دعوة لزيارة مدينة الغردقة

[جويرية]

السلام عليكم

ادعو اخواني المحاورين و اخواتي المحاورات لزيارة مدينة الغردقة

عشان لازم نشجع السياحة في بلدنا عشان مش معقول ناس تتفسح في تركيا او ماليزيا و نسيب بلادنا الجميلة

الغردقة اجمل بلد في الدنيا او علي الاقل بالنسبة ليا

مدينتي الحبيبة اللي مقدرش ابعد عنها ايام

[جويرية]

دي بقي اشهر معالم الغردقة

المارينا

[جويرية]

ده الممشى

[مهندس حسام الخواص]

اه اه اه انتي جيتي علي الجرح

انا هموت وازور الغردقة وليا اصحابي راحو الصيف اللي فات

وبما اني وزوجتي نعتبر اللي حد ما ملتزمين

فنحن نريد ان نسأل خبير كده في القري السياحية دي

بصراحة كده هنلبس ايه

متسغربيش من السؤال ايوه هنلبس ايه

ابقي ملتحي وزوجتي لابسه اسدال ونقعد والدنيا كلها مايوهات والا انا فاهم غلط

يعني هل لو يعني روحنا ميبقاش شكلنا شاذ

قوليلي طيب هننزل المايه ازاي وانا مش مقتنع بموضوع المايوه الشرعي ده

ولو يعني لقيتلنا حل ربنا يكرمك

قوللنا بقه نحجز فين لما ننزل بمصر علي شهر 4 وايه الفنادق الحلوه واسعارها ايه

تم تعديل 27 أكتوبر 2011 بواسطة مهندس حسام الخواص

[جويرية]

اه اه اه انتي جيتي علي الجرح

انا هموت وازور الغردقة وليا اصحابي راحو الصيف اللي فات

وبما اني وزوجتي نعتبر اللي حد ما ملتزمين

فنحن نريد ان نسأل خبير كده في القري السياحية دي

بصراحة كده هنلبس ايه

متسغربيش من السؤال ايوه هنلبس ايه

ابقي ملتحي وزوجتي لابسه اسدال ونقعد والدنيا كلها مايوهات والا انا فاهم غلط

يعني هل لو يعني روحنا ميبقاش شكلنا شاذ

قوليلي طيب هننزل المايه ازاي وانا مش مقتنع بموضوع المايوه الشرعي ده

ولو يعني لقيتلنا حل ربنا يكرمك

قوللنا بقه نحجز فين لما ننزل بمصر علي شهر 4 وايه الفنادق الحلوه واسعارها ايه

في القري السياحية اظن ان نزول حمام السباحة لازم بملابس البحر اما نزول البحر فمش بيدققوا في الملابس ، و ممكن التأكد من القرية قبل الحجز

حضرتك لو نزلت في قرية قريبة من البلد في الغردقة احسن من القري البعيدة اللي علي مشارف المدينة

لأن نزيل القرية ممكن مش محتاج يخرج كتير منها لأن فيها ديسكو ممكن بليل يروح فيه

بس بالنسبة لحضرتك ممكن بعد الضهر ممكن النزهة في الممشي او شارع شيري او سوق الدهار

او فيه ملاهي للأطفال في شاطئ 5 او فيه متحف للأسماك او المارينا

في قري كتير كويسة زي اكوافن ، سيجال ، البرنسيسة ، المشربية ، شدوان ، ساند بيتش

فيه كمان نادي الرياضات البحرية و ده جميل جدا

http://www.egypt-tourism-eg.com/Hurghada.php

[جويرية]

البحر في الغردقة هادي و مفيهوش موجة ، غير بحر اسكندرية الموجة مجنونة جدا

http://www.youtube.com/watch?v=Q_6neWvVvHI

تم تعديل 29 أكتوبر 2011 بواسطة جويرية

[جويرية]

دي رحلة داخل الغواصة و هيا مش غواصة يعني كلها بتنزل داخل البحر ، لا هيا بتبقي مركب و فيها زي غرف اسفل المركب الغرف دي جوانبها زجاج

http://www.youtube.com/watch?v=PYdrmuI64-o

[لولا]

جميلة رحلتك يا جويريه ..

