عندك ... أظبط يا جدع ... الاخوان يلتقون وفداً من فريدم هاوس

[se_ Elsyed]

بس .. كده فاضل حد أخواني يسافر صربيا عشان يلبس التهمة وتبقى العملية متسبكة ... أه إشمعنى بتوع 6 إبريل ؟ الكل لازم يشيل الليلة

التقى صباح اليوم الثلاثاء 18 من أكتوبر 2011م الدكتور محمود حسين، الأمين العام لجماعة الإخوان المسلمين، والدكتور محمود غزلان، المتحدث الإعلامي باسم الجماعة، بوفد مشترك من منظمة "فريدم هاوس" (بيت الحرية) وبعض مساعدي أعضاء الكونجرس الأمريكي، ودار حوار موسَّع حول المناخ السياسي في مصر وأثره في الانتخابات القادمة، وموقف الإخوان المسلمين منها، وكذلك دار حوار حول الإسلام.

وتمَّ شرح حقيقة الإسلام، وكيف أنه عقيدة وشريعة، وتمَّ تفصيل كل جانب منهما؛ بحيث يغطي كل جوانب الحياة، وحقوق غير المسلمين في دولة الإسلام، وكيف أن الإسلام يحفظ لهم كل الحقوق الدينية والمدنية والسياسية.

وانتهى اللقاء بإقرار الجانب الأمريكي أنه استفاد كثيرًا من هذا اللقاء خلافًا لما كان يعلمه عن الإسلام وعن الإخوان، وتمنَّى تكرار اللقاءات.

المصدر : أخوان أون لاين

ربنا يهدي المندفعين وراء أذانهم بدون أي يمرروا أي خبر او حقيقة على عقولهم

[MohamedAli]

سؤال يا سي السيد

هل يوجد اي تشابة بين ان يلتقى الاخوان بجهه ما وبين ان فريدوم هاوس تدرب بعض الحركات الاخرى ؟

هل تساوى بين لقاء الاخوان بالسفيرة الامريكية مثلاً ؟

وبين اعتراف السفيرة الامريكية انها صرفت لليبراليين 40 مليون دولار بعض الثورة ؟

قليلاً من الانصاف وسترى الفرق بين التعامل الندي الذي يفعله الاخوان

وبين من يمد يده !

[se_ Elsyed]

مره أخرى ومليون عشان نعلم الشطار

وبين اعتراف السفيرة الامريكية انها صرفت لليبراليين 40 مليون دولار بعض الثورة ؟

حاول تعمل كده سيرش على تاريخ بناء الاهرامات .. هاتلاقي إن اليهود إدعوا إنهم هم بناة الأهرام الحقيقيون

وبالتالي كل واحد يقول اللي هو عاوزه

طب ما أمريكا بتدعي إنها كانت على علم بقيام الثورات دي ... فهل نصدقها ؟

إذن العقل بيقول يا عزيزي للمرة المليون إن البينة على من ادعى

تقول 40 تقول مليار .... المفروض للمرة المليون إن إحنا دولة مؤسسات .. مش لا مؤخذه طابونة ... وبالتأكيد عندنا نيابة ومخابرات وبنوك .. وبلاوي تانية متلتلة ...

وبالتالي لو سملنا عقلنا لمثل تلك المقولات ... يبقى لا مؤخذه لا نستحق هذا العقل الذي اعطانا إياه رب العزة ..

أما لو كانت ... شوفت كلمة كانت دي ؟ كانت كل الجهات اللي حاولت تشوه كل من شارك في الثورة .. كانت راحت أقرب قسم شرطة وليكن قسم الوايلي عشان باحبه .. وعملوا محضر ضد الناس دي اللي باعوا البلد وقبضوا و و و و و و ... وجابوا كل التحويلات البنكية وواجهوهم بتلك التهم الفظيعة وحاكموهم ... فكنا سنحترمهم ونقول لهم برافوا عليكم

أما الطنطنة ومدغ لبانة المعونات والكلام ده .. فخلاص الناس زهقت منه واكتشفت زيف تلك الأدعاءات اللي للأسف جاءت من ناس وجهات كنا بنحبها ونحترمها زي المجلس العسكري ممثلاً في اللواء الرويني .... واللي للأسف تبين بعد ذلك إن كلامه كان عبارة عن " ردح في فسحة بيتهم " وإن لا معاه مستندات ولا ادلة وإنه المفروض كان إتحاكم عسكرياً على الكلام ده

هل يوجد اي تشابة بين ان يلتقى الاخوان بجهه ما وبين ان فريدوم هاوس تدرب بعض الحركات الاخرى ؟

