مسابقة لغوية

[Lighthouse]

إخوتي الأعزاء أخواتي العزيزات حياكم الله :blink:

نستكمل معاً سلسلة الاسماء والصفات المؤنثة التي لاتنتهي بعلامة من علامات التأنيث .

وإليكم اسئلة اليوم مع أطيب التمنيات بحظ سعيد واستفادة دائمة :blink:

1 – مـُـسـْـقـِـط ( بضم الميم وسكون السين وكسر القاف ) : ضعيفة – فاجرة – مطلقة – التي تضع وليدها بغير تمام .

2 - داجـِـن ( بكسر الجيم ) : سمينة – أليفة البيوت – سوداء – وحيدة .

3 – عاطـِـل : أرملة – كسول – خفيفة العقل – لاتضع حلياً .

4 – شـَـكور : دامعة – باسمة – كثيرة الشكر – كريمة .

5 – عـَـرُوب ( بفتح العين وضم الراء ) : متحببة إلي زوجها – لعوب – جذابة – طويلة الشعر .

أظن مافيش اسهل من كده ;)

:blink:

:angry: :angry: :ph34r:

[moslema salafeya]

ميس لايت : أحب أشكرك على المسابقة دى لأنها هتصحى فينا حس اللغة العربية اللى أنا عن نفسى افتقدته من أيام الثانوية العامة خصوصا إن الدراسة الجامعية كانت بعيدة تماما عن اللغة العربية. :angry: :ph34r:

كفاية : إنسى موضوع الدروس دى لأنى معملتهاش فى الجامعة يرضيك إنت إنى أعملها على كبر كده :angry:

حل المسابقة: ويارب تكون صح : ;)

1 – مـُـسـْـقـِـط :التي تضع وليدها بغير تمام .

2- داجن:أليفة البيوت

3-عاطل:كسول

4- شكور:كريمة

5-عروب:متحببة إلي زوجها

------------------------------------------------------------

"ألم يأن للذين آمنوا أن تخشع قلوبهم لذكر الله ومانزل من الحق ولا يكونوا كالذين أوتوا الكتاب من قبل فطال عليهم الأمد فقست قلوبهم وكثير منهم فاسقون"

[kfaya]

ياللا خللى كفاية يدي دروس على ودنه

يا ناس يا شر بطلوا قر ..

نتيجة الأمس

سيلفر = 6/10

أفيونه = 10/10 .. الأول مع كيلو جمبرى .. شوفتوا يا ولاد أفيونه اللى كان بيسقط على طول .. بعد كام حصة , طلع الأول على طول

ساد = 6/10 ... فين السنس يا ساد ؟؟؟ لو عايز تتقوى .. خد محمولى من أفيونه

فيروز = 6/10 ... مستواكى ثابت يا فيروز .. ماسكه فى الستات على طول

كفاية = 4/10 .. أنا سقط يا أخوانا ‍‍‍‍.. مين يا ربى هيرضى ياخد عندى دروس ؟؟ مبسوطة كدا يا ميس .. ;) ..

أمير = 6/10 ... بدون تعليق :angry:

جى جى = 8/10 ... انتىالوحيدة اللى جاوبتى رؤوم غلط :angry:

[afiona]

أفيونه = 10/10 .. الأول مع كيلو جمبرى .. شوفتوا يا ولاد أفيونه اللى كان بيسقط على طول .. بعد كام حصة , طلع الأول على طول

;)

الف شكر يا عرب على تشجيعك الغير متواصل ....دايما كده ... العظماء محدش يعرف قيمتهم الا بعد مدة ...

بصراحة ... انا عايز منافسة... بعد ان تربعت على القمة ببراعة و بنجاح منقطع النظير ....هل من مبارز لفتى العرب و زينة شبابهم ?

حامو فين بالمناسبة ?

[kfaya]

ولا هعرف أجيب الأربعة بتاعة امبارح ؟؟؟؟ ;)

مفيش حاجة مذكر .... كل يوم مؤنث .. كل يوم مؤنث .. :angry:

يا ميس انا منظرى بقى وحش جدا قدام الأولاد .... :ph34r:

النهاردة و لا جنبرى ينفع .. ولا بطارخ ولا حتى كفيار... :blink:

ايه علاقة " الفاجرة " .... بأللى بتضع وليدها بغير تمام ....