ربنا يسعد ايامك ديما يارب

نعم مصر الجميلة تحوى من الجمال ما يفوق الوصف . تشتهر الغردقة عالميا بسبب الشعب المرجانية في مياهها والأسماك الإستوائية فتجدين سياح من كافه ارجاء الأرض يأتون اليها ليتمتعوا بهذا الجمال الربانى النادر .

للأسف لم ازر الغردقة حتى الآن لكنى ان شاء الله حتما سأزوها يومااذا قدر الله .. اعتقد انها اقل صخبا من شرم الشيخ واكثر حميميه لا اعرف

انا عموما احب المدن البحرية "الصاخبه ! :blink: " واتذكر ان رحلتى للجونه قبل عامين كانت من اسوأ الرحلات لشدة الهدوووء القاتل

تحياتى .

لولا

تم تعديل 29 أكتوبر 2011 بواسطة لولا

[ViralMind]

السلام عليكم..

انا اعتقد انى مشيت فى الممشى ده و لو انى مش متأكد.. بس عموما يعنى ماشفتش فيها كمدينة شىء مشجع.. لكن هى كويسة جدا كمصيف و تغيير جو.

المنتجع اللى كنت نازل فيه كان اسمه المانى كده.. و الله ما فاكر اسمه.. بس هو مساحته رهيبة جدا.. و مقسوم اتنين بسبب الطريق اللى انا اعتقد انه الممشى او بيودى ليه.. واحد اسمه فيه club و التانى من غير كلمة كلاب..

الغردقة من احسن شواطىء العالم و ارخصها بشهادة الامريكان ولاد الامريكان.

[hOuSsAm]

السلام عليكم..

انا اعتقد انى مشيت فى الممشى ده و لو انى مش متأكد.. بس عموما يعنى ماشفتش فيها كمدينة شىء مشجع.. لكن هى كويسة جدا كمصيف و تغيير جو.

المنتجع اللى كنت نازل فيه كان اسمه المانى كده.. و الله ما فاكر اسمه.. بس هو مساحته رهيبة جدا.. و مقسوم اتنين بسبب الطريق اللى انا اعتقد انه الممشى او بيودى ليه.. واحد اسمه فيه club و التانى من غير كلمة كلاب..

الغردقة من احسن شواطىء العالم و ارخصها بشهادة الامريكان ولاد الامريكان.

انت تقصد الفندق ده steigenberger وفيه منه بيتش 5 نجوم وفيه من كليب 4 نجوم والاتنين قدام بعض وهو فعلا من احلى فنادق الغردقة

----------------

ممكن سؤال للاستاذة جويرية

ايه احسن المطاعم فى الغردقة والكوفى شوب

وهل فيه فنادق هناك بتمنع دخول المنتقبات

واخبار السفارى والرحلات البحرية ايه

[ViralMind]

ده انتا بتذاكر من ورانا بقى :closedeyes:

ايون يا باشا, هو ده الفندق.. و انا كنت قاعد فى مدرجات الدرجة التالتة :lol:

اقصد يعنى كنت قاعد فى الناحية الجوانية - 4 نجوم.. و كنا بنركب بتاع زى عربية الجولف كده و تعدى بينا الناحية التانية اللى بتبص عالبحر.

الفندق جميل و كله all inclusive..

[egyptawy]

ده انتا بتذاكر من ورانا بقى :closedeyes:

ايون يا باشا, هو ده الفندق.. و انا كنت قاعد فى مدرجات الدرجة التالتة :lol:

اقصد يعنى كنت قاعد فى الناحية الجوانية - 4 نجوم.. و كنا بنركب بتاع زى عربية الجولف كده و تعدى بينا الناحية التانية اللى بتبص عالبحر.

