أسماء محفوظ -- يا جبل ما يهزك ريح

[ahmos1]

انا حزين جدا على ما سمعت فى الفيديو و استنكرة تماما و لكن ادبا منى و التزاما بضبط النفس لن اعلق على هذا التحريض حفظ الله بلادنا و رحم الله امواتنا

[Salwa]

سلام من عند الله ورحمته وبركاته.

طلب صغير منكم قبل قراءة حديثى لو سمحتم ..(( كل واحد يروح يحضر له كوب عصير ليمون علشان يروق دمه ..قبل ما تردوا عليا )) :clappingrose:

تعالوا بينا نتمشى شوية فى ساحة الأخبار المتفرقة ..

بيطلبوا محاكمة جورج بوش ف محكمة العفو الدولية على الجرائم اللى عملها ضد الانسانية ودخوله حرب العراق وتلفيقه وجود اسلحة دمار شامل .(( خللوا بالكم فات ثمانية سنوات وسبع شهور ...دلوقت فاقوا ))

خبر تانى ..

( بيقولوا ) انهم احبطوا محاولة اغتيال السفير السعودى فى واشنطن .وكانت نتيجة خطة ايرانية (( واخدين بالكم؟؟ من ايرانية دى ؟؟)) واللى حاول الاغتيال مش عارفة مين ومين ومين ...وواحد مكسيكى ( كان تاجر مخدرات ) ...(((( الخبر ده سوف اتركه بدون أى تعليق ))))

خبر تالت

بيقول ويتحدث عن اسماء محفوظ وجائزة سخاروف ..

خبر رابع .( خبر يدعو للتعجب جدا )

اسرئيل تخطط لابادة شعب مصر بهدف احتلال الارض الواقعة بين نهرى النيل والفرات

بسبب ضيق الارض على 8 مليون اسرائيلى .

وركيزتهم فى ذلك ماقاله موشى ديان .

العرب أمة لا تقرأ، وإن قرأت لا تفهم، وإن فهمت لا تفعل

خبر خامس

حملة هدر دم اسماء محفوظ الخائنة لدينها ووطنها .

----------------

كفاية كدة .

----------------

اليوتوب عليه حاجات كتيررررر جداااااااا ومؤسفة جدا جدا جدااااااا

مهازل لجماعة 6 ابريل .

فيه فيديو بيصور بنت (( اقل ما يقال عنها انها قذرة اللسان ولا تعرف معنى كلمة اخلاق ......و....ههههههههه.......محجبة ))....تقذف مبنى وزارة الداخلية بالحجارة وتسب بأقذع الألفاظ وترتدى تى شيرت يحمل على الظهر البدج الخاص بحركة ستة ابريل .((( ياسلالالالام يعنى بتأتى بالفعل وترتدى ما يثبت انها من ستة ابريل ؟؟ شوف ازاى ؟؟)))

والتعليق ؟؟؟

شفتوا ( .....) ستة ابريل بيعملوا ايه؟؟؟

و..

فيديوهات توضح ...بنات (( ببشكير حمام )) داخل خيمة يقال انها كانت فى ميدان التحرير ..

و...

مصايب مقدرش اقول عليها غير ان لها لون واحد......أسود .

مصايب ملهاش اى الوان تانية .

طيب..

طيب ...

يعنى ممكن الواحد يعوم مع العايمين ويقول لهم ياناس عيب اتلموا واذا بليتم فاستتروا .

ممكن والا مش ممكن؟؟

بس ربنا خلقنا كلنا وفينا عقل يقدر يميز بين الكويس وبين الوحش .

ده التاجر (( مش مهم بقى دينه ايه؟؟ لأن ده بيحصل ف مصر مع المسلم ومع المسيحى ...,وأنا اللى اؤكد لكم ذلك لأنى عشته وشفته ))

علشان يبوظ بضاعة التاجر المنافس ....بيروح يقول دى مش أصلية دى تايوانى بس عاملين لها شهادة منشأ اوربية جدعنة يعنى ..