أه يعني عاوز تفهمني إن فريدم هاوس هي جهة مشبوهة بتدرب الناس على قلب نظام الحكم وبتديهم معونات ... لكن هي هي نفس الجهة بس بعد الضهر لما تقابل الأخوان بتبقى طاهرة وعفيفة وصفحتها بيضا ؟؟؟

بالمناسبة يا أخ محمد .. فريدم هاوس اللي كل اللي أعرفه عنها إن منظمة مجتمع مدني .. حصلت على ترخيض للعمل في مصر من حكومة المخلوع نفسه ... واللي بالتأكيد ومليون المية هاتبقى تحت عين المخابرات

[التونسى]

سؤال يا سي السيد

هل يوجد اي تشابة بين ان يلتقى الاخوان بجهه ما وبين ان فريدوم هاوس تدرب بعض الحركات الاخرى ؟

هل تساوى بين لقاء الاخوان بالسفيرة الامريكية مثلاً ؟

وبين اعتراف السفيرة الامريكية انها صرفت لليبراليين 40 مليون دولار بعض الثورة ؟

قليلاً من الانصاف وسترى الفرق بين التعامل الندي الذي يفعله الاخوان

وبين من يمد يده !

بس فيه نقطه مهمه .. مقابلة الاخوان لمنظمة فريدوم هاوس فيها اعتراف ضمنى بها وتبييض لوجهها .. ويعطى ايحاء بحسن نية تلك المنظمه .. ودى نقطه شايفها فى مصلحة 6 ابريل .. انها لم تتعامل مع منظمه مشبوهه .. فها هم الاخوان يلتقون بهم على الملاء وعلى مرأى ومسمع من الاعلام

تم تعديل 18 أكتوبر 2011 بواسطة محمود البصيلى

[se_ Elsyed]

ودى نقطه شايفها فى مصلحة 6 ابريل .. انها لم تتعامل مع منظمه مشبوهه

حتى دي كمان مردود عليها يا محمود

ولما هي مشبوهة بتديهم ترخيض ويشتغلوا ليه في بلدنا ؟

برضوا مره أخرى .. لما الناس اللي كانوا عاملين لك مشاكل ومش عارف تلاقي لهم مصيبة ترميهم فيها .. لما جم يسافروا من مطار القاهرة ولقيت على جوازات سفرهم ختم تأشيرة صربيا .. خليتهم يسافروا ليه ؟

بلاش دي .. لما رجعوا من التدريب على قلب نظام حكم مبارك ... ما اعدمتهمش ليه وأهي كانت تهمة جاهزة وعملية لوز ومتقشرة ؟

أنا متوقع بقى الأيام الجاية طالما الأخوان قابلوا فريدم هاوس .. أن تخرج بعض الأقوال للمدح في فريدم هاوس رضي الله عنهم وارضاهم ... لانهم يتبعون الهوى ... أو زي ما بنقول لايك أند ديسلايك

بالله عليكم دي سياسة ... ودي أفعال واقوال حد يقبلها ؟

يعني عشان نفس الموقف يحصل بالأمس مع ناس أختلف معهم سياسياً ..يبقى حرام مصفي والويل والثبور وعظائم الامور لهم وعليهم اللعنة

لكن لما سيحصل معي أو مع من أشجع ..... هو هو نفس الهاوس باب باب ... زنجا زنجا .. يبقى حلال الله وأكبر والند بالند وإحنا يا عم كنا بندعوهم للأسلام يا اخي الكريم

[MohamedAli]

بس فيه نقطه مهمه .. مقابلة الاخوان لمنظمة فريدوم هاوس فيها اعتراف ضمنى بها وتبييض لوجهها .. ويعطى ايحاء بحسن نية تلك المنظمه .. ودى نقطه شايفها فى مصلحة 6 ابريل .. انها لم تتعامل مع منظمه مشبوهه .. فها هم الاخوان يلتقون بهم على الملاء وعلى مرأى ومسمع من الاعلام

اسمح لى اختلف معك استاذ محمود

فمقابلتي لشخص مشبوهه شئ

وان تدعمني الجهه المشبوهه شئ اخر

فالاصل في السياسة مقابلة الجميع الجيد والسئ والشرير لكن ان يدفع لي اموال لكي افعل شئ هذا هو العيب والذي يجب ان نرفضة! لأنه لا احد يدفع اموال الا لو كان له غرض

على الهامش

انا لا اتكلم على 6 ابريل تحديداً ولاعن فريدوم هاوس لكن اتكلم عن المبدأ

مقابلة شخص او مؤسسة شئ وان تدعمني باموال شئ اخر ومن يدفع للزمار يختار اللحن ... هذا ا ب سياسة

