اتحداك تقول الحق؟

[ragab2]

المدير

المخطئ أو الجلياط أو المتكبر

لابد أن يعامل بقدر معاملته

كان لنا مدير فى شبابنا أنزوح ومايرفعش وشه بالنظارة اذا دخلت له المكتب أو أحد الزملاء ولا يبدى أى اهتمام بمن دخل المكتب ويظل ناظرا للأوراق التى أمامه وهو يتكلم معنا وكأن حشرة دخلت وليس انسان مثله

وفى مرة طلب منى التوقيع على تقرير مخالفا لضميرى وللحقيقة فرفضت وباصرار الا بعد حذف وتزويد نقاط معينة ليشمل التقرير الحقيقة

لا غير ودون مجاملة

وبعد

هذا الموقف بدأ يحسن معاملته ويعرف قدرنا كزملاء له

واذا احتاجنى يطلبنى فى التليفون ويتكلم بكل أدب ولياقة بعد أن يبدأ بالسلام أو يمر على فى المكتب ليتكلم أو لدعوتى للاجتماع فى مكتبه وكان قبلها يرسل لى أحد السعاة ليبلغنى أنه يريد مقابلتى بمكتبه وظل هكذا الى أن انتقل لجهة أخرى

[بنت شعنونة]

mf(

طب والسؤال الأخيييييييييييير

ماحدش ها يجاوبه والا ايييييييييييييييييه :o :rolleyes:

[عصام أبوالفتح]

الشك جزء من احتمالات كثيرة لابد أن نضعها جميعاً أمام أعيننا عند التعامل مع أشخاص جدد أو مواقف جديدة

والفطنة هى رجاحة العقل التى تجعلك تميز الاحتمال الأقوى بين تلك الاحتمالات .

والكياسة هى عدم التسرع بإعلان أى من هذه الاحتمالات قبل التأكد منه .

فصدق رسول الله الذى قال المؤمن كيس فطن .

أغرب موقف حدث لى أثناء الدراسة الجامعية ( وكنت قاذفة لهب متحركة )

كنت أستعد لحضور محاضرة وكنت بالمكتبة وذهبت قبل المحاضرة بخمس دقائق أنا ومجموعة من زملائى وفوجئنا بالدكتور قد دخل وأغلق الباب .. استأذنت بكل أدب بينما تراجع الباقون وكأنهم قالوا بركة يا جامع ..

وكانت المفاجأة التانية هى رفض الدكتور لدخولى .

فتحت الباب ونظرت فى الساعة وقلت له أن ميعاد المحاضرة لم يبدأ وأنه من حقى الدخول .

فقال بكل ( أدب ) أيضاَ .. اتفضل اطلع بره

( مش أقصر واطلع من سكات ) ...

قلت له أننى كنت فى المكتبة ويمكننى اثبات ذلك واننى أنتظر سيادته منذ أكثر من ساعة ويمهنى حضور المحاضرة ..

( وكان الظاهر لسه واخد علقة فى البيت ومزاجه زى الزفت ) .. وطبعا أشارإلى بدون كلام أنى أخرج مرة أخرى ..

هنا ظهرت الكياسة والفطنة التى لم تكن أبدا من صفاتى أيام الجامعة ...

كشرت غاضباً وذهبت إلى ....

البيت .... لا

المكتبة مرة أخرى .... لا

إلى مكتب رئيس القسم .. واشتكيت الدكتور وكان رئيس القسم يجلس مع مجموعة من كبار الدكاترة فى القسم وكلهم كانوا يقدروننى وكنت الطالب الأول لديهم ..

ووسط تعجبهم وتعجب وذهول زملائى بالخارج .. راح صوتى يعلو أمام رئيس القسم شيئاً فشيئاً .. و...

المفاجأة الثالثة .. قام رئيس القسم بنفسه وذهب معى للدكتور ..

طرق الباب ودخل تحدث معه بلطف .. وكانت المفاجأة الرابعة ..

أصر الدكتور على عدم دخولى ..

خرج رئيس القسم وهو فى قمة الاحراج وتوجه لمكتبه ومن خلفه كنت أنا .. ومن خلفنا كانت نظرات زملائى .. ماذا يفعل ذلك المجنون ( وش واحد عباسية ) ..

عندما دخل مكتبه وأمام الدكاترة جلس وقال لى : استنى شويه .. وكانت المفاجأة الخامسة

قلت له : استنى لأمتى .. دى أخر محاضرة ومستنيها من ساعة .. أروح ولا أعمل أيييييييييييييييييييييييييييييه .

