ظهور السيدة العذراء بين الحقيقة والخيال

[حسام يوسف]

واتمنى ان تفكر إدارة الموقع بشكل جدي في إنشاء قسم خاص يتعلق بالشؤون المسيحية وتكون نافذه على اسلوب حياتهم بمنظور اوسع كما قال الأخ نصار ...

شخصيا لست متحمسا لوجود قسم للشؤون المسيحية في المنتدى ... وإلا فإننا سنكون مساهمين في تكريس حالة العزلة والانقسام بين الأعضاء ... المسلمين يكتبون في قسم هدى الإسلام والمسيحيين في قسم الشئون المسيحية ولا يقرأ طرف منهم للآخر.

بل وأدعو الى حذف باب هدى الإسلام لأن الكثيرين يعترضون على تناول الموضوعات الدينية من جانب غير المتخصصين ... وأرى أن يتم استبداله بقسم للحوار الأيديولوجي بين جميع الفرق والمدارس الفكرية دون أن يكون مقصورا على مرجعية معينة سواء كانت دينية أو غيرها ... يمكن أن يكون اسمه (أيدولوجيات وأفكار ونظريات) ... ما يميزه عن باب موضوعات جادة هو الابتعاد عن متابعة الأحداث اليومية والتركيز على القضايا الفكرية والفلسفية العامة.

مجرد رأي

:rolleyes: :wub: md2:

[الترجمـان]

ثانياً بجد لازم نفتح توبيك جديد على الحساسيه بين المسلمين والمسحين لان ده امر واقع بجد ويجب مناقشته بكل صراحه

بتفق مع دعوة الأخ محمد العنبي واتمنى ان تفكر إدارة الموقع بشكل جدي في إنشاء قسم خاص يتعلق بالشؤون المسيحية وتكون نافذه على اسلوب حياتهم بمنظور اوسع كما قال الأخ نصار ...

كما ارحب بالأخوه الذين انضموا حديثا

واتمنى ان يشاركونا حياتنا وحياتهم ويعطونا الفرصه في طوي تلك الصفحة من سوء الفهم ..

وكل عام وانتم بكل البخير والسعاده والطمأنينه.... :rolleyes:

السلام عليكم

الاخوه الكرام جزاكم الله خيرا

.اخى الترجمان

بجد انا حزين على المنحى الذى اخذه الموضوع .

من البدايه و بعض زملاءنا المسيحيين يصر على ان مجرد مناقشه الموضوع يعتبر قدحا فى العقيده المسيحيه

و خصوصا ممن يتخذون العلمانيه شعارا و حريه الرأى منهجا ..

و اكد كل المشاركين على الجانب الاخر و خصوصا س س صاحب الموضوع على البعد عن العقيده و ما فيش فايده

(طالما جاب سيره دراع مرسى يبقى خلاص ) وش سعيد صالح فى المشاغبين ..

http://www.egyptiantalks.org/invb/?showtopic=46679

الفاضل اباعمر

نحن نحتكم من البداية إلى قوانين وسياسة الموقع التي وافقنا عليها جميعا...

واذا كان قد حدث سوء فهم من كلا الجانبين فاعتقد ان الجميع الآن انتهى إلى قهم الغرض الحقيقي من طرح الموضوع ..

واعتقد انك لم تقرأ المداخلة التي تفضل بها الزميل joo في الصفحة العاشرة والذي أبدى بدوره حسن نيته ..

وفي النهاية الكل عرض وجهة نظره بالفعل فلماذا التصعيد ..؟؟

هذا رأيي

[engmido]

يا ا/ س س

يعنى مش فاهم حضرتك مصر ليه تكمل مع انى طلبت منك اكتر من مرة انك تقفل الباب ده منعا للقيل والقال

ادينا وصلنا ياسيدى لمرحلة احنا وانتم

ادينا وصلنا لمرحلة نفتح باب للاخوة المسيحيين

ادينا وصلنا لمرحلة اغلاق باب هدى الاسلام

ياسيدى والله كان قلبى حاسس..........مع احترامى ومحبتى ليك ..........اقفله وريحنا

وبأكد عليك ان الناس مصرة تفهم غلط ...........ياسيدى يعنى انت هتفهمهم بالعافية

...مانت بتجيلهم شمال يجولك يمين................ وواضحمن تعبيراتك فى كل المداخلات (انا قلت قبل كده..........انا قلت مليون مرة.........انا خرجت من هدومى :rolleyes: )

[الترجمـان]

استاذي الفاضل احمد سيف ..

بالنسبالي انا احترم آراءك واستفيد من مداخلاتك خصوصا التي تحمل دائما رأي اكاديمي محترم ...

كل ماهنالك انني التقطت اقتراحات الزملاء الأفاضل و قمت بربطها مع دعوة الأستاذ عادل ابوزيد في هذا الموضوع (( http://www.egyptiantalks.org/invb/?showtopic=30874 )) ...

وعلى اثر ذلك لو تم إضافة قسم خاص بالشؤون المسيحية بجانب الشؤون الإسلامية بحيث يندرج كلاهما في باب واحد..

اعتقد انها ستكون بمثابة خطوة اولى نحو تفعيل مثل هذه المشاركات التي ستعالج ولو قليلا ماشاب مؤسساتنا التعليمية والدينية من قصور في أداء دورها الدستوري المنوط بها و الذي تسبب للأسف في وجود مثل هذا الحاجز النفسي بين عنصري الأمه...

بالنسبه لإقتراح حضرتك

ربما اتفق مع الهدف الذي ترمي إليه ولكني اختلف على الأسلوب ...

