لماذا ترفض الكنيسة القانون ؟

[ابو محمود]

ابحث عن المال جميع الكهنة والقسيسين لهم مشاريع داخل الأديرة مواشى خنازير نحل مزروعات شتى الانواع طيور

وحاليآ من كتر الفلوس يتم تشغيلها فى مشاريع تجارية هذة هى الاسباب لعدم قبول ان الدولة تكون ليها اى دخل بالكنائس والاديرة

بلاها بقى دين وخزعبلات الدين بريء من كل هذا الدين المسيحى خارج الخدمة....... للفقراء فقط للبسطاء من الناس الناس الغلابة اللي بتموت وبترمى نفسها فى النار لما قس موتور يقولهم احنا لازم نكون اصحاب الارض انهم تجار واصحاب املاك

اما البسطاء من الاخوة المسيحيين اديهم زينا عايشين

[ابراهيم عبد العزيز]

يبدو أن الرفض لم يعد مقتصرا على الكنيسة فقط يا دكتور ياسر

فمن أمس ونحن نرى تصريحات من بعض رجال الأزهر من ذوي المناصب فيه يعربون عن رفضهم للقانون :

الدكتور عبد الحميد الأطرش رئيس لجنة الفتوى بالأزهر الشريف منتقداً قانون دور العبادة: المساجد والكنائس ليست صيدليات

اعترض الدكتور عبد الحميد الأطرش رئيس لجنة الفتوى بالأزهر الشريف، على بعض البنود التى تضمنها قانون دور العبادة، الذى أعدته لجنة العدالة بمجلس الوزراء، مؤكداً أن هذا القانون سوف يؤدى إلى زيادة الاحتقان بين المسلمين والأقباط، ولن يحل الأزمة الطائفية فى مصر.

وقال الأطرش فى تصريحات خاصة لـ"اليوم السابع"، إن للأقباط ما للمسلمين فى مصر، ولا مانع على الإطلاق من بناء الكنائس أو دور العبادة، ولابد من التصريح للأقباط ببناء الكنائس، ولكن لابد ألا يقارن بناء المساجد بالكنائس، لأن هناك فارقاً نسبياً بين أعداد المسلمين والأقباط، وإننا لم نرَ يوماً "حصيرة" واحدة مفروشة خارج الكنيسة للزحام بسبب الصلاة، وبالتالى ليس هناك فائدة من تحديد مسافات تقدر بـ500 متر بين الكنيسة والأخرى أو دور العبادة، لأن دور العبادة ليست صيدليات لكى يتم تحديد هذه المسافات والمساحات لبنائها.

وأكد رئيس لجنة الفتوى بالأزهر الشريف، أن حل مشكلة دور العبادة يكمن فى الحاجة الفعلية لها، حيث إنه يحق للأقباط أو غيرهم بناء دور عبادتهم حسب الكثافة السكانية فى منطقة ما، وحيث يتمركز الأقباط يقيمون كنائسهم، محذراً من تقارب بناء الكنائس بجوار المساجد، لأنها سوف تؤدى إلى شحن النفوس، إذا ما رفع الأذان أو دق جرس فى أوقات الصلاة، وبالتالى لا يتوقع ماذا سوف يحدث بعد ذلك.

وقال الأطرش، إنه لابد من تعديل القانون، وتجنب أى أخطاء قانونية تزيد من مسألة الفتنة الطائفية، مشيراً إلى أنه كان هناك معسكر للشبان المسلمين بالقرب من كنيسة فى وادى النطرون، فى عهد الرئيس جمال عبد الناصر، أدى هذا القرب الجغرافى إلى مشاحنات بين الجانبين، مما دفع عبد الناصر إلى نقل معسكر الشبان المسلمين إلى الإسكندرية درءاً للفتنة.

مجمع البحوث الإسلامية برئاسة الطيب : نرفض قانون دور العبادة الموحد ونطالب بقانون لبناء الكنائس

رفض مجمع البحوث الإسلامية، فى جلسته الطارئة برئاسة الإمام الأكبر الدكتور أحمد الطيب، شيخ الأزهر، قانون دور العبادة الموحد، واكتفى بقرار مجلس الوزراء الصادر فى 17 أكتوبر والخاص بشروط بناء المساجد الجديدة.

