ربنا معاك يا زين الدين

[kfaya]

يخوض اليوم الرئيس التونسى زين الدين بن على معركة انتخابية شرسة تتردد أصدائها فى كل بيت فى تونس الشقيقة ... بل فى الوطن العربى كله ..

حيث يتنافس أمامه لأول مرة خصمين قويين من المعارضة على منصب الرئاسة الذى يشغله زين الدين منذ سبعة عشر عاما ....

و بالأمس القريب خاض أيضا بن على معركة برلمانية عنيده نجح فيها بشق الأنفس حتى تم تعديل الدستور بما يسمح لرئيس الجمهورية الحالى أن يرشح نفسه لعدد غير محدود من الفترات .....

قلوبنا معك يا بن على ..... و لو كان لى حق التصويت بالتأكيد كنت هاصوت ..

[yasovinas]

قلوبنا معك يا بن على ..... و لو كان لى حق التصويت بالتأكيد كنت هاصوت ..

على الفكرة الحاجه الوحيده اللي يكفلها الدستور لاي واحد في العالم خصوصا العالم العربي

هو انه يصوت (كده ) بااالهووووييييييي يا خرااااابيييييي

خد راحتك وصوت للصبح

[فــيــروز]

قلوبنا معك يا بن على ..... و لو كان لى حق التصويت بالتأكيد كنت هاصوت ..

تصوت ليه بس مفروض تزغرد

الجدع جايب 94.48 فى الميه بمجهوده !! ;) مرحله اولى ان شاء الله h):

إعادة انتخاب بن علي بـ 94.48% من الاصوات

مراقبو الانتخابات العرب والافارقة والأوروبيين يؤكدون شفافيتها، وتطابقها مع معايير الانتخابات الديمقراطية.

ميدل ايست اونلاين

تونس – افادت النتائج الرسمية للانتخابات الرئاسية الاحد في تونس والتي صدرت الاثنين ان الرئيس التونسي زين العابدين بن علي قد اعيد انتخابه بـ94.48 % من الاصوات لولاية رابعة مدتها خمس سنوات.

وحصل اثنان من المنافسين الثلاثة لبن علي، هما محمد بوشيحة ومنير الباجي، على 78،3% و79،0% من الاصوات، على التوالي.

اما محمد علي حلواني فحصل على 0.95% من الاصوات.

وستعلن وزارة الداخلية ظهر الاثنين الارقام الرسمية النهائية.

من جهته ذكر احمد بن حلي رئيس مهمة المراقبين التابعة للجامعة العربية الاحد ان الانتخابات العامة التي اجريت الاحد في تونس "لم تشهد تجاوزات كبيرة".

وقال "حسب المعلومات الاولية، لم نلاحظ تجاوزات كبيرة، وثمة فقط تفاصيل عملانية تتعلق بالتنظيم ولا تؤثر بشيء على مصداقية الانتخابات".

واعتبر بن حلي الامين العام المساعد للشؤون السياسية في الجامعة العربية ان "الانتخابات نظمت طبقا للمعايير الموضوعية الدولية"، موضحا ان "الظروف أتاحت للمواطنين عموما التعبير بحرية عن اختيارهم".

واضاف ان هذه الانتخابات هي "انعكاس لدرجة تطور المجتمع وتشكل مرحلة في ترسيخ الديموقراطية" في تونس".

وقد تابعت مهمة الجامعة العربية المؤلفة من عشرة اشخاص، بدعوة من السلطات التونسية، سير الانتخابات في تونس العاصمة وفي بعض المناطق تمهيدا لرفع تقرير الى الامين العام للجامعة عمرو موسى.

واكد موسى ميشال تابسوبا، رئيس مهمة الاتحاد الافريقي، في تصريح للتلفزيون التونسي، ان الانتخابات كانت "موضوعية"، اما روبير اوربان العضو السابق في الحكومة البلجيكية فأكد ان "كثيرا من المواطنين تمكنوا من التصويت بسرية".

واضاف ان "القانون الانتخابي التونسي يتطابق مع معايير الانتخابات الديموقراطية".

من جانبها، تحدثت سعيدة بن حبيلس الوزيرة الجزائرية السابقة عن "احترام القانون واستخدام العازل ومشاركة كثيفة للنساء وحضور المسنين".

الناجح يرفع ايده rs:

[se_ Elsyed]

تونس زي مصر زي الجزاير زي بقيت دول الأشاوس .. كله بيظبط الإنتخابات وكله أساتذه ورؤساء أقسم في طبخ النتايج وتعديل الدستور وقلوظة الكراسي .. ومؤخراً أصبحوا جميعاً خبراء في " علم المواريث " وبقى كل واحد يدور على مين اللي هايورث العزبة بعد ما يمشي .. سواء مشي بمزاجه او غصبٍ عنه ... ..