فعبارة "الحذف" التي ذكرتها اعتقد انها لن توصلنا إلى الهدف المنشود ... واعتقد ان "التدريج" سيكون افضل وفقا للمرحلة القادمة ووفقا لأسباب اجتماعية وثقافية عديدة تحتاج مزيد من الجهد لإصلاحها واعتقد ان شرحها يطول ولا مجال لمناقشتها هنا ..

تحياتي واشكرك على ردك واهتمامك ..

[otaka]

يا اخوانى الموضوع فى منتهى البساطه و لا يحتاج لاى شئ سوى ان يتقبل كل الناس وجهه نظر الاخر

المشكله التى اثارها هذا الموضوع هي مشكله الشك و دعنى اقول عدم الثقه

فالاخوه هنا ينظرون الى الاخر و اللى هو اصلا مش اخر لانه اكيد الناس كلها اصلها واحد

لكنهم يرتابون من الاخر ليس لانه خطا او يقول شئ لا يصح و لكن لانه اخر

الموضوع واضح جدا و اى متخصص ممكن يطلع لكم كلام كتير اتكتب يدعم هذه الاطروحه

دعونا من هذا الكلام و لنبدا المواجهه مع الواقع المرير الذى نعيش فيه

كيف حدث هذا الشرخ و كيف يمكن اصلاحه و يا ريت قبل ما حد يقول مفيش شرخ و العلاقه على ما يرام يفكر الف مره لانه انا شخصيا متربى فى مصر و تركتها من ما يرنو من العشر سنوات خلال تلك الفتره لاحظت تغيير كبير و خطير فى علاقه الاخوه داخل الوطن الواحد

لكم ان تقبلوا ما قلت او ترفضوه لكن انا تكلمت مع ناس كثيريين من دول مختلفه قادتهم الظروف للاقامه فى مصر و اجمع الناس على وجود هذا الشرخ خصوصا ان معظم من تحدثت اليهم بحاث اكاديميون فى العلوم الاجتماعيه

اؤيد كلام الاخوه فى ضروره العمل و اتخاذ خطوات ايجابيه لاصلاح حاله الريبه الموجوده بين الاخوه داخل الوطن الواحد

و عندى اقتراح ان يقوم الاخوه من غير المسلمين (على اساس ان الاغلبيه هنا مسلمه) بفتح قلوبهم لاخوانهم المسلمين لعل و عسى نصل الى تفاهم يكون نواه لمشروع اصلاحى على مستوى الموقع يمكن ان يتطور ليشمل عموم البلاد بعيدا عن افطار البابا و تهانى شيخ الازهر

قد اكون مخطئ لكن قصدى و نيتى سليمه و لى اجر الاجتهاد

[joo]

يا اساتذة يالى بتفتو كل واحد بفتوة شكل

ان السيدة العذراء لما ظهرت فى الستينات كان بردو بواسطة جهاز الهاموجرام؟

اولا احب انى اقول لكم ان الست العذراء شيء يخصنا نحن وهى جاية علشان المسيحيون ومحدش طلب منكم انكم تصدقو او متتصدقوش دة ميهمناش فى شيء

بدل ماتشغلو بالكو بيها خليكو فى اللى يهمكو ولا انتم فاضيين مش لاقيين موضوع تتكلمو فية فبدل ماتفتحو توبك مخصوص علشان تثبتو عدم ظهور السيدة العذراء افتحو مواضيع اهم

يعنى مثلا ممكن تتكلمو عن اطفال الشوارع اللى بيخدروهم ويسرقو اعضائهم علشان ملهمش اهل

او موضوع كثرة حوادث الطرق اللى كل يوم الاف الاهالى بتترمل وتتشرد بسببها واحنا ساكتين

او موضوع الدم الملوث فى المستشفيات او السرنجات المستعملة

او موضوع المنقبات اللى بيسرقو الاطفال من المستشفيات وطبعا محدش يقدر يقول اوصافهم علشان منقبات

اوموضوع التحرش الجنسى فى المواصلات

اوموضوع سرقة الاطفال

او موضوع سرقة اعضاء الشهداء الفلسطينيين من قبل الاسرائليين

يا حضرات فى مليون مشكلة عندنا فى مصر وانتم غفلانين وللاسف مش بتتشطرو الا على المواضيع اللى فيها خير وسلام ومش بتضر احد

والسلام ختام

وعلى فكرة بدل ماتتكلمو من بعيد لبعيد ياريت تروحو هناك فى الوراق وتسألو وتعرفو كمية المعجزات اللى حصلت وقت ظهور العذراء والمسلمين قبل المسحيون

واخيرا ودة اهم شيء ان موضوع السيدة العذراء شيء يخصنا نحن وليس انتم

[arora]

ماشى يا سيدى احنا ناس مدروشة وبنؤمن بحاجات محصلتش

انتم زعلانين ليه؟؟؟؟؟؟؟

ايه اللى تاعبكم بس

حد داس لكم على طرف

احنا افعالنا هبلة (ومتشكرين عليها بالمناسبة )

مالكم انتم ؟؟

ايه اللى انتم عايزينه

حد ضركم فى حاجة

اللى عاوز يصدق اهلا وسهلا مش عاوز براحتك محدش غصبك

عارفه اللي تاعبني إيه بجد ؟

نغمة إنتم .... وإحنا

اولا

اللى فرق بيننا هو موضوع حضرتك مش انا

خصوصا العنوان المستفز

هل لو فتحت موضوع عن الموالد او اى شىء من الممارسات الاسلامية التى لا نقتنع بها قطعا

