دعوة لزيارة مدينة الغردقة

[جويرية]

طيب واللى عايز يقيم فى الغردقه .. مش يزورها بس .. ايه المشروع او النشاط اللى ممكن يقوم بيه .. وايه هى اسعار الشقق التمليك وتكون فى مكان كويس او كمبوند

انا عمرى ما زرت الغردقه .. لكن زميلى فى الشغل وهو مصرى .. كل يوم يقوللى اشعار فيها .. ونفسه يروح يعيش هناك .. ويشتغل فى مجال الغطس لانه له خبره فيها ..

ان شاء الله لو فيه عمر اروح اعاين بنفسى الاجواء هناك

حضرتك ممكن تاخد فكرة عن الاسعار من هنا

My link

بس الاشتراك في اتحاد ملاك بتبقي الشقة ارخص ، و برضو بالنسبة للنشاط زي ما سألت ان مشروعات اتحاد الملاك دي كويسة في الوقت الحالي

تم تعديل 5 نوفمبر 2011 بواسطة جويرية

[جويرية]

انا قضيت في الغردقه احلة ايام وانا بعمل في انشاء قريه CETIDELفي سهل حشيش

المياه روعه هناك

بس الغردقه احسن مناطق فيها سهل حشيش ومكادي تشبه شرم الشيخ في جمالها

دي صورة تفكر حضرتك بسهل حشيش

[White heart]

سنويا أذهب إلى شرم الشيخ .. عندى تايم شير هناك .. على هضبة "أم السيد" .. هى أفضل بكثير - فى رأيى - من خليج نعمة ..

...

لو كنت من أصحاب القرار .. كنت أركز على السياحة الداخلية المظلومة لحساب السياحة الخارجية .. فى الأوقات التى تـُضرب فيها السياحة لأى سبب بتكون السياحة الداخلية هى اللى بتشيل القطاع المهم ده .. فهو قطاع مثل قطاع المقاولات .. وراؤه عشرات المهن والصناعات اللى بتزدهر بازدهاره .. يعنى مثلا لو بصينا لأى قرية أو فندق .. بيشتغل وراه مصانع أثاث ، ومصانع مفروشات ، وموردين أغذية ومشروبات ، وبنوك ، وشركات نقل وطيران .. وزى ما انتم عايزين تعدوا ..

كان - منذ أكثر من عشر سنوات - أسعار الفنادق للمصرى نص أسعار الأجانب .. مش عارف ليه اتلغت الحكاية دى .. أعتقد بدعوى "السوق الحر المفتوح" .. كلمة حق يراد بها باطل .. المصرى - مثلا - له فى الأرض المخصصة أو المباعة لأصحاب القرى والفنادق ولازم ياخد مقابل حقه فى هذه الأرض .. مش لازم نص الأسعار ، ولكن يجب أن يأخذ المصرى مقابل أرضه التى خصصتها الدولة أو باعتها - فى الغالب بأسعار رمزية - لأصحاب المشاريع السياحية ..

دى شرم الشيخ السياحيه بعد مابقت شرعيه

شاطىء الخيمة بجوار السوق القديم

 

[Scorpion]

فين المشكلة يا وايت ؟؟ 

[White heart]

فين المشكلة يا وايت ؟؟ 

ما أنا هنا الا بناقل لآراء مصريين لزاوية مختلفة من ذات الصورة يا عزيزي، سواء كنت متفق مع بعض مما ورد، أو مختلف ... المهم انني أعتقد انه هناك شئ من الواقع والحقيقة به ... أم ما هو رأيك:

 

الناس دى مصممه تشوة السياحه والمنظر الجمالي بأي شكل

بيشتكوا من العنصريه والاضطهاد وانهم مش واخدين حريتهم

طيب تعالوا نشوف لو خدوا حريتهم و شويه القري السياحيه الجميله اللي لسه باقيه في مصر سمحتلهم وتغاضت عن قوانينها ايه هايحصل ..

