اختبار غريب لتحليل الشخصية

[Dreamwithme]

السلام عليكم ورحمة الله وبركاته

معانا الليلة اختبار غريب لتحليل الشخصية

هو بصراحة غريب ونتيجته معجبتنيش بصراحة لكن قلت أنقله لكم وتقولولي رأيكم أيه

اختبار تحليل الشخصيه...

تلقيت إتصالا عاجلا من طائرة توشك أن تقع

الطائرة تحوي 5 ركاب ومظلة إنقاذ وحيدة

الجو مشحون بالخوف والترقب.. كل الركاب يطلبون مساعدتك كي تختار من يستحق النجاة منهم

هذه إستغاثاتهم :

كابتن الطائرة

أنا أب لأربعة أطفال , خامسهم سيأتي بعد شهر, أمهم تحبني بجنون, أسرتي الصغيرة تحتاجني, لا عائل لهم سواي , أرجوك تفهم موقفي.. حاولت إنقاذهم وفشلت.. كل محركات الطائرة تحترق.. كلنا سنموت بعد دقائق. منذ ثلاثة أيام وأنا في الأجواء من بلد لبلد, فقط ساعة وسأكون مع أسرتي .. إنهم ينتظرون هداياي الآن..! أرجوك.. قدّر معنى أن تكون أباً .

سيدة حامل .

أنا في الشهر الثامن , شهر وسنكون أثنان..! نحن أثنان بالفعل, تفهّم حالتي.. نحن أثنان..! هذا الجنين ما ذنبه أن يحرم الحياة..؟ وأنا التي أحضنه.. ألا أستحق طوق النجاة هذا.؟ نتعب ونتألم كي نمنحهم الحياة, ولا نمنح نحن هذه الحياة.! أرجوك.. كلهم يبحثون عن حياتهم.. أنا ابحث عن حياة لأثنين !. إخترني.

طبيب جراح

كنت في طريقي لمستشفى لإجراء عملية قلب غدا.. تفهم شعور ذلك المريض الذي ينتظرني.. لا يوجد أحد قادر على إجراء عمليات معقدة كهذه سواي .. فكر في مئات المرضى الذين ينتظرونني.. فكر في عشرات الأطباء الذين سيأخذون مني علم يخدم البشريه. لا تهمني الحياة بقدر ما تهمني حالات المرضى الذين ينتظرونني. ستقوم بعمل عظيم لو اخترتني.

مغترب

ياااااه, ما أقسى الحياة, تغربت طويلا لأجل لقمة عيش لا تأتي إلا من البعيد, قريتي التي غادرتها منذ عشرين سنه على مقربة مني الآن, كل هذه السنوات لم استطيع أن آتي.. .. ما أصعب من أن تحرم من وطنك.. وعندما يستقبلك هذا الوطن من جديد.. تحرم من الحياه!. على ساعه فقط! تخيّل بعد ساعه, أنتظر كل هذا الزمن وتحرمني ساعة وحيدة من لقاء أحبتي.. أمي.. أبي.. اخوتي الذي تركتهم صغارا .. وأصدقائي و الأزقة التي ملأتها صراخا يوم كنت صغيرا. أنا منهار صدقني. كل أحلامي بلقائهم ستتبدد إن لم تخترني .

طفلة ( 9 سنوات ) 0

أنا صغيرة , كلهم جربوا الحياة طولا وعرضا, وجابوا دهاليزها, أنا في بداية الطريق, أشعر بالأمل وومملوءة بالطموح وبالفرح وبالغد المشرق أنا. ألا أستحق أنا الحياة التي يتشبثون بها!؟ أخترني ولا تحرمني غدي.

........

الآن و بعد أن سمعت نداءتهم وإستغاثاتهم.. من تمنح طوق النجاة الوحيد.. ؟؟؟؟؟؟؟

الخيار خيارك... قف مع نفسك بصدق.. وقل من ستختار لينجو .. وبعدها رتب البقية حسب إستحقاقهم للحياة من وجهة نظرك .

لا تنظر للإختبار وكأنه إختبار نفسي عابر... لا... تقمص الدور تماما.. تخيل تلك الإستغاثات وهي تعبرك .. تخيّل صراخهم وتشبثهم بالحياة.. وأنت من ستقرر من ستختار.. ويجب أن تختار .

