أحمد سبايدر!!" يقوم بجولات ميدانية في مدارس مصر!!!

[se_ Elsyed]

أظن ماحدش يقدر يلومني مش لو خرجت عن شعوري وبس ... لأ ده لو خرجت عن الشرعية وعن كل ما تنادي به مواثيق الامم المتحدة والدساتير العالمية وقعدات العرب كمان .... ( اه لو ما كنتش في المنتدى ...... )

هاخد الحباية وأرجع لكم تاني

هذا ما كتب المدعو أحمد سبايد على صفحته أمس!!

لسه راجع من الندوة اللى فى المدرسة الثانوية اللى فى المرج ماتتخيلوش انا سعيد قد ايه باللى انا انجزته النهارده وبالاستقبال اللى استقبلهونى الطلاب وبشكر مديرة المدرسة وبشكر مدير ادارة المنطقة التعليمية اللى جيه مخصوص يحضر الندوة ووعدتهم اجيلهم تانى الولاد ماكانوش عاوزين يسيبونى الاساتذه تعبوا من القلق اللى انا عامله فى المدرسة ههههههه دخلونا فصل بعد الندوة نقعد انا والولاد نتكلم كنت مبسوط بمدى استجابة الطلاب ماتتخيلوش بتهيألى مفيش طالب طلع النهارده مش فاهم اللى انا عاوز اوصلهوله انا بجد حبيتهم جدا وباذن الله اروحلهم تانى فى اقرب فرصة واسف لطلاب الفترة الصباحية اللى كانوا منتظرنى وانا اتاخرت عليهم وماحضروش خطوة مهمه اوى اننا نربى الشباب الصغير ده انه يطلع عنده حب انتماء للبلد وانه يحافظ على كل شبر من ارضها الندوة كانت بتتكلم عن ماذا يحدث فى مصر والوطن العربى وحقيقة الخونة والعملاء فى مصر الذين يريدون اخلال الاستقرار فى مصر واهمية الوقوف بجانب المجلس العسكرى والجيش المصرى فى الوقت الراهن والمحنة اللى بتمر بيها مصر انا عجبنى الموضوع ومستعد اروح كل يوم مدرسة او كلية شكل مادام ده بيجيب نتيجة حلوة كده اى حد ينسق مع مدير المدرسة او عميد الكلية ويكلمنى وانا موجود انتظروا فيديو بعد قليل هيقلب الدنيا كالعادة من سلسلة فيديوهات انا بجهزها الايام الجاية هتصحى الناس المغيبه بجد لازم البوست ده يعدى ال 100 شير عشان انزلكم الفيديو الجديد اللى من اخراجى اللى فيه قنبلة مش هتتخيلوها شييييير...

.احمد سبايدر

[م تيمور المراغي]

العتب مش عليه ولا على مجلس العار

ما كل مجتمع في العالم فيه الشاذ و الديوث و المسهلاتي

العتب على الشعب اللي شايف كل الوساخه دي و راضي

[se_ Elsyed]

وهو الشعب هايعمل كماين قدام كل مدرسة يا تيمور ؟

العيب على وزارة التربية والتعليم اللي لا فيها تربية ولا تعليم .. والعيب على ناظر ولا مدير المدرسة اللي لا مؤخذه لا يستحق أن يكون قواد حتى ... البيه اللي مخلي الأوباش اللي مصل هؤلاء يدخلوا المدرسة ويلتقوا بأطفال صغيرين عشان يكلمهم عن الثورة المشئومة ويحنن قلبهم على الحرامي مبارك وعصره الفاسد

عفواً : ثورة بدون ثوار يحمونها ... يبقى كأنها لم تقم ... وكشخص تزوج بفتاة أحلامه وهو مش قادر يحميها ولا يبقى سندها وضلها ..

[عادل أبوزيد]

أعذروني هل ممكن تخبروني من هو أحمد سبا يدر هذا وجدت إسمه أكثر من مرة في التويتر و لم يخطر في بالي إنه شخص حقيقي و رغم هذا الموضوع فما زلت لا أعرف من هو و ما هو

[se_ Elsyed]

أعذروني هل ممكن تخبروني من هو أحمد سبا يدر هذا وجدت إسمه أكثر من مرة في التويتر و لم يخطر في بالي إنه شخص حقيقي و رغم هذا الموضوع فما زلت لا أعرف من هو و ما هو

ده كائن من الكائنات اللي لا تعرف هي حيه أو ميته ... يرفع لوءا " إحنا أسفين يا ريس " ولا يألوا جهداً في سب وقذف كل من شارك في ثورة يناير ... وسب وقذف الايام التي رأينا فيها الثورة ... وبالتالي تبناه شخص لزج يُدعى توفيق عكاشة صاحب مسمط قصدي قناة الفراعين واصبح مقدم برامج هناك لسب الثورة

