفت يا مؤمن رئيس وزراء بيقابل مرشحين للوزارة .. يقوم المجلس بدون اي سبب أو مناسبة مطلع بيان عسكري يقول فيه : إن المجلس العسكري هو المسئول الاول والاخير عن تعيين وإقالة الوزراء

ههههههههه يعني بيقول بالعربي للأخ اللي تاعب نفسه وعمال يقابل الناس " إنت شوال بطاطس ومالكش أي تلاتين لزمه "