مسابقة لغوية

[bentmasria]

بَــهــيــم : اسوّد – حيوان برّي – اصبع – غير واضح .

2 – اكــبّ : قرأ بسرعة – اراق – اصابته نكبة – لزم .

3 – خطير : ذو خطر – مهم – زيت جديد – مميت .

4 – افرغ : صب – اخلى – افشى سراً – تقيأ .

5 – نوال : اخـْـذ – حكمة وتعقل – حياكة – عطاء .

[hamo90]

هامو = 6 /10 .... ( هايل يا هامو .... ألف مبروك .... للأهلى  stnd::  )

الف شكر يا باشا

والحمد لله مفيش كلمة راسب

-----------------------------

الاجوبة :

- بَــهــيــم : اسود

- اكــبّ : لزم

- خطير : مهم

- افرغ :اخلى

- نوال : حكمة وتعقل

وربنا يسهل

بس بصراحة الاسئلة غلسة جدا انهارده الواحد دماغه لفت :angry:

حمو

[sad_swing2000]

استعنا على الشقا بالله .... ناولنى يا ابنى ورق الأجابات و النضارة ....  :angry:

ساد = 8 /10 ...... ( جيد جدا مع مرتبة الشرف الثانية .. الوحيد اللى عرف ان معنى شاطر = ذو دهاء )  stnd::

الله يبارك فيك و يرفع معنوياتك يا سيدي......

بس ده مايمنعش إن إنت المنافس بتاعي دلوقت ، مع الاعتذار للإخوة و الأخوات

استعنا ع الشقا بالله ، أسئلة النهاردة صعبة جدا...

1 – بَــهــيــم : اسوّد.

2 – اكــبّ : لزم.

3 – خطير : مهم.

4 – افرغ : صب.

5 – نوال : عطاء .

[فــيــروز]

بهيم : اسود

اكب : قرا بسرعه

خطير : مميت

افرغ : اخلى

نوال ابو الفتوح : اخذ

كفايه .. ما تبحبح ايدك شويه فى الدرجات :angry:

[amir]

بَــهــيــم : اسوّد

2 – اكــبّ : لزم .

3 – خطير : مميت .

4 – افرغ : افشى سراً .

5 – نوال : حياكة

الاستاذ المصصح kfaya

ما سبق كان الاجابات المتوقع ان تكون صحيحه

اما الاجابات الصحيحه فهى :

بَــهــيــم : حيوان

2 – اكــبّ : سؤال بمعنى " هل ارمى " و فى قول اخر فلان " كب " زميله علان يعنى طنشه

3 – خطير : مهم .

4 – افرغ : تقيأ .

5 – نوال : جارتنا

تقدر انت تضم الاجابتين مع بعض و تختار اللى يعجبك بشرط الا تقل الدرجه عن 10/ 10

[Lighthouse]

الإخوة والأخوات حياكم الله :D

ارى ان الشكوى من صعوبة الاسئلة قد زادت brth)

ايه الحكاية ياشباب lo::

امال لو كنت حطيت اسئلة صعبة حقيقي كان حصل ايه rs:

انا شايفة بقى انكم تتوكلوا على الله وتاخدوا دروس خصوصية عندي والدفع باليورو لان الدولار حالته لاتسر عدو ولا حبيب :P

والحقوا نفسكم بقى قبل وقتي مايتحجز lo::

وإليكم اجابات الحلقة السابقة rs:

1 – بَــهــيــم : اسوّد . ليل بهيم اي لاضوء فيه إلى الصباح .

2 – اكــبّ : اقبل ولزم . يُقال اكبّ على العلم وليس انكب عليه .

3 – خطير : مهم او رفيع القَدْر . أما خَطِر : ذو الخطر ( بفتح الخاء وكسر الطاء ) .

4 – افرغ : صب . ( بفتح الصاد والشد على الباء ) يُقال افرغ الماء . أما فرّغ الوعاء اي اخلاه .

5 – نوال : عطاء . يُقال ناله العطية اي اعطاه اياها .

