قتل معمر القذافى أثناء محاولة هروبه

[se_ Elsyed]

طبعا (انا لا اعلم مدى صدقية او واقعية ما عرفته عنهم) لكنكم كمصريين اكثر اقترابا و التصاقا بهم و ملايين المصريين عملوا هناك..........فهل كان الشعب الليبي ((فعلا)) تحت حكم الحديد و النار و انتهاك حقوق الانسان الليبي (المسالم/العايش في حاله)؟؟؟؟؟ هل كان نظام القذافي يضيق عيش (الملتزمين بالاسلام و القران و متبعي السنة)؟؟؟؟؟؟؟؟

بالتأكيد هناك علاقة مصاهرة قوية بين الشعب المصري والشعب الليبي .. خصوصاً في الناحية الغربية لمصر وتحديداً في مرسة مطروح حيث قبائل أولاد علي الممتدة من مصر إلى ليبيا

وعشان أقرب لك الموقف ... لو دخل الفرد المفروض يبقى في البلد دي 5 دولار مثلاً ... لكن البيه وعياله المحدودين بيسرقوا 4 ويعطوا الفرد 1 يادوب على قد إحتياجاته ويادوب يعيش مستور وكويس .. يبقى كده تماما ؟

هاقول لك على حاجه تاني .. مش من 4 سنيني كده طقت في دماغ المجنوم إنه يوزع عائدات البترول على الليبيين ؟

حسبوها لقوا نصيب الأسرة بالجنية المصري كده حوالي 24 الف جنيه شهرياً يعني 100 فل وحاجة 100 % .. مافيش أيام وحد لعب في دماغه وقال له يا أخ يا عميد السبوبة كده هاتضيع مننا ومش هانقدر نسرق ... فقال خلاص .. نغلي الدعم .. نلغي الوظايف الحكومية ونلغي ونلغي ونلغي ... يعني يخلوهم يشحتوا .. خرج الناس يصرخوا في الشوارع ويقولوا نبوس إيدك مش عاوزين عائدات البترول ... فقال لهم خلاص إنتوا اللي رفضتوا

طب خد دي ... تقريباً في الثمانينات او التسعينات غير شكل العُملة بتاعته .. وبالتالي أعطى فرصة لكل واحد معاه العملة القيمة يروح يبدلها بالعملة الجديدة .. تخيل كان عامل أفخاخ للناس اللي كسبت فلوسها بمجهودها وعرق جبينها .... وصادر فلوسهم كلها ؟؟؟؟؟؟

أما عن محاربته للإسلاميين و و و و و .. فتقريباً كان زي تونس ... ما فيش حد يفتح بؤه من أساسه ... يعني مش هانقول إسلاميين بيعملوا في السر ولا غيره .....

[se_ Elsyed]

صور جديدة تظهر لقائد قوات القذافي إبنه المعتصم بالله وهو حي وإصابته بسيطة ... ويبدو ان الثوار خلصوا الموضوع برضوا

http://www.youtube.com/watch?v=cMSAQzmnUmQ&feature=player_embedded

[se_ Elsyed]

لكل المتعاطفين ..

قناة العربية أنفردت بحديث مع إبن عمه منصور الضو وهو قائد الحرس الخاص بالقذافي اللي أعترف إنه كان يقود القوات اللي قتلت الألاف من الليبيين ..

لما نتخيل إن الشعب الليبي حوالي 5 مليون فقط .... ولما نعرف إنه هناك نصف مليون مصاب ما بين بتر أطراف وإصابات بالغة و و و و .. والناس مش لاقيه العلاج وهناك غستغاثات دلوقت بضرورة عود الاطباء المصريين لإنقاذ هؤلاء ...

ده غير الالاف اللي أستشهدت ..