إختياراتك ستحدد من أنت.. ؟ وكيف تفكر...؟

هذا اختبار نفسي .............لابد من اختيار من سينجو.........وترتيب البقيه حسب نظرتك لاهمية حياتهم ...........

بإمكان أي منكم معرفة نتيجة إختبار شخصيته عن طريق خيارك الأول اللي اخترته ..

فكـــر قبـل رؤيـــة النتائـــج::::::

اذا كان خيارك الأول (( الطبيب ))0

الشخصية الفولاذية – العملية

أنتم تعشقون العمل والإنجاز, لا مكان لديكم للعواطف والمشاعر الانسانية إلا إذا كان خياركم التالي الطفله. واقعيتكم أيضا تجعل من خيار الام الحامل في المرتبة الثانية من شخصياتكم بأنها متزنة جدا. فا العمل ولا شي غيره هو ما يجعلكم تعيشون هذه الحياة. من الصعب جدا على اصحاب هذه الشخصية أن يكونوا غرائبيون حالمون, بل تجدهم أناس عاديون, مملون في بعض الاحيان. المرح لديهم ثانوي . إلا إذا كان خيارهم الثاني هو الطفلة. من الصعب جدا على هذه النوعية من البشر أن يكون إختيارهم الثاني هو "المغترب" وإن حدث ذلك فثمة عوامل أخرى تدخلت في إختيارك .

بإختصار هولاء الناس عمليون, جادون, يحسبون الأشياء من حولهم بشكل علمي بعيدا عن العواطف. هولاء الناس يعيشون حاضرهم وحاضرهم فقط. وعلى الجانب الآخر , تجدهم محرومون من مشاعر إنسانية فياضة, يعيشون في غربة روح وغير إجتماعيون .

اذا كان خيارك الأول (( المغترب ))0

الشخصية الحالمة - الإنسانية

مغرمون هولاء بالسفر ومع ذلك يفجعهم البعد وتنهشم الغربة, للمكان حضوره الطاغي عليهم, يعشقون الرحلات والقصص والرويات, يعيشون أجواء الماضي كثيرا. تؤثر بهم عذابات الآخرين و تتألمون لها. تعتقد أنك بإستطاعتك أن تحول عذابات الآخرين وتداويها. لكنك تفشل كثيرا وتنجح قليلا. يحبونك. سوف لن تختار حتما بعد المغترب الطبيب, وإلا راجع ظروف إختيارك فهذا يجعلك في تناقض صارخ. وإن كان فأنت لا تعيش أبدا في سعادة ولم تكتشف نفسك. سيكون ملائما جدا لو أخترت الكابتن أو الطفلة . وإن أخترت المرأة الحامل كخيار ثاني للنجاة فهذا يعني أنك بدأت طريق العودة لتكون واقعيا نوعا ما .

بإختصار, هولاء الناس يعيشون الماضي بكل تجلياته الحزينة و المفرحة معا. عميقون في التفكير وفلسفة الأمور لكن تخذلهم النتائج دائما. يتحملون ويحملون كل العذابات فتجىء حياتهم حزينة ومتعبة. لكن ذكراهم تظل دائما جميلة.

اذا كان خيارك الأول (( كابتن الطيارة ))0

الشخصية المتزنة – الواقعية

يهتمون بالحياة الأسرية إهتماما مذهلا, يعشقون الأطفال ويتتلذذون بتربيتهم , يحبون عوائلهم وهم بشكل كبير يمثلون كل تفكيرك , عواطفهم نحو عائلاتهم قوية وجياشه, وعادية تجاه أعمالهم أو حتى أصدقاؤهم. من الطبيعي أن يكون خيارهم التالي الطفله أو الحامل أو حتى المغترب لكن لن يكون الطبيب أبدا. وإن كان فهذا يعني أنه ثمة خلل في الإختيار. هولاء يعيشون حاضرهم ومن الصعب عليهم جدا النظر بعمق للمستقبل, هم يتركون هذه الأمور وشأنها ويعيشون يومهم فقط . حتى الماضي برغم قساوته أحيانا وجماله عليهم إلا أنهم يتحاشونه. هولاء الناس ودودون حسنوا المعشر لكنهم غير عمليون وإن اضطروا لذلك فهم يمارسونه لبعض الوقت فقط فقط .

بإختصار, هولاء الناس يعيشون الحاضر بكل تجلياته الحزينة و المفرحة معا . سطحيون في التفكير, يبحثون فقط عن النتائج ويحبطون إذا لم يجدوهاا. يتحاشون الأحزان وإن صادفتهم المتاعب وللذكريات لديهم حضور بسيط .