مش إسم النبي حرسه وصاينة زين العابدين بن علي هو اللي قيف الدستور عشان يضمن عدم ملاحقته قضائياً هو أو أي حد من أفراد الأسرة الكريمة بعد ما يخرج من الحكم ( ده لو قام أساساً من على الكرسي )

وطبعاً في تونس ما فيش حاجة إسمها معارضة أو حركات إسلامية أو حتى حد بيقول " صلي عالنبي "

الـ ;) موجوده على طول .. وحتى لاحظوا كده إن تونس دوناً عن المغرب والجزاير ما فيهاش أي أصوات إسلامية لأن الراجل مؤمن بالعلمانية قلباً وقالباً والست اللي بتتحجب أو الراجل اللي بتظهر عليه بودار الصلاة بيقوم قاطفه بدري بدري قبل ما ينشر العدوى بين الناس .

نرجع ونقول إن الشعوب تستحق حكامها ...

[kfaya]

لا بد من البحث عن ذلك الجين الغريب الذى يسبب تلك الحالة الأستمساكية اللا تبادلية عند الحكام العرب ....

نفسى أعرف لييييييييييييه ؟؟؟؟؟؟!!!!!!!!

الشقيقة تونس كان من الممكن أن تكون القدوة ..... رأس السهم الذى يقود الأمة العربيه و يبدأ رحلة التحديث و الأصلاح ....

تونس الشقيقة تتمتع بالأستقرار الأمنى و السياسى ...... يعنى مفبش حجة الخوف على البلد من انتقال سلس للسلطه و لا ارهاب و لا جماعات ولا حاجة خالص .... أيضا تتمتع تونس بمستوى معيشة مرتفع و قطع خطوات بعيدة فى الأصلاح الأقتصادى ....

يعنى معندوش أسباب قوية للتمسك بالقيادات الحالية و التى تحكم منذ 17 سنة ....

لقد أضاع بن على فرصة أن يكون مهاتير العرب ......

لقد فعلها سوار الذهب مرة ........ و يبدو أنها كانت الأولى و الأخيرة .

[disappointed]

الجدع جايب 94.48 فى الميه بمجهوده !!  ;) مرحله اولى ان شاء الله

بس برضه يا فيروز.... الجدع بتاعنا أشطر و مجموعه بيبقى أعلى من كده..... خصوصاً بقى لمّا تضمّى على المجموع المستوى الرفيع ممكن مجموع الأصوات اللى بيأخذها يعدى الــ100% بعد ما نستورد شويّة أصوات من السودان مع اللحمة السودانى اللى بنستوردها دلوقتى

وربّنا يخلّى لجدعنا المستوى الرفيع...و يخلّى لينا إحنا المصران الغليظ

و من جدعنا لجدعهم..... الجدعان جدعانّا كلّنا.... بس مش عارف ليهم عين إزّاى يبجّحوا فى موضوع مشروع الإصلاح بتاع الشرق الأوسط الكبير.......و يا جدعان حرام عليكم...حتجرجروا الأمريكان للمنطقة إيه أكثر من كده

تم تعديل 25 أكتوبر 2004 بواسطة disappointed

[disappointed]

إعادة انتخاب بن علي بـ 94.48% من الاصوات

خــبــر عــاجــــل

زين العابدين يفكّر فى إعادة الإنتخابات من أجل تحسين مجموعه

;) h): rs:

[kfaya]

شوية كلام جد بأة ....

هل ممكن عزل ذلك الجين المسبب لتلك الحالة ( الأستمساكية الاتبادلية ) ؟؟؟؟؟؟

ممكن شوية أفكار ؟؟؟؟؟

كيف يمكن جعل الكرسى غير مغرى و لا يسبب تلك الرغبة الأبدية فى الجلوس علية ؟؟؟

[disappointed]

هل ممكن عزل ذلك الجين المسبب لتلك الحالة ( الأستمساكية الاتبادلية ) ؟؟؟؟؟؟

طبعاً

بس المشكلة إنه من الممكن للبعض إعادته عن طريق الهندسة الرئاسيّة...قصدى الوراثيّة

ممكن شوية أفكار ؟؟؟؟؟

المهم يكون معاها شويّة أفعال

أفكار لوحدها حتفضل أفكار...

بس لإمتى يعنى؟؟

كيف يمكن جعل الكرسى غير مغرى و لا يسبب تلك الرغبة الأبدية فى الجلوس علية ؟؟؟

الرغبة الأبديّة فى الجلوس عليه ده تقدر تقول عليه "كيف"... مالوش علاج

يبقى الحل فى الكرسى

الكرسى الأول لازم يتشال

ويتحدف حدفه حلوه فى الكلوب

و بعدين الكرسى الخشب الدبشه ده يتكسّر خالص

ويبقى النظام بعد كده إن كل واحد يتم إنتخابه للرئاسة يبقى ييجى و معاه كرسى بحر ( كرسى بحر... مش شيزلونج ولا كرسى هزاز)... و بكده.... كرسى البحر يكون سهل يتفرد و يتقعد عليه لما يتم إنتخاب الجالس عليه... ولمّا يخلّص مدته أو الناس تقول له كفايه يبقى سهل عليه يطبّق الكرسى و يلمّه و يتّكل على الله... واللى بعده ييجى بكرسى البحر بتاعه... وهلم جرّى يعنى.. علشان كل واحد يكون خفيف و ما يتلككش بإن الكرسى ثقيل و محتاج ترتيب فى الشيل و الحط