اسكندريه كانت مدينه سياحيه من الطراز الاول سيدات ورجال محترمين بيجوا يستمتعوا ينزلوا البحر بالمايوهات عادى وجو عائلي ومرح وفرح ، جم في البدايه كان منظرهم غريب بينزلوا البحر بجلاليبهم في وسط المايوهات ، المايوهات تقبلتهم مع الوقت تكاثروا وتوغلوا وانتشروا لحد ما بقت الجلابيه هي لبس البحر الطبيعي في اسكندريه والمايوة واحدة واحدة تم اضطهادة لحد ما انقرض ، وانقرضت الناس الراقيه معاة واحتلت الحلل والبوابير الشاطئ مع الجلاليب

والتحرش اخد مكان الرقي علي الشواطئ لحد ما اتحولت شواطئ اسكندريه الرائعه لمقالب زباله ووساخه في كل شئ واصبحت نفايات لا تطاق، ومن اسكندريه لباقي شواطئ مصر بورسعيد وبلطيم كله بقا عبارة عن اماكن للنفايات مش للاستجمام

بوصول الناس دي لشرم وللاماكن السياحيه وفرض لبسهم وثقافتهم علي اجمل الشواطئ في مصر ومع الدوشه اللي عاملينها وقلابانهم للمواقع شكوي من العنصريه والاضطهاد، وعاوزين يفرضوا ارادتهم بالقوة علي قوانين القري،

واحدة واحدة هتتحول شواطئ شرم لنسخه من اسكندريه وواحدة واحدة بعد شكوتهم من الاضطهاد هتلاقي ام مايوة شرعي نازله الميه بتزغر لام مايوة بيكيني وبتلقح عليها بالكلام معلنه رفضها وعدم تقبلها للمايوة البكيني اصل معاها رجاله خايفه عليهم من الفتنه، وشويه شويه هايطالبوا بتحريم الخمور والتضييق علي الحريات الشخصيه ،

وشويه شويه التحرش هايظهر وفي غضون كام سنه هتنتهي شرم وهنشوف نموذج من اسكندريه ،

تحرش وشواطئ وسخه والفاظ مؤذيه وكلام و تصرفات تحرق الدم لحد ما السياحه تنضرب وكمان بواقي الاسر المصريه الراقيه هتطفش منها زى ما طفشت من اسكندريه

وهايستولوا عليها اصحاب المايوة الشرعي وبكدة هايرتاحوا ويهدوا بعد ما يكونوا شوهوها تماما وبقت بتاعتهم زى ما سبق وشوهوا مصر الجميله كلها وبقت عبارة عن صندوق زباله مقرف

تم تعديل 1 أغسطس 2015 بواسطة White heart

[White heart]

فين المشكلة يا وايت ؟؟ 

إحتمال يكون هذا الفاصل العائم  " العُنصري " بين الشاطئين الخاص والعام الذي نراه بالصورة ؟!؟

[Scorpion]

حمشيها انك عايز  تعترض علي التمييز العنصري حتي لو كنت سميتها "شرعية" .. لكن لو بصيت علي الشاطيء اللي بعده  حتلاقي فاصل عائم تاني ... و اللي بعده حتلاقي برضه فاصل عائم .. طول عمرها الشواطيء اللي تابعة لفنادق بتعمل فواصل بينها و بين الشواطيء التانية ..  يبقي موضوع "التمييز" اللي انت حطيته دلوقتي مش موجود من اصله ...  

