القضاء الإدارى يلزم الحكومة بإنشاء مقار انتخابية للمصريين بالخارج

[se_ Elsyed]

والله العظيم كأني بأحلم ... لأ ده مش حلم ده كابوس مُريع

فهل كنا نحتاج يا سادة نحن المغتربين إلى رفع قضايا من هذا النوع بعد الثورة

واخدين بالكم ... بعد الثورة عشان نحصل على حقنا في الإنتخاب زينا زي لا مؤخذه اللادول زي جنوب السودان ؟

وما سر هذا التباطؤ والتواطء من هذا المجلس الذي لا يعرف ماذا يفعل ؟

طبعاً الدنيا ددلوقت هُس هُس وماحدش بياخد خطوة لحد ما هانُفاجأ إن بكره الإنتخابات الرئاسية وإجري يا جدع وحوش يا عم ... ويطلع إعتذار ظريف للمغتربين وهارد لك ونتقابل في إنتخابات أخرى إن شاء الله

فالحين بس في وعود وكللام معسول وعهود عن الإنتخاب الإلكتروني وبالبصمة ومش عارف إيه .. لأ يا سيدي إحنا عاوزين إنتخابات خشب او بالمنافله ... بس نحس إننا محترمين ونحس إن اللي بره مصر زي اللي جواها ...

قضت الدائرة الأولى بمحكمة القضاء الإدارى، برئاسة المستشار عبد السلام النجار، نائب رئيس مجلس الدولة اليوم الثلاثاء، بإلزام الحكومة بإنشاء مقار انتخابية فى السفارات المصرية حول العالم، لتمكين المصريين المقيمين بالخارج من التصويت فى الانتخابات المقبلة.

كان عدد من المصريين المقيمين وعلى رأسهم عصام عبد المنعم رئيس اتحاد المصريين المقيمين بالخارج، أقاموا دعاوى قضائية ضد رئيس اللجنة العليا للانتخابات ورئيس المجلس الأعلى للقوات المسلحة ورئيس الوزراء ووزير الداخلية بصفتهم، مطالبين بإنشاء مقار انتخابية فى السفارات المصرية بالخارج، لتمكين المصريين المقيمين بالخارج من ممارسة حقهم فى الانتخاب والتصويت.

وأوضحوا أن السلطة التنفيذية المؤقتة "المجلس الأعلى للقوات المسلحة"، وعدت أكثر من مرة بتحقيق حلم المصريين بالخارج، ومساواتهم بباقى أبناء الوطن، وتمكينهم من التصويت، إلا أنه لم يتحقق شىء، ولم تقم السلطات المؤقتة بإجراء جدى لتحقيق هذا المطلب.

وأكدوا مخالفة حرمان المصريين بالخارج من التصويت للإعلان الدستورى، والقانون، وللعهد الدولى للحقوق المدنية والسياسية.

[Simba]

سؤال علشان افهم بس

هو مش القضاء الإداري ده هو صاحب حكم منع ضخ الغاز لاسرائيل ؟؟

[Alattar]

سؤال علشان افهم بس

هو مش القضاء الإداري ده هو صاحب حكم منع ضخ الغاز لاسرائيل ؟؟

هو بعينه بغباوته..وهو نفسه برضه اللي قضي بحل جميع المجالس المحلية..

و هو احسن جهة تقول كلام زي الفل..وما حدش ينفذ الكلام ده..ولا يعبرها حتي

[عصام أبوالفتح]

مبروك لاعضاء الحملة ولجميع المغتربين تحقق المطلب الثالث وهو الحق فى التصويت ويبقى أهم مطالبنا على الاطلاق . . التمثيل البرلمانى وهو شديد الصلة بالتصويت حتى اننى اتمنى الا يتم التصويت فى الانتخابات البرلمانية للمغتربين إلا بعد تحقق التمثيل النيابى للجاليات.

