بوادر نجاح الثورة المضادة

[أسد]

أعلن من هنا هذا التحذير ...

ظهرت بوادر كثيرة جداً لنجاح الثورة المضادة في ... في إحباط ثورة 25 يناير ..

أعتقد أنه قد نجحت كل القوى الداعمة للثورة المضادة في جهودها في إحباط الثورة المصرية .. وإحباط المصريين .. وإشعارهم باليأس ..

القوى التي تسمي نفسها قوى ثورة 25 يناير .. مشغولون عن الثورة بأمور أخرى ..

يقولون أنها لخدمة الثورة .. ولكن مايحدث في مصر الآن من تشتت وانقسام بين القورى الوطنية باختلاف توجهاتهم ... منحت فرصة ذهبية لنجاح قوى الثورة المضادة .. وأن تكلل كل جهودهم بالنجاح ...

الفوضى العارمة التي تعاني منها مصر اليوم ليست صدفة .. وليست نتاجاً طبيعياً للثورة .. ولا أي ثورة يعقبها مايحدث في مصر اليوم من فوضى عارمة في جميع المجالات ..

ولم نرى أو نقرأ في تاريخ الكون .. أن القائمين على السلطة في أية بلد في أي وقت وأي عصر يسمحون بما يحدث اليوم

ولم نسمع بأن القوى الوطنية في أي مكان ولا في أي زمان يتركون الساحة ليختلفون ويقسمون الأدورا ويوزعونها .. لتحدث مثل تلك الفوضى العارمة في مصر

فبعد هزيمة الشرطة في 28 يناير 2011 واختفاء كل أفرادها في كل قطاعاتها .. بدأت الفوضى المخطط لها .. العارمة .. بداية من هروب آلاف المساجين المسجلين خطر .. ثم إطلاق سراح كل المعتقلين بتهم بلطجة ومخدرات بموجب ما كان يسمى بقانون الإرهاب تحت دعوى إيقاف العمل بقانون الإرهاب والإفراج عن المعتقلين .. ثم تسليم الحكومة لوزراء ورئيس وزراء في منتهى الضعف ..

ثم سيطرة المجرمون والبلطجية على الدولة ..

ثم تخاذل قوات الشرطة العائدة (لابسة طرح) عن مواجهتهم .. وتخاذل قوات الجيش أيضاً عن السيطرة على هذا الأمر

يعني الجيش بجلالة قدره مش قادر يسيطر على لابلطجية والمجرمين .. يعني مصر علشان تيجي دولة معادية تحتلها مش محتاجة جيش ولا دبابات .. ولا طيارات ولا صواريخ ولا أي حاجة من دي ..

كل اللي محتاجينه علشان يحتلوا مصر .. شوية حرامية وبلطجية ...

ثم الإضرابات القاصمة للظهر في كل قطاعات الدولة .. حتى الشرطة .. وضباط لاشرطة .. أمناء الشرطة .. حتى العاملين المدنيين في قطاع الشرطة ..

الأطباء .. المحامين .. القضاة .. المدرسين ..

كل الناس عاملة إضراب .. والبلد لا تسير ..

مصر تعود للخلف .. سنوات وسنوات ..

إقرأوا أخبار اليوم فقط ..

مظاهرات بأقسام الشرطة بالدقهلية.. وإحباط محاولة حرق مركز المنصورة

"شرف" يكلف "العيسوى" بإنهاء أزمة أمناء الشرطة المعتصمين

حملة تأييد "المشير" للرئاسة: فقدنا الثقة فى جميع المرشحين.. و"العسكرى" أكفأ للقيادة

بالصور.. تفاصيل الهروب الكبير من أقسام الشرقية.. مصرع وإصابة 3 سجناء وهروب 2 حصيلة المواجهات الدامية بين الأمن والبلطجية.. و16 تشكيلا من الجيش والشرطة لصد هجوم الخارجين عن القانون

"قضاة الاستقلال" يدعون لاتخاذ مواقف متعقلة فى "عمومية" الجمعة

مسلحون يسرقون 157 ألف جنيه من سيارة رجل أعمال بالمحور

أطباء وممرضو مستشفى بولاق بالوادى الجديد يضربون عن العمل

تهديدات بالقتل واتهامات بالرشوة ومعارك جماهيرية في الدوري المصري

البلطجية يحتلون «٦ أكتوبر»

«جالوب»: ٣٨٪ من المصريين يشعرون بعدم الأمان

أحباط هروب ٥١ متهماً من قسم حلوان .. والتحقق فى واقعة «سجن شبين»

إحباط خطف أتوبيس بركابه فى البحر الأحمر

كل ده النهارده بس ... ومن جريدتين فقط ...