[Scorpion]

ما أنا هنا الا بناقل لآراء مصريين لزاوية مختلفة من ذات الصورة يا عزيزي، سواء كنت متفق مع بعض مما ورد، أو مختلف ... المهم انني أعتقد انه هناك شئ من الواقع والحقيقة به ... أم ما هو رأيك:

 

 

ايوه انت متفق مع ايه و مختلف مع ايه علشان نتناقش  

[White heart]

حمشيها انك عايز  تعترض علي التمييز العنصري حتي لو كنت سميتها "شرعية" ..

non:: n2&( non::

لست أنا من " أسميتها " شرعية يا عزيزي :Exclam:

 

ما أنا هنا الا بناقل لآراء مصريين لزاوية مختلفة من ذات الصورة يا عزيزي

وكما ترى جلياً فأن مُسمى شرعية في تعليقي موضوع في إطار إقتباس ... فلا داعي الى " تهدئة النفوس " flrt:

ايوه انت متفق مع ايه و مختلف مع ايه علشان نتناقش  

أعتقد أنه من أبجديات الحوار الموضوعي .. هو أن لا تجيب على تساؤل بسؤال ... سألتك أولاً عن رأيك في هذا الطرح :

 

الناس دى مصممه تشوة السياحه والمنظر الجمالي بأي شكل

بيشتكوا من العنصريه والاضطهاد وانهم مش واخدين حريتهم

طيب تعالوا نشوف لو خدوا حريتهم و شويه القري السياحيه الجميله اللي لسه باقيه في مصر سمحتلهم وتغاضت عن قوانينها ايه هايحصل ..

اسكندريه كانت مدينه سياحيه من الطراز الاول سيدات ورجال محترمين بيجوا يستمتعوا ينزلوا البحر بالمايوهات عادى وجو عائلي ومرح وفرح ، جم في البدايه كان منظرهم غريب بينزلوا البحر بجلاليبهم في وسط المايوهات ، المايوهات تقبلتهم مع الوقت تكاثروا وتوغلوا وانتشروا لحد ما بقت الجلابيه هي لبس البحر الطبيعي في اسكندريه والمايوة واحدة واحدة تم اضطهادة لحد ما انقرض ، وانقرضت الناس الراقيه معاة واحتلت الحلل والبوابير الشاطئ مع الجلاليب

والتحرش اخد مكان الرقي علي الشواطئ لحد ما اتحولت شواطئ اسكندريه الرائعه لمقالب زباله ووساخه في كل شئ واصبحت نفايات لا تطاق، ومن اسكندريه لباقي شواطئ مصر بورسعيد وبلطيم كله بقا عبارة عن اماكن للنفايات مش للاستجمام

بوصول الناس دي لشرم وللاماكن السياحيه وفرض لبسهم وثقافتهم علي اجمل الشواطئ في مصر ومع الدوشه اللي عاملينها وقلابانهم للمواقع شكوي من العنصريه والاضطهاد، وعاوزين يفرضوا ارادتهم بالقوة علي قوانين القري،

واحدة واحدة هتتحول شواطئ شرم لنسخه من اسكندريه وواحدة واحدة بعد شكوتهم من الاضطهاد هتلاقي ام مايوة شرعي نازله الميه بتزغر لام مايوة بيكيني وبتلقح عليها بالكلام معلنه رفضها وعدم تقبلها للمايوة البكيني اصل معاها رجاله خايفه عليهم من الفتنه، وشويه شويه هايطالبوا بتحريم الخمور والتضييق علي الحريات الشخصيه ،

وشويه شويه التحرش هايظهر وفي غضون كام سنه هتنتهي شرم وهنشوف نموذج من اسكندريه ،

تحرش وشواطئ وسخه والفاظ مؤذيه وكلام و تصرفات تحرق الدم لحد ما السياحه تنضرب وكمان بواقي الاسر المصريه الراقيه هتطفش منها زى ما طفشت من اسكندريه

وهايستولوا عليها اصحاب المايوة الشرعي وبكدة هايرتاحوا ويهدوا بعد ما يكونوا شوهوها تماما وبقت بتاعتهم زى ما سبق وشوهوا مصر الجميله كلها وبقت عبارة عن صندوق زباله مقرف

ومازلت في إنتظار رأيك أولاً ...

