وانا ....بين يدى الله و رحمتة

[waaaf]

أختنا الفاضلة مدام / ذهبية

حمداً لله على سلامتك

[eslam elmasre]

الحمد لله على سلامتك وربنا يتم لك الشفاء ويجعل الامك في ميزان حسنات

[Salwa]

مليون حمدلله على السلامة ياذهبية القلب ويارب تكون آخر الأزمات .

يابنتى كل دى اختبارات لنا ف الدنيا علشان يظهر مدى ايماننا ورضانا بكل ما قدره الله سبحانه وتعالى لنا .

ربنا يزيد لك ف الشفاء ويمنحك رضا المؤمن ويزيل عنك اى كرب .

آمين .

ودول شوية ورد صغنين لسا جايباهم لك حالا . :clappingrose: :clappingrose: :clappingrose:

[نورالعين]

وما دمنا بين يديى الله

فلا خوف علينا

حمدلله على السلامة ذهبية

والف لا بأس عليك

اتم الله لك الشفاء والعافية

يعلم الله كم اسعدتنى بتواجدك

[لماضة مصرية جدا]

السلام عليكم و رحمة الله و بركاته

صباح الرضا و السعادة و الصحة و العافية و الافتقاد و حضن كبير اوي اوي اوي بالبطلة

ايوة

علشان احنا ماما كانت بتقولنا كده في وقت الابتلاء

انتي بطلة يا ذهبية

علشان بفضل الله تمشي لغاية العملية لوحدك تبقي بطلة

علشان بفضل الله تكتبي عن اللي حصل و رحلة الشفا تبقي بطلة

علشان باذن الله تقاومي و تعافري في المشوار....تبقي بطلة

شوفي بقي يا بطلة...(انا عايزاكي تغيري بقي معرفك يبقي...ذهبية....بطلة)

انا بسمي اللحظة اللي انتي فيها دي...هي لحظة ميلادك الحقيقي

انتي بتتولدي....ولادة تانية خالص

كان فيها الم و ترقب و خوف....و شعبطة في حبال ربنا

كان فيها وجع...و لسه الوجع هيستمر شوية

بس صدقيني عمره ما هيكون زي الاول

عارفة ليه

علشان ربنا خلاكي بطلة

مش عارفة انا قولتلك ده قبل كده و لا لا

بس انتي علي سلمة الترقي

ربنا اصطفاكي...و ابتلاكي...علشان يرفعك عنده درجة

يعني بيحبك اوي اوي اوي

عارفة لو كان عدي عليكي الابتلاء من غير ما كنتي تقفي و تذكري حكمة ربنا و تتاملي في كل حياتك قبل كده

كنت هتفضلي واقفة مكانك محلك سر....مجرد مرض...و مجرد مريضة..و اصلا ده كله كان مكتوب..رضيتي و لا لا...صبرتي و لا لا....احتسبتي و لا لا

لكن بفضل الله...انتي النهاردة بفضل الله بتتولدي بطلة

و ربنا هيرفعك عنده بقدر احتسابك و يقينك...درجات و درجات

و كل ما هتطلعي سلمة كل ما هتحسي حلاوة القرب

صدقيني هتستغني بيها عن قرب اي حد تاني

و هتعيشي بيها و هتكملي حياتك

المرض في لحظة ما ممكن يدينا وجع في الجسد لكنه بفضل الله عمره ما يقدر يوجع روحنا...

عمره ما يقدر يكسر ايماننا

لحظات الحزن و الجزع و الخوف اللي كانت ربنا هيبدلها بردا و سلاما و يقينا ورجاءا

لحظات التيه و مليون سؤال انا هعمل ايه...ربنا هيحطك بيها علي اول طريق الكشف...

ايوة يا بطلة ربنا بيخليكي تكتشفي طريق تاني....بس هو سبحانه هيصاحبك في كل خطوة فيه...لانك ابتديتي بيه و اليه المنتهي

صدقيني يا بطلة

الاختبار ده هيغير حياتك كلها

و انتي هتكوني سبب باذن الله انك تغيري حياة ناس تانية كتير

هتخفي يا بطلة

و هتيجي تحكيلنا برضه

و هتبتدي دايرتك تكبر

و صدقيني في يوم انتي بنفسك هتكوني سبب ان بني آدم تاني يكون هو البطل..

علشان اللي اتولد معاكي من اللحظة دي...هيقدر يغير حياة ناس تانية كتير

الدايرة هتكبر

و مش هحكيلك دلوقتي....هيبقي لسه بينا صفحات تانية كتير

و ربنا اختارك انتي....و بيحبك انتي...و هيقويكي بفضله و رحمته و كرمه و عطاؤه

صباح الرضا.....يا بطلة

صباح اليقين يا بطلة

صباحك.....حمد لله علي سلامتك و حمدلله علي اصطفاؤه و حمد لله علي منحه البرد بعد الحزن

صباحك.....حمد لله كثيرا يا بطلة

خليكي قريبة و طمنينا عنك دايما

[خالد شحاته]

الحمد لله علي السلامة يا ذهبية

، وربنا يتم شفاكي

وتقومي وتنوري المحاورات

[shiko]

سجدة شكراً

لله .....الحنان المنان

على ان نجاكى من كربك العظيم حبيبتى .....

الحمد لله ....على

كرمه وجوده واحسانه

اللهم

بعزك الذي لا يُرام وبملكك الذي لا يُضام

اتمم عليها شفائها...[/center]

[Diab]

حمد لله علي السلامة

داووا مرضاكم بالصدقة

[لونا]

حمدًا لله على السلامة يا ذهبية

و شكرًا جزيلًا على مشاركتنا لحظاتك الخاصة .. و إن كانت مؤلمة

شكرًا على التذكرة الجميلة

[أسد]

الحمد لله ...

الحمد لله ...

ألف حمد لله على السلامة

ربنا يتم شفاكي على خير

سعدنا بقراءة كلماتك مرة أخرى ... ربنا يديمها

[arkan]

حمدا لله على سلامتك مدام ذهبية

شفاك الله وعافاك ومرضانا جميعا

وادام عليك الصحة والعافية

[ام محمد]

الف حمدالله على سلامتك يعلم الله مدى فرحتي حين رأيت العنوان والاسم ..فرحت برجوعك بالسلامة للمحاورات واسعدتني قوة ايمانك ماشاء الله ..ومدى استفادتك من الموقف المرعب ..ربنا يزيدك ايمان ويحميك ويشفيك ..يخليك لاولادك .واهلك ويبعد عنك كل شر ..اجر وعافية باذن الله[extract][/extract]

تم تعديل 12 أكتوبر 2011 بواسطة ام محمد

[الســـاري]

الف الف الف حمدلله على سلامتك مدام ذهبية .... ستخف بإذن الله كل الاوجاع والآلام

طمئنتينا بهذا الخبر ...الحمدلله يارب العالمين ..

وما تشوفي شر بإذن الله ..

[أبو يمنى]

كلمات مؤثرة تمس القلوب وتحيي الإيمان .

نسأل الله أن يتم عليكي الشفاء وأن يجعلكي من عباده المتقين .

وأن يجمعكي بمن تحبين في جنات النعيم .

[jamalpody]

الف حمد لله علي السلامه يا فندم كلماتك جميله ومعبره واسأل الله العظيم رب العرش الكريم ان يتم شفاكي وان يجعل كلماتك المعبره هذه النابعه من القلب في ميزان حسناتك

[amgadibrahim]

حمدا لله على سلامتك الأخت الفاضلة ذهبية

أدعوالله أن يتم شفائكي على خير وأن يمن عليكي بالصحة والعافيةوالعمر المديد