صورة إهداء إلى المجلس العسكري وإلى وزراء الفلول

[se_ Elsyed]

http://www.youtube.com/watch?v=5c8THg5E9xM

هذه صورة للسيد مصطفى عبد الجليل وهو يُقبل يد أحد المصابين منذ عدة أيام ... وصورة أخرى وهو يسجد لله شكراً أمس وهو يُعلن تحرير ليبيا بالكامل

وبالامس أستمعت إلى كلمة للسيد محمود جبريل رئيس المكتب التنفيذي للمجلس الأنتقالي وهو يُعلن إستقالته بكل ثقة ورضا نفس... ولما ناقشه المذيع عن سبب الإستقالة وهل هو خوفاً من المجهول القادم ؟

اجاب بإن القادم أفضل وأحسن .. لكنه وعد قطعه على نفسه وكذلك فعل كل أعضاء المجلس التنفيذي وعلى رأسهم مصطفى عبد الجليل ....

فاجابة المذيع : ولكنكم خبرة سياسية وكفاءات كبيرة ؟

فقال له بكل ثقة : نحن سنُسلم الأمانة للشباب والنساء الذين قاموا بالثورة فهم اولى بحكم ليبيا وسنقوم بتقديم أي إستشارة لمن يريد فقط ...

فقال له المذيع : وهل هناك من هو على الساحة ويستطيع ان يتحمل المسئولية ؟

فاجاب كل الخمسة مليون ليبي يستطيع فيهم اي شخص أن يتحمل المسئولية .

--------------

يعني لا طلع حد قال بوء حمضان وإننا حمينا الثورة .. أو أننا ندير ولا نحكم .. او سنترك المسئولية بعد 6 شهور ثم فجأة حلت عليهم البركة ليكونوا اكثر من عامين .... ولا طلع حد سفه في شباب الثوار ولم يمنحهم ربع فرصة حتى ولا منصب كناس في هيئة ما ...

للمرة الألف .... كلنا شاركنا في إرتكاب جريمة ترك الثورة لكي يحميها رجال مبارك وخريجي مدرستة وعفواً كبار السن الذين توقف تفكيرهم على الحلول التقليدية الروتينية العسكرية .. وكلنا شوفنا فضيحتين ورا بعض على طول ... فضحية المؤتمر الصحفي العالمي للسادة أعضاء المجلس العسكري .. ثم فضيحة لقاء برنامج العاشرة مساءً الذين دلا على ضحاله تفكير هؤلاء الذين يحكمون الان

[ابراهيم عبد العزيز]

ما حدث في ليبيا هو أن الثوار تولوا أمور البلاد قولا وفعلا

والمجلس الوطني الإنتقالي يسير بطريقة رائعة واعلن عن جدول محدد التوقيتات لنقل السلطة , وسيكتمل النقل بعد عامين حسب ما أعلن المجلس الإنتقالي

المصابين من الثوار الليبين يجدون رعاية كاملة وصلت لأن رئيس الدولة يقبل يد أحد الثوار وفي ذلك إشارة رمزية لمدى ثورية الدولة

كل المسئولين أيام القذافي لم يبقى أحدا منهم فى منصبه

الكل الان جديد ومع ذلك وبعد مقتل القذافي يقدمون إستقالتهم لكي يعطوا الفرصة لشباب الثورة لأنهم الأحق بها كما صرح محمود جبريل

[se_ Elsyed]

عارفين كان مين أولى إنه يقول إننا حمينا الثورة ؟

هو وزير الدفاع التونسي عمار رشيد اللي من اول يوم انحاز للثورة ونزل بجنودة في الشوارع ليحمي الثوار من إي إعتداء .. ومع ذلك لم نسمع له صوتاً أو من أو أذى او قال إن الجيش حمى الثورة يبقى هو اللي ينط يحكم إلى أجل غير مُسمى

لكنه الكبر والعنجهية لأشخاص لم نراهم إلا بعد ان نجحت الثورة وأصبحوا ينسبون لانفسهم نجاح الثورة

وكما قلنا من قبل ... سنتفق معكم أنكم حميتم الثورة .. إذن أين حق دم الشهداء ؟

أين المحاكمات اللي خلتنا نكره القضاء المصري البطيء المميت ؟.... اه بالمناسبة يا جماعة .. النهاردة كانت أولى جلسات محاكمة زكريا عزمي ... وعارفين النتيجة .. تاجيل مدة شهر .... ده إنجاز طبعاً ... وكل المحاكمات بدون إستثناء داخلة على سنة بالكامل أهي في تأجيلات ومهازل وكأنه نزلع على قطعة أرض أو كأنها ليست ثورة راح فيها ضحايا وخربت فيها البلد ..