[Scorpion]

الكلام انت اللي ناقله .. يبقي من المنطقي انك انت اللي تعلق عليه 

[Grandma]

 

بالنسبة للحاجز الموجود في الصورة فمن وجهة نظري مش كفاية  ;) 

 

لو كنت صاحبة الاوتيل كنت بنيت سور الصين العظيم  :D 

 

يا اما نفعل قوانين تنظم هذه الفوضى  :astonished: 

[White heart]

الكلام انت اللي ناقله .. يبقي من المنطقي انك انت اللي تعلق عليه 

قلت لك ... ما أنا هنا الا بناقل لآراء مصريين تعكس زاوية أخرى من الصورة ...

وأذا كنت لا تريد ان تبدي رأيك وتتفاعل مع ما أطرحه .. فأنا حقيقة لا أفهم ماذا تفعل أذن هنا؟!؟

سألتني عن " المشكلة " التى لا تراها بالصورة، ورأتها العزيزة Grandma ... ومع ذلك أجبتك بتصورين ... لا يكفوك؟

اذن تفضل .. ما رأيك في هذا المشهد:

https://www.youtube.com/watch?v=di2E5tr5eT0

لا يكفيك ؟ .. اذن ما رأيك في نتيجته :

 

تأثرت بعض القرى السياحية من السلوك السلبى لبعض المواطنين المصريين الذين حولوا شرم الشيخ إلى قرية مصرية، حيث تناولوا المأكولات الشعبية مثل المحشى والخضار المطبوخ، وطواجن وأوانى المكرونة، على الشواطئ وحمامات السباحة، وبالإضافة إلى نزول البحر وحمامات السباحة بالجلباب، أو الملابس الداخلية للرجال، والنقاب والعباءة للسيدات، وهى سلوكيات جديدة لم تكن موجودة فى فنادق الخمس نجوم، بل وزاد على ذلك أن هناك من اصطحب الأفران والبوتاجاز الصغيرة، مما غير شكل شواطئ الفنادق الخاصة أو حتى الشوارع التى انتشرت فيها القمامة وبقايا الآكل مع إهمال كبير لم يكن موجودا من قبل فى شرم الشيخ.

[Scorpion]

هقول لك انا بعمل ايه هنا لما تكتب ايه هو رأيك المباشر كوايت هارت في المشهد اللي انت اضفته من غير ما تستشهد باراء ناس تانية .. فين المشكلة ؟

[White heart]

هقول لك انا بعمل ايه هنا لما تكتب ايه هو رأيك المباشر كوايت هارت في المشهد اللي انت اضفته من غير ما تستشهد باراء ناس تانية .. فين المشكلة ؟

أسف يا عزيزي ...

لا أحد يملي على متى أكون مجرد ناقل .... ومتى  أكون محاور ... هذه حريتي و<<< إختياري >>> أنا .. وأخشى أنه لا خيار لديك الا إحترام رغبتي تلك سواء هنا في هذا الموضوع ، أو في أى موضوع أو باب آخر  !!!

 

[Grandma]

برنامج العاشرة مساء أمس كان بيناقش موضوع ارتداء المايوهات الشرعية على الشواطىء 

 

انا شايفة ان المشكلة مش في حرية ارتداء المايوهات الشرعية ولا البكيني ...

و انما في مظاهر الفوضى و السلوكيات الغير منضبطة على الشواطىء و نزول البحر بالملابس العادية و الحجاب و النقاب رغم انهم

أشد التصاقا وتفصيلا للجسم من المايوه  

 

https://www.youtube.com/watch?v=wx5dAlV4wBw

[Scorpion]

أسف يا عزيزي ...

لا أحد يملي على متى أكون مجرد ناقل .... ومتى  أكون محاور ... هذه حريتي و<<< إختياري >>> أنا .. وأخشى أنه لا خيار لديك الا إحترام رغبتي تلك سواء هنا في هذا الموضوع ، أو في أى موضوع أو باب آخر  !!!

