عبادات سهلة

[اثار]

عبادة التفكر

يقول الله تعالي

" إن في خلق السموات والأرض واختلاف الليل والنهار لآيات لأولي الألباب 190 الذين يذكرون الله قياما وقعودا وعلى" جنوبهم ويتفكرون في خلق السموات والأرض ربنا ما خلقت هذا باطلا سبحانك فقنا عذاب النار 191 " (آل عمران).

[اثار]

من أنواع التفكر

هناك عدة أنواع منها:

(1) التفكر في آيات اللَّه عز وجل.

(2) التفكر في نعم اللَّه عز وجل وآلائه.

(3) التفكر في كتاب اللَّه عز وجل أو في المناجاة والدعاء والصلاة.

(4) التفكر في النفس وحالاتها ومهالكها وأساليب علاجها ونجاتها.

(5) التفكر في العِبَر المؤثّرة في النفس، فقد سأل أحدهم عن معنى الأثر: تفكّر ساعة خير من قيام ليلة، فقيل له: تمرّ بالخربة أو بالدار فتقول: أين ساكنوك؟ أين بانوك؟ مالكِ لا تتكلمين؟ ولهذا قال بشر الحافي: لو تفكر الناس في عظمة الله تعالى لما عصوه.

[لونا]

كلنا بنحب نكلم أهلنا و نزورهم

الأب و الأم و الأخوات و الجد و الجدة

الأعمام و العمات و الخالات و الأخوال و أولادهم

قبل ما نكلمهم أو نزورهم .. نحتسب الزيارة أو المكالمة صلة رحم

عشان ناخد أجرها كامل بإذن الله

فيه بعضنا مش بيفكر إنه يكلم ناس من اللي أنا قلت عليهم فوق دول

يا إما مش بييجوا في باله .. يا إما حصل معاهم موقف مش ولابد يعني .. يا إما مش بيرتاح معاهم و خلاص

في مناسبة زي عيد الأضحى .. يكلمهم أو يبعت رسالة

و يروح يزور الكبار منهم

و يحتسب إنه بيعمل كدة لوجه الله تعالى

شيء بسييييط أوي .. و أجره عظيم بإذن الله

[لونا]

الجيران

الأحاديث و الآيات عن حق الجار كثيرة جدًا

في الأعياد و المناسبات مكالمة تليفون للتهنئة .. أو زيارة خفيفة هيكون وقعها أجمل

زيارة مريضهم .. و تعزيتهم في مصيبتهم .. و تهنئتهم في أفراحهم

هدية بسيطة .. كيكة .. أو طبق حلويات .. كل فترة

مجرد إنك ما تعليش صوت التليفزيون و نيتك إنك لا تؤذي جارك

لو طلبت من أولادك يبطلوا يجروا و يتنططوا بالليل علشان الجيران اللي تحت ما يتضايقوش

حاجات بسيطة جدًا و أجرها كبير بإذن الله

[لونا]

عايزة أتكلم عن حاجة مش عارفة إذا كان ينفع نسميها عبادة

التغافل

التغافل غير الغفلة

مثلًا إبني بيعمل حاجة غلط .. مش حاقف له على الواحدة و أزعق و أقلب الدنيا

إذا كانت حاجة مش خطر و لا حرام .. أعديها

يعني أعمل إني مش واخدة بالي

الحقيقة أنا باعمل كدة . لما تكون الغلطات كتير فمش حينفع أديله إحساس طول الوقت إنه مخطيء

و نقيس على هذا المثال التغافل مع الزوج و الزوجة و الأهل و الأصحاب و زملاء العمل

مش معنى كدة إني أسيب حقي .. أو أسيب الآخرين يظلموني

لأ لكن في حاجات مش حتأثر على كرامتي و لا على علاقتي بالطرف الآخر أيًا كان لو عديتها و فوتها

لكن لو الشخص ده أسلوبه الإساءة .. دي حاجة تانية طبعًا

[لونا]

جزاك الله خيرا

والله افكار جميلة و سهلة

جزانا الله و إياك كل الخير

يا ريت حضرتك و كل واحد يشارك بأي فكرة تخطر بباله

[لماضة مصرية جدا]

السلام عليكم و رحمة الله و بركاته

معرفشي اذا كان ممكن يكون "الصمت" عبادة في حد ذاته و لا ايه

بس من شوية افتكرت الحديث بتاع الرسول صلي الله عليه و سلم "فليقل خيرا او ليصمت"

اوقات كتير لما نلاقي جدل او حوار مهما كانت اهميته...بس ممكن يكون فيه تجريح و اذية لاي حد

ليه منسكتشي

يمكن انا مش عارفة انصح اللي قدامي اكتر من كده...مبحبش دور الناصح مبينفعشي فيا

بس مجرد ان الواحد يجدد النية ان الصمت ده هيكون لله..زو علشان ميغضبشي الله ...يا رب تكون عبادة...يا رب

و الله اعلي و اعلم

[لونا]

من العبادات السهلة و التي لا تكلف وقتًا و لا جهدًا

إسباغ الوضوء

بمعنى إتمام الوضوء على الوجه الأكمل

و نسمي الله قبله ..

و نقول بعده أشهد أن لا إله إلا الله و أن محمد عبده و رسوله

إن الله يحب التوابين و يحب المتطهرين

في الحديث:

{ مَا مِنْكُمْ مِنْ أَحَدٍ يَتَوَضَّأُ فَيُبْلِغُ -أَوْ فَيُسْبِغُ- الْوُضُوءَ ثُمَّ يَقُولُ أَشْهَدُ أَنْ لاَ إِلَهَ إِلاَّ اللَّهُ وَأَنَّ مُحَمَّدًا عَبْدُ اللَّهِ وَرَسُولُهُ إِلاَّ فُتِحَتْ لَهُ أَبْوَابُ الْجَنَّةِ الثَّمَانِيَةُ يَدْخُلُ مِنْ أَيِّهَا شَاءَ } [رواه مسلم].

[rewsha]

الكلمة الطيبه .....صدقه

العمل .....عباده

[نوران]

إحتساب أي عمل نقوم به لوجه الله

أعمال المنزل من تحضير طعام وتنظيف و...

الإعتناء بالأبناء مساعدتهم في الإستذكار والصبر علي دوشتهم وإطعامهم و....

حتي أخذ قسط من الراحة والنوم حتي نتمكن من مواصلة القيام بما علينا من عبادات وأعمال و رعاية أطفالنا و....

حتي الكتابة في هذا المنتدي ، نحتسب كل ما نكتب لوجه الله

لن نتكلف شىء غير استحضار النية فقط قبل أي شئ نقوم به

أسأل الله أن يتقبل منا جميعا صالح الأعمال ..... آمين

جزاك الله خير يا لونا علي الموضوع الجميل

[لونا]

فعلًا يا نوران إحنا محتاجين بس إننا نجدد النية من وقت للتاني

علشان ما ننساش في زحام الحياة إن كل اللي بنعمله لازم يكون لوجه الله

سورة الأنعام الآية 162 قُلْ إِنَّ صَلَاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ لَا شَرِيكَ لَهُ وَبِذَلِكَ أُمِرْتُ وَأَنَا أَوَّلُ الْمُسْلِمِينَ

[ام سلمي]

موضوع جميل يا لونا ربنا يجزيكي خير

حاضيف حاجة صغيرة

الرضا بربنا ورسوله ودينه يدخلنا الجنة

بالقلب وبالقول

عَنْ أَبِي سَعِيدٍ الْخُدْرِيِّ رضي الله عنه أَنَّ رَسُولَ اللَّهِ صلى الله عليه وسلم قَالَ :«يَا أَبَا سَعِيدٍ، مَنْ رَضِيَ بِاللَّهِ رَبًّا، وَبِالْإِسْلَامِ دِينًا، وَبِمُحَمَّدٍ نَبِيًّا، وَجَبَتْ لَهُ الْجَنَّةُ ، رواه مسلم

(( من قال رضيت بالله رباً ، وبالإسلام ديناً ، وبمحمد صلى الله عليه وسلم نبياًّ وجبت له الجنة )) [ أبو داود ]

تم تعديل 13 ديسمبر 2011 بواسطة ام سلمي

[لونا]