واسميته ممارسات ............. الهبلة ( ارفض ان ينطق لسانى بهذا لانى احرص على مشاعرك ومشاعر اصدقائى ومعارفى المسلمين )

هل حضرتك ستقف وتشاركنى هجومى اعمالا وانتصارا للعقل؟؟؟!!! ( ارجو ان تكون منصفا وامين مع نفسك فى الرد على هذا السؤال؟؟)

ولا هتقول وهما مالهم........... احنا اللى نتكلم فى امورنا وتدخلكم لايحمل الا اهانة

وبعدين هى دى الحقيقة فتناول الموضوع ليس من وجهة نظرنا كمصريين ولكن من وجهة نظرك كمسلم فى شؤونا كمسيحيين

يبقى لازم فيه احنا وانتم وبعدين لا انت مسيحى ولا انا مسلمة يبقى فيه احنا وانتم

ثانيا

احد المدخلات طلبت ايضاح وجهة النظر فى ايماننا

وهذا يعبر عنه قداسة البابا شنودة وهى

( احنا عايشين فى عالم مادى على الارض . هناك عالم فوقنا اخر ده بنسميه عالم النور ويسكنه سكان السماء

العالم الاخر كل مافيه نور ....... الله نفسه تبارك اسمه نور لايدنى منه ........السيد المسيح من صفاته انه نور من نور .......

العدرا اسمها ام النور ......النور يشمل كل نفس بشرية ايضا من النفوس البارة التى صعدت الى السماء

فاحنا ممكن تجيلنا زيارة من العالم الاخر وازيارة دى تكون نور ايضا........بذلك العدرا بتظهر ككتلة نور ايضا لكن ليها ملامح والحمام اللى بيظهر بيكون منير

(معروف ان الحمام لا يطير ليلا )

وليس حماما عاديا من الذى يراه الناس والنور اللى بيظهر بيكون مبهر ورائع غير الانوار العادية

فاحنا نفرح اذا جاتلنا رسالة من السماء لكى تفتقدنا وتطمئن علينا )

انتهى كلام قداسة البابا وهذا هو ايماننا

من له اذنان للسمع فليسمع

تم تعديل 28 ديسمبر 2009 بواسطة arora

[joo]

معلش يا نصار

مش كل ما يقوله البابا شنودة ندرجه تحت قداسة معتقدات دينية مسيحية

قال حاجات كتير قبل كدة وممكن جدا مسلمين ومسيحيين يختلفوا معاه فيها

[/quote

[size="5"]هلا بالفاضل حسام

أعتقد ان لو قام مفتى الديار المصرية بأصدار فتوا فمن الطبيعى هيكون بتخص الاخوة المسلمين.حيث يكون من الجهل لو طلع مجموعة من المسحيين وقالوا راى معاكس.

وبالتالى اذا قام قداسة البابا بالتحدث عن شيء فى العقيدة المسيحية فهتكون بالاحرى بتخص المسيحيين.

وأى عظة أو حوار يقوم بالتحدث عنة يكون من الانجيل ، ولا يوجد اختلاف علية فى الوسط المسيحى . قداسة البابا لا يعطى معتقدات شــــــــــــــــخصية ، ولكن كل الكلامه من الانجيل حيث لايوجد فتاوى وبالتالى لا يوجد اختلاف بين أثنين فى العقيدة المسيحية الارثوزوكسية فى مصر حيث اننا رأى واحد ومعتقد واحد فى كل شىء مما لا يدع الشك فى تفسير الانجيل .

وعاوز أوصلك معلوة أنا مش زعلان من الحوار معكم ولكن عندى تحفظ استخدام العقل البشرى فى قدرة الله

غير متكافئ حيث ان العقل البشرى محدود والله تبارك أسمة غير محدود .

وكل سنة وأنتم طيبين وأخص الشكر سى السيد واريدة ان يأخذ الموضوع بشكل أفضلو مش بعصبية حتى تعرف رأى الأخر وليس رأيك لوحدك .

إذا كان الله معنا فمن علينا

[otaka]

ماشى يا سيدى احنا ناس مدروشة وبنؤمن بحاجات محصلتش

انتم زعلانين ليه؟؟؟؟؟؟؟

ايه اللى تاعبكم بس

حد داس لكم على طرف

احنا افعالنا هبلة (ومتشكرين عليها بالمناسبة )

مالكم انتم ؟؟

ايه اللى انتم عايزينه

حد ضركم فى حاجة

اللى عاوز يصدق اهلا وسهلا مش عاوز براحتك محدش غصبك

عارفه اللي تاعبني إيه بجد ؟

نغمة إنتم .... وإحنا

اولا

اللى فرق بيننا هو موضوع حضرتك مش انا

خصوصا العنوان المستفز

هل لو فتحت موضوع عن الموالد او اى شىء من الممارسات الاسلامية التى لا نقتنع بها قطعا

واسميته ممارسات ............. الهبلة ( ارفض ان ينطق لسانى بهذا لانى احرص على مشاعرك ومشاعر اصدقائى ومعارفى المسلمين )

هل حضرتك ستقف وتشاركنى هجومى اعمالا وانتصارا للعقل؟؟؟!!! ( ارجو ان تكون منصفا وامين مع نفسك فى الرد على هذا السؤال؟؟)

ولا هتقول وهما مالهم........... احنا اللى نتكلم فى امورنا وتدخلكم لايحمل الا اهانة

وبعدين هى دى الحقيقة فتناول الموضوع ليس من وجهة نظرنا كمصريين ولكن من وجهة نظرك كمسلم فى شؤونا كمسيحيين

يبقى لازم فيه احنا وانتم وبعدين لا انت مسيحى ولا انا مسلمة يبقى فيه احنا وانتم

ثانيا

احد المدخلات طلبت ايضاح وجهة النظر فى ايماننا

وهذا يعبر عنه قداسة البابا شنودة وهى

( احنا عايشين فى عالم مادى على الارض . هناك عالم فوقنا اخر ده بنسميه عالم النور ويسكنه سكان السماء

العالم الاخر كل مافيه نور ....... الله نفسه تبارك اسمه نور لايدنى منه ........السيد المسيح من صفاته انه نور من نور .......

