لا فض فوك ... محمد حسان: مرت 9 شهور على الثورة وبلادنا تتحول إلى الأسوأ

[se_ Elsyed]

كلام في الجون .. ويعبر عن تأكيدنا على إن المجلس العسكري رجعنا سنين أخرى إلى الوراء .. وكنا ممكن خلال 9 شهور عملنا الكثير والكثير

قال الشيخ محمد حسان الداعية الاسلامى الشهير إن مصر بلد المسلمين والأقباط وليست ملكا للمسلمين فقط، وشدد فى الكلمة التى ألقاها بالمؤتمر الثانى لحزب النور "السلفى" بمنطقة الهرم على أن أخطر فتنة تتعرض لها مصر الآن هى الفتنة الطائفية، مشيرا إلى أنه لا ينبغى أن يتوهم المحرضون أن النار ستلتهم المسلمين وحدهم بل ستلتهم المسلمين والأقباط.

وأكد حسان أننا أمام فتنة حقيقية لابد من مواجهتها ولا ينبغى أن ندفن رؤوسنا فى الرمال، وأضاف: "أقول كفانا نفاقا فلن تحل الأزمة برفع الصليب مع الهلال، ولا بمصافحة الشيخ والقسيس، وإنما ستحل بالمصارحة والصدق والوضوح، ولابد أن يجلس الفريقان معا بلا نفاق، ولا تملق ولا حسابات كاذبة، وأن يحكم القانون بالعدل والحق على المسلمين والأقباط".

وشدد حسان على أنه لا يجوز للحكومة والمسئولين أن يرضخوا للطلبات "الظالمة" التى تخرج بها أى فئة فى المجتمع بحسب تعبيره، وأضاف: "لا يجوز لمسلم عاقل أو قبطى عاقل أن يخون الجيش لأن الجيش لو انكسر لانكسرت مصر كلها، فلا ينبغى أن يحطم هذا الدرع الذى حفظ الثورة وحافظ على شبابنا، وأبلغ دليل ما نراه على أرض سوريا واليمن وليبيا والعراق".

وانتقد حسان أوضاع مصر بعد الثورة وقال: "مرت 9 أشهر دون أن يتغير شىء بل نحن إلى الأسوأ فلن تتغير مصر بالهتافات والقوانين بل بتغيير واقعنا نحن"، وتابع: "صارت الدماء فى بلادنا رخيصة وأرخص من التراب، وصرنا نسمع كل يوم عن سفك الدماء.. إلا يوجد قرآن يضبط أفعالنا وأقوالنا؟".

وطالب حسان الشعب المصرى بالعمل والتوقف عن الكلام وناشد الجميع التوقف عن الاحتجاجات وسياسة قطع الطريق، وأضاف: "هذه المكلمة الكبرى التى تجرى على شاشة الفضائيات فقد تكلم شعب مصر خلال الأشهر الماضية كلاما يكفيه لألف سنة مقبلة".

ووجه حسان رسالة إلى الإسلاميين الناشطين فى العمل السياسى، وقال: "لا ينبغى أن تشغلنا السياسة عن ثوابتنا ولا ينبغى أن يجرفنا العمل السياسى عن أصولنا وديننا، ويجب على إخواننا الذين سلكوا طريق السياسة أن يقدموا سياسة شرعية جديدة بعيدة عن الخداع والتضليل والكذب، "مضيفا:"نريد تجردا لنصرة دين الله، وتخلصا من المصالح الشخصية والحزبية الضيقة، ونريد أن نقدم سياسة شرعية منضبطة بكتاب الله وسنة نبينا".

[se_ Elsyed]

في حديثه الشيق بالامس مع لميس الحديدي .. سالت الدكتور العلامة محمد غنيم على موضوع البحث العلمي والتعليم والمشروع القومي للدكتور زويل ...

اجاب بإن مجلس الوزراء موافق .. والمجلس العسكري موافق .. لكن المجلس كالمعتاد راح حاطط حته كده تنص على إن الموافقة النهائية لازم تُعتمد من مجلس الشعب

طب لييييييييييييه ؟

إنتوا بتعملوا كده فينا ليه ؟

على سبيل المثال ... ده مشروع اهلي مش هايكلف الدولة حاجه .. تبقى ليه تعرقله لمدة سنة ويمكن أكثر ؟

وغيره وغيره ده الواحد لو إتكلم عنهم هايكتب مجلدات

[se_ Elsyed]

وأضاف: "هذه المكلمة الكبرى التى تجرى على شاشة الفضائيات فقد تكلم شعب مصر خلال الأشهر الماضية كلاما يكفيه لألف سنة مقبلة".