والتانى ؟؟

يصرخ ويقول ده هو اللى جايب من الصين وانا بضاعتى اصلية وارخص منه .....ومتشتروش منه وبضاعتى ف البحر وعلى وصول .

حلو؟؟؟

لالالالالا......مش حلو .

عارفين ليه؟؟؟

اللى بينطبق على ( التاجر او المستورد الصغير ) بينطبق على كوووووول المنافسين فى كل نواحى ( او مناحى ) الحياة ..

حركة ستة ابريل زى الفل ....

وائل غنيم مش عميل امريكى .

اسماء محفوظ بنت جدعة .

فيه حرب قائمة بمنتهى الضراوة وبيحاولوا يسبقوا الزمن علشان يسيطروا اكتررررر

نظام .فرق تسد.

الناس كل كام يوم ( تتلهى ف شوية كلام فارغ ) .ولو ادى الأمر ((( للقتل )))

حانقتل منكم كام واحد ...

واقتل المربوط يخاف السايب (( مش اضرب المربوط.؟؟)) ..

الناس غلابة واشغالها توقفت واتعطلت ومفيش دخل (( طيب مين السبب؟؟؟شوية العيال بتوع الفيس بوء دووول .....ستة ابريل .شوية عيال فافى عايزين يتربوا ))

يبقى خلاص ...

مفيهمش رجالة ...والحريم لامؤاخذة يعنى ..موافقين ؟؟؟.......ويردد القطيع

آآآه موافقين......

طيب تعالوا نصرخ وتعالوا نخلص عليهم..

مش هى دى الحقيقة ؟؟؟ قصدى واحد على ستمية من الحقيقة ؟؟؟

اسماء محفوظ.....لاتفرق عن توكل فى اى شئ ..

بس توكل شعبها ف اليمن عارف قيمتها .

واسماء ؟؟

شعبها ف دسوق ضربها بالشباشب.

وآدى احنا بنتفرج و.....حزانى فعلا على الثورة الجميلة اللى تحولت بقدرة قادر الى ...

انتفاضة .

ويارب المرة دى كمان ما يقولوش ......انتفاضة العملاء .

لأن الشعب كله هو صاحب الثورة .

لك الله يامصر..

لكم الله ياابناء مصر الشرفاء .. :clappingrose:

[aimen]

علمت شمس مصر ان اسماء محفوظ قد توجهت امس الى مدينة دسوق بكفر الشيخ للحشد لجمعة تقسيم مصر التى دعوا اليها بعد غدا بالمشاركة مع الاقباط واخذت تهاجم الجيش المصرى واعضاء المجلس العسكرى الامر الذى اثار حفيظة الاهالى واخذت احدى السيدات بسحبها من راسها وقامت سيدة اخرى بضربها ضرب مبرح لقنوها سيدات دسوق درسا قاسيا حتى تكون عبره لمن لايعتبر ويقوم بمهاجمة الجيش الامر الذى جعل احد اعضاء ائتلاف الثورة بالمدينة يقوم بتخبئتها فى منزله الامر الذى رفضه الاهالى بشده وصمموا على رحيلها من المدينة لانها دنست ارضها على حد قول شاهد العيان

وساْلها الاهالى من اين تاْتين بالاموال ومصاريف الانتقال بين المحافظات المصرية والسفر للخارج ايضا ومن اين اشتريتى هذه السيارة و"ابوكى حتة مدرس على المعاش وكنتم ساكنين فى عشه بعين شمس القمامة تحوطها من كل جانب"

وقام شباب دسوق بتحطيم زجاج سيارتها ال بى ام التى كانت تستقلها بصحبة صديقها الجديد الذى يرافقها فى كل تحركاتها خلفا لمحمد سوكا وعمرو جيفار

وردد الاهالى هتافات "النجسه تطلع برة مش ممكن تفضل جوه "فضلا عن الالفاظ الخادشه للحياء

http://shamsmsr.word...8%D8%B8-%D8%B9/

1- هل مدونة شمس مصر دى مصدر موثوق منه ؟؟؟ لم اجد ذلك الخبر سوى على تلك المدونة وموقع الفيس بوك والمنتديات