انتفض رئيس القسم وأخذ يصرخ ( وساعتها فقط أدركت المصيبة اللى أنا باعملها ) :

يعنى أعمل ايه دلوقتى .. اروح ابوسلك ايده عشان يدخلك .. وبعدين روح يا أخى ... استنى تحب ارفدك اسبوعين

وأمسك بورقة وسألنى عن اسمى ( وكان يحفظه ثلاثياً بس حركة أدام الدكاترة ) .. فأجبته وقلت له أننى لم أقصد مضايقته وكل ما كنت أطالب به حقى و اننى أعتذر لما سببت له من ازعاج ..

وطبعاً سبته وهو ضغطه عالى ولا ادرى سيرفدنى أم لا .. وستر ربنا أن كان الدكاترة ما زالوا بالداخل ..

زملائى لم يقربونى اليوم وكأن الحديث إلى تهمة وكانت نظراتهم كلها لها نفس المعنى ( انت حمان يا حمان )

ولم يتم رفدى ..

ولكن كانت هذه القصة وقصص أخرى سبباً رئيسياً فى عدم تعيينى بالكلية كمعيد ..

والحمد لله ان الواحد بيتعلم ..

[amostafa]

اغرب موقف حصل معى ... كنت مره سايق على طريق سريع فى الرياض ,,,,

عربيه وقفت قصادى فجأه ,,, دوست على الفرامل بكل عزمى و العربيه طلعت صوت فاظيع جداااااا ha) ....

الحمد لله قدرت اوقف العربيه قبل ما تلبس فى اللى قصادى ب 50سم .....

قلت الحمد لله و طبعا ركبى كانت سيبه .... و بضرب بعينى كدا فى المرايه و الاقى عربيه مرسيدس جايه بسرعه مهوله ورايه (طبعا صاحبها ملحقش يفرمل) , رحت ماسك فى الدركسيون جامد .... و طااااااااااااخخخخخخخخخخخخ

عربيتى الهيونداى الغلبانه بقيت عمله ذى كره البنج بنج من اودام تويوتا و من ورا مرسيدس ....

المهم الغريب بقا انى بعد ما الحادثه حصلت , و مطش البنج بنج خلص , نزلت من العربيه و انا دايخ ngh: و ركبى سايبه ,والغريب ان اول حاجا اعملها تلقائيا هى انى جريت على اللى قدامى و اللى و رايه وسألتهم انتو كويسين ؟؟؟ فيكم حاجا ؟؟؟ و حتى ما بسطش على عربيتى اللى اطحنت فى النص جارلها ايه و لا تتصلح بكام ,,,,,

بصراحه انا فاجأت نفسى بالموقف دا و اتبسط من نافسى اوى , لان العادى هنا فالرياض ان كل واحد فى حاله ,شغل و بس , حقى و حقك , بلد مغلق ,ومافيش عواطف و لا انسانيه . فدا كان موقف ادانى اشاره انى رغم انى بقالى 5 سنين فى البلد ى دى ,الا انى والحمد لله لسا عندى شويت انسانيه :lol: .....

[بنت شعنونة]

:lol:

استاذ المهاجر

انت مشششششششش مممممممممكككككككككككككككن :o

انت غلبتنييييييييييييييييييييي ha)

استاذ مصطفى........ والله فيك الخير ngh:

انا لو مكاااااااااااانككككككك كنت :D :o

[عصام أبوالفتح]

الأخت شانا .. بعدما قرأت المواقف التى ذكرتيها أحسست أننا أقارب :D

أخيرا لقيت حد من العيلة :lol:

الأخ مصطفى : لم تكمل الحكاية من الذى كان المخطئ من وجهة نظر المرور ..

وهل تحملت شيئا فى اصلاح سيارتك .. ؟

فى مصر الناس لا تطمئن لا بعضها أبداً بالطبع .. الموقف يكون هكذا

ngh: ha)

أما الرياض فلأن الدورية تأتى وتحدد المخطئ فإنه مهما كانت الحادثة سيئة فلا يمكن أن يحدث أى احتكاك بين اطراف الحادث .. عقبال مصر

[سهيلة]

انا هجاوب على سوالك الاول يا شانا

بالنسبة للحرية ف رايي معناها انى اعمل اللى انا عاوزة بدون الاضرار بالاخرين

اما لو مديرى ف العمل لاحظت انة بيعمل خطا المفروض انى الفت نظرة بس بطريقة لطيفة وكمان لا تجرح شعورة اززاى ؟

يعنى زى ما بيقولوا بلغة الاشارة وهو اكيد هيفهم ودة عشان مصلحتى اولا وعشان لا اجرح شعورة ثانيا