الفندق جميل و كله all inclusive..

طيب ما تقولنا الاسعار بقى

[ViralMind]

ده انتا بتذاكر من ورانا بقى :closedeyes:

ايون يا باشا, هو ده الفندق.. و انا كنت قاعد فى مدرجات الدرجة التالتة :lol:

اقصد يعنى كنت قاعد فى الناحية الجوانية - 4 نجوم.. و كنا بنركب بتاع زى عربية الجولف كده و تعدى بينا الناحية التانية اللى بتبص عالبحر.

الفندق جميل و كله all inclusive..

طيب ما تقولنا الاسعار بقى

الاوضة الدبل كانت ب45 دولار على ما اتذكر.. و كنت حاجزها من على http://www.booking.com

لانها عالموقع ده ارخص بكتير من اسعار شركات السياحة اللى هنا فى مصر :blink:

اكيد الاسعار بتختلف على حسب التوقيت.. و اكيد طبعا زادت.

[aimen]

للناس اللى بتدور على زيارة الغردقة

دا عرض 3 ايام ب 1150 جنيه

الموقع دا بيرسل دائما خصومات على المنتجات والهدايا وكمان عروض للفنادق فى القاهرة

L.E 1150 Instead of L.E 1600 for a 3-Night All-Inclusive Stay in Hurghada at Grand Seas Hostmark Resort + Transportation + Activities from Pioneer Planning Travel

لمتابعه التفاصيل رابط http://www.offerna.com/

[أبو محمد]

كل كلامكم عن الغردقة جميل .. أنا زرتها تلات مرات .. المرة الأولى لما كانت قرية "مجاويش" بإدارة فرنسية .. والمرة التانية كانت نفس القرية ولكن بإدارة "مصر للسياحة" .. والمرة التالتة كنت فى فندق .. بالنسبة لى الإقامة فى القرى أفضل من الفنادق .. ده رأى شخصى

سنويا أذهب إلى شرم الشيخ .. عندى تايم شير هناك .. على هضبة "أم السيد" .. هى أفضل بكثير - فى رأيى - من خليج نعمة ..

بقول كل كلامكم عن الغردقة جميل إلا اعتبارها "مصيف" ..

بالنسبة لى البحر الأحمر - عموما - مشتى أكتر منه مصيف .. فى الشتا زى الأقصر وأسوان .. تى شيرت نص كم فى النهار .. وسكى جاكت وآيس كاب بالليل .. روعة الاستمتاع بفصلين فى نفس اليوم

لو كنت من أصحاب القرار .. كنت أركز على السياحة الداخلية المظلومة لحساب السياحة الخارجية .. فى الأوقات التى تـُضرب فيها السياحة لأى سبب بتكون السياحة الداخلية هى اللى بتشيل القطاع المهم ده .. فهو قطاع مثل قطاع المقاولات .. وراؤه عشرات المهن والصناعات اللى بتزدهر بازدهاره .. يعنى مثلا لو بصينا لأى قرية أو فندق .. بيشتغل وراه مصانع أثاث ، ومصانع مفروشات ، وموردين أغذية ومشروبات ، وبنوك ، وشركات نقل وطيران .. وزى ما انتم عايزين تعدوا ..

كان - منذ أكثر من عشر سنوات - أسعار الفنادق للمصرى نص أسعار الأجانب .. مش عارف ليه اتلغت الحكاية دى .. أعتقد بدعوى "السوق الحر المفتوح" .. كلمة حق يراد بها باطل .. المصرى - مثلا - له فى الأرض المخصصة أو المباعة لأصحاب القرى والفنادق ولازم ياخد مقابل حقه فى هذه الأرض .. مش لازم نص الأسعار ، ولكن يجب أن يأخذ المصرى مقابل أرضه التى خصصتها الدولة أو باعتها - فى الغالب بأسعار رمزية - لأصحاب المشاريع السياحية ..