[التونسى]

ودى نقطه شايفها فى مصلحة 6 ابريل .. انها لم تتعامل مع منظمه مشبوهه

حتى دي كمان مردود عليها يا محمود

ولما هي مشبوهة بتديهم ترخيض ويشتغلوا ليه في بلدنا ؟

برضوا مره أخرى .. لما الناس اللي كانوا عاملين لك مشاكل ومش عارف تلاقي لهم مصيبة ترميهم فيها .. لما جم يسافروا من مطار القاهرة ولقيت على جوازات سفرهم ختم تأشيرة صربيا .. خليتهم يسافروا ليه ؟

بلاش دي .. لما رجعوا من التدريب على قلب نظام حكم مبارك ... ما اعدمتهمش ليه وأهي كانت تهمة جاهزة وعملية لوز ومتقشرة ؟

أنا متوقع بقى الأيام الجاية طالما الأخوان قابلوا فريدم هاوس .. أن تخرج بعض الأقوال للمدح في فريدم هاوس رضي الله عنهم وارضاهم ... لانهم يتبعون الهوى ... أو زي ما بنقول لايك أند ديسلايك

بالله عليكم دي سياسة ... ودي أفعال واقوال حد يقبلها ؟

يعني عشان نفس الموقف يحصل بالأمس مع ناس أختلف معهم سياسياً ..يبقى حرام مصفي والويل والثبور وعظائم الامور لهم وعليهم اللعنة

لكن لما سيحصل معي أو مع من أشجع ..... هو هو نفس الهاوس باب باب ... زنجا زنجا .. يبقى حلال الله وأكبر والند بالند وإحنا يا عم كنا بندعوهم للأسلام يا اخي الكريم

بس خد بالك يا سى السيد الاتهامات الموجهه ل 6 ابريل بالعماله مش مصدرها الاخوان .. انا ذات نفسى ((ممن لا يتبعون فصيل معين)) لدى شكوك وتحفظات على حركة 6 ابريل نابعه من تصرفات مريبه صدرت منهم فى مواقف عده لا يسع المقام للخوض فيها

انا ما زلت فى حيره من امرى حول حركة 6 ابريل .. والايام كفيله بكشف الحقائق الدامغه حولهم ان شاء الله

[se_ Elsyed]

بس خد بالك يا سى السيد الاتهامات الموجهه ل 6 ابريل بالعماله مش مصدرها الاخوان .. انا ذات نفسى ((ممن لا يتبعون فصيل معين)) لدى شكوك وتحفظات على حركة 6 ابريل نابعه من تصرفات مريبه صدرت منهم فى مواقف عده لا يسع المقام للخوض فيها

انا ما زلت فى حيره من امرى حول حركة 6 ابريل .. والايام كفيله بكشف الحقائق الدامغه حولهم ان شاء الله

ولا أنا .. أنا لا اتحزب ولا أنتمي إلى فكر معين

لكن حتى لو إختلفت مع فكر معين لا يُمكنني أن أتهمه في شرفه أو في سُمعته لمجرد شكوك أو مجرد أوهام ...

خصوصاً لو كانت شكوك واوهام يعاقب عليها القانون زي العمالة أو تلقي معونات ودعم من الخارج

لكن عفواً الأيام مش هي اللي بتكشف لوحدها يا محمود ... ده احنا علينا مسئولية ادبية وإجتماعية وهي إننا نطالب الحكومة والمسئولين - وده بنعمله من ايام المخلوع - إن بلاش شغل الفسح -جمع فسحه - وشغل الردح لإنه عيب ولا يليق بدولة باجهزتها مش شوية ناس في الشارع أو ناس قاعدين على قهوة ... فلما يطلع مسئول يتكلم عن عمالة فلان وعلان وما إلى ذلك .. يبقى يا يثبت ذلك قانونياً ... يا يتلهي ويسكت ويروح يعالج ضعفه وعيوبة ...