 

 

 

طبعآ طبعآ مفهوم و انت طبعآ حر ....

[White heart]

انا شايفة ان المشكلة مش في حرية ارتداء المايوهات الشرعية ولا البكيني ... 

ياريت كان كل الناس بيفكروا كدة  .... لكن على ما يبدو يا عزيزتي أنه هناك بالفعل مشكلة، وهى ليست حكراً على مصر بالمناسبة، بل انها حتى وصلت " مؤخراً "  الى بلاد الحريات " فرنسا "، ووصل بعضها الى ساحات القضاء !!!

وفي مصر نرى تلك " المشكلة " يتم التعرض لها كل حين وآخر وعلى أكثر من مستوى ... فأن أخذنا المستوى العام، سنجد مما قالته صاحبة الرأى في هذا الصدد الذي قمت بإقتباسه ووضعه كتبت تقول:

واحدة واحدة هتتحول شواطئ شرم لنسخه من اسكندريه وواحدة واحدة بعد شكوتهم من الاضطهاد هتلاقي ام مايوة شرعي نازله الميه بتزغر لام مايوة بيكيني وبتلقح عليها بالكلام معلنه رفضها وعدم تقبلها للمايوة البكيني اصل معاها رجاله خايفه عليهم من الفتنه، وشويه شويه هايطالبوا بتحريم الخمور والتضييق علي الحريات الشخصيه، وشويه شويه التحرش هايظهر وفي غضون كام سنه هتنتهي شرم وهنشوف نموذج من اسكندريه، تحرش وشواطئ وسخه والفاظ مؤذيه وكلام و تصرفات تحرق الدم لحد ما السياحه تنضرب وكمان بواقي الاسر المصريه الراقيه هتطفش منها زى ما طفشت من اسكندريه

أما أذا أخذنا " المشكلة " على المستوى الفني، فنرى أنه تم المرور عليها في الحلقة الــ 8 من مسلسل "بين السرايات":

https://www.youtube.com/watch?v=nSkBZKVHDgU

أما أذا أخذنا المستوى الرسمي، فسنجد أن وزير السياحة المصري قد أعلن أول أمس:

يعني نفس نوع " القضايا " وبمستوياتها المختلفة .. سواء في ظل المنظومة القديمة ... أو " الجديدة " !!!

[White heart]

انا شايفة ان المشكلة مش في حرية ارتداء المايوهات الشرعية ولا البكيني ...

و انما في مظاهر الفوضى و السلوكيات الغير منضبطة على الشواطىء و نزول البحر بالملابس العادية و الحجاب و النقاب رغم انهم

أشد التصاقا وتفصيلا للجسم من المايوه  

وغالباً هو دة اللي دفع أحدهم او بعضهم ممن يقيمون بالأسكندرية، ان يقوموا بنشر، وتداول على مواقع التواصل الإجتماعي تلك " المحاولة " اللطيفة .. علها تخفف بعض الشئ من جحيم معانتهم في فصل الصيف بسبب الغالبية من ضيوفها :

من أهالى الاسكندريه الى المصييفين =D اعزائي المصيفين , مع حلول فصل الصيف اهلا بكم فى بلدكم الثانى الاسكندريه , بس فيه كام نقطة كده عايزين نتكلم فيها :

1- فى فرق بين الشورت و المايوه و ال (UNDERWEAR ) و انت فى الميه ممكن تلبس شورت او مايوه بس اوعى تنزل ب UNDERWEAR !و انت فى الشارع ماينفعش تمشي لا بالمايوه و لا بال UNDERWEAR . انت ماترضاش انى اجى امشي فى بلدكم ادام مراتك و اختك بال UNDERWEAR !