أحذر الجميع ....

ستنجح الثورة المضادة .. وحنشوف أيام سوداء ...

فين الناس .. فين الناس اللي كانت بتقول كلام زي الفل من كام شهر ..

مصر هي هي .. ما اتغيرتش ..

يعني مابقتش أحسن ولا حاجة ...

الأحوال بقت زي الزفت للأسف الشديد

نظارتي سوداء مظلمة .. ومش شايف قدامي غير عتمة

[أسد]

أضيف كلمتين إضافيتين إلى ماسبق

مش شايف أي حاجة تقول إن الثورة نجحت

[Alattar]

ثم تخاذل قوات الشرطة العائدة (لابسة طرح) عن مواجهتهم .. وتخاذل قوات الجيش أيضاً عن السيطرة على هذا الأمر

يعني الجيش بجلالة قدره مش قادر يسيطر على لابلطجية والمجرمين

الموضوع ده مهم جدا..لما الجيش فعلا مش عارف يسيطر علي الأوضاع داخل البلد..أمال هيحمي البلد لو حصل لا قدر الله اعتداء من الخارج ازاي؟

مش شايف أي حاجة تقول إن الثورة نجحت

للأسف..معاك حق

[ViralMind]

السلام عليكم..

فيه مبالغة شوية فى الاخبار دى.. انا بدأت اشك ان الجرايد دى هى اللى بتقود الثورة المضادة بالاخبار اللى بترعب الناس.

مصر بخير يا جدعان و ماتقلقوش.. لا هتختفى ولا هتبقى زى العراق.

انا متفائل.. لانى بقارن دايما بالوضع اللى فات.

اما القوى الوطنية.. دى مش قوى وطنية ولا ليها علاقة بالوطنية من قريب او بعيد.. و قلت الكلام ده ميت مرة..

دول شوية صيع ميعرفوش حاجة عن واقع المواطن الغلبان و لا ليهم ارضية فى الشارع اصلا و عايزين يقسموا التورتة.

[التونسى]

وللاسف ,, الثوار الحقيقيون ((اللى ليهم فيها )) بيشاركوا فى نجاح تلك الثورة المضاده.. بانقسامهم وتخبطهم وقلة وعيهم السياسى ..بس انا متفائل بنتيجة الانتخابات سواء للبرلمان او الرئاسه .. بشرط توفر عنصرى الشفافيه والنزاهه

لسه فيه امل .. والمعركة لسه طويله .. واتمنى من الثوار والوطنيين انهم يفوقوا لنفسهم ولبلدهم .. وبدال ما يدخلوا فى معارك تكسير عظام لبعضهم البعض .. الاولى ان يتحدوا ((ولو مؤقتا)) وتوجيه فوهاتهم الى صدور الفلول وقادة الثورة المضاده.. عشان اللعب بعد كده يبقى على ((ميه بيضه))

تم تعديل 26 أكتوبر 2011 بواسطة محمود البصيلى

[ViralMind]

وللاسف ,, الثوار الحقيقيون ((اللى ليهم فيها )) بيشاركوا فى نجاح تلك الثورة المضاده.. بانقسامهم وتخبطهم وقلة وعيهم السياسى ..بس انا متفائل بنتيجة الانتخابات سواء للبرلمان او الرئاسه .. بشرط توفر عنصرى الشفافيه والنزاهه

لسه فيه امل .. والمعركة لسه طويله .. واتمنى من الثوار والوطنيين انهم يفوقوا لنفسهم ولبلدهم .. وبدال ما يدخلوا فى معارك تكسير عظام لبعضهم البعض .. الاولى ان يتحدوا ((ولو مؤقتا)) وتوجيه فوهاتهم الى صدور الفلول وقادة الثورة المضاده.. عشان اللعب بعد كده يبقى على ((ميه بيضه))

فيه صفحة اسمها امسك فلول عالفيسبوك..