حتى السنس مش هيشتغل مع المؤنثات دى ... fsh::

انت فين يا مفتكس ؟؟؟؟ :angry:

1 – مـُـسـْـقـِـط ( بضم الميم وسكون السين وكسر القاف ) : ضعيفة – فاجرة – مطلقة – التي تضع وليدها بغير تمام .

2 - داجـِـن ( بكسر الجيم ) : سمينة – أليفة البيوت – سوداء – وحيدة .

3 – عاطـِـل : أرملة – كسول – خفيفة العقل – لاتضع حلياً .

4 – شـَـكور : دامعة – باسمة – كثيرة الشكر – كريمة .

5 – عـَـرُوب ( بفتح العين وضم الراء ) : متحببة إلي زوجها – لعوب – جذابة – طويلة الشعر

مع ان عروب على وزن لعوب ... لكن بالسنس كدا .. اللى جوزها بيموت فيها .. تبقى عروب .. :blink: ..

[afiona]

1 – مـُـسـْـقـِـط ( بضم الميم وسكون السين وكسر القاف ) : ضعيفة – فاجرة – مطلقة – التي تضع وليدها بغير تمام .

2 - داجـِـن ( بكسر الجيم ) : سمينة – أليفة البيوت – سوداء – وحيدة .

3 – عاطـِـل : أرملة – كسول – خفيفة العقل – لاتضع حلياً .

4 – شـَـكور : دامعة – باسمة – كثيرة الشكر – كريمة .

5 – عـَـرُوب ( بفتح العين وضم الراء ) : متحببة إلي زوجها – لعوب – جذابة – طويلة الشعر .

عروب و داجن محتاجين شرح مستفيض .... داجن لها دعوة بدواجن ?

[sad_swing2000]

1 – مـُـسـْـقـِـط ( بضم الميم وسكون السين وكسر القاف ) : التي تضع وليدها بغير تمام .

2 - داجـِـن ( بكسر الجيم ) : سمينة.

3 – عاطـِـل : أرملة.

4 – شـَـكور : كثيرة الشكر.

5 – عـَـرُوب ( بفتح العين وضم الراء ) : متحببة إلي زوجها.

يا لايت كل كلامنا عن صعوبة الأسئلة من باب المداعبة بس ، أصل الموضوع محتاج قليل من الهزار.

أنا النهاردة ضامن 4 من 10 إن شاء الله ، ربنا يزيدهم

[hamo90]

ها قد عدنا بسلامة الله الي أرض الافتكاسات

الاجابات :

– مـُـسـْـقـِـط ( بضم الميم وسكون السين وكسر القاف ) : التي تضع وليدها بغير تمام .

2 - داجـِـن ( بكسر الجيم ) : أليفة البيوت

3 – عاطـِـل : أرملة . ;) :angry: :angry:

4 – شـَـكور : كثيرة الشكر .

5 – عـَـرُوب ( بفتح العين وضم الراء ) : متحببة إلي زوجها .

" سأفلشحن رأسك كما تفلشح رأس البعير أيها المفتكس " :ph34r:

حمو

[amir]

فيـــــــن الاسئله بقى ؟

– مـُـسـْـقـِـط ( بضم الميم وسكون السين وكسر القاف ) : التي تضع وليدها بغير تمام .

2 - داجـِـن ( بكسر الجيم ) : أليفة البيوت .

3 – عاطـِـل : كسول .

4 – شـَـكور : كثيرة الشكر .

5 – عـَـرُوب ( بفتح العين وضم الراء ) : لعوب .

تم تعديل 29 ديسمبر 2004 بواسطة هشام عبد الوهاب

[فــيــروز]

مـُـسـْـقـِـط : "دى غير عاصمة عمان؟" التي تضع وليدها بغير تمام .