المشكلة القانونية حاليا التى تولدت عن هذا الحكم هو ان الانتخابات القادمة ستكون باطلة اذا لم نشارك بالتصويت

وطبعا عملية تجهيز المقار الانتخابية سيستغرق وقتا سيستدعى بالضرورة تأجيل الانتخابات

وهو ما كنت أخشى حدوثه تماما

تم تعديل 25 أكتوبر 2011 بواسطة عصام أبوالفتح

[Simba]

سؤال علشان افهم بس

هو مش القضاء الإداري ده هو صاحب حكم منع ضخ الغاز لاسرائيل ؟؟

هو بعينه بغباوته..وهو نفسه برضه اللي قضي بحل جميع المجالس المحلية..

و هو احسن جهة تقول كلام زي الفل..وما حدش ينفذ الكلام ده..ولا يعبرها حتي

يبقي كده زيه زي الاحكام اللي قبله مش ملزم وهيتحط في الادراج

[se_ Elsyed]

مش عارف ليه طالبه معايا إني أبقى قليل الأدب النهاردة ... لكن خايف أخد راحتي وبعدين ألبس قضية أداب

عارفين ليه ؟ ( ما هي حاجه تخلي الواحد يطلع من خلجاته )

لحاجتين :

1- إني أستمعت إلى تقارير إعلامية منذ قلييل بتقول إن هناك إحتمال إن المجلس العسكري يطعن على هذا القرار ... تخيلوا ؟ ولو ده حصل ساعتها بصراحة قلة الأدب هاتبان على أصولها وماحدش يقدر يغلطنا وساعتها سندعو إلى مليونية قلة الأدب في ميدان التحرير طالما قلة الأدب هي اللي بتنفع مع الناس دي

2- ما يدفع الواحد يبقى مجرم مش قليل الادب بس .. الموضوع الذي سأضعه بعد قليل عن فسل من أعداء الثورة إسمه أحمد زبايدر ... إنتظرونا وتعالوا هناك ( يُمنع دخول أصحاب الريق الناشف .. وبرضوا هناك هاتعرفوا ليه )

[ام سلمي]

شكلهم حيسمحوا للمغتربين بالتصويت.

شرف: سنتمكن من تذليل جميع العقبات ليشارك المصريون بالخارج فى الانتخابات

قال الدكتور عصام شرف، رئيس مجلس الوزراء، إن احترام الحقوق الدستورية لكافة أبناء الوطن ليس مجالاً للنقاش، مضيفاً:"بإذن الله سنتمكن من تذليل كل العقبات التشريعية والتنفيذية لمشاركة المصريين فى الخارج فى الانتخابات، ومهما كانت درجة صعوبة هذه الإجراءات فإنها تتضاءل أمام الهدف الأسمى من هذه المشاركة".

جاء ذلك فى كلمة نشرها الدكتور عصام شرف، منذ لحظات عبر صفحته الرسمية على موقع التواصل الاجتماعى "فيسبوك".

بوابة الاهرام

[وطني حر]

لم اجد تعبيرا ينطبق على هذا الوصف الي حنا واقعين تحت رحمته الا المثل البلدي

جت الحزينه تفرح ما لقت مطرح

[se_ Elsyed]

طول عمر النظام في مصر مرعوب من المصريين اللي في الخارج . .. لانهم قوة لا يستهان بها ...

بالإضافة إلى إنهم عفواً يعني .. ماحدش هايقدر يضحك عليهم بقزازة زيت او كيس رز او شعارات براقة جوفاء

والأهم من ذلك إن عدد المصرين في الخارج حوالي 8 مليون وتقريباً أغلبهم لهم حق التصويت

نقول 6 مليون هايشتركوا في إي إنتخابات

يبقى فعلاً سيكونوا بدون شك أهم عوامل حسم أي إنتخابات في مصر

[Alattar]

طول عمر النظام في مصر مرعوب من المصريين اللي في الخارج . .. لانهم قوة لا يستهان بها ...

بالإضافة إلى إنهم عفواً يعني .. ماحدش هايقدر يضحك عليهم بقزازة زيت او كيس رز او شعارات براقة جوفاء

و الأهم من ده كله..انه تقريبا..أكثر من 90% منهم..أكيد هيبقوا معارضين..و النسبة دي طبعا مش موجودة في أي حتة..دي من دماغي..من واقع اللي شفتهم لحد دلوقتي في بلدين اشتغلت فيهم بره مصر