العدرا اسمها ام النور ......النور يشمل كل نفس بشرية ايضا من النفوس البارة التى صعدت الى السماء

فاحنا ممكن تجيلنا زيارة من العالم الاخر وازيارة دى تكون نور ايضا........بذلك العدرا بتظهر ككتلة نور ايضا لكن ليها ملامح والحمام اللى بيظهر بيكون منير

(معروف ان الحمام لا يطير ليلا )

وليس حماما عاديا من الذى يراه الناس والنور اللى بيظهر بيكون مبهر ورائع غير الانوار العادية

فاحنا نفرح اذا جاتلنا رسالة من السماء لكى تفتقدنا وتطمئن علينا )

انتهى كلام قداسة البابا وهذا هو ايماننا

من له اذنان للسمع فليسمع

يا ست اورورا طيب واحد زى حلاتى موافق على وجهه نظرك فى عنوان الموضوع انا بقى ابقى منكم و لا منهم

الاراء يا سيدتى الفاضله مفيهاش انتم و احنا طالما فيها احترام و مفيهاش تعدى

انا عندى اقتراح نعمل مجموعه انتم و احنا و مجموعه للى فى حالتى نسميها الناس التالته و دول الناس اللى بتحب بعض و مش بتشك فى نوايا بعض

و شكرا

[se_ Elsyed]

للأسف ردود الأخ جو والاخت ارورا ردود متشنجه واعتقد كمان إنهم لا يقرأوا ما يُكتب أصلاً من مداخلات ... او بيقراوا اللي بيعجبهم بس ومجهزين الردود الهجومية

اولا احب انى اقول لكم ان الست العذراء شيء يخصنا نحن وهى جاية علشان المسيحيون ومحدش طلب منكم انكم تصدقو او متتصدقوش دة ميهمناش فى شيء

لأ يا أخي الكريم

مريم العذارء تهمنا ايضاً ... ويكفي ان سور القرآن كلها لم تُسمى بأي أسم سيده إلا السيدة " مريم " وفي القرآن سورة طويلة تُسمى بإسمها لعلو قدرها وشأنها لدى المسلمين

ماتفتحو توبك مخصوص علشان تثبتو عدم ظهور السيدة العذراء افتحو مواضيع اهم

يعنى مثلا ممكن تتكلمو عن اطفال الشوارع اللى بيخدروهم ويسرقو اعضائهم علشان ملهمش اهل

او موضوع كثرة حوادث الطرق اللى كل يوم الاف الاهالى بتترمل وتتشرد بسببها واحنا ساكتين

او موضوع الدم الملوث فى المستشفيات او السرنجات المستعملة

او موضوع المنقبات اللى بيسرقو الاطفال من المستشفيات وطبعا محدش يقدر يقول اوصافهم علشان منقبات

اوموضوع التحرش الجنسى فى المواصلات

اوموضوع سرقة الاطفال

او موضوع سرقة اعضاء الشهداء الفلسطينيين من قبل الاسرائليين

يا حضرات فى مليون مشكلة عندنا فى مصر

طب ما تشد حيلك وتفتح بنفسك .... ولا انت مش مصري ؟؟؟؟؟؟

وهل لاحظت أي قيود على فتح الموضوعات التي تهمنا كمصريين ؟

طالما حوار محترم ومفيد فأهلاً وسهلاً به من أي أحد

------------------

هل لو فتحت موضوع عن الموالد او اى شىء من الممارسات الاسلامية التى لا نقتنع بها قطعا

واسميته ممارسات ............. الهبلة ( ارفض ان ينطق لسانى بهذا لانى احرص على مشاعرك ومشاعر اصدقائى ومعارفى المسلمين )

هل حضرتك ستقف وتشاركنى هجومى اعمالا وانتصارا للعقل؟؟؟!!! ( ارجو ان تكون منصفا وامين مع نفسك فى الرد على هذا السؤال؟؟)

اتوكلي على الله وهاكون أول واحد يسقف لك لو فتحتي موضوع بإسم " الإسلام بريء من الممارسات الهبله "

قولتي لي كنتي عاوزه تسمي الموضوع " ممارسات المسلمين الهبله ؟ وحطيتي نقط بدل الكلمة ؟؟؟؟

عفواً يبقى أنتي لا قريتي عنوان موضوعنا ده ولا قريتي الموضوع أساساً لأني لم أشر إلى الديانة المسيحية ولا سلوك كل المسيحيين ومش ذنبي إن حضرتك كنتي ممن أمن بموضوع الظهور

وبعدين لا انت مسيحى ولا انا مسلمة يبقى فيه احنا وانتم

لكي مطلق الحرية في التقسيم والتحزب ولا أحد يستطيع ان يهدم تلك الحواجز التي تبنيها بنفسك حول نفسك

لكن ما تزعليش من التطرف والجهل لما يحصل .