السلام عليكم و رحمة الله و بركاته

التوبيك ده ربنا يجازيكم عليه كل خير و انا رايي المتواضع انه يتثبت و يكون اول توبيك كل حد فينا يبتدي بيه يومه و "يغش" أفكار كدهوت علشان تبقي مصاحباه طول اليوم

انا هقولكم علي فكرة صغيرة جدا و تنفع لاصحاب البلكونات و البقية تمتنع:)

انا بحب الحمام جدا و بحب منظره و هو بياكل

فممكن اللي عنده بلكونة علي حافة البلكونة يعني يجيب عدس اصفر و يحطه للحمام

مش هيكلفك حاجة خالص

الحاجة الأهم و انت بتشوف الحمام بياكل استحضر حديث الرسول صلي الله عليه وسلم فيما معناه ان فيه ناس قلوبهم كالطير يعني من شدة توكلها علي الله مش بتبقي قلقانة هتاكل ايه

و مرة في مرة الحمام هيتعود يجي علي بلكونتك...و الاهم انت راح تتعود علي رؤيته و هتحس انه مرسال من السما بيقولك متخافشي رزقك متشال

صباحكم...توكل علي الله بقلوب الطير

صباح الخير يا ريهام

عندي حمامة فوق السطح رجلها اتكسرت

و باطلّع لها عدس و ميه

أقول يا ربي إشمعنى العدس ؟..أنا عرفت منين إن الحمام بياكل عدس؟

أتاريني عرفت منك ..و بياكل رز كمان و حاجرب القمح لسه

على فكرة إنت كمان فكرتيني بالدعاء بين الأذان و الإقامة

إن شاء الله في ميزان حسناتك

تم تعديل 14 ديسمبر 2011 بواسطة لونا

[لونا]

موضوع جميل يا لونا ربنا يجزيكي خير

حاضيف حاجة صغيرة

الرضا بربنا ورسوله ودينه يدخلنا الجنة

بالقلب وبالقول

عَنْ أَبِي سَعِيدٍ الْخُدْرِيِّ رضي الله عنه أَنَّ رَسُولَ اللَّهِ صلى الله عليه وسلم قَالَ :«يَا أَبَا سَعِيدٍ، مَنْ رَضِيَ بِاللَّهِ رَبًّا، وَبِالْإِسْلَامِ دِينًا، وَبِمُحَمَّدٍ نَبِيًّا، وَجَبَتْ لَهُ الْجَنَّةُ ، رواه مسلم

(( من قال رضيت بالله رباً ، وبالإسلام ديناً ، وبمحمد صلى الله عليه وسلم نبياًّ وجبت له الجنة )) [ أبو داود ]

جزاك الله خيرًا وكل من شارك بفكرة و لو صغيرة في هذا الموضوع

[لماضة مصرية جدا]

السلام عليكم و ورحمة الله و بركاته

من فترة كنت قريت عبارة عجبتني اوي و حابة اني اتأمل فيهامعاكم

إذا رضي....أدهشك بالعطاء

احيانا كتير بسأل نفسي

انت راضي عني يا رب

رضيت يا رب

و بفتكر الدعاء اللي بيقول

رضيت بالله ربا و بالاسلام دينا و بسيدنا محمد صلي الله عليه و سلم نبيا و رسولا

يا تري احنا اللي بنرضي بالله

و لا ربنا هو اللي بيرضي علينا

اتاري الرضا الاولاني هو انك تستغني بالله و بالاسلام و بالرسول صلي الله عليه و سلم عن كل ما سواهم

و الرضا التاني اللي بسال فيه يا تري انت رضيت عني يا رب....هو رضاالمحتاج لقربه و عطاؤه و اختياره هو سبحانه مش اختيارنا احنا و يقينا في كرمه و يقينا في رحمته

احنا كبشر بنرضي بالله علشان الاستغناء عمن سواه

و بنتشعلق في حبال الرجاء انه يرضي عننا عشان احنا محتاجين عطاؤوه هو سبحانه

مش ممكن دي تكون عبادة للقلب

انه يفضل يسال نفسه

يا تري انت راضي عني يا رب

رضيت يا رب

رضيت يا رب

رضيت يا رب

و اذا رضي أدهشك بالعطاء كما يليق به سبحانه و تعالي

[Dreamwithme]