صح لسانك يا شيخ بجد

أنا بيتهيألي خلال 9 شهور .. في ناس عملت ملايين من التنطيط بين الفضائيات وبقت حاجه تفقع بصراحة وتحس إنه طفح فضائي وغن القنوات الفضائية اللي بتطلع كل يوم دي كأنها اعوذ بالله سرطان بينتشر و كل ما تقلب تلاقي نفس الوشوش ونفس الوجوه اللي حتى والله العظيم ما بيلحقوا يغيروا هدومهم وهاتك يا كلام كلام كلام ... من كل الأطياف بدون إستثناء

ولو كنا أستغلينا ربع الوقت والمكلمة دي في توعية الناس وفي التقريب بين وجهات النظر وفي التوجه نحو العمل والانتاج ... ما كانش ده بقى حالنا

[MZohairy]

رغم اختلافي معه في طريقة دعواه و اثرها على المسلمين

الا انني احترمت الكثير من مواقفه خلال و بعد الثوره

[الدكتور ياسر]

نقول لمين بس ؟؟

مرت 9 أشهر .. وبدلا من أن تلد الثورة عهدا جديدا من الحرية و الأمل .. نزل مولود مشوه .. اسمه الفتنة الطائفية .. آخر ما كنا ننتظر ..

و بدلا من انتظار الإنتخابات البرلمانية ثم الرئاسية أصبحنا الآن نبحث كيف نواجه الفتنة الطائفية .. و كيف نلبى المطالب الفئوية ..

و نبحث عن فضائح 6 إبريل و علاقتها بالفريدوم هاوس و التمويل المشبوه و حكايات أسماء محفوظ ..إلى آخره

شغلنا بقانون دور العبادة الذى ظل حبيسا لسنوات و إذا به الآن يظهر فجأة كما لو كان المسلمون و المسيحيون يصلون في العراء بلا مأوى ..

تم استدراجنا لأعمال العنف و البلطجة حتى تم إطالة الطوارئ إلى أمد بعيد بل ورحب بعضنا بها بالرغم أن إلغائها كان من أهم مطالب الثورة

أيام التحرير (( يا للسخرية !! )) بل وقبلنا مقولة أن مصر حاليا ليست جاهزة للمناخ الديمقراطي ..

تم تأجيل الإنتخابات البرلمانية و الرئاسية .. وأصبح أمام المرشحين على الأقل عامين آخرين من الصراع السياسي .. ربنا يديلهم طولة العمر

و سيصير الكثير منهم أوراقا محترقة بعد هذه الفترة ..

ده المجلس العسكري ده لعيب بشكل!!

[se_ Elsyed]

مجدي الجلاد عمل حته حلقة الأسبوع ده عن البلطجة .. مالهاش حل وأستطاع إقناع بعض البلطجية إنهم يظهروا معاه منهم من تاب .. منهم اللي لسه بيقلب عيشه بس وضعوا مؤثرات بصرية على وشه عشان شخصيته ما تتعرفش

كلهم .. بدون إستثناء قالوا إنهم كانوا بيشتغلوا مع الحزب الوطني في الإنتخابات ... وحكوا بالنص حكايات كنا سمعناها زمان عن تقفيل إنتخايات وتزوير وترويع المرشحين وذكروا مثال ما فعلوه مع جميلة إسماعيل لما حبت تترشح في الأنتخابات الماضية ... وكلهم بدون إستثناء أيضاَإنهم كانوا بيشتغلوا بتوجية من الشرطة وإن بعضهم شارك في موقعة الجمل .. وبعضهم صرح بإن ظباط المباحث في أقسام شرطة كتيرة استدعوهم رسمياً لقمع المظاهرات ... وبعضهم مازال للأسف يتخذ من الطرق الدائرية مرتع لسرقة السيارات ... واكثر ما اثر في هو إن كلب منهم قال إنهم قريب وقفوا عربية على الدايري عشان يسرقوها وكان فيها شاب وفتاة هي خطيبته ... لكن زميلة أغتصب البنت الحيوان .. وقال إن كل اللي بيعملوه هو والبلطجية اللي من هذا النوع بيبقى خارج عن شعورهم لإنهم قبل كل طلعه بيبقوا تحت تأثير المخدر ...

وساله المذيع هي الشرطة مش عارفاكم ؟

قال له إزاي إذا كنا أشتغلنا معاهم زمان وعارفينا بالأسم والعنوان وجميع التفاصيل لكن إحنا الان أقوى منهم ...