واعتبر المجمع أن إعداد مشروع خاص بشروط بناء الكنائس يراعى فيه حاجات الطوائف المسيحية فى مصر فى إقامة شعائرهم وعباداتهم يعد حقا كفله لهم الإسلام والدستور.

حضر الاجتماع كافة أعضاء المجمع، ومن بينهم الدكتور محمد عبد الفضيل القوصى، وزير الأوقاف، والدكتور على جمعة مفتى الجمهورية، والدكتور نصر فريد واصل، مفتى الجمهورية الأسبق وباقى أعضاء المجمع.

وبذلك القرار يكون قد اتفق مجمع البحوث الإسلامية مع ما تم إقراره فى بيت العائلة فى جلسته الطارئة يوم الأحد الماضى.

تم تعديل 20 أكتوبر 2011 بواسطة ابراهيم عبد العزيز

[الدكتور ياسر]

المساجد تخضع بالفعل لقانون الدولة يا أستاذ إبراهيم .. ومنذ سنوات بدأ ضم جميع المساجد و الزوايا إلى وزارة الأوقاف..

حتى المقامة بالتبرعات الخيرية يتم ضمها لوزارة الأوقاف .. إذا على أرض الواقع ليست المساجد هي من تحتاج لقانون .. بل الكنائس ..

فالكنائس على حد علمى لا تخضع لإشراف الدولة و هنا يكمن الخلل ..

ليست المشكلة في رفض قانون العبادة الموحدة فهو في رأيي فيه غبن أيضا للمسلمين ..

أتمنى أن يصاغ قريبا قانون للكنائس لا يبخس الأقباط حقهم و في نفس الوقت يحفظ للدولة هيبتها و سلطتها على كل المنشئات في أرض مصر

[jonathan]

معظم الاديرة اللي حطيت صورها يعود تاريخ بنائها للقرن الرابع الميلادي..يعني قبل ظهور الاسلام..يعني قبل دوله الخلافة و الخط الهمايوني..يعني قبل اصلا ما يكون في حاجة اسمها جمهوريه مصر العربية...ثانيا دي دار نساك بنيت في وقت كان اخر الناس فيه حدود الدلتا و ليست الصحاري القفر..مبنية للنساك و اللي فتحها للناس من كل صوب و جهة هي وزارة السياحة لكونها مناطق اثريه زي القلعة و غيره..ممكن تقولي انت بتروح تصلي العشاء في القلعة ولا لاء...سيادتك فهمت؟

محدش معترض علي الاديرة بس يار يت تبقي الاديرة بالسور القديم اللي كان من القرن الرابع الميلادي ، السور ده كان بيبعد عن المبني بالتأكيد مش يزيد عن عدة امتار ، اما السور الجديد اللي في عهد جمال مبارك فده يبعد عن المبني ييجي كدة مئات الكيلومترات مئات الافدنة

هما خدوا اراضي البدو اللي في الصحرا و اللي بيعترض كانوا بياخدوه ينفخوه في امن الدولة و يرجعوه او ميرجعش تاني

هاتلينا من فضلك رقم محضر و اسم واحد من البدو اللي (اتنفخوا)...و يا ريت من فضلك تراجعي تعريف البدو و ما هيتهم

[jonathan]

ايه يا ا/تامر ده دى مش اديرة دى دول داخل الدولة

فعلا ....سؤال معلشى المساحات الشاسعة دى بيعملوا فيها ايه؟؟؟

مساحات الاديرة دي كمان مخالفة لدينهم ، الاديرة دي عشان الرهبان يبعدوا عن الدنيا و يعبدوا ربنا في مكان هادئ

و يعيشوا علي المية و العيش الحاف

لكن هما حولوا الدير الي وحدة منتجة زراعة و صناعة ، و اما تسأل ليه ده كله يقولوا ده عشان اكل الرهبان ، طب الرهبان اما حياكلوا الاكل ده كله طب ايه اللي مشاهم للصحرا