[MZohairy]

والله نفس سؤال الاستاذ عادل

نواره نجم بتجيب سيرته كتير

مين ده؟

[Alshiekh]

أعذروني هل ممكن تخبروني من هو أحمد سبا يدر هذا وجدت إسمه أكثر من مرة في التويتر و لم يخطر في بالي إنه شخص حقيقي و رغم هذا الموضوع فما زلت لا أعرف من هو و ما هو

ده كائن من الكائنات اللي لا تعرف هي حيه أو ميته ... يرفع لوءا " إحنا أسفين يا ريس " ولا يألوا جهداً في سب وقذف كل من شارك في ثورة يناير ... وسب وقذف الايام التي رأينا فيها الثورة ... وبالتالي تبناه شخص لزج يُدعى توفيق عكاشة صاحب مسمط قصدي قناة الفراعين واصبح مقدم برامج هناك لسب الثورة

قلت لي

يعني ده واحد من الفلول

[Simba]

يا جماعة سبايدر اول شاعر في التاريخ يكلم مصر ( ست الكل ) علي الموبايل ويقطع الشحن

http://www.youtube.com/watch?v=6ICG39RUSrQ

[se_ Elsyed]

أعذروني هل ممكن تخبروني من هو أحمد سبا يدر هذا وجدت إسمه أكثر من مرة في التويتر و لم يخطر في بالي إنه شخص حقيقي و رغم هذا الموضوع فما زلت لا أعرف من هو و ما هو

ده كائن من الكائنات اللي لا تعرف هي حيه أو ميته ... يرفع لوءا " إحنا أسفين يا ريس " ولا يألوا جهداً في سب وقذف كل من شارك في ثورة يناير ... وسب وقذف الايام التي رأينا فيها الثورة ... وبالتالي تبناه شخص لزج يُدعى توفيق عكاشة صاحب مسمط قصدي قناة الفراعين واصبح مقدم برامج هناك لسب الثورة

قلت لي

يعني ده واحد من الفلول

يا ريت ... أهو على الاقل الفلول عارفين أصلهم وفصلهم ... لكن ده عيل صغير أعتقد إنه شغال نقاش والشغل طبعاً مش عيب أبداً .. لكنه باحث عن الشهرة بالإضافة إلى إن شكله عباسية على الأخر .. فقال أسهل وأقصر طريق هو إنك تبقى زي الشريك المخالف .. وبدأ او ما بدأ بإنشاء صفحة سماها " فضح وائل غنيم " الماجوسي الصهيوني الـ الـ اللي خرب مصر ... مع كوكتيل شتيمة في شهداء الثورة وإنهم شوية بلطجية وكل الحاجات الشاذة دي

شوية شوية برامج التوك شو اللي بتحب تجيب أراجوزات عشان الناس يتفرجوا عليهم زي توفيق عكاشة بقى كل شويه يستضيفه ...

الواد مالقاش سكه في موضوع وائل غنيم فراح محود على 6 إبريل .. العملاء الخونة الـ الـ ....

اللعبة عجبت صاحب المسمط توفيق عكاشة فراح عامله مُذيع وبقى منبر لموضوع بنحبك يا ريس وبنكرهك يا ثورة .....

وشويه شويه لقيناه أهو زي ما انتو شايفين بيقوم بزيارات ميدانية توعوية في المدارس عشان يفهم التلاميذ الحقيقة

[se_ Elsyed]

ودي نبذة مختصرة عن العلامة احمد زبايدر ...

ده كان حاله أيام ما كان نقاش من 6 شهور فقط

http://www.youtube.com/watch?v=ZrTkNXQRWT8

وده بعد ما ساب الفرشة والروله وأستحمى وبقى مذيع

http://www.youtube.com/watch?v=6ICG39RUSrQ&feature=related

[capitshino]

تم الحذف بمعرفتى .

capitshino

تم تعديل 25 أكتوبر 2011 بواسطة capitshino

[عصام أبوالفتح]

شئ من ضمن الاشياء اللى بتضيع وقتنا

[الغريب]

الناس بتضيع وقتها مع أمثال هذا الشخص

وكان من الممكن أن يُحترم إن كانت هذه هي وجهة نظره ، ولكن المشكلة أنه تحول تحول غريب مريب بعد الثورة إلى أكبر داعمي نظام المخلوع، ويقال أنه أدمن صفحة "إحنا أسفين ياريس"

المهم أن هناك ما يثبت أنه تحول بعد الثورة والدليل هذه التويته قبل التنحي بيومين

وهذا البوست على فيس بوك قبل التنحي بيوم واحد

المهم أنا زعلان من صاحب الموضوع لأنه كان سبب في شهرة مثل هذا الشخص ، والدليل أننا عرّفنا ثلاثة من الأعضاء المحترمين بهذا الشخص حتى الآن ، وشغلنا جزء من مساحة عقولهم بأسمه وسيرته :happy:

تحياتي...