2- صاحبة الموضوع نفسها - نفت اصلا ذهابها الى دسوق على تويتر -

3- ارجوكم لا تهدموا الصورة الذهنية لمحاورات المصريين فى اذهاننا ولا تحولوه الى منتدى من المنتديات التى تملا الأنترنت

يا سبحان الله

ثورة شهد لها العالم ونحن مصرين على افشالها والانتقاص منها

صدقا

احنا اسفين يا مبارك

[عادل أبوزيد]

الأفاضل فريق التنسيق و الإشراف

أنتم و محاورات المصريين أمام مسئولية تاريخية فى الدفاع عن مصر و ثورة مصر و شباب 6 أبريل و البرادعي و كل من وضع رأسه على كفه من أجل مصر

ما سبق كان إستهلالا لابد منه

أسماء محفوظ علامة مضيئة فى تاريخ مصر منذ ما قبل أبريل 2008 و على تويتر أنباء عن ضربها و تكسير سيارتها كل يوم محاولات تشويه مثل تلك التى طالت و تطول الدكتور محمد البرادعي و تطول شباب 6 أبريل و حتى الآن لم يجروؤ كائن من كان على تشويه الصفحة الناصعة لهم.

و هم أنفسهم قدموا بلاغ فى أنفسهم للنائب العام يطلبون فيه التحيق فيما قيل عن تقاضيهم أموال من الخارج و خاصموا فى هذا البلاغ أحد أعضاء المجلس العسكري و هذا الكلام مر عليه شهور

و صفحتهم و صفحة الثوار و بالأخص 6 أبريل ناصعة البيياض

[مايكل وكيرمينا]

الاستاذ محمد على

ليه مصمم انك تفرق متجمعش

وكل موضوع تقلبه مسيحيين ومسلمين الفيديو اللى حضرتك عمال تعيده وتزيده فى كل توبك انا اعتذرت عنه لدكتور ياسر عارف ليه لانه اسلوبه احرجنى وحسيت منه انه مصرى عايز الكل مصرى وبس

والرغم من انى ارفض دخول رجال الدين فى السياسة وبالرغم من كل الهرتلة والكلام اللى قاله الاان حضرتك لما تاخذ بالك من جملة قالها (ان المسلمين المعتدلين المتدينين هم من يعرفون صحيح الدين ) وبالتالى فان نظرته للاسلام التدين والاعتدال ولكن حضرتك ركزت كل همك ازاى تبعد اى حد للتعاطف مع المسيحيين بكل الطرق لانك تعلم جيدا ان المصريين عموما يقدسوا اديانهم واصبحت تدور على كل مايقلبهم على بعض وتبثه للتفرقة ما اليوتيوب والمواقع المسيحية والاسلاميه عليها ما يثير الف فتنة وفتنة وكذلك عليها ما يدعوا للمحبة والسلام بس كل واحد بيحب يبحث عن ما اللى يدعم فكره

يعنى انا معرفش ارفع افلام عن شيوخ تدعوا للطائفية ولكن بكده لست ادعوا للسلام ولكنى القى نارا وكبريتا واصبح بذلك انظر نظرة طائفية لغيرى

ياسيدى كل ما اذهب لزيارة والدتى اتحصر عارف ليه اذكر لك بعض الامثلة

فى عيد الاضحى الماضى ذهبت لزيارة ولادتى وجدتها تقولى الغدا النهاردة فتة لحمة عشان جارتنا المسلمة لازم كل عيد تعمل كده ولا انسى فى عيدنا ان والدتى كانت تقعد بالايام تعمل الكحك علشان لازم نفرق على كل جيرنا المسلمين

بالامس كنت عند والدتى قامت وبختنى لان ام احمد صاحب الطفولة والتى تسكن فى العمارة المجاورة لنا والتى كان زوجها هو المسئول عن الجامع الى جنب بيتنا زعلانة منى لانها بتسأل والدتى عليا دايما وانا مبرحش اسلم عليها وما ارتاحتش غير لما رحت سلمت انا عليها .

