الحبس و الغرامة لمن يعمل على التمييز بين المواطنين

[جويرية]

مطلوب أنسة

مطلوب أنسة محجبة

مطلوب أنسة غير محجبة

مطلوب أنسة حسنة المظهر

دي كانت أمثلة من إعلانات أصحاب الأعمال ، فيها تمييز ضد المتزوجة ، المطلقة والأرملة ، وضد الرجل.

مثل هؤلاء يجب أن يتم التحري عنهم وإثبات قيامهم بالتمييز ومحاسبتهم

وده مش مخالف للحرية اللي مفروض يتمتع بيها كل مواطن ، مش كل واحد ادري بظروفة لو واحد عايز موظفة انسة عشان تكون متفرغة اكتر للشغل ، لازم يجبر انه يشغل المتزوجة

صاحب عمارة مسيحي الديانة ، لاتجد بها ساكن مسلم واحد ويرفض سكنى المسلمين تصريحا أو فعلا.

صاحب عمارة مسلم الديانة ، لاتجد بها ساكن مسيحي واحد ويرفض سكنى المسيحيين تصريحا أو فعلا.

صاحب عمارة يرفض أن تسكن لديه مطلقة أو أرملة بحجة أنه يؤجر للأسر فقط.

صاحب عمل سلفي ، كل من يعملون لديه ملتحين وليس بينهم حليق واحد.

يعني واحد بيكره المسلمين او بيكره المسيحيين نقوله حبهم بالعافية و سكنهم في بيتك

القانون ده بيعاقب علي ما في القلوب

صاحب عمل مسيحي ، لاتجد لديه موظف مسلم اللهم إلا لو كان عامل أو عاملة نظافة. رأيت ذلك بنفسي بمستشفى مشهور بالأسكندرية مع إستثناء الأطباء من ذلك ولو أن معظم أطباء المستشفى كانوا من المسيحيين.

مثل هؤلاء يجب أن يتم التحري عنهم وإثبات قيامهم بالتمييز ومحاسبتهم.

الاقربون اولي بالمعروف ، انا بيعجبني في المسيحيين مش بيشغلوا ومش بيشتروا غير من مسيحيين زيهم

شئون التوظيف في المصالح العامة والخاصة ( القطاع الخاص ) الذين يميزون بين المتقدمين لوظائف سواء بسبب الجنس أو الدين ونعلم أن ذلك يتم على نطاق واسع وبالذات ضد المسيحيين حيث حضرت أكثر من واقعة منها واحدة ضد طبيب مسيحي صديق حيث أخبره الأفندي صراحة أن " المدير يرفض تعيين النصارى " ( مديرية الصحة بالإسكندرية ). واحدة أخرى بحي المنتزة على الرغم من ان الكثيرين من المسيحيين يعملون بالحي ، ولكن يبدو انه كانت هناك مفاضلة لصالح مهندس مسلم ، مع العلم كلهم في ذلك الحي حرامية ومرتشين.

لا القطاع العام يختلف ، المفترض ان المعيار هو الكفاءة مش مسيحي و لا مسلم ، لكن اللي بيحصل ان المرتبات دي منحة من الحكومة للشعب و مش ليها علاقة الموظف بيشتغل ولا لأ

فالمنحة دي مفروض المسيحيين يبقي ليهم نصيب منها بقدر نسبة عددهم في المجتمع

[أبو يمنى]

اين قانون التمييز الان ؟؟؟

http://www.youtube.com/watch?v=T3_qmcNBIck

[Alshiekh]

اين قانون التمييز الان ؟؟؟

http://www.youtube.com/watch?v=T3_qmcNBIck

في نظري لايوجد تمييز في هذا الأمر ، المعهد لم يحاسبها على دينها ، ولكن على لبسها الذي تخفي شخصيتها خلفه.

المعهد او الدتورة لم تسألها عن دينها وادارة المعهد لم يسألوها عن دينها ، بل سألوها ان ترفع النقاب واكيد هناك طالبات محجبات.