يا ريت كلنا عالاقل نعرف مين الفلول فى الدايرة بتاعتنا و ماننتخبهمش و نقول لدايرة معارفنا عليهم.

كان نفسى القوى اللاوطنية تبقى اوعى من كده و بدل ما هما ماسكين فى بعض, يعملوا آلية محاسبة لاى حد ييجى بعد كده, علشان الشعب يكون ليه السلطة انه يحاسب و يعزل.. دى كانت المفروض اول و اهم خطوة قبل اى حاجة... مش مهم بقى بعد كده مين اللى هييجى, المهم اننا هنقدر نمشيه لو بيغلط و نحاسبه, لان الديموقراطية لن تكتمل بدون آلية واضحة و عملية للمحاسبة و العزل.

[أسد]

واللي بيقولك احنا حمينا الثورة

من إيه وبأمارة إيه ...؟؟؟؟

من إيه وانت قلت إن محدش طلب منك تضرب الثوار أو تقتلهم

من مين والشرطة إنهزمت واختفت قبل ظهور الجيش ... ولم تظهر حتى الآن .. تقريباً يعني ...

بأمارة إيه والشوارع كلها بلطجية

والحكومة مش عارفة تمشي البلد

والإضرابات في كل مكان

والعصيان يخيم على كل القطاعات

والأسعار مولعة نار

لسه الناس أكلها تحت رحمة القطاع الخاص

حتى الدولة ما هزتش طولها .. وعملت أي حاجة لتأمين الغذاء للمصريين .. بشكل واضح وصريح

بأمارة إيه .. واحنا مش عارفين البلد رايحة على فين ..

بأمارة إيه وانتوا مش بتقوللنا أي حاجة .. ومتجاهلين الناس بالكامل

بأمارة إيه حميتوا الثورة ...

اللي إحنا مش شايفين ليها أثر أصلاً ...

[سكر]

حقيقا اخى اسد انا فى اشد الاحباط من ما اراة او اسمعة فى الشوارع المصريه

انا فى مصر حاليا عايش مع الناس من اكثر من شهر وملاحظ حاجات غريبه

تقدر تقول ان الثورة لم تستوى او بمعنى اصح 18 يوم لم يكونوا كافيا حتى تنضج الثورة ونقدرك الهبه الى ربنا بعتها لينا

او تقدر تقول بردة لحظة نشوة من الشعب والكل هاص مع الرايجة

يارب اكون غلطان وبخرف بس دة شعورى حتى الان

موضوع الامن والكلام الفاضى دة مبالغ فيه جدا من الصحافه والاعلام ايوة فى تجاوزات بس مبالغ فيها

ومش عارف هل على اساس ان احنا كنا فى دوله الامان قبل كدة (بامارة التوكتوك وحوادث السرقه والاغتصاب)

نصحتى لكل الناس حرص ومتخونش فى مصر

الشوارع بتخف فيها الحركة من الساعة عشرة بس سيبك من كل الكلام دة الاهم من دة كله

حاله الخيابه الى عايشنها فى الانتخابات محاوله الحفاظ على النظام القديم مع الاعتراف بالتضحيه براس النظام

الناس فى مصر

متحزلقيين يظهرون فى التليفزيون بعد الساعة 7 الى الساعة 2 لحد حسهم مينقطع

ومتزعلش لو فى برنامج فاتك حول هتلاقى نفس الضيف او ضيف اخر فى نفس العك

وهجوم على كل شى

شيوخ وقساوسه حولوا الثورة الى متظاهرة تلفزيونيه لفرض العضلات عشان تعرف مين اقوى

حكومة مايعة ومجلس اميع يشتغلوا فى السر يشتغلوا فى العلن هم السبب فى شعور الناس بلا ثورة

مظاهرات فئويه او طلاب عشان امور هايفه وتافه بالنسبه لكلمه ثورة

لو فى ثورة حقيقيه مكنش هيكون فى مظاهرات فئويه لان الناس هتكون فاهمة او حد قال لهم ثورة ثورة

