إحنا أسفين يا تيمو شينكو

[se_ Elsyed]

سجن رئيسة وزراء أوكرانيا السابقة 7 أعوام لبيعها غاز بلادها بأسعار متدنية

احفظ الخبراطبعأضف تعليق ارسل10/11/2011 3:23:00 PM

كييف - (د ب أ)-

قضت محكمة أوكرانية الثلاثاء بسجن رئيسة الوزراء الأوكرانية السابقة يوليا تيموشينكو سبعة أعوام بعد إدانتها بتهمة سوء استغلال السلطة.

وتبين لدى المحكمة في كييف أن تيموشينكو أبرمت عام 2009 مع روسيا عقود غاز مجحفة لأوكرانيا.

من جانبه حذر الاتحاد الأوروبي من أن قرار السجن الذي صدر بحق تيموشينكو قد يكون له "تداعيات خطيرة".

يأتي الحكم في القضية التي وصفها الاتحاد بأنها كانت "ذات دوافع سياسية" في وقت كان فيه الجانبان على وشك استكمال محادثات اتفاق تاريخي للتجارة الحرة.

وقالت ماجا كوسيانيسك المتحدثة باسم كاثرين أشتون مسؤولة الشئون الخارجية بالاتحاد الأوروبي للصحفيين في بروكسل :"يشعر الاتحاد الأوروبي بخيبة أمل شديدة لهذا الحكم".

وتلت كوسيانيسك بيانا صادرا عن أعضاء الاتحاد السبع وعشرين جاء فيه :"يدلل (هذا الحكم) لسوء الحظ على أنه يتم توظيف القضاء بشكل انتقائي في محاكمات ذات دافع سياسي لقادة المعارضة وأعضاء الحكومة السابقة".

[se_ Elsyed]

إسجننوني أنا وبلاش القمر ده

كلنا تيموشنكو ...

إحنا اسفين يا غالية ياللي شعبك مش عارف قيمتك ..

أما شعبنا فناس منه عمال تتشحتف على الحرامي اللي شفطنا لمدة 30 سنة ووشه كان يقطع الخميرة من البيت

ده خلوا بالكم كمان .. الولية دي جايه بعد ثورة عظيمة سموها الثورة البرتقالية ....

والثواب والعقاب ما فيهووش ثورة ولا مش ثورة ... غلطت في حق شعبك .. يبقى تتحاسب على طول

[نورالعين]

طيب القضاء المصري متعبنا ليه

الله ما طولك يا روح

لكِ الله يا مصر

[se_ Elsyed]

طيب القضاء المصري متعبنا ليه

الله ما طولك يا روح

لكِ الله يا مصر

ربنا يدينا ويديكي طولة العُمر إن شاء الله

إلا صحيح أخبار القضايا إيه بتاعت مبارك وعياله وبتاعت قتل الثوار وبتاعت الغاز وبتاعت موقعة الجمل ؟

اجمل حاجة الشعارات اللي بنسمعها

القضاء العادل

إوعى تنتقد احكام القضاء

قضيتك في إيد أمينة

ماما حلوه

وكل سنة وإنتم طيبين ... يبقى الورثة بقى يبلغونا بالاحكام النهائية وعليكم خير

[لماضة مصرية جدا]

السلام عليكم و رحمة الله و بركاته

هو انا داخلة التوبيك فاكراه عن باشمهندس تيمور و ثوار لنتحد و كدهوت

قووووووم ايه يطلع كدهوت

طيب

حيث ان الخبر بيؤكد ليا ان احنا قاعدين مستنين حكم قضائي يتحرك علي ضهر زولحفة مصابة بشلل رباعي

حد يغطيني و يصوت عليا

و لا اراكم الله مكروها في قضاء لديكم

البقاء لله

[hanzalah]

السيدة يوليا كانت رئيس وزراء منتخبة بشكل ديمقراطي وملهمة الثورة البرتقالية

http://arabic.euronews.net/2011/10/11/tymoshenko-s-ordeal/

وكانت تنوي ترشيح نفسها للرئاسة

لكنها لما حادت عن الديمقراطية ومارست - ضغوط - لتوقيع اتفاقية غاز باسعار متدنية ولاتصب في صالح بلادها

حاكمتها بلادها بديمقراطية وشفافية وعدالة أمام قضاء طبيعي

وقضى النائب العام بسجنها

في مصر كل شيء مختلف

حرامي وشه يقطع الخميرة م البيت فعلا وليس مجازاً

يحاكم على سبيل التراخي وتهدئة الرأي العام بعد ضغط ومليونيات وحرق اعصاب

وبعد ما المجلس السمكري اعطاه فرصه كاملة لشهور ليخفي ويدمر ويحرق ويفرم أي دليل إدانه عليه وعلى عياله وعصابته

ثم نحاكمه محاكمة في السر وبعيدا عن عين وبصر وسمع شعبه

ثم نجد شهود اثبات يكذبون ويزورون ويتحولون الى شهود نفي في سابقة كوميدية

ثم احراز تتحول الى شرائط لمعالم سياحية في اسبقة مأساوية

ثم اهالي شهداء يضربون ويسحلون بكل قسوة خارج قاعات المحكمة

في الوقت الذي يتم القبض فيه على النشطاء ومحاكمتهم عسكرياً

ثم تضييق على المحامين المنوط بهم الدفاع عن حقوق الشهداء والضحايا

ثم مهزلة داخل المحكمة من هرج وسب وخروج عن كل الاعراف المتفق عليها في التقاضي

ثم في الاخير

مجموعة من الضالين يصفقون احنا آسفين ياريس

ثم تنتهي المأساة بالشريفة ماجدة المعالجة الروحانية بالقرآن لتقول ان حسني الحرامي هو شريف وينحدر من بيت النبوة

هذا الذي تلعنه ملائكة الارض قبل ملائكة السماء

http://www.youtube.com/watch?v=ca1MblZiVJA

نهاركم من أجود الأنواع

[capitshino]

طيب القضاء المصري متعبنا ليه

الله ما طولك يا روح

لكِ الله يا مصر

القضاء العادل

كله الا موضوع القضاء العادل ده

ضحكو عالشعب وقالو لازم محاكمات عادلة علشان الفلوس اللى بره ترجع

وفى الاخر لا فى محاكمات عادلة ولا فى قرش هيرجع من بره

[ابراهيم عبد العزيز]

هذه دولة حدثت فيها ثورة بالفعل فلا عجب

[طارق مصرى]

الاتحاد الاوروبى بيقولك ده قرار سياسى يعنى فى احتمال تكون مسجونه ظلم يعنى مش ثورة و لا حاجة

عموما على هامش الموضوع يا ا-سى السيد دى مش صورة مدام تيموشينكو اللى حضرتك حططها و بتقول عليها قمر

تيمو شنكو الحقيقية شعرها اصفر و بتعملوا ضفيرة على راسها زى سيتى الحاجة بس انا طبعا مش هجيب صورتها علشان ماخدش ذنب بعرض صورة امراة متبرجة :)