يبقى نتخيل حجم الجرح عند كل سرة ليبية وحجم الخسائر وحجم الثأر اللي عند كل واحد

[eslam elmasre]

طبعا (انا لا اعلم مدى صدقية او واقعية ما عرفته عنهم) لكنكم كمصريين اكثر اقترابا و التصاقا بهم و ملايين المصريين عملوا هناك..........فهل كان الشعب الليبي ((فعلا)) تحت حكم الحديد و النار و انتهاك حقوق الانسان الليبي (المسالم/العايش في حاله)؟؟؟؟؟ هل كان نظام القذافي يضيق عيش (الملتزمين بالاسلام و القران و متبعي السنة)؟؟؟؟؟؟؟؟

بالتأكيد هناك علاقة مصاهرة قوية بين الشعب المصري والشعب الليبي .. خصوصاً في الناحية الغربية لمصر وتحديداً في مرسة مطروح حيث قبائل أولاد علي الممتدة من مصر إلى ليبيا

وعشان أقرب لك الموقف ... لو دخل الفرد المفروض يبقى في البلد دي 5 دولار مثلاً ... لكن البيه وعياله المحدودين بيسرقوا 4 ويعطوا الفرد 1 يادوب على قد إحتياجاته ويادوب يعيش مستور وكويس .. يبقى كده تماما ؟

هاقول لك على حاجه تاني .. مش من 4 سنيني كده طقت في دماغ المجنوم إنه يوزع عائدات البترول على الليبيين ؟

حسبوها لقوا نصيب الأسرة بالجنية المصري كده حوالي 24 الف جنيه شهرياً يعني 100 فل وحاجة 100 % .. مافيش أيام وحد لعب في دماغه وقال له يا أخ يا عميد السبوبة كده هاتضيع مننا ومش هانقدر نسرق ... فقال خلاص .. نغلي الدعم .. نلغي الوظايف الحكومية ونلغي ونلغي ونلغي ... يعني يخلوهم يشحتوا .. خرج الناس يصرخوا في الشوارع ويقولوا نبوس إيدك مش عاوزين عائدات البترول ... فقال لهم خلاص إنتوا اللي رفضتوا

طب خد دي ... تقريباً في الثمانينات او التسعينات غير شكل العُملة بتاعته .. وبالتالي أعطى فرصة لكل واحد معاه العملة القيمة يروح يبدلها بالعملة الجديدة .. تخيل كان عامل أفخاخ للناس اللي كسبت فلوسها بمجهودها وعرق جبينها .... وصادر فلوسهم كلها ؟؟؟؟؟؟

أما عن محاربته للإسلاميين و و و و و .. فتقريباً كان زي تونس ... ما فيش حد يفتح بؤه من أساسه ... يعني مش هانقول إسلاميين بيعملوا في السر ولا غيره .....

مش كدة وبس

العملية مش عملية اكل وشرب مافيش حد بيبات من غير عشا زي ما بنقول لكن تخيل ان الليبي المريض بينزل مصر او تونس عشان يلاقي مستشفى كويسة تعالجه او طبيب شاطر يعالجه

وتخيل ان لو واحد حب يتعلم صح منهم يذهب لمصر او اوربا واعتقد ان كان له هدف من ذلك وهي ان ما فيش حد يفهم او يعرف او يتعلم عشان يفضل اكبر وقت ممكن في الحكم وقد حدث

لكن الشباب اللي خرج واتعلم بره وشاف الدنيا عرف اد ايه هو منهوب ومضحوك عليه

يا اخي دولة بمقدرات ليبيا لو كان واحد بنص عقل كان خلاها افضل دولة في المنطقة لان دي دولة ليس بينها وبين اي بلد اخرى اي عداء وشعبها عدده قليل وثروتها كبيييرة جدا امام كل ذلك

لكن على الرغم من ذلك وبعد اربعين سنة اذهب الى ليبا وشاهد مستوى البنية التحتية هاتلاقيها في الحضيض بمعنى الكلمة

يا اخي ده فيها اماكن طبيعية ساحرة بمعنى الكلمة ولو واحد بنص دماغ كان عملها افضل المناطق السياحية في العالم

روح الجبل الاخضر وشوف جمال الطبيعة هناك

ولا شواطئها الممتدة لالاف الكيلو مترات حاجة زي السحر والعظمة

كل ده طاقة غير مستغلة وما تقدرش تعبر عن استياءك او تعترض او تقول اي كلمة بخلاف ما تشاهده

الناس دي شافت قهر ما شافهوش بني ادم على وجه الارض عشان كده كان انتقامهم زي ما شفناه

ليبيا في خلال سنين بسيطة هاتبقى دولة عظمي بمعني الكلمة ليس كما اراد الطاغية ولكن بالمخلصين والشرفاء من ابناء وطنهم

[أسد]

لكل المتعاطفين ..