اذا كنت شايف ان فى رجال دين مسيحى متطرفين فانا اقول لك ان ابنى ذو الثمان سنوات كان عائد من الكنيسة ومعه كتاب مصور للاطفال يحطى قصة فاطمة و فوزية ودميانة الاصدقاء وكيف كان عم احمد يدافع عن المنازل كلها فى ايام الثورة وكيف هى قريتهم تتشارك الافراح ولاحزان دون النظر للاديان فهل ترى سيادتك يدعوا للتطرف (لوحضرتك او اى عضو عايز نسخة من الكتاب يقول لى وانا ارسله )

والامثلة كثيرة ولمن اللى عايز يشوف سلبيات حيشوف واللى عايز ايجابيات حيشوف .

كذلك ياسيدى الفاضل اسماء محفوظ وحركة 6 ابريل ومن شابهم هم من وضعوا ارواحهم على ايدهم وكانوا عرفين انهم لو فشلوا مصيرهم ايه وهم من جمعوا المصريين كلهم فى الثورة

وهم من جمعوا مينا دانيال ومحمد فى الثورة يغنوا مينا محمد ليه الثورة جميلة وانت معايا

هم من رفضوا اى ترضيه او تفاوض الا سقوط النظام

هم من جعلوا المسلم يحمى بيت المسيحى وكنيسته والمسيحى يحمى بيت المسلم وجامعه فى اللجان الشعبية ايام الثورة

هم من لن يطولوا شىء من التورتة اوالحكم فى النهاية .

وبعد كل ذلك حضرتك تتهمهم بالخيانة والتمويل من الخارج طب ما اللى عنده اى حاجة او اى دليل يقدمه للنيابة ولكن اتهام الناس عمال على بطال لا

وسؤال لحضرتك لو كانت المظاهرة سلفيه وكانت اسماء محفوظ خرجت لتؤيدها كان برده كلام حضرتك حيبقى كده ولا ايه

[عبير يونس]

لا أملك غير أن أقول غير حسبي الله و نعم الوكيل

و لازلت أؤمن بشدة أن الشجرة المثمرة هي - و هي فقط - التي تُقذف بالحجارة

[م تيمور المراغي]

الأفاضل فريق التنسيق و الإشراف

أنتم و محاورات المصريين أمام مسئولية تاريخية فى الدفاع عن مصر و ثورة مصر و شباب 6 أبريل و البرادعي و كل من وضع رأسه على كفه من أجل مصر

ما سبق كان إستهلالا لابد منه

أسماء محفوظ علامة مضيئة فى تاريخ مصر منذ ما قبل أبريل 2008 و على تويتر أنباء عن ضربها و تكسير سيارتها كل يوم محاولات تشويه مثل تلك التى طالت و تطول الدكتور محمد البرادعي و تطول شباب 6 أبريل و حتى الآن لم يجروؤ كائن من كان على تشويه الصفحة الناصعة لهم.

و هم أنفسهم قدموا بلاغ فى أنفسهم للنائب العام يطلبون فيه التحيق فيما قيل عن تقاضيهم أموال من الخارج و خاصموا فى هذا البلاغ أحد أعضاء المجلس العسكري و هذا الكلام مر عليه شهور

و صفحتهم و صفحة الثوار و بالأخص 6 أبريل ناصعة البيياض

باسم الشباب بشكرك عادل بك ,,

[MZohairy]

يا جبل ما يهزك ريح

و أي تافه يريد المساس بهذه الإنسانه الشريفه و خاصة بالكذب سيخسر مرتين

مره في دنياه لأنه اتفه كثيرا من خصمه

و مره في آخرته بطبيعة الحال

[م تيمور المراغي]

هيثم زميلنا سال اسماء وردت عليه انها مانزلتش دسوق اصلا !

