مسابقة لغوية

[Lighthouse]

إخوتي الاعزاء أخواتي العزيزات حياكم الله :P

هاقد عدنا للاسئلة الجديدة وارجو الا تكون صعبة وتروحوا تشتكوني في المنطقة التعليمية :P

1 - خفيف اليد : فقير – كريم – سارق – بخيل .

2 – إمرأة سلة : ذهبت اسنانها – مبذرة – ثرثارة – تقية .

3 – الضلال بن التلال : مجهول النسب – قروي – مجرم فار – جرذ .

4 – باب الأبواب : مدخل المدينة – بحر – مقدمة الكتاب – التوبة .

5 – حـَـتـْـفَ ( بفتح الحاء والفاء وسكون التاء ) انفه : مرغماً – في غيابه – متردداً – موت ربه .

أظن مافيش اسهل من كده ومافيش حجج :)

والغش ممنوع md2:

مع أطيب التمنيات بحظ سعيد واستفادة دائمة :P

:D :D :P

[G.G]

يلا أما أجرب حظي الليلة دي :) (مع أني عارفاه كويس!)

1 - خفيف اليد : فقير – كريم – سارق – بخيل .

(دي سهلة بجد)

2 – إمرأة سلة : ذهبت اسنانها – مبذرة – ثرثارة – تقية .(يعني ماسكة باسكت في السوبر ماركت ,تبقى أيه؟؟ مبذرة طبعا!!)

3 – الضلال بن التلال : مجهول النسب – قروي – مجرم فار – جرذ .(هو جرذ يبقى زوج الجراذة؟ md2: )

4 – باب الأبواب : مدخل المدينة – بحر – مقدمة الكتاب – التوبة .(سهلة برده!)

5 – حـَـتـْـفَ ( بفتح الحاء والفاء وسكون التاء ) انفه : مرغماً – في غيابه – متردداً – موت ربه .(قياسا أن أنف هو سيد القوم يبقى حتف أنفه = موت ربه ,,صواب أم جانبني الصواب ax: ؟)

[kfaya]

نمر التلامذة ...... يالااااااا

نتيجة متوسطة زى امبارح ...مفيش فول ماركات و لا أصفار ....

فيروز = 6/10 ..... انا عارف انك بتموتى فى الرقم ده :D

مسلمة = 4/10 ..... كويس يا مسلمة , احسن من امبارح ... كلمتى حامو ؟؟؟

المفتكس = 4/10 .... قلت لك مش هتلاقى افوكاتو غير فى سوق العبور .. أدى أخرة الجوافة :)

ساد = 2/10 ..... فى ايه يا ابنى ؟؟؟ حسدوك !!! شد شوية و انا جاهز فى اى وقت :P

أمير الأمراء = 8/10 .... الأول مع بطانية نمر

افيونه = 6/10 ... ابعد عن احمد و انت ترجع لمستواك بتاع زمان

هومير = 8/10 .... قشطة يا مان ...ز تحب بطانية و لا جمبرى ؟؟؟ :D

سى لا صول = 4/10 ... طلعى ترابيزة السفرة و جهزى البفتيك و العدس .. مفيش وقت السنة خلصت md2:

احمد باشا = 4/10 .... ادى أخرت الغايب و التنطيط بالعربيات .... مش عيزلك كام حصة ؟؟ اسأل بابا كدا ؟؟

كفاية = 8/10 .... دوخت على مالقيتلك الأفوكاتو ده ... فييين فى سوق باب اللوق .. الف هنا و شفا ..

محدش شاف سيلفر يا ولاد ؟؟؟ اللى يعرف بيتها يعدى يطل عليها ؟؟ اكيد اتعدت من الميس .. أنا قلتلها بلاش حد يروح مفيش فايده ....

[SilverSwan]

انتوا بتفتحوا الفصل من ورايا ؟؟ انا ما حليتش المسايقه اللي فاتت

ايه ده اناعاوزه لجنه خاصه ... md2:

الحق اجاوب قبل ما تزوغوا بالاجابات ..

( الحمد لله اني ما جاوبتش .. كنت هاخد 6/10 تاني )

1 - خفيف اليد : فقير – كريم – سارق – بخيل .