منقبة تريد ان تدرس الـ IT إزاي؟

منقبة وحتتعامل مع الرجال ازاي؟ مش خاتكلم عن الأمن او السيكيوريتي زي الشيخ المذيع ماقال ، هل سيتم توظيف طقم سكرتارية حريمي علشان يبقي يتأكد ان التلميذة المنقبة واحدة ست مش واحد راجل متخفي في ملابس منقبة؟ وهل طبقا لمفهومها ستسمح لإمرأة أجنبية أن تري مفاتنها؟

ياترى بعد التخرج حاتطلب وظيفة في مكان لايرتاده الرجال؟ وياترى لو كلفت بتنفيذ شغل لصالح شركتها لدى شركة أخرى ستطلب من الشركات الأخرى ان يعينوا لها سيكيوريتي من الجنس اللطيف علشان يتأكدوا من شخصيتها؟ ويعينوا لها نساء مرور علشان يشوفوا رخصة القيادة بتاعتها؟ وهل طبقا لمفهومها ستسمح لإمرأة أجنبية أن تري مفاتنها؟

أنا رأيي اللي عايزة تنزل سوق العمل والدراسة تشيل النقاب وتبقى زيها زي باقي النساء المحجبات ، لكن كل يوم عاملة لها مشكلة في مكان ما ماينفعش.

[MZohairy]

لن يكتمل القانون و الفائده المرجوه منه قبل معاقبة الكاره المعلن

انت حر ان تكره من تشاء

و لكن اعلانك الكراهيه أمر تستحق عليه العقوبه بما سببته للآخر من اذى

[أبو يمنى]

اين قانون التمييز الان ؟؟؟

http://www.youtube.com/watch?v=T3_qmcNBIck

في نظري لايوجد تمييز في هذا الأمر ، المعهد لم يحاسبها على دينها ، ولكن على لبسها الذي تخفي شخصيتها خلفه.

المعهد او الدتورة لم تسألها عن دينها وادارة المعهد لم يسألوها عن دينها ، بل سألوها ان ترفع النقاب واكيد هناك طالبات محجبات.

منقبة تريد ان تدرس الـ IT إزاي؟

منقبة وحتتعامل مع الرجال ازاي؟ مش خاتكلم عن الأمن او السيكيوريتي زي الشيخ المذيع ماقال ، هل سيتم توظيف طقم سكرتارية حريمي علشان يبقي يتأكد ان التلميذة المنقبة واحدة ست مش واحد راجل متخفي في ملابس منقبة؟ وهل طبقا لمفهومها ستسمح لإمرأة أجنبية أن تري مفاتنها؟

ياترى بعد التخرج حاتطلب وظيفة في مكان لايرتاده الرجال؟ وياترى لو كلفت بتنفيذ شغل لصالح شركتها لدى شركة أخرى ستطلب من الشركات الأخرى ان يعينوا لها سيكيوريتي من الجنس اللطيف علشان يتأكدوا من شخصيتها؟ ويعينوا لها نساء مرور علشان يشوفوا رخصة القيادة بتاعتها؟ وهل طبقا لمفهومها ستسمح لإمرأة أجنبية أن تري مفاتنها؟

أنا رأيي اللي عايزة تنزل سوق العمل والدراسة تشيل النقاب وتبقى زيها زي باقي النساء المحجبات ، لكن كل يوم عاملة لها مشكلة في مكان ما ماينفعش.

الأخ الفاضل محمد ، المبررات الذي ذكرتها مثل "التحقق من الشخصية" و "التعامل مع الرجال" لا أراها هي السبب الرئيس لإقصاء المنتقبات من مجالات عدّة .

لاحظ أن بلداً مثل السعودية الغالبية العظمى من النساء منتقبات ، ولم يتسبب ذلك في مشاكل من احتكاكهن بمجالات التعليم والعمل وغيرها .

فإذا أضفت إلي هذا التضييق التضييق المناظر على الشباب الملتحي في مجالات عدّة لأدركت أن القضيّة هي العداء ضد مظاهر الدين والالتزام ، وليست مجرّد التحقق من الشخصية أو التعامل (الأمثل) مع الرجال .

مع التحية .

تم تعديل 20 أكتوبر 2011 بواسطة تامر حسن محمد

[MohamedAli]

أنا رأيي اللي عايزة تنزل سوق العمل والدراسة تشيل النقاب وتبقى زيها زي باقي النساء المحجبات ، لكن كل يوم عاملة لها مشكلة في مكان ما ماينفعش.