تم تعديل 26 أكتوبر 2011 بواسطة الغريب

[ViralMind]

انا بصراحة مبحبش اعلق عالشخصيات التافهة دى لان التعليق عليهم بيعمل لهم سعر.

لكن انا دخلت دلوقتى لاول مرة عالصفحة بتاعته.. و لفت انتباهى حاجة غريبة قوى.

معروف ان اى حد ليه رؤية, لما بيجى يعمل صفحة عالفيسبوك.. بيخلى الصورة الرئيسية للصفحة حاجة مهمة.. يعنى زى ما شباب 6 ابريل عاملين او اى حد له دور فى الثورة, او حتى شخص عادى ممكن يحط صورته كتأييد للبرادعى او اى حاجة تعبر عن ميوله..

الغريب بقى ان سبايدر حاطط الصورة الرئيسية ليه مع واحدة مزة - مش مزة قوى يعنى - مش عارف كانت عاملة كومبارس فى فيلم ايه كده..

هى دى ميوله السياسية و طموحاته؟ يعنى المفروض الصفحة اللى بتعبر عن رؤيته.. تكون الصورة الرئيسية فيها مع مزة؟ حتى الخيابة فاشل فيها

[ozoozo]

الفيديو ده مصدع اهالينا بقاله يومين انه هاينزل فيديو قنبله عن اسماء محفوظ

تعالوا نشوف مدي العمق الفكري لاستاذ زبايضر

http://www.youtube.com/watch?v=Kg9AWpQzoh0&feature=player_embedded#

[أسد]

طيب ليه كده ؟؟؟؟؟؟؟؟

[وطني حر]

هذا شاب ارعن لا يعني ما يقوله ولا يدرك ما هي نتائج تصرفاته وانا لا الومه فهو قاصر

ولكن الوم الاعلام الذي صنع منه بطلا واعطاه فرصــه للظهور ,

نعم الاعلام لدينا لم ينضج ولم يقم بسؤليــه وبدوره ومهمامه

[se_ Elsyed]

المهم أنا زعلان من صاحب الموضوع لأنه كان سبب في شهرة مثل هذا الشخص

يا جماعة في نقطة غايبة عنكم ...

أولاً أنا لا ألتفت إلى مثل هؤلاء لأن فعلاً التعليق على شخصياتهم بيعمل لهم قيمة حتى لو كان تعليق سلبي وهما بيحبوا كده .. زي الممثل الفاشل اللي بيطلع على نفسه إشاعة معينة عشان الناس ترددها ويتشهر

لكن اللي مش واخدين بالكم منه إن ما علقتش على النكرة ده إلا لما سمحوا له في مدرسة حكومية إنه يعمل زيارات عشان يكره الولاد في الثورة .. فهل ددي حاجه يتسكت عليها ؟

هي مدرسة حكومية تابعة لوزارة التعليم ولا طابونه ؟

[aimen]

يا عمى دى مهما كانت مدرسة

امال لو تعرف ان اللواء بدين بتاع الشرطة العسكرية - يا سيدى - اخد سبايدر ....لا تفكيركم ما يروحش بعيد

اخده معه فى العربية بتاعته لعزاء والدة اللواء الروينى ...

اصل احمد دا من السخصيات العاقلة فى مصر

على فكرة البيه اسمه احمد السيد المندوه وطالب فى جامعه المنصورة - كلية الأداب على ما اتذكر

كتب المطرب أحمد سبايدر ومذيع قناة الفراعين والمشهور بهجومه على الثورة والثوار تدوينة على صفحته على فيسبوك حول سعادته بعد عودته من عزا والدة اللواء الرويني أشار فيها إلى أنه ذهب للعزاء في سيارة اللواء حمدي بدين قائد الشرطة العسكرية وانه قدمه للمتواجدين في العزاء على أنه ابنه بينما قام اللواء الرويني باحتضانه عندما علم هويته وحكى سبايدر في تدوينته سعادته أثناء العزاء و ما حدث مع من قابلهم .. فماذا كتب في تدوينته :