وكل سنة وأنتم طيبين وأخص الشكر سى السيد واريدة ان يأخذ الموضوع بشكل أفضلو مش بعصبية حتى تعرف رأى الأخر وليس رأيك لوحدك

حاضر يا جو مش هاتعصب وهاشرب لموناته كمان ...

بس أبقى بعدين أقعد مع نفسك بعدين كده وأقرأ الموضوع وشوف مين اللي متعصب فينا

[أبو محمد]

أحسن شئ لاحظته فى الموضوع الطويل العريض ده ، هو إن بعض الأخوة الكرام يجادلون فى ظهور السيدة العذراء بالعقل .. بإيه بقى ؟ .. بالعقل

أنا مستنى أشوف مشاركاتهم فى المواضيع التانية المفنوحة واللى حتتفتح فى مقبل الأيام .. وحياتكم عندى حترجع نغمة .. "عقل إيه اللى بتتكلموا عليه ؟ .. فى حالة الاختلاف نقدم النقل على العقل .. قفل لى على كل المواضيع .. قضى الأمر الذى فيه تستفتيان .. لا تجادل يا أخ على "

يابو الأسيان .. إيه اللى مضايقك يا راجل ؟ ممارسات إيه اللى مش عاجباك ؟ .. إن فيه ناس بتقول إن ستنا مريم ظهرت ؟ .. والله إذا كان هذا من صلب العقيدة المسيحية ، ففعلا لا يحق لمسلم الكلام ، فضلا عن فظاظة الخطاب التى لاحظتها فى بعض المداخلات ..

أما إذا كان الذى يحدث هو استغلال لطبيعة الشعب المصرى - المتدين بفطرته - لصالح أجندة ما زالت مخفية .. فأرجو أن تفسح لى مكانا صغيرا فى خندقك للدفاع عن هذا الشعب الطيب الذى يستغله المتلاعبون بالعقول .. سواء من انكشفت أجندتهم أم من كانت أجندتهم "باين طرطوفة منها" ...

يا إخوانى المسيحيين .. كل سنة وانتم طيبين .. طبعا أنتم ونحن نؤمن بأن الله قادر على كل شئ .. وإذا كان ظهور السيدة العذراء فى كنيسة الزيتون بعد هزيمتنا (مسلمين ومسيحيين) فى 67 ، أو فى أى كنيسة أخرى فى أى مرحلة أخرى من مراحل الانحطاط المادى والفكرى (التى تمر بنا – ولا نمر بها – مسلمين ومسيحيين) هو من صلب عقيدتكم .. فبالأصالة عن نفسى وبالنيابة عن إخوانى المسلمين ، أتقدم لكم بخالص الاعتذار .. وأرجو أن يظهر التسامح وتظهر المحبة ويظهر السلام (أعرف أن هذا من صلب العقيدة) ، وأن تختفى العروق النافرة والوجوه المحتقنة التى تكسوها حمرة الغيظ

وانت يابو الأسيان .. لاتحزن .. كلنا فى الهم شرق .. بقى الممارسات مش عاجباك ؟ .. طب إنت عارف إن المهدى المنتظر موجود من سنوات فى غزة ؟ .. وإنه بيستعد لهزيمة الروم ؟ .. (دور لك على مخبأ من دلوقت يا سكوب :) ) .. ده حتى كلم الناس فى التاكسى وعرَّفهم بنفسه وهو لسه طالع مولود وفى اللفة من المستشفى (بالأمارة اسمها دار الشفاء) .. هو دلوقت ما شاء الله تلاقيه كبر شوية وبقى حلو كده .. وفيه ناس بيراعوه لأنه سيقود "أهل الراية" إلى المعركة .. أصبر شوية لما يبقى عنده سبعتاشر تمنتاشر سنة .. كلها كام سنة وحنشوف (يعطينا ويعطيك العمر) .. إوعى تفكر إنى كبرت وخرَّفت .. أنا مش جايب الكلام ده من عندى .. ده كلام الراجل البركة ده

مش بقول لك ؟ .. كلنا فى الهم شرق .. كلنا :sad:

[pink rose]

اولا احب انى اقول لكم ان الست العذراء شيء يخصنا نحن وهى جاية علشان المسيحيون

واخيرا ودة اهم شيء ان موضوع السيدة العذراء شيء يخصنا نحن وليس انتم

و مين كمان يا استاذ joo ؟؟؟؟؟؟؟؟؟؟؟؟ مين كمان بتاعكم انتم و مش بتاعنا احنا؟

المسيح عيسى عليه السلام و لا ابو الانبياء ابراهيم الخليل و لا كليم الله موسى عليه السلام و لا نوح عليه السلام و لا اقولك يكونش كمان آدم ابو البشر بتاعكم انتوا بس و مش بتاعنا احنا كمان

السيدة البتول الطاهرة العذراء مريم عليها السلام اللي حضرتك بتقول انها بتاعتكم و جاية عشانكم هاقولك هي عندنا ايه لو حضرتك ما تعرفش

قال تعالى في كتابه الكريم

" وَضَرَبَ اللَّهُ مَثَلاً لِّلَّذِينَ آمَنُوا اِمْرَأَةَ فِرْعَوْنَ إِذْ قَالَتْ رَبِّ ابْنِ لِي عِندَكَ بَيْتاً فِي الْجَنَّةِ وَنَجِّنِي مِن فِرْعَوْنَ وَعَمَلِهِ وَنَجِّنِي مِنَ الْقَوْمِ الظَّالِمِينَ(11) وَمَرْيَمَ ابْنَتَ عِمْرَانَ الَّتِي أَحْصَنَتْ فَرْجَهَا فَنَفَخْنَا فِيهِ مِن رُّوحِنَا وَصَدَّقَتْ بِكَلِمَاتِ رَبِّهَا وَكُتُبِهِ وَكَانَتْ مِنَ الْقَانِتِينَ(12) سورة التحريم)