انا بشوف في الكنيسة هنا معرض لمنتجات الدير

ده غير الناس اللي بتروح تتفسح في الدير ، يعني مكان سياحي وكدة

حضرتك سالتي مين بالظبط و قالك عشان اكل الرهبان؟؟ يا ريت اسماء و متقوليلناش احد القساوسة و احد المش عارف ايه..و بعدين ماذا يضيرك ان ياكل (هذا الاكل كله) طالما هو من زرع يديه و من مجهوده..و هل انتي قريتي عن تاريخ و عيشة الرهبنة ام مجرد حديث لملاء الهواء..و هل كل متعبد يجب ان يكون طعامه الملح و العيش الحاف؟؟ هي مش فرض على فكرة و بعدين احسن من شيوخ اجلاء كتير بيطلعوا على التلفزيون يسترزقوا بكلام ربنا..اخيرا اللي حولها اماكن سياحية هو قانون البلد اللي حضرتك عايشة فيها..دة لو كنتي عايشة في مصر

[jonathan]

لماذا ترفض الكنيسة القانون

هما عايزين يعملوا كنيسة لكل مواطن

الفلوس اللي بتجيلهم من الغرب بدل ما يعملوا بيها مشروعات للشباب المسيحيين العاطلين اللي مش لاقيين شغل

يبنوا كنايس و اهو رزق للكهنة و القساوسة مرتبات و بدلات و كدة يعني

لو كانت الدوله المصرية شغلتهم مكناش احتجنالهم..بس و حضرتك الصادقة اهي معونه بتاخدها الحكومة على قفانا و بتتسرق في الاخر ..و كله رزق...رزق الهبل على المساكين...منتحرمش من مشاركتك الرائعة

[jonathan]

ابحث عن المال جميع الكهنة والقسيسين لهم مشاريع داخل الأديرة مواشى خنازير نحل مزروعات شتى الانواع طيور

وحاليآ من كتر الفلوس يتم تشغيلها فى مشاريع تجارية هذة هى الاسباب لعدم قبول ان الدولة تكون ليها اى دخل بالكنائس والاديرة

بلاها بقى دين وخزعبلات الدين بريء من كل هذا الدين المسيحى خارج الخدمة....... للفقراء فقط للبسطاء من الناس الناس الغلابة اللي بتموت وبترمى نفسها فى النار لما قس موتور يقولهم احنا لازم نكون اصحاب الارض انهم تجار واصحاب املاك

اما البسطاء من الاخوة المسيحيين اديهم زينا عايشين

مين الجميع و ما هي ارقام حسابتهم و ارصدتهم البنكية..و دين ايه اللي خارج الخدمة ...يا استاذ محمود احنا عايشين مسلمين و مسيحيين ...بسطاء او اغنياء ..من خير رينا بس ..تحياتي

[jonathan]

المساجد تخضع بالفعل لقانون الدولة يا أستاذ إبراهيم .. ومنذ سنوات بدأ ضم جميع المساجد و الزوايا إلى وزارة الأوقاف..

حتى المقامة بالتبرعات الخيرية يتم ضمها لوزارة الأوقاف .. إذا على أرض الواقع ليست المساجد هي من تحتاج لقانون .. بل الكنائس ..

فالكنائس على حد علمى لا تخضع لإشراف الدولة و هنا يكمن الخلل ..

ليست المشكلة في رفض قانون العبادة الموحدة فهو في رأيي فيه غبن أيضا للمسلمين ..

أتمنى أن يصاغ قريبا قانون للكنائس لا يبخس الأقباط حقهم و في نفس الوقت يحفظ للدولة هيبتها و سلطتها على كل المنشئات في أرض مصر

و انا متفق مع حضرتك ..بلاش قانون موحد..خليه قانون تنظيم بناء الكنائس و يجرم كل من يعتدي على اي دور عبادة..و اوكد ليك اللي حيفظ هيبة الدوله هو ان تحافظ الدوله على هيبتها بتطبيق القانون على الكل سواء

[ابو محمود]

ابحث عن المال جميع الكهنة والقسيسين لهم مشاريع داخل الأديرة مواشى خنازير نحل مزروعات شتى الانواع طيور

وحاليآ من كتر الفلوس يتم تشغيلها فى مشاريع تجارية هذة هى الاسباب لعدم قبول ان الدولة تكون ليها اى دخل بالكنائس والاديرة

بلاها بقى دين وخزعبلات الدين بريء من كل هذا الدين المسيحى خارج الخدمة....... للفقراء فقط للبسطاء من الناس الناس الغلابة اللي بتموت وبترمى نفسها فى النار لما قس موتور يقولهم احنا لازم نكون اصحاب الارض انهم تجار واصحاب املاك