بالله عليك يا شيخ ... لو بكره الصبح إتكتب عن الإخوان إنهم أثناء لقاءهم مع فريدوم هوم ولا هاوس .. إستلموا شنطة متستفة فلوس كمساعدة أو دعم .... هل سيختلف كلامنا وقتها ؟ أم أن كل صاحب عقل وصاحب مبدا واحد لا يتجزأ سيكتب ما نكتبه الأن بمنتهى التجرد ؟

[التونسى]

بس فيه نقطه مهمه .. مقابلة الاخوان لمنظمة فريدوم هاوس فيها اعتراف ضمنى بها وتبييض لوجهها .. ويعطى ايحاء بحسن نية تلك المنظمه .. ودى نقطه شايفها فى مصلحة 6 ابريل .. انها لم تتعامل مع منظمه مشبوهه .. فها هم الاخوان يلتقون بهم على الملاء وعلى مرأى ومسمع من الاعلام

اسمح لى اختلف معك استاذ محمود

فمقابلتي لشخص مشبوهه شئ

وان تدعمني الجهه المشبوهه شئ اخر

فالاصل في السياسة مقابلة الجميع الجيد والسئ والشرير لكن ان يدفع لي اموال لكي افعل شئ هذا هو العيب والذي يجب ان نرفضة! لأنه لا احد يدفع اموال الا لو كان له غرض

على الهامش

انا لا اتكلم على 6 ابريل تحديداً ولاعن فريدوم هاوس لكن اتكلم عن المبدأ

مقابلة شخص او مؤسسة شئ وان تدعمني باموال شئ اخر ومن يدفع للزمار يختار اللحن ... هذا ا ب سياسة

الاخوان ما شاء الله مش محتاجين دعم .. بل على العكس

مربط الفرس فعلا هو (((الغرض)) .. سؤال محيرنى ,, ايه غرض المنظمه دى من دعم حركه ثوريه زى 6 ابريل وغيرها ؟

اعتذر عن عدم استطاعتى الخوض فى غمار النقاش نظرا لضيق وقتى واقتراب موعد عملى

تم تعديل 18 أكتوبر 2011 بواسطة محمود البصيلى

[MohamedAli]

بالله عليك يا شيخ ... لو بكره الصبح إتكتب عن الإخوان إنهم أثناء لقاءهم مع فريدوم هوم ولا هاوس .. إستلموا شنطة متستفة فلوس كمساعدة أو دعم .... هل سيختلف كلامنا وقتها ؟ أم أن كل صاحب عقل وصاحب مبدا واحد لا يتجزأ سيكتب ما نكتبه الأن بمنتهى التجرد ؟

عارف مش هصدق ليه ياسي السيد مش عشان المبادئ بتتغير

لأنني اعرف كثير من الاخوان صادرت منهم الدولة عشرات الملايين ودفعوا من حياتهم في السجون سنوات طويلة ولم يتزحزحوا

لكن اعرف كثير من اقطاب الليبرالية لم يكون يملكون شئ ومن المعارضة اصبحوا مليونيرات! وانا لا اتهمهم بش بل اقر واقع

بالمناسبة

الاخوان لايتهمون احد بمسأله الاموال هذه هذا الكلام يوجهه للمجلس العسكري

وتحفظاتي على 6 ابريل او غيرها مرتبط بأدائها الساسي ولي تحفظات مثلها على الاخوان

[MZohairy]

للمره المليار

حتى لو استلمت 6 ابريل تمويل من جهات خارجيه

و استغلت هذا التمويل في محاولة اسقاط النظام السابق

او حتى المساعده على اسقاطه

بارك الله فيهم و لهم دنيا و آخره

و لو مكانتش استلمت تمويل و البعض بيدعي عليهم ذلك بدون دليل ملموس واضح لا يحتمل الشك

يبقى لعنة الله على من يدعي دنيا و آخره

اورفوار

[أبو محمد]

بس خد بالك يا سى السيد الاتهامات الموجهه ل 6 ابريل بالعماله مش مصدرها الاخوان .. انا ذات نفسى ((ممن لا يتبعون فصيل معين)) لدى شكوك وتحفظات على حركة 6 ابريل نابعه من تصرفات مريبه صدرت منهم فى مواقف عده لا يسع المقام للخوض فيها

انا ما زلت فى حيره من امرى حول حركة 6 ابريل .. والايام كفيله بكشف الحقائق الدامغه حولهم ان شاء الله

إذن فننتظر لنرى .. Let's wait and see .. كل واحد يقول رأيه على ضوء ما لديه من معلومات .. بس المفروض ما يحكمش .. يعنى أنا رأيى مثلا فى 6 أبريل إنهم مش عملاء .. إنما جزء من مخطط أجنبى (أما إذا كانوا يعرفوا أم لا ، فلا معلومات عندى لكى ... أحكم) .. وعلى فكرة "مخطط" غير "مؤامرة" .. ويمكننى القول إن الفتنة الطائفية هى منطقة مغرية جدا يستغلها أى واحد عنده "مخطط" لزعزعة مصر من الداخل .. أو حتى لتدميرها .. كون بقى أطراف الفتنة يعرفوا ده ويعرفوا دورهم فيه أو ما يعرفوش ، فمفيش عندى معلومات لكى .... أحكم