اذا كان خيارك الأول (( الطفلة ))0

الشخصية الحالمة - الغير واقعيه

ينظرون للحياة وكأنها جنه, يحبون المتع واللعب واللهو, يحلمون كثيرا وغير واقعيون, لا يفكرون في الموت ولا الماضي ولا المستقبل , حاضرهم بسيط ولذيذ, لا يعوفون المصاعب وإن واجهته يعاملونها ببيرود وتجاهل. لا يحلون المشاكل ولا يساعدون لكن روحهم وقادة ومتحمسون لكل شي جديد ويملون سريعا . يحبون الخير و ينظروف بصفاء وسطحية للأشياء, لا يك....ون تلقائيون عفويون. للناس من حولهم تأثير وللمجتمع سطوة كبيرة عليهم, منقادون للنظم والقوانين وإن حالوا كسرها أحيانا, يعتذرون بسرعه ولا يجاملون.

بإختصار, هولاء الناس يعيشون الحاضر بعبث. لا يفكرون كثيرا وإن كانت أحلامهم كبيرة, يتوقون للنتائج الجميلة وتغضبهم النهايات السيئة. غير صبورون ولا يتحملون المتاعب. حياتهم مرحه شفيفه ولا ذكريات تستعهم .

اذا كان خيارك الأول ((المرأة الحامل))0

الشخصية البسيطة – العاطفية

يهتمون بالكم أكثر من الكيف, لا يهمهم كيف ستبدو الأمور فيما بعد, الأهم أن تكون جيدة الآن. يحبون الأطفال من ناحية إنسانية لكنهم لا يشكلون كل تفكيرهم, لهم جلد وصبر تجاه مسئولياتهم ومن الطبيعي جدا أن يكون إختيارهم الثاني الطفلة أو الكابتن. لكنه لن يكون المغترب أبدا. يهتمون بحاضرهم فقط ولا يعنيهم أمر المستقبل كثيرا, طيبون مسالمون وغير مبادرين. يجنحون لحب الكسب أكثر من غيرهم , ماديون اكثر من غيرهم وليسوا إنفعاليين أو عاطفيين تجاه المال والكسب . هولاء الناس يقضون وقتا طويلا في خدمة غيرهم, حسنوا المعشر لكن زعلهم يكون مرا ومن الصعب إستعادتهم للأجواء الأولى .

بإختصار, هولاء الناس يعيشون الحاضر, ماديون اكثر من عافييون, تفكيرهم بسيط لكن ليس سطحيا. تقلقهم النتائج ولا يبهرهم كثيرا الفوز, ففرحته تتلاشى سريعا لديهم. ينسون بسرعه ولايجنحون للذكريات كثيرا

لـ د.جون مانلرى.

[Howayda Ismail]

حيرتينى معاك يادريم

طيب ماتقولى انت اخترتى انه شخصية

انا اخترت انقاذ المرأة الحامل

واتضح فعلا التحليل فيه اشياء صحيحة لحد ما واخرى غير ذلك

[Dreamwithme]

كويس إن النتيجة معاكي طلعت مضبوطة يامدام هند

أنا نسيت أقول أنا اخترت أيه

أنا اخترت الطفلة

وطلعلي الكلام ده

اذا كان خيارك الأول (( الطفلة ))0

الشخصية الحالمة - الغير واقعيه

ينظرون للحياة وكأنها جنه, يحبون المتع واللعب واللهو, يحلمون كثيرا وغير واقعيون, لا يفكرون في الموت ولا الماضي ولا المستقبل , حاضرهم بسيط ولذيذ, لا يعوفون المصاعب وإن واجهته يعاملونها ببيرود وتجاهل. لا يحلون المشاكل ولا يساعدون لكن روحهم وقادة ومتحمسون لكل شي جديد ويملون سريعا . يحبون الخير و ينظروف بصفاء وسطحية للأشياء, لا يك....ون تلقائيون عفويون. للناس من حولهم تأثير وللمجتمع سطوة كبيرة عليهم, منقادون للنظم والقوانين وإن حالوا كسرها أحيانا, يعتذرون بسرعه ولا يجاملون.