قناة العربية أنفردت بحديث مع إبن عمه منصور الضو وهو قائد الحرس الخاص بالقذافي اللي أعترف إنه كان يقود القوات اللي قتلت الألاف من الليبيين ..

لما نتخيل إن الشعب الليبي حوالي 5 مليون فقط .... ولما نعرف إنه هناك نصف مليون مصاب ما بين بتر أطراف وإصابات بالغة و و و و .. والناس مش لاقيه العلاج وهناك غستغاثات دلوقت بضرورة عود الاطباء المصريين لإنقاذ هؤلاء ...

ده غير الالاف اللي أستشهدت ..

يبقى نتخيل حجم الجرح عند كل سرة ليبية وحجم الخسائر وحجم الثأر اللي عند كل واحد

أنا مش متعاطف

أنا قرفان

ومصاب بالغثيان

وعايز أرجع

أنا إنسان

[Ahmed Anwer]

حازم الكاديكي المعلق الرياضي الليبي " نقول لمن لامونا على قتل القذافى، الثوار فعلو خيرا بقتل القذافى لأننا لا نريد سجن طرة أخر في ليبيا".

هوا إحنا خلاص بقينا عبرة في الثورات الساذجة اللي علي نيتها

هههههههههه

[engmido]

لأننا لا نريد سجن طرة أخر في ليبيا".

يابن الايه يا حازم

[الدكتور ياسر]

القذافي طول عمره كان شخص كريهاً بالنسبة لي

ومثير للإشمئزاز

ولكني رأيت مشاهد قتله .. والتمثيل بجثته .. والتمثيل به وهو حياً قبل قتله ...

هذا المشهد كان مثيراً للإشمئزاز بالنسبة لي بشكل لا يتصوره أحد ..

وشعرت بالغضب أكثر عندما كانت تلك المشاهد تأتينا

مع خلفيات صوتية لأشخاص يهتفون "الله أكبر"

للأسف الشديد ..

لم أستطع أن أستوعب أن يقوم بشر بفعل هذا بإنسان آخر ..

ويكون هذا الحدث مصحوباً بفرحة عارمة

يمكن أكون غلطان ..

ولو أني أشك في ذلك

ولكني متأكد أن إنسانيتي لم تسمح لي بتقبل هذا المشهد تحت أي مسمى ...

من لايرحم لايُرحم ..

بفتح الياء الأولى و ضم الثانيه

[se_ Elsyed]

سؤال يا جماعة

اللي قتل الاف مؤلفة يمكن لو عدوا للجنون ده هاتلاقيه قتل ييجي 100 الف وزيادة .. ده يتحاكم إزاي ده ؟

هل تعلموا إن سنة 1996 أرتكب مذبحة في سحن ابو سليم وكان الضحايا 1200 إنسان بريء ..- منهم مصريين بالمناسبة -

ناهيك عن إستهلال عهدا بقتل معظم الذين عاونوه في الثورة .. وقتل كل المعارضين

تخيلوا إن قائد القوات اللي نفذت هذه العملية على مدار 3 أيام كان الكلب اللي قبضوا عليه أول إمبارح مع المجنون المقتول وهو إبن عمه منصور الضو واللي عمال يستعطف الليبيين أن يرحموه وعفا الله عما سلف ؟

ما بالنا بالقائد الميداني للمعارك التي قضى فيها الاف من الشعب الليبي حتفه ممن اجل معركة التحرير وهو المعتصم ... ده يتعامل إزاي ؟

وما بالنا بـ 42 سنة والمجنون بيقول على أهل ليبيا الكلاب والجرذان والمقملين ... ده يتعامل إزاي ؟