[لماضة مصرية جدا]

السلام عليكم و رحمة الله و بركاته

انا كنت ممن اعترضوا علي خطاب الشيخ حسان الاسبوع اللي فات و تعليقه علي احداث ماسبيرو

لكن خطابه اللي استاذنا سين سين اللي حطه النهاردة مختلف شكلا و موضوعا

دلوقتي اقدر اقول ان الشيخ حسان مواطن ايجابي

دلوقتي اقدر استمع للي بيقوله بشكل اكثر انفتاحا

اعتراضي عليه ليس اعتراضا شخصيا و لا هو هاجسا من الشيوخ كما صوره البعض

اعتراضي انه في وقت الازمة لم يضع يده علي سبب تلك الازمة الحقيقية

و لكني اراه قد استدرك موقفه من خلال خطابه

و من خلال تأكيده علي المباديء التي قامت من اجلها الثورة

العدالة للكل

العدالة مطلب مصر واحد

التباطؤ و اللعب علي سذاجة هذا الشعب اصبحت حيل تدعو للرثاء من قبل من يقومون بادارة شئون البلاد

تحية تقدير لخطاب الشيخ

و اتمني ان يكون شعلة تلهب حماس كل اللي نفسه ان البلد دي تتبني صح

تتبني علي حرية

عدالة

و كرامة

و يا رب الكلمات نترجمها لافعال احسن الواحد مرارته خلاص استغاثت من الكلام اللي عمال يترص فوق بعضيه

يا رب

[engmido]

انا كنت ممن اعترضوا علي خطاب الشيخ حسان الاسبوع اللي فات و تعليقه علي احداث ماسبيرو

ممكن اعرف سبب الاعتراض ايه ؟؟؟

وعلى فكرة الراجل ده ليسوا ممن يغيروا موقفهم ونحسبه على خير

[ابو محمود]

مجدي الجلاد عمل حته حلقة الأسبوع ده عن البلطجة .. مالهاش حل وأستطاع إقناع بعض البلطجية إنهم يظهروا معاه منهم من تاب .. منهم اللي لسه بيقلب عيشه بس وضعوا مؤثرات بصرية على وشه عشان شخصيته ما تتعرفش

كلهم .. بدون إستثناء قالوا إنهم كانوا بيشتغلوا مع الحزب الوطني في الإنتخابات ... وحكوا بالنص حكايات كنا سمعناها زمان عن تقفيل إنتخايات وتزوير وترويع المرشحين وذكروا مثال ما فعلوه مع جميلة إسماعيل لما حبت تترشح في الأنتخابات الماضية ... وكلهم بدون إستثناء أيضاَإنهم كانوا بيشتغلوا بتوجية من الشرطة وإن بعضهم شارك في موقعة الجمل .. وبعضهم صرح بإن ظباط المباحث في أقسام شرطة كتيرة استدعوهم رسمياً لقمع المظاهرات ... وبعضهم مازال للأسف يتخذ من الطرق الدائرية مرتع لسرقة السيارات ... واكثر ما اثر في هو إن كلب منهم قال إنهم قريب وقفوا عربية على الدايري عشان يسرقوها وكان فيها شاب وفتاة هي خطيبته ... لكن زميلة أغتصب البنت الحيوان .. وقال إن كل اللي بيعملوه هو والبلطجية اللي من هذا النوع بيبقى خارج عن شعورهم لإنهم قبل كل طلعه بيبقوا تحت تأثير المخدر ...

وساله المذيع هي الشرطة مش عارفاكم ؟

قال له إزاي إذا كنا أشتغلنا معاهم زمان وعارفينا بالأسم والعنوان وجميع التفاصيل لكن إحنا الان أقوى منهم ...

اذآ الشرطة انكسرت يا أبو الاسيان كدة محدش يقدر يقول حاجة طيب علشان نمسك الناس دى نعمل اية

هتقولى الشرطة عارفة العنوان اقولك قديمة اى ضابط دلوقتى لا يمكن ان يتعامل مع بلطجى البلطجى عارف القانون احسم مننا الحل هل الجيش يقوم بذلك ؟؟؟ الحل يا سيدى التسريع بحكومة جديدة منتخبة ودستور ورئيس وبعدها سيكون تعدل القانون وتغلظ الاحكام على البلطجية ونخلص ومهما عملنا مسيرات او وقفات بدون شرطة هتبقى زى مانت عارف