2 – إمرأة سلة : ذهبت اسنانها – مبذرة – ثرثارة – تقية .

لتل طبعا بألّف اوعى حد يغش مني.. انا اخترتها علشان محدش هيختارها :D

3 – الضلال بن التلال : مجهول النسب – قروي – مجرم فار – جرذ .

بماانها تلال يبقى زي مطاريد الجبل كده .. :)

4 – باب الأبواب : مدخل المدينة – بحر – مقدمة الكتاب – التوبة .

5 – حـَـتـْـفَ ( بفتح الحاء والفاء وسكون التاء ) انفه : مرغماً – في غيابه – متردداً – موت ربه .

هوه انا اعرف ان فلان لاقى ختفه يعني مات ..

يا بخته ع الاقل مات و ارتاح بدل ذل الستات من عشره

:D

[kfaya]

النهاردة هجاوب بطريقة مختلفه ..

يعنى مش هجاوب عشان أنجح ....

لأ ..... عشان المنطق بيقول كدا بصرف النظر عن قواع اللغه و رأى الميس ..

1 - خفيف اليد : فقير – كريم – سارق – بخيل .

عشان يده خفيفه صعودا و نزولا الى جيبه يدفع للفقراء و المساكين ...

2 – إمرأة سلة : ذهبت اسنانها – مبذرة – ثرثارة – تقية .

و دى تتماشى مع المثل القائل فى الوش مراية و فى الظهر سلايه

3 – الضلال بن التلال : مجهول النسب – قروي – مجرم فار – جرذ .

مجهول النسب بحكم أن أمه حملت فيه سفاحا بين التلال وهو فى ضلال

4 – باب الأبواب : مدخل المدينة – بحر – مقدمة الكتاب – التوبة .

بحكم أنه الباب ( أو الفهرس بلغتنا الأن ) الذى يصف أين توجد محتويات الكتاب

5 – حـَـتـْـفَ ( بفتح الحاء والفاء وسكون التاء ) انفه : مرغماً – في غيابه – متردداً – موت ربه

زى مثلا ... كسرنا أنفه ... أجبرناه .... أرغمناه ..

يا جماعة أنا مستوايا بيرتفع بدرجة كبيرة جدا ..... امبارح جايب أعلى درجة... و النهاردة حاساس انى هاخد " البطانية "...

طريقة تفكيرى فى السؤال و البحث فى خبايا الكلمة تطورت لدى جدا .. بالعربى كدا عرفت التكنيك بيمشى ازاى ...

لو جبت النهاردة عشرة من عشرة .... هاخد حامو و نروح نفتح لنا مسابقة فى حته تانية .... أنا احط الأسئلة .. و حامو يصحح و يدى دروس و يلم الغله ...

[hamo90]

4/10 مش وحشين برده بس أعتقد لوح الزنك لسع عند الاجابات بتاعتي لان 4 دي ما شوفتهاش من فترة طويلة :blink:

-------------------------------

الاجابات :-

خفيف اليد : كريم .

– إمرأة سلة : ذهبت اسنانها .

– الضلال بن التلال : مجرم فار.

– باب الأبواب : التوبة .

– حـَـتـْـفَ ( بفتح الحاء والفاء وسكون التاء ) انفه : مرغماً .

" يا قوم المسابقات , ويا أهل المنتديات , أنظروا ماذا أنتم فاعلون فقد زادت الافتكاسات "

من خطبة حمو بن عطاء التي تجنب فيها النطق بالراء .....والخاء والعين ...........و كده يعني mc:

حمو

[amir]

أمير الأمراء = 8/10 .... الأول مع بطانية نمر

متشكرين و ممنونين

الله يدفى قلبك زى ما دفيت البردانيين

1- خفيف اليد : سارق .

2 – إمرأة سلة : ذهبت اسنانها .

3 – الضلال بن التلال : مجرم فار .

4 – باب الأبواب : مقدمة الكتاب .

5 – حـَـتـْـفَ ( بفتح الحاء والفاء وسكون التاء ) انفه : مرغماً .