على العموم تمنياتى للجميع بأوقات ممتعة فى البحر الأحمر سواء الغردقة أو شرم الشيخ أو مرسى علم أو سفاجة .. وماتنسوش اسكندرية .. بنحبوها ونعزوها أوى .. :wub:

[جويرية]

جميلة رحلتك يا جويريه ..

ربنا يسعد ايامك ديما يارب

نعم مصر الجميلة تحوى من الجمال ما يفوق الوصف . تشتهر الغردقة عالميا بسبب الشعب المرجانية في مياهها والأسماك الإستوائية فتجدين سياح من كافه ارجاء الأرض يأتون اليها ليتمتعوا بهذا الجمال الربانى النادر .

للأسف لم ازر الغردقة حتى الآن لكنى ان شاء الله حتما سأزوها يومااذا قدر الله .. اعتقد انها اقل صخبا من شرم الشيخ واكثر حميميه لا اعرف

انا عموما احب المدن البحرية "الصاخبه ! :blink: " واتذكر ان رحلتى للجونه قبل عامين كانت من اسوأ الرحلات لشدة الهدوووء القاتل

تحياتى .

لولا

لا دي مش رحلة للغردقة يا لولا ، انا مواليد الغردقة و عايشة فيها

لا انتي مدام جيتي الجونة يبقي زرتي الغردقة عشان هيا تبعد 25 كيلو عن الغردقة ، ده حتي هيا بعد الكمين بتاع الغردقة علي طول

انتي حسيتي بالهدوء اكيد عشان مخرجتيش من الجونة ، المرة الجاية اما تيجي ممكن تتفسحي في الغردقة نفسها في اماكن حلوة كتير

المنتدي نور بوجودك يا لولا

تم تعديل 30 أكتوبر 2011 بواسطة جويرية

[رضوي]

جميل موضوعك ياجوجرية تسلمي

الغردقة بجد من احلى المدن اللي زرتها واكثرهم سحراً ( هى وشرم بصراحة ) وبتتميز بنضافتها وطبيعتها الخلابة وهدوءها الجميل جداً ........ ولو عايزين دوشة بنلاقيها هناك برده

اخر مرة زرتها كانت من سنتين رحت فيها المارينا والممشى وسوق هناك مليان سمك مش فاكرة اسمه ( بما اني من عشاق السمك بكل اشكاله اصنافه ) ورحت الجونة يوم واحد بس ورجعت تاني الغردقة

وبالمناسبة دلوقتي في الفنادق مابيعلقوش على موضوع المايوه دة خالص ........ كنا بننزل البحر عادي جداً في الغردقة وفي الجونة وفي شرم الشيخ كمان ......... وماحدش اصلا بيبص على حد

وبما اني من عشاق البحر الاحمر وخاصة الغردقة وشرم وراس سدر ........... الا اني بفضل اسافر ليهم في الشتا اكتر من الصيف .......... لأن درجة الحرارة في الصيف بتضطرنا اننا نفضل في المكيفات طول النهار في الفندق وماننزلش الا بالليل ودة بيضايقنا جداً ...... لكن في الشتا بنبقى براحتنا اوي اوي

ومع ذلك سافرت شرم من اسبوعين وكانت الشمس فظيعة اوي ......... وكانت محدده حركتنا طول النهار وكنا مابنصدق بعد العصر ننطلق براحتنا بقى ....... وكنا بننزل المية الساعة 6 الصبح لحد 9 بعد كدة مانقدرش الشمس بتحرقنا اوي

واجمل حاجة عملنها الرحلة البحرية والجلاس بووت ....... بجد صعب اوي اوصف جمالها

عموماً بلدنا مليانة اماكن سياحية جميلة جداً ....... مش بس الغردقة وشرم الشيخ واسكندرية

في كل ركن في بلدنا جمال غير مألوف ........ عمري ابداً ماازهق منها ولا ابطل اسافر جواها مهما حفظت معالمها

لو قدرت ان شاء الله في الشتا القادم اني ازور مصر العليا الاقصر واسوان والنوبة الجديدة هتبقى احلى رحلة بس ربنا يوفقني