سه راجع من عزا والدة اللواء أركان حرب حسن الروينى قائد المنطقة المركزية العسكرية بجمهورية مصر العربية كان يوم رجعت منه مبسوط بدأ بأنى روحت العزا مع سيادة اللوا حمدى بدين فى عربيته عضو المجلس العسكرى وقائد الشرطة العسكرية باعتبره اب ليا ويشرفنى انه بيعتبرنى زى ابنه وكان بيقول لكل الناس فى العزا ان احمد ده ابنى لدرجة ان فى ناس صدقت فعلا انى ابنه داخل العزا اسلم اول واحد واقف فى الصف كان اللوا حسن كنت متردد اقوله انا مين او لا سلمت عليه وماقولتش انا مين ورايح اسلم على اللى واقف بعده راح شد ايدى وبص لى بنظرة بيشبه عليا وقالى انت مين قولتله انا احمد سبايدر راح واخدنى فى حضنه وان مبسوط بيا اوى وقالى اقف هنا جنبى يا احمد شوية بص لى لاقانى تعبان قالى مالك قولتله كنت فى المستشفى امبارح والدكتور قالى انى ضغطى واطى من الارهاق والاجهاد والتعب وقلة النوم وانى ماباكلش حلو( انا فعلا كنت فى المستشفى امبارح لانى اغمى عليا اول مرة يحصلى كده بس ماكنتش راضى اقول لحد الموضوع ده ) المهم قالى لا خلى بالك من نفسك وقالى خلاص ادخل وما تمشيش الا اما تقولى قبل ما ادخل اخدنى من ايد اللوا حسن الصحفى مجدى الجلاد صحفى المصرى اليوم ومذيع برنامج فى السى بى سى وقالى انا بدور عليك من زمان وقف اتكلم معايا شوية وقولتله انا بعاتبك على بعض المواقف انت عملتها وبعض الكلام انت قولته المهم قولتله انا ليه حاسس ان مافيش حد بيخاف عالبلد دى كل واحد خايف على مصلحته ومنصبه وبس ومافيش حد عاوز يقول الحقيقة للناس قولتله مثلا طرد تركيا للسفير لعبة حقيرة بيضحكوا بيها على شعبنا قالى والله كلامك صح قالى تقدر تقول الكلام ده عالهوا قولتله طبعا مابخافش من حد وقالى ايه رايك تعمل برنامج ف السى بى سى ماجاوبتوش لان فى لوا تانى اخدنى من ايده واخد رقمى واخدت رقمه دخلت لقيت فى وشى الفريق احمد شفيق سلمت عليه وهزر معايا وقالى انت صغرت كده ليه ههههه وسلم عليا الفنان حكيم شخصية جميلة جدا فضل يهزر معايا بيحكيلى على موقف حصل بينه وبين جورج اسحاق بتاع كفاية انه قابله فى مناسبة فبيقوله انا سامع انك فلول راح حكيم رد عليه وقاله انا سامع انك سلفى ههههههه لان جورج اسحاق كان مطول دقنه فى اليوم ده هههه بجد انا فعلا رايح وانا تعبان ومرهق لان الدكتور قالى حاول ماتنزلش الايام دى بس رجعت مبسوط كان موجود هناك بقى ممدوح حمزة اول مرة اشوفه ماسلمتش عليه طبعا والاستاذ احمد الشحات سبايدر مان البطل المزيف بتاع العلم كان قاعد قصادى احترمت فيه تواضعه لانه كان الوحيد اللى لابس شبشب بس ماحترمتش فيه كدبه لانه قال انه هو اللى نزل مش مصطفى كامل وكلنا عرفنا حقيقة مين البطل وكان هناك مصطفى بكرى ومحافظ القاهره والحمد لله اول مرة اشوف مدى احترام الناس كلها ليا لذلك اى حد بيشتم عالنت او بيقل ادبه مابفكرش احط كلامه فى دماغى لان الشارع هو اللى بيخلينى احكم على تعامل الناس معايا مش شوية عيال بيئة قاعده ورا شاشة بتشتم زى الفيران سورى ع الاطالة بس حبيت احكيلكم على يومى لانى عارف ان اى حد عمل لايك لصفحة باسمى يبقى مهتم يعرف اخبارى اول باول وانا بنفسى اللى بقولكم اخبارى وبحكيلكم على يوم عارف ان فى ناس كتير كانت تتمنى تشارك فيه.

لما تلاقى المجلس السمكرى بياخد اخباره من اشخاص زى دى

ولا بيسمح بقناة متخلفة زى الفراعين ومذيعها الأوحد والمتفرد توفيق عكاشة

ولا بيحتفظ بمذيعين من عينة رشا مجدى و مذيعى التليفزيون المصرى اللى يجيبوا المرض

يبقى لازم تصدق ان المجلس السمكرى هو اكبر داعم للفلول فى البلد

[aimen]

@hesham_elsayed: RT @waelabbas: سعيد عمارة وكيل اول وزارة التربية والتعليم يحيل مدير المدرسة التي استضافت احمد سبايدر ومدير المنطقة التعليمية في المرج للشئون القانونية ...