[egyptforever]

انا اول مره ادخل المسابقه ( مقدمه لابد منها علشان الواسطه في التصحيح )

خفيف اليد : كريم

امراه سله : ذهبت اسنانها .

الضلال بن التلال : مجهول النسب

باب الابواب : مقدمه الكتاب

حتف انفه : موتت ربه

يا ريت لو صفر تقولي ذيع اقولك ما تذيعش

[فــيــروز]

خفيف اليد : بخيل

ولو ان نفسى تنازعنى اكتبها سارق ;)

إمرأة سلة : ذهبت اسنانها

فين التشكيل يا لايت؟ لا تفرق اوى انتى بتكلمى ناس فاهمه

الضلال بن التلال : مجرم فار

فيه ناس بيقولوا القط الاسود .. وناس تقول البرادعى :o

باب الأبواب : مقدمة الكتاب :blink:

حـَـتـْـفَ ( بفتح الحاء والفاء وسكون التاء ) انفه : مرغماً mc:

[sad_swing2000]

1 - خفيف اليد : سارق .

2 – إمرأة سلة : ذهبت اسنانها .

3 – الضلال بن التلال : مجرم فار .

4 – باب الأبواب : مقدمة الكتاب .

5 – حـَـتـْـفَ ( بفتح الحاء والفاء وسكون التاء ) انفه : مرغماً .

[homer]

1 - خفيف اليد : فقير

2 – إمرأة سلة : مبذرة

3 – الضلال بن التلال : مجرم فار

4 – باب الأبواب : مقدمة الكتاب.

5 – حـَـتـْـفَ ( بفتح الحاء والفاء وسكون التاء ) انفه : مرغماً

[Ahmed Mohsen]

عقلي الباطن بيقولي

يا واد يا حمادة شوف مصلحتك فين .... لما سبت الأستاذ كفاية ورحت علي ميس لايت جبت الصفر المتين .... ولما عملت فيها عنتر وقلت لا دروس بعد اليوم، جبت 4/10 .... يعني برضه ساقط ... أحسنلك تجر ناعم مع الأستاذ كفاية علي الأقل كنت بتنجح معاه .... أينعم هوه طالع واكل نازل واكل ... إيشي عزومات علي عربيات علي فاكهة .... بس ياللا بقي ... من طلب العلا دفع الغالي

بناءا علي تعليمات وتوجيهات المعلم الكفء والمدرس العلامة والأستاذ الألمعي "كفاية" ، واتباعا لطريقة سيادته في التفكير والتي تتسم بالمنطقية والعقلانية ........

أقدم لكم إجاباتي النموذجية والتي تشهد علي دروس أستاذي العبقرية :

1 - خفيف اليد : فقير – كريم – سارق – بخيل .

2 – إمرأة سلة : ذهبت اسنانها – مبذرة – ثرثارة – تقية .

3 – الضلال بن التلال : مجهول النسب – قروي – مجرم فار – جرذ .

4 – باب الأبواب : مدخل المدينة – بحر – مقدمة الكتاب – التوبة .

5 – حـَـتـْـفَ ( بفتح الحاء والفاء وسكون التاء ) انفه : مرغما – في غيابه – متردداً – موت ربه

تم تعديل 28 نوفمبر 2004 بواسطة Ahmed Mohsen

[moslema salafeya]

1 - خفيف اليد : فقير

2 – إمرأة سلة : ذهبت أسنانها .

3 – الضلال بن التلال : مجهول النسب

4 – باب الأبواب : التوبة .

5 – حـَـتـْـفَ ( بفتح الحاء والفاء وسكون التاء ) انفه : مرغما

أنا خلاص جالى إكتئاب taz:: cbyb: taz:: cbyb: taz:: cbyb:

تم تعديل 28 نوفمبر 2004 بواسطة moslema salafeya

[Lighthouse]

الإخوة الأعزاء الأخوات العزيزات أسعد الله اوقاتكم بكل الخير :P

نلتقي الآن مع اجابات اسئلة الامس واعتذر للتأخير :D

1 - خفيف اليد : سارق . تٌقال ايضاً للسريع في العمل . خفيف العقل : أحمق .