بإختصار, هولاء الناس يعيشون الحاضر بعبث. لا يفكرون كثيرا وإن كانت أحلامهم كبيرة, يتوقون للنتائج الجميلة وتغضبهم النهايات السيئة. غير صبورون ولا يتحملون المتاعب. حياتهم مرحه شفيفه ولا ذكريات تستعهم .

يعني جزء من الكلام صح وجزء تاني مش صح يعني نص نص

[Howayda Ismail]

كويس إن النتيجة معاكي طلعت مضبوطة يامدام هند

يعني جزء من الكلام صح وجزء تاني مش صح يعني نص نص

ماهو نفس الكلام معاكى يادريم جزء صح والتانى لا

[م تيمور المراغي]

تحيه يا دريم

انا اخترت الطبيب الجراح

[Folana]

السلام عليكم ورحمة الله...

صباحك نادى يادريمى ...

مسئولية عظيمة دى أن يكون مصير انسان فى ايدك..ولا اله الا الله .

على أى حال أنا حأكتب اختياراتى بالترتيب واللى اختارتها من أول قراءة ، ومن قبل ما أقرأ التحليل النفساوى وكانوا كالاتى بالترتيب:

- الجراح....لإنى تخيلت المريض اللى فى انتظاره وشعرت بخيبة الامل اللى حيصاب بها اذا علم ان الطبيب لن يأتى لإنقاذه..ومن بعده مئات المرضى المنتظرين فرصتهم للنجاة أيضا....شعرت ان له رساله فى الحياة وهدف يعيش من أجله ومش عايز يعيش لاى سبب شخصى .

- الطيار....بالرغم من انى ماعجبنيش تبريره بأن زوجته بتحبه بجنون ( طب وهو ايه موقفه يعنى :) )..الا انى فكرت فى اولاده وشعرت بمدى حسرتهم وتخبطهم فى الحياة بعد فقدان عائلهم الوحيد.....ولو انه كمسئول عن الطائرة مفروض ينقذ الركاب الاول حتى لو فقد حياته يعنى .

- الطفلة.....مش لأن لسه قدامها حياة ومن حقها تلعب وتلهو...ولكن لانى تخيلت صدمة امها اذا فقدت طفلتها .

- السيدة الحامل.....متهيألى حأكون بأخدمها لو أخرت اختيارها ...لان المولود لو جاء للدنيا اليومين دول وخصوصا لو مصرى..حيزعل قوى من مامته :)...

- المغترب....يعنى وضعته اخر القائمة لانه كده كده تعبان وبيشتكى :) ...يبقى نريحوه من الدنيا وتعبها بدرى بدرى...وهو أصلا اتغرب عشرين سنة ماشفش اهله علشان يعمل القرشينات..يبقى يكمل جميله بقى ويشوفهم فى الجنة ويسيب غيره ياخد فرصته ....

ومش عارفة تحليل الترتيب ده ايه ..لكن ده اللى حأعمله لو كان بيدى القرار...والأهم من كل ده...ان أكيد انا اللى حأستخدم المظلة لو مافيش غيرها...وياروح مابعدك روح.....:)

جمعة مباركة

[لماضة مصرية جدا]

السلام عليكم رحمة الله و بركاته

صباحو سيكوباتي بالصلاتو ع النبي يا ريس دريمي...(مش عارفة ليه كل اما اشوفك لابسة الزعبوط علي دماغك ابقي عايزة اقولك يا ريس :P )

بصي يا جميلة...الغريب في الاختبار مش اختياراته ابدا...ابسلوتلي

لان ببساطة اكيد هتلاقي جزء من شخصيتك متحقق في اي واحدة منهم...ما هم كده بتوع علم النفس و تحليل الشخصية بيبقوا عايزينك تتدردبي و تقعي بلسانك

و الحقيقة انتي لو بصيتي عل الاختيارات الخمسة هتلاقي انها كل الشخصيات و كل الاحتمالات

و الاهم انك ممكن تكوني بتمري بكل المراحل ديت من الطبيب...للطفلة...للست الحامل...للمغترب...بس طبعا علي حسب الموقف

و انا شخصيا بفضل ان مالهاش نمط عام اقدر احكم بيه علي شخصية اللي قدامي...لاني ممكن تتغيري و اختيارك نفسه يتغير