حبيت أفكر نفسي وأفكركم إن أعظم عبادة في البلاء حسن الظن بالله

وبما إننا بنمر بظروف صعبة في مصر فياريت نحاول نفكر نفسنا وننشر بين الناس الفكرة دي

حسن الظن بالله

لازم نتفكر إزاي ربنا كريم وعظيم وإزاي بيحبنا وقادر علي إصلاح الأمور وتحقيق أمانينا بل تحقيق ماهو أفضل من أمانينا

[اثار]

سُئلَ شيخ الإسلام إبن تيمية عن الفرق بين:

الْهَجْر الْجَمِيْل وَالْصَّفْح الْجَمِيْل وَالْصَّبْر الْجَمِيْل فَأَجاب ـ رَحِمَهُ الله:

الَهـجَر الْجـمَيْل : هـو هـجَر بلا أَذَى

...

و الْصَّفْح الْجمَيْل : صفِح بِلا عَتـاب

وَالْصَّبر الْجـمَيْل: صَبر بلا شــكَوَى

إِذَا شَعَرْت بِالَضِيِق... أَغْمِض عَيْنَيْك... تَنَفَّس بِعُمْق...

وَرَدَّد:

.

.

.

لَا إِلَه إِلَّا أَنْت سُبْحَانَك إِنِّي كُنْت مِن الْظَّالِمِيْن!!

قال تعالى :- { لَا تَحْزَنْ إِنَّ اللَّهَ مَعَنَا }.[التوبة:40].

نقرأها دائما ولا نستشعر عظيم معناها ،

أي طمأنية تغشاكِ ♥

حين توقن بأن ربْ الكون كله معكِ ،

في أصعب المواقف والمحـنْ ، نحتاجها ،

لا أمكِ ، أختكِ ، أبيكِ ، ولا صاحب ولا قريب ، (( معك ))

بل ربــ ــــهم ربْ العبــ ــاد أجمــ ـــع

فيالطمأنينة إن سكن المعنى في قلوبنا ،

يا ليتنا نستعشر ، معية الله معنا في كلْ آن

[لماضة مصرية جدا]

السلام عليكم و رحمة الله و بركاته

من يومين كنت بتفرج علي برنامج ديني و الشيخ قال جملة عجبتني اوي

من العبادات السهلة جدا "إدخال السرور علي الغير"

الغير ده ممكن يبتدي بالاسرة...اخواتك ...والديك....زوجكم/ زوجتك

و السرور ف حد ذاته ممكن يكون حاجات بسيطة جدا....مش شرط تكون يكون بهجة كبيرة

و سرحت شوية قولت طب لو هنوسع الدايرة نحط فيها ايه

و لقتني بفكر في كذا حاجة

لو انت بتدرس....ليه متخليش جزء من مصروفك تكفل بيه طالب تكفل بيه في نفقات طالب تاني ممكن ميكونشي قادر يتحمل المصاريف لوحده

لو انتي عروسة و بتجهزي....ليه متعمليش فرز لكل دولابك و تطلعي منه حاجات كتير اوي ينفع تغسليها و تطبقيها و تقدميها لبنوتة تانية...و عروسة برضه بس ممكن تفرح بيها اوي....و انتو الاتنين تتجوزوا مع بعض

لو خرجت خروجة حلوة و انبسطت من قلبك اوي...ليه متروحشي تصلي ركعتين....الانبساط و الونس واللمة بجد نعمة....و ليه ميكونشي كل واحد فينا قبل ما نروح نطلع جنيه واحد مش راح تفرق كتير...بس قبل ما نروح نديه لاي حد غلبان و احنا مروحين

لو لقيت حد غايب عنك اوي....ووحشك اوي...ليه متدعلوش دعاء بظهر الغيب...الله يسعده او يسعدها....و يمكن تلاقي رنة موبايل منهم قريب

ادخال السرور

سهلة اوي

اوي

و اتاري الدين ده حلو اوي اوي....و روحه ممكن تصحي بحاجات سهلة اوي

الحمد لله الذي هدانا لهذا و ما كنا لنهتدي لولا ان هدانا الله

مساكم....سرور.....يملي كل جوارحكم...و يضوي علي اللي حواليكم

[نوران]

[Om Zayd]