هل تعلمون إن وزارة المالية ... إمسكوا اعصابكم أرجوكم ... وزارة المالية سترفع قضية لنقض حكم محكمة القضاء الإداري التي حكمت حكماً تاريخياً منذ أيام برجوع 3 شركات هي طنطا للكتان والمراجل البخارية وغزل شبين إلى الدولة من يد المستثمرين الأجانب المتلاعبين واللي أشتروها عشان يسرحوا العمالة ويبيعوا الأرض ويصفوها .... فوزير المالية زعلان وبيقول مش ههانقدر على إدراتهم لأنهم عاوزين ضخ سيولة عشان يقفوا على رجليهم ... وكمان عاوزين نطمن المستثمرين إننا مش هانخصص شركات وكده ....

اه حتى لو المستثمر سرقني وصفى الشركة وباعها بالقطعة ... إحنا أسفين يا مستثمر فعلاً

وهو الكِبر والغرور الذي يتسم به كل عسكري لا يعرف معنى الديمقراطية ولا الشورى وإنه زيه زي عبد الناصر والسادات ومبارك .. بيفهم في كل حاجه ولا يحتاج غلى مساعدة أحد ولا يعترف بخطأ .. ويوم ما يعمل مصيبة يبقى يستكبر إنه يعترذ ويقول فقط " رصيدنا لديكم يكفي " ... وهم عسكر دأبوا على الكذب والخداع والخبث .... من 6 شهور مدة حكم إنتقال ... تنتهي في أغسطس 2011 ... إلى تاريخ مبدئي في صيف 2013 ... وربنا يستر من اللي جاي

هو الكبر الذي يؤدي إلى الغباء .... والذي يجعلك تقدس أله أنت صنعته بنفسك ... ويجعلك تنظر إلى خطا أنت ارتكبته بيدك متمثلاً في تعديلات دستورية هزيلة وخارطة طريق مضللة تضع العربة امام الحصان وتجعل من مجلس الشعب أضحكومة امام العالم ... أتلعمون كيف أيها السادة ؟

الإجابة : هل فكر احد فينا جميعاً أو فيمن يتقاتلون على التقدم لإنتخابات مجلس الشعب الأن ويبذلون الغالي والرخيص وحسب توقعات حكومية الان بإن حجم الأنفاق على الدعاية الإنتخابية سيصل إلى أكثر من 8 مليار جنية في أقل من شهر .. فهل يعلم الجميع إن مجلس الشعب سيُحل بعد الإنتهاء من الدستور مباشرةً .. يعني لو فرضنا إنهم وضعوا الدستور في خلال 6 شهور .. يبقى كل واحد فيهم هايروح على بيته .. وسيتم الدعوة إلى إنتخابات مجلس شعب جديدة ... هل وضعنا ذلك في الإعتبار ؟

والغبي والمتكبر فقط هو من يذلني ليلاً نهاراً ويقول لي : إحمد ربنا وشوف البلاد اللي حواليك ( يقصدوا سوريا وليبيا ) ولم يشر أحد إلى ناس حوالينا في تونس ... لكن دي عادة من عادات مبارك بالمناسبة إنه يفكرنا بالزفت بس .. إنما الحلاوة الطحينية مالهاش مكان عنده

عرفنا بقى إيه الفرق بيننا وبين غيرنا .. وبين ثورتنا وثورتهم أو مصيبتنا وثورتهم ؟

[Alattar]

عارفين كان مين أولى إنه يقول إننا حمينا الثورة ؟

هو وزير الدفاع التونسي عمار رشيد اللي من اول يوم انحاز للثورة ونزل بجنودة في الشوارع ليحمي الثوار من إي إعتداء .. ومع ذلك لم نسمع له صوتاً أو من أو أذى او قال إن الجيش حمى الثورة يبقى هو اللي ينط يحكم إلى أجل غير مُسمى