طبعا بعد بوقين الفلسفة السيكوباتية اللي ع غيار الريق

احب اقولك

اني اندهشت

و انبعجت

و اذبهليت

قوليلي...ليه

قولتيلي ليه

علشان الاختبار دوت انا عملته سعادتك في 2 ثانوي....حيييييييلو

و حافظاه ظهرا عن قلب يعني

و عملته برض تاني دلوكيتي....قولي....حيييييييييييلو

و لقيت نفسي اني فعلا متغيرتش....هي لماضة بكل الغباء و الاندفاع العاطشفي و القناعات اللي مش عارفة اغيرها :closedeyes:

اختنرت الطفلة و مفكرتش هختار مين بعديها اصلا...تفكيري توقف في المربع دوت

و طبعا حد هيقولي يا ختي كاميلة...ننوس عين ماما انتي....(و ربنا هعوره)

بس انا اكتشفت ان اختياراتي و قراراتي بمعني اصح في حياتي لسه بتخضع لانفعالاتي و اندفاعي بشكل اوضح يعني

بس لو تسمحيلي انا ركبت الاختبار بطريقة تانية خالص

تخيلي

طفلة....طبيب...مغترب

ال3 اختيارات دولم...اضربيهم في الخلاط...

يعني المقادير هتكون كالتالي

بني آدم بروح طفلة

و بني آدم تاني بروح طبيب

و حالة اغتراب

لو حطينا المقادير دي علي بعض في الخلاط

تفتكري تطلع كوكتيل ايه؟؟ و طعمهم ايه

هيبقي طعمه...منهك...و هتبقي علاقة باردة...و مخيبة للتوقعات و الاحلام...و يمكن تزيد اطرافها اغترابا

و كفاية عليا كده علشان انا عمالة اكب اكتر مما يحتمل الموضوع

مش قولتلك يا بنتي....هي كده اختبارات علم النفس بتخلي الواحد يبقي عامل زي الجردل اللي كان مليان لتمة عينه مية و بعدين بقي ماشي عمال يدلدق

صباحك.....نكش في جوه روحنا....يمكن نستريح...يمكن

[عبير يونس]

صباح الفل

مريت ع التوبيك كتير

و اعذريني يا دريم مقدرتش أعمل الاختبار

هروب من اتخاذ القرار

مقدرش اختار

و بادعي ربنا من قلبي ما يحطنيش في مواقف مشابهة

كل واحد فيهم له اللي عايزينه

الطفلة حتحرق قلب مامتها

و الطبيب مش عشان مهنته لأ عشان انسان برضه له أهل و أحباب عايزينه

و كمان المغترب

و كمان الست الحامل

و كمان كابتن الطيارة

أنا أصلي باعتبر ان كل انسان في الدنيا له أهمية

حتى لو احنا شايفينه تافه !

في غيرنا شايفينه كل حياتهم

الاختيار صعب جدا جدا جدا

و عشان كده مش حقدر اختار حد فيهم

الاختبار ده فكرني بفيلم تيتانك

بجد مش قادرة اختار

كلهم مهمون

و كلهم يستحقون الحياة

[طارق مصرى]

أعتقد من الحكمة إنقاذ الحامل حيث اننا فى هذه الحالة سننقذ روحين بضربة واحدة ...

[ابراهيم عبد العزيز]

أختار إنقاذ الطبيب الجراح لأن بانقاذه ننقذ مريض ينتظره ونعطيه فرصة لكي ينقل علمه لمئات الطلاب بعده

وبالباقية من وجهة نظري يكون ترتيبهم كالتالي :

السيدة الحامل لأن بانقاذها إنقاذ لروح أخرى ثم الطفلة لعمرها وحقها فى الحياه ثم المغترب ثم كابتن الطائرة

وعلى فكرة عندما قرأت التحليل المندرج تحته الترتيب الذي وضعته وجدته مقارب في أمور كثيرة للواقع

تم تعديل 14 أكتوبر 2011 بواسطة ابراهيم عبد العزيز

[ابراهيم عبد العزيز]

صباح الفل

مريت ع التوبيك كتير

و اعذريني يا دريم مقدرتش أعمل الاختبار

هروب من اتخاذ القرار

مقدرش اختار

و بادعي ربنا من قلبي ما يحطنيش في مواقف مشابهة

كل واحد فيهم له اللي عايزينه

الطفلة حتحرق قلب مامتها

و الطبيب مش عشان مهنته لأ عشان انسان برضه له أهل و أحباب عايزينه

و كمان المغترب

و كمان الست الحامل

و كمان كابتن الطيارة

أنا أصلي باعتبر ان كل انسان في الدنيا له أهمية

حتى لو احنا شايفينه تافه !

