قفــــ ثورية شات

[se_ Elsyed]

قفشات ثورية لكُتاب ساخرين بأعشقهم بصراحة

جلال عامر

" كتير بيسألوني : هي مصر رايحه على فين ؟ فبأقول لهم مش كنت تسأل قبل ما تركب "

-------------------

"كان يجب علينا عند تعيين الدكتور عصام شرف رئيسا للوزراء ، ان نعين

شخص آخر يدور لنا عليه "

-------------------

" بلادى وإن ضاقت علىَّ أديها لأخويا الصغير، وما تقولش إيه ادتنا مصر علشان دى كلمة عيب..."

---------

[se_ Elsyed]

كارلوس لاتوف .. أو رسام الثورة المصرية ... برازيلي من أصل لبناني لكن ساخر من الدرجة الاولى وكانه متربي وسطنا

-------

بمناسبة ترشح الفريق أحمد شفيق لمنصب رئيس الجمهورية بعد ان حقق نجاح منقطع النظير في رئاستة للوزارة وكل التسليك حصل على ايامة ...

شوفوا كارلوس كاتب إيه

ومع اقتراب دخول فصل الشتاء... سيادة الفشيق أحمد فريق يعلن رسمياً عن ترشحه هو والبلوفر للإنتخابات الرئاسية القادمة!!!

-----------

وقرررررررررررررررررررررررررررررب تعاله وشوف معانا...

لاسحر ولا شعوذه...كله بالمجلس

إتبرع ولو ببكرة صوف او إبرة تريكو لدعم حملة البلوفر لمعونة الشتاء

الرجل البلوفر......

... الرجل البمبوني..

الرجل الزومبي إللي قتل واتقتل..

سيادة الفشيق احمد فريق.......

فشل ورفض شعبياً كرئيس وزراء رشح نفسة رئيس!!!!

صحيح والله اللي إختشوا...ولعوا

-----------

نقلا عن صفحة أنا آسف يا مخاليعو من دقائق

أنا أسف ياريس

أنتظروا قريباً أكبر حملة من أبناء مبارك لترشيح الفريق أحمد شفيق ..مين مستعد يشارك

----------

تعليق قارئ : حكومة شرف تواصل نجاحها منقطع النظير فى حلم التغيير فبعد تغيير

الساعة وتغيير ارقام الموبيل تم بحمد الله تغيير ترددات القنوات

-----------

لاحظ ثوار مصر

أن بن علي هرب فقبضوا على مبارك ، و لاحظ ثوار ليبيا أن محاكمة مبارك لا تعيد إليهم حقوقهم فقتلوا معمر !

ليلتك سوداء يا بشار !!

-----------

[Simba]

أنا أسف ياريس

أنتظروا قريباً أكبر حملة من أبناء مبارك لترشيح الفريق أحمد شفيق ..مين مستعد يشارك

اهو مفيش حد هيضيعه غير دول

[اثار]

أنا أسف ياريس

أنتظروا قريباً أكبر حملة من أبناء مبارك لترشيح الفريق أحمد شفيق ..مين مستعد يشارك

اهو مفيش حد هيضيعه غير دول

أكيييييييييد لازم نقف معاهم اصل في شوية خير في البلد نسيوا ياخدوهم في ايدهم وهما مشايين

احب اشارك معاكم في الموضوع الجميل ده بمقال لعمر طاهر

طرحت السؤال على «الفيس بوك» بعد منتصف الليل (ماذا لو فشلت الثورة لا قدر الله؟!) وجاءت الإجابات كما يلى.

«كنا هنلاقى ناس كتيرة جدا طالعة بتقول: (أنا من يوم ٢٥ يناير وأنا بايت فى ميدان.. مصطفى محمود)».

قال أحد الأصدقاء الذى شارك فى قيادة إحدى اللجان الشعبية: «كنت هاكمل عمرى من غير ما اتعرف على جيرانى فى العمارة».

«بدل أغنية حمادة هلال (شهداء ٢٥ يناير راحوا ف أحداث يناير) كنا سنستمع لأغنية (أستاذ جمال مبارك ابن الريس مبارك)».

وقال صديق: «كنا هنفضل عايشين على ذكرى الأهرامات وجون حمص فى إيطاليا والدقيقتين بتوع ماتش البرازيل وجون مجدى عبدالغنى فى كأس العالم اللى بيذلنا بيه لحد دلوقتى».

بالنسبة للوزراء أبوالغيط فى مؤتمر صحفى: «مش قلت لكم احنا غير تونس؟!»، منح العادلى قلادة النيل، أحمد زكى بدر بدل ما هيحول المدارس تجريبى كان هيخلى البلد كلها تجريبى، بطرس غالى يفرض ضريبة جديدة وهى ضريبة انك لسه عايش فى مصر، كانوا هيلغوا يوم الجمعة.. هيبقى خميس سبت على طول، مانشيت الأخبار «ضبط ٨ ملايين من مثيرى الشغب»، شعار مؤتمر الحزب ٢٠١١ «علشان تبقى تعمل راجل تانى».

