معييش غير دبلتين تتجوزيني!!

[doctor ayman]

هناك اساسيات لا يمكنالاستغناء عنها

وكماليات يمكن الاستغناء عنها

الاساسيات هي شخصيه الزوج واخلاقه واسرته

اي نقص في هذه المسائل يخلي الجوازه دي لا يمكن تتم

وجود سكن حتي لو ايجار جديد يعتبر ايضا اساسي

اما الشبكه والمهر والعفش فيمكن عمل تخفيضات وتنزيلات فيها

وكلما كان الزوج عنده وظيفه لها مستقبل جيد كلما كان من السهل مساعدته في البدايه من اهل الزوجه

علي اساس انه في المستقبل يستطيع ان يوفر لها حياه كريمه

[رضوي]

سلام الله عليكم ورحمته وبركاته

شوفت الجروب دة الفيس بوك من فترة وكنت ومازلت أحد المعجبين به

ووجهه نظري الشخصية والخاصة جداً ...................

موافقة ومن غير دبلتين كمان ( ممكن فضة )

بشرط وااااااااااااااحد ووحييييييييد

انه يكون يستاهل وهيقدر

وهتناقش مع عيلتي وهعرف اقنعهم طالما انا مقتنعة ......... وهما اصلا مايهمهمش غير راحتي وسعادتي

طالما الشخص علي خلق ودين وهيراعي ربنا فيا كويس اوي ومش هيظلمني وهطمن على نفسي معاه يبقى ماعنديش اي مانع ومش عايزة ولا دهب ولا ماس

المهم يكون يقدر يوفرلي الحياه الكريمة

بس خلاص

[أم القمر فيصل]

موضوع حلو وانا مع رأى الاخت ذهبــية

ثم لما هو ما يملكش غير الدبلتين ايه اللى جرأه على توريط انسانة معاه ؟

الحياة لها التزاماتها ومتطلباتها واللى بيجى رخيص بيروح رخيص

واخدعك لو قلت ليكى ممكن اوافق وما يهمنيش الناس عندهم ايه لان الاحوال وكلام الناس له عامل نفسى يفسد اى علاقة

ده غير ان زمن الملايكة والرومانسية انتهى يعنى يمثل امامك انه ملاك ووديع لحد ما تتورطى معاه وساعتها اما طلاق وضياع للمرأءة وحقوقها

او اضطرارها للعمل لتساعد الباشا

وايام الرسول صلى الله عليه وسلم كان المجتمع قريب من نفس المستوى المادى ولو احدهم تزوج على سجادة فقط لم يكن يدفع المرأءة لان تعمل وتساعده كما هو الحال الان

فالرجال قوامون على النساء بماذا؟ بما انفقو

صدق الله العظيم

[Ahmed El Manadili]

والله انا هافاجئك يا ريهام بردى

انا مقتنعة جدااا ان الراجل لازم يتعب علشان يتجوز اللى عايزها و الست لازم تحس بتعبة و غلاوتها عندة

لانى مؤمنة جدا بالمثل اللى بيقول اللى يجى سهل بيروح سهل و اللى بتتعب فية هتفكر الف مرة قبل ما تفكر انك تستغنى عنة

مش شرط بقى مادياااا زى الشكبة و غيرة بس على الاقل انة يوفر ليا حياة كريمة و بمشاركتنا احنا الاتنين

لكن انى اريحة قوى فى طلباتى و الطريق يبقى سهل للدرجة دى بانى اذلل لة كل الصعاب وميتعبش نفسة فى انة يكون بيت

الزوجية بصراحة انا مش هاحس انى متجوزة راجل

انا ممكن استغنى عن كل طلباتى لو حسيت منة انة بجد شارينى وفعلا المووضع اكبر من طاقتة

لكن انى انا الللى اريحة تطوعاااا منى بدة

هو اللى بعد كدة هيستخسر فيا اى حاجة و هياخد على كدة صدقينى

الراجل ما بيصدق الست تريحة من اى مسئولية

بصراحة يا ذهبية كلامك المستفز شجعنى أدخل و أرد عليكى .. :protest:

حكاية الى بيجى سهل بيروح سهل و الى بتتعب فيه بتحافظ عليه دى مش ماشية مع الجواز ابدا .. وهو ده الفكر القديم الى لازم يتغير فعلا .. خدى عندك أمثله:

-كثير جدا من الجوازات الناجحة فى الاجيال السابقة كانت بسيطة جدا ماديا و لم يتكبد الرجل فيها اى صعوبات مادية .. ومع ذلك نجحت و استمرت لان الزوجين متفاهمين و كلاهما يقدر المسئولية.

-هناك زيجات تكبد فيها الرجل مصاعب و متاعب مادية لكنه لم يتورع فى إنهاء الزواج بعد عدة سنوات من المتاعب مع زوجه لا تقدر مسئولية الحياه و لا تستطيع إسعادة.

حكاية انك مش هتحسى انك متجوزة راجل إلا لو تعبتيه و طلعتى عينه دى بصراحة صعب أعلق عليها .. بس ربنا يكون فى عونه!

[الباشمهندس ياسر]

امس كان عندي والدة واحد م الشباب و واحدة تانية المفروض انها حماته

الشاب ده حجز شقة عندي مساحتها صغيرة شوية و حجزها قبل ما يخطب

والدة العروس رفضت الشقة تماما و جاية عاوزة تحل

والد العروس اللي مقابلتوش علق الموضوع ككل لغاية ما تتغير الشقة

هي دي طريقة تفكير المجتمع بتاعنا

[herohero]

معاك شقة تسوى شقة

بلاش بقى نضحك ع بعض مجتمعنا هي ده حساباته دلوقت

ده أصلا ام البنت بتعترض ع مكان الشقة وانها ف الدور الرابع وهي نفسها تكون ف الدور الثاني ولون السيراميك

يااااااااااااااااه المجتمع المصري ف الزواج مش بيفكر ف المظاهر خاااااااااااااااااالص اهم شئ عنده انه بيشتري راااااااااااااااااااااجل

---------

ياريت تبقوا تشوفوا الجروب بتاع خليها تعنس