داجـِـن : اليفة البيوت rei::

عاطـِـل : لا تضع حليا؟ :blink:

شـَـكور : "دى شكلها فخ بالمقاس" ;) .. الامر لله <_< .. كثيرة الشكر

عـَـرُوب ( بفتح العين وضم الراء ) : متحببة إلي زوجها ksh::

أظن مافيش اسهل من كده

ولا انا :angry:

[SilverSwan]

واضح ان الرتم عندكم سريع شويه ... ايام زمان ف المنتدى القديم بتاعنا كنا بنخلي الاسئله كذا يوم كده.. وواضح ان السيرفس عندكم مش قد كده :blink: .. احنا كانوا بيفوتوا علينا عضو عضو عضوايه عضوايه .. تجاوب يا بيه ؟؟ تحلي يا هانم؟؟ واللي ما لهوش مزاج بيرجعواله يوم تاني واللي مش بيلاقهوه بيسيبولو الوصل مع السيكيورتي بتاع العماره .. هيييه ايام

:angry:

الحق اجاوب بسرعه قبل ما الورق يتلم

1 – مـُـسـْـقـِـط ( بضم الميم وسكون السين وكسر القاف ) : ضعيفة – فاجرة – مطلقة – التي تضع وليدها بغير تمام .

2 - داجـِـن ( بكسر الجيم ) : سمينة – أليفة البيوت – سوداء – وحيدة .

اعتقد انها فعلا مرتبطه بالدواجن.. لانها متربيه ف البيوت

3 – عاطـِـل : أرملة – كسول – خفيفة العقل – لاتضع حلياً .

دي جديده اوي بس هيه اكيد مش اللي ماعندهاش شغلانه نشتغلها

4 – شـَـكور : دامعة – باسمة – كثيرة الشكر – كريمة .

انا زي فيروز كده برضه شايفه ان دي تركايه من اللي بيعملوها الدكاتره في الامتحانات.. <_<

5 – عـَـرُوب ( بفتح العين وضم الراء ) : متحببة إلي زوجها – لعوب – جذابة – طويلة الشعر .

دي باه جايه من " عرباَ أترباً "

تم تعديل 21 نوفمبر 2004 بواسطة SilverSwan

[homer]

يا نهار أبيض

يعنى أغيب يوم ألاقى المسابقة دخلت هذا المنعطف المظلم الأسئلة دى بتفكرنى بريتشارد قلب الأسد عندما قال لارثر "من أى جحيم تأتى بكلماتك يا رجل"

حاسس كده ان الاسئلة دى هتطفش الزباين "وبسهم عربى"

ما علينا هنضطر نفتكس مع أنى كنت مزوغ من خود وأخواتها.

1 – مـُـسـْـقـِـط ( بضم الميم وسكون السين وكسر القاف ) : التي تضع وليدها بغير تمام .

2 - داجـِـن ( بكسر الجيم ) : أليفة البيوت

3 – عاطـِـل : كسول .

4 – شـَـكور : كثيرة الشكر

5 – عـَـرُوب ( بفتح العين وضم الراء ) : متحببة إلي زوجها

الأخيرة دى ولو انى مش متأكد من معناها انما هل هى التى وردت فى سورة الواقعة: "عربا أترابا لأصحاب اليمين"

اللهم اجعلنا جميعا منهم

أظن مافيش اسهل من كده

[Lighthouse]

الإخوة والأخوات أسعد الله اوقاتكم بكل الخير :P

استعنا على الشقا بالله :o

تركتم عدة ساعات وعدت لأجد ان الاستاذ كفاية قام بالواجب وزيادة smk: وتم التعاقد على الدروس ومجموعات التقوية وماشية معاه آخر جمال f((:

ماعلينا

نلتقي مع اجابات اسئلة الأمس وكما اتفقنا اذا كانت هناك اسئلة او تعقيبات سأضع الاجابات على هذه الاسئلة بعد نهاية هذه المجموعة .

وفقنا الله وإياكم لما فيه الخير :o

1 – مـُـسـْـقـِـط ( بضم الميم وسكون السين وكسر القاف ) : التي تضع وليدها بغير تمام , فهو سـِـقـْـط .

أما المـِـقـْـلات : التي لايعيش لها ولد .