لن يمضى وقت طويل لمعرفة الحقيقة .. كل ما علينا هو الانتظار "لكى نرى" .. وفى هذه الأثناء كل واحد حر فى إنه "يقول رأيه" ، بس ياريت نحاول نبعد عن "إصدار الأحكام"

[Simba]

وتحفظاتي على 6 ابريل او غيرها مرتبط بأدائها الساسي ولي تحفظات مثلها على الاخوان

وماذا لو قالت 6 ابريل انها ستدعم الشيخ حازم ابو اسماعيل في الانتخابات الرئاسية اظن ساعتها هنسمع عجب العجاب عن نضال وكفاح الحركة

حصل قبل كده ;)

لما الشيخ تضامن مع اسماء محفوظ

كان النشطاء يرجمون وكانت المحاكمات العسكرية فخر لمن يجرؤ علي زعزعة استقرار البلاد وتعكير صفو سيادتهم وما ان تضامن الشيخ مع اسماء ضد العسكر حتي انقلبت الآية

امتي لم الشمل يا عالم

[MohamedAli]

وماذا لو قالت 6 ابريل انها ستدعم الشيخ حازم ابو اسماعيل في الانتخابات الرئاسية اظن ساعتها هنسمع عجب العجاب عن نضال وكفاح الحركة

حصل قبل كده ;)

لما الشيخ تضامن مع اسماء محفوظ

كان النشطاء يرجمون وكانت المحاكمات العسكرية فخر لمن يجرؤ علي زعزعة استقرار البلاد وتعكير صفو سيادتهم وما ان تضامن الشيخ مع اسماء ضد العسكر حتي انقلبت الآية

الكلام ده ياسمبا

مش عند التيار الاسلامي عند تيارات اخرى انت اكيد عارفهم

موقفى من قضية اسماء محفوظ او غيرها انني ضد المحاكمات العسكرية للمدنين ولو كان الجيش له عليها دليل فليقدمها لمحكمة مدنية وهذا موقف مبدأي لاعلاقة له بحب او كرهي لـ 6 ابريل

وموقفى واضح وصريح قبل ان يقول الشيخ حازم كلمة واحدة عن اسماء اوغيرها بايام

http://www.egyptiantalks.org/invb/index.php?showtopic=125324&st=0&p=770723entry770723

http://www.egyptiantalks.org/invb/index.php?showtopic=125324&st=0&p=770723entry770723

http://www.egyptiantalks.org/invb/index.php?showtopic=125324&st=45&p=771213entry771213

وهذا كلام البشمهندس تيمور الذى اشكره عليه

العفو يا محمد وهل جزاء الاحسان الا الاحسان

كمان موقفك ما يتنسيش لانه سبق موقف الشيخ حازم ب 24 ساعه لما اعترضت ع اللي بيقولوا (( احسن )) بمداخلة امبارح

http://www.egyptiantalks.org/invb/index.php?showtopic=125420&st=0&p=771668entry771668

تحياتي

[engmido]

اسمح لى اختلف معك استاذ محمود

فمقابلتي لشخص مشبوهه شئ

وان تدعمني الجهه المشبوهه شئ اخر

انا برده شايف كده...ده مبدا وتأصيل للحديث

------------------

س س باشا انا لا اعرف اذا كان 6 ابريل خدوا تمويل ولاخدوا فى سنانهم.....ولكن مفيش دخان من غير نار وتصرفاتهم المريبة دى تقلق

ثم لا مؤاخذة يعنى انت عمال تتكلم عالفسحة الفسحة ....

وهو اللى بيتعمل ده مش شغل فسحات وردح اشى اسماء محفوظ واشى ركوب عالثورة التى يعرف القاصى والدانى انها لم تكن مخطط لها ولم تكن هناك ثورة من اساسه

وانما الحكاية كلها كده جت بتساهيل ربنا...هذا فضلا عن نسب كل نجاح ل6 ابريل ونفى كل نقيصة عنهم ...

يا سلام بمنتهى البساطة دى....واحنا هبل وبنصدق...ده على كده 85 مليون دول ما بيشوفوش حتى من الغربال

و6 ابريل باشا دى هى الى شايفة نفسهم......طيب سيادتك الهيصة اللى فاتت دى ما سمعتش ان الحركة فصلت

احمد ماهر واسماء محفوظ وييجى 13 واحد كمان

تم تعديل 18 أكتوبر 2011 بواسطة engmido