لكنه الكبر والعنجهية لأشخاص لم نراهم إلا بعد ان نجحت الثورة وأصبحوا ينسبون لانفسهم نجاح الثورة

وكما قلنا من قبل ... سنتفق معكم أنكم حميتم الثورة .. إذن أين حق دم الشهداء ؟

أين المحاكمات اللي خلتنا نكره القضاء المصري البطيء المميت ؟.... اه بالمناسبة يا جماعة .. النهاردة كانت أولى جلسات محاكمة زكريا عزمي ... وعارفين النتيجة .. تاجيل مدة شهر .... ده إنجاز طبعاً ... وكل المحاكمات بدون إستثناء داخلة على سنة بالكامل أهي في تأجيلات ومهازل وكأنه نزلع على قطعة أرض أو كأنها ليست ثورة راح فيها ضحايا وخربت فيها البلد ..

هل تعلمون إن وزارة المالية ... إمسكوا اعصابكم أرجوكم ... وزارة المالية سترفع قضية لنقض حكم محكمة القضاء الإداري التي حكمت حكماً تاريخياً منذ أيام برجوع 3 شركات هي طنطا للكتان والمراجل البخارية وغزل شبين إلى الدولة من يد المستثمرين الأجانب المتلاعبين واللي أشتروها عشان يسرحوا العمالة ويبيعوا الأرض ويصفوها .... فوزير المالية زعلان وبيقول مش ههانقدر على إدراتهم لأنهم عاوزين ضخ سيولة عشان يقفوا على رجليهم ... وكمان عاوزين نطمن المستثمرين إننا مش هانخصص شركات وكده ....

اه حتى لو المستثمر سرقني وصفى الشركة وباعها بالقطعة ... إحنا أسفين يا مستثمر فعلاً

وهو الكِبر والغرور الذي يتسم به كل عسكري لا يعرف معنى الديمقراطية ولا الشورى وإنه زيه زي عبد الناصر والسادات ومبارك .. بيفهم في كل حاجه ولا يحتاج غلى مساعدة أحد ولا يعترف بخطأ .. ويوم ما يعمل مصيبة يبقى يستكبر إنه يعترذ ويقول فقط " رصيدنا لديكم يكفي " ... وهم عسكر دأبوا على الكذب والخداع والخبث .... من 6 شهور مدة حكم إنتقال ... تنتهي في أغسطس 2011 ... إلى تاريخ مبدئي في صيف 2013 ... وربنا يستر من اللي جاي

هو الكبر الذي يؤدي إلى الغباء .... والذي يجعلك تقدس أله أنت صنعته بنفسك ... ويجعلك تنظر إلى خطا أنت ارتكبته بيدك متمثلاً في تعديلات دستورية هزيلة وخارطة طريق مضللة تضع العربة امام الحصان وتجعل من مجلس الشعب أضحكومة امام العالم ... أتلعمون كيف أيها السادة ؟

الإجابة : هل فكر احد فينا جميعاً أو فيمن يتقاتلون على التقدم لإنتخابات مجلس الشعب الأن ويبذلون الغالي والرخيص وحسب توقعات حكومية الان بإن حجم الأنفاق على الدعاية الإنتخابية سيصل إلى أكثر من 8 مليار جنية في أقل من شهر .. فهل يعلم الجميع إن مجلس الشعب سيُحل بعد الإنتهاء من الدستور مباشرةً .. يعني لو فرضنا إنهم وضعوا الدستور في خلال 6 شهور .. يبقى كل واحد فيهم هايروح على بيته .. وسيتم الدعوة إلى إنتخابات مجلس شعب جديدة ... هل وضعنا ذلك في الإعتبار ؟

والغبي والمتكبر فقط هو من يذلني ليلاً نهاراً ويقول لي : إحمد ربنا وشوف البلاد اللي حواليك ( يقصدوا سوريا وليبيا ) ولم يشر أحد إلى ناس حوالينا في تونس ... لكن دي عادة من عادات مبارك بالمناسبة إنه يفكرنا بالزفت بس .. إنما الحلاوة الطحينية مالهاش مكان عنده

عرفنا بقى إيه الفرق بيننا وبين غيرنا .. وبين ثورتنا وثورتهم أو مصيبتنا وثورتهم ؟

أكثر من مرة قلنا ان طريقة إدارة مجس الوزراء الانتقالي للبلاد مش طريقة مجلس انتقالي أبدا..و بيتعاملوا مع الموقف و كأنهم مستمرين دورة وزارية كاملة..