رأيك هذا حالياً مجرم قانونياً ويعرضك للحبس والغرامة طبقاً لقانون التميز :)

[Alshiekh]

أنا رأيي اللي عايزة تنزل سوق العمل والدراسة تشيل النقاب وتبقى زيها زي باقي النساء المحجبات ، لكن كل يوم عاملة لها مشكلة في مكان ما ماينفعش.

رأيك هذا حالياً مجرم قانونياً ويعرضك للحبس والغرامة طبقاً لقانون التميز :)

القانون بيقول:

وعرف المشروع الجريمة بانها اي عمل او امتناع عن عمل يكون من شأنه احداث التمييز بين الافراد او ضد طائفة من طوائف الناس بسبب الجنس او اللغة او الاصل او الدين او العقيدة وترتب على هذا التمييز اهدار لمبدأ تكافؤ الفرص او العدالة الاجتماعية او تكدير للسلم العام".

زي مانت شايف أهو ، القانون مفيهوش زينب ، قصدي مفيهوش نقاب.

يبقى حاتلبسني قضية على مزاجك؟ :protest:

[MohamedAli]

أنا رأيي اللي عايزة تنزل سوق العمل والدراسة تشيل النقاب وتبقى زيها زي باقي النساء المحجبات ، لكن كل يوم عاملة لها مشكلة في مكان ما ماينفعش.

رأيك هذا حالياً مجرم قانونياً ويعرضك للحبس والغرامة طبقاً لقانون التميز :)

القانون بيقول:

وعرف المشروع الجريمة بانها اي عمل او امتناع عن عمل يكون من شأنه احداث التمييز بين الافراد او ضد طائفة من طوائف الناس بسبب الجنس او اللغة او الاصل او الدين او العقيدة وترتب على هذا التمييز اهدار لمبدأ تكافؤ الفرص او العدالة الاجتماعية او تكدير للسلم العام".

زي مانت شايف أهو ، القانون مفيهوش زينب ، قصدي مفيهوش نقاب.

يبقى حاتلبسني قضية على مزاجك؟ :protest:

لو قرأنا بدقة هتلاقى زينب وسوسن كمان قصدي نقاب وحجاب وصليب

اى اهدار فرص او تمييز بسبب العقيدة سواء (حجاب نقاب صليب لحية) يعاقب عليه القانون

لأنهه تمييز بسبب العقيدة

[وردة الايمان]

وانا رأى ان ننتظر نتيجة هذه القوانين

هل هيكون مصيرها مثل مصير باقى قوانين حقوق الانسان التى تم اهمالها ام سيتم تفعيلها وتطبيقها

انا من رأى ان ننتظر النتيجة وانا كلى امل ان الفترة القادمة هيكون فيها تطبيق اكثر للقانون

لأن المعاقبة ستكون حقيقية ورادعه

[MemoG]

طيب ممكن سؤال

الناس اللي بتفرق في المعامله بين المصري والاجنبي مهما كانت جنسية الاجنبي دا

دول بردو من ضمن الناس اللي هيطبق عليهم القانون دا

يعني مثلا انا كان في علي النت موقع محل لملابس المحجبات والعبايات الخليجي

ومستنية انزل مصر بفروغ الصبر علشان اروح واشتري كام حاجة شوفتهم علي الموقع

والمفروض انه محل ليه اسمه في مصر روحت المحل لقيت معاملة مش كويسة وحاجة اخر قلة ذوق

مش عايزين يقوموا من مكانهم ولا يخلو الواحد يلمس حاجة ولا يشلها من علي الاستاند بتاعها

مع اني مش من الناس اللي بتدخل المحل تبهدل وتقلب في كل حاجة

وفاجئة تدخل واحدة خليجية المحل كلو يقف علي رجلو والاضاءة كلها تنور وانتو فهمين الباقي بقي

انا طبعا بقيت واقفة مذهولة من المنظر والصدمة اللي اتصدمتها في اهل بلدي وخرجت ومش اشتريت حاجة

وبردو حصل مع ناس تانية قدامي انا وجوزي موضوع التفرقة دا وفين في منتجع بشرم الشيخ

قولت لجوزي ساعتها الظاهر المصريين كلوهم بقوا كدا