[مهندس حسام الخواص]

وبالمناسبة دلوقتي في الفنادق مابيعلقوش على موضوع المايوه دة خالص ........ كنا بننزل البحر عادي جداً في الغردقة وفي الجونة وفي شرم الشيخ كمان ......... وماحدش اصلا بيبص على حد

السلام عليكم يا مدام رضوي

ممكن توضحي النقطه دي لانها مهمه جدا بالنسبالي يعني ايه عادي جدا يعني ممكن بعبايه جينز مثلا ولا تقصدي مايوه شرعي

يعني ايه اقصي لبس محتشم ممكن ننزل بيه البحر براحتنا يعني

تم تعديل 31 أكتوبر 2011 بواسطة مهندس حسام الخواص

[جويرية]

السلام عليكم..

انا اعتقد انى مشيت فى الممشى ده و لو انى مش متأكد.. بس عموما يعنى ماشفتش فيها كمدينة شىء مشجع.. لكن هى كويسة جدا كمصيف و تغيير جو.

المنتجع اللى كنت نازل فيه كان اسمه المانى كده.. و الله ما فاكر اسمه.. بس هو مساحته رهيبة جدا.. و مقسوم اتنين بسبب الطريق اللى انا اعتقد انه الممشى او بيودى ليه.. واحد اسمه فيه club و التانى من غير كلمة كلاب..

الغردقة من احسن شواطىء العالم و ارخصها بشهادة الامريكان ولاد الامريكان.

فعلا الغردقة من احسن شواطئ العالم و لو فيه تخطيط كويس للسياحة تبقي من احسن المدن في العالم

نستني اما ييجي الرئيس القادم ان شاء الله و طنطاوي ربنا يهديه و يقوم من علي الكرسي

هما اخيرا في اخر تعديل وزاري غيروا المحافظ ، بس نفس سياسة الدولة حاليا ، يعني بيحاولوا يعملوا شووية قرارات كدة يرضوا الناس ، لكن البلد محتاجة تخطيط من جديد و اصلاح لكل ما افسده النظام السابق

[جويرية]

ممكن سؤال للاستاذة جويرية

ايه احسن المطاعم فى الغردقة والكوفى شوب

وهل فيه فنادق هناك بتمنع دخول المنتقبات

واخبار السفارى والرحلات البحرية ايه

لا مش فيه اماكن بتمنع المنتقبات و النقاب منتشر هنا بس بين اهل البلد

هوه شارع شيري اهم شارع في الغردقة فيه المطاعم و فنادق و فيه مكاتب سياحة ممكن فيها الحجز للسفاري او الرحلات البحرية او ممكن الحجز للرحلات البحرية من المارينا مباشرة

بالنسبة للمطاعم

مطاعم اسماك زي الجوكر في ميدان السقالة ، مطعم الميناء في شارع المينا ، مطعم ستار فيش في اول شارع الشيراتون

مطاعم غربية زي ماكدونلز و كنتاكي و هارديز دول في شارع الشيراتون

مطاعم في شيري زي سي السيد ده مشويات و مطعم جاد و مطعم مؤمن

برضو بالنسبة للكافيهات الممشي و المارينا كلهم كافيهات ، فيه كافيهات في شيري زي العربي و فيرساي و في شارع الشيراتون عند السينما كافيه اسمه الحرافيش ، و في طريق فندق روما قبل فلفلة بشوية كافيه اسمه جرنادا

في مطعم في مبارك 2 شارع البنوك اسمه كل و حلي و فيه مطعمين جنبه برضو

بس للأمانة انا مش باكل برة غير اسماك فمطاعم الاسماك هيا اللي رحتها قبل كدة و مطعمين جاد و مؤمن ، ده غير كنتاكي و ماكدونلز بس طبعا اكلهم بلاستيك كدة ، اما بقية المطاعم و الكافيهات ان سألت قرايب ليا عنهم