2 - داجـِـن ( بكسر الجيم ) : أليفة البيوت .

3 – عاطـِـل : لاتضع حلياً . ويُقال لها ايضاً العـُـطـُـل . أما العـَـيـْـطـَـل : فهي الطويلة العنق في حسن .

4 – شـَـكور : كثيرة الشكر .

5 – عـَـرُوب ( بفتح العين وضم الراء ) : متحببة إلي زوجها .

فمن لسان العرب

العَربةُ و العَروبُ كلتاهما المرأة الضَّحَّاكة ؛ وقيل : هي المتَحَبِّبَّةُ إلى زوجها ، المُظهرة له ذلك ؛ وبذلك فُسر قولهُتعالى " عُرُبًا أَتْرَابًا " ؛ وقيل : هي العاشقة له . وفي حديث عائشة : فاقْدُروُا قَدْر الجارية العَرِبة ؛ قال ابن الأثير : هي الحَريصة على اللَّهو ؛ فأما العُرُبُ : فجمع عَروبٍ وهي المرأة الحسْناء المتحببة إلى زوجها ؛ وقيل : العُرُبُ الغَنجاتُ ؛ وقيل : المُغْتلمات ؛ وقيل : العواشِقُ

وحتى يتم التصحيح وبعزقة الدرجات ( سامعني ياكفاية :rolleyes: ) نلتقي مع اسئلة جديدة ;)

وكل دروس خصوصية ومجموعات تقوية وأنتم بخير

mf(

[Lighthouse]

الإخوة والأخوات حياكم الله :o

نستكمل معاً سلسلة الاسماء والصفات المؤنثة التي لاتنتهي بعلامات الـتأنيث المعروفة .

1 – بـِـكـْر : عزيزة – عذراء – مسنة – طفلة .

2 – عانس : كبيرة غير متزوجة – قاسية – معلمة – عنيدة .

3 – نـَـزُر ( بفتخ النون وضم الراء ) : بخيلة – متكتمة – هزيلة – قليلة الولد .

4 – غـِـرّ ( بكسر الغين وشد الراء ) : حسناء – غيور – شابة لم تجرب الأمور – مغرورة .

5 – عاقر : مريضة – خرساء – لاتلد – ضامر البطن .

مع أطيب التمنيات بحظ سعيد واستفادة دائمة ;)

واياكم حد يقول الاسئلة صعبة :rolleyes:

:o mf( :P

[kfaya]

مساء الخير تلاميذى الأعزاء ...

لما ألحق أعلق النتيجة قبل ما حد يجاوب الأمتحان الجديد .... العالم دى بقوا كلهم أمواس , و بيموتوا فى اللغة العربية ...

لم يرسب أحد ..... :o

مسلمة = 6/10 ..... شكور بالكريمة ده طعمة يجنن ... :P

كفاية = 8/10 ..... مش بطال ..

أفيونه = 6/10 ....

ساد = 6/10 ........ داجن = سمينة .... برضو كدا يا ساد !! :rolleyes:

المفتكس = 8/10 ......... " كلمت مسلمة و لا لسة ؟؟؟؟ :o .."

أمير = 6/10 ............. مش هتشوف ولا جمباراية تانى ..

فيروز = 10 /10 ...... الأولى مع كيلو جمبرى + مرتبه + ناموسيه ... شوفتى يا بنتى , من أول حصة النتيجة بانت على طول .... ايه رأيك يا مسلمة ؟؟؟؟

سيلفر = 8/10 .....

هومر = 8/10 .......... كفاياك غياب بقى .. السنة خلصت ax:

الشكر موصول و ممدود للفاضلة لايت على تلك الوجبة اللغوية الدسمة .... و مجموعة الأصدقاء الرائعة .. mf(

[sad_swing2000]

1 – بـِـكـْر : عذراء.

2 – عانس : كبيرة غير متزوجة . (مش عارف ليه حاسس إن السؤال ده خدعة)

3 – نـَـزُر ( بفتخ النون وضم الراء ) : قليلة الولد . :rolleyes: دي مش نافع فيها أي استنتاج

4 – غـِـرّ ( بكسر الغين وشد الراء ) : شابة لم تجرب الأمور. (أعتقد الغر صفة لمن يسهل خداعه - مش كده با لايت !!!!)