مبارك عمل ابنى بيتك الفشل 150 متر تقريبا ببلاش 70 جنيه للمتر

وزير الثورة باع 209 متر ب590 جنيه شفت يعنى ايه ثورة وكمان فى قرعة

انتخابات المهلبيه الى شغاله

الاحزاب بتشحت الناس وبتقول مطلوب مرشحين مع تحمل كافه النفقات

ناس بقى ولا فى دماغة عاش المللك مات الملك كدة كسبانه كدة كسبانه

ميوعة القرارت والتسويف وبالونات الاختبار الى بتنطلق كل شويه

تقدر تقول الثورة ترجع الى الخلف

شفت انتخابات تونس وحسيت بالفخر والخزى

بالفخر ببلد حصل فيها ثورة و المشاكل على ما هو دون سقف القرارت الثوريه

والخزى ببلد هيكون فيها عبد الرحيم الغول هو زعيم الاغلبيه فى برلمان الثورة

عجبنى محمد غنيم لما قال على الشعب المصرى ان يختار هل هى ثورة ام مظاهرة بس طولت شويه

الثورة لها قوانينها والمظاهرة لها قوانين

واختار بقى

التورته كبرت عن الاول كتير بس الاكيله كمان كبروا اكتر

منك لله يا برادعى يعنى لو كنت موجود مع الناس فى اول يوم للثورة 25 يناير كان زمانك انت المتحدث باسم الثورة

غلط فى حق الشعب وحق نفسك

البلد تحولت الى

نظام بدون راس

وثورة بلا نظام او راس

يارب اكون جاهل ومش فاهم ومش عارف او اكون بخرف

البلد صعبانه عليا قوى

وحاسس ان الفكر الجديد بيقول

الى ممكن نعمله فى خمس سنوات ممكن نعمله فى 25 سنه براحة براحة

[م تيمور المراغي]

هو فيه ايه يا جماعه !

اللي عمل الدنيئة في مبار ك و العادلي وعمر سليمان يعملها في الكومبارس اللي موجودين عادي يعني

مش عارف مكبرين الموضوع ليه !

[ابراهيم عبد العزيز]

منذ تنحي الرئيس السابق وهناك مخطط لتفريغ الثورة من مضمونها وذلك لكي يتم إقناع الناس أنها كانت مجرد أحتجاجات وإضرابات قوية وليست ثورة ينتج عنها تغييرا حقيقيا

ولكي ندلل على ذلك إنظر الى الإصرار على التمسك بكل ما هو قديم على الرغم من أن هذا القديم قامت الثورة سخطا عليه !

تمسك بكل القيادات القديمة فى كل المواقع في الدولة

تمسك بنفس السياسات الإدارية ونفس طريقة تسير الأمور

سياسة خارجية كما هي قبل الثورة دون تغير

إعلام كما هو ورأينا وقوف بقوة أمام أي محاولات لتغيره وضخ دماء جديدة فيه

صدقني يا سيد أسد كل هذا من أجل إعطاء إنطباع للمواطن العادي أن الأمر كان مجرد إحتجاجات وإضرابات لكي ينخفض سقف توقعاته لنتائج ما جرى في 25 يناير والهدف الثاني هو إصابة الثوار بالإحباط

ويعلم الله كم ولدت ثورة 25 يناير من طاقة في مصر وشبابها لو تم إستغلال هذه الطاقة لكانت أول قوة دفع لمصر على طريق التقدم والديموقراطية

ولكن هناك من لا يريد لمصر أن تستفيد من الطاقة التي ولدتها ثورة 25 يناير حتى تعود لنفس البيروقراطية والكلاسيكية فى التفكير والبلادة والركود , ويعود الشعب المصري كمتفرج بصمت فقط وشعب سلبي يأكل ويشرب وينام

هناك من يريد لمصر أن تعود لقناعة أنه ( ليس في الإمكان أفضل مما كان ) فيرضى المواطن المصري بالفقر والذل والهوان والجوع وبتهميشه وبتجهيله ثقافيا وعلميا وسياسيا ويكون مقابل ذلك كله أن ينعم بالإستقرار فقط !