اما البسطاء من الاخوة المسيحيين اديهم زينا عايشين

مين الجميع و ما هي ارقام حسابتهم و ارصدتهم البنكية..و دين ايه اللي خارج الخدمة ...يا استاذ محمود احنا عايشين مسلمين و مسيحيين ...بسطاء او اغنياء ..من خير رينا بس ..تحياتي

عزيزى جوناثان مش هنختلف انت مش مصدق ممكن حضرتك كمسيحى وانا اتشرف بيك كمسيحى اخ لى بالوطن تتعب نفسك وتعرف اية هى منتجات الأديرة من لحوم وطيور وفواكه وعسل ووووووووو ومن ثم تتعرف على كيفية انتاجها بداخل الأديرة ومن ثم التفكير فى العائد المادى لها ؟؟؟

اما انى كلمة الدين المسيحى خارج الخدمة المقصود بة ,, القسيس والراهب الذى يتاجر ويغتنم ولا يرضى الا ان يكون الحال كما هو علية عدم دخول دور العبادة لتفتيش الدولة وتعريفها ما تحتوية من مشروعات تدر اموال وأين تذهب هذة الاموال والتبرعات واظن حضرتك لاتمانع صدقنى للمرة الالف انا غير متحاامل لكنى ارى بعين اقرب الى ما يمكن ان يكون بعيدآ عن الاخريين ان يروة لن يستقيم الامر الا بالشفافية والتعامل مع الدولة كمراقب وعندها ستجد الجميع يعيش فى سلام

وانا اؤمن بان الله هو الرزاق لكن ما المانع فى ان يكون بيننا من يستغل الرزق لنفسة ويحرم الاخرين

[جويرية]

معظم الاديرة اللي حطيت صورها يعود تاريخ بنائها للقرن الرابع الميلادي..يعني قبل ظهور الاسلام..يعني قبل دوله الخلافة و الخط الهمايوني..يعني قبل اصلا ما يكون في حاجة اسمها جمهوريه مصر العربية...ثانيا دي دار نساك بنيت في وقت كان اخر الناس فيه حدود الدلتا و ليست الصحاري القفر..مبنية للنساك و اللي فتحها للناس من كل صوب و جهة هي وزارة السياحة لكونها مناطق اثريه زي القلعة و غيره..ممكن تقولي انت بتروح تصلي العشاء في القلعة ولا لاء...سيادتك فهمت؟

محدش معترض علي الاديرة بس يار يت تبقي الاديرة بالسور القديم اللي كان من القرن الرابع الميلادي ، السور ده كان بيبعد عن المبني بالتأكيد مش يزيد عن عدة امتار ، اما السور الجديد اللي في عهد جمال مبارك فده يبعد عن المبني ييجي كدة مئات الكيلومترات مئات الافدنة

هما خدوا اراضي البدو اللي في الصحرا و اللي بيعترض كانوا بياخدوه ينفخوه في امن الدولة و يرجعوه او ميرجعش تاني

هاتلينا من فضلك رقم محضر و اسم واحد من البدو اللي (اتنفخوا)...و يا ريت من فضلك تراجعي تعريف البدو و ما هيتهم

معروف ان بناء الكنائس كان بيتم بموافقة امن الدولة ، التحالف كان واضح بين امن الدولة و الاقباط مقبال مساندة الحزب الوطني و التوريث

بس هما تحالفوا مع الشيطان لأن امن الدولة كان بيتجسس علي الكهنة نفسهم و هوه اللي دبر حادثة كنيسة القديسين

كنت بقول لصديقة مسيحية اني سمعت عن ان فيه دير و عايزين يوسعوا مساحة الدير السور علي بعد 60 كيلو متر من السور الاصلي فحصل مشادات و خناقات هناك

فبسألها عن اللي حصل ده فقالتلي و انا فاكرة كلامها كويس

فالت ( احنا اتصلنا بالنت بناس في امريكا و هما كلموا الرئيس مبارك وهوه راجل ذوق جدا و اصدر اوامره ببناء الدير )

[جويرية]