ملحوظة B)

ارجو الا تنسوا يااعزائي اننا بصدد اخطاء شائعة درج الناس على استخدامها بمعان مختلفة تماماً عن معانيها الاصلية .

B)

[Lighthouse]

الإخوة والأخوات اسعد الله اوقاتكم بكل الخير rs:

في هذه السلسلة ننتقل إلي نوع آخر من الاسماء وهي اسماء مذكرة بصيغة مؤنث ( اي تنتهي بنهاية مؤنثة ) . وامام كل كلمة اربع معان , واحد منها صحيح .

وسأكتب التشكيل بين قوسين تسهيلاً عليكم rs:

مع اطيب التمنيات بقضاء وقت سعيد في رحاب لغتنا العربية الجميلة :P

1 – عــلامة ( بشد اللام ) : كثير الانتقاد – شديد الملاحظة – عالم جداً – ســيّد ( بشد الياء ) .

2 – راوية : كــذّاب ( بشد الذال ) – سقّاء ( شد القاف ) – جواد – من يروي الحديث .

3 – ذوّاقــة ( بشد الواو ) : كثير الذوق – شره – طباخ – متكلم بليغ .

4 – رحّــالة ( بشد الحاء ) : صانع سروج – راع ٍ – كثير الترحال – بدوي .

5 – طــاغــيــة : عاشق مشتاق – ظالم – عجوز – زوج امرأتين .

حظ سعيد للجميع :D

lo:: lo:: brth)

[kfaya]

نتيجة مسابقة امبارح .... زى ميس لايت ما قالت لكم كدا .. الغرض منها بخلاف الجوايز و الفلوس .. هو الأستفادة العلمية عشان نحافظ على لغتنا الجميلة ..

كفاية = 2 /10 ...... مرفود يا كفاية .. انت تصلح الورق و بس .. lo::

بنت مصرية = 6 /10 .... أحسنت يا بيتهوفن lo::

هامو = 6 /10 ...... حافظ على هذا المستوى الرائع ... أشكرك :P

ساد = 10 / 10 .... أمتياز مع مرتبة الشرف الأولى ... توسمت فيك النبوغ من ساعة ما عرفت كلمة " شاطر " brth)

فيروز = 2 / 10 .......... ما تجيش بكرة غير معاكى ولى أمرك rs:

أمير = 4 / 10 ......... بعد ضم الأجابتين مع بعض ... هو ده مستواك ...دى أخرت الواقفة فى البلكونات ومعاكسة بنات الجيران rs:

و بهذه النتيجة نكون وصلنا لنهاية السمستر الأول .... و نشد حيلنا بقى عشان الصعب هو اللى جاى ...

[kfaya]

ايه ده ...... أنا كنت ناوى أكتفى بالتصحيح , أهو بيعمل قرشين مش بطالين لكن أسئلة النهاردة سهلة جدا ...... دى بقى فرصتى عشان أعوض الكحك اللى انا أخدته طول السنة

علامة = عالم جدا

راوية = من يروى الحديث

ذواقة = كثير الذوق

رحالة = كثير الترحال

طاغية = ظالم .. ( زوج مرأتين مش اسمه طاغية ... اسمه .. ذواقة )

هى الأسئلة سهلة كدا لية ؟؟؟؟!!!! كلنا هناخد مراتب النهاردة ..

[sad_swing2000]

ساد = 10 / 10 .... أمتياز مع مرتبة الشرف الأولى ... توسمت فيك النبوغ من ساعة ما عرفت كلمة " شاطر " lo::

يا فندم أخجلتم تواضعنا lo::

1 – عــلامة ( بشد اللام ) : عالم جداً.

2 – راوية : سقّاء ( شد القاف ).

3 – ذوّاقــة ( بشد الواو ) : متكلم بليغ .

4 – رحّــالة ( بشد الحاء ) : كثير الترحال.

5 – طــاغــيــة : ظالم.

واضح إن سكوري المرة دي هيبقى ف الحضيض ، ربنا يستر.