(إِنَّ اللّهَ اصْطَفَى آدَمَ وَنُوحاً وَآلَ إِبْرَاهِيمَ وَآلَ عِمْرَانَ عَلَى الْعَالَمِينَ(33) ذُرِّيَّةً بَعْضُهَا مِن بَعْضٍ وَاللّهُ سَمِيعٌ عَلِيمٌ(34) إِذْ قَالَتِ امْرَأَةُ عِمْرَانَ رَبِّ إِنِّي نَذَرْتُ لَكَ مَا فِي بَطْنِي مُحَرَّراً فَتَقَبَّلْ مِنِّي إِنَّكَ أَنتَ السَّمِيعُ الْعَلِيمُ(35) فَلَمَّا وَضَعَتْهَا قَالَتْ رَبِّ إِنِّي وَضَعْتُهَا أُنثَى وَاللّهُ أَعْلَمُ بِمَا وَضَعَتْ وَلَيْسَ الذَّكَرُ كَالأُنثَى وَإِنِّي سَمَّيْتُهَا مَرْيَمَ وِإِنِّي أُعِيذُهَا بِكَ وَذُرِّيَّتَهَا مِنَ الشَّيْطَانِ الرَّجِيمِ(36) فَتَقَبَّلَهَا رَبُّهَا بِقَبُولٍ حَسَنٍ وَأَنبَتَهَا نَبَاتاً حَسَناً وَكَفَّلَهَا زَكَرِيَّا كُلَّمَا دَخَلَ عَلَيْهَا زَكَرِيَّا الْمِحْرَابَ وَجَدَ عِندَهَا رِزْقاً قَالَ يَا مَرْيَمُ أَنَّى لَكِ هَـذَا قَالَتْ هُوَ مِنْ عِندِ اللّهِ إنَّ اللّهَ يَرْزُقُ مَن يَشَاءُ بِغَيْرِ حِسَابٍ(37) سورة آل عمران)

( وَإِذْ قَالَتِ الْمَلاَئِكَةُ يَا مَرْيَمُ إِنَّ اللّهَ اصْطَفَاكِ وَطَهَّرَكِ وَاصْطَفَاكِ عَلَى نِسَاء الْعَالَمِينَ(42) يَا مَرْيَمُ اقْنُتِي لِرَبِّكِ وَاسْجُدِي وَارْكَعِي مَعَ الرَّاكِعِينَ(43)سورة آل عمران)

(مَّا الْمَسِيحُ ابْنُ مَرْيَمَ إِلاَّ رَسُولٌ قَدْ خَلَتْ مِن قَبْلِهِ الرُّسُلُ وَأُمُّهُ صِدِّيقَةٌ كَانَا يَأْكُلاَنِ الطَّعَامَ انظُرْ كَيْفَ نُبَيِّنُ لَهُمُ الآيَاتِ ثُمَّ انظُرْ أَنَّى يُؤْفَكُونَ(75)سورة المائدة)

( وَاذْكُرْ فِي الْكِتَابِ مَرْيَمَ إِذِ انتَبَذَتْ مِنْ أَهْلِهَا مَكَاناً شَرْقِيّاً(16) فَاتَّخَذَتْ مِن دُونِهِمْ حِجَاباً فَأَرْسَلْنَا إِلَيْهَا رُوحَنَا فَتَمَثَّلَ لَهَا بَشَراً سَوِيّاً(17) قَالَتْ إِنِّي أَعُوذُ بِالرَّحْمَن مِنكَ إِن كُنتَ تَقِيّاً(18) قَالَ إِنَّمَا أَنَا رَسُولُ رَبِّكِ لِأَهَبَ لَكِ غُلَاماً زَكِيّاً(19) قَالَتْ أَنَّى يَكُونُ لِي غُلَامٌ وَلَمْ يَمْسَسْنِي بَشَرٌ وَلَمْ أَكُ بَغِيّاً(20) قَالَ كَذَلِكِ قَالَ رَبُّكِ هُوَ عَلَيَّ هَيِّنٌ وَلِنَجْعَلَهُ آيَةً لِلنَّاسِ وَرَحْمَةً مِّنَّا وَكَانَ أَمْراً مَّقْضِيّاً(21) فَحَمَلَتْهُ فَانتَبَذَتْ بِهِ مَكَاناً قَصِيّاً(22) فَأَجَاءهَا الْمَخَاضُ إِلَى جِذْعِ النَّخْلَةِ قَالَتْ يَا لَيْتَنِي مِتُّ قَبْلَ هَذَا وَكُنتُ نَسْياً مَّنسِيّاً(23) فَنَادَاهَا مِن تَحْتِهَا أَلَّا تَحْزَنِي قَدْ جَعَلَ رَبُّكِ تَحْتَكِ سَرِيّاً(24) وَهُزِّي إِلَيْكِ بِجِذْعِ النَّخْلَةِ تُسَاقِطْ عَلَيْكِ رُطَباً جَنِيّاً(25) فَكُلِي وَاشْرَبِي وَقَرِّي عَيْناً فَإِمَّا تَرَيِنَّ مِنَ الْبَشَرِ أَحَداً فَقُولِي إِنِّي نَذَرْتُ لِلرَّحْمَنِ صَوْماً فَلَنْ أُكَلِّمَ الْيَوْمَ إِنسِيّاً(26) فَأَتَتْ بِهِ قَوْمَهَا تَحْمِلُهُ قَالُوا يَا مَرْيَمُ لَقَدْ جِئْتِ شَيْئاً فَرِيّاً(27) يَا أُخْتَ هَارُونَ مَا كَانَ أَبُوكِ امْرَأَ سَوْءٍ وَمَا كَانَتْ أُمُّكِ بَغِيّاً(28) فَأَشَارَتْ إِلَيْهِ قَالُوا كَيْفَ نُكَلِّمُ مَن كَانَ فِي الْمَهْدِ صَبِيّاً(29) قَالَ إِنِّي عَبْدُ اللَّهِ آتَانِيَ الْكِتَابَ وَجَعَلَنِي نَبِيّاً(30) وَجَعَلَنِي مُبَارَكاً أَيْنَ مَا كُنتُ وَأَوْصَانِي بِالصَّلَاةِ وَالزَّكَاةِ مَا دُمْتُ حَيّاً(31) وَبَرّاً بِوَالِدَتِي وَلَمْ يَجْعَلْنِي جَبَّاراً شَقِيّاً(32) وَالسَّلَامُ عَلَيَّ يَوْمَ وُلِدتُّ وَيَوْمَ أَمُوتُ وَيَوْمَ أُبْعَثُ حَيّاً(33) ذَلِكَ عِيسَى ابْنُ مَرْيَمَ قَوْلَ الْحَقِّ الَّذِي فِيهِ يَمْتَرُونَ(34) سورة مريم)