حضرتك سالتي مين بالظبط و قالك عشان اكل الرهبان؟؟ يا ريت اسماء و متقوليلناش احد القساوسة و احد المش عارف ايه..و بعدين ماذا يضيرك ان ياكل (هذا الاكل كله) طالما هو من زرع يديه و من مجهوده..و هل انتي قريتي عن تاريخ و عيشة الرهبنة ام مجرد حديث لملاء الهواء..و هل كل متعبد يجب ان يكون طعامه الملح و العيش الحاف؟؟ هي مش فرض على فكرة و بعدين احسن من شيوخ اجلاء كتير بيطلعوا على التلفزيون يسترزقوا بكلام ربنا..اخيرا اللي حولها اماكن سياحية هو قانون البلد اللي حضرتك عايشة فيها..دة لو كنتي عايشة في مصر

اللي قال ان ده لأكل الرهبان ده تعليق هنا قريته في المنتدي بس مش متذكرة من مين

و بعدين اصلا الاراضي ده متاخدة ظلم في ظل نظام ظالم ، ومفروض ترجع للدولة

مفيش دور عبادة لأصحاب ديانات اخري بتبقي 1000 فدان و 2000 فدان

لو حضرتك جبت مساحة مسجد في اي بلد اوروبي او في امريكا بتصل الي هذه المساحة ، يبقي من حق المسيحيين هذه الاديرة

[jonathan]

الاخت جويرية...هو حضرتك بتقنني اوضاع المسحين في مصر باوضاع المسلمين في الخارج؟؟ المسيحي مواطن مصري اصيل مش وافد خارجي..و وجود دور عبادة ليه حق طبيعي مش مكتسب ولا مشروط باوضاع الاخرين في البلاد الاخري..ثانيا لو شخصيا انتي حاسة ان المسلمن مظلومين في الخارج..يبقي تروحي تدوري على حقك في الخارج مش في قهر اللي فى الداخل..لو شعورك بالظلم حقيقي يبقي اولي تحسي باخواتك هنا..افتكر الدكتور باسم يوسف في حديثه لصحيفة التحرير علة ما اذكر لما قال (لما نثور عشان قانون حظر بناء الماذن في الخارج و نولع في الكنايس هنا..نبقي بنافق انفسنا)...يا اختي الفاضلة لا تطالبي بالحصول على الحق من الاخرين عندما لا تعطيه للاخرين ..تحياتي

[MohamedAli]

الاخت جويرية...هو حضرتك بتقنني اوضاع المسحين في مصر باوضاع المسلمين في الخارج؟؟ المسيحي مواطن مصري اصيل مش وافد خارجي..

لايوجد شيء اى دولة في العالم اسمه مواطن اصيل ومواطن اقل اصاله ومواطن تايوان

فطالما تحمل جنسية الدولة لايهم من اين اتيت هذه هي المواطنة التى للاسف تطالبون بها فقط اذا اتت لمصالحكم

ولو اتبعنا هذا المنطق الخاطئ لوجب ان نجرى علىك فحص dna لنعرف هل انت مواطن اصيل ام من اصول رومانية ويونانية او شامية لأن عدد هذه الاقليا المسيحية في الماضى كان يفوق عدد الاقباط وهؤلاء هم من يشكلون اغلب مايعرفون بالاقباط اليوم!

هي مش فرض على فكرة و بعدين احسن من شيوخ اجلاء كتير بيطلعوا على التلفزيون يسترزقوا بكلام ربنا..

عيب لما تقول كده على شيوخ المسلمين

لأننا بالمثل سنذكر لك اسماء قساوسة اجلاء ماتوا وفي حسابتهم ملايين الجنيهات لانعرف من اين اتت ؟

وممكن نذكر لك اسماء قساوسة ايضاً لكن ليسوا اجلاء استغلوا الكنيسة لممارسة اعمال انت تعرفها ونشرتها الصحف في حينها ولاداعى لذكرها

ارجو ان يرتفع مستوى الحديث عن ذلك ولانقع في هذا المنزلق

[jonathan]

الاخت جويرية...هو حضرتك بتقنني اوضاع المسحين في مصر باوضاع المسلمين في الخارج؟؟ المسيحي مواطن مصري اصيل مش وافد خارجي..