وقال آخر: «كان المستشار مرتضى منصور هيطلع السى ديهايه بتاعت مارك ذكربرج مخترع الفيس بوك».

وقال أحدهم: «كان محمود سعد هيشترى كل بيجامات العالم بالتسعة مليون اللى كان بيقبضهم ويقعد يغير فيهم فى البيت».

وقال صديق: «بعد تنحى مبارك لأسباب صحية وتولى جمال كان سيخرج علينا على الدين هلال، قائلا: «هرمناااا هرمنااا لنصل إلى هذه اللحظة التاريخية».

بخصوصى أنا «كان المقال ده زمانه بيتكتب على ورق جرايد قديم جوا المعتقل على ضوء شمعة من بواقى دهن اللحمة بتاعت يوم الجمعة.. أمير الانتقام»، أو كنت هاختفى للأبد بعد انتشار لافتة «مبارك طير انت».

[Scorpion]

نافذة زنزانة بمستشفي عسكري ...

الطنطاوي بخارجها ...

صوت يأتي من النافذة : خلاااص ؟

الطنطاوي : لسه

الصوت : خلاااص ؟

الطنطاوي : لسه

الصوت : خلاويص ؟

الطنطاوي : لسه يا ريس

[se_ Elsyed]

جلال عامر تاني

الانتخابات الماضية كانت « نزيهة »، لكن الانتخابات المقبلة هى أختها الصغيرة « نزهة » !ا

[Scorpion]

[Scorpion]

[أسد]

جلال عامر

" كتير بيسألوني : هي مصر رايحه على فين ؟ فبأقول لهم مش كنت تسأل قبل ما تركب "

وهو كان بخاطري ...

أمي ولدتني وهي راكبة أساساً ...

ولو سألتها ... حتقوللي يابني أنا فتحت عيني لقيتني راكبة ...

وحتى جدك مش عارف هو ركب ازاي ...

نفسنا نعرف نجاوب على السؤال ده ..

ونعرف إحنا موديين مصر على فين ...

على فكرة ... النكتة دي ماضحكتنيش ..

لإن الإجابة اللي قادر أوصلها .. بايخة قوى

اللي باين إنها رايحة في ستين داهية .. بالمنظر اللي احنا شايفينه دلوقت..

محدش قلبه على البلد ... محدش خايف عليها ...

[Dreamwithme]

جلال عامر :

ثم تسأل حضرتك البحر بيضحك ليه؟ طبعاً بيضحك علينا

[Howayda Ismail]

[Damo]

طلبنا نحط الدستور أولاً .. حطته تونس طلبنا إقالة وزير الدفاع .. أقالته إنجلترا. طلبنا تغيير النظام .. غيروا أرقام الموبايل. حد يشوف لو فيتنام محتاجة حاجة نطلبهالها من هنا أسرع

[أسد]

من انجازات الثورة

إلغاء التوقيت الصيفي

تغيير أرقام الموبايلات

تغيير ترددات القنوات الفضائية

رئيس الوزراء مرة أكل في مطعم فول وطعمية

وساعات يطلع على التليفزيون يعيط

ودمتم

[ام سلمي]

تم تعديل 6 نوفمبر 2011 بواسطة ام سلمي

[Dreamwithme]

فـــردة جزمة ضاعت من سندريلا خلتها بقت أميرة

ربنا يستر لأن المشير ضاع منه فـــردتــيــن :blink:

[se_ Elsyed]

في عز التنشنة وحرقة الاعصاب اللي الواحد فيها

قولت أهيس وأتفرج على التليفزيون المصري شويه إمبارح متأخر

المهم نزلوا ميدان رمسيس تقريباً وبيسجلوا مع الناس عن راي هم في مليونية التحرير

رد واحد وقال " أنا مش مع المظاهرات دي والناس دي لازم تروح .. فاتوا 10 شهور .. ولازم ندي المجلس شهرين تاني عشان المشير يختار لنا رئيس او يختار لنا مشير وربنا يسهل "

أما سمعت كده وشرقت من كتر الضحك

[لماضة مصرية جدا]

السلام عليكم و رحمة الله و بركاته

بمناسبة المدارس و كدهوت يعني

اليكم النشيد الجديد

نشيد المدرسة الجديد ..

الشرطة العسكرية ..

حلوة بس شقية ..

نطت حتة نطة ..

ركبت بيها السلطة ..

الثورة زعلانة ..

هى اللى غلطانة ..

سابت الداخلية ..

لشوية بلطجية ..

اخص عليكى يا شرطة

[se_ Elsyed]

الجدع ده مالوش حل

عن الوزارة الجديدة:

هما كل الوزراء كده ربنا يديهم الصحة ...مفيش وزير ربنا يحميه لشبابه ؟

متى يترك جيل الفيس "بريسلي" السلطة لجيل الفيس بوك؟

[se_ Elsyed]

أنا باتكلم عن نفسي ..

OVER MY DEAD BODY

يعني على جثتي ...

بقى ولو في كابوس حتى .. اتخيل عُمر إبني يكبر ويقول لي : كنت فين لما الثورة فشلت ؟

ده الموت ساعتها أهون ليه

[se_ Elsyed]