https://twitter.com/#!/AsmaaMahfouz/status/124433966928363520

[عادل أبوزيد]

قمت بتغيير عنوان الموضوع إلى "أسماء محفوظ - يا جبل ما يهزك ريح" و قد إستعرت العنوان من مشاركة للفاضل زهيري في هذا الموضوع

[مصطفى يونس]

هي فعلا راكبة بي ام

انتوا هتخلوني اصدق موضوع التمويل الاجنبي كده

البى ام ديت من العشرة جنيه اللى الحركه بتلمها من الاعضاء بتوعها شهريا

رب العزة يقول

يَوْمَ تَجِدُ كُلُّ نَفْسٍ مَّا عَمِلَتْ مِنْ خَيْرٍ مُّحْضَرًا

وَمَا عَمِلَتْ مِن سُوَءٍ تَوَدُّ لَوْ أَنَّ بَيْنَهَا وَبَيْنَهُ أَمَدًا بَعِيدًا

وَيُحَذِّرُكُمُ اللّهُ نَفْسَهُ وَاللّهُ رَؤُوفُ بِالْعِبَادِ

(30 سورة آل عمران)

ياريت ياجماعه نمسك نفسينا شوية وبلاش نظهر أسوأ ما في النفوس بسرعه كده

الاعتداء من بعض الهمج على فتاة شيء لا يقره شرع أو عقل أو دين أو نخوة

وكما ترمي عرض هذه اليوم ستجد غداً من يرمي عرضك وذمتك بلا بينة أو دليل

البر لايبلى .. والذنب لا ينسى .. والديان لا يموت

إعمل ما شئت .. كما تدين .. تدان

مين اللي جاب في سيرة عرض فتاة مسلمة يا أستاذ

هو حضرتك قريت انا كاتب ايه

انا اما كتبت العشرة جنيه ديت مش من عندى كان فى موضوع هنا فى المحاورات وبيسال احد اعضاء الحركه وكلنا عارفينه قال احنا عدنا حوالى كام الف بنلم من بعض شهريا 10 جنيه او 20 مش متذكر وانهم اتعرض عليهم تمويل وهما رفضوه يعنى مش تريقه منى ولا حاجه

[جويرية]

للدرجة دي بقى قذف المحصنات والخوض في الأعراض .. بقى بالنسبة للبعض زي سلام عليكم وبقينا نعدي عليه كده بدون أن يلفت نظرنا .. وبدون أن نتذكر إن عندنا أعراض وإن اللي بيتكلم او بتتكلم النهاردة .. فبكره هايتخاض في عرضها برضوا .. وبكره نفس الصحف الصفراء مثل شمس مصر ولا شمس النهارة ولا البلا الازرق التي تقوم على الإثارة والفضائح وتتبع العورات .. بكره أنا متأكد إننا سنقرأ عنه أو عنها خبر مثل هذا ....

هل هذه الفقرة مرت علينا مرور الكرام

هيا مدام بتشتغل في السياسة يبقي تعرف ان مفيش موضوع العرض و الطول ده ، مش كل الناس بيقولوه دي بمية راجل دي بألف راجل

خلاص تتحمل بقي و لو فرضا اذا كانت الرواية دي صحيحة فالستات اللي حيتلموا عليها و يضربوها حيشتموها يقولولها يا وحشة احنا مخاصمينك متعمليش كدة تاني ، ما لازم يشتموها يقولولها كدة

هيا مدام بتشتغل يبقي تكون قد المسئولية ممكن تتحمل ضرب او شتيمة او سجن ، ما هوه اي حد ليه اعداء

لو هيا فعلا دعت في مظاهرة لتقسيم مصر يبقي تستاهل الضرب اما السباب فده طبعا محرم

انا طبعا كنت بشفق عليها و بشوفها بتتكلم بعفوية و قلت دي ممكن تورط نفسها و تتحبس و هيا مش دارية عشان كدة كنت بتمني انها خلاص كفاية سياسة لغاية كدة

