حد يفسرلى الموقف دا من صاحب العمل بخصوص التاشيرة والمهنة؟؟

[khsnas]

السلام عليكم

بعد اذنكوا يا جماعة

هو ايه الى بيحصل لما الورق يدخل السفارة للاستخراج التاشيرة؟؟

انا موقفى كالتالى:

انا مسافر مهندس على شركة الزامل فى السعودية وليهم فرع هنا فى مصر المسئول عنه رجل سعودى وهو الى هيخلص التاشيرة فخلصت كل الاوراق وسلمتها له للاستخراج التاشيرة ... وقالى اتصل بيا فى نفس اليوم لان احتمال تخلص النهاردة (ازاى مش عارف..هى التاشيرة بتاخدوقت اد ايه؟؟)...فاتصلت بيه فى نفس اليوم.. فقالى ان الفيز الموجودة مش مهندسين وانما عمال.. مع العلم ان المهنة فى الباسبور مهندس ..والاتفاق على المهنة من الاول هى مهندس ..فاتصلت بالمسئول فى السعودية وهو مهندس مصرى على فكرة وهو الى كلمنى فى بداية الامر خالص وباخد التوجيهات منه ان انا اعمل كذا او كذا ...قالى ان احنا عاوزين نطلع التاشيرة على مهندس ..فقلتله طيب ايه الموقف دلوقتى .. قالى هرد عليك فى خلال ايام..

حد يقدر يفسر لى الموقف دا؟؟؟...ايه الى بيحصل؟؟؟

هو فيه فيز بتبقى جاهزة فى السفارة ولا ايه؟؟

والفيزا بتيجى منين من السعودية على السفارة ولا ايه بالضبط؟؟

حد يفهمنى ؟؟ وهل موقفهم دا ممكن يكون فيه ضرر ليا مثلا ولا ايه؟؟

[عصام أبوالفتح]

للاسف اخى الكريم التأشيرات ومسمياتها تستخرج بشكل عشوائى تماما فى معظم الشركات ولا تتماشى فى كثير من الاحيان مع المتطلبات الحقيقية ولا المهن المذكورة بالباسبور

حدث لى نفس الموقف قديما ورفضت التعاقد والسفر

وانصحك ان تستوضح عن مهنة الفيزا قبل بدء عملية التفاوض ولا تسافر الا بفيزا تتفق مع مؤهلك

لانك لو قبلت تغيير مهنتك فى الباسبور لتماشى الفيزا بتكون اشارة بدء لاستغلالك فى كل شئ

بالتوفيق

[mekkawy]

الأخ السائل .. الزامل شركة كبيرة و معروفة أنا ليا أصحاب فيها و جايين بتأشيرة مهندسين طبعاً .. إياك ثم إياك تيجي بفيزا عامل لو حكمت انك ما تطلعش .. حبيبي الغالي انا اختصاصي تسويق و بأفكر ادرس هندسة خاصة في مصر عشان اخد تأشيرة مهندس .. لأن اقل من مهندس و طبيب هنا ما بيكونش مستريح أوي مثلاً في الزيارات العائلية لكن أمور الاستقدام و كدة معاك لحد اخصائي تسويق و محاسب و معلم و ساعات فني .. بس اوعى 100 مرة هأقولك تتنازل عن تأشيرة مهندس هم مش هيغلبوا فيها .. الا مديرك اسمه اسامة؟

[khsnas]

الأخ السائل .. الزامل شركة كبيرة و معروفة أنا ليا أصحاب فيها و جايين بتأشيرة مهندسين طبعاً .. إياك ثم إياك تيجي بفيزا عامل لو حكمت انك ما تطلعش .. حبيبي الغالي انا اختصاصي تسويق و بأفكر ادرس هندسة خاصة في مصر عشان اخد تأشيرة مهندس .. لأن اقل من مهندس و طبيب هنا ما بيكونش مستريح أوي مثلاً في الزيارات العائلية لكن أمور الاستقدام و كدة معاك لحد اخصائي تسويق و محاسب و معلم و ساعات فني .. بس اوعى 100 مرة هأقولك تتنازل عن تأشيرة مهندس هم مش هيغلبوا فيها .. الا مديرك اسمه اسامة؟

طبعا انا موافقك ان مطلعش الا على فيزا مهندس ..الى محيرنى بس ان انا مش عارف افسر موقفهم بايه

مديرى مش اسمه اسامة على فكرة...شكرا لردك

تم تعديل 26 أكتوبر 2011 بواسطة khsnas