في غيرنا شايفينه كل حياتهم

الاختيار صعب جدا جدا جدا

و عشان كده مش حقدر اختار حد فيهم

الاختبار ده فكرني بفيلم تيتانك

بجد مش قادرة اختار

كلهم مهمون

و كلهم يستحقون الحياة

كلامك صحيح طبعا يا أخت عبير الكل يستحق الحياه وهنا صعوبة الإختبار

ولكن دائما إختبارات علم النفس كما تعلمي ظاهرها غير مرادها

يعني هذا الإختبار ليس مقصودا منه ترتيب الناس فى أحقية الحياه , ولو كان كذلك فليس من حق حد أن يرتب الناس من حيث أحقية الحياه لان ذلك فى يد الله سبحانه وتعالى فقط ولا تنسي أنها حالة إفتراضية

نكون سعداء لو شاركتي في هذا الإختبار

تم تعديل 14 أكتوبر 2011 بواسطة ابراهيم عبد العزيز

[لماضة مصرية جدا]

حذفتهابكامل قوايا العقلية....او ما تبقي منها يعني:)

تم تعديل 14 أكتوبر 2011 بواسطة لماضة مصرية جدا

[rewsha]

بالنسبه لي كان الترتيب كالاتي

1-الطيار (لاني حطيت نفسي مكان زوجته اللي بتحبه بشده )

2-الطفله علشان صدمة امها

واحترت الطفله الاول وله الطيار ؟

بس مش عارفه ليه بررت لنفسي الترتيب اللي اختارته (ان الواحد لو فقد طفله ممكن ربنا يكون انعم عليه بطفل تاني ,او ممكن ربنا يكرمه بطفل تاني)

لكن لو فقد زوجه وحبيبه صعب قوي تتعوض

3-المغترب

4- الام الحامل

5الطبيب

وماحدش يساْل عن سبب ترتيب رقم 3 و4و5

تفتكروا كده انا ممكن اعيش؟ :unsure:

[Om Zayd]

الحمد لله على سلامتك يا روشة

وحشتينا

عملت الاختبار ده زمان

و برده نفس النتيجة

استبعدت الطفلة و الام الحامل من الاول

لان رغم تعاطفي الشديد معهما .. احتمالية نجاحهم في القفزة و نجاتهم اقل من الباقين

الطفلة فكرت آخدها معايا -حيث ان وزني خفيف و ممكن الباراشوت يتحملنا سوا .. مش متأكدة هقدر امسكها كويس ام لا .. لكن الامر يستحق المحاولة

غالبا الطيار كان هيبقى اكثر الموجودين تأهيلا

باختصار فكرت مين أكثر واحد ممكن يستفيد بالفرصة دي أصلا

مش هيعمل ايه بعدها و مين مستنيه و حياته متوقفة عليه

[Kareem the Angel]

بصراحه انا اخترت الطفله بدون تفكير....مثل مدام لماضه...انا احب الاطفال جدا ..ربما لاني فقدت احد ابنائي يوما ما ...لا اعلم ....

ايضا وضعت الطيار في الاختيار الثاني حتى لايحزن اطفاله...والثالث كان المغترب ..الرابع السيده الحامل...اما على عكس ناس كثيره فقد وضعت الطبيب في المركز الاخير ربما لقناعه مني ان المريض سيجد من يجري له العمليه في كل الاحوال...

انا انسان عاطفي لكني ارفض تحليل شخصيتي علي اني "تايه في الدنيا وعمال احلم ومش داري بحاجه"....اشكرك على هذا الاختبار..

[عصام أبوالفتح]

اختيارى كان للجراح . . بعد ما ربطته مع الطفلة . . املى انه ميكونش بكرش!  

[لونا]

اخترت الطيار

سبب اختياري هو كام شخص سيتأثر بفقدانه ..