بس اتضح ليا من الفيديو ده انها شريكة في كل شئ و انها انسانة مادية و ممكن تبيع بلدها هيا و حركة 6 ابليس

http://www.youtube.com/watch?v=ESXCiyR6h8I

تم تعديل 14 أكتوبر 2011 بواسطة جويرية

[عبير يونس]

للدرجة دي بقى قذف المحصنات والخوض في الأعراض .. بقى بالنسبة للبعض زي سلام عليكم وبقينا نعدي عليه كده بدون أن يلفت نظرنا .. وبدون أن نتذكر إن عندنا أعراض وإن اللي بيتكلم او بتتكلم النهاردة .. فبكره هايتخاض في عرضها برضوا .. وبكره نفس الصحف الصفراء مثل شمس مصر ولا شمس النهارة ولا البلا الازرق التي تقوم على الإثارة والفضائح وتتبع العورات .. بكره أنا متأكد إننا سنقرأ عنه أو عنها خبر مثل هذا ....

هل هذه الفقرة مرت علينا مرور الكرام

هيا مدام بتشتغل في السياسة يبقي تعرف ان مفيش موضوع العرض و الطول ده ، مش كل الناس بيقولوه دي بمية راجل دي بألف راجل

خلاص تتحمل بقي و لو فرضا اذا كانت الرواية دي صحيحة فالستات اللي حيتلموا عليها و يضربوها حيشتموها يقولولها يا وحشة احنا مخاصمينك متعمليش كدة تاني ، ما لازم يشتموها يقولولها كدة

هيا مدام بتشتغل يبقي تكون قد المسئولية ممكن تتحمل ضرب او شتيمة او سجن ، ما هوه اي حد ليه اعداء

لو هيا فعلا دعت في مظاهرة لتقسيم مصر يبقي تستاهل الضرب اما السباب فده طبعا محرم

انا طبعا كنت بشفق عليها و بشوفها بتتكلم بعفوية و قلت دي ممكن تورط نفسها و تتحبس و هيا مش دارية عشان كدة كنت بتمني انها خلاص كفاية سياسة لغاية كدة

بس اتضح ليا من الفيديو ده انها شريكة في كل شئ و انها انسانة مادية و ممكن تبيع بلدها هيا و حركة 6 ابليس

http://www.youtube.com/watch?v=ESXCiyR6h8I

صباح الفل يا جويرية

اوكيه هي حتستحمل الكلام عليها عشان اشتغلت في السياسة

بس هل حضرتك حتستحملي ذنب الخوض مع الخائضين في عرضها ؟؟؟!!!!

تخيلي كام واحد قرأ ردك و رأيك فيها تحديدا بالاسم و رأيك في كل حركة 6 أبريل

اللي جمعتي كل افرادها في سلة واحدة و وصمتيهم بالخيانة والأبلسة و العياذ بالله

ياريت نراجع أنفسنا و نتقي يوم لا ينفع فيه مال و لا بنون إلا من أتى الله بقلب سليم

و ربنا يكون في عون من قال عبارة

" لا غيبة لا فاسق"

أصلها بيتم استخدامها أبشع استخدام

و بها يتم تفسيق الناس بالهوى الشخصي و استحلال اغتيابهم بكل اريحية و ضمير مرتاح!!!

[جويرية]

صباح الفل يا جويرية

اوكيه هي حتستحمل الكلام عليها عشان اشتغلت في السياسة

بس هل حضرتك حتستحملي ذنب الخوض مع الخائضين في عرضها ؟؟؟!!!!

تخيلي كام واحد قرأ ردك و رأيك فيها تحديدا بالاسم و رأيك في كل حركة 6 أبريل

اللي جمعتي كل افرادها في سلة واحدة و وصمتيهم بالخيانة والأبلسة و العياذ بالله

ياريت نراجع أنفسنا و نتقي يوم لا ينفع فيه مال و لا بنون إلا من أتى الله بقلب سليم

و ربنا يكون في عون من قال عبارة

" لا غيبة لا فاسق"

أصلها بيتم استخدامها أبشع استخدام

و بها يتم تفسيق الناس بالهوى الشخصي و استحلال اغتيابهم بكل اريحية و ضمير مرتاح!!!