برضه الطريقة اللي بيعملوا بيها انتخابات مجلس الشعب المرة دي تحسسك انهم مستمرين لفترة طويلة..مش لحد ما الدستور يتعمل و خلاص..عشان كده فيه احساس مؤكد ان فيه حاجة مش طبيعية بيترتب لها..

وبالنسبة لموضوع المحاكمات...فموضوع رد هيئة المحمة بتاعة مبارك بعد ما كان المفروض هيتم الفصل فيه يوم 30 أكتوبر وتستمر المحاكمات..هتتأجل دلوقتي ل 26 ديسمبر..يعني شهر و 28 يوم مرة واحدة تأجيل..

ياخوفي موضوع المرحلة الانتقالية ده يعجب المجلس الموقر..ويفضل ماسكنا علطول..ومصر تتحول من جمهورية مصر العربية..الي جمهورية مصر العربية الانتقالية المؤقتة..زي ما كان القذافي مسمي ليبيا كده اسم غريب..

و تفضل مصر علطول في مرحلة انتقالية..ولو حد سأل العسكر هما ليه قاعدين لحد دلوقتي..يقوللك احنا أساسا في دولة انتقالية مؤقتة..

[التونسى]

لا شك ان ثورة ليبيا مبهره ..واتت بنتائج رائعه .. مقارنة بثورة مصر .. ولكن ما تم جنيه من ثمار .. لم يأتى للشعب الليبى على طبق من ذهب .. بل أتى على جثث عشرات الالاف من الشهداء((مع التذكير ان تعداد سكان ليبيا 5 مليون تقريبا)) .. وعن طريق مساعدة الناتو ((الذى من المنتظر دفع فاتورة باهظه له)) .. وعن طريق دمار وخراب لم يحدث منه قطره بمصر اثناء الثوره

أرى .. (ولكل وجهة نظره)) .. ان المقارنه بين ثورة مصر وثورة ليبيا .. ومن ثم بين جيش البلدين .. لهى مقارنة فاسدة جائره .. فعلى الاقل الجيش المصرى لم ينقسم على نفسه بين مؤيد ومعارض لمبارك .. بل جنح الجيش بكل اسلحته وجنوده وظباطه ورتبه الى جانب الشعب المصرى .. وحتى الان .. رغم كل التحفظات وكل الاعتراضات على اسلوب ادارته للبلاد (( والتى اؤيدها ((اى التحفظات والاعتراضات))شخصيا)) .. ولكن .. هو اقرب للتقوى .. ان نعطى كل ذى حق حقه

مبروك ل ليبيا حقا على نجاح ثورتها .. وربنا يجيب العواقب سليمه فى المرحلة القادمه ..ويتجنبوا الخلاف والنزاع والانقسام الذى نعانيه فى مصر .. والذى هو من اهم اسباب علو نجم الجيش المصرى حتى الان

تم تعديل 24 أكتوبر 2011 بواسطة محمود البصيلى

[se_ Elsyed]

طب ما تكمل وتكلمنا يا عم تونسي عن تجربة تونس اللي تشبة تجربتنا في أشياء كثيرة ولا يفصل بينهما إلا أيام قليلة

[se_ Elsyed]

فعلى الاقل الجيش المصرى لم ينقسم على نفسه بين مؤيد ومعارض لمبارك .. بل جنح الجيش بكل اسلحته وجنوده وظباطه ورتبه الى جانب الشعب المصرى

ههههههههه معليش يا تونسي .. غصب عني إفتكرت ذل مبارك فينا لمدة 30 سنة وإن لولاه ما كان أنتصار اكتوبر ولا كانت الضربة القاضية ... لحد ما جلال عامر قال " يا ريته كان ضربنا أحنا وراح حكم إسرائيل "

لإن ما فائدة الإنحايز للثورة ثم خراب البلد على مر الشهور بان يجعلوا كل شيء يمشي كما كان واسوء ... وغالبية الشعب المصري شعرت إن الثورة كانت حمل وعبء وخراب عليها .. بسبب إدارة المجلس العسكري الساذجة وتكبره وأمتناعه عن سماع أي نصيحة

[التونسى]

طب ما تكمل وتكلمنا يا عم تونسي عن تجربة تونس اللي تشبة تجربتنا في أشياء كثيرة ولا يفصل بينهما إلا أيام قليلة

رديت فى موضوعك الجديد يا مان .. وانا مش معترض على نقطة سوء ادارة الجيش لمصر بعد الثوره .. لان السياسه بديهيا مش لعبتهم ولا ملعبهم .. لكن الظروف حكمت بكده .. وكل الاحداث ((ومازالت)) سواء احداث طبيعيه او مدبره .. تصب فى مصلحة استمرارهم فى السلطه

[engmido]

هو انا للامانة من ساعة قيام ثورة تونس قبلنا بشوية وبعد موضوع الغنوشى والشبورة دى

ماسمعتش عن تونس من ساعتها ولااااااااااا بقى فتنة طائفية ولا قلة الادب دى

الا يادوب اليومين دول بيقولوا عندهم انتخابات

[Abu Reem]

- كلام ا/ محمود البصيلي به خبرة كبيرة في قراءة الامور

وصراحة انا اتفق معاه فيما يخص انه يبدو أننا لم نضحي بالشكل الكافي كما يحدث عادة في الثورات

فصراحة قبل الثورة بسنة تقريبا كنت اتحدث عن مصر مع احد اصدقائي وكنا نتكلم عن ماذا. سيحدث في مصر لو تمت محاولة للانقلاب او الثورة

وكان ردي ان ذلك سيتطلب عنف ودماء كثيرة خاصة في بلد كبير مثل مصر متعدد الثقافات والمستوى الفكري والاجتماعي ومليء بالغضب الكتوم والاحباط على مدى كبير ، وايضا حجم الفساد وانعدام الضمير فيه منتشر بدرجة واسعة

وصراحة دهشت جدا لما مرت الثورة بهذه الخسائر الضئيلة واتمنى الا تزيد الخسائر مستقبلا

لكن يبدو ان ثورتنا لم نلمس نجاحها حتى الان لأنني اخشى ان اقول ان السبب قد يكون هو العيب فينا كشعب لأننا غالبا غير مخلصي النية وهذا احد الاسباب

والسبب الاخر اننا لا نتعلم من اخطائنا ابدا وهذه العادة متأصلة فينا من ايام الفراعنة

[Alattar]

- كلام ا/ محمود البصيلي به خبرة كبيرة في قراءة الامور

وصراحة انا اتفق معاه فيما يخص انه يبدو أننا لم نضحي بالشكل الكافي كما يحدث عادة في الثورات

فصراحة قبل الثورة بسنة تقريبا كنت اتحدث عن مصر مع احد اصدقائي وكنا نتكلم عن ماذا. سيحدث في مصر لو تمت محاولة للانقلاب او الثورة

وكان ردي ان ذلك سيتطلب عنف ودماء كثيرة خاصة في بلد كبير مثل مصر متعدد الثقافات والمستوى الفكري والاجتماعي ومليء بالغضب الكتوم والاحباط على مدى كبير ، وايضا حجم الفساد وانعدام الضمير فيه منتشر بدرجة واسعة

وصراحة دهشت جدا لما مرت الثورة بهذه الخسائر الضئيلة واتمنى الا تزيد الخسائر مستقبلا

لكن يبدو ان ثورتنا لم نلمس نجاحها حتى الان لأنني اخشى ان اقول ان السبب قد يكون هو العيب فينا كشعب لأننا غالبا غير مخلصي النية وهذا احد الاسباب

والسبب الاخر اننا لا نتعلم من اخطائنا ابدا وهذه العادة متأصلة فينا من ايام الفراعنة

أحيانا يا أبو ريم بفكر في نفس الموضوع..وبحس اننا فعلا كنا حريصين ان الثورة تخرج بأقل الخسائر الممكنة..وده مش عيب..لكن العيب فينا فعلا لما تخيلنا ان نظام عنبكوتي معقد زي نظام مبارك اللي ما خلاش حاجة في البلد الا و كان الفساد هو شعارها الرسمي..انه يسقط بمجرد أن خرجت الناس الي الشوارع لمدة 18 يوم..