الزوجة و الأولاد سيتأثرون ليس فقط عاطفيًا و لكن الأب هو أحد أعمدة أي أسرة

بعد كدة احترت بين الحامل و الطفلة

و لكن اخترت الحامل ..لإنقاذ روحين

ثم الطفلة .. عشان خاطر والديها

و المغترب و الطبيب سيان .. حجتهم ما أثرتش فيه

أو فهمت إن ما فيش حد حيتأثر نفسيًا بفقدانهم .. و أما الطبيب فموجود غيره

النتيجة إني

اذا كان خيارك الأول (( كابتن الطيارة ))0

الشخصية المتزنة – الواقعية

يهتمون بالحياة الأسرية إهتماما مذهلا,( صحيح جدًا )

يعشقون الأطفال ويتتلذذون بتربيتهم (مش بتلذذ أوي يعني)

, يحبون عوائلهم وهم بشكل كبير يمثلون كل تفكيرك , عواطفهم نحو عائلاتهم قوية وجياشه, وعادية تجاه أعمالهم أو حتى أصدقاؤهم. من الطبيعي أن يكون خيارهم التالي الطفله أو الحامل أو حتى المغترب لكن لن يكون الطبيب أبدا. وإن كان فهذا يعني أنه ثمة خلل في الإختيار. هولاء يعيشون حاضرهم ومن الصعب عليهم جدا النظر بعمق للمستقبل, هم يتركون هذه الأمور وشأنها ويعيشون يومهم فقط . حتى الماضي برغم قساوته أحيانا وجماله عليهم إلا أنهم يتحاشونه. هولاء الناس ودودون حسنوا المعشر لكنهم غير عمليون وإن اضطروا لذلك فهم يمارسونه لبعض الوقت فقط فقط .

بإختصار, هولاء الناس يعيشون الحاضر بكل تجلياته الحزينة و المفرحة معا .

(تمام لحد كدة)

سطحيون في التفكير, يبحثون فقط عن النتائج ويحبطون إذا لم يجدوها.

(لحد هنا stopppp أنا لا أتخيل إني ممكن أكون سطحية التفكير .. و لا أحبط أبدًا إذا لم يتحقق ما أتمناه أو ما سعيت للحصول عليه )

يتحاشون الأحزان وإن صادفتهم المتاعب وللذكريات لديهم حضور بسيط .

(لكن فعلًا أنا مش باحب أتذكر ذكريات تعيسة

و الذكريات الجميلة باحب أستحضرها لأسعد بها

صحيح بارسم خطط للمستقبل و أحاول تنفيذها لكن أنا مش من النوع القلق

و باحب أتوكل على الله دايمًا بعد ما أسعى)

[MemoG]

انا اخترت

1-الطفلة

2-السيدة الحامل

3-الطيار

4-الطبيب

5-المغترب

بس نتيجة التحليل مش كلها صح ولا كلها غلط

[Alshiekh]

أنا بقى فكرت في حل مش موجود في الإجابات

يربطوا نفسهم مع بعض وينطوا بالمظلة مع مع بعض

يايموتوا سوا يايعيشوا سوا

يمكن المظلة بتاعتهم تتعلق بشجرة أو بنخلة أو بعمود نور

أو ربما تقدر قوات الإنقاذ تقدر تعمل لهم خيمة متحركة يقعوا فيها.

لكن علشان أنا أقرر مين فيهم يعيش واسيب الباقيين يموتوا ، اختيار صعب وحتى الشخص اللي حايعيش منهم ماحدش عارف عمره ينتهي امتى ، ممكن الصدمة ( صدمة الفرحة أو صدمة الرعب ) تموته ، أو ممكن يموت في الجو ، أو يفضل حاسس بالذنب على انانيته وتسببه في موت من كان يعتقد انه احق منه ان يعيش.

[Salwa]

صباح الرضا.

انا ايضا رأيى من رأى الاستاذ محمد.

صعب تحديد شخص بعينه.

ومش من حق اى انسان يحدد عمر اى انسان تانى ..!!

على اى اساس بتختاروا ؟؟

مش يمكن اللى حاتختاروه ده ميكونش هو الأفضل؟؟

هو بس الأفضل من وجهة نظركم.أو .من وجهة نظر من اختاره فقط .

لكنه ليس الأفضل بالنسبة لحكم الآخرين ...بدليل ان اختياراتكم لم تتفق على شخص معين.

و..

المثل بيقول ( ادينى عمر وارمينى البحر )

قبل كل ده وبعده كمان....

الأعمار بيد الله ومش بأى اختيارات لأى انسان .

انا عندى يقولوا معرفتش تعمل الاختبار ..ولا انى اختار شئ انا مش مقتنعة بيه .

ببساطة يعنى هو ده ردى .

صباح التفاؤل..... :clappingrose: