عبير يونس بتاريخ: 12 أكتوبر 2011 تقديم بلاغ مشاركة بتاريخ: 12 أكتوبر 2011 كثيرا ما نصادف مواقف نتأذى منها و كثيرا ما يتلفظ الآخرين بكلمات تجرحنا و كثيرا ما يقومون بأفعال تضايقنا تختلف سلوكيات الناس و قد يتصرفون بطريقة تؤذينا لكنهم لا يشعرون بذلك و قد لا يتصورن أنهم بالفعل قد أتوا شيئا مستنكرا و ربما اندهشوا أننا غضبنا من الأصل! و بالطبع هناك من يتعمد إيذاء الآخرين و يعتبر ذلك قوة و بطولة! و تختلف أيضا ردود أفعالنا تجاه ما يؤذي مشاعرنا سواء تم ذلك بقصد أو بدون قصد فالبعض ينفعل و يتسرع بالقاء كلمات و البعض يصمت و يغادر و البعض لا يُظهر أي انفعال و لكنه يحترق داخليا بعد فترة تختلف في طولها نتسامح مع من جرحونا و السؤال هل أنت حقا متسامح؟ و ما هي الأشياء التي يستحيل أن تتسامح فيها؟ هي فرصة للوقوف مع أنفسنا قليلا لنتعرف على خباياها ربما استطعنا أن نغيّر قليلا من أنفسنا انتظركم ♥ اقتباس أعد شحن طاقتك حدد وجهتك و اطلق قواك رابط هذا التعليق شارك المزيد من خيارات المشاركة
لماضة مصرية جدا بتاريخ: 12 أكتوبر 2011 تقديم بلاغ مشاركة بتاريخ: 12 أكتوبر 2011 السلام عليكم و رحمة الله و بركاته فيه يا عبير اسئلة مينفعشي نجاوب عليها ب آه...أو لا و فيه اسئلة مينفعشي تتكتب اجابتها حروف و تعبر عنها أبجدية فيه اسئلة اجابتها بتبقي مواقف حياتية حقيقية وردود افعال لحظية في موقف معين بتكشف طبيعة الشخصية و اعتقد ان سؤالك يندرج تحت النوع الاخير دوت شوفي يا عبير انا كنت لفترة طويلة من عمري بتخيل نفسي اني ك "ريهام" بني آدم متسامح بس لما بتحط في مواقف حياتية حقيقية...بظبط نفسي متلبسة بجريمة..."انا مش كده" و السؤال اللي لازم يتسال قبل ده هو يعني ايه تسامح؟؟؟ زمان كانت ماما بتقولنا....اللي يزعلك او يضايقك.... يعني مساحة سودة اتزرعت في قلبك...مساحة غضب...مساحة خوف...مساحة رغبة في انك ترد الاساءة بالمثل و بدل ما المساحة السودة دي تكبر جواك... حط مكانها مساحة تانية بيضا....مافيش غير الابيض هو اللي يكسر قتامة و كآبة السواد ازرع في المساحة دي....لون ابيض....و اللون هيزهزه و يبان لو قدرت تزرعه مع نفس الشخص اللي كان السبب في اللون الاسود منطق شديد الملائكية...صح يا عبير لما اخدته معايا و نزلت الحياة الحقيقية انا اسفة هقولك و هقول لماما.....انا مش ملاك و لا بتعامل مع ملايكة و حتي كون الناس الاخرين مش ملايكة مش مبرر اني اتعامل معاهم بنفس طرقهم اللولبية الحلزونية بس لو هتكلم عن نفسي انا فعلا مش ملاك و مقدرشي ادعي اني متسامحة لكن اللي اقدر اقول عليه انا بروض نفسي اني اكون متعايشة الفرق بين التسامح و التعايش كبير اوي متهيالي بنحتاج نتعايش...نقبل بعض زي ما احنا... من غير ما تكون في جيوبنا احكام جاهزة نطلعها وقت الخلاف علشان تبقي زي الزلطة نطلعها من جيوبنا و نحدفها في عين اللي بنختلف معاه و علشان نقبل بعض عمرها ما هتيجي بالطبطبطة و لا انا اقول الجملة دي كل يوم الصبح.. "انا مختلف و انت مختلف....بيس يا مان) انك تقبل بني آدم...معناه انك....تبص للكون بحاله....ربنا مخلقناش شكل واحد و لا لون واحد و لا دين واحد.....سلسلة طويلة اوي من الاختلافات....مش بس في البني آدمين....دي في الشجر و الحيوان...يا ربي حتي في الوان السما نفسها...اختلاف الوقت...مرة ليل و مرة نهار...مرة برد و مرة حر...مرة خريف و مرة ربيع....اختلاف اللهجات و اللغات و المفردات الحقيقة الكونية الموجودة و اللي حوالينا في كل حاجة...هي الاختلاف...و سبحانك يا ربي...الحقيقة المختلفة دي....هي اللي بتمشي عليها سنة الكون بحاله...المسلمة الوحيدة في الكون هو وجود الله...و ما حولها هي امور متغيرة لما تحسي انك ترس بيدور في كون اكبر مني و من الشخص اللي انا مختلفة معاه... لما تحسي انك مجرد ذرة....من ذرات كون كبير اوي لما تحسي انه علي الرغم من اختلافي معاكي...الا ان احنا ممكن تجمعنا "ارضية مشتركة"...ممكن تكون فكرة...ممكن تكون نوكتة....ممكن تكون حتي غنوة بس يا تري و انا بجري عليكي....حاطة ايدي في جيبي و مجهزة الطوبة اللي راح احدفك بيها لاني عارفة انك مختلفة...و مستنياكي تنطيقها بس.... و لا بجري عليكي علشان اكتشف الحتة اللي جواكي اللي ممكن تتلاقي و تتقاطع مع حتة مني ساعتها هنوصل لاول مرحلة التقبل هتقبلي....وجودي.... هتقبلي اختلافي.... هتقبلي....اني لا اشبه احد و لا حد فينا يشبه التاني ساعتها بس هنقدر نوصل للمرحلة اللي بعديها.....بعد التقبل يجي التعايش يعني هنقدر نعيش مع بعض.... التعايش مش يعني اقولك صباح الخير...و تتمسي بالخير يا شابة لا يعني اعيش معاكي من غير ما آخد بالي اصلا انك مختلفة اعيش معاكي و ميهمنيش انك قولتيلي...صباح الخيرو لا السلام عليكم و لا بونجور اعيش معاكي....و انا اللي يهمني انك بس موجودة...علشان وجودك الانساني بيكملني و بيقويني و بيخلي سنة الكون تستمر هو ده التعايش و ده اللي بحاول اوصله بحاول اتقبل بحاول اتعايش لكن اتسامح مش هدعي و لا ازوق الكلام دي صفة ملائكية....حقيقي اتربيت عليها...بس مش عارفة اوصل ليها لاني ببساطة...بني آدم اخطيء و اصيب لي لحظات عقل و لي لحظات جنون انا فقط بني آدم بيتعلم في براح الكون بحاله جاوبتك....باللي جوه مني و ارجع اقولك مواقف الحياة هي ابلغ رد علي سؤالك لكن ميمنعشي كل واحد فينا من جواه..يقدر يسالها نفس السؤال...و يحاول...يحاول الا يندهش لما يجاوب علي نفسه في لحظة صدق خالصة جدا من غير تزويق و لا مكياج ...لحظة لا يراه فيها احد سوي ربه و ضميره الانساني صباحك....بني آدم...عاشق سارح...في الملكوت اقتباس رابط هذا التعليق شارك المزيد من خيارات المشاركة
joo بتاريخ: 12 أكتوبر 2011 تقديم بلاغ مشاركة بتاريخ: 12 أكتوبر 2011 مهما حصل لازم اسامح يمكن اغضب لكن برجع اسامح يمكن ابكى لاكن برجع اسامح علشان اللى بيحب دائما لازم يسامح السيد المسيح بيقول لو انتم سامحتم اللى بتحبوهم واتكلمتم مع اللى تعرفوهم فقط فأى فضل عملتم لازم نتقبل كل الاشخاص على علتها لازم نحب حتى اعدائنا ولا عنينا ومبغضينا لو حبناهم بجد وشلنا من قلبنا كل كراهية كدة هنعرف اننا فعلا بنسامح اقتباس [وسط][/وسط] رابط هذا التعليق شارك المزيد من خيارات المشاركة
التونسى بتاريخ: 12 أكتوبر 2011 تقديم بلاغ مشاركة بتاريخ: 12 أكتوبر 2011 كثيرا ما نصادف مواقف نتأذى منها و كثيرا ما يتلفظ الآخرين بكلمات تجرحنا و كثيرا ما يقومون بأفعال تضايقنا تختلف سلوكيات الناس و قد يتصرفون بطريقة تؤذينا لكنهم لا يشعرون بذلك و قد لا يتصورن أنهم بالفعل قد أتوا شيئا مستنكرا و ربما اندهشوا أننا غضبنا من الأصل! و بالطبع هناك من يتعمد إيذاء الآخرين و يعتبر ذلك قوة و بطولة! و تختلف أيضا ردود أفعالنا تجاه ما يؤذي مشاعرنا سواء تم ذلك بقصد أو بدون قصد فالبعض ينفعل و يتسرع بالقاء كلمات و البعض يصمت و يغادر و البعض لا يُظهر أي انفعال و لكنه يحترق داخليا بعد فترة تختلف في طولها نتسامح مع من جرحونا و السؤال هل أنت حقا متسامح؟ و ما هي الأشياء التي يستحيل أن تتسامح فيها؟ هي فرصة للوقوف مع أنفسنا قليلا لنتعرف على خباياها ربما استطعنا أن نغيّر قليلا من أنفسنا انتظركم ♥ انا متسامح لابعد حدود ((بشرط)) الاعتذار .. غير كده صعب اسامح .. لكن ممكن اتناسى .. عشان صحتى النفسيه .. والشئ اللى صعب اتسامح فيه هو الاهانة المقصود بيها دينى او جنسيتى او شخصى .. انا لدى اعتداد واعتزاز بنفسى جدا .. وكرامتى بضعها فوق اى اعتبار اخر .. خصوصا لو الاعتداء على كرامتى كان مغلف باستضعافى من قبل المعتدى عليه .. انا ممكن اسامح او اتغافل او اتغاضى لو كنت الطرف القوى ((حتى بدون اعتذار)) .. لكن صعب اسامح لو كنت فى الطرف الضعيف .. وممكن بجد تتملكنى ساعتها نزعه ثأريه .. ودا حصل معايا مؤخرا مع واحد انجليزى عنصرى من زملائى فى العمل .. والناس استغربت من رد فعلى ((الاكستريم )) لانهم متعودين عليا بشوش ومرح . وكتير لامونى على رد فعلى ((الثارى)) .. لكنى فعلا حسيت مش بس بالاهانه .. لكن حسيت بشئ أكثر ايلام .. الا وهو ((الاستهانه)) .. عشان كده كان رد فعلى انفجارى ومغاير لصورتى الذهنيه اللى مرسومه فى اذهان زملائى ورؤسائى فى العمل اقتباس اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
Dreamwithme بتاريخ: 16 أكتوبر 2011 تقديم بلاغ مشاركة بتاريخ: 16 أكتوبر 2011 [color="#000080"][b]هل أنت حقا متسامح؟و ما هي الأشياء التي يستحيل أن تتسامح فيها؟[/b][/color] هل أنا متسامحة ؟سؤال صعب ياعبير...لأني بأحس إن صعب الانسان يحكم عن نفسه أعتقد إني متسامحة لأبعد الحدود زي ما اللي حواليا بيقولوا عليا مفيش حاجات لا أتسامح فيها لكن ممكن جدا لو كانت إهانة شخصية مجرحة بيبقي رد فعلي بغير طريقة تعاملي تماما وخلي العلاقة تكون رسمية جدا لكن بأسامح اللي غلط في حقي من داخلي بس أضع حدود في التعامل كي لاتتكرر مرة أخري ويمكن في حاجة غريبة ربنا رزقني بيها وبأحس إنها نعمة كبيرة جدا يعني لما الموقف ينتهي بأنسي كل شئ تماما كأن لم يكن الناس بتبقي مش مصدقة إني نسيت بس فعلا بأكون نسيت تماما وكتير ألاقي أصدقائي يقولولي إنتي مش فاكرة اللي اتعمل معاكي بلاقيني فعلا ناسية وكأني بسمع الكلام لأول مرة وطبعا بكده هم بيفكروني دي نعمة بحمد ربنا عليها فقدان ذاكرة جزئ فلا أصبح سجينة الماضي أو شايلة كل المشاكل علي ظهري شئ وحيد بيضايقني إن بعض الأشخاص بيعتبروا ده ضعف لكن أنا شايفة إن التسامح هدية جميلة لنفسك وليست لها علاقة بالشخص الآخر لأن مع عدم التسامح قلب الواحد بيتقل وبيسود تدريجيا مع كل موقف لم يتم التسامح فيه مرة قرأت جملة لا أذكر من قائلها " إن التسامح هو أفضل انتقام لأعدائك" إلي جانب إني مؤخرا قعدت أفكر مع نفسي لقيت لو أنا مش عايزة أسامح يبقي إزاي ربنا يرحمني ويسامحني وحاليا الحياة أصبحت مليئة بالضغوط وبعض الناس قد يجرحوا أحد بحسن نية بدون ما يأخدوا بالهم في شخص واحد أنا مش قادرة أسامحه لكن بأحاول ....أنا بأعامله كويس جدا لكن بداخلي غضب منه بس الحمد لله الغضب قل وأنا واثقة إني هأسامحه قريب.........أعفيني ياعبير من حكاية القصة لأنها قصة لا تحكي لكن باختصار شديد هذا الشخص سرقني أنا وأخواتي من والدي الله يرحمه وكان السبب إننا نبعد عنه فترة طويلة جدا بعد نفسي وليس بعد جسدي بعد كده الأمور اتصلحت وعلاقتي بأبي كانت قوية جدا جدا يمكن غضبي عليه بسبب إن والدي توفي وكنت أتمني أقضي وقت أكبر معاه اقتباس <p class='bbc_center'><span style='color: #000080'><strong class='bbc'><span style='font-size: 14px;'>"من مدحك فإنما مدح مواهب الله فيك.....فالشكر لمن وهب وليس لمن وُهِب له" ابن عطاء السكندري<br /><br />"اللهم من ضاق صدره بنا فاجعل قلوبنا تتسع له" الامام أبو حنيفة</span></strong></span></p> رابط هذا التعليق شارك المزيد من خيارات المشاركة
ابراهيم عبد العزيز بتاريخ: 16 أكتوبر 2011 تقديم بلاغ مشاركة بتاريخ: 16 أكتوبر 2011 (معدل) بالنسبة لي فكلما مرت سنة وراء سنة في عمري أجد صفة التسامح تزداد في بشكل تصاعدي كنت فى صغري أعاني نقصا في هذه الصفة , ولكن مع زيادة الخبرات الحياتية ومع الدخول لمعترك الحياه أكثر واكثر وتلمس مدى صعوبته , أصبحت ألتمس للناس الأعذار ,وعندما أتعرض لإساءة من أحد أقول بيني وبين نفسي ( الله العالم بظروفه وبما يعانيه فى هذه الحياه الصعبة ) وبالتأكيد هناك مواقف يجد المرء فيها نفسه غير قادر على التسامح . تم تعديل 16 أكتوبر 2011 بواسطة ابراهيم عبد العزيز اقتباس رابط هذا التعليق شارك المزيد من خيارات المشاركة
Recommended Posts
انضم إلى المناقشة
You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.