طبعا أنا لاأقلل من الثورة و لا من الأرواح التي ذهبت..رحمة الله عليهم جميعا..بس أحيانا بحس ان مش ده اللي يوقع نظام عتيد و معقد زي نظام مبارك..وإنهم بالتأكيد عملوا حسابهم كويس جدا..

لو تفتكر الكام ظابط اللي طلعوا يوم 10 فبراير و أعلنوا انهم لديهم الكثير من المستندات التي تؤكد فساد قيادات الجيش..و الموضوع طبعا تم الطرمخة عليه بسرعه ..وما حدش بعد كده سمع حاجة عن الموضوع ده تاني

كل ما أفتكر الموقف ده..بحس ان فيه زيهم آلافات في الجيش..و ان الوضع في مصر لو استمر بنفس الشكل السيء ده..أعتقد ان هتحدث انشقاقات في صفوف الجيش..

أسأل الله ان ده ما يحصلش وان المجلس يتدارك نفسه بسرعه..و يسير بالبلد علي الطريق الصحيح..لأن أي حاجة غير كده هيعملوها مش هتبقي في صالحهم اطلاقا..

[ام سلمي]

طب ما تكمل وتكلمنا يا عم تونسي عن تجربة تونس اللي تشبة تجربتنا في أشياء كثيرة ولا يفصل بينهما إلا أيام قليلة

للاسف تونس فعلا افضل مننا ، علي الاقل من شهر ابريل اللي فات وهما حلوا الحزب الحاكم ومنعوه هو و كل اللي كان في البرلمان من دخول اي انتخابات لعشر سنين تقريبا ، مش زي حالاتنا قاعدين نستني قانون العزل ولو حتي صدر حلني بقي عبال ما نثبت اي تهمه علي حد فيهم واهم داخلين الانتخابات فردي وقوائم عيني عينك ويا عالم ناويين لنا علي ايه

[Abu Reem]

أحيانا يا أبو ريم بفكر في نفس الموضوع..وبحس اننا فعلا كنا حريصين ان الثورة تخرج بأقل الخسائر الممكنة..وده مش عيب..لكن العيب فينا فعلا لما تخيلنا ان نظام عنبكوتي معقد زي نظام مبارك اللي ما خلاش حاجة في البلد الا و كان الفساد هو شعارها الرسمي..انه يسقط بمجرد أن خرجت الناس الي الشوارع لمدة 18 يوم..

والله يا اخي الحبيب انا خايف اقول ان احنا نفسنا قصير وان احنا خفنا من المواجهة

واثرنا السلامة بمجرد اعلان التنحي ،

وايضا خايف اقول زي ما ام سلمى لمحت ان يمكن التوانسة طلعوا اشطر منا واكثر اخلاصا

- لكن علشان برده نكون منصفين فانا عاوز اقول حاجة مهمة ، وضع تونس وليبيا وكل البلاد العربية كان افضل من وضع مصر بكثير رغم القمع والفساد

فالقمع والفساد في كل الدول الاخرى كان وصل للركب فقط وكان استئصاله ومعالجته افضل مما حدث في مصر

اما القمع والفساد في مصر فلم يكن للركب بل وصل للرقبة والدماغ مما افسد امور كثيرة صراحة من الصعب جدا اصلاحها او علاجها

فمبارك وصل بالفساد في مصر للرقبة والدماغ بطريقة مبهرة تماما فجعل مصر كمن اصيب بتلف في الدماغ فتأثرت اعضاء جسمه واصبحت غير قادرة على العمل ،، فبتلف الدماغ يتلف معظم اعضاء الجسم ، ويصعب جدا علاجها

وهذا ما اوصلنا اليه مبارك ونظامه علي عكس الانظمة الاخرى التي لم يصل فيها الفساد والتلف الي هذه الدرجة فلذلك قد يكون الشفاء بالنسبة لهم اسرع واسهل لانهم لحقو الفساد عند الركب ولم يتركوه مثلنا حتى وصل الى الدماغ