لا يا عبير مش موضوع لا غيبة لفاسق ابدا

بس هوه اصلا الموضوع محصلش ، و لو هيا اسماء راحت في مظاهرة تدعو لتقسيم مصر فتستاهل الضرب ، بس طبعا انا مش بوافق علي الشتيمة

اما حركة 6 ابليس فاللي سمعته ان معظم الحركة شباب ابطال مناضلين وقفوا قدام النظام السابق من كذا سنة قبل الثورة

دول الناس اللي في الشارع اللي بيعملوا المظاهرات ، اما بعض القادة بتوعهم باعوا بلدهم عشان شوية فلوس

فعشان كدة الحركة اتقسمت و في جزء اسمه 6 ابريل الجبهة الديموقراطية

لكن الحركة طبعا بتتبع لقادتها و اما يخلصوا من القادة اللي عايشين علي بيع القضية ابقي ارجع اسميهم 6 ابريل

بالمناسبة مش الشغل في السياسة بس اللي يخلي ست تتعرض لموقف زي ده ، الشغل عموما اي مكان الواحد ليه اعداء ممكن يطعنوا في عرضه و في اخلاقه

تم تعديل 14 أكتوبر 2011 بواسطة جويرية

[se_ Elsyed]

، اما بعض القادة بتوعهم باعوا بلدهم عشان شوية فلوس

ما هو ده إسمه إتهام باطل ...

لإن أي واحد ممكن يتهمك إنتي شخصياً نفس الإتهام

وإذا كان معاكي دليل فالأقسام مفتوحة 24 ساعة ممكن تروحي تعملي محضر وتخربي بيوتهم

أما الكلام المرسل والتلقيح .. فما يصحش

[جويرية]

، اما بعض القادة بتوعهم باعوا بلدهم عشان شوية فلوس

ما هو ده إسمه إتهام باطل ...

لإن أي واحد ممكن يتهمك إنتي شخصياً نفس الإتهام

وإذا كان معاكي دليل فالأقسام مفتوحة 24 ساعة ممكن تروحي تعملي محضر وتخربي بيوتهم

أما الكلام المرسل والتلقيح .. فما يصحش

انا بتكلم بناء علي ما سمعته

http://www.youtube.com/watch?v=ESXCiyR6h8I&feature=player_embedded

اما موضوع ان اجيب الدليل بنفسي ، فكدة كلنا مفروض منكتبش خالص في المنتدي ، اظن كلنا ناقلين للخبر و مفيش حد بيملك تصوير صوت و صورة للكلام اللي بيقولوه

و بعدين ما هو الجواب باين من عنوانه لما امريكا الشيطان الاكبر يهتموا بالاولاد الصغيرين دول و يستقبلوهم في الكونجرس و يدوهم جوايز يبقي ايه ، اكيد الشيطان الكبير بيهتم بالشياطين الصغيرين

تم تعديل 14 أكتوبر 2011 بواسطة جويرية

[الدكتور ياسر]

في الحقيقة أنا بحثت كثيرا في الإنترنت عن ما يشير إلى الدعوة إلى جمعة التقسيم فلم أجد ما يشير إلى ذلك ...

بالنسبة لأسماء محفوظ .. إن كانت بالفعل تدعوا إلى هذة الجمعة ( أشك في ذلك ) أقول فرضا جدلا ففي هذه الحالة لابد أن نلجا للقانون الذي

يحكم البلد وهو الكفيل بردع مثل هذه الدعوات الخبيثة التى تخالف الدستور المصري الداعى إلى الحفاظ على سلامة الوطن و استقلاله و عدم تقسيمه

لذا فلا أوافق على الإطلاق أن يقوم الأهالى بضربها بهذا الشكل المذكور في الخبر .. فلو أجزنا ذلك لأصبح من حقنا أن ننهال بالضرب على كل من

يخالفنا و لصرنا نتحاكم بشريعة الغاب ...