ولو فكر هذا المواطن أن يئن من كل هذه المعاناه تجد التهديد بفقدان هذا الإستقرار

يعني أصبحت المعادلة كالتالي : الرضى بالفقر والذل والهوان والجوع والمرض والجهل = الحصول على الإستقرار

تم تعديل 26 أكتوبر 2011 بواسطة ابراهيم عبد العزيز

[سكر]

العاشرة مساء حاليا على الهوا بياكدوا فى الكلام بتاعنا ومنى الشاذلى حسيت ان كان هيغمى عليها لما سمعت الكلام

الثورة تاكل نفسها بقصد او بدون قصد

[ابو محمود]

صلو على النبى عندما تتحد بعض القوى على الجيش ومن ثم يكون كل همها كسرة كما كسرت الشرطة يبقى عايزين الجيش يحمى نفسة ولا يحمى مصر ككل .. لما تبدآ المناوشات ونسمع ونقرأ بعد يوم الخلع انقسام وتمرد على النفس من من قالو اننا اصحاب الثورة وتم تحالف مع بعض الأعلاميين الفاسدين وهات يا تقطيع شوية فى الاخوان وشوية فى السلفيين وشوية فى الجيش وشوية فى من يقف محايد او يميل الى تسريع وتيرة التغيير وقفات ومليونيات مطالب تشعرك بالمغص والتوتر من شدة انها هايفة ومش وقتها

المشكلة مش فى الثورة يا سادة .. من قامو بالثورة هبو بعدها الى اشغالهم لكن من يقف الان فى طابور المصلحة وكل يوم امام شاشة او على صحيفة دول هم سارقو الثورة كل ما أخشاة واتوقعة هو بعد ان ظهرت نتائج تونس العلمانية الفكر سابقآ والكل كان يراهن على ان النتيجة ستكون صدمة للاسلاميين عكس مصر ... اخاف بل اذداد رعبآ ان هناك من يدير الان ويصمم سيناريو خطير سيتم معة غلق الكلام عن الانتخابات بل وستغرق بعدة البلاد فى فوضى كبرى ومايثبت ظنى هو خروج من يدعو الى انتخاب المشير رئيس لمصر .. اننا لابد ان نستوعب جيدآ ان ثورتنا لم تسرق بعد لكنها الان يتم ذبحها بيد من يسمون انفسهم بالنخبة المثقفة او اصحاب الثورة

فسيفعلون مالم يفعلوة بعد نتائج الدستور لانهم شاهدو بروفة سابقة وامامهم كابوس مذعج اسمة تونس وما يحدث من الاعلام المكتوب وجرائج خاصة يدل على ذلك فكيف بالله عليكم يكون كل هذا الانفلات الامنى وتكون الجريمة اقل من مستواها او نسبتها اننا نحتاج الى مفسر او ضارب ودع وننسى بقى العلم الجريمة فى مصر معدلها لم يذيد بل قل فأين الحقيقة يا سادة من كل هذا التخويف اليس الموضوع بة ان واخواتها

[capitshino]

هو فيه ايه يا جماعه !

اللي عمل الدنيئة في مبار ك و العادلي وعمر سليمان يعملها في الكومبارس اللي موجودين عادي يعني

مش عارف مكبرين الموضوع ليه !

بيعجبنى فيك انك دائما متفائل

يا اخى الناس عاجبها المجلس العسكرى .. اطلع منها انت بقى ... هتخربو البلد

[أسد]

كل مايقال

وكل الشواهد ...

تؤكد ..