إزاي بلد يبقى 10 % منها مصابين ؟ يعني كل بيت بقى فيه مصيبة ومأساة

[طارق مصرى]

[ذهبية]

انا مش متعاطفة مع القذافى ولا مع تصرفاتة و لا افعالة

لكن بجد المشاهد اللى طلعت على التليفزيونات العالمية و العربية كنت اتمنى انى لا شاهد

لانها للاسف مش هتسىء للعرب فقط لكن للاسلام ككل

اعرف انة يتسحق الموت نتيجة افعالة لكن ليست على الملاء و امام كل الكاميرات العاليمة بهذا الشكل

كان يكفى فقط انة توفى بدون يقى صور للتشفى و التكبيرات ورائة و تغطية الدماء كانة حيوان جريح و حولة الباقى يتشاجرون على جزء منة و التقاط الصور

هل علمنا دينا الاسلامى هذا ؟؟؟

دة لو كافر و اسير حرب عندنا ومن الاعداء من تعاليم ديينا الحنيف الا نعاملة بهذة الطريقة

دى كانت صورة سيئة جدااا للاسلام

وكنت افضل مجرد ابلاغ الخبر فى القنوات الفضائية بدون بث تلك الصور

[Ahmed Anwer]

يا جماعة خلاص يعني إحنا أكثر حضارة من أمريكا !!!

(( إحنا فعلا أكثر حضارة ))

ما أمريكا قتلت بن لادن و رميته في البحر

[ابو محمود]

خلاص يا جماعة اللي مش عجبة ما حدث للقذافى يروح يبوس مبارك

ونرجع تانى فلاش باك الى يناير قبل 25 وعشرون

ونرجع الناس اللي موتها القذافى تانى فلاش باك وكأننا فى سينيما امريكية او فيلم كرتون

تخيلو مصراتة مدينة غنية جدآ تم تدميرها بالكامل بالصواريخ سكود وكأنها تل ابيب اعتداء على النساء واغتصابهم

حملة منظمة لقتل كل من يحمل شهادة عليا بطرابلس او يحمل علم

انة شيطان القذافى الذى كان بين ايدى الثوار لقد كان القذافى شيطان وليس انسان من يفعل هذا بشعبة لا يستحق حتى ان تقام لة جنازة

[MohamedAli]

القذافي انتهى واصبح تاريخ

المهم الان هو ليبيا

مصطفى عبد الجليل رئيس المجلس الانتقلالي

يقرر ان الشريعة الاسلامية هي المصدر الرئيسي للتشريع

يعلن الغاء كل القوانيين التى تتعارض مع الاسلام

ويعلن ان الدولة تعمل لانهاء النظام الربوى نهائياً من المصارف

http://www.youtube.com/watch?v=SJo0ul-syvc&feature=share

تم تعديل 23 أكتوبر 2011 بواسطة MohamedAli

[م تيمور المراغي]

اللي احاسيسهم مرهفه

ليه الشريعة امرت برجم الزاني بالحجاره حتى الموت وعلى مشهد من الناس

وجلد معاقر الخمر وشاهد الزور 80 جلده

وقطع يد السارق

وقطع رأس القاتل وعلى مشهد من الناس !

دي اسمها العبره

واي حاكم مجرم وفاسد حيفكر الف مره قبل ما يعمل في شعبه ربع اللي عمله القذافي

ده فيلم قبل ثورة ليبيا خااالص

وشوفوا المجرم عمل ايه في شعبه !

http://www.youtube.com/watch?v=UHl4LuO2Dpo

[أبو يمنى]

لحظة سجود رئيس المجلس الانتقالي الليبي شكراً لله 23 10 2011

http://www.youtube.com/watch?v=WYwQK1IEuYk

[الدكتور ياسر]

يا سلام ..

هكذا يكون الوفاء .. فالله هو صاحب الفضل على كل الشعوب العربية المحررة

ياريت في مصر نشوف و نعتبر بدلا من أن ينسب كل فريق النجاح لنفسه ناسيا أن الأمر كله بيد الله وما نحن إلا أسباب