أما وصفها بتلك الألفاظ المسفة البذيئة فهذا يعد قذفا صريحا يعاقب عليه الشرع و القانون و لايرضاه أحد منا لذويه و أهله ..فحب لأخيك ما تحبه

لنفسك واكره له ما تكرهه لنفسك ...

أما عن اتهامها بالعمالة لركوبها BMW فهذا يدخل في باب إساءة الظن بالغير الذن نهى عنه القرءان (( اجتنبوا كثيرا من الظن )) وهناك

جهات رقابية تحقق في الكسب الغير مشروع ولسنا مسئولين عن ذلك ...

ومن كان منا بلا خطيئة فليرمها بحجر ... وبالمناسبة لست من مؤيدى حركة 6 ابريل خصوصا في الفترة الأخيرة .. ولكن لا أقول إلا ما يستريح له

ضميرى ...

تم تعديل 14 أكتوبر 2011 بواسطة الدكتور ياسر

[MZohairy]

ربنا ينور طريقك يا جويريه

[ابراهيم عبد العزيز]

ما نراه فى مصر في الفترة الاخيرة من إلقاء التهم بالخيانة وحمل الأجندات الخارجية على بعض القوى المعارضة ليس شىء عفوي

وما يؤكد أن هذا النهج ليس عفويا فلنراجع من لاحقتهم هذه التهم سنجد معظمهم ممن كان لهم الدور الاكبر في إشعال شرارة ثورة 25 يناير وقيادتها طوال ال 18 يوما الخاصين بالثورة

تم البدء بحركة 6 إبريل وتم اتهامها رسميا بتلقي اموال من الخارج وتم التشكيك فى إخلاص أعضاءها , وإتهمها المجلس العسكري صراحة بذلك وحتى يومنا هذا لم يقم أحد بتقديم دليل على هذه الأتهامات , وظهر على السطح موضوع سفر أعضاء الحركة قبل الثورة الي صربيا وكأن الدولة المصرية عرفت فجأة هكذا أن أعضاء حركة 6 إبريل سافروا الى صربيا قبل الثورة !!

بعد ذلك بدأت هذه الحملة تصل لأسماء محفوظ , وبما أن أسماء محفوظ من عائلة متوسطة الحال ولا يمكن إثارة كلام من نوعية تلقي اموال من الخارج ضدها لأنه سيكون غير ذا مصداقية , فكانت الوسيلة هى اتهامها بمحاولة إحداث الفتنة واتهامها بالهجوم على المجلس العسكري

الهدف القادم ستكون نوراة نجم وسيتلوها شباب الثورة واحدا واحدا عاجلا أو أجلا

والهدف من كل ذلك معروف , فأقصر طريق للقضاء على أي ثورة هو التشكيك فى قيادتها حتى يصاب من يتبعها بالارتباك ويحيطه جو الشك والريبة , وفي هذا فائدتين :

الاولى : تشتيت جهود قيادات الثورة , فبدلا من التركيز على ما يجري على الساحة سيكون تركيزهم منصب حول نفي التهم عن أنفسهم والدفاع عنها أمام الشعب .

ثانيا : إثارة الشك فى نفس المواطن البسيط تجاه الشباب الذين إتبعهم وامن بمطالبهم وساندها , فيبدأ فى الانصراف عنهم .

انا لا ادافع عن حركة 6 ابريل بالخصوص , ولكن أدافع عن أي مخلص لهذا الوطن تتم محاولات لتشويه صورته

تم تعديل 14 أكتوبر 2011 بواسطة ابراهيم عبد العزيز

[جويرية]

ربنا ينور طريقك يا جويريه

مينفعش يا استاذ زهيري نستخدم الدعاء عشان نوصل بيه معني تاني

فياريت حضرتك تقول تقصد ايه