تم تعديل 24 أكتوبر 2011 بواسطة Abu Reem

[المطحون]

انا معايا بالمستشفى دكتور تونسى وكذللك بعض الفنيين وعلى فكره اولا لازم نعترف ان المستوى الاقتصادى والتعليمى للتونسه اعلى بكتير من مصر لان فعلا فساد مبارك كان مقنن وتدمير البلد ممنهج طوال سنواته السوده علشان كده من الصعب او المستحيل المقارنه بين واحده من افضل نسب التعليم وواحده من افشل كل حاجه وعلى فكره انهارده شفت منظر راة الاسماعيلى والاتحاد وشفت الغوغائيه للغوغائيه مشلغرض تانى حقيقى الشعب المصرى تم تدميره اخلاقيا طوال حكم الموكوس لكن السيطره الوحيده هى الخوف من الشرطهلما انتهت بعد الثوره شفنا وهنشوف اقذر واسوء مافى المصريين والوضع مش سهل وعلشان نفكر تانى فى بلدنا ونتحضر مره اخرى انا شايف انه صعب قوى لدرجه الاستحالهلكن ربنا موجود وعسى الله انه يخرج تانى المصرى المتحضر الخلوق المحب لوطنه مش بيجرى ورا نهش بلده

[Ahmed Anwer]

هو انا للامانة من ساعة قيام ثورة تونس قبلنا بشوية وبعد موضوع الغنوشى والشبورة دى

ماسمعتش عن تونس من ساعتها ولااااااااااا بقى فتنة طائفية ولا قلة الادب دى

الا يادوب اليومين دول بيقولوا عندهم انتخابات

مش للدرجة دي

كان عندهم إنفلات أمني قوي جدا و أحداث عنف كثير

الفتنة الطائفية معندهمشي طبعا لأن كلهم ديانة واحدة

حكوماتهم الإنتقالية كان عليها ملايين علامات الإستفهام

واجهوا الإعتصامات و المظاهرات بكل عنف و حزم و اتهموا المتظاهرين بالفوضوية

سبحان الله يمكن بقول يمكن ،،، الهيجان علي الفاضي و المليان اللي كان عندنا كان من أسباب فشلنا

طبقا لوجهة نظر واحد أخواني قريبي لوا كنا همدنا كده بعد الثورة كان زماننا خلصنا من بدري

[نورالعين]

على قد سعادتى لما يحدث من تقدم لتونس وليبيا على قد تعاستى لما يحدث من حولى بمصر

للأسف احنا اثبتنا اننا كشعب مصري مسالم حد الاستسلام لمن يحكمه

ومعاند حد العداء لمن يعيش معه ان اختلف معه

افتكر لما بدأ البعض منا يشكك بدور المجلس العسكري بالبداية

كانت هناك الكثير من الاقلام التى تصفنا بالمطالبين بالفوضى

وياريت كنا مسالمين بس

احنا كمان نعشق شئ اسمه الاختلاف ومحاربة الطرف الاخر بكل السبل

ولا كأن البلد دي تخصنا بشئ

لم أعد حتى اهوى الحوار عن اي شئ يخص الثورة والبلد

واصبحت اغانى الثورة التى كنت اعشقها واسجلها كرنات موبايل

اصبحت تصيبي بغصة فلا اطيق حتى سماعها صدفة

[ابراهيم عبد العزيز]

انا معايا بالمستشفى دكتور تونسى وكذللك بعض الفنيين وعلى فكره اولا لازم نعترف ان المستوى الاقتصادى والتعليمى للتونسه اعلى بكتير من مصر لان فعلا فساد مبارك كان مقنن وتدمير البلد ممنهج طوال سنواته السوده علشان كده من الصعب او المستحيل المقارنه بين واحده من افضل نسب التعليم وواحده من افشل كل حاجه وعلى فكره انهارده شفت منظر راة الاسماعيلى والاتحاد وشفت الغوغائيه للغوغائيه مشلغرض تانى حقيقى الشعب المصرى تم تدميره اخلاقيا طوال حكم الموكوس لكن السيطره الوحيده هى الخوف من الشرطهلما انتهت بعد الثوره شفنا وهنشوف اقذر واسوء مافى المصريين والوضع مش سهل وعلشان نفكر تانى فى بلدنا ونتحضر مره اخرى انا شايف انه صعب قوى لدرجه الاستحالهلكن ربنا موجود وعسى الله انه يخرج تانى المصرى المتحضر الخلوق المحب لوطنه مش بيجرى ورا نهش بلده