مثلا انا قريت ان الحسن والحسين وهما اطفال كانوا يتوضئو ف مسجد واذا بهم شافوا شخص اكبر منهم بيتوضا خطا؟؟ يعملوا اية بذكاءهم وهما اطفال

قالوا للشخص دة ممكن تحكم بينا مين فينا بيتوضا صح ومين خطا ؟؟ وطبعا اتقنوا الوضوء امام الراجل دة وهو فهم طبعاااا

انا اول ما اشتغلت طبعا كنت زى شانا كدة اتكلم بحرية مطلقة ما دام انا صح ولا انتقى الاسلوب اللى مفروض اكلم بة رؤسائى ودة غلط طبعا

المهم انا شوفت المدير عمل قصادى خطا فادح

روحت مكتبة وقولتلة قاللى الدنيا كلها بتعمل كدة

المهم ما سكتش روحت لمدير الادارة واشتكيتة عشان ارجع للناس حقوقها اللى راحت وللاسف؟؟؟؟؟؟؟؟؟؟؟؟

مدير الادارة ضحك وبصللى بسخرية وقاللى اوكى يا بنتى هنعمل اللازم

وسا عتها عرفت ان الغلط من فوق مش من رءيسى وبس

دة مش معناة انى اسكت على الغلط

لازم اخلص ضميرى

قولوا الحق ولو على انفسكم

بس المهم الطريقة اللى اوصل بيها للحق دة

وربنا يهد كل ظالم ومفترى

[سهيلة]

اغرب حاجة عملتها بصراحة

انا دكتورة وكنت مرة رايحة اشوف حالة بالاسعاف

تفتكروا الحالة دى فين ؟؟؟ ف الصحرااااالانى كنت ايامها بشتغل ف محافظة ناءية

المهم

روحت وبعد ما كشفت على الحالة واحنا راجعين عربة الاسعاف عطلت واحنا ف وسط الصحرا وكان الوقت متاخر

المهم حاولت اتصل بالموبيل باى حد يبعتلى عربية ولكن الشبكة كانت واقعة للاسف :lol:

اعمل ايةةةةةةةةةةةةةةةةةة

نزلت لاقرب بيت هناك قصدى قبيلة

قالولى هو حل وحد انى اركب جمل واروح بية للطريق

وقعدت نص ساعة على الجمل لغاية ما وصلنىىىىىىى

وفعلا عملت كدة انا والممرضة اللى كانت معايا

بصراحة عمرى ما هنسى اليوم دة ابدااااااااااااااااااااااااااااااااا

ngh:

[بنت شعنونة]

سهيلة!!!!

دكتورة؟؟؟؟

منطقة نائية!!!!!!!!!!!!!

جمل؟؟؟؟؟؟

قبيلة؟؟؟؟؟؟

اسعاف؟؟؟؟؟؟؟؟؟؟

:lol: ha)

اوعي تكوني شغالة في مطروووووووووووووححححححححح :D

احمددددددددك يارب لقيت حد في المنفى معاياااااااااااااااا ngh:

[بنت شعنونة]

ماهي اكتر "علامة" تميزك... سواء في الكتابة في المنتديات او في الحقيقة..

بمعنى..

تفتكر الناس معلماك ب ايه؟ ايه اللي يخليهم يقولوا اول ما يشوفوه

دا فلالالالالالالالالالالالان hg)::

[سهيلة]

انا فعلا قضيت فترة من شغلى ف مطروح يا اخت شعنونة

ودى من احلى فترات حياتى بجد

بس دة من مدة طويلة

عموما اتمنى لك التوفيق من كل قلبى

[yasovinas]

اغرب موقف عملته في نفسي

كنت راكب سيارتي القديمه هايونداي اكسل وكانت الملكيه منتهيه فوقفتني دورية المرور وقال لي عسكري المرور حنسحب السيارة فقلت له طيب ممكن نوصل لغاية المنزل وكان قريب من مكان ما وقفوني وفعلا مشيت ورايا سيارة الدوريه لغاية ما وقفت عند البيت ولميت حاجاتي من السيارة واعطيت الجندي المفتاح وتوجهت ناحية باب البناية ولان الهايونداي لا تشتغل من غير ما تدوس على الدبرياج ما اشتغلتش مع صاحبنا عسكري المرور وبكل براءة قلت له دوس دبرياج

لو كنت سكت كان سابها شايفين الشطارة

[amir]

وبكل براءة قلت له دوس دبرياج

لو كنت سكت كان سابها شايفين الشطارة

ياسو انت كده :)