عندي سؤال ل لايت و كفاية ، ممكن نستعين بقواميس !!!

تم تعديل 6 نوفمبر 2004 بواسطة sad_swing2000

[bentmasria]

– عــلامة ( بشد اللام ) : كثير الانتقاد – شديد الملاحظة – عالم جداً – ســيّد ( بشد الياء ) .

2 – راوية : كــذّاب ( بشد الذال ) – سقّاء ( شد القاف ) – جواد – من يروي الحديث .

3 – ذوّاقــة ( بشد الواو ) : كثير الذوق – شره – طباخ – متكلم بليغ .

4 – رحّــالة ( بشد الحاء ) : صانع سروج – راع ٍ – كثير الترحال – بدوي .

5 – طــاغــيــة : عاشق مشتاق – ظالم – عجوز – زوج امرأتين .

[hamo90]

الحمد لله مستوانا ثابت زي الاهلي

بس ربنا يستر من المسابقة والاسماعيلي

----------------------------------

الاجوبة :-

- عــلامة ( بشد اللام ) : كثير الانتقاد ---------> افتكاسة

- راوية : سقاء

- ذوّاقــة ( بشد الواو ) : شره

- رحّــالة ( بشد الحاء ) : كثير الترحال.

- طــاغــيــة : ظالم

ملحوظة :- جوز الاتنين يا قادر يا فاجر - مثل شعبي - مش طاغية

وربنا يكرم

حمو

[amir]

انا حجاوب النهارده مش طمعا فى الدرجات و لكن علشان نفسى احط خط تحت الكلمات زى ما بنت مصريه بتعمل

1 – عــلامة ( بشد اللام ) : عالم جداً

==========

2 – راوية : – سقّاء ( شد القاف )

----------------------------------

3 – ذوّاقــة ( بشد الواو ) : متكلم بليغ .

=======

4 – رحّــالة ( بشد الحاء ) : بدوي .

___________

5 – طــاغــيــة : ظالم

-------

الاسئله بتاعتكم معوجعه علشان كده الخطوط ما طلعتش مظبوطه

[Lighthouse]

إخوتي وأخواتي اسعد الله اوقاتكم بكل الخير

اعتقد ان الاسئلة كانت سهلة وفي مستوى اقل من مستوى الطالب المتوسط ومافيش اي حجة :P

إجابات الامس هي

1 – عــلامة ( بشد اللام ) : العالم جداً . الأعلم : من بشفته العليا شق .

2– راوية : من يروي الحديث او الشعر , والتاء فيها للمبالغة .

3 – ذوّاقــة ( بشد الواو ) : الكثير الذوق والحسن التذوق .

4 – رحّــالة ( بشد الحاء ) : كثير الترحال . والمرحلة : هي المسافة التي يقطعها المسافر في نحو يوم .

5 – طــاغــيــة : ظالم و جبار وعاتي واحمق ومتكبر .

أظن مافيش اسهل من كده ومع ذلك فيه نسبة غياب مرتفعة :D

[Lighthouse]

إخوتي وأخواتي حياكم الله mc(:

إليكم اسئلة اليوم وبالتوفيق mf(

1 – صنيعة : ابن – متصنع متكلف – حرفي – ربيب تابع .

2 - خليفة : جد – قائد – شهيد – من يخلف غيره .

3 – حُجّة ( بضم الحاء وشد الجيم ) : واسع العلم – زعيم – نصير – مبتكر أحاجي .

4 - رهينة : منازع – مقيد – محب للمال – مقامر .

5 – بــحّــاثـة ( بشد الحاء ) : شَــكوك ( بفتح الشين ) – معلِّم ( بشد وكسر اللام ) – كثير البحث - لايعجبه العجب .

مع اطيب التمنيات بحظ سعيد :)

:P :D

[amir]

اخدت المرتبه لتغيب كل الطلاب و حتى المصححين !!

– صنيعة : حرفي .

2 - خليفة : من يخلف غيره .