2 – إمرأة سلة : ذهبت اسنانها .

3 – الضلال بن التلال : مجهول النسب .

4 – باب الأبواب : التوبة عند الصوفية لانها أول مايدخل به العبد حضرة الله .

5 – حـَـتـْـفَ ( بفتح الحاء والفاء وسكون التاء ) انفه : موت ربه أي مات موتاً طبيعياً , اي بالأنفاس التي خرجت من انفه عند نزوع الروح لادفعة واحدة .

واعتذر اذا كنتم انتظرتم كثيرا

معلش بقى النت بطئ جدا rs:

وحتى يتم التصحيح ورصد الدرجات نلتقي مع اسئلة جديدة ;)

:) :) :P

[Lighthouse]

إخوتي الأعزاء أخواتي العزيزات حياكم الله :D

هاقد عدت بالأسئلة الجديدة وربنا يستر انا مش حمل خبطة :)

1 – حطام الدنيا : نوائب – ثياب بالية – مال – حثالة القوم .

2 – ذو العـُـيينتين : حسود – زوج إمرأتين – حكيم – جاسوس .

3 – اليد البيضاء : الزارع – النعمة والقدرة – السلام – الراية .

4 – ابو سنيع : خبز – رجل وسيم – طائر – حطاب .

5 – الأسماء الحسنى : أسماء الله – أسماء الرسل – الملائكة – علية القوم .

أظن بقى الاسئلة سهلة rs:

مافيش حجج ;)

مع اطيب التمنيات بحظ سعيد واستفادة دائمة :)

:) :P :P

[hamo90]

يا ميس ................... يا ميس

ممكن حضرتك تخلي نص الاسئلة مفتكس والنص التاني يعني يبقي صعب بس :blink:

( أعتق طبعا أن الرد هيكون مش بالكلام كالعادة هيكون بال..... :blink: )

--------------------------

الاجابات :-

– حطام الدنيا : ثياب بالية .

– ذو العـُـيينتين : زوج إمرأتين .

– اليد البيضاء : السلام .

– ابو سنيع : طائر . ( مش ده برده أخو أبو سريع :blink: )

– الأسماء الحسنى : أسماء الله .

ويا رب أجيب درجة عدلة

مش هأكلم عن الافتكاسات بالعند في نفسي

حمو

[c'est la vie]

1– حطام الدنيا : نوائب .

2 – ذو العـُـيينتين : زوج إمرأتين .

3 – اليد البيضاء : النعمة والقدرة (كنت دايماً اسمع " زايد اليد البيضاء") .

4 – ابو سنيع : طائر (واعتقد ان سنيم تعنى ذو قدر عالي بس سنيع اول مرة اسمعها)) .

5 – الأسماء الحسنى : أسماء الله .

~~~

وطلعت ترابيزة السفرة ال4 كرسي وأمرى لله..

تم تعديل 29 نوفمبر 2004 بواسطة c'est la vie

[amir]

1 – حطام الدنيا : مال .

2 – ذو العـُـيينتين : زوج إمرأتين. ... ( يمكن )

3 – اليد البيضاء : السلام .

4 – ابو سنيع : طائر . .... ( انا اعرف ابو سريع .. ينفع ؟ )

5 – الأسماء الحسنى : أسماء الله .

[فــيــروز]

حرام عليكى يا لايت

طيب سهلى الاسئله مره عشان ترفعى معنوياتنا

حطام الدنيا : مال

ذو العـُـيينتين : زوج إمرأتين

اليد البيضاء : النعمة والقدرة

ابو سنيع : طائر

"هو ده اللى اصلا اسمه ابو سريع وانتى بسبب الزكام بتقوليها كده؟"

الأسماء الحسنى : أسماء الله

[egyptforever]

حطام الدنيا : مال

ذو العيينتين : زوج الاثنين

اليد البيضاء : النعمه و القدره

ابو سنيع : طائر ( قلبي بيقولي هيطلع رجل وسيم )

الاسماء الحسنى : اسماء الله

الحمد لله ضامن على الاقل 2/10

فين حل اللي فات والا اكون جبت صفر / 10