واخد بالك سورة مريم عندنا سورة كاملة باسمها عليها السلام

اللي فات دا قرآن كريم شايف السيدة العذراء في كتابنا شأنها عالي ازاي و مش بس القرآن لا دا خاتم الانبياء و المرسلين محمد صلى الله عليه و سلم ذكرها شوف كده حضرتك بيقول عنها ايه

قال محمد صلى الله عليه وسلم: [كمل من الرجال كثير، ولم يكمل من النساء إلا مريم ابنة عمران، وخديجة بنت خويلد وفاطمه بنت محمد وآسيا امرأة فرعون..]

ادي مريم عليها السلام اللي بتقول عنها انها بتاعكتم تقدر تقولي بعد اللي قريته دا بتاعتكم انتم بس ازاي؟

لا حول و لا قوة الا بالله

انا مسمية بنتي على اسمها عليها السلام من كتر حبي و احترامي و تقديري ليها تقوم تقولي بتاعتكم

غريبة دي و الله

ربنا يهدي

تم تعديل 29 ديسمبر 2009 بواسطة remo

[أسد]

أمور كثيرة في حياتنا تحكمها الروحانية والخرافات .. وهناك كثير جداً من الناس مسلمين ومسيحيين من يدافع عن تلك الأمور الغيبية ..

أذكر أنني في منتصف الثمانينيات .. كنت في فترة مهتماً بالبحث والمشاهدة لأحوال المصريين .. وخصوصاً بعض الأمور التي كنت أراها خرافات ..

سأحكي لكم قصة صغيرة ..

كان لي صديق ... سرق من منزلهم مبلغاً من المال .. ولم يكن هناك أحد غريب .. ولم يتركوا المنزل خالياً لأي فترة ..

قال لي أن والدته ستذهب إلى رجل في باب الشعرية ليفتح المندل .. وكانت مفاجأة سارة لي حين وافقوا أن أذهب معهم ..

وذهبت وشاهدت مايحدث .. مجموعة من الأمور الخرافية .. وتنويم.. وطفل صغير .. ليقر الرجل بأن من سرق الأموال هو واحد من أفراد العائلة وحدده ..

لم تصدق الأم .. فهذا الشخص بعيد عن الشبهات ..

قررت الذهاب مرة أخرى لإحدى السيدات التي تكشف .. وذهبت معها ..

بعد شوية حركات خزعبلية .. قالت أن من قام بتلك العملة هو أحد أفراد العائلة .. وحددت أوصافاً تنطبق على شخص آخر غير الأول ..

شكت الأم في كلام الإثنين .. فقررت أن تذهب لرجل آخر .. يقرأ القرآن وبيعمل حركات من دي بس بالإستعانة بالقرآن ..

الراجل .. فاجئنا .. بأن الأم عليها عفريت .. ولازم يطلعه لأن العفريت ده غير مسلم .. لكن قبل مايطلعه حيستغله ويخليه يقر على الحرامي ..

المهم قعد ينوم فيها .. ويقرأ .. ولقينا الست قعدت تعيط.. الظاهر انه من تأثير القراءة .. وبعدين قالنا ان اللي سرق الفلوس هو العفريت اللي على الست .. يعني الست نفسها هي اللي سرقت نفسها .. !!!! ..

طبعاً كلام فارع

خلصنا من المووضع ده .. ولكن صديقي وأنا استهوتنا حكاية المشايخ والدجالين دول .. وقعدنا نسأل وندعبس .. خصوصاً إن هو كان من سكان حي الحيسينية بالقاهرة .. وهناك فيه ناس كتير من اللي بيعملوا الحاجات دي .. أو قريب منهم .. وقعدنا نروح نتفرج عليهم .. وكانت هناك مفارقات كثيرة حدثت في تلكالفترة .. أكثرها سبب لنا الضحك الهيستيري مما جعلنا نطرد أكثر من مرة من مجالس الخزعبلات ..