لايوجد شيء اى دولة في العالم اسمه مواطن اصيل ومواطن اقل اصاله ومواطن تايوان

فطالما تحمل جنسية الدولة لايهم من اين اتيت هذه هي المواطنة التى للاسف تطالبون بها فقط اذا اتت لمصالحكم

ولو اتبعنا هذا المنطق الخاطئ لوجب ان نجرى علىك فحص dna لنعرف هل انت مواطن اصيل ام من اصول رومانية ويونانية او شامية لأن عدد هذه الاقليا المسيحية في الماضى كان يفوق عدد الاقباط وهؤلاء هم من يشكلون اغلب مايعرفون بالاقباط اليوم!

هي مش فرض على فكرة و بعدين احسن من شيوخ اجلاء كتير بيطلعوا على التلفزيون يسترزقوا بكلام ربنا..

عيب لما تقول كده على شيوخ المسلمين

لأننا بالمثل سنذكر لك اسماء قساوسة اجلاء ماتوا وفي حسابتهم ملايين الجنيهات لانعرف من اين اتت ؟

وممكن نذكر لك اسماء قساوسة ايضاً لكن ليسوا اجلاء استغلوا الكنيسة لممارسة اعمال انت تعرفها ونشرتها الصحف في حينها ولاداعى لذكرها

ارجو ان يرتفع مستوى الحديث عن ذلك ولانقع في هذا المنزلق

اخي الفاضل ..اولا كونك على عدم معرفة بالشئ فهذا لا يعني عدم وجوده..ثانيا حضرتك خلطت بين معني مواطن اصيل و مواطن اصلي فلقب native citizen يطلق على المواطن ذو الاسلاف التي كانت تسكن بلد ما قبل ان تندثر تلك الاسلاف نتيجة استعمار او اختلاطها بعرق اخر او تعدد الاجناس فيما بعد..مثال لو زوجين مصريين انجبوا طفل في امريكا فهو امريكي الجنسية بالميلاد و لكن ليس بالعرق..دة تعريف المواطن الاصلي..اما الاصيل فادعوك للبحث عن معناها فى اي معجم للغة العربية..ثالثانحن كمسيحيين ننادي بالمواطنة من اجل حقوقنا و ليست مصالحنا على حد ادعائك. فنحن لا ننادي بزيادة رواتبنا دون الغير على سبيل المثال ..لكن من حقى ان يكون لي دور عبادة و قانون احوال لا يتعارض مع مبادئ معتقدي ..لسان حال اي انسان في اي بلد متحضر..ولي سوال ردا على جملة فطالما تحمل جنسية الدوله لا يهم من اتت هذه المواطنة..لماذا طرد اليهود المصريين من مصر في عهد عبد الناصر؟

رابعا..تصحييحا لمعلوماتك ..ال DNA لا يحدد الاصل العرقي ..انما يحدد الهوية الشخصية..الا اذا كنت حضرتك درست في مادة العلوم(مش كلية الطب) حاجة اسمها دم روماني و دم شامي و دم افريقي..اللي اعرفه على حد معلوماتي المتواضعة ان الدم يتكون من نفس العناصر بس بيختلف في الفصيلة A B O و هكذا ..علم دراسة الانسان على ما اذكر اسمه انثربولوجي.

خامسا: هي فين كلمة شيوخ مسلمين دي اللي انا قولتها..الا اذا كانت كلمة شيوخ مرتبطة بكلمه مسلمين في ذهنك..فالشيخ هو من شاخ في السن..انت بقي كدة اللي بتجرنا للمنزلق اللي بتقول عليه. و بعدين مش المهم عند فلان كام المهم مصدرها ايه و الا كل واحد ربنا مديه شويه فلوس يبقي حرامي و على العموم اتفضل اعرض الاسماء و الادلة و انا معاك في محاربة الفساد.

سادسا: انا كنت برد على ادعاءات الاخت جويرية و بما ان حق الادعاء مكفول يبقي حق الرد مكفول ايضا و بكدة طلب حضرتك من (ان يرتفع مستوي الحديث و ان لا يقع في ذالك المنزلق) موجه ليها و لاي واحد يعطي لنفسه حق الادعاء على الاخرين بما ترتئي له نفسه دون حجة او دليل ..و دي دعوة لمراجعة ما نكتب قبل ان نكتب..تحياتي

تم تعديل 22 أكتوبر 2011 بواسطة jonathan