5 – عاقر : لاتلد.

داجن = سمينة .... برضو كدا يا ساد !!

معلش يا أستاذ كفاية ، أصل أنا ساعتها كنت جعان ، و الفراخ هي اللي جت في بالي :o

[kfaya]

شوية أحصائيات تساعدنا فى معرفة قدراتنا ... و مصادفات تظهر تطابق التفكير و الأستنتاج لحد بعيد ... و ذلك بعد تحليل لنتيجة أمتحان الأمس :

عدد الأجابات = 9

أجابه واحدة حصلت على الدرجة النهائية = فيروز.. :rolleyes:

4 اجابات حصلت على 8/10 ( كفاية .. مفتكس .. سلفر .. هومر ..) خطأ واحد مشترك متكرر فى الأربع ورقات ... وهو " عاطل " ...

4 اجابات حصلت عى 6/10 ( مسلمة ..أفيونه ..ساد .. أمير ..) ..... أثنان مشتركان فى نفس الأخطاء و هما أفيونه و أمير .... و الخطأ فى " عاطل و عروب " ......

مسلمة و ساد .. أشتركا فى خطأ واحد هو " عاطل " .... بينما انفرد ساد بخطأ فى كلمة " داجن " و مسلمة فى " شكور " ....

أرجو أن اسهمت فى توضيح الأجابات بصورة أكثر ......

[SilverSwan]

1 – بـِـكـْر : عزيزة – عذراء – مسنة – طفلة .

2 – عانس : كبيرة غير متزوجة – قاسية – معلمة – عنيدة .

و اعرف انهاتتقال للمذكر و المؤنث كمان

3 – نـَـزُر ( بفتخ النون وضم الراء ) : بخيلة – متكتمة – هزيلة – قليلة الولد .

هوه الاكيد ان الشئ النزر هو الشئ القليل ..

4 – غـِـرّ ( بكسر الغين وشد الراء ) : حسناء – غيور – شابة لم تجرب الأمور – مغرورة .

كان في قصيده ايام ثانوي مش فاكره لمين كان بيوصف جارته و يقول : غراء فرعاء مصقول عوارضها .. تمشي الهوينى كما يمشي الوجي الوحل .. :rolleyes:

5 – عاقر : مريضة – خرساء – لاتلد – ضامر البطن .

[kfaya]

اقتباس : سلفر كتبت

دي الاحصائيات ولا فضايح ..

طبعا أحصائيات ... و هى دى اللى تخلينا نعرف احنا فين .... و لازم نروح عند مين ناخد دروس .. :rolleyes: ..

أستكمالا للأحصائيات اللذيذة ....

اجمالى عدد الأخطاء أمس = 12 ... خطأ

8 منهم فى كلمة واحدة ( جميع الطلاب مشتركين فيها وهى ..... " عاطل " )

2 عروب

1 شكور

1 داجن

_______

12 خطأ الأجمالى

ملحوظة أخرى .....

لم يخطأ ولا واحد فى كلمة .... " مسقط "

كفايه كدا عنيا وجعتنى ...... عايز أوفر تايم على الخدمات الأوفر دى يا ميس ...

[moslema salafeya]

دي الاحصائيات ولا فضايح .. 

أنا مع سيلفر إنها فعلا فضايح يا أستاذ كفاية

وبعدين يا كفاية إنت مبتيأسش من موضوع الدروس برضه :o والمفتكس لغاية دلوقتى لم يجرأ أنه يقول لى على الحكاية دى

ودلوقتى نشوف الفضايح الجديدة...... :P ..أقصد حل المسابقة الجديدة:

1 – بـِـكـْر : عذراء

2 – عانس : كبيرة غير متزوجة

3 – نـَـزُر ( بفتخ النون وضم الراء ) : قليلة الولد :rolleyes: :o mf(

4 – غـِـرّ ( بكسر الغين وشد الراء ) : شابة لم تجرب الأمور

5 – عاقر : لاتلد