3 – حُجّة ( بضم الحاء وشد الجيم ) : واسع العلم

4 - رهينة : مقيد .

5 – بــحّــاثـة ( بشد الحاء ) : كثير البحث

ابعتوا المرتبه التانيه بسرعه

[bentmasria]

– صنيعة : ابن – متصنع متكلف – حرفي – ربيب تابع .

2 - خليفة : جد – قائد – شهيد – من يخلف غيره .

3 – حُجّة ( بضم الحاء وشد الجيم ) : واسع العلم – زعيم – نصير – مبتكر أحاجي .

4 - رهينة : منازع – مقيد – محب للمال – مقامر .

5 – بــحّــاثـة ( بشد الحاء ) : شَــكوك ( بفتح الشين ) – معلِّم ( بشد وكسر اللام ) – كثير البحث - لايعجبه العجب

[kfaya]

انتى يا لايت مستعجلة كدا لية ؟؟؟؟ :o

ادينى فرصة أصلح الورق و ارصد النمر و بعدين انتى تحطى الأمتحان الجديد !! :angry:

يالا يا ولاد .... ادى نتيجة امتحان الأمس :

كفاية = 10 /10 ...... ما شاء الله عليك يا ولد .... عفارم .. rs:

ساد = 6 /10 ...... حسدوك يا بنى ...

jmb-)

أم محمد = 8 / 10 ..... احسنت :unsure:

هامو = 4 / 10 ....... ولا يهمك .. أحسن من 4 /2 .. ناجح يا ابنى :P

أمير = 4 /10 ........ أدى أخرت اللى يمشى ورا أم محمد cr((:

شدوا حيلكم شوية يا شباب ..... الأسبوع الجاى عندنا مفتش من الوزارة .. أوعوا تقصروا رقبتى ..... كفاية و ساد .. يقعدوا قدام .... أم محمد تعالى انتى فى النص ... هامو .... خد أمير و أقعدوا فى الألألألألأخر خالص .. :lol:

[kfaya]

الأمتحان النهاردة أسهل من بتاع امبارح ...... اللى خد مرتبة قبل كدا , المرة الجاية هياخد لحاف .... يبقى الأول مع لحاف الشرف ... شدوا حيلكوا يا ولاد .. الشتا على الأبواب ... :unsure:

صنيعة = ربيب تابع

خليفة = من يخلف غيرة

حجة = واسع العلم

رهينة = مقيد

بحاثة = كثير البحث ..( مش مقتنع بيها قوى الكلمة دى .... فى حاجة أسمها بحاثة ؟؟؟!!! ) ... انتى بتجيبى الأسئلة دى منين ؟؟؟؟ يعنى بتألفيها و لا بتنقليها ؟؟؟؟ و ازاى ممكن تكون بحاثة = لا يعجبة العجب .... :angry:

[sad_swing2000]

المسابقة ياعزيزي الغرض منها قياس المعلومات الموجودة لديك

وليس الموجودة بالقواميس  cr((:

يا فندم السؤال ده كان استنكاري لصعوبة الأسئلة jmb-)

كل المشكلة إني نسيت أحط أيكون مناسبة

بس أعتقد إنه من البدهي - و يُقال خطأ (بديهي) - إن الأسئلة مش عشان نجاوب من القاموس ، و إلا لو كانت دي نتايجنا من القاموس تبقى مصيبة :angry:

عموما ، جزاك الله عنا خيرا ، و اسمحولي يا جماعة أعترف إن بعض الإجابات كانت بالإحساس. يعني الموضوع كان حاسة ساسة :unsure: ، بس شاطر دي أعرفها من زمان - واخد بالك يا كفاية :lol:

نرجع لأسئلة اليوم

1 – صنيعة : ربيب تابع .

2 - خليفة : من يخلف غيره .

3 – حُجّة ( بضم الحاء وشد الجيم ) : واسع العلم.

4 - رهينة : مقيد.

5 – بــحّــاثـة ( بشد الحاء ) : شَــكوك ( بفتح الشين ).