أحيك يا أخي المطحون على تعليقك الوافي

بالفعل الإصلاح فى مصر ليس بالهين

فما تم في مصر طوال السنوات الماضية لم يكن مجرد تخريب إقتصادي أو إجتماعي فقط

بل تم تخريب أخطر وهو تخريب العقول , وتخريب العقول تم بعدة طرق أهمها وضع نظام تعليمي فاشل , وتجهيل الشعب المصري حتى وصلت نسبة الامية الي 40% من الشعب , ناهيك عن التجهيل الثقافي وتجريف التربة السياسية

كل الأنظمة السياسية المستبدة كما فى تونس مثلا لم تقدم على تخريب شخصية المواطن وكل سلبياتها كانت تكمن فى الإستبداد ولكنها عملت من أجل الدولة والمواطن وتركت دولة غير مهلهلة ولا رخوة , لذلك عندما تم إزاحتها ظهر النجاح سريعا , فتونس على سبيل المثال , زين العابدين بن علي وضع فيها نظام تعليمي من أرقى نظم التعليم في دول العالم الثالث قاطبة وهذا بشهادة المنظمات الدولية , وعمل على تثقيف المواطن التونسي ونسبة الأمية في تونس فليلة جدا , كل ذلك ظهر أثره بعد الثورة في تونس

ناهيك أن الأنظمة الإستبدادية في تونس أو ليبيا لم تترك الفساد لكي يعشعش فى كل ركن من أركان الدولة , بل أنها حارب الفساد بقوة طالما أنه بعيدا عن الأسرة الحاكمة والمقربين لها عكس مصر تماما التي ترك فيها النظام السابق الفساد يضرب كل مناحي الحياه وعلى كل المستويات كبرت أو صغرت .

تم تعديل 24 أكتوبر 2011 بواسطة ابراهيم عبد العزيز

[وطني حر]

من ما عاب الثوره او لنقول الثوار المصرين هو امعانهم بالمثاليه بعد نجاح ثورتهم .

لم يكن هناك تسامح وطي صفحه الماضي .

فالتوانسه لم يبالغو في طلباتهم ومحاكماتهم لازلام النظام السابق

اضن هروب بن علي للسعوديه ساعد تونس بنسبه ما للخروج من مساله محاكمته ومرمطته في دهاليز المحاكم

وهو ما فعله الليبيون بالخلاص من القذافي مباشره __________ الي مصراته

وابنه المعتصم ------------ الي مصراته

ووزير دفاعه ---------- الي مصراته

اعتقد لو بقي اولئك الازلام في السجن لاصبح لهم مؤيدون خارجيا على الاقل . وتدخلات دوليه تطول تفاصيلها كما نحن واقعون تحت وطأته

تصورو ان مبارك هرب او سافر للعلاج في تبوك او المانيا . كيف سيكون المشهد المصري .؟؟

[se_ Elsyed]

ناهيك أن الأنظمة الإستبدادية في تونس أو ليبيا لم تترك الفساد لكي يعشعش فى كل ركن من أركان الدولة

يا عم إبراهيم إنت بس عشان ما أختلطتش بالدول دي او تعاملت معاهم عن قرب

على سبيل المثال كان لنا بيزنس في ليبيا .. الرشاوي والإتاوات والفساد عيني عينك مش واحد مكسوف وهو بيفتح الدرج مثلاً ...

[se_ Elsyed]

مصطفى عبد الجليل رئيس المجلس الانتقالي الليبي في بنغازي: "سأضع نفسي تحت طائلة المحاسبة والقانون عن أربع سنوات عملت فيها مع القذافي مِثلي مِثل أي مسؤول آخر"

وسلم لي على الفلول

الله يخليكم يا جماعة لما السيد المشير يرجع من العزا يبقى حد يوصل له الكلمتين دول ويقول له " احلى من الشرف مافيش "