2- ممكن تاكل اى حاجة انت عايزها على البحر محشي , مكرونه بشاميل , سمك ! اى حاجة , بس يا ريت تنضف وراك و متقولش بتوع الشط بينضفوا لا نضف انت الاول !

3- يا ريت و انت فى الميا ماتشيلش صاحبك ترميه , و لا ترش عليه ميا تفشخ اللى فى الشط كله , اه احنا فى بحر بس برضه مينفعش ترش على الناس مياه و تطرطش على مخاليق ربنا !

4- ماتجريش ورا صاحبك بين الشمسيات !

5- بفكرك تانى برقم 4

6- و انت بتعدى الشارع يا ريت يعنى تشوف اقرب نفق او حتى اشارة تعدى منها عشان ماتوقفش الطريق !

7- احنا فى اسكندرية بطلنا نعاكس لو لقيت بنت ماشيه فى حالها ماتعاكسهاش , و هتلاقى بنات حاطة احمر و اصفر و ازرق و لابسين باديهات رخيصه ب سته جنيه , دول مش اسكندرانيه دول بنات شمال جايين اسكندرية ياكلوا عيش , ماتعاكسهمش برضه عشان هيتنصب عليك !

8- لو ابنك او بنتك عنده سنتين و عايز تنزله الميا , لبسوا حاجة , ماينفعش ينزل ملط ! عيب كده , لو انت مسلم ده مايرضيش ربنا , و لو انت مسيحي فده مايرضيش الرب , و لو انت ملحد ماتخليناش نخسر ديننا عليك !

9- خلى بالك عشان هتلاقى ناس كتير بتليفونات بتصور , هما مش بيصورا بعض , هما بيصوروك انت لو عملت حاجة من اللى فوق دول , و انت مرتضاش صورك تنزل على النت !

10 – اقرا اللى فات كمان مرة

تم تعديل 3 أغسطس 2015 بواسطة White heart

[herohero]

حضراتكم بتتناقشوا ف قضية سلوكيات المصريين في الشواطئ وموضوع المايوه طب محدش بيتناقش ليه تعامل الاستاف عموما مع المصريين بيكون بمستوى أقل من غير المصريين وخاصة اصحاب العيون الزرقاء والشعر الاصفر 

انا لاحظت ده ف اماكن كثير وع فكرة انا بتكلم ع فنادق المفروض راقيه (  سونستا في القاهرة والمريديان ) وماريوت بيتش في شرم الشيخ 
والملاحظات ده دون تجني بحس ان فريق العمل بيتاعمل مع المصري بعشم يعني ياسيدي احنا مصريين زي بعض والنتيجه تقصير ف اداء الخدمة ياترى ليه ؟؟؟

انا ضد تجاوز القوانين وشايف بصراحه ان لو الفندق بيقول مفيش نزول لحمامات السباحه الا بالزي الفلاني فيجب علينا الالتزام والقصه سهلة ما ابقاش اروح هناك ومع الوقت لما يكتر الناس اللي لهم رغبه في كده هنلاقي شواطئ نسائية وده موجودة ولها روادها 
لكن تبقى المشكلة الاكبر ابقى ف بلدي وباخد خدمة اقل من الغريب ؟؟؟ لييييييييييييييه 

 

 

[Grandma]

يا جماعة الموضوع الاساسي هنا هو دعوة لزيارة الغردقة 

 

 الحوار اتفرع لمناقشة موضوعين مهمين 

 

الأول طرحه الفاضل وايت هارت بخصوص الحريات على الشاطىء و بعض السلوكيات المرفوصة 

 

و الثاني طرحه الفاضل هيرو وهو عن تعامل العاملين في قطاع السياحة مع السياح  بمكيالين

فهم يحسنون معاملة الاجانب بينما يسيئون معاملة المصريين 

 

المشكلتان من وجهة نظري تستحقان مواضيع منفصلة 

 

و الأمر راجع لكم ... ايه رأيكم