الثورة المضادة تنجح كل يوم

بل كل لحظة

لا ننسى أن علماء العلوم لاسياسية قد صنفوا بعض قوى الثورة نفسها بقيامهم ببعض الأفعلا التي لا تؤدي إلى مصلحة الثورة وتؤدي إلى الفرقة والشتات

قد صنفوهم بالثورة المضادة

الشواهد تدل على فشل الثورة ... تقريباً حتى الآن

[wsadani]

أكيد الوضع الأن محير جدا والكل عنده احساس أن الثوره تأكل نفسها بس انا ‘ عايز أسال سؤال ايه الحل

عارف الحل أيه بجد الثورة الأن محتاجة لشخص أو مجموعة أشخاص ويتم الاتفاف حولهم ( مش المجلس العسكرى طبعا )

[م تيمور المراغي]

أكيد الوضع الأن محير جدا والكل عنده احساس أن الثوره تأكل نفسها بس انا ‘ عايز أسال سؤال ايه الحل

عارف الحل أيه بجد الثورة الأن محتاجة لشخص أو مجموعة أشخاص ويتم الاتفاف حولهم ( مش المجلس العسكرى طبعا )

ارشح هؤلاء

[سكر]

طيب لو مجلس الشعب نجح فيه الفلول بنسبه 40%

نقدر تقول الثورة نجحت بنسبه كام %

تم تعديل 28 أكتوبر 2011 بواسطة موعود

[عبد الله غريب]

أكيد الوضع الأن محير جدا والكل عنده احساس أن الثوره تأكل نفسها بس انا ' عايز أسال سؤال ايه الحل

عارف الحل أيه بجد الثورة الأن محتاجة لشخص أو مجموعة أشخاص ويتم الاتفاف حولهم ( مش المجلس العسكرى طبعا )

ارشح هؤلاء

أنا لا أرشح أي أحد من الوجوه القديمة .. عاوزين وجوه جديدة .. حد مننا .. نحبه و نحترمه .. يجمعنا و يلمنا .. و ميكونش مسك قبل كدا منصب مع النظام السابق .. أو دار في فلكه .. عاوزين دم جديد .. حر .. و منقولش معندوش خبرة لأن بالمنطق داه كان يبقى استمرار الوجوه القديمة هو الحل لأنهم عندهم خبرة .. بس زي ما شوفنا الدنيا لا تنتهي بزوال الأشخاص .. بل العكس .. تغيير الاشخاص بآخرين جداد تماماً بالرغم مما يحمله هذا التغير من توجس و تخوف من أن يكون الشخص الجديد عديم الخبرة في مجال السياسة مثلاً أو علاقات الدول و التعامل مع الخارج إلا أنني أتخيل أن هذه المغامرة .. (أقصد تعيين و اختيار وجه / وجوه جديدة تماماً و التي قد يتحفظ البعض عليها بحجة أنهم جداد في الساحة السياسية) هذه المغامرة هي الحل و هو ما تحتاجه مصر الأن ..

عاوزين حد نحبه و نثق في إخلاصه لبلده بدون أدنى شائبة مصلحة شخصية / حزبية / مادية ... إلخ

عاوزين قائد محبوب .. ملهم .. يلتف حوله البلطجية قبل الشعب .. (من حبهم فيه) لأنه حيكون قائد رمز .. مش شخص عادي ..

كل اللي في الصورة دول أشخاص عاديين .. يتفق عليهم البعض .. و يختلف آخرون ..

عاوزين قائد رمز ..

على من يجد في نفسه هذا الرجل أن يتقدم .. و احنا معاه / وراه / حوله نسانده و نعضده و نعمل بمشورته ... طالما ترسخ لدينا الشعور بصدقه و إخلاصه و وطنيته و تجرده من المصلحة الشخصية ..

هذا الشخص أكيد موجود .. لكنه لا يستطيع أن يعلن عن نفسه .. هو يمكن حاسس بنفسه .. و يمكن بيمنعه من الظهور اعتقاده أنه سيرفض من قبل الجميع لعدم معرفتهم به .. لأنه بطبعه مش بيحب الظهور .. و لا الكاميرات .. لأنه مخلص بجد .. بس احنا عاوزينه يظهر .. و أتمنى من الله أن يوفقنا له و يوفقه لنا ..

و أن يكتب لمصر مثل هذا القائد الملهم (المحبوب) .. آمين ..

ما سبق هو حلم أرجو ان يتحقق ..

[م تيمور المراغي]

http://www.youtube.com/watch?v=bo_M196zAAg

[أسد]

وتلك الأيام تثبت تلك الحقيقة أيضاً

عناصر الثورة المضادة في منتهى القوة والتنظيم