ياريت الدستور بتاعنا يتشال منه الكرسى الخشب الدبشه ده و يتحط مكانه كرسى البحر اللى بأقول عليه

أصله بصراحه لو فضل الكرسى الحالى موجود يبقى إحنا كشعب مش فارقين عن الكراسى اللى إحنا قاعدين عليها

مش كده والاّ إيه؟؟؟

تم تعديل 25 أكتوبر 2004 بواسطة disappointed

[Seafood]

حيث يتنافس أمامه لأول مرة خصمين قويين من المعارضة على منصب الرئاسة الذى يشغله زين الدين منذ سبعة عشر عاما ....

يعني العملية مالهاش علاقة بوجود أكثر من مرشح أو وجود معارضة .. ولا ليها علاقة بالدستور ولا القوانين ..

فالمعول الأساسي هو على "من يطبق القانون" , والشعب "الذي يُطبـَق عليه القانون "..

يا ريت ناخد درس من الموضوع دا .. وإن مش معنى إننا إستوردنا نظام من الغير إننا سنحسن تطبيقه ..

[kfaya]

كرسى البحر دى فكرة هايلة ;) ..... و كمان بلاش كرسى البحر أبو ضهر ....

كرسى مقص و بس عشان ما يوكنش مريح بالمرة .... h):

[فــيــروز]

إعادة انتخاب بن علي بـ 94.48% من الاصوات

خــبــر عــاجــــل

زين العابدين يفكّر فى إعادة الإنتخابات من أجل تحسين مجموعه

gt: rs: rs:

فعلا شر البليّه ما يضحك !!

الرقم "94.48" بالمئه ده رقم غريب rs: اشمعنى يعنى 94 وليس 98 وطالع كما يحدث لدينا :P

بالامس كنت اتفاءل و اقول وجود مرشحين امام زين الدين بدايه تدعو الى التفاؤل !! واليوم يبدو ان المرشحين كانا موجودين فقط "عشان الصوره تطلع حلوه" ;) حتى انى حين كنت اعلق على الخبر الآن تعجب احد زملائى انه لازال هناك احد يتحدث عن الديمقراطيه فى ظل نظام العزبيه الذى نحيا فيه !!

اقرتح بعد كده يغيروا اسم الحزب الحاكم الى العزب الحاكم .. او العزبه الحاكمه h):

كيف يمكن جعل الكرسى غير مغرى و لا يسبب تلك الرغبة الأبدية فى الجلوس علية ؟؟؟

المشكله فى انه كرسى !! لو كانت كنبه الناس تجلس عليها معا ولا ينفرد بها شخص وحده كان بقى فيه امل .. لكن الكرسى شكله يولد شعور بالانانيه و الرغبه فى الاستئثار به الى الابد rs:

[kfaya]

أحزاب المعارضة مجتمعة حصلت على 38 مقعد من أصل 189 مقعد هى أجمالى عدد نواب البرلمان ....

و فى حديث بين مذيعة فى قناة أبو ظبى و مسئول أنتخابى فى تونس , قالت له :

ألا ترى أن عدد نواب المعارضة يعتبر قليل ....

رد عليها بحدة .... كيف تقولين هذا ؟؟؟؟ نسبة المعارضة تعدت 20% و تلك النسبة تعتبر أعلى نسبة فى برلمانات العرب ...

بصراحة الراجل عنده حق فى النقطة دى ... بس مش عارف ليه حسيت انه بيلقح علينا ..... ;)

الجماعة المراقبين بتوع جامعة الدول العربية راجعين مبهورين من حيادية و شفافية الأنتخابات !!!!!!!! brth)

فرنسا كانت أول من هنأ بن على بالفوز ... و أشادت بالعملية الأنتخابية !!!!!!!!!!!!!؟؟؟؟؟؟ wst::

يا لا .... كل سنة و انت طيب يا زين الدين و مبروك عليك الولاية الرئاسية الرابعة ...... brth)

[فــيــروز]

فرنسا كانت أول من هنأ بن على بالفوز ... و أشادت بالعملية الأنتخابية  !!!!!!!!!!!!!؟؟؟؟؟؟  :D

...  smk:

ماتظلمش الناس يا كفايه smk:

مش يمكن متلخبطين بينه وبين زين الدين زيدان !! ys):

انا شخصيا اول ما شفت عنوان الموضوع اول مره افتكرته عنه بس قلت ايه اللى يجيب زيدان فى باب السياسه الدوليه !! :blink: