دعوة لزيارة مدينة الغردقة

[جويرية]

كل كلامكم عن الغردقة جميل .. أنا زرتها تلات مرات .. المرة الأولى لما كانت قرية "مجاويش" بإدارة فرنسية .. والمرة التانية كانت نفس القرية ولكن بإدارة "مصر للسياحة" .. والمرة التالتة كنت فى فندق .. بالنسبة لى الإقامة فى القرى أفضل من الفنادق .. ده رأى شخصى

فعلا القري احسن من الفنادق ، عشان منخفضة الارتفاع اما الفنادق فعالية فكأن كدة الواحد في نفس المدن الكبيرة

انا برضو اما كنت في الجامعة في القاهرة كنت اقولهم انا ساكنة في بيت ارضي ، يقولولي يعني ساكنة في فيلا اقولهم لا ده بيت من دور واحد ، يقولولي من دور واحد يعني فيلا اقولهم لا ده بيت مش فيلا ، المهم فضلت لغاية ما خلصت الجامعة و انا سمعت الكلام ده ميت مرة و برضو محدش اقتنع ان ممكن يبقي بيت ارضي مش فيلا

بس خلاص دلوقتي ساكنر في عمارة اما احب اروح بيت ارضي بروح بيت جدي القديم ده بيت من 50 سنة ده بقي من معالم الغردقة الاثرية

بقول كل كلامكم عن الغردقة جميل إلا اعتبارها "مصيف" ..

بالنسبة لى البحر الأحمر - عموما - مشتى أكتر منه مصيف .. فى الشتا زى الأقصر وأسوان .. تى شيرت نص كم فى النهار .. وسكى جاكت وآيس كاب بالليل .. روعة الاستمتاع بفصلين فى نفس اليوم

هيا فعلا مشتي مش مصيف لأن معظم السياح من اوروبا فالغردقة بالنسبة ليهم مشتي ، و بالنسبة لحضرتك اكيد الغردقة حر عن اسكندرية ، امااللي بييجي من الصعيد للغردقة بالنسبة له الغردقة مصيف

الغردقة جوها معتدل طول السنة انا اكتشفت ان مش عندنا لا صيف ولا شتا بجد اما سافرت قنا ، الجو شديد الحرارة في الصيف شديد البرودة في الشتا ، اما في الغردقة هما بس ايام الحر كام يوم كدة في شهر 7 و ايام البرد كام يوم برضو في شهر واحد

[ramy basha]

الموضوع جميل ومشجع لكن فيه نقطة مهمة جدا وهي أن في كل البلاد الاسلامية التي بها سياحة من السعودية والامارات إلي ماليزيا يوجد شيء إسمه شاليه بحمام سباحة خاص مغلق وعلي ما أعتقد إن ده هايكون مناسب جدا للسياحه بالنسبة لينا كمسلمين يعني الشاليه بيكون فيه من الداخل حمام سباحه او في الجنينه وبتكون مغلقة تماما كأنها صالة ألعاب ملحقة بالشاليه وده هايعطي حريه أكبر وهاينشط السياحه الاسلامية بشكل رائع والسؤال هنا ... هل هذا موجود بالغردقة ؟؟؟؟؟؟؟؟؟؟؟؟؟؟؟؟؟؟؟؟؟؟

[جويرية]

لو كنت من أصحاب القرار .. كنت أركز على السياحة الداخلية المظلومة لحساب السياحة الخارجية .. فى الأوقات التى تـُضرب فيها السياحة لأى سبب بتكون السياحة الداخلية هى اللى بتشيل القطاع المهم ده .. فهو قطاع مثل قطاع المقاولات .. وراؤه عشرات المهن والصناعات اللى بتزدهر بازدهاره .. يعنى مثلا لو بصينا لأى قرية أو فندق .. بيشتغل وراه مصانع أثاث ، ومصانع مفروشات ، وموردين أغذية ومشروبات ، وبنوك ، وشركات نقل وطيران .. وزى ما انتم عايزين تعدوا ..

فعلا السياحة سبب في شغل مهن كتير ، ده انا مكتب البريد دايما الاقيه زحمة و طوابير عشان الناس اللي بتحول فلوس لأهلها في محافظات تانية

بس طبعا مفروض السياحة مش تبقي دخل اساسي لأن احنا في منطقة صراع و اقل مشكلة السياح ممكن يلغوا الحجز ، فالمفروض كل مدينة يكون ليها نشاط وصناعات خاصة بها ، اما المخلوع ربنا يلعنه قفل الزراعة و الصناعة و حول كل الناس علي السياحة

كمان اللي بيشتغلوا في السياحة بيبقي ليهم سكن خاص تابع للفندق ، و طبعا ينزلوا اجازات كل فترة لولا ما يقدروا يشوفوا اولادهم و اهلهم ، و اللي يفكر يجيب اهله معاه ايجار الشقة فاضية ب 800 او 1000 جنيه ،

على العموم تمنياتى للجميع بأوقات ممتعة فى البحر الأحمر سواء الغردقة أو شرم الشيخ أو مرسى علم أو سفاجة .. وماتنسوش اسكندرية .. بنحبوها ونعزوها أوى ..

اسكندرية الجميلة دي البلد اللي نفسي اروحها ، بلاد كتير حتي لو متفسحتش فيها لكن بنعدي عليها بالاتوبيس ، اما اسكندرية دي مش شفتها خالص ،

[جويرية]

تم تعديل 31 أكتوبر 2011 بواسطة جويرية

[جويرية]

تم تعديل 31 أكتوبر 2011 بواسطة جويرية

[ابو كريم]

السلام عليكم

ادعو اخواني المحاورين و اخواتي المحاورات لزيارة مدينة الغردقة

عشان لازم نشجع السياحة في بلدنا عشان مش معقول ناس تتفسح في تركيا او ماليزيا و نسيب بلادنا الجميلة

الامانة لازم نقول ان الغردقة مش كلها حلوة الجميل فيها سهل حشيش وخليج مكادي ودول زي شرم واجمل

الغردقة اجمل بلد في الدنيا او علي الاقل بالنسبة ليا

مدينتي الحبيبة اللي مقدرش ابعد عنها ايام

[ابو كريم]

السلام عليكم

ادعو اخواني المحاورين و اخواتي المحاورات لزيارة مدينة الغردقة

عشان لازم نشجع السياحة في بلدنا عشان مش معقول ناس تتفسح في تركيا او ماليزيا و نسيب بلادنا الجميلة

الغردقة اجمل بلد في الدنيا او علي الاقل بالنسبة ليا

مدينتي الحبيبة اللي مقدرش ابعد عنها ايام

الامانة لازم نقول ان الغردقة مش كلها حلوة الجميل فيها سهل حشيش وخليج مكادي ودول زي شرم واجمل

[جويرية]

جميل موضوعك ياجوجرية تسلمي

الغردقة بجد من احلى المدن اللي زرتها واكثرهم سحراً ( هى وشرم بصراحة ) وبتتميز بنضافتها وطبيعتها الخلابة وهدوءها الجميل جداً ........ ولو عايزين دوشة بنلاقيها هناك برده

اخر مرة زرتها كانت من سنتين رحت فيها المارينا والممشى وسوق هناك مليان سمك مش فاكرة اسمه ( بما اني من عشاق السمك بكل اشكاله اصنافه ) ورحت الجونة يوم واحد بس ورجعت تاني الغردقة

وبالمناسبة دلوقتي في الفنادق مابيعلقوش على موضوع المايوه دة خالص ........ كنا بننزل البحر عادي جداً في الغردقة وفي الجونة وفي شرم الشيخ كمان ......... وماحدش اصلا بيبص على حد

وبما اني من عشاق البحر الاحمر وخاصة الغردقة وشرم وراس سدر ........... الا اني بفضل اسافر ليهم في الشتا اكتر من الصيف .......... لأن درجة الحرارة في الصيف بتضطرنا اننا نفضل في المكيفات طول النهار في الفندق وماننزلش الا بالليل ودة بيضايقنا جداً ...... لكن في الشتا بنبقى براحتنا اوي اوي

ومع ذلك سافرت شرم من اسبوعين وكانت الشمس فظيعة اوي ......... وكانت محدده حركتنا طول النهار وكنا مابنصدق بعد العصر ننطلق براحتنا بقى ....... وكنا بننزل المية الساعة 6 الصبح لحد 9 بعد كدة مانقدرش الشمس بتحرقنا اوي

واجمل حاجة عملنها الرحلة البحرية والجلاس بووت ....... بجد صعب اوي اوصف جمالها

عموماً بلدنا مليانة اماكن سياحية جميلة جداً ....... مش بس الغردقة وشرم الشيخ واسكندرية

في كل ركن في بلدنا جمال غير مألوف ........ عمري ابداً ماازهق منها ولا ابطل اسافر جواها مهما حفظت معالمها

لو قدرت ان شاء الله في الشتا القادم اني ازور مصر العليا الاقصر واسوان والنوبة الجديدة هتبقى احلى رحلة بس ربنا يوفقني

صباح الخير يا رضوي

ازيك عاملة ايه

تصوري انا كنت ناسية موضوع الغردقة و انها بلد سياحية ، انا مرحتش رحلات بحرية و لا قرية سياحية من ايام ماكنت في المدرسة ، اللي فكرني بالموضوع ده اما دخلت الفيس بوك و لقيت الناس كتير بتتكلم عن السياحة في الغردقة، قلت لنفسي ايه ده انا عايشة فين

بيقولوا اهل البلد مبيتفسحوش فيها ، بالنسبة ليا الغردقة مش قري سياحية و سياحة و بس

الغردقة بالنسبة ليا بيوت الصيادين و بيت جدي القديم و اهلي اللي مقدرش استغني عنهم حتي لو زعلوني ،و مدفن ابويا و جدودي ، مش عايزة اسيب الغردقة عشان اقدر ازور اهلي في اي وقت اللي عايشين و اللي ماتوا

بقول كتر خير المغتربين اللي عايشين في دولة تانية اما انا مش اقدر ابعد عن الغردقة ايام

[جويرية]

وبالمناسبة دلوقتي في الفنادق مابيعلقوش على موضوع المايوه دة خالص ........ كنا بننزل البحر عادي جداً في الغردقة وفي الجونة وفي شرم الشيخ كمان ......... وماحدش اصلا بيبص على حد

السلام عليكم يا مدام رضوي

ممكن توضحي النقطه دي لانها مهمه جدا بالنسبالي يعني ايه عادي جدا يعني ممكن بعبايه جينز مثلا ولا تقصدي مايوه شرعي

يعني ايه اقصي لبس محتشم ممكن ننزل بيه البحر براحتنا يعني

نزول البحر ممكن بعباية عادية مش لازم اللي بيسموه مايوة شرعي

يعني نزول البحر بأي ملابس مش بيتكلموا

بس بالنسبة للجينز اظن ان القماش العادي افضل من الجينز ، عشان الجينز بيتملي مية و بيبقي تقيل جدا في الحركة

[مهندس حسام الخواص]

وبالمناسبة دلوقتي في الفنادق مابيعلقوش على موضوع المايوه دة خالص ........ كنا بننزل البحر عادي جداً في الغردقة وفي الجونة وفي شرم الشيخ كمان ......... وماحدش اصلا بيبص على حد

السلام عليكم يا مدام رضوي

ممكن توضحي النقطه دي لانها مهمه جدا بالنسبالي يعني ايه عادي جدا يعني ممكن بعبايه جينز مثلا ولا تقصدي مايوه شرعي

يعني ايه اقصي لبس محتشم ممكن ننزل بيه البحر براحتنا يعني

نزول البحر ممكن بعباية عادية مش لازم اللي بيسموه مايوة شرعي

يعني نزول البحر بأي ملابس مش بيتكلموا

بس بالنسبة للجينز اظن ان القماش العادي افضل من الجينز ، عشان الجينز بيتملي مية و بيبقي تقيل جدا في الحركة

ربنا يكرمك يا جويرية طب ليه مقلتيش كده من اول مشاركه ليا معاكي انتي متأكده لان الموضوع ده عامل ازمه جامده بيني وبين زوجتي لانها رافضه المايوه الشرعي ده تماما تماما يعني افهم من كلامك اننا ننزل المبه بأي لبس قشطه كده

تم تعديل 1 نوفمبر 2011 بواسطة مهندس حسام الخواص

[جويرية]

[جويرية]

ده الغطس يا جماعة و لو اني مش بحب الرياضة دي ، في حد بيحبها هنا في المنتدي

يعني عشان هيا فيها خطورة شوية ، يعني ربنا خلقنا بنأدمين مش سمك ، الواحد يدخل غرفة عمليات و يبقي سمكة لمدة كام ساعة ،

ماله الجلاس بوت ، دي مركب قاعها زجاج ممكن الواحد يتفرج براحته علي السمك مش لازم ينزل و يبقي جنب السمكة تحت و يقعد معاهم في الينفنج روم بتاعهم

بفتكر دايما قصة حورية البحر اللي كان نفسها تبقي انسان و بعدين الجنية قالتلها تبقي انسان بس مش تتكلمي و بعدين حبت الامير و الامير حب انسية طبعا زيه ، يعني حيحب واحدة بديل

[جويرية]

الموضوع جميل ومشجع لكن فيه نقطة مهمة جدا وهي أن في كل البلاد الاسلامية التي بها سياحة من السعودية والامارات إلي ماليزيا يوجد شيء إسمه شاليه بحمام سباحة خاص مغلق وعلي ما أعتقد إن ده هايكون مناسب جدا للسياحه بالنسبة لينا كمسلمين يعني الشاليه بيكون فيه من الداخل حمام سباحه او في الجنينه وبتكون مغلقة تماما كأنها صالة ألعاب ملحقة بالشاليه وده هايعطي حريه أكبر وهاينشط السياحه الاسلامية بشكل رائع والسؤال هنا ... هل هذا موجود بالغردقة ؟؟؟؟؟؟؟؟؟؟؟؟؟؟؟؟؟؟؟؟؟؟

لا هنا طبعا كله اماكن مفتوحة و مفيش اماكن مستقلة

بس برضو انا سألت لقيت عدد من الفيلات بحمام سباحة داخلي

سألت سمسار قالي ان الفلل دي موجودة في مناطق مبارك 7 و الهلال و الهضبة

لو حضرتك او اي حد عايز رقم السمسار ممكن اديهوله علي الخاص

و لو اي حد من الاخوة عنده استفسار علي الخاص ممكن يسألني

تم تعديل 1 نوفمبر 2011 بواسطة جويرية

[جويرية]

الامانة لازم نقول ان الغردقة مش كلها حلوة الجميل فيها سهل حشيش وخليج مكادي ودول زي شرم واجمل

الغردقة و الله جميلة وزي شرم بس بشرط الواحد يمشي في الاماكن اللي بيروحها السياح

اما بقي اللي عايز يروح الاماكن العشوائية اللي في الغردقة فلا يلومن الا نفسه مين قاله يروح

الحكومة عاملة اللي عليها و منضفة اماكن للسياح بس

الغردقة طبعا كان بيحصل فيها اكبر سرقة في التاريخ ، اظن مفيش محافظة في الجمهورية اتسرقت زي البحر الاحمر ، لو علي ايرادات السياحة اللي بتدخل يومية خزنة المحافظة دي كانت تبقي الغردقة جنة ، لكن حدث ولا حرج عن ارض حد يشتريها من مجلس المدينة ب 5000 جنيه و يبيعها و هوه لسة مخرجش من المجلس بمليون جنيه ، ده غير مساكن الفقراء اللي كانوا بيدوها للمحظوظين و عليه القوم ، فالناس بنوا في مناطق عشوائية ، و طبعا بعد كدة الحكومة جاية تهد لهم الاماكن دي ،

تم تعديل 3 نوفمبر 2011 بواسطة جويرية

[جويرية]

[جويرية]

نتكلم عن الاسعار شوية

الاقامة في فندق 3 نجوم بحوالي 500 الي 600 للغرفة المزدوجة ، في فندق 5 نجوم بحوالي من 900 الي 1000 للغرفة المزدزجة

نادي الرياضات ده كويس جدا الاقامة ب حوالي 300 جنيه غرفة مزدوجة بس فطار بس

فيه فنادق نجمة واحدة ب 100 جنيه في اليوم

لو حد مش عايز ينزل في فندق ممكن يأجر شقة ، ايجار الشقة بحوالي 100 جنيه في اليوم ، و ممكن ياخدها في شارع شيري عشان تبقي قريبة من الشواطئ العامة و ممكن يدخل قرية بس يدفع رسم دخول الشاطئ حوالي 40 جنيه للفرد

[جويرية]

[رضوي]

وبالمناسبة دلوقتي في الفنادق مابيعلقوش على موضوع المايوه دة خالص ........ كنا بننزل البحر عادي جداً في الغردقة وفي الجونة وفي شرم الشيخ كمان ......... وماحدش اصلا بيبص على حد

السلام عليكم يا مدام رضوي

ممكن توضحي النقطه دي لانها مهمه جدا بالنسبالي يعني ايه عادي جدا يعني ممكن بعبايه جينز مثلا ولا تقصدي مايوه شرعي

يعني ايه اقصي لبس محتشم ممكن ننزل بيه البحر براحتنا يعني

عليكم السلام ورحمة الله وبركاته

اسفة يافندم لأني لسة شايفة رد حضرتك دلوقتي بس ........ وزي ماجوجرية قالت ان مافيش دلوقتي شروط لنزول البحر ممكن بأي ملابس عادي جداً وكمان بعض الفنادق بتسمح بدة في البيسين كمان مش بس البحر

دة حتى في الجونة كنا بننزل بهدومنا عادي جداً ومافيش قوانين تمنعنا ........ اياً كانت نوعية الملابس دي ترجع لمرتديها فقط يعني كل واحد براحته خالص ومافيش مشاكل ابداً

بالنوسبة بقى لموضوع مدام ...... ممكن حضرتك تقولي يارضوى بس ........ لأني مش مدام

[التونسى]

طيب واللى عايز يقيم فى الغردقه .. مش يزورها بس .. ايه المشروع او النشاط اللى ممكن يقوم بيه .. وايه هى اسعار الشقق التمليك وتكون فى مكان كويس او كمبوند

انا عمرى ما زرت الغردقه .. لكن زميلى فى الشغل وهو مصرى .. كل يوم يقوللى اشعار فيها .. ونفسه يروح يعيش هناك .. ويشتغل فى مجال الغطس لانه له خبره فيها ..

ان شاء الله لو فيه عمر اروح اعاين بنفسى الاجواء هناك

[مهندس ابو يوسف]

انا قضيت في الغردقه احلة ايام وانا بعمل في انشاء قريه CETIDELفي سهل حشيش

المياه روعه هناك

بس الغردقه احسن مناطق فيها سهل حشيش ومكادي تشبه شرم الشيخ في جمالها