ومازال حلم الحد الأقصى للأجور مستمر ... الحكومة تقرر خفض رواتب قيادات «المصرية للاتصالات» بعد احتجاجات الموظفين

[se_ Elsyed]

تعلمنا دائماً في الإدارة إن الأيدي المرتعشة لا تعمل ولا تُنتج ...

وبالتالي لو إستنينا موضوع الحد الأدنى والحد الأقصى للأجور .. يبقى البلد هاتولع قبل أن نرى ذلك .... إحنا منتظرين مجرد قانون .. مجرد رسالة توصل للناس الغلابة نقول لهم إحنا معاكم وإن في ثورة قامت عشانكم

ماحدش جاب سيرة المال الخاص ... لكن إحنا بنتكلم عن مال عام وقطاع عام وحكومي

يا جماعة ده في عز الدول الرأسمالية اللي الفقير بينطحن فيها واللي رأس المال فيها بيدوس على التخين .. الامور دي واضحة ورئيس الجمهورية نفسه مرتبه معروف لإن موظف حكومي مؤقت .. وحط تحت كلمة مؤقت مليون خط

لكن أنا لو موظف بقى لي ييجي 5 أو 10 سنين في الحكومة .... وبأتفحت وبأشتغل بضمير عشان باخاف ربنا ... ومع ذلك مرتبي اولاً عن أخر هو 600 ج .... في حين أبص بعيني جنبي كده الاقي رئيس مجلس الإدارة اللي موجود في نفس المبنى مرتبه

600 الف جنيه شهرياً

ده مرتب رئيس مجلس إدارة الشركة المصرية للإتصالات بالمناسبة

فهل هذا يرضي ربنا ؟؟؟؟

ولما اجمعه هو واعضاء مجلس الإدارة وشوية مديرين معاهم الاقيهم بياخدوا مرتبات يمكن قد نص جيش الموظفين؟

يبقى أي بيئة للعمل هذه ؟؟؟؟

أيوة العقول المبتكرة بتبقى نادرة وتعد على الأصابع

لكن مش للدرجة دي ... وإحنا مش هانكون بدعة بين العالم كله اللي الأمور دي فيه محسومة وغير قابلة للجدل

ويبقى لا ألوم بقى المظاهرات والإضرابات اللي قام بها الناس اللي فاض بها وعمالة تسمع في وعود ... وعمالة تشوف قرطمه ونحت من حقوقهم اللي مهضومة أساساً وكله لحد دلوقت جعجعة بدون طحين ...

أكد مصدر مسؤول رفيع المستوى في وزارة الاتصالات وتكنولوجيا المعلومات، أن الدكتور محمد سالم، وزير الاتصالات، اعتمد لائحة جديدة للأجور والرواتب تقضي بتخفيض رواتب الرئيس التنفيذي ونواب الرئيس التنفيذي وقيادات الشركة المصرية للاتصالات.

وقال المصدر في تصريح خاص لـ«المصري اليوم»: «إن هذا الإجراء يأتي في إطار عملية موسعة لإعادة هيكلة الأجور لجميع العاملين بالشركة، من أجل تحقيق العدالة والمساواة بين العاملين، في إطار من الشفافية الكاملة».