وأكثر من مرة ذهبت إلى أحد الأماكن التي كانوا يستخرجون العفاريت من الناس .. وكان يقوم بهذا الأمر قسيس .. أو هكذا كان يقال .. وكان يلبس الزي الأسود المتعارف عليه والعمامة ....

وكان يضرب الضحية (أو العفريت) حتىيخرج .. ويتمتم بكلام من الإنجيل ..

وبعدين اتلخبطت واستعجبت من كيفية تصديق الناس لهذا الهراء .. هو العفاريت بتطلع بالقرآن ولا بكلمات الإنجيل .. ولا بالبخور .. ولا بالضرب ...

وشاهدنا في التسعينيات هوجة البرامج التي كانوا يأتون ببعض النصابين والذين يدعون هذا الأمر على شاشات التليفزيون ..

واتضح أنهم نصابون .. بالرغم من أنهم كانوا يقرأون القرآن ..

على كل ..

الأمر وما فيه ..

أننا شعب طيب .. متدين جداً بطبيعته .. ولو شط البعض عن المسار .

ولكن .. من كثرة تديننا وروحانيتنا .. نصدق ويصدق الكثيرون بعض تلك الأمور التي أراها خزعبلية ..

الحقيقة أنا لا أعرف حقيقة ما إذا كان تجلي السيدة العذراء هو أحد الثوابت عند المسيحيين أم لا .. ولكني إن لم أكن مخطئاً أن هناك أمور معجزة يؤمنون بها ...

ولا أعتقد أن من حق أي شخص أن يناقش أمور في عقيدة الآخر .. فكل شخص حر فيما يعتقد ..

ولكننا ..

ومن واجبنا ..

أن نحاول أن نعمل العقل .. ونفكر .. ونتدبر ..

خصوصاً في الأمور التي يمكن أن يكون فيها شبهة الخرافة ..وتغييب العقل ..

وأن ندافع عن أنفسنا ..وأن نحمي ونحصن أنفسنا من أن يضحك علينا أحد .. أو يغشنا ..

وطبعاً ..

كل سنة وانتم طيبين جميعاً ...

[حمدي العسال]

السلام على من اتبع الهدى اخوانى انا دخلت المنتدى متأخر بخصوص الموضوع المذكور انا مش عاوز اجادل فيه كتير لانى عارف انه مفيش فايده من المجادله فى المنتدى بس انا حبيت اوضح للاخت اللى بتقول اننا يجب ان نؤمن بالمعجزات بولادة نبى بدون اب احب اقول هذه ايه من آيات الله سبحانه وتعالى بدأها سبحانه وتعالى عندما خلق آدم بدون ام وأب والآيه التانيه عندما خلق حواء من أب بدون أم والآيه الثالثه عندما خلق المسيح من أم بدون اب والآيه الرابعه خلقنا جميعا من أم وأب سبحانه وتعالى صاحب الكاف والنون ( يقول للشىء كن فيكون )

[se_ Elsyed]

شوفتوا إحنا جدعان إزاي

مش زي ناس من اللي هما ؟

أنا غيرت العنوان أهو ولو إني مش مقتنع .. بس عشان كلكم حبايبي وزي ولادي :lol:

يالا

تعالوا نرجع نتخانق تاني .

إحنا وقفنا عند انهي بوكس

[tantrum]

أكثر ما عجبت له منذ بداية هذا الموضوع هو تعجب و إستنكار المسلمين..!!!!

[قطرة ندى]

أكثر ما عجبت له منذ بداية هذا الموضوع هو تعجب و إستنكار المسلمين..!!!!

انت كنت فين غطسان دا كله؟

[myusername]

انا مع فتح موضوع عن الحساسية اللى عند المسيحيين.. و المسيحيين يقولوا فيه هما متضايقين من ايه.. و ليه؟

ممكن مثلا انى اضايق واحد مسيحى.. و انا مش حاسس انى بضايقه!

يا جماعة.. ممكن واحد مسيحى يكره المسلمين كلهم بسبب موقف.

انا شخصيا بسبب موقف كرهت دولة بحالها (مش هحكى عن الدولة ولا عن الموقف) لمجرد بس انى حسيت بروح المؤامرة.

و بسبب كراهيتى دى, بقيت اشوف الامور غلط.. لكن لاسباب ما, الموضوع اتصلح و أعدت النظر فى بعض الامور.

يعنى احيانا تجاربنا بتعمينا من اننا نشوف الحقيقة!

تم تعديل 29 ديسمبر 2009 بواسطة myusername

[حسام يوسف]

ملحوظة لي فى اكثر من موضوع فى المحاورات الآن

بدأت لهجة التخاطب من بعض الأعضاء تأخد أشكالا تتسم بالحدة فى الفترة الأخيرة

فى أكثر من موضوع

ومع أكثر من عضو

من أكثر من عضو

[miramikhail]

هو أكمل معلش أطريت أقطع فى نص الكلام الحاجة التانية و سبب المشكلة هى الحدة المتبادلة من الناحيتين يعنى أنا ممكن أقول كل اللى أنا عايزاه مع مراعاة مشاعر الأخرين وفى حاجة بيبقى مش من المفروض تقال لأنه بنشوف أنه من الليقة ما تتقالش أو بمعنى تانى لازم الأنسان يكون حكيم فى كلامة يعنى بعض الكلمات و التعبيرات ضيقتنى بصفة خاصة .

المهم أعتقد أن الموضوع كده أتحسم على أن نتفق أننا لن نتفق فى تلك النقطة .